第四章 常見語法病句
〔※ 本書第四、第五章，用台語文書寫，各位先進可參考相關書冊，本書與官版漢字八九成相同，另一成多因在音義矛盾，需忍痛修正，如「一陣人，一陣風」需修正為「一陣人，一瞬風」以方便閱讀〕
280 「斬zam4」佮「摲zam6」無仝款
台語e「斬，摲」噯分清楚，內容無仝款。
(一) 斬，音zam4，著是「一刀大力斬落」，斬豬腳，斬大骨。
(二) 摲，音zam6，著是「碎刀細切」，摲豬菜，摲蒜蓉。
（例）透早去菜市仔行行e，看著肉砧e司傅咧斬豬腳，大力斬落，一刀一塊去，腳手真好，另外隔壁餐廳總舖司咧摲蔥頭幼仔，梏梏梏，一堆幼綿綿。
281 霜仔水
辣昊艱苦，逐傢愛飲「冰水（華語），koli水（日語）」，即款e講法無妥當，上介鄉土e講法是「霜仔水」，即个佇日本話佮北京話e侵入以上，漸漸落坑衰敗，逐傢噯，認真給挽救，台灣也叨「地處熱帶」，上冷e時瞬干礁草霜爾爾，真罕咧看冰角，所以講七、八月搪燒辣e時瞬，去飲一杯涼兮，噯講「頭傢！來一碗 霜仔水」才著。
282 慪 , 漚 e 差別
台語詞「慪步，慪貨；漚肥，漚鹹菜」噯兮清楚。
(一) 慪，音au3，惡質，不良品，如慪步，一般報紙寫「奧步」有錯誤「奧步」是「深奧的步數」，是困難步，唸rbo46。兩者毋倘肖濫才好，另外台諺「欲食硞硞綴（de/due3），食了嫌慪貨」其中慪貨叨是不良品。
(二) 漚，音au，是「浸泡發酵或變化」e意思，咱庄腳所在阿婆仔迭迭咧「漚醬鹹」，安呢大缶細矸曝歸埕，另外有漚大肥，漚鹹菜e稱呼。
283 烏龜 噯叫 「水龜」
國語e「烏龜」，台語袂凍直接請「龜」，噯講「水龜」才是正確，因為伊生長佇水內（兩棲類），一定噯加一字「水」才好勢，也叨台語e”龜”有真贅意思。
284 台語其他e”龜”字
台語e龜字，真贅款意思，噯注意(1)水龟(2)金龜，一款迭迭佇構樹頂e昆蟲，(3)米龜仔蟲，佇米甕內底e細尾蟲，(4)麵龜，用麵粉做成e紅色祭品，(5)墓龜，墓主體凸出的半圓狀物，(6)××龜，嘛叫「××舅」，是「模仿、近親」e意思，例如”塗豆龜”是外型親象塗豆，毋閣本身毋是塗豆，佇石碇e所在，有地名叫耳空龜，因為伊e山形真親象耳空。
285 石頭 佮 石頭仔
(一) 石頭，ziotau32，是一个範圍較闊e中性名詞，伊包含大塊石頭，中塊石頭，幼石頭。
(二) 石頭仔，ziotauah325，專門用佇”幼石頭，細粒石頭”，一般”細粒石頭”實用石頭仔，比較確定安呢甡。
(三) 石索仔，ziosrah325，專門用佇砌厝用e碎石堆，由大塊石頭爆烈抑是溪邊沙石採收來e。
286 金龟遨 ( qr2 )
“自行旋轉”e詞類，佇國語內底真尐，台語「金龟遨gimguqr662」即个詞真逗搭真合原意，嘛臹有鄉土氣味，希望各位好朋友多多利用，多多推廣。
金龟，大約1.5～2cm長度e昆蟲，吓飛來飛去，伊有一个特性，佇睏坦尺（仰睡伏），四肢向昊e時瞬，吓自行快速360°踅圓箍仔，一秒大約7～8轉，真正趣味。
287 頭毛，頭鬃 噯分別
寫文章時，佇國語中，無論長短形狀，攏以「頭髮」一詞帶過，毋閣佇台語噹中，分卡幼秀，噯張弛。
(一) 頭毛，tauvng／taumo，長度卡短，無法度縛成一束e毛髮，大部分用佇查甫人。
(二) 頭鬃：tauzang31，長度卡長，有規篰，噲凍縛做一束，大部分用佇婦女。
288 「阮阿母」 袂使寫做 「阮e阿母」
佇台語文法內底，對上親近e人，無用”我e”，噯用”阮”
(一) 袂使用「我e阿母，阮e阿母」，正確是「阮阿母，阮阿俍」。
(二) 袂使用「我e牽手，阮e牽手」，正確是「阮牽手，阮牽兮」。
〔如果寫「我e牽手」，嘛無算大錯誤，毋閣伊毋是「正式妻子」，可能是「逗陣兮，猶未娶入門，一般女朋友」爾爾，有差一喟〕。
(三)阿明帶公司同事回家吃飯，如果說「這阮同事，這阮同兮」指真親近好朋友，如果說「這我e同事，這我e朋友」指一般「乏乏之交」普通朋友爾。
289 台語 「卵 佮 蛋」 無仝款
台語大儒吳國安教授有言，台語 卵佮蛋，即二字佮國語e意思 , 拄好倒翩，真正心適，所以寫台語文章噯注意。
(一) 台語 卵，nng6，表示「已經生出外頭的蛋」，毋閣國語e意思，是佇腹堵內e蛋類。
(二) 台語 蛋，dw，表示「猶藏在腹腔內的蛋（黃）」，如「摋雞取卵蛋nngdw，一串好幾顆黃黃的」，毋閣國語e意思，表示「已生出在外頭e蛋」。
290 幾圓，幾箍 ?
買物件「how much？」台語話按怎講？佇茲建議各位幾款講法。
(一) 上介好勢e講是「這噯幾圓ai gui inn」古早台灣人講物件幾圓，真尐講幾箍，即粒金瓜3圓。
(二) 第二好勢是講「這噯幾箍銀」，佮目前社會仝款。
(三) 第三種講法「這噯外贅錢？」一般講法。
291 按怎講，為按怎
有一條台語流行歌叫「為什麼？」，安呢講是無妥當。這是台語文化，去互國語同化e現象，台語why叫「這按怎講 ?」，嘛吓使講「為按怎 ?」，這是真普遍e語詞，無需要閣再解釋。「按怎」嘛有人寫做「安怎」，引用古典孟子言詞，雖然有理，毋閣伊e讀音有大漏洞，「按外贅欲買厝」「按算欲置時開工」……聲音卡準，「安」字變調成第6聲，有點怪怪的。
292 南北音差「袂用咧／即 啦 !」
「這樣是不行的啊」，台語有兩種講法，(一)北部說法「安呢，袂用咧啦」，(二)南部大部分說法「安呢，袂用即（zit5）啦」，即二款講法攏正確，干礁是地方腔口慣習爾爾，嘛卡吓凍表現出鄉土精神，這叨是台灣話真正心適真好耍e所在安呢！
293 「阮朋友」 佮 「我e朋友」
頭前已經有講過，台語文法對真親近e人，無用「我e」，噯用”阮”，若是汝對台語真正講究來講。「阮朋友」佮「我e朋友」噯矯（iau3）清楚。
(一) 阮朋友，表示真知己真親切e好朋友「忘年之交」。
(二) 我e朋友，干礁一般朋友爾，比較平凡。
若是有人來厝內做客，嗣大人一下聽頂頭e分別，叨知影欲按怎去按內矣！
294 冒仿 , 毋是 仿冒
台語有一寡顛倒字，親象「鬧熱，風颱」，目前已工業社會「冒仿品」真贅，一寡名牌皮包、手錶，迭迭嘛有假e，台語用「冒仿」mohong34，這佮國語「仿冒」用字倒翩，內涵意思仝款！咱做人抑是卡實在卡有長，毋倘做違法e代誌，來卸祖公e面子安呢甡。
295 母親 上好勿叫 媽ma
台語母親叫「阿俍ania，阿母，母仔，niune64，夷仔」儘量勿叫”媽ma4”，台語”媽ma4”是「祖母」e意思，吓亂吓離甲甲，國語”媽”，嘛是五四運動了後，採英文mother來稱呼，尹古早嘛是叫「娘呀娘呀！」
296 有關「台語瀑布」有六詞
台語「瀑布」 e講法，非常e幼秀，毋倘講顛誕去。
(一) 水沖：指一般e瀑布〔zuiciang12〕
(二) 半山泉／水臍：指遠處e瀑布
(三) 天公泉：指峭壁下仰望從天而降之懸瀑
(四) 水幜：小矮瀑，幜是裙子摺階 [ zuiging 14 ]
(五) 水牆仔：人工牆造成瀑布
(六) 水濂洞：瀑布日久浸蝕，變成半圓狀洞，常伴薄形水霧。
297 「仙」 佮 「司sai」有差別
囑語稱呼人名，有「仙」佮「司」e差別，如「元興仙，國安仙，順發仙……」「木火司，清池司，金水司……」它不稱姓，稱”名＋司（仙）“，這是台灣人e習慣。
“仙”是指有學問, 用腦的人，如醫師、教師、相命師、教授、巫師。
“司”是指有特殊技術e人，如木匠、機械師、各種技術人員、廚師、司機……。
佇古早時代，要考取大學很難 , 稱”仙”e人真尐，有學問，互人尊敬; 毋閣現主時，大學升學率九成六，想考不取大學也真難 , 已經無稀罕矣！
298 「撟ciau6 」佮 「摵cek」
(1) 撟ciau2，是”平行移動”e意思，「恁二人去撟一塊桌仔 , 來耍麻雀」「代誌噯矯互伊好勢」。
(2) 摵cek，是”上下移動”e意思，「去食摵仔麵」「雙人e思想摵袂直」，伊有懸低e差別。
撟摵，cuaucek, 叨是「處理代誌」e意思，古早人冤傢，噯聽尾句(一)「恁二人去撟互伊好勢」，是平行移動，無啥乜利害關係。(二)「恁二人去摵互伊好勢」，是懸低弄袂好勢，劍拔弩張，有大拚一場的嚴重勢態！
299 台灣地號名 , 原本三字
台灣e地號名，原本大多數攏是三字，洛尾也，佇1920日本大改地號名，「將三字改二字」，這是真無道德e行為，照講日本人名，四字嘛吓凍改三字啊！
1949國民黨統治台灣了後，又閣改一遍，呾即嗎是去夆人改甲歪篙莿斜，台語原本地名例如：桃仔園（桃園），阿公店（岡山），牛罵頭（清水），鼓亭倉（古亭），圓山仔（圓山），八塊厝（八德），八里坌（八里），三角湧（三峽），五股坑（五股），……若準二字e地號名，攏吓佇字尾，加”仔”變做三字，如石牌仔，灰窯仔……。
300 平平 巷仔內
台語「巷仔內」，引申為「內巷」，閣再引申為「內行」e意思，平平巷仔內，叨是「大家都是內行人，道理一點就通吧！」無象即款近音字，迭迭吓出現，如「汝是幾分e螺絲」是逶國語「你是什麼東西」來兮。
301 元興仙 , 不宜叫 黃醫師
國語e習慣叫「姓」，台語叫「名」，毋閣即嗎受學校教育e影響，有卡亂安呢。
以「黃元興 醫師」來講，照國語e用法是「黃醫師」，照台語e用法是「元興仙」，以科學e角度來分析，台語e講話卡合理，也叨一个大病院內底，姓黃e醫師真贅个，毋閣元興仙 , 干礁一人爾爾，電視有一个廣告，叫一聲「張先生」，歸个工廠走出百外个人。
302 鐵枝路
「鐵路」台語叫「鐵枝路」tigilo 466，由「鐵枝」造成e「路」，合情合理安呢，目前縱貫線由基隆到枋寮，大約450km，另外有北迴鐵路、南迴鐵，攏總1100外公里，咱噯好好利用「鐵枝路」e方便。
303 內湖, 大湖 是「盆地」e意思
台語「湖」字，客語e「湖 ,窩」，佮國語無仝款，伊是「礁湖 ( 乾湖 )」，叨是「盆地」e意思，即款代誌，有時仔吓發生誤會。
「內湖」，着是「內部e盆地」e意思，「大湖」叨是「大e盆地」e意思，也叨台灣e地名，有「湖」e所在真贅，噯注意。另外台語有水的大湖叫「潭」，較小型e水池叫「埤」bi，如將台語「五義埤」改做「情人湖」(基隆) ,安呢是無妥當，尹袂凍了解台語文化e內涵。
304 「孫，姪兒」發音接近
台語e”孫sun，姪兒sun-ah”，發音差不多仝款，是按怎吓安呢？這是台語文化e一个謎，有人講姪兒sun-ah，真可能是平埔族e語言，無疑講伊吓佮台語衝突。
為著區別即个問題，咱有二个解決方式 , (1) 孫仔，永遠只叫”孫”〔sun〕稱，以免誤讀，(2) 「姪兒」永遠叫〔sun-ah〕，安呢才有分別。
305 爐丹 毋是”丹”
「爐丹」是台灣人真正特殊e文化，做囡仔e時代，大部份e人攏有「食」過，伊實際上是家長向廟宇祈求e「香灰」，泡水互囡仔飲落，來祈求身體健康敖讀冊用e，即嗎e人干礁看伊e名稱，吓發生誤解安呢！
(1) 伊雖然是「丹」，毋閣毋是「圓形狀」，伊是粉狀。
(2) 伊來自「香爐」e香灰（麩）。
(3) 伊祈求神明e功力，寄望真深。
(4) 成分是「香灰」，飲落了後對身體是毋是無好？
306 「看醫生」 欲按怎講 ?
有毛病去診所看醫生，台灣話叫做「去互醫生看」「問先生」抑是「問醫生」，佇國語當中用「看醫生」，按怎換台語時變做「問」？這叨是語系文法e無仝款，當時台語透過(1)醫生(2)老師(3)看命仙，攏叫做「先生」，尹是有權有智識e人，逐傢攏真尊重叨著，目前國語教育入來，「先生」滿天飛，任何阿貓阿狗攏合格，看來「先生」可能噯改成「仙生」囉！
307 是「走精」 , 毋是「走鐘」
“事情有所差錯 ” ,有人說「代誌做了無好, 有淡薄仔 「走鐘 」,可能有誤解,應該是「走精」才着 .
做事情有伊e 精緻性 ,有時瞬做了無幼工, 無真滿意 ,這迭迭會碰到, 所以我們寫「走精」 有卡合理 ,另外「走鐘」, 那不過是時間變快慢而已, 意義不明.
308 「薑母鴨」毋是 母鴨
薑母鴨 是台灣所在e特殊料理，(一)伊毋是母鴨，伊噯用鴨角（公鴨）；(二)伊有兩款做法(1)照麻油雞作法，先用麻油爆再加少數薑母和酒去熬，此種做法成本較低（因薑母少），味道較平凡；(2)傳統古代做法，用濃薑母汁（最好用竹節薑，絕不加水）和鴨角共煮3～4小時，讓薑味滲入粗鴨肉；(三)上述第1種麻油雞做法，為何味道不佳？1.薑黃素會溶解在燒酒中，香味馬上降低。2.酒味本身吓搶去薑母香味，滋味變差，這叨是講「新鮮e海鮮」，噯用清炊，袂使用油炸e！
309 囡仔 礁肘(dadiu64)
「小孩子精明幹練，非常聰明」，台語叫做「礁肘」，音dadiu64，即个詞彙漸漸來落坑，有失傳e危險，目前四十歲以下e人，差不多已經斷層矣！囡仔講「礁肘」，伊e作用佮大人e”精明”有一絲仔無仝款，礁肘比較，忠厚性，比較卡無陰險。
「囡仔人真礁肘，早起吓曉煮食，吓曉照顧弟弟妹妹，閣吓曉有孝嗣大人，有影無簡單！」
310 有 制限
「有限制」台語叫做「有制限」，這嘛是顛倒句e冓法，目前歸e社會，迭迭吓柱著仝款e情形。
「阿明啊！錢毋是砂螺仔殼呢！用錢是有制限e，袂使烏白亂用e」以上e「制限」袂凍用「限制」。
311 閩南語 一詞無妥當
台語、福台語、福佬語、鶴佬語、閩南語、福建語，以上攏總有六款講法，尹攏代表Holo話安呢！
以上六名詞噹中，以「閩南語」卡無妥當，也叨(一)閩南若唸Van-nam，奚叨是”蠻南”話，南蠻的話，自然是看輕伊。(二)“閩”字，有一尾蟲爬入門，根本叨是「視人如蟲」。(三)Holo話包含福建南部，粵東地區，海南島溫州，干礁閩南地區e制限無合理。
本書e立場，是以「福台語」卡中性，也叨南洋叫伊「福建話」，若是濫落「台灣話」，叫「福台語」比較尐爭議。
312 pe6車，pe6股票
即二十冬以來，「飆車，飆股」即二个字詞，不時佇報章電視出現，毋閣我有注意著，那兩个詞e台語翻譯，干礁二、三或e人吓正確，其他e人照音翻譯成「biau車，biau股」，( 另有人叫尬車 )實在有譀（ham3）。
正確的台語念法應該是「pe6車，pe6股」，台語對急速行動物件，叫「pe6」，漢字欲按怎寫，另外噯研究這嘛是真要緊e代誌，也叨尹出現e機會真贅安呢。
313 米糕
台語講「米糕」vigr，南北意思無仝，噯稍寡注意。(一)佇北部所在，米糕是「糯米加白糖所成的祭品」，「先拜神再自己吃」真甜真好食，久久食一擺嘛真心適。(二)佇南部所在，米糕，是佮北部「油飯」差不多e食品，無祭神，直接食用，吓使當做日常食品，汝若是寫有關「米糕」e台語文章時，噯稍註明e，才袂誤會。
314 「搬戲，做戲」 , 袂使講 演戲
目前佇電視節目，逶「搬戲」直講「演戲」，這是毋着e代誌，這表示台語文化搪咧受著國語強力e同化，三同二同叨同了了。
國語「演戲」一詞，北部人叫「搬戲」，南部人叫「做戲」，已使用數百年之久，日據時代首都佇台北，以「搬戲」為主。國民政府了放，搬戲、做戲。同時存在「河水不犯井水」，即十外年來，中老年人漸漸凋謝，台語文受到有教育權e國語逼迫，有e人漸漸講「演戲」，無欲講搬戲、做戲矣！
315 「親戚」 毋倘寫做 親情
「親戚五雜」有人寫做「親情五雜」，安呢無妥當啦，「親情」cinzing62，已經是白話字，普通時仔，軼軼用吓著，即嗎閣來當做「親戚」cinzy62，不管音、義攏無仝款，上好毋倘用仝一漢字「情」，卡袂發生問題，依筆者个人e意見，cinzy用「親戚」叨好勢，免閣用其他字，“戚”字無其他e用途，袂引起系統e顛誕。
316 「新婦」 佮 「新婦仔」 音肖近
台語「新婦（sinbu66）」佮「新婦仔（sinbuah625）」是二項無仝款e名詞，噯給分清楚。
(一) 新婦（sinbu），是「媳婦」e意思，為著驚誤解，有e人寫「新媳」，安呢嘛無妥當。
(二) 新婦仔（sinbuah），是舊時代五六十冬前e「童養媳」，日後宛那噯做「新婦」，毋閣目前卡尐，叫「新婦仔」。
317 青紅燈
逶小學e教育開始，「走路過紅綠燈」是一款真平常e教育，毋閣佇細漢e時瞬，叨知影國語台語之間有無仝款，台語e「紅綠燈」是「倒裝句」噯叫做「青紅燈」才正確，彼个時代（四十、五十年前）文夏一條流行歌「紅燈、青燈」炒熱青紅燈e長短，互社會真好e教育題材。
318 有關 「西北雨」
西北雨，來亦緊，去亦緊，軼軼五分鐘十分鐘叨輸贏，毋閣是按怎叫伊「西北」？這是真贅人攏算袂曉e代誌，伊咁有啥乜神奇e含意是毋？
西北雨佇泰國、菲律賓嘛真流行，有人講「西北風」是「Siapa雨」e轉變語，siapa是台語「很乾脆」來去快速而清晰，無拖沙，嘛是有道理。( 國安仙提供 )
319 椅桌 僎几塊
有喜事e時瞬，軼軼噯辦請人客，注意，國語中e「桌椅」，佇台語噹中噯倒翻叫「椅桌」（yidr15）這是基本e文法，嘛無啥道理。
「阿明啊！後月日嬰仔渡晬，請人客e代誌咁僎好勢矣來？祧仔內（親友）算算e，椅桌噯僎互伊有夠！」
320 「風颱」e學問
民國91年「納莉風颱」互台北淹水淹甲真悽慘，連台北捷運站四層地下樓完全浸水，互世界捷運界e大笑談，嘛互馬市長滿面全豆花。
事實上彼年大水災 , 筆者早叨料到 ;因大女兒讀宜蘭大學，買車緊注意納莉速度變1／3，安呢雨景叨吓增加三倍，引起大水災，所以講評論「風颱」，毋但是大小爾爾，閣卡要緊叨是伊e速度！
321 「然後」，按怎講？
佇一般講話e當中，若欲「轉折」e時瞬，迭迭吓發生，「然後」一詞，台灣話欲按怎講？真贅人攏直接用「然後lenau36」講出，安呢講無妥當，無適合端的e台語，佇茲建議諸位先進用「續落e瞬呤」（sualr esunnia）抑是「續落呤」（sualrnia）攏吓使，比較正確，如「阿明食飽了後，續落e瞬呤，又閣去歌廳聽歌！」
322 最常見「鳥類e台語名稱」
台灣所在，生態活潑，有二百幾種留鳥、候鳥，普通時仔，有十多種，不時吓看著，尹e台語名詞到底是甡了按怎，佇「國語教育」e壓力以上，逐傢漸漸吓放袂記咧，佇茲稍佮注意一下。(一)粟鳥仔／厝鳥仔（麻雀）(二)白頭彀仔（白頭翁）(三)青笛仔（綠綉眼）(四)鳥嘴嗶仔（斑文鳥）(五)屘冬丟仔（焦鶯）(六)紅嘴加令（紅嘴黑鵯）(七)鳥秋（大卷尾）(八)長尾山娘（台灣藍鵲）(九)烏機仔（紫嘯）(十)膨頭仔（羽冠鳥）(十一)番薯鳥（藪鳥）(十二) 暗光鳥（貓頭鷹）。
323 「佛教」 佮 「道教」 e 差別
台灣鄉土文化文底，噯了解佛教佮道教之間e差別，真正重要。
(一) 佛教：(1)食菜（吃素）(2)寺庵(3)佛陀、觀世音(4)少燒金紙。
(二) 道教：(1)食暈(2)宮、廟(3)媽祖、關公、眾神(4)燒金紙為主。
〔※ 拜鬼文化〕陰神，萬善同歸，姑娘廟、大眾爺、中元普渡以燒銀紙為主。
324 牽一台車，gw3一缶汽水
台語e動詞，真正多元化，以買物（牛來講，伊聖欲講”買”，主要以買物時瞬e動作為主，安呢來講，伊e語詞真正活潑有趣味。（例）
1.伊去「牽」（買）一台新車。 2.伊去店仔「摩」一包米
3.伊去店頭「剪」（買）一塊布。 4.去超商綰一缶汽水
5.去「抾」（kio4）一寡缶頭倘辦桌。6.去「叫」三碗大麵
7.去菜市仔「掠」三尾鰱魚。 8.去「撕」車單（去買車票）
325 媽祖「宮」 , 噯唸”ging”音
台灣一四界攏有媽祖廟，台灣人拜媽祖，形成一款真特殊e文化，尤其中部所在客北港進香e代誌，浩浩蕩蕩，聲勢壯大，來往一禮拜行路二三百公里，有影無簡單，清朝e彰化南瑤宮落北港，即嗎大甲媽落新港，撤是仝款。
媽祖廟，叫「媽祖宮」，即字「宮」唸「經ging」一般人讀giong有顛誕，所以澎湖「馬公」應該正音是「馬經」才好勢，筆者牛少時蹛關渡，鄉民稱關渡宮為「媽祖經（宮ging）」印象深刻。
326 是 「離緣」 抑是 「離弦」？
台語逶「離婚」，有人寫做「離緣liyen 32」嘛有寫作「離弦lihen 32」，攏有尹e支持者，借問e，佗一項寫法卡好勢？
小弟e看法，應該是「離弦」卡好勢，(一) 就讀音來講，講lihen比liyen卡贅，伊是優勢腔，噯給尊重。(二)就意義來講，夫妻兩人合作密切，袂輸胡琴e二條弦仝款，二條弦一分離，暗示將衰敗崩盤，鄉人馬上就能理解其意。(三) 就國語系統而言，說明某人再娶叫「續弦」，可見國語也有胡琴概念。
327 「房」佮「間」差別
Holo話內底，“房”佮”間”，有所分別。
(一)“房”是夫妻e臥房，一戶干礁一間爾爾，一般de有卡大間，設備嘛卡齊全，保有金銀佮重要書類。
(二)“間”是兄弟姊妹e臥房，好額人來講，有真贅間，散赤人干礁一間，嘛是無法度。
欲了解古早福佬人e徛居房間情形，吓使去蘆洲市”李宅古跡”（李友邦故居）看看e叨知影安呢。
328 神木？ 巨木 ?
最近有一寡官方e文件，逶民間所講e”神木”改做”巨木”，安呢做表面上是無毋著，是破除迷信，毋閣徛佇鄉土文化e立場，並無妥當，按怎講？
(一) 民間信仰多元化，大樹有神，石頭有神，山神，灶神……，毋倘佮百姓死伍ket（唱反調），以表示家己清高、偉大。
(二) 神木改成巨木，即个主事者，有基督教抑是回教e可能！
(三) 鄉間巨大神木，大都圍有紅布巾，下面蓋个土地廟什麼的，並按受各方焚香膜拜說他神木，名正言順，這是民間習俗，萬萬不可消滅。
(四)“神木”一詞已深入人心，無需要另設名詞，增加社會成本。(※ 目前2019,上面把米粉改成炊粉 ,醬油改成胺基酸水 ,以表示主事者有學問.)
329 頭傢
佇台語內底”頭傢”是一个真好用e名詞，伊e用途，毋是干礁「老闆」爾爾，伊表示 (1)公司e”老闆”，負責人叨是頭傢。(2) 婦人稱家已丈夫，嘛叫”阮頭傢”。(3)一般無熟悉e人，尊稱對方”頭傢”，抑是”頭兮”（tau-ei）來拉近中間e矩離。(4)屋主叫”頭傢”，這佮老闆、丈夫，無熟悉人無關係。
頭傢，唸tauge，台語家傢唸法混亂，姑不而衷到地也，暫規定家唸ga，傢唸ge，所以頭傢不宜寫成頭家，比較好讀好捌。
330 柯去矣
柯去，音guaki15，表示植物老化無乾笟，失去了新鮮，比喻講，剛〔daa2〕採收e綠竹筍，噯趕緊煮一下，抑無到下晡了後，吓”柯去”，老化後，纖維變粗叨無好食矣！另外，花凋謝叫「蔫去lenki」。
近年來，「柯去矣」即个詞，漸漸來形容熟女老化e悲哀，伊叨四十捅矣，查某人漸漸來柯去矣，有「青春不再」之歎！
331 「方言獎」有顛誕
一年一度，某官方e歌唱獎，設有「方言獎」，意思是北京話屬國語比較高尚，台灣話屬方言，差一級叨著，這是非常無禮貌e分別，對台灣人真正污辱叨著，希望主辦單位改進，抑無，台籍歌星應「集體抵制」以維持尊嚴。
「方言」是仝系統語言，音韻稍有差，毋閣對方聽有，譬如北京話→山東話，泉州話→漳州話，若是音韻無仝款，而是互相聽無，奚叨是完全二款無肖仝e語言，袂使叫方言，以國語佮台語來講，相差真遠，互相聽無，袂使講伊是「方言」！
332 君屬
君屬，gunsiok，叨是「好歹如此，好歹總會……」，即个副詞，漸漸無人來講矣！看即个扮勢，有被消滅e可能，逐傢噯卡拍拚e，合力來佮挽救安呢甡。
「免閣計較矣！橫直君屬攏是家己e人」
「婚姻這緣份兮啦，君屬伊是汝e人，這早慢e啦！」
333 無頭神
台語”無頭神”〔vrtausin332〕，叨是「我記憶性不好」「我很健忘」，伊是一个真好用e字詞，中老人，差不多遂工攏利用吓著。例如：
- 我臹無頭神也，頭拄乍聽e價賑，又閣袂記e啦！
q zy vbtausrn a，tduzx tye gesb，yugr vvgie la！
2.人若食老，迭迭無頭神，吓做毋著代誌，才稍包涵一下。
334 鮐(鯉)魚 嘴開開
翁聖峯教授有一擺來電，講一首詩內底有「鮐魚嘴開開」e字句，是啥乜意思？鮐魚嘴吓開咧開咧，這噯佇拜拜時，豬公身邊攏吓囥一尾話鮐魚，即个時瞬嘴仔開咧開咧，吓凍擋真久安呢，其他e魚類，無一款吓凍離水遐久攏袂死，伊真正韌命叨著，毋閣佇另外一方面看來，嘛不止也殘忍安呢！
335 愛皇
愛皇，〔aihon42〕，叨是「愛出鋒頭」e意思，一般台語迭迭講毋着，抑是根本袂曉講，這是真拍損e代誌，即句話佇近二十年來，有卡尐聽著，這是台語生態e警訊！
（不良）阿明臹愛皇，迭迭咧買名牌，食大餐安呢。
Amq zyaihonn，dyjlevx mybai，zdwacan ane.
336 「腳擻」 佮 「卻擻」
佇台語鄉土詞內底，〔腳擻kasiau63〕佮〔卻擻giosiau43〕愛分清楚。[ ※教育部寫 跤數 , 腳數]
(一) 腳擻，kasiau63，表示〔你這種凡人，你這種貨色〕有淡薄也看人無夠重安呢，「汝這腳擻，做無空課啦？」
(二) 卻擻，giosiau43，表示〔有骨氣，很勇敢，有氣魄〕「阿明卻擻好，佇歹人面頭前無驚無惶！」
337 桂”圓”
桂圓e”圓”按怎唸？是白音yii2，抑是文音wan2，結局攏毋是啦，伊e正音是quan2，所以桂圓唸做guiquan42，所以建議「桂圓」應改做「桂元」卡妥當，安呢來講，不管華語、台語，攏真符號規則叨著。
另外一字”員外”嘛差不多，照理應唸wanque36，毋閣正確是qanque36，建議”員外”改成”元外”安呢，國台語攏吓通。當然這是理想，「老學究滿街跑」，無法度交待啦！
338 「虹」佮「霓」 按怎講 ?
台語e”虹”佮”霓”欲按怎講，劉福助歌星佇電視頂頭，真贅少年人攏袂曉，安呢甡母語有斷根e危險，台語e”虹”叫king 6，即个音真特別，台語真罕有即款音節，另外，“霓”是虹的二次反射，色水卡淺、薄薄淺藍色，台語叫”佛候”buthau36，佮「不孝」接近。
339 書类，字紙
「書类」〔silui66／sului66〕對台灣人來講，真正要緊，伊相當是「房屋或土地所有權狀」，代表台灣人e財產實力，是生活晟養嗣大傳細e根本，另外一个稱呼叨是「字紙」〔lizua34〕，嘛是指「所有權狀」一類重要物件，所以有老大人講字紙按怎按怎e時瞬，是一層嚴重e身家財產問題，毋是一般字紙婁、廢紙爾爾。
340 「巨蛋」 按怎講
高雄紅線e捷運，佇民97年3月9日上午10：00正式通車，免錢坐一月日，頭一工叨擠入去20萬人，有影無簡單，伊R14站叫「巨蛋」站，離愛河無外遠，報紙有咧講，伊e台語發音欲，按怎講？實際上並无困難，即句話早佇台北巨蛋，叨有人咧講矣，「巨蛋」e語是「gudan33」，伊e音韻佮「舊厝，皮蛋」一樣。（筆者親身去坐高捷時，發現台語巨蛋，宛那用北京話發音，毋閣客話依原用客語發音，有影嚴重看輕在地福佬人，抗議！）
341 一工e「時辰」
※ 台語一工各時辰e名稱，毋倘講母着
-
拍璞光〔papugng〕 黎明時刻
-
透早 （約黎明至太陽升起之間）
-
早起 （夏天約6～10點，冬天約7～10點）
-
半晝〔bwdau〕 （10點半～11點半）
-
中晝〔diong dau〕 （12點正午）
-
過晝 （下午1點）
-
翻點 , 下脯 （下午2～3點 , 1-6 點）
-
暗頭仔 （傍晚）
-
斷暗 （天黑剩一絲餘光）
10.暗時仔 （天黑～11點）
11.三更 （12點～1點深夜）
12.暝半 （半夜2～3點）
342 「歡喜甘願」一詞
「心甘情願」，台語有一相對e詞「歡喜甘願」，也叨即兩个詞相當接近，有時仔袂記e，吓濫落烏白逗，竹篙逗菜刀安呢。
「呾婚姻e代誌，逐傢 歡喜甘願 兮，免甚計較啦！」
「即个價賑是雙方 歡喜甘願 兮，毋倘事後後悔！」
zeegesb si snxh hwhigamgs ei，mtv suaw hiohre.
343 閩 , 客e「神明公媽」無仝
以台中豐原e福佬人佮東勢e客家人來比較，尹大廳e「神明公媽」e布置，並無仝款，咱噯互相尊重尹e風俗。
福佬人e大廳，「有神明，有公媽牌」，神明大部份是觀音佮媽祖，東勢客家人e大廳「無神明，有公媽牌」，尹認定神明噯囥佇外口廟宇，來專門祭祀，另外福佬人廳頭有「天公爐，三界公爐」，客家人無，尹e香爐大戶囥佇外口牆圍仔，四方型香爐位「天官賜福」。
344 「一枝」毋倘寫做「一支」
受著國語e影響，真贅台語文e作者，迭迭逶「一枝雨傘」寫做「一支雨傘」，安呢無妥當啦！“支”唸zi，如支出zicut，支票zipio，佇國語方面”支、枝”仝音，所以無治代，佇台語叨無仝款矣！
「頭傢，鋼筆一枝賣外贅錢？」
345 （國語）……之下，（台語）……以上
國語有一寡所在佮台語e文法無法肖仝，尹e〔……之下〕接近台語〔……以上〕，稍噯注意一下。 -
（國）在政府大力支援之下，股市漸漸來復興……。
（台）佇政府大力給幫贊以上，股市漸漸有來復興……。 -
（國）在官方強力壓制台語教學之下，母語教學前途堪憂。
（台）佇官廳兮強力凌治台語教學以上，母語教學前途硬斗。
di gwtyei giglet lqdi Daiqghk yesg，vuuqui ghk zcdo qiedau.
346 印尼外傭 應有 福建話 能力
台灣真贅家庭，有倩外勞來服務，一月日一萬八，二萬五，其中印尼來e真「搶手」，忠厚閣搰力閣力頭飽，逐傢真謳咾，毋閣大多數攏袂曉講Holo話（福建話），真拍隕。
印尼e華僑，講Holo話e占一半以上，蘇門答臘上大e城市棉蘭市300萬人，有60萬華僑講Holo，有一位歌星××陽，到印尼一荒島，規島攏講Holo，假如即批印尼人佇印尼叨學吓曉Holo，來台灣e時瞬，絕對吓閣卡好勢，亦絕對吓得著雇主e歡喜。
347 「沙鹿」毋倘念差錯
台中海域e大站「沙鹿」所在，一般人讀做sualok61，安呢無妥當，伊正式e讀音是sualak61，「鹿」字唸”六”音，原因叨是「沙鹿」是原住民e話語，直接用漢字來表示，加減吓走音安呢，即款代誌台北e「關渡」宛那仝款，唸gandau，毋是guando。
348 「黃魚、油魚」e誤解
四、五十年前，淡水河關渡、竹圍仔彼角勢出產一款「黃魚」，莿真贅，肉真甜，真互人懷念叨著，尾也，淡水河污染，黃魚叨絕跡矣，顛倒市面上出現馬祖列島出現e另一種「黃魚」，為料理界名菜，各位，兩者仝名無仝魚，噯注意，另外，四五十年前關渡叫「黃魚」時，士林遂叫「油魚」，揙做仝魚無仝名，目前即个油魚又閣佮屏東東港e油魚肖濫，唉！天下大亂，亂嘈嘈！
349 再談「愛，噯」
台語「愛，噯」需要分清楚，兩者意義方倒翩，毋倘干礁仝用一字”愛”爾爾(教育部方案)。(一)愛，是「喜歡」之意，無義務e條件，「伊足愛跳舞e」「囡仔愛讀冊」。(二)噯，是「要」，有義務e條件，「做人噯有孝嗣大」「囡仔愛讀冊」，由以上知影，「囡仔愛(喜歡)讀冊」家長真歡喜給謳咾，毋閣「囡仔噯(需要)讀冊」，真可能父母手夯膝條，打打罵罵逼孩子唸書，兩者方向無仝。
350 「嘜閣吵」 無妥當
報章電視，不時寫出「嘜閣吵矣！」有誤，卡好勢應是「勿〔mai4〕閣吵矣！」，目前官版漢字用”莫閣吵矣”，表面上不錯，但”莫”字另有「莫怪伊吓中計……」唸vok，佮原音mai，發出一字雙音矛盾，是美中不足之處。
351 宛那 客家朋友 , 卡有志氣
福佬人佮客家人咧制定漢字e時瞬，吓使看出客家人e硬頸精神，尹連”我”叨無欲用”我”，改用”涯”，真正有志氣，另外連接詞”e”，福佬人乖乖用”的”來配合國語，毋閣客家人拒絕，干礁欲用”个”來代用，安呢互人一看”个""涯”叨知影奚是客家文學，因”个涯”即二字出現e機會足贅e，有客家”指標”作用。
352 「煞著汝」抑是「歃著汝」？
去karaoke唸歌，看著五百唸一條「煞著汝」，心中有所感覺，伊可能有二款e情形, (一) 煞著汝sua4-dioli，意思是「您老兄中邪，煞著靈聖」，(二) 歃著汝，saa4-dioli，意思是「被女方迷得死去活來」台語對小姐有一點愛意叫佮意，再愛一點叫意愛，如果愛得死去活來叫「歃著saadio43」，有言「去歃著頂腹蓋（橫隔膜）」。
353 「出山」 e 文法
國語的 「出山」是從山中走到平地，毋閣台語「出山」，方向倒翩，逶平地進入山中（指出葬）。這是語系無仝款e文法，佇台語當中，即款代誌迭迭吓出現，如「頭傢去分錢佮乞丐去分錢」方向倒翩，另外「夯掘仔鑿石頭，佮互日頭光棘著」宛那方向無仝安呢！
354 福佬話e特別點
福佬語目前佇台灣，搪咧受著北京話教育系統無情e打擊，強欲「亡族滅種」e款勢，毋閣伊有幾落个特點，北京話綴袂著。(一) 福佬話佇印度洋邊緣，有一城市檳城全講即款話，北京話干礁太平洋即个市場。(二) 福建廈門到新加坡印尼，吊遠四千多公里，比北京到新疆閣卡遠。(三) 南洋地區，福佬話是「僅次於英語的第二國際語，亦叨是講，印尼e華僑佮泰國噲通。(四) 印尼華僑，真贅講福佬話，地處赤道以南，南半球亦有福佬話地區。
355 孑孓
台語「孑孓」欲按怎講？桃源里e林老師求出答案，號做liu-kok-ket，這是一个真正怪e發音方式，毋閣100％正確，無顛誕叨著。
一般形容囡仔幼骨捙cu（好動），叫liu-ket，這佮孑孓，細細幼幼真正仝款，叫伊liu-kok-ket宛那有理。
356 「吓凍」勿寫做「會當」
台語「能夠」叫「吓凍」edang33，上好毋倘寫做「會當」，也叨”會”有hue6，e6二款音，“當”有dong6，dng3，dang3，dang四款音，以上兩字交叉比對噲有2×4＝8款情形，對台語文e認識真正困難，另外一方面佮看「吓凍」干礁一款讀法爾，簡單閣明白叨是。（註：古早寫做吓，咱e老祖宗早叨咧使用，見民94春天三立「歐吉桑遊台灣」每週一字 , 主持人廖峻有提及, ）
357 「土豆仁」 唸法
義美公司是我一氏人上介佩服e商家，伊對本土文化e貢獻，絕對袂輸一陣學術派e先覺，二十冬前伊掣頭佇電視做台語廣告了後，後面才連肖續有真贅廠商綴落去，到即嗎，台語廣告，夆看做「理所當然」安呢。
真贅古早e食品名詞，重新閣再出現佇媒體安呢，我上介佮意e字叨是伊逶「土豆仁」e古早話叫「tualin32」，這是連續音，真正心適叨著。〔原音todaulin332〕
358 「就北」 佮 「上北」
「離開血跡，就北發展」這是早期吳樂天講古e出名字句，意思叨是講「離開出生地，到台北來發展」，下港人來台北奮鬥e一頁艱辛，「真是可歌可泣」，其中「就北」唸ziuubak35，嘛有人寫「上北」，雖然意思是無毋著，毋閣讀音無妥當，「上」字siong6，早已深入人心，何苦強迫伊唸ziuu3，有影差甲一丈差九尺啊！
359 「菸」 佮 「薰 」 e爭議
吸香煙，對身體有敗害，引起足贅e毛病，噯卡張弛e，台語對”香煙”e寫法有二款「薰」佮「菸」，阮e看法，用”菸”有卡好勢。理由：
(一) 薰是動詞，煙薰之意也，用來做名詞，至為不妥。
(二) 薰酒公司，吓發生問題，到底是薰啥乜酒？洛尾也知影是「菸酒公司」叨甚慢矣！
(三) 香菸，早已深入人心，無需要另作新詞，以減輕社會成本，「菸」字無影響系統e安定性。
360 姑娘仔
古早人稱呼少年查某人, 叫「姑娘仔」，目前受北京話強力影響叫「小姐」，聽落是孽韶e，負負得正，聽兮講近來北平方面，嘛無愛講「小姐」，逶「小姐」當作特種營者，實在有譀（ham3），佇石碇仔附近，欲去十分寮e半中站，有一間「姑娘仔廟」香火臹興，伊嘛是毋敢叫「小姐廟」道理仝款安呢。目前佇香港社會，嘛是逶「小姐」叫「姑娘」可見伊e文化是「淵源流長」，無法度磨滅安呢，拜託咱菸台語文學字，儘量用「姑娘仔」來代替「小姐」，有卡妥當。（註：另外，已結婚過e婦人，叫做「阿娘仔」aniu-ah）
361 「美麗島站」 建議改成 「磊斗站」
台語有一个優秀e名詞叫「磊斗」，〔ledau44〕，亦有人寫麗斗，是「美好」e意思，叨頻若大人，囡仔，男，女，社會，國家各……各種事攏吓使來形容，是一个中性名詞，多用途名詞，毋閤台灣人失去教育權了後，目前即个詞已經漸漸無人來使用（雲林猶有少數咧人使用），台灣人噯張弛，語文滅絕著是亡族滅種e前兆，「磊斗」用途，即个囡仔足磊斗e，即位姑娘仔足磊斗e，台灣足磊斗e，咱e電胞工業足磊斗e……，目前高雄捷運有一站叫「美麗島站」，最好吓凍改做「磊斗站」比較本土化。
362 「青礐」是啥乜
「青礐」嘛有寫「青學」，唸cinnhak61，伊是地名，到底伊是啥乜意思？
(一) 青礐，叨是生產”大菁”藍料的大型池仔，是清朝佮日本時代e染色工藝中心。
(二) 伊e地名攏是佇泉州人後裔集中e所在，目前一个佇 北投復興三路尾，另外一位佇 三峽山頂。
(三) 即嗎科學發達，即款e工業已經絕跡矣！
(四) 大菁，是一款植物，佇大池中浸漬漚出來e，主要染藍色。
363 「箭筍」 袂使寫做 「劍筍」
台北附近有5項出名e農產品 : (一)草山桶柑，(二)箭筍（大屯山區），(三)貓空鐵觀音，(四)觀音山綠竹筍，(五)三芝烏豬肉，以上五項佇下港卡尐。
其中大屯山區出產e”箭竹仔筍”，「鮮嫩多汁，極為爽口」互汝食落心涼脾透開，謳咾甲觸舌，一寡「王公貴人，富貴巨賈」佇食人參鮑魚魚翅以外，實際上最興即味「草山箭竹仔筍」，毋閣「箭筍」毋倘寫做「劍筍」。
364 「規个」 佮 「幾个」 噯分清楚
電視台e節目，邀請「脫線e」來開冓，脫線e講「規个攏趁無食……」，毋閣字幕翻譯錯誤，揙做「幾个攏趁無食……」，“規个”是「整个」e意思，“幾个”是「有幾个」e意思，其發音接近噯注意。
※〔規个guie66〕〔幾个guie12〕
365 湳肚仔
現主時營養甚好，又閣欠運動，人過中年，卡吓肥起來，其中脂肪大部份吓積佇腹堵，肚仔膨出來，咱叫伊「湳肚仔」〔lamdoa434〕，「伊paai3一箍湳肚仔、跁樓梯是喘袂離。」
「湳肚仔」，佮「大腹堵」無仝款，大腹堵是指孕婦，毋倘肖濫，中年以後毋倘現出湳肚仔，伊容易變出高血壓、糖尿病、脂肪肝安呢！
366 「歹嫫山」 佮 「歹囝山」
「人生無常，法輪常轉」有時瞬運途慘淡，衰甲叫毋敢，真正互汝袂鐵齒e安呢，人若是連肖續娶著歹查某，叫做「歹嫫山」，衰衰衰，真正互汝氣甲凝血，頭一个嫫性地歹一工到暗夯硾夯嗙，第二个嫫身體虛孱，看病求醫，傢伙開了了，第三个嫫虛花噯形錢，食好做輕可，不時激嫷嫷現桃花……，唉！欲按怎才好！
另外一个詞”歹囝山”〔paigysw〕，連肖續甡幾落个囝攏歹囝浪蕩，大兮做鱸鰻，第式兮開繳間，第三兮吸嗎啡……。
367 清朝人寫「士」
佇清朝尾年e時代，相當於「先生或mister」噯按怎稱呼？彼个時代，「先生」是指醫者、老師相命仙，尹無法度用”先生”來形容普通大眾，佇日本時代用”樣”，唸sang5，無成問題。1945光復後外省人強行推行華語，果真用”先生”。清朝時代的「先生」，真可能用”士”，詳細待查 ,如「黃元興士」可能表示「黃元興先生」，這是我佇阮阿祖1887年關渡十八兄弟結拜兮e簽名絲絹上看著e結果，尹十八人每人下腳攏寫”士”。
368 頑皮
頑皮，vanpue32／vanpe32，嘛有人寫作”蠻皮”，中文佮台語e意思稍寡無仝，台語「頑皮」有”桀傲不馴，一意孤行”e意思，伊足鐵齒e，是古巴e，無欲聽人e嘴安呢。例如，一个歹囡仔，歹囝浪蕩，規年迵天咧惹代誌行警察局，嗣大人真正無伊法，氣心魯命，國語「頑皮「比較文雅，親象”頑皮豹”仝款，有時毀累，有時嘛古錐安呢！
369 有關 「客兄」
台語姘夫叫「客兄」，一般寫「契兄」無妥當，理由如下：(一)“客”是外來e意思，外來e「兄哥」，叫”客兄”合情合理。(二)契兄，是有契約（婚約）e，顛倒(反而)是正式丈夫，毋是姘夫，抑無、契囝、契母叨真奧解釋。（三) 有人講客兄，是福佬婦姘上客家兄哥，這是竹篙逗菜刀, 亂講的。「牽強附會」(四)契，泉音kue5漳音ke5，但客兄一詞一般皆唸kehy41，其契字有所存疑。
370 開錢kui ? 开錢kai ?
台語 (一) 開〔kui6〕即條線，表示正當抑是歡喜自願e支出，如囝仔學費、拜神緣錢。(二) 开〔kai〕即條線，叨比較複雜，包含應該e支出佮浪費無必要e开銷，如去酒店开即條錢，歹囝仔「敖跋敖kai」，這「見仁見智」，看當事人e主觀看法。（註：開，开，即二字一般電腦攏吓凍拍字）。
筆者e看法，寫台灣文章時，「開錢」佮「开錢」上好是兮互清楚，尹二款情形有時吓衝突性抑是矛盾性。
371 「廣場」儘量寫成「大埕」
目前各大報社，如「時報廣場」「自由廣場」，紛紛設立，表面上是無毋著，毋閣佇台語文化噹中，自古早叨無仝款e名詞置e，希望後擺有人欲設「廣場」e時瞬，吓凍優先來考慮「大埕」即个名詞，大埕，著是廣場e意思，如大稻埕，門口埕，鹽埕區，後尾也埕，曝粟埕……攏是，時報廣場、自由廣場，應寫做，「時報大埕，自由大埕」卡好勢，台灣話若無注意，吓去互人傾(king3)了了，到時瞬「四不象」，文毋臹文，話毋臹話，安呢叨烏有〔oyiu64〕去矣！
372 人材？仁材？人才？
台語 (1) 人材 (2) 仁材，是二回事，毋倘肖濫。
(一) 人材。langzai32，是外表e好看頭，如「××去相親，對方e人材好漢草讚，真有扮叨著。」
(二) 仁材。linzai32。是內在學問好，「伊卡兒是科學界e仁材，各大廠商，三爭欲倩伊。」
(三) 人才。國語專爾爾，( 因為台語中，「才」唸zia，「人」唸lang2，噲亂做一團，袂凍安呢甡寫。)
373 鬧熱滾滾
台語e「鬧熱」一詞，叨是國語熱鬧e意思，這是倒裝字e文法，講慣習叨好勢，即字咱迭迭用吓著，應該無問題才着。
佇台語本土文化內底，熱鬧，大多數的代表「迎神賽會，擁擠狀」抑是「拜拜大宴客喜氣洋洋狀」，古早散赤，干礁即个時瞬才吓感覺「鬧熱」e氣氛，另外，佇華語系統，比較中性，即款若一般人群肖偰皆可，如捷運站人贅，百貨公司打折，嘛是「鬧熱滾滾」！
374 李鴻禧 教授e心適
台語專家，俺扁e國師李鴻禧教授，為人幽默，極有人緣，下腳叨是伊「燴炙人口」e一段講演。
(一) 以「形容詞」時，(1) 開kui1 (2) 開關kui61 (3)開開開kui……261。
(二) 以「動詞」時， (1) 開啦kui1 (2) 開開kui15 (3) 開開開kui615。
以上e精妙，全佇聲調e運用，熟悉台語的人，吓真心適真好勢，毋捌台語e人，叨全然毋知，袂輸咧看天書仝款！
筆者是齒科仙兮，咧看囡仔痞e時瞬，迭迭吓用著頂頭e字句，真有好感！
375 看破腳手
看破腳手，kwpuakaciw4464，着是國語「看破手腳」e意思，國台語用法無仝款，「腳手」一詞迭迭用著，毋倘講顛誕去，「互人看破腳手矣，呾(dann)猴免弄矣！」
腳手，官版閩南語漢字，建議用「跤手」，筆者感覺安呢無妥當啦！「腳」字早已深入人心，欲利用政力強行壓制，規e社會成本甚大啦！台語漢字應以台語前途佮推廣最大利益為優先，毋倘為了巴結罕見e用途，互全民付出慘重e代價。
376 「爾」 佮 「呤」 差別
台語「爾」佮「呤」二字攏唸nia6，嘛攏用佇句尾，毋閣二字e意思差真贅，初學者噯注意，這是陷井、暗礁。
(一) 爾，nia6，是「……而已」e意思，伊用e機會卡贅，而且佮國語有對應關係，比較無問題，「呾免閣計較矣，嘛才一百箍爾爾……」。
(二) 呤，nia6，是「……的時候」e意思，用在句尾，佮國語e文法無仝款，容易漏鉤去（遺漏），少年人甚至袂曉講，噯真注意。
（例）e瞬呤，一下落車呤，叨看著阿舅……，一下斡頭呤，物件叨去互賊仔捃去。
377 我欲「逨」台北一迣（zua6）
台語有時瞬，「去」噯用「來」，這是真特殊e文化，明明是「我」欲去使所行一下，噯講做「我欲來便所行一下，才吓好勢才吓起磅，對「來、去」二个方向相反e意思，居然攏用全一字”來”表示，實在互人真驚惶，嘛互囡仔人學台語時真為難，毋閣即款講法，正港台灣人一工到暗攏安呢講，宛那吓尊重，為著欲分別二者關係，咱區別用字 , {※ (一) 真正的”來”（向我而來），用 「來」 (二) 假的 “來”（背我而去）用「逨」} ，如「阿明，明仔載我欲逨宜蘭拜訪朋友」「朋友來e時瞬，噯熱忱招待！」
378 「血跡地」是啥？
血跡地〔huiliadue／huejiade〕，叨是「出生地」e意思，叨是母親為著欲甡汝，冒死滴血e所在，伊是一个真鄉土真有感情e詞彙，各位噯多多利用，來發揮台灣話磊斗嫷喟e一面，佇古早時代，生產真正硬斗，甡成功「雞酒芳」，甡袂成「四塊枋」，母親為此冒死滴血，精神偉大，咱茲少年輩e，噯卡有孝咧，知影否？出名e講古專家吳樂天，咧講古e時瞬，不時噯提著「血跡地」，有影真讚真鄉土叨著！
379 南北腔e代表人物
台語分南北腔，這干礁是「大概」e講法爾爾，並無適當，台北人有真贅人講台南腔（偏漳），台南人嘛有真贅人講台北腔（偏泉廈），真亂安呢，近年來交通方便，即款差別愈來愈尐。
南北腔e分別，約4％，一百四十字左右，這佮其他用字來講，比例真低，所以聽起來，差別卡尐。
以下e腔調，偏台北腔。（大稻埕腔, 不一定台北人）
洪一峰（台南人）、洪弟七（彰化）、陳芬蘭、文英、郭金發。
以下偏台南腔
文夏、葉啟田、鄭弘儀、吳樂天、五百。
380「嗣大人」佮「父母」 , 有淡薄仔無仝
有e人認定「嗣大人」叨是「父母」，請話e噹中吓失人e禮，少年傢仔噯注意，因三代同堂，甚至四代同堂嘛吓出現, 除了父母外，嗣大人另包含祖父母、叔公、嬸婆……(有時父母早逝, 由嗣大人養大)，意思當然不同。
（例）阿珠欲訂婚矣，「請父母仝齊來參加盛禮」不妥，比較正確應是「請嗣大人仝齊來參加盛禮」，也叨厝內可能猶有祖父母、叔公……攏招招來，毋但卡鬧熱，嘛卡有尊老敬賢禮數。
381 台語 阮 佮 咱
台語內底「阮」佮「咱」二字，迭迭吓拄著，尹e差別佇佗位？(一) ※「阮qun4」，我們……，二人抑是贅人講話e噹中, 並無包括雙方，通常下腳吓接「阮是……恁是……」「阮攏是斗六人，阮e故鄉佇斗六」「阿明蹛佇新竹，伊是阮e人（親戚）」。(二) ※「咱lan4」，我們……贅人講話e噹中，有包含對方，亦叨是「你我全部一起」，「各位，咱攏是台灣人，台灣人噯有字已e甡張」「做人認真拍拚，珍惜咱e前途」「咱攏是台北人」。
382 縛枝骨
縛枝骨〔bakgigut363〕，著是「暗中布署」e意思，譬如講，欲選議員，佇一二各前叨噯「縛枝骨」矣，先布置家已e人馬，準備充足e錢銀，等基礎穩定了後，才有希望勝選，抑無，到時「臨時抱佛腳」即聲叨麻煩矣！
阿明欲選議員，即半年來，四界走傱咧縛枝骨安呢。
Amq vess qiws，ztbwnill，sigue zawzh le bkgigut ane.
阿華暗中縛枝骨，按算年底欲選理事長。
Ahua amdg bkgigut，ansf nide vess lisudev.
383 “叨頻若”意思”只要…”
「叨頻若」〔drbinna333〕，就是國語「只要……」e意思，即句話出現e機會真贅，噯卡利用e！
〔劣〕叨只要天氣揙冷，骨輪叨吓酸疼起來。
〔優〕叨頻若天氣揙冷，骨輪叨吓酸疼起來。
〔劣〕只要股票起價，叨真贅人吓潦落買進。
〔優〕叨頻若股票起價，叨真贅人吓潦落買進。
384 去剪花仔布
去剪花仔布，這是一句暗話，著是去「外口烏白痟貓」（去外頭風流）e意思，佇某階層迭迭吓聽著，毋閣佇另外e階層，叨完全聽袂著。
△阿明去外口毛非，迭迭去市內遐剪花仔布。
（阿明去外面吃香喝辣玩樂，不時去市內風流亂搞）
385 是 真珠 才着啦
金銀財寶，隨人看隨人愛，台灣人嘛真愛真珠，這是逶海中蛤蠣長年所鈣化e珠粒，真正寶貴叨著，伊若是用台語發音，叨吓正確寫出「真珠」，若是用北京話發音，叨吓走音寫做「珍珠」，珍珠，唸dinzu61，是珍貴e珠寶，包含玉仔在內，叨無一定時海中e蛤蠣e珠仔，亦叨是講「珍珠」e範圍卡闊，包山包海，毋閣真珠是專門海產e，袂使寫顛誕去。
386 「出氏」，佮 「出世」 無仝款
台語噹中 (1) 出氏cutsi13是出生e意思。(2) 出世cutse13是死亡，魂歸西方極樂世界，兩者相反，上好是母倘仝用一个詞”出世”爾爾。
佇官版台語漢字中間，「出氏、出世」兩詞共用”出世”安呢無妥當，也叨（因為），尹二詞e意思佮讀音攏無仝款，而且意思方向倒翻，絕對毋倘肖濫，仝用一个詞，安呢寫台語文章，吓亂去哩！「伊出氏佇民國二十年，攏總活佇世間七十七冬」。
387 「膨風」 有二款意思
台語「膨風」有二款意思，實際上尹二个唸音嘛無仝款，卡正確e應該是分开二个詞才好勢。
ponghong41，吹牛e意思。一般寫”膨風”。
「阿明敖撰〔qauzw33〕，即嗎又閣咧膨風矣！」
ponghong31，「肚子有漲气，手指彈敲會咚咚」
「也叨腹堵pong3風，不止也艱苦安呢！」
388 「動不動就要……」 按怎講 ?
台灣話欲按怎講「動不動就要……」正確e答案是※ (一)「好毋好叨欲…」如「伊性地真醜，好毋好叨欲扑人」。※ (二)「搕（kap）袂著，叨欲……」如「伊性地醜，搕袂著叨欲動c夯硾夯嗙（biang5）」安呢。
389 講到 「蛇仔形」
捷運竹圍站e對面，叫作「蛇仔形」，1. 有人說伊是遵照彼个所在e地形來做地號名，觀音山腳e山崙仔山路灣扭如蛇行，2. 嘛有人講伊是風水地理「蛇神交合」寶地, 叫蛇仔雄(音形), 祖先e智慧佇茲真高明叨著，毋閣國民黨政府看落袂作e，自那佇四十冬前改名叫「龍形」，以資避邪，真正譀甲有偆去，其實「龍」即个物件佇西洋宛那是惡魔e代表，na有啥乜福份，後擺恁經過「龍形」站時，大聲呼喚「蛇仔形」。也有人解釋為蛇仔雄 ,它位於關渡大橋附近.
390 哪行哪哭 (邊走邊哭)
囡仔有傷心代誌，返厝內e時瞬，佇路頭哪行哪哭〔nagy12nakau13〕 ; 有e少年人台語無好，攏照國語講「一面行一面哭」安呢是有差錯，台語「一面……一面……」另有意思，「一面溝，一面圳」「一面溝，一面堀」。
391 苦橙仔樹
台灣是一个森林島，阿本仔e時代有64％樹林（森林），國民黨政府入台了後有一寡破壞，目前有58～59％是樹林地，宛那袂醜啦！
台語e各種樹仔內底，上介苦憐叨是「苦橙仔樹」唸kodingaciu1616，伊e樹名苦苦苦 , 致使「默默無聞」無人欲給捧場，毋閣小弟對伊即象真好。(1)少年e時瞬厝後有一欉苦橙仔，迭迭咧掠樹蟬，印象臹深。(2)士林天母，某德國著名冰淇林哈根 , 隔壁有一欉真大欉安呢！
392 「母本」 毋倘誤做 「嫫本」
母本，台語叫vobun14，而非vubun，容易誤會做「娶嫫e本錢」→「嫫本」，也叨字佮音無配合，致使有人唸毋着，宛那是真無奈e代誌。
（不良）即五十萬是嗣大人欲互汝e嫫本，毋倘烏白开去呢！
（良） 即五十萬是嗣大人欲互汝e母本，毋倘烏白开去呢！
zt qozapvan si sidlv veholie vobn, mtvobe kaeki ne!
393 「桃源仙谷」e要點
真無簡單，台灣有一个迮尼好e遊樂區，過年期間我有去新竹關西「桃源仙谷」耍，我一直記做「神仙谷」一路問，嘛是通人知，本風景區開無外久，票價無俗，毋閣錢开了真有價值，真感謝頭傢即二十年e拍拚，我真煩惱伊e成本甚懸，是毋是吓倒閣（親象金山達樂花園，土城南天母花園），安呢來講，門票定著袂俗啊！感恩！
394 「味」 字 , 國語台語 , 有些不同
(1) ※1.台語e”味”字，主要形容「舌頭味覺」，如口.味贊, 味素粉參落，即味吓互汝無地食，海味e……，※2. 若是鼻子嗅覺的臭味叫「臭膻」〔cauhen43〕，香味叫「芳喟」〔pangkui63〕。不宜叫臭味香味 .
(2) 國語e”味”字，卡倚鼻仔e嗅覺，如臭味、酸味，所以講，“海味”一詞 , 台語是指海鮮美食口感，國語則指大海鹹濕氣味。
395 再談 「俑仔標」
官方逶「俑仔標」，寫成「尪仔標」，有所不妥，咱若是講”畫俑仔”抑是「俑仔圖」e時瞬，用”尪仔”叨無妥當矣，佇社會上「尪」指”丈夫”已經是根深蒂固，不宜馬上改做”翁”，安呢吓增加社會e成本叨是，對台語文e推廣，有所不利。
396 徛(kia3)現金兮
英文cash，用現金e，嘛有人用刷卡e，各有愛好者，筆者大部份攏用現金，毋閣若是落下港叨用刷卡兮卡利便，而且對方卡袂煩惱去收著偽鈔，宛那有真贅方便安呢，目前一般老一輩e台灣人，卡無愛欠人e錢，感到用現金卡有面子，猶無「欠錢吓夆掠去剝皮呢」，用現金兮，買物件吓真僥擺講「我徛〔kia3〕現金兮」，真光榮叨著。
397 報馬仔
報馬仔，就是「打小報告e人」，抑是「預先告知e人」，伊同時有”惡意”佮”無歹意”二款用法，佇歹e方面來講「伊做台奸，佮老K做報馬仔」，佇好e方面來講「媽祖進行到位，頭前有報馬仔!」
另外一詞”爪扒仔”是比「報馬仔」閣卡嚴重e字詞，伊專門咧探刺情報，紲落e瞬呤，才閣通報互頭傢，安呢吓凍領著一寡利純叨是，伊佮「報馬仔」無仝款！
398 「猶原」 建議用 「又原」
“猶”字佇台語漢字噹中，有二款e發音，※(一）ya（yau），猶未〔yave／yauvue〕，猶有，猶閣……伊占多數。※(二)yu2，猶原〔yaquan62〕，猶是〔yusi63〕占少數，吾人建議，猶專門互ya用〔猶未，猶有〕。另外猶原，用e機會真尐，建議用「又原」或者是「依原」，安呢系統卡完滿，亦卡好讀。
399 「租」 佮 「稅」 （國安仙有咧講）
※ (1)台語「租」是有「稅」e性質，譬如講，做田e阿伯有咧講「今年e田租外贅」，叨是講今年e田地價稅金多少。※ (2)另外台語「稅」有「租」e性質，例如「稅一間厝，普通噯二萬箍」「厝稅錢提袂出來」，逐傢攏吓了解，所以講台語文化宛那真心適叨著。
400 形容「兒女眾多, 生活沈重」詞型
卡早e歲月，台灣人真歹命，迭迭為著食穿問題，艱苦坐卦，目屑四湳垂，有影無法度，叨是無法度，咱做囝兒兮噯多多體諒。
(一) 贅囝餓死父〔zuegy34 qosibe316〕囝仔飼甚大陣，莫怪吓食無夠，不時肚仔咧枵。
(二) 跋落囡仔坑〔bualr33 qinakii／kee〕飼囝艱苦，叨簡那跋落坑坎（山谷）仝款。
(三) 叩叩e，嘴齒規米籃〔kaka43e……〕敲一敲，家中牙齒一大堆，形容食指浩繁，不堪負荷。
(四) 半路折扁擔〔bwlo46 zekbindaa161〕父親到中年e時拵，病死抑死意外死亡，家中生活硬斗。
401 「台北雜菜麵」毋倘寫做 「什錦麵」
(一)台灣傳統的麵食有三種 (1) 台北雜菜麵 (2) 摵仔麵 (3)台南意麵，其中第一種「台北雜菜麵」近二十年來急速凋零，有被滅亡之憂，極為嚴重有待復興。
(二) 台北雜菜麵，是專有名詞，不是普通「雜七雜八」的麵，它是以紅蔥為主極費工夫e美食，其獨特的滋味極特殊，令人永生難忘，絕不在牛肉麵，拉麵之下，目前仍有不少老店老司傅，應趕緊搶救。
(三)有些店故意把「台北雜菜麵，寫成 什錦麵」反而畫蛇添足，沖法原有專有名詞之特殊性，由於名字不好, 有連帶本美食加速滅亡危機。
(四)一般人把雜菜麵，誤為賣不出去的隔夜市蔬魚鮮混煮一碗，此乃天大誤會。（以上中文）
402 有夠 「古巴」
台語稱「偏不信邪，頑固，老古板」，卡輕e講法是「鐵齒」，即點逐傢卡有咧接觸，卡重e講法，叨是講「汝即个人真古巴」，即嗎真尐人咧講，毋閣伊是一句真好用e字詞，值咧咱多多給推廣，以筆者粗淺e經驗，除一回佇電視頂點，看著名演員「菜頭」講一擺了後，尾溜尾叨無閣聽過矣。「汝實在真古巴呢！迮尼要緊e代誌，汝偏偏無咧給信斗，唉！實在有影！」
403 錢水吓活
某知名女星，後來遁入空門，阿彌陀佛，有一擺佇電視節目咧講「……錢水吓活」，互我真正感心，實在講起來，即句話真好用?其佇現時e社會，錢水若袂活，「經濟不活絡，那可就麻煩了！」
「社會錢水吓活，錢有佇社會咧踅，加減有希望！」
shh ziizui efwa，zii uudi shh le sed，gegmxm uuhivh！」
404 往事只能回味
有一台電視台，專播流行歌曲，頭傢宛那有賣一寡藥材，講藥仔外有效拄外有效，有效甲吓唸歌閣呼絲仔（kosia哨音），唸奚”往事只能回味”，伊安呢講法無好勢啦，也叨”往事只能回味”即條歌是用佇悲傷場合，毋是佇歡喜e場合咧唱e，即點噯注意，才袂拍歹氣氛安呢。
405 破病e等級
台灣人「破病」e講法有分等級，診斷醫師噯有即方面e常識，才袂顛誕。
(一) 稍寡無拄好，袂爽快：（比較輕微，但也不能放外外捙以輕心）。
(二) 一直溫溫也疼，連肖紲疼，一瞬一瞬疼，猶吓堪e。
(三) 真疼呢，強欲摯載袂稠〔zizatvuediau4132〕（需排急診）。
(四) 疼甲擋袂稠，規箍人強欲un落去（需掛急診，隨時招呼急救）。
406 看e寫法
有關”看”e台語文寫法，至少有六款，其中攏無仝款。
(一) 用「看」咧：一般e看爾。
(二) 用「瞇兮」〔vi2 ei〕：細縫看人，瞇眼看人。
(三) 用「sut5」咧：急速看一下叨走開。
(四) 用「瞻」咧〔siam〕：暗中偷看一下。
(五) 用「凝兮」〔qin2〕：生氣時斜眼瞪人。
(六)「 稍影一下」：大略看一眼。
407 「顧問」 毋倘唸差錯去
目前工商社會，「顧問」不時噲出現，中年人無問題，卡少年，抑是daa6出社會e大學生，迭迭吓唸毋著去，噯給注意，伊e正確講法是govun64 ,（如顧文），毋是govng（如顧門），四十冬前，台北有「美軍顧問團」，尹是好額人，擎耶耶，是社會重要人物，對尹e稱呼，叨毋敢顛誕安呢！
408 意麵
意麵，是咱台灣地，一款重要e食法，伊佮摵仔麵，牛肉麵，佇社會上「鼎足三立」，真正要緊叨是，毋閣伊e發展，出現危機，互我真正煩惱。
(1)伊為著欲減少成本，逶鴨卵改用雞卵，伊蛋白質e Q度落降，鮮美度嘛落降，失去美味真可惜。(2)伊e麵質，為著欲趕時間，曝日頭e時間降低，仝款鮮稍度落降，卡無好食安呢！
409 森林 , 分「樹林」佮「烏樹林」二款
台灣話對「森林」一詞，分做二款，※ (1) 樹林，這是一般平凡e樹林，平地e闊葉林，人獸真容易行過去。※ (2 ) 烏樹林，專門指深山萬年原始森林「樹林高大密集，裡面黑天暗地，人獸不易進入」以上二款e規模有差，噯注意，台北市有一位「大安森林公園」，以台語e角度，安呢講有顛誕，伊e正名干礁是「大安樹林公園」爾爾。
410 鑼聲若響 , 可能有問題
有一條流行歌叫「鑼聲若響」，形容有情人含淚離別，真情流露，互人真感心安呢，伊可能有誤，鑼聲若響，（毋是搬歌仔戲e場景佮離別無關係），正確e寫法應該是「螺（ler）聲若響」，表示碼頭惜別，船螺聲嗚嗚陳，船欲離開，定著惜情，其中螺（ler）以泉州腔發音時，與鑼lo真接近，打算是寫毋着e款，流行歌有情有義，內底e內容背景，宛那噯研究安呢。
411 「參象」 佮 「親象」
「很像……」，福台語叫「參象canciuu6（北）」抑是「親象cinciuu66（南）」攏吓使，毋閣上好毋倘寫做「親像，參像」，也叨”像”音siang2，如像款，肖像若準閣再讀ciuu6，吓茹甲甲（糾纏不清），影響系統e安定性，佇中文系統內底，嘛是用”象”，無噯用”像”，如印象，意象，皆是。
412 家具，傢具，家俱，傢俱 ?
市面上e店面招牌有「家具，傢具，家俱，傢俱」四款寫法，佗一卡正確？答案是「家具」，其他三項攏無妥當啦！尤其「俱」字，本身是副詞「聲色俱厲「與生俱來」與家具完全無關，另外一種，本書e原則，為著欲徹底解決ga，ge雙音e問題，建議「家ga，傢ge」方式，所以家具gagu，定著是用”家”，佇另外一方面「老闆」叨噯用「頭傢」（因傢→ge），無字「頭家」，安呢歸个系統才袂去互伊亂去。
413 「深坑」e講法
台語分漳泉腔，半鼻音e分別真要緊，欲制定台語統一腔e時瞬，第三條有說明，叨頻若有關人名佮地名e時瞬，尊重伊e原始腔（漳或泉）。
台北腔比較偏泉，台南腔比較偏漳，台北深坑是風景區，出產豆腐料理。旅行社人播報，應注意的「深坑仔」唸cimkii-ah而非cimkee-ah。因其原居民泉州多數（另外高雄楠仔坑則應唸kee，因其地多漳人）。
414 「番薯」 袂使叫 「地瓜」
台灣人自稱「番薯仔」，過去嘛大量出產番薯，即款食物栽種簡單，古早時代，番薯救苦救難，飼足贅台灣人e，毋閣現時有真贅台灣人無噯講番薯，尹綴外省人叫「地瓜」，這是大大e錯誤。(1)地瓜即个詞，佇大陸是低下階層咧使用，不入流土語，台灣人抾伊來當寶，無好。(2)瓜有「籽佮漿肉」，毋閣番薯無，根本「牛頭不對馬嘴」！(3)瓜類大部份到熟了後有芳味，毋閣番薯無芳味。(4)既然台灣人自認是「番薯仔」，汝叨有義務來拺動這偉大e文化遺產。(5)番薯，馬鈴薯，樹薯，馬薯……有一定「薯」e文法關係，仙毋倘用瓜。
415 「空縫」 佮 「空隙」
捷運e廣播，講「車廂佮月台中央e空隙〔kia5〕噯注意」，雖然無毋着，毋閣吓使講閣卡簡單化，上好是講「車廂佮「風霧兮」中間e「空縫」〔pang6〕，卡鄉土味，「空隙kia」，指一切離縫洞縫，無論長形、圓孔、方形，所以卡早做田時，阿伯吓講，「去田岸挖一隙田溝，互頂丘田水流落下丘」，「空縫」專門指長縫形e離縫，這佮捷運車廂風霧間e形，有卡逗搭，有卡倚意。另外，台語月台一詞屬外來科技詞類，日本時代已經夆人教育做風霧，徛佇商標法，「先入為主」，應該叨佮尊重。
416 脫臼叫 「趉輪〔tutlun32〕」
骨頭脫臼，台語叫「趉輪」，唸tutlun32，卡早放送e廣告，迭迭有咧講「酸骨輪，疼骨節」，「骨輪吓抽吓麻……」，其間「骨輪」叨是「骨臼」e意思，目前有一本台語教材，逶「趉輪」寫收「趉臼」（唸tutgu36），雖然旡毋着，毋閣社會e講法噯佮考慮一下。
417 長頸鹿 , 欲按怎講 ?
「長頸鹿」是非洲原產e動物，東方並無即款動物，伊e台語名稱，有幾落款，上介正確是「麒麟鹿」gilinlok，若是照台語文化e推測，應是「軂腳鹿」。台灣話形容「高个仔」，叫「軂腳兮」，是以腳e長度來做校準，這是文化e習慣。
麒麟鹿是1420左右，鄭和落西洋時瞬，逶非洲載返來，非洲莫三鼻克，產地e名稱叫gili，伊佮咱e麒麟鹿，聲音足接近e，茲e講法是有歷史根據e，有伊歷史e傳統講法叨著。
418 小肚
十外冬前，佇大橋頭延平北路美食圈，其中有一擔專門咧做「小肚」e料理，真正出名，伊用中藥慢慢dim6，處理清氣，逐傢食用歡喜，有e人台語無好，認定講，小肚可能是胃e尾節抑是小腸e接頭，實際上毋是，伊是「膀胱」啦！貯尿e所在，有e人有所「忌諱」，不而過呢，這無啥要緊啦。「有人大腸嘛是食甲卸卸叫」，佇法國料理中，即項小肚e料理嘛真出名，價賬真貴安呢甡，法國名菜叨無嫌矣，咱台灣人嘛噯偷笑啦？
419 老猴無粉頭
老猴無粉頭，叨是「年老色衰」，呾老叨老矣，宛那無啥乜怨歎e啦！台灣話當中，有真贅場合，逶”人”讀做”猴”，無嫫無猴，掠猴，老猴脯，……，拍算是南島語系講法e款，佇古早時代，也叨營養無夠，衛生無好，醫療技術e欠缺，人若食到四十外歲，叨真「臭老」矣，老猴無粉頭，即嗎e人食到六十外，又原真青春安呢甡。
420 「百年難得一見」
電視新聞報導「……百年難得一見」，直接翻譯，雖然無毋著，毋閣無夠台語氣味，伊卡好勢e繫話是「……這一甲子罕咧看，宛那拄著一擺爾(nia)」，佇國語中是以一百年為單位，一世紀呢著，這是兩語e用法，台語系統，以一甲子六十年為單位，宛那彼套天干地支，比較有卡鄉土化。
「佇蚊仔坑遐，掠著一尾十尺e魷魚，真希罕呢，這宛那一甲子拄無一擺呢！」
421 「……e話」無妥當
社會上有一句迭迭講毋着，「若無守交通規則e話，吓夆罰錢」「大學生若無錢e話，吓凍給政府借助學貸款」其中「……e話」是中文e講法，台語應該是「……e時瞬」才妥當，以上e句話正確是安呢「若無守交通規則e時瞬，吓夆罰錢」「大學生若無錢e時瞬，吓凍給政府借助學貸款」。
422 總管
「董事長」台語一般叫「頭傢」tauge，抑若「總經理」來講，台語按怎講？即个問題並無困難，叨是「總管」啦！佇歌仔戲班內底，頭傢人一般負責對外接擋期，講價賬，抑若內務方面e「經理」「輔導長」，叫做”總管”zongguan14，伊管理戲班內底e生活，徙位、人事……總總關係，真正要緊，所以講汝若有聽著講「總管是啥」叨是講「經理是誰」「總經理是誰」仝款，即个人e任務e責任真重，一間公司e發展佮落坑，全全嘛看伊。
423 汝算幾分e螺絲 ?
即句話佇民國60～90年間，佇號會上真流行，伊是一句”講耍笑”e話語，「開開玩笑，無傷大雅」啦！「汝算幾分e螺絲」叨是逶國語「你算什麼東西？」來e，算講轉音字句，逐傢諢耍笑爾爾，無啥乜歹意叨著，即嗎e人，緊張艱苦，逐工生活壓力真大，所以不時噯有一寡卡輕鬆e字句出現，來沖散生活e苦楚，本句是同事之間e虧仙e字句，有伊e作用，「珍啊！人奚是郭×銘，有錢有勢，佮人袂比e啦！呾 汝是幾分e螺絲 啦！
424 鹹酸甜
蜜餞，台語叫「鹹酸甜」，文如其意，真正寫實安呢，台灣算講水果王國，搪伊大出e時瞬，一時食袂去，所以噯做成各種「鹹酸甜」，安呢才有倘囥互伊長久。
台灣人即款「鹹酸甜」，上贅e所在，是宜蘭地頭佮彰化員林彼角勢，所有e鹹酸甜內底，以「李仔」e製品上介贅。(一)李仔原本酸性，入喉歹食，做成甜物物e食品、銷路卡好。(二)李仔本身大出e時瞬，無法度囥久，卡吓爛去。(三)漬（sii3）李仔e技術，並無困難。(四)李仔造成e鹹菜甜，種類真贅，卡吓吸引人客來買，也叨李仔占大宗，所以鹹酸甜嘛有人叫伊「李鹹」。
425 番薯仔
台灣人自稱「番薯仔」，根據考證，即个名詞可能是二次大戰尾期，赴南洋做兵e台灣兵所號兮，也叨台灣e地圖，親象一條番薯仔，所以有即細稱呼，嘛有人講台灣人逐工食番著大漢，自稱番薯仔嘛有合理。
戰後到今仔日，已經欲七十冬矣。番薯仔e名稱一直佇社會上傳，有人講這叨是欲佮芋仔（外省人）有所分別。家已安呢稱呼，「呾咱平平番薯仔，嗯著噯合和……」即款e話，佇二三十冬前，不時吓聽著。
426 成本低 佮 低成本
「成本低」singbunge346，才是台語e講法，台語e形容詞，迭迭囥佇後壁，親家「路燈光光，照著公路」，卡勿講做「光光e路燈，照著公路」，所以講「做××行業，是一款成本低e行業」，袂凍照國語「……，是一款低成本e行業」。
目前捷運車有一句話有問題，「各位旅客，茲是終點站淡水到矣……」正確應該是「各位旅客，茲是淡水車頭，盡磅矣！」台語e形容詞，儘量囥佇後壁，卡正確。
427 小弟
台語「小弟」〔siodi16〕一詞e用法有真贅款，佇茲所用e叨是「筆者，我本人，在下」e意思，伊e用法真嫷喟，佇茲紹介互各位好朋友，儘量佮sak落去〔saklrki 555〕。
譬如講，寫文章寫到一半e時瞬「……，筆者e看法是……」自然吓使用「……，小弟e看法是……」，推荐賢者時「××人真敖，我本人真熱烈佮推荐……」，吓使改用「××人真贅，小弟熱烈給推荐」毋閣即个用詞有一个缺點，叨是拄著女士小姐e場合，叨有卡麻煩，總袂便明明是小姐，硬拗做「小弟」，即个時瞬宛那採用「筆者，在下」來用。
第五章 常見生活病句
428 唸歌
「唱歌」台語叫「唸歌」liamgua31，這佇生活上，是一句真簡單e代誌，按怎猶有真贅人講錯誤，目前e社會生活緊以硬斗，迭迭吓去「karaoke唸歌」來舒解壓力，各位好朋友，若是有少年人講毋着，才拜託汝給糾正一下。
台語「唸liam6」，包含三个情形 :※ (1) 一般e”讀”，「阿明啊！汝唸新聞互我聽」。※(2)「唸」歌，「阿明，我唸歌互汝聽」。※(3) 唸經，介於”唱”與”讀”之間。
429 卡歛五十歲〔kaliam 14〕
台語裡面有一句非常好用的詞彙，那就是「卡歛……e款」，國語是「少於……的樣仔」，譬如講「伊e歲頭卡歛五十歲e款」「伊一月日趁e錢，卡歛二十萬e款，真敖」「台灣一年甡囡仔，卡歛二十萬e款，三十冬前有到四十萬安呢」「即包紅豆仔，搦佇手內，卡歛斤半e腳兜仔」。
日常生活，叨頻若「有卡尐」e情井，攏吓使用即个字句，如透早去菜市仔，小販斤兩不夠，道德不好。「即个人卡吓歛稱頭，噯張弛」，討價還價時，為了降低買價，迭迭吓講「拜託！卡歛e，卡歛e！」
430 交關
交關〔gauguan61〕，叨是「商業交易」e意思，是一字真優秀e詞彙，各位好朋友若卡踥講e，叨吓凍表現出台語文化磊斗e一面，「人客啊！來交關一下」「人客啊！給阮交關一下啦」，比「人客呀！給阮買一下啊」有卡文雅安呢。交關e原意，無一定是噯買賣，有時瞬來看看e，參觀e，嘛是袂醜啦，目前是商業發達e社會，人客儘量圍來看，來交關（看看或真賣）攏吓使，安呢雙方攏真歡喜啦！
431 搭檔 (借國語音)
社會現實，朋友之間，迭迭為著金錢、權利、地位，「反目成仇」即个時瞬，有一句台語，最近真正流行，吓使看覓e。
「唉！朋友簡那朋友e，搭擋簡那打桶e」，這是真歹聽e話，搭擋（用國語唸dadang14），打桶（datang14死人入殮），這定著是一句真「挖苦」e話，真正〔kausue64〕e話語，不過即句話，傷人真重，袂使迭迭講。
432 若準
若準nazun31，叨是「假設，若是，……」e意思，有預先語氣e假設句。這是不時用著e字句，噯真正確來利用。如：
△ 若準我中獎券，我欲買一間厝。
△ 若準是汝，汝欲按怎處理？
△「人心比心」若準是汝做e，汝咁袂歹勢？
△ 若準代誌發生顛誕，噯按怎事先預防？
433 「歹，坏，醜」 噯分清楚
台語內底，歹坏，醜，噯分互伊清楚。
(一)「歹」，pai4，副詞，指行為、物件不良別人批評它不良，如歹心、歹人。
(二) 「坏」，pai4，形容詞，指東西不良、腐敗，是自身坏去物件坏去矣，機器坏矣，代誌歹紡矣（事情糟了！）。
(三) 「醜」，vai4，東西不好看！抑是「事情不妙」如時機醜，真醜材矣！
434 海南島, 溫州 之謎
聯考有一題，迭迭噲考，叨是「海南島大部分e方言是啥乜話」，答案是「閩南話」，毋是廣東話。海南島，尤其文昌縣一帶，處處閩南話，一直延申到雷州半島，攏是仝款，毋閣尹e閩南話有一个特別e腔口，噯稍訓練才吓熟練，即嗎e問題是，海南島e閩南話是福建傳過去e，抑是本島未來叨有e原始話？也叨福建離開海南島有一千外公里，這是真心適e問題！另外, 溫州嘛是一個謎, 溫州地區 , 三分之一的人會講閩南語, 是當地最大的方言集團, 溫州吓凍跳過浦田話和福州話的勢力範圍 , 伊離開廈門宛那五六百公里 , 是按怎安呢嘛是謎…..
435 台語「香煙(en)」佮「菸(薰)hun」 無仝款
※1. 台語e「香煙」叨是國語「血緣 (傳香火)」e意思，表示老大人往生了後 ,尹子女靈前上香有煙, 安呢種族才能綿延落去, ※2. 另外 ,佮一般班生活上 , 勃薰「香菸」吓著肺癌 ,是無仝款e代誌 尹完全是兩回事。
台灣人講，「香煙安呢傳袂落去，是真麻煩e代誌」譬如講，有e夫妻，久年不孕，或者是「老頑固」干礁甡查某囝，無甡查甫囝，香煙傳袂落去，嘛是真費氣安呢！
436 台語”樣也”
「樣也iunn-a 63」叨是「同樣也是，依然也是」e意思，佇台語方面，是一个真要緊e詞彙，毋閣佇北京話教育大力壓力以上，漸漸來失傳。卡尐人咧使用，這是真危險e代誌，咱噯大力來給挽救，閣卡講，官廳兮無特權來將教育權由北京話占水頭（獨家壟斷），來達到消滅台語落坑台語。
「阿明一月日趁五萬，阿華樣也仝款趁五萬！」
「免驚！免怨歎，即項補助, 頂司樣也吓考慮著！」
437 荼(tau3)神經
台語”荼神經”，原本是齒科治療手段，即嗎叨是「要把人洗腦」，改變人e思想e意思。有人寫「毒神經」並無正確安呢，「荼」tau6，是我提毒藥去麻害對方，「毒」dok，是對方提毒藥來麻害我，尹e方向倒翩，袂使肖濫落。
△阿明一直給阿珠茶神經，叫伊改信基督教。
△教官給阿明茶神經，結局e瞬呤，伊自那去讀軍校。
△去齒科做”荼神經”e治療，時間咁噯真久？
438 「慈音宮」 有問題
新店市長春路e慈音岩佮北投中央北路e慈音宮，攏是以「慈音」為名稱，即項代誌，引起我e心適，我研究規晡，真可能是「慈恩」e轉音詞，大致”恩”字，泉音un，漳音in，佇泉州系e人無問題，慈恩唸「慈恩un」，毋閣佇漳音系列，唸「慈in」，原本是「慈恩」，毋閣大環境，un音占優勢腔，為著欲保有in音，遂來轉變做「慈音」，……以上是我个人e看法爾。嘛無一定正確，泛勢尹逐工受佛祖福音靈感，宛那有尹e道理li。
439 ……e牛角
台語「……e牛角」叨是國語「……e象徵」e意思，佇台灣地 , 吓使講逐工看著牛（農業時代），牛e上重要特徵叨是伊e角，所以有彼個講法安呢！
講台語是惜台灣，疼台灣e大枝牛角。
（講台語是愛台的最大象徵）
△電腦工業 , 是咱台灣工業e牛角。
440 「茶壺面」，古早話笑詼 , 互相虧仙
大約在40～50年前，筆者讀中學e時瞬，社會上流行一句話「汝臹茶壺，……看汝安呢茶壺面兮……」，這是真鄉土e台語詞，表示朋友間互相揶揄虧仙，開開玩笑，並無惡意，即嗎已經退流行矣，甚至講無人聽有叨是，「茶壺面」degomin，叨是「土裏土氣，一臉呆像，猶如茶壺圓圓轉」「唉！汝這茶壺面e，連這叨毋捌，來！看恁父(linbe 16)給汝展二步仔！」
441 「下港」一詞 , 是否涉及歧視？
報紙有一个小爭論，咧爭論「下港人」彼个詞，是毋是有歧視e含意，即个代誌「見仁見智」，佇我本人e看法，伊是一个中性e名詞，並無歧視e意思，拜託逐傢放心使用，無要緊啦！(1) 頂港有名聲，下港有出名，頂港下港本來叨中性名詞，何苦自行「對號入座」，講仈人來「歧視」汝。(2) 台語泉漳肖濫，數十年前e歌星，一般人掠做文夏是下港人，洪一峯e口音是頂港人，其實雙人攏是下港人（一台南一鹽水），無啥乜地域分別。(3)南北交通方便，尤其高鐵通車，近在咫尺，差別縮小。(4)大台北e繁榮，大部份噯靠下港人e貢獻，下港人提供大量e資金，最優秀e人材來建設台北，功勞極大，「感謝尚且不及，絕不會歧視」啦。 ,
442 「閩南話」 按怎唸 ?
閩南話e本土音欲按怎講？(一) 有人講van-nam we336近音「慢南話」。(二) 有人講vin-nam-we336，近音「敏南話」其實兩種發音攏噲使，vin2是文音，van是白音，無啥要緊啦！目前講van2占多數，毋閣我e意見是vin卡好勢，也叨「van-nam」佮「蠻南」全音，可引申為「南蠻話」，對台灣人來講，是一款侮辱安呢甡。
443 「倩(cy4)」鬼提藥單 , (要讀第四聲 )
報章雜誌，迭迭寫「“請(cy)” 鬼提藥單」，有錯誤，正確是「“倩(cy4)“鬼提藥單」，意思是雇用魔鬼拿取藥單來治病，即「自取滅亡」安呢！
台語當中※(1) { 請cy4→1 }，欲請人食飯，抑是看戲意思，伊e變調，[請神cysin12，請人客cylangke135。] ※(2){ 倩cy3→4 }，雇用，[倩外勞cyqualr432，倩工人cygang-462]。※(3) { 掅cy4→1，迎上一尊布袋戲俑仔，,以上三者容易肖濫，噯張弛，尤其「「請」e本調佮「倩」e變調相同，容易亂去，毋倘用錯字」。
444 「品」講，「品」無，「品」欲用
台語「品」是个常常使用e字詞，真好用，噯記稠，伊e意思是「事先講好，事先約好」。
來，逐傢「品無輸贏」le，我唸一條歌。
（咱們先講好不計好坏，我來獻醜一條歌）
逐傢「品講」欲食甲到本e，無要緊，這自助餐！
（大家講好，吃个夠本吧……）
即擺e實驗，逐傢「品欲用」（講好要用）A公司e產品……。
445 「惱羞成怒」按怎講 ?
人生在世，如意e代誌七八成，迭迭吓心狂火焯，氣甲捶心肝，有時瞬，去互人激著矣，烏仔魚袂堪咧濁水來激，姑不而衷到地也，遂來「惱羞成怒」，伊台灣e話欲按怎講，噯稍按算一下。
(一) 見羞返想氣。
(二) 見羞咧起彎（uaai）。
(三) 欠錢咧起慪韶面（ausiuumin136）。
(四) 人肉鹹鹹，抑無欲按怎？
446 「袂」，「未」e差別
台語「袂，未」有時分袂清，噯真注意。
(1) 袂，泉vue／漳ve，表示「不要，不會……」，用佇句子e前端抑是中間，「伊袂曉騎自轉車」「我袂曉操作電腦」。
(2) 未，泉ve5／漳vue5，表示「……否」用佇句尾，大部份接問號。「汝食保未 ?」
以上「袂，未」，意思、發音攏接近，真正費氣，佇茲建議標準腔採取「袂vue（泉），未vue（漳）」比較好學習，比較容易統一。
447 金仔店
金錢財寶，隨人看隨人愛，都市人抑是好額人，迭迭吓佮伊交關安呢，毋閣真拍損，講話e中間，大部份都攏吓照學校教育, 直接講「銀樓」，無愛講「金仔店」，台灣話優美踏實e文化，叨安呢去互人蹧躂消滅，正確「我早起 , 去金仔店買一對手環」。
少年人，噯教伊，一定噯講「金仔店」，理由如下：
(一) 金仔店，是咱台語e文化，銀樓佮咱無治代。
(二) 金仔店，是以展示佮買賣黃金為大頭，卡尐咧賣銀器用「銀樓」,毋但是文化被欺，實在嘛「不符實情！」
(三) 佇本土文化，銀器佮錫器有時肖濫，容易給廟宇祭器亂去，銀樓對台灣人來講，全是外來文化e淩治爾。
448 「顛誕」 一詞
顛誕dingdaa32／tingtann55，叨是「可能有所差錯」e意思，如汝提三萬箍互對方，算算e減一張，伊叨吓講「有顛誕」，伊是一句卡客氣e話，若準直講「安呢毋着」叨有卡粗魯，伊e意思「可能有所差錯」，但九成以上是有差錯安呢，這是台語詞e技巧詞，一定噯學互伊好勢，伊迭迭用吓著，即字有e寫「重談」，音義攏無 ,目前以「顛誕」比較倚意，佇茲徵求閣卡好e用字寫法。
449 人泛人，錢泛錢
「人泛人，錢泛錢」即句話是台語噹中，不時會用音e字句，有e人講台語，有時也想袂起來，叨遵照國語e講法「人歸人，錢歸錢」安呢叨毋着(不對) 矣。
以上泛字，唸huan3，嘛有人寫凡，宛那吓使，佇意義e角度來看，用”泛”比較好勢，這叨牽涉到”泛勢”佮”凡勢”用字e爭吵，希望各方先覺，多多提供意見來討論。
450 咧做功德
「咧做功德」叨是國語中「居心良善，積積陰德吧！」這是一句真好e字句，佮「感恩噢、勞力噢」，真正是台語當中給不時囥佇嘴邊e慈悲心，現主時，社會烏暗，競爭激烈，歹心毒行e一大拖，用心計較欲食騙人，即个時瞬，猶有人心存仁慈，暗中貢獻社會，實在無簡單，有人忍受艱苦舖路造橋，暗中抾畚埽……，「阿伯啊，汝逐工安呢勞心勞工，來幫忙社會，救濟散赤，有影咧做功德噢!」「呾風颱過矣，無惜危險，勇敢救人救物，真正咧做功德leh！」
451 ” e ” 有必要分 低音，高音
佇即幾年e台文寫作經驗，有一點真正要緊，毋閣普通人袂去注重e一个現象，實叨是有關”e”音，有低音佮懸音二个可能，※1.佇「低音」e（占多數），小弟主張用”e”叨好勢，一方面嘛吓凍表現伊e面腔，互人一看叨知影是台文，另外※2.「懸音」“e”小弟之張用”兮”來表示，互人一看叨吓曉唸叨著，如「即嗎官廳兮規定e稅金甚重，即條紅利是屬於公司兮抑是民間兮，抑是頭傢e」。
452 運命
台灣話叫「運命」，毋是「命運」，這是倒裝句，噯注意，台灣人卡注意「運」，運有好運有歹運，狗屎運，人若運氣咧行，即聲連火車叨擋袂稠安呢。
（不良）汝若命運好，叨吓使減奮鬥兮二十冬。
（良）汝若運命好，叨吓使減奮鬥兮二十冬。
li na wnmrrhz，dreee gxm hundau ei 20 dvx.
453 聖甲吓食糕仔
聖，聖，聖，聖聖互我掠準準，台灣人拜神拜佛e時瞬，真正誠心誠意，佛祖嘛真靈感，人咧講「即尊佛祖真聖，聖甲吓食糕仔」善男信女咧伏祀神佛e時瞬，佇供桌吓囥幾落包e紅糕仔（6cm×2cm用紅紙包著，拜過是撕一角），佛祖連這紅糕仔攏吓偷食，汝看伊外聖外靈感叨好！
454 「去種珠」講啥乜 ?
去種珠，這是三四十冬前，台灣人打卡介苗（結核病）e稱呼，即嗎e人卡毋知，攏總以「打疫苗」一句話準過去，佇卡早e社會，患著肺結核，是無藥醫兮，簡那即嗎e癌症仝款，不止食力。所以「囡子，六七歲，開始讀一年級e時攏，噯去種珠（zingzu42），一般注射注佇「上臂三角肌」遐，吓留一个印跡。
目前囡仔栽咧注疫苗，有三合一，有腦炎……真贅方面，來保護囝仔e健康。近年來，為著驚「流行性感冒」連老大人嘛咧注預防疫苗安呢！
455 臭油膻〔cauyuhen433〕
台語e「味」，主要是味覺，舌頭e感覺，真尐「溴覺」，所以講「臭味」台語叫「臭膻」cauhen43，汝講”臭味”，宛那有人聽有，毋較安呢來講，無夠逗搭，無夠幼秀，無合台語e語法安呢，無論按怎，「食物之美」佮「溴覺之美」欲按怎兼顧，真正要緊！
456 台語 前助詞，噯卡踥使用咧
目前台灣話有一个危機，叨是前助詞「e瞬呤，e瞬，耶麼，呾……」大量消失，歸个語系慢慢退步，這叨是無教育權e關係，噯趕緊來攬救。
(一) e瞬呤〔esunnia366〕相當干「話說……這个這个……」。
(二) 耶麼〔yavr22〕耶麼安呢啦！明仔載才回汝e消息！
(三) 呾〔daa〕呾無外久e中間，正是看著阿伯返來矣！
(四) 也呾〔adaa〕也呾代誌按怎，咁吓通過考試？
457 米粉炒
台語有一寡字詞，伊e動詞抑是形容詞，是囥佇字句e尾溜，這是特別e文法，講久叨慣習矣。伊通常是三字肖連，如「米粉炒」「蠔仔煎」「鯊魚煙」「豆干滷」，若是二字e時瞬，又閣恢復一般國語用法（動詞囥頭前），毋閣親象「米粉炒……」即款e機會是尐數爾，大多數宛那是一般用法如「炒油飯，炊甜粿……」。
458 「窘境」 按怎講？
佇日常生活噹中，「窘境」e福台語欲按怎講，即句話，不時用吓著，噯給記起來，「窘境」台語叫「……乏搭款」，音hadakuan444，，「呾公司倒閣矣，陷入去無錢無仁材e乏搭款，唉！實在臹可憐安呢！」（公司倒閉了，陷入資金與人才不足的窘境，哇！實在可憐！）另外一句「去店頭買物件，才發現錢紮無夠e乏搭款！」。
459 「反」烏矣，「反」輕矣，「反」巧矣
佇台語e文法噹中，一个物件變質，叫「反」huan4，如「空氣無夠，伊e面色變烏」，正確應該是「空氣無夠，伊e面色反烏」，另外例句「伊最近減肥有效果，即嗎體重遂反輕矣」「阿明經過幾落擺e教示，呾即嗎反巧（kiau4）矣，真好叨是」，茲e基本句型，講慣習叨好勢矣，免驚！
460 又原
福台語上驚破音字，是伊e「心腹大患」，伊e破音字是愈尐愈好，抑無吓發生種種e困難，亦叨是講「除非姑不而衷以外，儘量一字一音才好勢！」
台語”猶”字，大部份讀ia／iau，如猶有，猶無，猶閣，猶未……，即个時瞬，建議猶→iau專門使用，另外有一音唸yu2，如”猶原”，咱建議用”又原”來代用，音佮意思攏仝款，卡袂混亂。
461 第八調 , 存在e謎題 !
舊式台語八調，存在一个神秘e謎題，奚叨是「到底第八調咁有存在？」，有e人贊成，有e人反對，這「見仁見智」，依小弟e看法，「第八調實際上是無存在兮」，理由是安呢，第8調是高音e”hptk”四个音尾。※(1)8h實際上叨是第七調（陽去聲，兩，市，話……），逶變調叨知影（8h→3，食8→食3……），也叨8h佮第7調非常接近，容易肖濫，失去辨識性。※ (2) 8ptk事實上佮第1調（陰平聲，高音調）仝款，無需要另設聲調（如獅，鹿）。(3)逶台語字典叨知影，8h音e字足尐足尐e，而且攏吓使改用第7調來使用。結論：第8調佮第1調第7調重複，即个調吓凍廢除，亦叨是講台語依原6調爾爾。
462 疼〔ty3〕
國語「胃痛，腹痛，牙痛」，台語e正確寫法是「胃疼，腹堵疼，齒疼」，台語界e約定成俗e規定「痛苦」用「疼」表示〔ty3〕。
(一) 台語「疼」字有二个用法(1)表示痛苦，如頂頭所舉例胃疼，嘴齒疼。(2) 深愛之意，如疼囡兒，疼惜台灣。〔唸ty3〕。
(二) 台語e「痛」唸tang3，如疼痛（tytang43）咱台灣地。
463 乜〔mi 3〕
台語有一个真重要e中間介詞「乜」〔mi 3〕，解釋成”卻是 “。現主時e少年傢，大部份袂曉講，需要用教學e方式，互即句話閣活起來，如「做人是沒本事，可是花錢倒是考第一」，台語說「做人乜無半撇，毋閣开錢遂考第一」另外例句：
(1) 「普通時仔乜毋讀書，時到時當才咧喚艱苦」。
(2) 「橐袋仔乜無半鍼，閣欲激大扮」。
(3) 「身體乜虛lele，閣欲激大仙」。
464 台語”重”有三音
台語”重”比國語閣卡麻煩，伊有三款讀音，這「意味著」，台語文e混亂度，噯好好也研究。
(一) dang6重量，看有夠重。
(二) ding2重來，三重埔。
(三) diong2（多出），嚴重，注重。
以上三个寫法，第一第二有卡困難，第三音建議借用”偅”字，來避免寫作e困難。
465 「關渡蝦」 一詞
關渡蝦gandauhe632，是民國40～80年間，佇北部真重要e名詞，即嗎2020 , 已經「快消失30年」矣！
關渡蝦，叨是生存佇關渡平原e特級沙蝦，滋味鮮美「為龍蝦鮑魚魚翅所難比擬」，講伊是「台灣海鮮第一美味，絕不為過」，此種沙蝦干礁出產佇汫水海水交界所在，民國53年拓寬關渡峽口了後，海水倒灌，愈來愈尐，民80年後極罕見，干礁出現佇尐數淡水e釣具店有爾，價真貴安呢，即嗎有錢嘛買無，目前有海沙蝦，有卡大尾，毋閣滋味卡差。
466 「遊台灣」 有二款版本
「……遊台灣」有二个版本：
民國45～50年間，有電影「王哥柳哥遊台灣」，尹唸 台北腔（偏泉）。
「…遊台灣」聲調是「3聲，3聲，2聲（舊5聲）」。
同前三立電視台 「歐吉桑遊台灣」, 尹唸台南腔（偏漳）, 由 廖俊 主持。
「…遊台灣」聲調是「台6聲（陽去）。台6聲，台2聲（舊5聲）」。
※ 即二款講法攏正確，干礁是南北腔無仝款爾爾。（變調規則泉2→3，漳2→6）
467 毋免＝免？
台語中，“免”是「否定」e意思，“毋免”照理講是「肯定」e意思，毋閣伊實際上「宛那是否定」e意思，這是真無合理，不而顧呢，台語e文法叨是安呢，逐傢講慣習叨好勢矣。
1. 「阿姨身體返好矣，免去給看啦！」
2. 「阿姨身體返好矣，毋免去給看啦！」
以上二句意思仝款，並無差別。
468 釣桿, 台語叫 「釣篙」
某電視囑e鄉土節目，咧取釣篙e時瞬，發音有一絲也顛誕，伊e講法是照北京話直譯「釣桿diogan 41」，釣篙e語源是”竹篙”，這是有傳統e講法，有伊e道理置e，佇古早e時瞬，釣篙攏真長，十外尺攏普遍，呾即嗎科學發達，三四尺e碳纖維是主流，加足方便，加足好用叨著，所以現主時e民眾，真好命安呢！
469 鳥仔名 , 拜託講 鄉土名稱
目前e賞鳥團體，多數用國語e鳥仔名，雖然無問題，毋閣嘛吓拄著一寡小問題，吓來影響著鳥仔類e種類歸屬(1)鶯類，鷹類，鸚類e差別。(2)雀類佮鵲類e差別。(3)燕類佮雁類e差別。
對外行人來講，既然仝音，叨噯分互伊清楚，佇台語鄉土名詞，叨卡無即款現象，不而顧呢，用啥乜名稱啦，這見仁見智啦！
470 貢寮 毋倘唸毋着去
宜蘭線e火車，有一站「貢寮車頭」，一般叫「gongliau42」安呢無符合當地人e叫法，比較正確e叫法是「框仔寮」音kong6-a-liau2，安呢講卡有鄉土味。
471 平埔族e「文化遺風」
平埔族有一个遺留風俗，叨是二个朋友，真久無看著，忽然間有一工肖搪著e時瞬，其中一个吓佇朋友e胳脖肩上地方輕輕扑一拳，嘴大叫「幹！抑汝亦來……，哈哈……」表示真親切，目前即款風俗已經漸漸無去啊，受著國際禮儀e影響，二人肖搪著，大部份用握手來求親切。
二十多冬前，小弟猶三十桶步e時瞬，即个風俗猶存在，所以講文化習俗真心通（註：以上是凱達格蘭族）。
472 台語字詞發音 , 有4難關
台語真歹學，以自細漢叨噯卡早學e，大漢了後叨麻煩矣！台語除了「本調、變調」上介複雜以外，另外閣有四个難關之肖礙，有影硬斗叨是。
(一) 文白音無仝款，普通時仔噯卡練習e！
(二) 漳泉腔e無仝款，噯接受其他無仝款e腔口。
(三) 漳泉變調e無仝，以陽平聲（近國語第2調）e變調來講，漳2→6，泉2→3，如紅6豆（漳），紅3豆（泉）。
(四) 一字多音e破音字，如”重”唸(1)重量(2)重來(3)嚴重。
473 咧吐「大腸頭」
佇一寡卡鄉土性e台語廣播劇，抑是豬哥亮仔e歌聽秀內底，迭迭吓講著，心情ut卒艱苦，空課做了甚忝，咧吐大腸頭，是啥乜意思？
鄉土文化e解釋有幾落種，下腳二款吓凍來做參考 : (一) 人艱苦緊張e時瞬，生理反射運動，肛門e括約肌噲收縮佮放另，定著感到身體無爽快。(二)人頻著緊張，艱苦，叨吓想欲”婁屎”〔lausai44〕，大腸失定收縮尤其考試囡仔卡艱苦，欲考大學，欲考……迭迭腹堵吓怪怪，不管按怎解釋，吐大腸頭叨是艱苦緊張e意思。
474 關渡平原 , 按怎稱呼？
報紙迭迭咧講著「關渡平原」，安呢講法雖然是無毋着，毋閣呢，無夠幼秀「貼切」，佇台語內底，對「平原」叫「平洋」，伊e分類真幼秀(1)上好e平洋，叨是塭田，伊噯有良好e水源。(2)中好e平洋，叨是果園抑是菜園，伊水源卡欠，經濟價值卡醜。(3)上醜e地叫沙埔，草埔仔，伊e石頭仔甚贅，稠塗甚尐，迭迭淹水，無經濟價值。
「關渡平原」，本地台灣人叫「關渡塭田」，伊攏總有一千二百外甲，每年產生稻米約1000噸，是足好e塭田地，毋倘看輕伊！後日仔，看著「關渡平原」愛改叫伊「關渡塭田」！
475 木魚 , 按怎唸 ?
佛教在叩叩叩e木魚，欲按正稱呼，伊e講法有真贅款。
(1) 梏仔〔kok ah〕因為它聲音叩叩叩，直稱「梏仔」。
(2) 魚仔，由”木魚”轉來，台灣人大都如此稱呼！
(3) 木試〔vokci33〕，佇南部有人安呢講，詳細用字噯閣考證。
(4) 木魚，普通講法，毋閣易誤會做”柴魚”，伊根本毋是魚類，伊e故事傳奇，因涉及殺生，有人無相信。
476 汰淘？刣頭？
現主時，社會時機醜，去公司食頭路，迭迭吓去夆taitau32（草職，炒魷魚），有人寫「殺頭」「刣頭」，安呢無妥當啦！無頭路變做刣頭，無好解釋。
其實taitau32e正字叨是「汰淘」爾爾，伊是「倒裝詞」，佮鬧熱、風颱……仝款，是台灣話真特別e所在，即三五年來，世界經濟惡化，台灣「融入世界村」真硬斗，「將來，常會有間歇性的失業，變成常態」，後日仔，不時咧”汰淘”變做庶常e代誌安呢！
477 過年貼「倒春」, 國語台語不同
過年e時瞬，挑工（故意）逶「春」字搭顛倒，國語佮台語e解釋無仝款，噯稍注意一下。
(一) 佇台語內底，逶”春”字貼倒頭，叨是叫伊欲「顛倒偆」（反而有剩）e意思，有偆傢伙財產啦！亦叨是「偆（剩下），借用「春」字，借用春節啦。
(二) 佇國語內底，春字搭倒翩，叨是表示「春倒了」暗示「春到了！」，亦叨是「春節到了！」所以講春節到矣！真心適叨著。
478 怪奇〔gokgiak55〕
台語e「奇怪」叫「怪奇」，而且伊e發音真特別，叫gokgiak55，現主時六十歲以下e台灣人真尐吓曉，小弟即伳人嘛三擺聽著即款講法，最後一擺是民國76年，離即嗎已經三十冬矣，這叨是本土文化真正趣味e所在，「唉！怪奇。〔gukgiak〕呢，哪吓安呢？」
479 癡哥
謝長庭佮馬英久競選總統，謝有說一大統了後，會有大量大陸妹入來，順便講著「豬哥」e問題，這其中有稍寡語病，伊e原意是「癡哥」cigr61，原本意思是風流瀟洒爾，佮「阿狗兄」差不多，洛尾也愈來愈慪搭，變做佮唐三藏豬八戒e「豬哥」問題，歸个詞彙惡質化，真拍損安呢。
480 麥仔酒
麥仔酒，叨是啤酒Beer，西洋人上愛飲，尤其德國人一大杯一大杯乾杯，有影吓驚死人，咱台灣啤酒，佇全世界嘛是真出名安呢，好e beer是用大麥佮米去製作，咱台灣e大米有特殊e香味，受著全世界e謳咾，這叨是咱台灣人e光榮。
咱普通食e麵粉是小麥做e，另外有大麥，伊e用途有二款，第一是做Beer，伊有特別e苦味，第二叨是做麵線，蚵仔麵線彼个麵線，用大麥做一種「粗礦之美」毋閣最近改變材料，真贅改用麵粉，這叨簡那滷蛋改用雞卵仝款，真正可惜真正拍損。
481 「趁(tan4)食」 佮 「賺(zuan)食」
台灣對話（會話）內底，「趁食」佮「賺食」噯分互伊清楚，才袂顛誕去矣！
(一) 趁食，tanzia44，指一般人為著顧三頓，付出勞力拍拼去工作趁錢來飼嫫囝安呢。
(二) 賺食，zuanzia14，指用比較不正常e手段抑是奇怪e撇步去趁錢，如賊仔賺食卯有過，即攤恁父賺食袂茖（lak5），想一下辦法，給賺食起來！
482 冓演 比賽
演講比賽，正確應該是「冓演比賽」gangyen bisai，這是台語「倒裝詞」e關係，無啥乜着毋着，講慣習叨好勢，筆者佇民84～94，即十年中間做過十外場e教育局e台語比賽評審，有幾个感想。
「民國87年台北市鄉土語言演講比賽」這短短e幾字中間有三个問題，我佇庶當時，有給提出抗議。
(1) 「鄉土語言」應正名為「本土語言」，「如果是鄉下人才講的話，那何必城市人也講呢，這根本是矮化與歧視！」
(2) 「演講比賽」應改為「講演比賽」，此涉及台語文法問題，連主辦單位自己都搞糊塗去了。
(3) 當年通用音標佮TLPA正拚得火熱，主辦學校依官方TLPA示範時，曾引起通用派之嚴重抗議。
（以上第1點，民97年元月教育部已更改）
483 漳泉e〔l／j〕對應
台語分為漳州話佮泉州話，尹中間九成五仝款，毋閣有一寡地方性e腔口，宛那無仝款，這當中以l／j音相差卡心適，尹雖然音素有差別，毋閣佇實際發音時，兩者「幾乎相同」並無不同腔e缺點，這是真特別e所在。
如日泉lit／漳jit，尿泉lio6／漳jio6，裕泉lu6／漳ju6，吓使看做泉音卡重，漳音卡輕卡濁安呢，目前二腔混合。泉系稍占優勢，毋閣佇嘉南平原宛那有伊e優勢腔局面，伊佇拼音文字，有好處，如柔liu／jiu，咱吓使用lju做單字，安呢雙爿攏有照顧叨著。
484 椅蓧〔yiliau12〕
椅蓧yiliau12，佇台語文化內底是一款真重要e名詞，伊是長條椅仔，約160cm×20cm×高70cm，四个椅蓧拄好圍一塊四方形e食飯桌。目前各大收藏所，博物館攏看吓著，筆者細漢e時瞬，佮伊逗陣有著，有十外年e經驗，吓使講感情真厚安呢甡，各位若有興趣欲看，上簡單叨是去「蘆洲市李友邦古宅」看看叨知影。
即款椅蓧，即三百年來，影響台灣人e生活真正大，伊至尐有下腳四項功能。(1)做椅仔坐倘來食飯，(2)三个椅蓧橫排e時瞬，吓使當做眠床來睏，(3)將椅蓧直徛時拵，吓使做五月端午節e縛粽e骨架，頂頭e腳吓凍綁鹹草線，(4)正月初九拜天公時，四隻椅蓧，頂頭縛供桌e四腳，即个時瞬供桌高高在上，拜天公伯仔上好勢，筆者細漢時，印深深刻。
485 後增 , 是啥乜 ?
後增，音auzan31，叨是六歲囡仔e「第一齒大臼齒」，（上下左右各一顆，攏總有4齒安呢），囡仔齒（乳牙）一爿有五齒，佇後壁閣”後面增加”一齒，叨是第6齒矣！也叨伊是後壁加發e嘴齒，所以老祖先叨已經號名叫「後增」，這是真有學問e代誌，即齒”後增”發出來e時瞬，無張無弛，有一寡做母親e家長毋知影，一直掠做伊宛那囡仔齒，若甚早蛀e時瞬，會錯誤判斷，失去填補e先機。
486 「赤色」e解釋 , 稍寡無仝款
赤色，ciasek45，佇台語，日本話，北京話e中間意思稍寡無仝款，噯給了解。
(一) 赤色，台語一般當作「赤土色」講，赤土色、黃土色、紅土色，卡尐純紅色，（否則會直講「紅色，大紅色」），台灣人紅包，袂講赤包啦。
(二) 赤色，佇日本話噹中，指純紅色，如赤十字會社。
(三) 赤色，佇北京話中，大部份攏指紅色，「赤化、赤色中國」。
487 台語 指紋學
目前用「(1)指紋(2)瞳孔(3)DNA，吓使來辨別人，佇茲建議「台語腔口」宛那吓使親象指紋來辨識人，方法是安呢，目前漳泉斥無仝款腔口約有150字，先製作好各種腔口e選擇題，續落呤，叫受試者用筆勾出伊上介親切上介時常講e腔口，若安呢150字，可能吓凍排出億萬種以上e排列組合，達到辨識e作用。如「去三重埔溪尾街買雞、鞋、紅龜粿」，干礁以上寥寥數字，叨有128種可能e差異。
488 台灣e「猴」佮「狗」
政論家張友驊佇總統選前，有一擺佇電視講，「民政黨佇立委大敗後，謝長廷居然能把馬英九一路追殺打擊極為強勢，他有彌猴的聰明和狗的勇猛……」，即做評論是真心適，嘛真有理，長廷仙表面溫文儒雅，毋閣出手嚴厲力頭真飽安呢。
台灣彌猴是全世界上巧e猴類，台灣土狗嘛是全世界上凶猛e狗，即二項動物出名全世界，有阿啄仔來台灣調查，尾溜也無成功，也叨台灣話甚歹學爾，伊學猴gau2是第2聲，猴肉e猴gau3是第三聲，卡停也狗gau4是第四聲，狗肉e狗是第1聲，伊一工到暗佇gau中間1聲，2聲，3聲，4聲，無甲真亂真茹，伊連語言叨矯袂好勢，才咧怨歎講台灣話歹學、真正有影。
489 倒閣 ,國語台語 解釋不同
「倒閣」一詞，台灣話佮北京話e意思無仝，毋倘濫濫做一个，魚凡魚，蝦凡蝦，毋倘水龜濫田螺。
(一) 倒閣，台語e意思叨是「公司倒閉，事業倒閉」e意思，即嗎經濟無好，迭迭有公司倒閣，真正可憐。
(二) 倒閣，北京話e意思，叨是「政治上，行政院倒閣矣，各大部長換人，院長嘛換人做！」
490 揙(bii4)面，變(ben4)面
台語「揙面」佮「變面」，是完全無仝e二回事，毋倘單獨濫做講「變面」一詞爾爾。
(一) 揙面，biimin46，是「翻臉了」e意思。「一下聽著安呢呤呤，頭傢遂揙面矣，代誌歹紡矣！」
(二) 變面，benmin46，是一般面容改變，如美容去痣，去魚尾紋，抑是四川戲變面e工夫安呢！
以上二詞、音義攏無仝款，毋倘用仝字，安呢台語文才吓幼秀。
491 阿海
1945～1950中間，發生二二八事變給白色恐佈，台灣人佮外省人中間，感情起了變化，得著政權e外省權貴，優越感重，凌治全台灣e艱苦人，嗯才e瞬呤，台灣人稱外省人號作”阿山兮”〔aswei〕，佇下港方面，宛那有人叫豬標兮，咬柑仔e，省籍e對立問題，互台灣人佮外省人，生活佇互相輕視佮對立中間。
既然台灣人叫外省人「阿山」以上，相對e台灣人有時瞬嘛自稱家已「即海」，這宛那e時代造成兮。
「呾阿山兮ga掌握軍事財政以上，即聲阿海噯卡拍拚e，卡巴結e！」
492 人肉鹹鹹
人肉鹹鹹langvagiamj3532，即句話表示「耍賴皮，拒不還錢」e意思，亦叨是講「叨算汝給我割肉塊仔，我宛那無法度叨著」，所以講借錢互朋友，噯真注意，毋倘錢了去矣，朋友亦無去矣，安呢叨醜材矣！
人肉鹹鹹e解釋，並無確定，一般e講法，是人肉鹹鹹無法度哺，汝給我摋嘛無卡擢啦，這有真贅款e講法。
493 紹介
佇日常生活噹中，有一句迭迭用著e話語，不時吓講毋着，伊叨是「紹介」siaugas63，普通咱攏受北京話e影響，攏講「介紹」雖然是聽有啦，毋閣無理想，這代表台灣文化受署外來北京話同化中。
台語當中，有真贅「倒裝詞」，如鬧熱、風颱、腳手、冒仿、青紅燈……，即即字「紹介」嘛是其中e一个詞，噯稍注意一下。
「阿明，我給汝介紹一个好朋友」（不妥）
「阿明，我給汝紹介一个好朋友」（優）
Amq，qgxli sbgai zl hzbyu。
494 zia有三字，噯注意
寫台語文句e時瞬，噯特別注意，zia音有三字，互相中間無牽連，噯分互伊清楚，才袂舞亂去。
(一) 茲，名詞，此地，茲是啥乜所在？茲有啥乜特產否？
(二) 迮，副詞，這麼，迮尼好，迮醜，迮好心。
(三) 才，連接詞，才是，才有，才是，才欲，拄才
「拄才入來e學者，是阮茲上介出名e專家，伊實在迮尼優秀呢！」
495 「早起」有麻煩
台語「早起」同時表示
(一)zaiki14”早上”e意思。建議用「載起」, 以資區別 .
(二)zaki14”很早起床”e意思。
以上兩者，音義皆無仝款，袂使用仝一个詞”早起”，抑無寫起來e文章吓亂作一團，即个問題真費氣，我嘛無法度。才寄望逐傢提出意見來解決，我e意見是zaiki (早上)，用”載起”。
496 土龍 , 念toling ? toliong？
土龍，是庄腳親象鰻類e大補品，價賬真貴，毋閣伊e唸法真混亂，到底是唸 (1) toling32抑是，(2) toliong32，正確答案是「toling32」，音如「土鈴」，伊是白音，佮「拜拜時弄龍，生肖……虎兔龍蛇……」讀音仝款，佮文音「龍山寺」旡仝款！
497 桶盤，桶盤嶼，桶盤面兮
桶盤，tangbw12，是大型e台灣料理盤子，它是扁圓形（橢圓形），大概40cm×25cm，內底吓使囥足贅食料，佇請人客e時瞬，不時看吓著（如頭一齣冷盤，如牽鹼魷魚荷蘭豆肉片），毋閣目前一般非純台式餐宁已經絕跡矣，所以少年人真尐人看過。……另外桶盤璵佇基隆外海孤島，伊e形狀像桶盤狀（可見台灣文化e心適），桶盤面兮，叨是「人長得方面大耳」，親像桶盤仝款，大大py，人真精光頭殼真好。
498 「煠sa4」佮「煑zu4」差別
台語界內底，「煠sa4」佮「煑zu4」迭迭分袂清楚，噯佮伊講好勢，安呢文句才吓通順好勢。
(一) 煠，sa4，「用清水簡單白煑，一樣東西通常是短時間而已，如去煠一塊三層肉，去煠一把應菜。
(二) 煑，zu4，「可用清水、醬油、味噌……，較複雜煑很多樣東西，時間可長可短，可煮至糜爛……」如去煑一碗雜菜麵互汝食，去煑一碗海鮮糜……。
499 nadak 31 , 啥碗膏？
漢字本屬於溫帶所在e文化，尹若是欲形容熱帶所在種類繁多e水果時，迭迭「捉襟見肘」，無夠字倘用，所以噯借字來用，有時仔佮實際e水果差真贅，如旺梨，伊根本叨毋是「梨」，楊梅伊嘛毋是「梅」仔，另外上介譀（ham3）e叨是「楊桃」伊根本叨毋是「桃」仔，實在講，佇台灣北部地區，叫「楊桃」叫作nadak 31，近似”籃觸”，伊即个名稱真鄉土，各位好朋友，後日仔看著楊桃，汝著大聲佮叫”nadak 31”，這是咱e文化，伊毋是「桃」仔。
500 碗e大小 噯分
碗，w4，即項物件，佇日常生活當中，真正要緊。欲了解台灣人e文化，絕對噯先分互伊清楚：
(一)（上大型）碗公：大型碗，直徑約15～18cm，叨是咱咧食牛肉麵彼款。
(二)（標準）碗頭仔：一般日常生活e飯碗，直徑約10cm高約5cm。
(三)（稍小一點）碗甌仔：比碗頭仔稍小，直徑約6～7cm，高約5cm，一般餐廳「辦桌」用e碗形。
(四) 碗洗 (wse 14) : 直徑6cm左右，高約2.5cm較淺，有各種形狀，囥醬料、佐料。
(五) 茶甌仔，酒甌仔。
501 赫hia，遐hia
台語寫作e時瞬，有二字迭迭吓肖濫，噯真注意，一字是副詞e「赫」hia，意思是「那麼……」，如赫歹，赫細間，赫好，……。另外一字是名詞e「遐」，意思是「彼个所在」，如，遐是阮故鄉e學校，汝佇遐咁猶有親戚置e？遐有蹛外贅人？……
以上「赫、遐」即二字佇台語界早叨「約定成俗」做標準字，最近有人提倡，逶「赫尼好」改做「遐爾好」安呢是無妥當啦！
502 茄色e～台語e精華
台語逶”紫色”叫”茄色”，這是一个真偉大e「發現」，茄色是紅色綠色e混合物，佇實驗室真容易做法，毋閣佇宇宙地球中間，真尐有天然物是茄色（紫色e），日常生活噹中閣卡希罕，不而顧呢，真拄好，茄e色水拄好是紫色e，而且色水真準，比實驗室配色閣卡準，用伊來代表紫色真正好看閣好用，小弟有時也去菜市仔踅踅e時瞬，一時無聊，迭迭吓買二條茄，毋是欲食，是單單一再欣賞伊天然e紫色爾爾。
503 台語「青色e」容易糾紛
台語文寫作e時瞬，有一个嚴重e字詞，著是「青色e」問題，到底”青色”是指1.”綠色”，毋閣有時瞬少數場合, 嘛吓使當作2.「淺藍色」吓講，譬如「天頂青青，青天白日」，即部份是受著北京話e影響，安呢來著色，代表綠色閣藍色，一字雙義，並無合理，小弟e意思，是「青色」即个字詞取消，直直用”綠色""草綠色”淺藍""藍色”叨吓使矣！講一个笑話。目前台灣e民進黨佮國民黨爭甲「你死我活」，藍綠之爭極為嚴重，青色既然同時代表藍綠，不如把台灣e政黨叫”青黨”叨吓使，雙方攏有包含在內。
504 拍鐵仔褲
牛仔褲，佇社會上真正流行，伊簡單、方便、耐用，上重要叨是伊e形體真嫷，吓凍表現出優美e人體曲線美，一寡少年人攏真佮意，台灣有一間工廠，專門咧做即款褲，工場嘛楦到美洲去，趁袂尐錢，算起來，伊是一款世界共同e認同物，確實磊斗安呢！
牛仔褲，台灣話欲按怎講，伊號作「拍鐵仔褲」patiako4113，即e名詞大概佇五十冬前形成e，彼時e形象無好，打鐵仔是一項艱苦硬斗e空課，逐工佮烘爐，鋼板「打交道」，台灣人現主時食飽穿燒，噯回想卡早乏搭e日子。
505 菅蓁壁 (念 官真壁)
自細漢e時瞬，叨有聽著阿伯仔咧講「菅蓁壁，土角厝」接怎按怎。知影奚是散赤人咧蹛e所在，也叨無看過e關係，一直無印象，佇我初中高中時代，去淡水要e時瞬，迭迭吓經過一位叫「菅蓁林」e地名所在，感覺真奇卡，一直想欲看其中奧妙。（佇紅樹林捷運站附近）
前幾年去蘆洲市李友邦故居，三級古跡e時瞬，內底有示範菅蓁混合粘土做成「菅蓁壁」gwzinbia663 e實際情形。「百聞不如一見」，示範物非常精緻幼秀，互我真滿意嘛真謳咾，即嗎一般人謙虛講家己厝細間無額，叫伊e「菅蓁厝」，叨親象華語「蝸居、寒舍」一般。
506 再讀 「阿佬仔」
進前有講過，「阿佬仔」〔alr-ah〕是台語「寶貝兒女」e意思，有e人咧講，「佬」字吓佮華語中e「佬」肖濫，而且華語e”佬”字，是一个無外好e字眼，恐驚也推廣有問題噯量早考慮伊e缺點。
即个問題，有二个可能解決 , (1) 組織委員會，共同來決定新e用字，如 阿咾仔……，來閃避華台用字衝突(2) 依原用”佬”，以台語上大e利益為主，無咧管華語e問題，這是無仝語系，所必須付出e代價。
507 起彎
起彎，念ki-wann-i，是真特殊e半鼻音，真有氣魄e字詞，本詞是真重要e字詞，吓使講逐工攏用吓著，毋閣隨台灣話喪失教育權e關係，年來急速凋零，即嗎三四十歲以下e人，真罕咧使用。
起彎，叨是北京話「故意挑釁鬥狠，蠻不講理窮凶惡極之態」，一工到暗「找碴，找人鬥打」，即款凶煞惡神，日當生活若拄著，叨趕緊閃避才好。
「阿明啊！緊唗！山腳彼陣歹囡仔，不時吓來起彎鬧代誌！」
508 再談 磊斗
頭前有講過「磊斗」ledau44一詞，意思是”美好”，伊吓凍表示山川、國家、社會、人事、容貌、收入、感想、思想，是一个範圍真闊e台語詞，照理講噯好好利用才著，毋閣因為失去教育權e關係，一直咧落坑，目前偆台北、淡水佮南部雲林縣猶有尐數人咧使用，噯大力給救援叨是。
磊斗，佇早期有人寫”麗斗”，意思卡”鮮明”，毋閣尾溜也卡佇一个問題，麗le6，變調了後le3，這佮磊斗ledau44，佇讀音上有毛病，嗯才洛尾也，漸漸無用”麗斗”，改用”磊斗”。
509 愛慕 姑娘仔，有分等級
台語文化，對愛情e描述，有分階段，袂使顛誕去，看啥乜用詞，叨知影佇啥乜階段，以下三階段，愛意漸漸加級。
(一) 對……姑娘仔有「佮意」〔gayi43〕，有初步e愛慕，好印象，試看覓，機會機會宛那真好。
(二) 對……姑娘仔有「意愛」矣，有進一步e愛戀，而且欲積極e介入，對競爭者吓「吃醋」。
(三) 「去歃著」〔saadio43〕……姑娘仔，「極端愛慕，生死以許」，台灣話講「去歃著頂腹蓋（橫隔）」安呢。
510 塗角厝（土角厝）
前幾工看電視，有一場拆除外省眷村e鏡頭，矮矮磚房確實老舊，（但如說當時眷區住屋落後，則事實未必），也叨彼時拵台灣人有閣卡落伍e厝，叨是「塗角厝」，比外省人e磚瓦眷村”落後太多”，小弟（筆者）佇小學階段猶蹛過即款「“土角厝”」，彼時看著關渡埔頂e自強新村眷村非常羨慕e呢！塗角厝，一般寫土角厝，叨是用粘土佮稻草所塑成e「泥磚塊」，即物件來砌e厝，配合「芊蓁壁」，定著”險象環生”，奚哪叨閣講！
511 「著」 佮 「着」
台語文章內底，逶「看到 佮 看對」攏仝款寫做「看著」，安呢無妥當啦！安呢無幼秀啦，汝看華語內底兮甲真清楚，「我看到人，我看對人」，台語則一律講「我看著人，我看著人」如何吓凍分辨，利用”看著”無仝，正確應該是「我看着人，我看著人」，毋閣，差不多所有台語文作字攏逶”着”用”著”，即聲積重難返，我佇茲建議，※ { 「我看到人」用「我看著」人，「我看對人」用「我看着人」來分別。}（註：着 字，最近電腦已有法度拍字）
512 自來
有一寡台語戲劇，受華語影響，逶「自來」改用「一向」，安呢是無妥當啦！自來一詞用甲真踥，噯好好挽救。
（不良）阿明一向叨毋捌講白賊，即嗎哪吓變軟？
（優） 阿明自來叨毋捌講白賊，即嗎哪噲變軟？
（不良）我信任伊，也叨莊議員一向叨毋捌買賣。
（優） 我信任伊，也叨莊議員自來叨毋捌買票。
513 烏貓，烏狗
烏貓oniau61，烏狗ogau64，是指「時髦男女，風流俤儻，意氣風發，眾人稱羨的王子、公主」，即句話佇即百年來，一直用到近代，即嗎宛那猶有人講，毋閣漸漸互北京話「俊男美女」一句話來代用，實在真可惜。
古早e日子，生活乏搭，佇庄腳，抑見半城內迭迭吓看著一批少年仔，「油頭粉面」，做人客氣，錢銀便便，厝內田園十外甲，又閣是厝內e大孫……，嘛讀高中讀大學，揙做全庄頭姑娘仔羨慕e對象，叫做「烏狗，烏狗林兮……」。另外姑娘仔，厝內好額，厘號大人風光有地位，做代表做幹事，姑娘仔穿插嫷，氣質好，逐傢肖爭佮意，叫「烏貓，烏貓英仔……」。
514 熗注
熗注，ciangdu45，音近「嗆杜」，叨是「故意去挑戰你」，有一絲仔挑釁e意思，即句話佇幫派中間不時吓用著，一般普通人卡尐搕著（kapdio15）。
「注」是跋激e押注，唸du5，伊是特別e破音字，台灣話內底，拚注bydu45，熗注，攏是卡特別e字句，中間加減有”機會，危機”e意思。
515 奧步, 應是「慪步」
選戰激烈，報紙頂頭，迭迭有寫「……人，使出奧步」，這是無正確e講法，「不好的步數」台語叫「慪步」 aubo46，另外「奧步」唸rbo46，是”困難e部數”e意思！
目前社會有一个無好e現象，叨是「伊一方面欲用台語言詞，另外一方面又閣無尊重台語e用法，稱採用一个北京話e仝音字來代用叨好勢，譬如講強強滾（沖沖滾），霧煞煞（霧霎霎），攏是安呢，這愛改進，抑無，長久了後，「約定成俗」，到時改袂返來，吓影響台語文寫作e系統安定性。
516 吐劍功
吐劍功，叨是「暗中較勁」e意思，現時五十歲e以下e中年人，有看過卡幼秀e歌仔戲，攏知影，佇戲台上演e歌仔戲，卡有咧做即款戲齣，戲搬到一半e時瞬，燈光禁熄，「鑼鼓齊鳴」鬥爭e雙方，各佇舞頭e一端，放出長束電光，斜往上空，向對方向出，這時瞬「鑼鼓齊鳴」，黑暗中有兩條長光在空中交戰”爭戰不已”，即款e過程叫「吐劍功」，目前來形容”雙方暗中較勁”，雙方暗中鬥爭，真好e字詞叨是。
517 肝，肫e俗諺
台語有一句真心適e「自我陶侃」e話，叨是「啊！做大官無啥希罕啦！汝做汝e官（肝），我做我e肫( gen6)嘛是袂醜啦。」逐傢哈哈大笑。
佇普通時仔，若是拄著ut卒艱苦e時瞬，有時仔借語言諺語嘛吓凍消透來化解，有一擺看電視，張帝ut卒，輕打了一下張魁，氣氛尷尬，張魁不愧是化解高手，馬上叨講「唉呀，打什麼打，打要打小孩仔，怎麼打起老人啊？」雙方哈哈大笑，化解一場矛盾。
518 皮下脂肪
台語話對「人體e脂肪」有幾落款e名詞。
(1) 大油，指大塊脂肪，尤其以腹部表層為大宗，（zw4）豬油叨是用即部份e油。
(2) 網紗vangse，指「腹部深層散紗狀油脂」，雖然伊e量無贅，宛那有價值，佇彼个物質欠缺e年代，辦桌做料理時 ,吓凍包肉塊蝦塊, 有伊e價值。
(3) 皮下脂肪，台灣話叫「裏瓤，裏瓤油」lingyu332，即款e形容真正貼切逗搭，伊親象瓜類e內延，即句話跟”老化”有關係，皮若攝攝叨醜材矣，皮若膨皮叨真嫷，所以講佇古早用了真贅，可惜近年來受北京話影響，尐人講。
519 anigi , 大哥啊 !
anigi 615，來自日本話，叨是「某某大哥」級人物，大致是有錢有勢，喚水吓堅凍e重要人物，普通時也，身邊宛那有一寡”囡仔”（部下，爪牙），來保護伊，來晟伊e聲勢。
戒嚴時代，有一擺佇某歌廳唸聽，忽然間有”anigi”出現臭警察仔掠做伊唸日本歌，違反國策，「要罰錢」欲掠人，領導者「急中生智」，馬上給警察講，伊唸「安呢去（aneki），毋是大兄（anigi）啦」伊是咧冓台語啦，化解一場風波。
520 夭壽 , 不一定坏話
一般台語言詞，逶「夭壽」解釋做「短命，不幸啊，缺德」雖然無毋着，毋閣呢，伊有另一个真要緊e用法，逐傢噯注意，夭壽，叨是「非常……」e意思，「唉，即份料理，夭壽好食」「無疑悟阿明遂夭壽敖讀冊，看伊安呢不吉不吉」即个「夭壽」即个詞，發生佇語詞轉折虎，「極為傳神」，請多多使用.
521 嗯著
台語有一e真重要e前助詞「嗯著……」，近年來有急速凋零e危險，我佇電視劇中，已經真尐聽著即句古早不時咧講e助詞，伊e意思，也就是，話說要「如做人艱苦，嗯著卡搰力卡巴結e！」，伊e發音mdio容易給「毋着」肖濫，（佇桃園市閩南語文縣P57有寫「毋著講」……），發出矛盾現象，所以建議用，“嗯著”來分別。
522 好，咧好八擺e呢！
烏燒燒女士，最近出一塊唱片，咧好八擺e呢！利用高知名度來推銷，毋閣無外久遂發生挺馬事件，舞甲滿面全豆花，「好，咧好八擺e呢」，接近，「有什好啊！好个屁啊！」
女士為卡早謝先生為仇家辯護，懷恨在身，放棄本土，投入中國國民黨，由綠轉藍，「以求大勝同沾喜氣，遂引起本土人士e土力反擊，講伊恩將仇報，有失厚道，謝先生當年為綁南非武官事件，親身冒死潦落，非公道自在人心，好咧好八擺e呢！
523 「月桃」e重要性
佇在早農業社會，「綁物件」除了麻索、草索仔以外，上重要叨是「鹹草索仔」佮「月桃索仔」，這真心適。
月桃，出產佇郊區小山崙仔，（北部尤多），高度約2公尺，葉大，橢圓30cm×12cm，伊e莖桿纖維質真贅，鄉人去山頂，剉月桃返厝內後。(1) 伊e葉仔真大板，吓使做粿葉仔（主要是包甜e粿，另外包鹹e甜用另一種粿菜樹一波仔樹）。(2) 將莖桿用槓搥仔，扑互伊必互伊碎，才擔去曝日頭，了後叨是真用e「縛索仔」，伊e重要性佇彼个物質缺欠e年代，真正要緊，茲e代誌，小弟細漢e時代攏有做過，印象真深安呢！
524 e，er
國語佮台語e音韻，有一个所在倒翩，噯給注意，伊吓影響著人e「腔口」，佇國語中「e」音有趨向「er」的性質如「這ㄗㄝˋ」慢慢變成「這ㄗㄜˋ」，佇台語當中拄好倒翩，如「火ㄏㄜˋ」有趨向「火ㄏㄝˋ」（台北腔），古早e泉州腔→台北腔，目前台語漸漸整合成「台北腔」「台南腔」兩枝，毋閣佇百冬進前，全台北講泉州腔e人是「滿坑滿谷」，毋是目前噯去鹿港尋少數人做「樣版」爾爾。
525 代誌 食力 矣
代誌嚴重了，台語叫做「代誌食力矣」，「即嗎食力矣，欲按怎才好？」，食力e意思不明，是毋是「心情艱苦，可比講肩頭負擔力頭」這毋知影。
食力，唸zialat31，佇北部地區，有e人唸音稍帶半鼻音，zylat31，二款唸法攏正確，拍算（可能）是甚過了”誇張”，音調稍寡走音，各位好朋友，後日子，汝若是聽著身邊有人大喚「食力啊！食力啊」，表示糟糕了 ,叨噯提高警覺，可能搪咧發生代誌噢，如火災、車禍……。
526 擔笪
台語「擔笪」，袂使寫「擔擔」，因為這牽涉到語系音義衝突，袂使無注意e。
台語漢字e第二个規則是「凡是音、義、詞形這三者攏仝款e時瞬，袂使用仝一字漢字」，這是無仝語系轉變時，所必須付出e代價（否則可以不用，可考慮用拼音字），(1) 擔：daa，挑起，動詞。(2) 笪，daa3，竹架，名詞，以上三者攏無仝，所以袂使用仝字”擔擔”，佇北京話內底嘛是有分開，伊用”挑擔”，來閃開。
527 伊咧講 有咧講
台語「伊咧講……」，佮英文現在式，現在進行式差不多，毋閣大部份e場合上好是講「伊有咧講……」這是過去完成式，咱咧講代誌，已經發生過e卡與大頭，拚著「將來式」，叨「某人即欲……」。
目前一般台灣e少年人講話時，受國語影響，真贅逶「有」給攽袂記e，噯給改進，伊e文法佮英文仝款，講慣習矣，英文嘛吓卡好勢！
528 台語”頭”系統
台語e文法內底，真愛講「頭」即字，吓使解釋做「主要內容，重點內容」。
「路頭」 「湯頭」 「藥頭仔」 「歲頭」
「話頭」 「組頭」 「花頭」（戲班主）
「qen4頭」 「總君頭」 「烏頭車」 「利頭」
伊e組合，大部份是「名詞＋頭」抑是「形容詞＋頭」，使合成一款真心適趣味e語言系統。
529 「囡仔 歹飼」，有怪名
父母飼囝真艱苦「今古皆然」，囡仔咧大漢e時瞬，迭迭吓破病，返晟袂順序，算起來真硬斗叨著，卡早e嗣大人真古意，為著欲求天公伯仔逗肖晟，吓下願講，只要囡仔好唷飼，甘願家己受苦受難，用怪名，求取上天e垂憐，所以有e台灣名真怪，啥乜雞屎、闊嘴、歪面……無，甚至男用女名，台灣青果大王大富豪，尹老母嘛給號做”陳查某”（實在伊是查甫）。
530 猛虎奧擋猴拳（群? )
有一句閒仔話「猛虎奧擋猴群」，「寡不敵眾，團結叨是力量」，有時仔吓誤解「猛虎奧擋猴拳」，這是仝音無仝義。
不而顧，社會上宛那有太極拳、猴拳、獅拳……，有尹e學問佇e，「也叨猛虎奧擋猴群，有時也宛那摯節袂稠安呢！」
531 ……做了有起呢( ne)！
古早e台灣人，足愛講一句「某某人……，做了有起呢！」即句話，有時瞬是咧謳咾仈人，毋閣有時也是咧鄙相（piisiuu44，挖苦）人，噯真注意，即款話毋倘烏白講 , 若是有聽著即款話，是毋是有人對汝不滿，抑是對汝真佩服。
△「哼！閣敖 , 做了有起呢！」逐項hak甲迮膨沛，真正是市長伯仔做了有起呢(ne)！」
△「阿明即个人，勤儉晟茲弟妹，真古意，實在大兄做了有起！」
532 茲是「淡水車頭」，盡磅矣
淡水線，逶新店到淡水捷運，約30km，行程40分禮拜假日，有真贅人去觀光安呢，搪當列車慢慢也駛入淡水火頭時，有一段台語廣播「各位旅客，終點站淡水站到矣，請您順序……」以上台語廣播，並旡妥當，比較正確是安呢「也呾各位旅客，淡水車頭, ，拜託您……」。解釋 (1) 也呾：語前助詞，提醒之意。(2) 淡水車頭，著是台語「淡水驛，淡水站」e意思。(3) 盡磅矣，叨是終點e意思，台語e形容詞盡量囥佇後塹，簡那「路燈光光照大路，毋是「光光e路燈照大路」。(4)請多用”拜託”一詞。
533 甡甕
古早話，生甕sinn-ang 63，叨是身體長出瘤癌e意思，身體發出一粒「物件」，伊有「好物」hrmng／hrmi，宛那有「歹物」paimng／paimi，這是真正不幸的代誌，一般良性瘤，手術叨吓使，毋閣癌瘤，奚叨噯化療，手術真正費氣，最近醫學進步，有proton質子檢查e技術，互患病e機率降到上低，各大病院，紛紛亥重本咧裝設。
534 食大餅，食細餅
各位好朋友，若是欲嫁查某囝e時瞬，一定噯食古早式e「台式禮餅」佮「大餅」，伊是送定前一工所做e，真鮮真好食真捍味，千萬毋倘用外國鐵盒仔e禮餅，裡面「一小包一小包」細餅乾，安呢是臹無誠意叨著，古早人e禮數，嫁查某囝定著噯用大餅，抑著「細餅」，奚是艱苦人「新媳仔」（童養媳）一輩咧用e，安呢有卡失禮，毋閣，台灣人噯有家已文化e尊嚴，毋倘事事倚外國人。
535 漂碧e烏狗兄
台灣話e「烏狗兄，阿狗兄，漂碧e烏狗兄」，叨是表示風流多金，光彩迷人e少年傢仔，身軀邊錢銀洘洘洘，名聲好，人緣好，一四界受人歡迎。
即款人，佇少年e時瞬，四界交陪七仔一大堆，人生美滿，中年了後，有時踏入政壇，有時仔做頭傢人，佇家鄉庄腳，喚水吓堅凍，真有影響力叨是，人咧講，「有錢有勢，人情肖捸」。
536 江路，港路 互通
淡水河，鄉語叫「淡水江」damzuigang314，嘛有人寫「淡水港」，兩者各有優點，嘛攏有缺點，到尾溜也「江路、港路」互相流通，卡無強力制限，（抑若真正e「港」叨用”港口”代用，如淡水港口，淡水漁港）。
這按怎講？(1) 用「淡水江」時，江讀第一聲，無正確，毋閣意思正確。(2)用「淡水港」時，意思無正確，毋閣讀音正確，所以講，二款寫法，有攏正確，亦攏旡正確，隨在各人去決定叨好。
537 光，洸 分別
逶國語漢字，改做台語漢字，也叨系統無仝e關後，有一寡”盲點”吓出現，需要做改進，這是文化無仝，音韻無仝，必須付出e代價，抑無，家已吓「亂作一團」，若是無受承擔即款代誌，奚叨噯用拼音字卡好勢。
台語上費氣e代誌，叨是一字雙音、三音e困擾，以光字來講建議 : (1) 光，gong，光明，光彩，光輝。(2)洸，gng，（真正光線，借用水光e字），洸線，昊洸矣，安呢兩者分別有卡好勢。
538 「番」字，咁有歧視？ 阿啄仔番 ?
原住民不時怨歎，講福佬人叫尹「番」，番來番去番tin統，安呢是「歧視尹」，看原住民無到重，實際上並毋是安呢，台語「番」字，干礁是「泛指一切非我族類」爾爾，叨是「外人」e意思，無一定「歧視」，家已噯有信心。
台灣人叫山地人”番仔”，毋閣叫阿啄仔（美國人）嘛是「阿啄仔番仔」,民50年關渡茶園, 建拿撒勒人基督書院時，有幾落个阿啄仔行來行去，所有e關渡人嘛是叫尹「番仔」，無咧管彼當時美國是世界第一強國啊！
539 腳手混屯，食無份
「動作太慢了，往往錯失良機」「優柔寡斷，遇事推拖難以成氣候」人活佇社會，即款代誌不時吓發生安呢，也叨腳手甚慢，事後e後悔咁有啥效，佇現主時競爭e社會，尤其是台北人，絕對噯「當機立斷，劍及履及」安呢才袂顛誕。
「腳手混屯，食無份」是一句真實用e諺話，希望咱茲少年朋友噯了解其中e涵意，嘛吓使告誡身邊e朋友兒兄，做代誌噯卡拍拚喟e，卡積極e！
540 踏入……
「踏入」（dalip 31），叨是相當於國語「進入……」e意思，伊e鄉土喟口真厚，吓凍來增強台語對話e氣勢安呢。
「踏入社會」（進入五光十色社會）
「踏入恁林家e大門」（嫁入林家以後……）
「受著××e牽成，踏入……公司呤，」（受××提拔，進入公司……的時）
「做人逶出氏到踏入捾柴為止……」（出生到老死）
541 番花
番花，是啥乜碗膏啊！伊叨是古早時代，「人人著驚」e絕症「子宮頸癌」，伊發生e機率真懸，是婦仁人上介麻煩e大症頭。
古早醫學無發達，中年婦女死佇番花，真正悽修，尹嘛毋知這是癌症，破病甡菜花，全身浮腫艱苦死，伊上大e麻煩，叨是伊占婦仁人癌症e比率上懸，簡那查甫人e肝癌e，真正可怕安呢，佳哉近年醫學發展，噯做定期篩選，來保障民眾e健康。
542 酸甘甜也 (a)
梅仔，抑是臭茄仔（柑仔蜜）e再製品（蜜餞品），普通攏有「酸中帶甜」e好滋味，台語叫做「酸甘甜也酸甘甜」，形容貼切逗搭，真正心適，佇咱台灣地，鹹酸甜贅（蜜餞多），逐傢真有口福，吓凍享受多著各種口味，「酸甘甜也」即句話，拜託逐傢卡搰力去推廣，國語佇即方面卡缺（ke4）欠。
543 「小孩」e稱呼
(一) 對動物，「細隻」e，欲按怎稱呼？ 國語講「小貓、小狗」，台語袂使直接翻譯，上好是叫伊「貓仔囝（gy4），狗仔囝」，也叨「小狗一定是大狗甡兮」，以大狗e眼光來看「狗仔囝，貓仔囝」卡合乎倫理「嗣大嗣細」e自然生態。
(二) 對人來講，有幾落款e稱呼「囡仔」（qinah），囡仔栽（qinah zai），囡仔人，囡仔痞（pi4）」若是稱呼家己e「心肝寶貝」，台語叫「阿佬仔」〔alrah645〕有卡親切安呢。
544 縛鹹草，卡鄉土
目前縛鹹粽，大多數用棉線，取伊方便安呢，佇菜市仔買物件，大多數用「樹奶束仔」（橡皮圈），俗閣好用，即嗎想起來，細漢e時瞬，用「鹹草」來縛肉粽，來縛魚仔，豬肉，加臹鄉土叨著，真正懷念安呢。
阮故鄉關渡地，佇媽祖宮頭前（即嗎關渡水鳥保護區），有種真贅鹹草，到分(成熟)了後，用鋼線分別給剖爿，曝礁了後來縛物件，環保閣好用，即嗎因為工業化，無合成本，漸漸由其他材料來代用矣（註：庄腳二款縛線，除了鹹草，另外一款叨是月桃）
545 踮，佇 , 時態用法
捷運站e廣播，「欲去板橋、土城e人客，拜託汝佇第二月台就車」，有一擺國安仙咧提醒，安呢講無合台語e語法，正確應該是「欲去板橋人客，拜託汝「踮」第二月台就車」,因為「佇」是「已完成式」，另外「踮」是「未來式」，嘛吓使用佇過去式，伊e用途卡闊，如「後月日，我欲踮國寶店宴請人客」「阿明，下晡三點，汝欲踮啥乜所在肖等？」
546 厝 , 真tang洸
厝是毋是真「tang洸」，真正要緊，吓凍影響著人生e生活安呢，tang洸，叨是「採光良好」e意思，採光好，定著生活舒適精神爽快叨著。
「tang洸」e寫法，真正費氣，伊卡佇台語破音字e嚴重地雷中間，有人寫「通光」，音差太大 ,並不合適，小弟e意見，暫用拼音tang，日後才決定，光字大多數唸gong（光明，光輝），真正e光線，叨用”洸”（水光），這是台語華語系統無仝，所必須付出e代價。
547 活到幾歲 , 講 「食到幾歲」
台語裏面「活」字，真愛寫做「食」字，中文「我今年活到六十五歲矣」，台語講做「我今年食到六十五歲」，台語「歲頭食到……歲」，這是定型e例句，噯給人尊循。
台語「食」有「活」e意思，這佇問候話「食飽未？」，實際上e意思是「活得舒服嗎？」，與中文「你生活好嗎」「你好嗎」仝款e意思！
548 「過年炊甜粿」e心適
台語師資班，迭迭有講著泉腔、廈腔、漳腔e差別，下腳即二種發音攏正確，吓使給比較。（聲調略）
過 年 坎 甜 粿
台北腔廈腔 ge ni ce dii ge
台南腔漳腔 gue ni cue dii gue
鹿港腔泉腔 ger ni cer dii ger
※ 以上三種腔口，有伊e心適置e，（目前台灣地，以gue，cue，gue漳腔占優勢）。
549 安呢毋是頭路啦
「這樣行不通啦」一般台灣人受國語e影響，大部份攏講「……安呢毋是「辦法」啦！」，電視安呢講，報紙嘛安呢講，這無合台語e語法，台語e講法是安呢「……安呢毋是「頭路」啦！」〔ane msi taulo la〕，譬如講「一工趁一千箍爾，叨欲開銷二千箍，安呢毋是頭路啦！」台語「頭路」毋是干礁講「職業」爾爾，另外有其他e解釋「要點，要領」。
550 藝妲間仔
佇古早話當中，藝妲間仔，是上介無法理解e一句話，既然藝妲叨藝妲，哪叨啥乜”間仔”，講實e，這拍算（可能）叨是查某間e代名詞爾爾，為著欲提高家已e身價，烏白提別款物件來代用，（註：日本時代藝妲，無論是打日本鼓抑是南管三弦，攏賣藝不賣身）。最近「台灣鯛」e出口魚類嘛是犯著仝款e毛病，伊是海水e高級吳郭魚，佮鯛魚（烏格仔）無關係。
551 海水闊闊
曾經發生這樣的事，好友真久無肖見，重逢時瞬真正歡喜，遂脫口而出「海水闊闊」船頭宛那吓肖拄著 , 安呢講是無妥當啦，即句話是歹話啦，意思是「冤家路窄，天涯海角，總有一天會碰到」，伊通用佇冤仇人，一般好朋友袂使安呢講e，安呢講真失禮啦，（抑毋閣，即嗎e少年人流行「耍賴耍酷」，刁工來講反話，顛倒”心適”嘛有啦，不而顧呢，毋倘烏白亂用，除非是真matche忘年之交。）。
552 形容詞 ,分三級
台語e形容詞，宛那有三級，做為參考，以台語文法來講，動詞上介複雜、豐富，其他助詞、形容詞e系統嘛噯了解。
(一) 好，介好，上介好 (二) 好，上好，上介好
(三) 好，真好，上介好 (四) 好，臹好，上介好
(五) 紅，紅紅，紅紅紅 (六) 青兮，青青，青青青
※ 另外李鴻禧教授e出名句
（形容詞） 開，開開（61），開開開（261）
（動詞） 開，開開（15），開開開（615）
553 勇 , 簡那 新竹司（sai）
語言e代誌是離袂開文化e背景，所以有一寡文章，真歹翻譯，也叨無法度同時翻出伊e背景，噯另外閣再註釋才噲了解叨是，譬如講，台語文章內底，有「萬善同歸」即个字詞，外族e人根本看無，免講欲翻譯做英文，叨算講翻做華語，嘛是看旡一个芋仔蕃薯li！
勇, 簡那 新竹司（sai）咧，是民國40～60年間，有一位大力士叫新竹司，吓凍夯二三百重物，亦毋驚車輛輾過（隔木板），伊e腹肌真有力，伊一四界佇全省賣藥仔閣表演，是全台灣第一勇e人，小弟佇民國47年佇關渡有看過伊e表演，真精彩！
554 米糕泅 (siv2)
對婦女非禮, 上下其手，毛手毛腳，台灣話有一句典雅e話，叫「米糕泅」vigrsiuu162，即个米糕是北部拜拜用e米糕，伊是糯米佮白糖肖濫e半圓碗形貢品，頂端吓囥一粒龍眼乾，暗示胸部，拜拜煞了後，食貢品米糕，捏捏摸摸，油膩滑溜e，形影泅泅（黏糊狀），安呢e動作來影射「毛手毛腳」，也叨米糕e形狀半圓形，真容易想像，一聽叨知影。（※ 註：此地指北部米糕，另外南部米糕佮這無仝款，伊是相近”油飯”e非供品）
555 夆(hon 3)欺騙 , 有三階段
台灣人生活艱苦，歹命人一大堆，連去夆人騙去e程度，嘛是有分階級，真正譀叨著，台灣e偷賊，有剪鈕仔（扒手），kiang仔（扒兼側），正港e賊仔，搶匪……，攏噯張弛。
(一) [ 輕微 ] 「去互人bia5去」，卡輕e欺騙，簡單e財物損失，抑是去拄著假乞丐，假殘障，假和尚，了錢消災，換取經驗！
(二) [ 中度 ] 「去互人裝痟e」，中等程度e欺騙，「被騙得團團轉」，百貨公司大優待，挑了半天，大摸獎，但早已互家己人內訂……。
(三) [ 嚴重 ] 「去互人設計去矣」，大部份去舞著「詐騙集團」，有時仔損失十萬二十萬，甚至就百萬，伊大都利用人性e貪心佮同情人來詐騙。
556 僮乩
無論啥乜背景，啥乜族群，咱攏噯知影，「僮乩」文化是咱台灣人，真正要緊，真正有代表性e特殊點，伊吓使佮媽祖婆，歌仔戲，烏魚籽，茄苳……，仝款是台灣文化e代表安呢！逐擺我若看著僮乩遊行時，「服裝艷麗，動作誇張」我叨真受著感動，伊毋但是宗教爾，閣卡要緊叨是伊是文化e代表。（毋閣有e人批評伊是迷信，“不良少年e玩藝兒”）(1) 僮乩，不宜寫乩童，這是台語國語無仝e所在。(2) 僮乩，不宜寫童乩，因童唸dong2，而僮乩音dang-gi，毋倘卡佇音義矛盾。(3) 民間有話「伊講了有對僮」，袂使寫做「伊講了有對銅（抑是對筒）」！
557 講奚無兮(ei)
講奚無兮〔gong-he-vr-ei1131〕，即句話佇台語文句e應用真正普通，伊相當於「廢話嗎！」「這可沒道理！」※ 另外比較卡嚴重e字詞是「勿講奚有空無榫e」「勿講奚五四三安呢一大拖」「勿閣婁〔lau4〕下頦矣，留寡嘴舌倘勾湆」。
奚〔he〕是”彼”e意思，毋閣音無仝款，袂使用”彼”e，兮字是”e”懸音，台語”e”有低音、懸音，一定噯分清楚，安呢汝寫e文章，仈卡好讀好認。
558 「狗尾草」 毋是 九尾草
民間用e「狗尾仔草」，有人誤會是「九尾仔草」，有顛誕，伊e形狀親象狗e尾溜，短短粗粗毛毛也，聽兮講伊返大人，對肺脘有真好e功效。（待查）
佇艋舺龍山寺e「側巷」中間，有一條青草巷，大約六七十公尺，有專號車咧賣藥中藥藥材，若有時間，佇早起時仔，加減去給參觀一下，吓凍來了解先民文化的特殊點。
559 三芝 金面兮
三芝金面兮，一般人聽無，毋閣佇注重本土文化e先覺內底，這是真正要緊e文化，咱台灣吓使講是媽祖婆文化真興e所在，若有移民e在，叨有媽祖廟，無論福佬人、客家人攏仝款，毋閣咱佇都市內底，遂真罕咧看著媽祖廟（台南抑是鹿港例外），這叨是外來政權對台灣人統治，必須消除台灣e代表性文化，互台灣人失去甡張，失去共同e團結力，再利用”迷信”來肖逗，1895，日本來占台灣了後，逶「台北市天后宮」（現主時新公園博物館遐），給拆除，給消滅台灣人e民族文化，伊e媽祖安神像！信徒不忍心四散( 聽說是李登輝夫人後頭厝親人 )，給徙去三芝鄉「舊街e媽祖宮」伏祀，人稱為「金面媽祖」這真要緊！
560 再談「拜託咧」
目前e社會，無論是誠心誠意來招呼人客，抑是「皮笑肉不笑」干礁嘴唇皮肖款待爾，假仙假dak，尹攏有使用”請”e必要性，毋閣卡佇國語台語e差別，袂使用”請”字，請字是欲請人客，欲互對方好處佮舒適，咱即嗎「有求於人」，祈求對方互咱好處，噯用「拜託le」才有禮數！
（劣）即位阿伯，請汝逶車徙卡外口e，我有欲送貨。
（優）即位阿伯，拜託汝逶車徙卡外口e，我有欲送貨。
（劣）時機醜醜矣，請頭傢給阮牽成一下啦！」
（優）時機醜醜矣，拜託頭傢給阮牽成一下啦！」
561 「此路不通」白話
“此路不通”即款柴牌仔，真正普遍，也叨有e死巷，汝無先給講一聲，到時車du入去叨麻煩矣，所以講「此路不通」，即个字詞已經變成一般e白話矣，若準即个時瞬 , 咱台語e袂使猶咧用「不通，毋通」，加減會造成混亂，無論按怎，※ (1) 有通〔tong〕，是表示有道理e意思。(2) 有倘〔tang〕是表示”能”e意思，二者音義皆無仝款，拜託汝毋倘用仝一字”通”，這是台語欲使用漢字，所必須付出e代價。
562 加強 語尾助詞
台語有四个「語尾助詞」，佇目前電視劇，抑是囡仔台語中，漸漸來落坑（衰退），對台語文化e傳承真正危險，噯趕緊透過教育佮挽救返來！
(一) ……叨著（就是）「即項代誌，我真正感心叨著。」
(二) ……安呢（如此）「即項代誌，食力e所在叨是安呢啦！」
(三) ……安呢甡〔anesii〕「這是我上愛聽e歌曲安呢甡。」
(四) ……叨是（就是）「仈人e思情，噯記互伊稠叨是。」
563 自由聲調 佮 限制聲調
台語、華語、客語，茲e東方語言，佮聲調有真密切e關係，親象台語又閣有複雜e變調系統，伊真正緊要，嘛真正困難、嚴厲，如狗肉、猴肉一定噯倚靠聲調來辨別，這叨是「限制聲調」，限制聲調大部分一字一音e本形。
另外佇英文、法文、德文，尹是多音節e文字系統，本身e多音節，叨有法度辨別字詞e特別性，即个時瞬若是聲調稍懸稍低，攏無啥要緊叨著，毋但是聲調唸便”含混”，連p、b抑是t、d嘛吓凍”稍寡”給「渡過去」，這叨是「自由聲調」。
564 台語界「逗，鬥」大戰
台語e寫法 (1) 逗陣，逗做 ; (2)鬥陣、鬥做，有即二派e寫法，卡早吓記咧楊青矗e字典，有大力抨擊「鬥陣」e寫法，依小弟e看法「鬥做」可能有問題，伊雖然有古冊e支持，毋閣無合時代要求，「尹二人咧逗(快樂)」變「尹二人咧鬥(痛苦)」好事揙做歹事，安呢無安當啦，老仙覺國安仙有咧講，佇日本話當中「逗」佮咱台語宛那有肖抾合e所在安呢！
565 「輸人毋輸陣」e正解
輸人毋輸陣，一般人e解釋是「輸一人無關係，毋倘眾人攏輸，安呢叨歹看面」，事實上毋是安呢，伊正確e解釋是安呢「咱e族群人數雖然尐，毋閣个个精兵主義，團體一定勝利光榮」。(即人數雖輸人但陣是派頭不輸人)
古早迓神賽會e時瞬，有大陣頭，小陣頭，大陣頭聲勢浩大強勢鏘鏘滾，即个時瞬小陣頭e頭傢叨吓講話「咱e人數雖然輸人，毋閣技術卡幼秀，陣頭表演，比人卡敖，袂使輸人e！」
566 真利便
國語「真便利」叨是咱台語「真利便」e意思，這是語系無仝款e結果，佇目前生活中，7-11叫「便利商店」實在是無好，正確應該是「利便商店」，抑旡，實在是侮辱台灣文化，亦是族群對立e根源，當奚外來政權強行壓迫時，台灣人定著吓徛起來反抗，抑無寧可用”甘仔店”卡有古早傳統味？
567 牽鹼
目前電視有真贅煮菜e節目，嘛有真贅人咧觀看，有時仔看久嘛吓煮食安呢，伊咧煮食e中間，拄著「牽鹼」（叨是用太白粉水，直接入高熱e鼎，造成糊糊e菜色），有e袂曉講，直接用「勾芡」來說明，雖然無毋着，不過奚是台語節目，台語原本叨有e詞類，噯儘量給人尊重安呢！
568 問候語 , 上好依照 「人、時、地、事」
台語e「how do you do」，噯按怎講？上好毋倘講「你好」，安呢無好勢，台語e問候語，一般用「汝食飽未？」“未”字唸ve（北）／vue（南），伊e意思叨是備「汝即嗎平安否？汝即嗎舒服否？」
毋閣大部份e問候語，噯看彼時e時間地點，事物來決定，如 透早，用「敖早」，真久無看e好朋友，講「罕行。」「即嗎卡少年噢」「即嗎佇佗位咧好空」，著是想無安當e字詞，嘛吓使用教會用語「平安」「暗安」所以講台語e問候語有卡活潑。
569 「桀魚」e復名 佮 復育
台灣北部有五項特點 (1)綠竹筍(2)箭筍(3)草山柑仔(4)木柵鐵觀音(5)新店溪桀魚。
「桀魚」是日本時代台北所在，上介高級e淡水魚，伊出產佇新店到坪林一帶e溪水，伊e味真好食真貴，有體香，目前e教育制度改稱”香魚”，欲以政治力量硬來壓制原來e鄉土名詞，另外一个名號做「年魚」，也叨伊干礁一年e壽命爾爾，現時台灣人 飼e桀魚是逶日本引入來，（台灣早已絕種）。結果飼了比日本好，目前已俗賣，人人吓凍食，日本人來台灣觀光，看著台灣人「用桀魚當飯吃」非常欣羨講，才知影咱台灣人太福氣矣！
570 「坑 佮 谷」，噯分清楚
台語e”坑”〔kinn〕，叨是國語”山谷”e意思，並毋是「坑洞」e洞穴，毋閣國語內底嘛有「滿坑滿谷，皆……」e語句，可見宛那有淡薄也倚意。
台灣人佇清朝e時瞬，雖然互清朝人併吞，毋閣台灣人e語方佮北京話無仝款，北京無法度統治台灣，嗯才台灣人治安真醜，互相搶劫凶殺變做無政府常態，真正可憐，佇即款情形以上，台灣人真噯蹛佇半山e”坑兮”，(山谷邊), 安呢一方面卡安全，依山依谷好守衛，一方面水源嘛卡好，是真好生活e所在。
571 台語 “囡仔”另解
台語”囡仔”〔qin-ah〕，表面e意思是「小孩子」，毋閣有另外一个意思噯注意，叨是指”不良少年”，“鱸鰻囡仔”，這因為牽涉到危險e字眼，逐傢噯稍張弛e。
如：「伊若無交保護費，夤暗「婁囡仔」去給摃店！」
（他若不交保護費，今晚派不良少年去碴店），依語氣來講，“囡仔”只是弱者，毋閣伊背後所代表叨是「歹人」e強者，拜託汝毋倘判斷錯誤安呢！
572 下消下消
下消，hasiau31，叨是「一副倒霉像，一副敗不堪形象」，罵一个人下消下消，比給扑一拳卡食力，即句話是鄉土文化內底真寫實，真盡磅逗搭e鄉土語句。
下消，有人講是「消渴症」，有「食贅，尿贅，飲贅」e三項毛病，即嗎人叫糖尿病，是毋是安呢，另外噯閣研究，「阿明啊！毋倘一个安呢下消下消，疲勞厭倦，吓互人看輕啦！」
573 「轎gio3車」 , 毋是 嬌車
台灣所在，國民所得袂醜，有三、四百萬台e「轎車」，何e唸法是「giocia31」，接近「橋車」，伊e意思真逗搭，叨是親象「古早轎」e形態e私家自動車，文字佮聲音攏真正確叨是。
毋閣目前佇電台、電視台，攏唸顛誕兮，尹唸「嬌車」，giaucia，想講車嫷嫷也，看起來「嬌滴滴」，安呢來講，「音義俱失，無妥當啦！」
574 看無夠重
「毋倘「看袂起」庄腳人，隨人頭頂一片天」安呢講雖然無毋着，毋閣無妥當，正確應該是「毋倘看咱茲庄腳人「無夠重」，隨人頭頂一片天」，台語e「看不起」叫「看……無夠重」，自古叨是安呢講，嘛吓使講「袂凍給人看輕e」，上好勿講「看袂起……」，即嗎受國語教育e侵入，真贅語句漸漸互人同化，這是真「無好」e代誌，噯給撟〔ciau2〕返來。
575 煎”鴨母卵”(鴨蛋)
目前社會e主流，食卵是食「雞卵」，伊e價賬俗，清氣，方面，吓使大量生產，毋閣佇咱台灣人傳統e食卵，是以「食鴨母卵 (鴨蛋)」為主，食鴨卵有幾个特點。
(1) 伊e口味卡古早卡好食，有歷史e傳統。
(2) 鹹蛋、皮蛋、滷蛋，一定噯用鴨母卵才吓好食，也叨卵白卡Q。
(3) 鴨母卵 ,毋但口感卡Q，而且有特殊e香味，品質真好。
(4) 目前”蚵仔煎”用e是雞卵，希望吓使改用鴨母卵，有卡好食。
576 「難道」應是”咁講”?
目前佇電視抑是講古e場合，有一句話迭迭講毋着，「難道台灣人無氣魄定毋？」「難道尹兜無錢是毋？」安呢講法雖然聽有，毋閣無合台語文化。到時, 下延e人若講慣習，「約定成俗」，「假e」揙 「正e」，欲閣挽回，奚叨真困難，本詞正確e講法是「咁講……?」。
「咁講台灣人無氣魄是毋？」「咁講尹兜無錢是毋 ?」。
577 通人
台語「通人」，叨是「每一个人，everybody」，伊是一个真好用e字詞，毋閣一般台語會話，真贅人袂訣兮給使用，實在真拍損安呢！
（不良）即款代誌，每一个人攏知影。
（優） 即款代誌，通人攏知影。
佇茲拜託各位利用”通人”即个字詞，照理講：伊使用e機會應該真卡贅叨著。
578 溜籠〔liulong 32〕
「貓空纜車」使用半年多外，已經有二百萬人坐過，小弟嘛佇元旦了後有去給交關，風景袂醜，真舒適，若欲坐e時瞬，上好是拜2到拜五e半費11：00～11：30，人客卡尐，而且上好烏陰天，雨霎仔天，卡嫷安呢。
「貓空纜車」卡理想e台語講法是「貓空溜籠」，目前電視聞大部份攏報毋着，伊e影響力真大，安呢做真危機，台語本土文化，搪咧一點一du流失，希望某些電視台噯改進。
579 黃痠面兮(ei)
黃痠面〔ngsngmin366〕，叨是「臉色蒼白，面有菜色，精神萎糜」狀，目前社會時機醜，有一寡卡可憐e人趁無食，身家散赤，定著不時吓「黃痠面兮」，一般咱咧講一个人營養無夠，吓講伊「即个人黃痠黃痠，袂堪de啦！」黃痠黃痠，佮「下消下消」迭迭吓逗連安呢！古早人有咧講「食人肉，吓黃痠」，有一寡奇奇怪怪e講法。
580 軟手
軟手〔nngciu14〕，叨是國語e”手軟”，伊是倒頭句，台灣話有真贅即款e字詞，親家鬧熱、風颱……攏是。
軟手，叨是「做袂落去」，昔日戒嚴年代，陶百川落下港暗中調查余登發，發現登發伯仔大粒汗細粒汗咧洗豬稠，感心以上，自那軟手，馬上回台北平冤，叨無第貳句哩！
「軟手」即句話，有一个危機，目前佇五十歲以下e台灣人已緀卡尐人講矣，甚至猶無人聽過，語言e失落，這真正危險，台語若無法度進入教育系統，台灣人叨等亡族滅種矣！
581 透氏人 (一輩子)
台語當中，“透”〔tau3〕，是一个真正好用e字素，伊e解釋有具贅款，小弟上欣賞伊”透氏人嘛……”（一輩仔）“透庄頭嘛……”，真有台語e鄉土喟口。
（不良）阿明，呾一氏人叨毋捌咧肖借問，即嗎閣吓來……。
（優） 阿明，呾「透氏人」叨毋捌咧肖借問，即嗎閣噲來……。
（不良）迮尼戇，咱e庄頭叨看無汝一人！
（優） 迮尼戇，「透庄頭」叨看無汝一人！
582 獅鼓 無仝款
各族群文化e內涵有真贅款，有(一)飲食(二)服裝(三)語言(四)建築(五)宗教(六)藝術(七)文學(八)階級制度。
有一擺國安仙講起台灣文化e危機，台語文化受著1895 e東京話統治者e摧殘，佮1945北京話e侵入，損失真正食力，台灣人喪失語言教育權，強強欲亡族滅種e款，現主時e電視卡通片，有國語、客語、英語、日語，叨是獨欠台語卡通，有心人e操作，來斷絕台灣囡仔學台語大機會，「民進黨」執政八年，按怎來「恩將仇報」，實在想無？
目前衝突e獅鼓佮獅頭e形貌，有漸漸互廣東人文化入侵e危機，台灣獅子林e拍法是「咚，咚，咚咚咚咚，咚咚咚」外頭廣東獅e獅鼓聲完全無仝，一般人聽無，台灣本地e獅鼓聲可能吓慢慢絕去。
583 咱人 三月初
佇台語對話佮文章內底，不時吓聽著「咱人」一詞，伊有時也是指「農曆」，噯特別注意，如「阿明按算咱人十月初欲要新娘」，意思是「阿明打算農曆十月初要娶妻」，農曆e用法雖然有卡尐，毋閣佇掠魚行船方面，有關流水潮汐e問題，宛那真好用，佇淡水河流域，舊時干礁靠船運e時瞬，吓使利用潮汐e進出，行真省力叨著。
毋閣佇農產品方面，農曆「咱人」叨無一定好用，用陽曆卡有法度掌握正確節氣，關於即點，有e人無愛信，認定佮農諺無合，值得再研究。
584 合字奧(r4)寫
台語「合字奧寫」，叨是「合夥的生意，糾紛多，不宜鼓勵」，本是本土語言內底，真正寫實e一句名言，其中「奧」唸r4，是專門用字，上好勿用仈字，目前報紙寫「政治e奧步」有差錯，正確應是「政治e慪步」，用”奧”e華語發音來代用台語發音”慪”，真是「張冠李戴，亂點鴛鴦譜」，台灣話說「竹篙逗菜刀」安呢無妥當啦！台語教育噯有尊嚴，噯有規套e做法，才袂夆看無到重，日後教育時，才袂艱苦奧行。
585 老伙仔？ 老歲仔？
老人，台語叫〔lauhue-ah315〕，到底伊e台語按怎寫，是「老伙仔」，抑是「老歲仔」?二款戲有伊e支持者，嘛有伊e理由叨著。
小弟e想法，應該是「老歲仔」卡妥當, 也叨人一下老，稱硾拖尾，歲頭食到迮尼贅，宛那姑不而衷，咱以「老歲仔」給尊敬叨著，古早e老歲仔人，不止也客氣有禮，我e回想袂醜，真給謳咾叨著。
586 陰曆 佮 淡水河
淡水是一个出名e遊覽地，毋閣有時瞬去e時，江水飽滇真好看，有時也，退潮，海沙埔浮出來，真歹看叨著。欲去淡水進前，欲按怎預測江水是滇是礁(乾)，教汝一个撇步，潮汐是遵照月亮e吸引力，所以噯用陰曆來測才準，淡水有一民歌專門預測海水礁水，「初一十五，早滇暗滇中晝礁，初八、二三，早礁暗礁中晝滇，一流水逶礁到滇約6小時。
587 台語 「菇」佮「菰」 , 建議噯有分別
佇北京話內底，真菌微生物叫「發霉」，真菌洋菇香菇叫「生菇」，毋閣佇台語內底，發霉叫「甡菇」，發洋菇嘛叫「甡菇」，二項吓肖濫袂幼秀精確，佇茲建議 : (1)若是真菌發霉，台語叫「甡菰」，(2)若是發洋姑草菇，台語叫「甡菇」，安呢對仝音字來講，卡好認叨著，「中晝煮香菇雞，湯真好飲，才發現甜粿囥甚久，已經甡菰矣！」
588 多多利用→「卡踥利用e」
台語「卡踥利用e」，有人寫「卡捷利用e」是一句真好e常用字詞，噯大力給推廣，也叨受著北京話教育e影響，咱已經互人同化，家己攏無警覺性，自然的會講「……代誌，噯多多利用」，雖然是無毋著，安呢長久了後，語言吓退化，即句亦互人同化，彼句亦互人消滅，台灣話e前道叨真危險！
589 賭博 宜寫成 「跋窖」
一般台語文句，逶「賭博」，寫成「跋繳」，安呢無妥當，吓造誤會，佇茲建議寫做「跋窖」。
跋窖，buagiau34，是「賭博」e意思，「他深如地窖天牢，一旦陷入絕對傾字蕩產，永無翻身之日」，它不宜寫成「跋繳」，理由是，到時瞬吓袂清，「繳錢」到底是一般善意e「繳費」抑是惡意e「賭債」。
590 中華文化 大戰 日本文化
台語所在，佇1895年互日本人東京話統治者來界管，五十冬後又閣互北京話中國人來界管，咱茲講台灣話e人，衰簡那lai2仔e，受著壓迫，有影苦苦叨無地講安呢！
“中山北路e”中山橋”，原本是阿本仔e”明治橋”，阿山仔看袂爽，汝有明治天皇，我嘛有孫中山，二爿攏有拚頭叨是，另外佇南投縣e所在，有一位號作富士溫泉e所在，國民黨到了後，馬上改做”蘆山溫泉”，唉，阿山兮 對 阿本仔！
591 恢復正名 大嵙崁溪
淡水河e發源地，並毋是坪林，正確是武陵農場附近e品田山，另外 , 板橋、三角湧e大嵙崁溪，應該算是淡水河e主流叨著。
三十外冬前，國民黨政府，看本土文化無夠重，硬逶「大嵙崁溪」改為「大漢溪」，以達到外來政權優越感e壓迫，注意伊是「大漢」，像華夏大漢人e溪流，這對原住民來講，宛那無公道哩，佇茲咱噯拍拚給恢復正名「大嵙崁溪」。
592 公館
台灣有幾羅个所在號作公館，gong-guan64，台灣大學，苗栗公館，攏真出名，公館，是一个古早名稱，伊叨是由公家出錢，來砌一間”住宿”e所在，叨簡那販子間（旅社）仝款，這佇古早彼个經濟無發這e時代，宛那是功德一層，真感謝e代誌。
毋閣目前講”公館”，是指”府上”e尊稱，「歹勢，毋知頭傢e公館佇佗位？」叨是問頭傢即嗎蹛置佗位，看是一品大樓，抑是大直明水路？
593 地基主
台灣人，尤其北部e福佬人，對地基主e尊敬，是真正虔誠，絕對袂使攽外外，欲佮伊交朋友，抑是嫁入台灣人家庭，噯真注意。地基主叨是汝e住宅，卡早e”主人”，有鬼神有其他……，過年過節，噯誠心給燒香供物祭拜，尤其入厝e時瞬閣卡噯慎重，茲e風俗，其他族群抑是基督教友卡無了解。
594 民間用字 破媌〔puava42〕
台語內底欲批評歹查某，有一句真好e話詞，叫「破媌」，音puava42，譬如某某女人真僥擺真無人緣，看落汝叨倒彈，如最近利用尪死留落大批財產，真僥擺，四界招搖，而且設緣投（養小白臉），卸示卸眾，互夫家真無面子，即嗎佇電視大量出現e「×××」叨有人罵伊「破媌」安呢！
595 台語真「滑溜」
台灣話「真流利」欲按怎講？「台語真滑溜」「台語真遴返〔lindng44〕「台語講到真順溜」「台語講到卸卸叫」「台灣話是lilu44叫」。實際上，以目前e教育制鞁 ，北京話e優越感重，台語欲講下滑溜，並無簡單，伊有「變調本調」e陷井，除非自細漢講慣習，抑無攏有一个”腔”安呢！
596 互，予
官版台灣漢字，逶”互”改做”予”，安呢是無妥當啦！
「伊安呢做，「互」我真失驚」→「伊安呢做予我真失望」。
(一) 「予」字，與「預」字近，先入為主，以唸yi為主，欲閣唸ho，修改無容易。
(二) 「予」字，據台語專家許極燉書述，屬訓讀字，極不妥。
(三) 目前台語界，仍以”互”寫e人卡贅，尊重市場價值。
(四)“互”字讀法固定，卡袂引起系統e錯亂，予字二音。
(五) 台語互字，後壁一定接名詞，佮華語互字 ,後跟動詞形容詞無仝款。
(六) 「賦予，給予，寄予……」，用”互予”這著比”予予”好勢。
(七) 互有雙面功能，1.主動式，互汝金錢，互汝時間，2.被動式，大部份惡意，我互歹人騙，我互賊人騙，我互賊仔偷提，另一方面”予”無即个功能。
597 五義埤 趕緊正名
基隆e「五義埤」風景區，即嗎去互人改做「情人湖」不倫不類，拜託儀會緊給改進來，台灣本土文化毋倘互人蹧躂獨放外外，改地名即款代誌，伊無考慮背後e文化背景，迭迭下失誤去，騎馬夯拐仔（畫蛇添足），互人怨歎。
台灣e”湖”是盆地e意思，是礁湖，這佮北京話無仝款，五義埤，好好e地名改做「情人湖」愈改愈離經，有影譀〔ham4〕甲有偆去，拜託咱茲基隆所在e鄉親嗣大，勇敢經改過來，汝看原住民e吳鳳鄉，三民鄉攏改做阿里山鄉……。
598 電視台「雞，粿」e差異
幾羅年進前，好親象是陽帆e節目，一值佇「雞、粿」中間創袂清楚，舞甲笑聲不斷，才知影南北腔口，有時瞬噯稍了解一下。（以下聲調暫不標出）
台北，「雞gue，粿ge」，南部腔「雞ge，粿gue」拄好倒翩（相反），真拄好，即二款物件迭迭下同時出，吓引起誤解，叫汝提雞，汝提粿，叫汝提粿汝提雞，實在講起雙方攏正確無顛誕，目前南部腔略上優勢，毋閣經濟中心，大城市，電視台攏佇台北，宛那有伊e勢力置e。
599 台東e唸法
台東，唸daidang31，逐傢攏袂唸毋着，即个字詞，不時吓聽著，所以無問題，毋閣伊有淡薄也無含台語文法。（一笑）
(一) 台東〔dang〕唸白音，毋閣屏東〔dong〕唸文音，有一絲仔怪。
(二) 雲林台西〔daise〕，西嘛唸文音，並無唸白音sai，所以嘛有淡薄也怪。
真可能台東是最近e地名（日本時代以來），新e地名用白音，宛那有理，毋閣互逐傢知影，有寡代誌無一定照古例。
600 散鼓，煞鼓
各位好朋友，即本冊到茲即欲「煞鼓」矣，嘛有人講「散鼓」矣，二款攏吓使啦！代誌到茲煞〔sua5〕矣，逐傢嘛噯汕〔sw4〕矣，（散去矣），文化e代誌，千山萬水，範圍直闊，一氏人嘛做無外贅，本冊若有錯誤抑是無妥當e所在，才拜託汝通知一下。(02)28911432，安呢後回出版時才吓凍改進，即本冊「噯建議仈人，家已嘛噯改進」好矣！再會！道謝！