第五章 關渡平洋咧娶新娘
29
西元1892，才過年無外久ｅ時間呤，這个關渡茄苳腳這
角勢， 六个結拜羅漢腳仔，宛那不時佇萬善同歸集會幵冓，
一月日拍算一擺抑是二擺ｅ款，也叨羅漢腳仔運命坎苛，見面
時，逐傢真親切亦臹合和(團結)，瘦牛bon身，平平乏搭卡有情
li。這擺聽兮講唭哩岸ｅ金瓜司，透過司公水仔ｅ紹介，有親
身來一迣，按算欲倩二个腳手，這半年噹中。厝內真正無閒，
噯有人逗腳手li。若無肖棄嫌以上，才請伊來唭哩岸厝ｅ，食
便領清壹在內，一月日十箍銀li，這擺ｅ邀請，落尾也決定軂
腳火土佮大麵發仔去，一个冷靜有心肝，一个力頭飽勇簡那牛咧。
這个「唭哩岸」著是現主時ｅ「石牌」，伊ｅ所在坐位佇士
林佮(ga)北投ｅ中間，“唭哩岸”是平埔族ｅ話語，这佮”八芝蘭”
(士林)“北投”仝款攏是平埔仔話，可見茲福佬入侵者對本土原
住民，宛那不止也有給人尊循li，卡客氣款叨著，有ｅ人卡”偉
大”，噯改人ｅ地號名，親象霧社叨霧社，叨噯改做仁愛，某某
名無「文雅」叨改卡「好聽兮」，像”蛇仔形”改做”龍形”，
艋舺改做萬華，打狗變高雄，現主時東門ｅ街名攏是外來地號
名，尹婆咧，福佬人有影真害呢。
東京文化佮(ga)北京文化ｅ侵入，福佬文化叨衰簡那梨仔咧，
所以講佇茲標題用「唭哩岸」，意義真正重大，表示咱真尊重
原始住民ｅ文化，台灣受著幾擺ｅ外來民族統治，kimo臹醜
，對這方面ｅ代誌叨有卡敏感li，这宛那歷史ｅ關係咧。
唭哩岸這个地頭，拄好佇關渡庄ｅ肖對面，中間隔一个關
渡平洋(塭田)爾爾，雙頭吊遠(距離) 6 kiloｅ款，行塭田牛車仔
，拍算二點外鐘仔叨到位矣，來來去去真逗搭，這个金瓜司，
原本泉州同安人，二十冬前坐帆船來滬尾，落尾搬來八芝蘭(士
林)這箍圍仔，拄著”漳泉拚”ｅ尾坎仔，事件雖然漸漸平靜，
毋閣冤仇結落囝孫宛那袂定著，嗯才尾溜也才搬來唭哩岸，
砌一間石頭厝來蹛(住)。
金瓜司(司讀獅音)今年五十外矣，專門咧砌廟刻龍柱佮
灌錫碗，總是攏佮寺廟有關係叨著，做人熱誠忠厚，萬項捙
拚認真，這十外冬來，細間到土地公廟仔，人講田頭田尾土
地公，滴也噹間，大間起到媽祖宮關帝廟，工夫叨在欉勇ｅ
，價賬又閣臹實在，財產粒積甲三萬外箍，佇咱唭哩岸地宛
那排有著等，無講壹粒壹ｅ，上無嘛猶三坎ｅ在內li。
這回仔第二後甡叨也二十四歲ali，拍算亦著娶一門仔親
戚，有傢後卡有責任，看吓卡搰力未？順續閣幵寡鍼頭，大
厝後落重閣翻翻咧，蹛(住)落卡吓爽快li。今年過年時，嗯才
ga跛腳瑞仔，仝齊到司公水仔尹兜(他家)，去搬請腳擻叨著啦
，拄好司公水仔佮石枝仔臹熟li，才咧愛笑講呾叨腳手便便li
，na著閣去尋人(你免再去找人)，佬腳火土仔規陣羅漢腳仔，
叨上介好勢講，麼 (vr 2 )汝才稍按le，我給汝主意叨好。
這聲金瓜司真正歡喜，才咧說明「若錢項兮，佐汝免驚
，我金瓜兮，早著按好勢曝燒燒咧等，食穿壹在內，外贅攏
吓清楚li，麼才拜託咧，zak助zak助歹勢啦！」嗯才ｅ瞬呤
，這聲著講好欲派二人，軂腳火土佮大麵發去金瓜司尹兜(他
家)逗腳手，負責著修理後尾仔厝落，佮娶新婦ｅ代誌，時間
一睏仔約束一冬叨看，中間若有心苦病疼東西，頭傢噯仜擔
dak(負責)。
來給(ga5)講到金瓜師這爿面，金瓜司佇1872坐船來到滬
尾，佇八芝蘭(士林)蹛一睏，專門起廟刻龍柱，手下有二位司
傳佮一位臨時工仔，佇湳仔(天母)，八芝蘭，唭哩岸彼角勢捙
拚十外冬，人勤儉閣搰力，加減有粒積一寡，心肝內咧想，叨
五六十矣，到時秤硾拖尾，食老袂哺土豆，想落吓尻冷損，嗯
才量早搬到好朋友鬍ciu6溪仔尹厝邊仔，人講唭哩岸地著是啦。
彼當時仔，治安無好，社會不時梟悻(hiauhing 66)，三年見
刀兵，五年袂太平，有錢人驚死驚dak5，驚歹人來搶，佇無政
府界管ｅ空縫以上，百姓真調直閣可憐，痟想閣再想，若有官廳
來依持治安，毋知欲外好咧，毋知講政府ｅ責任，本臹著咧依持
治安，这昊公地道兮，百外冬了後ｅ今仔日，依原仝款li，掠做
食老時，若有社會福利，每月日領寡米錢毋知欲外好li，毋知
講世界進步國家, 攏有這條社會福利，叨少年仔交稅金飼老歲仔
，是到佗位去？所以講做台員人真正叨悲哀li，無甡張有影。
金瓜司佮鬍ciu溪仔連隔壁大肥練仔，三戶連做－cok5(團)
，內面長工暗時輪班巡邏，閣飼一陣狗仔逗顧厝， 庶當時ｅ
唭哩岸，差不多這嗎 ｅ大同電子，致遠二路，到榮總這角圍
仔，咱台灣話是土地公埔，挨土壟間到福德洋中間ｅ所在。金
瓜司ｅ大後甡號做石順仔，叨也娶傢後甡囝矣，這嗎換到二孝
甡戇福仔，呾歲頭叨食到二十四矣，有時叨喃(nau 5)一下，有
講欲娶li，欲娶氣質ｅ姑娘仔，金絲娘仔金冬冬，干礁看外表
嘛袂準算，宛那噯有人來紹介li，金瓜師才欲出娶新婦ｅ風聲
呤，一聲著引起北投八芝蘭這角勢ｅ hm3人(媒婆)ｅ趣味，其
中有二个上介熱心咧唗傱，一个號作阿惜仔一个號作好款仔，
有好空兮，二个三爭請功，看有倘卯(撈)一塊仔否 ?
佇百外冬前，錢路臹短，叨無地趁li，致su著有錢人吓
凍逶無錢人，看做奴隸壹般來糟躂，實在真正無仁道li，這
聲好額人欲娶新婦，叨有閒人來紹介牽線，揀選一个門當戶
對ｅ人。毋閣照小弟ｅ看法，彼時ｅ百姓散甲連查某囝叨飼
袂大漢li，有ｅ量早送互仈人做simbuah (童養媳)，來減少
財力支出，假su講社會這款simbuah甚贅時，這聲揀選千金
小姐叨無效矣，因為有法度門當戶對ｅ只是尐數爾爾，ga尐
數自然著尐”好貨色”所以講这著是顛誕ｅ所在，安呢講來
，有錢人亦免歡喜了甚早。(太早)
金瓜司欲翻厝娶新婦ｅ代誌，規庄頭攏知，透甲關渡這
角勢嘛攏通人捌，閒人贅，看鬧熱ｅ閣卡贅，贅甲窒倒車路，
叨歡喜來，悲傷去，一齣閣一齣，庄腳叨無論ｅ。
( 註 )司公水仔→一个叫阿水的道士
滴仔當間→小小的一間 腳擻；
kasiau63，小工跟班的 翻厝→整修房舍
30
這聲阿惜仔，佮好款仔這二位大hm3人(媒婆)，不時叨
到金瓜嫂仔厝內行踏行踏，紅線著na攽，才袂顛誕，彼个時
，門風猶簡單，著是這个漳泉問題卡費氣li，人講「第一祖公
，第二門風」，因為1850～1860ｅ中間，漳州人泉洲人為著生
存ｅ競爭，為田園為水頭，不時嘛咧捙拚流血，這个稍寡間題
，壹般國家用警察叨吓解決，毋閣佇茲變做雙方生死ｅ大艱
苦，有影低路ｅ滿州民族是害人害liuliu43，这嗣大人，大部
份，攏有看著這款衝突，哎！平平蕃薯仔，毋知和齊來抵抗
外族，顛倒咧翩(翻)手底肉夆看，有影梟悻li，了然叨著，好
佳哉金瓜司做人真正嫷喟，深深了解这是台灣ｅ大悲哀，嗯才
對新婦ｅ籍貫完全無意見li，管待伊是漳州兮泉州兮潮州
兮，若好家教好女德上好，後日仔，門扇板逗吓va6著上要緊
，總講一句少年仔家已噯吓ha4，我做老歲仔人真幵化，無咧
計較茲。
呾戇福仔欲娶嫫，阿惜仔佮好款仔欲按怎來紹介嫷姑娘
，这叨真趣味li，彼个時瞬相親，比這嗎卡有情調，亦卡進
步li，各位咱茲鄉親嗣大，有人想無，才咧反問我，「這嗎
ｅ人咁吓輸百外冬前ｅ相親，我才無咧給相信le，免臭彈啦
！」小弟佇茲笑笑也給汝解釋：「茲茲無毋著，古早人佇科
學經濟是輸咱忝忝，毋閣佇仁事才情這坎站，古早人感到真感
心，是一氏人攏記甲在biakbiak15，有ｅ到趡入棺材彼時刻猶
咧懷念li，這款代誌，茲少年仔互汝袂鐵齒ｅ，这著是文化習
俗偉大ｅ所在，呾續落，少年仔卡閃開ｅ，老漢欲展威矣，逶
頭尾返捯稍喃(nau 5 )一下。」
一款文化，尤其頻著婚喪禮數ｅ說明，壹定噯用母語來
寫才吓逗搭吓親切li，下腳這篇相親，若用台灣話來寫，尤
其是台北人，逐傢看落吓熱樸樸li，抑若給翻做北京話抑是
東京話甚至英語來講，叨鴨仔聽雷，毋知一箍芋仔蕃薯，毋
捌(不懂)ｅ人先講一聲，台灣人咧做三日節(清明)有挽(採)
鼠殼草來去做烏草仔龜(糯米粿類)ｅ風俗，有ｅ外省同胞來
台灣四十外冬猶毋知影，袂想著路邊ｅ野草吓凍做好料ｅli。
呾這嗎 hm人婆仔阿惜仔，有先去給戇福仔新郎倌報好
位ｅ，報七、八位姑娘仔ｅ款，先偷看，才看佗一位上甲意，
等戇福仔返來了後，阿惜仔叨給問一下仔詳細ｅ。「呾戇福仔
，汝看啥人卡有緣li，給我講，續落我才掣(帶)恁來蛇仔形
挽(拔採)鼠殼，逐傢歡喜咧」這聲戇福仔開嘴矣「我卡甲意八
芝蘭舊街彼个阿蕊仔，才拜託汝安排時hoo」眾位看官，這
聲謎底爆啊，水清魚現矣，相親ｅ方式是用「蛇仔形港邊挽
鼠殼」這个絕招pet步，有影譀古，有影笑死人，外省人咧
講「这是什麼玩意啊？」無毋著，这是北部台灣，佇清朝尾
年到日本時代，上介普遍ｅ相親法度，外位人絕對看無，外
語系ｅ人閣卡”毋知影”。
佇淡水江(河)箍圍ｅ住民，有鄉土常識叨知，若聽著有
人講「ｘｘ去挽鼠殼矣」叨了解某某人去參加一場充滿
Romantic 氣氛，百分之九十九吓成功ｅ男女相親lo，因為
相親先經過偷看ｅ「初選」，看著甲意ｅ，心肝頭袂前未歡
喜咧等，挽鼠殼佇三日節進前li，草長花開，一四界芳貢貢
，氣候袂寒袂辣，稍寡雨毛烏陰昊，真正有情調，又閣看著
淡水江路佮大屯山真嫷，有影心情開闊。
以小弟所看過ｅ資料，佇清明前後，招去相親ｅ風俗
，佇浙江省南部宛那有，十外冬前中華日報有徵文比賽，
有一篇寫十七、八歲時去相親，時清明時節雨紛紛，花芳
草旺，看著姑娘真甲意，毋閣時局凶變，強迫離開，撤退
來台灣，逐工懊悔痛苦，若想著姑娘尹阿舅ｅ盛意款待，
叨硾心肝，不時半暝哭破棉褙…，這篇文章看甲我这个對
男女情事，自來著鐵齒ｅ人，宛那鼻酸目燒，真正感心li。
這年ｅ咱人(農曆)二月尾，有一工早起規陣人拍算有六
，七人ｅ款，也叨長工軂腳火土，大麵發給逗摩物件，來惜
仔，阿蕊，佮主人戇福仔，佮隔壁一个半大人雞仔(十五、六
歲少年)號作大頭仔，軂腳火土牽一台利仔卡 (手推車)， 規
陣欲坐船去蛇仔形挽鼠殼，蛇仔形，佇 1960左右統治者改
名為龍形，a呢「龍ｅ傳人」才有甡張是毋？
伊ｅ坐位差不多倚佇紅色關渡大橋ｅ橋頭彼个箍圍仔，
除了一半間仔仁傢以外，規粒山頭攏嘛亡仔埔li，發了真贅
ｅ山花佮野草，这定著包含鼠殼草，台灣人清明做粿噯參鼠
殼才吓好食，若準無參，食落吓粘喉ｅ感覺，用鼠殼草來參
落做粿，这碓實是台灣鄉土文化ｅ大色貨，讚ｅ壹莊le，這
嗎規陣去挽鼠殼草，空氣好，光景讚，逐傢出力ｅ中間，互
相來欣賞，仈人毋知，卡袂歹勢li。
規陣人逶唭哩岸行到八仙ｅ鴨母寮，有一位竹排仔碼頭
，專門載渡船客到關渡，滬尾，大稻埕。這个碼頭佇基隆河
ｅ港墘，水臹清，邊仔ｅ幼肚魚仔攏看吓著，逶茲坐渡船順
流水到蛇仔形(目前關渡大橋附近)，pa算(大約)點外鐘ｅ款。
規陣到鴨母寮時，渡船伯仔早著咧等矣，呾物件攏款款好勢了
後，彼台利仔卡著暫時停佇厝尾後ｅ草棚腳(大型草堆場供煮飯
取草茵用)，規陣六个人連船伯仔七人，著坐船順流水落關渡li。
也叨退潮ｅ關係，免外出力，雖然講基隆河ｅ江路，無
講外曠闊ｅ款，抑毋閣二爿草花，紅紅黃黃真臹好看，規个
關渡塭田，秧仔才播無外久呤，規遍壹望無際青幽幽，遠遠
奚大屯山紗帽山千外米懸， 叨關渡山崙彼角，有幾隻仔白
羚絲咧飛來踅去，身邊無外遠有幾隻水牛港咧食草，總是逶
下八仙到關渡這段港路，風光真嫷，規色庄腳塭田ｅ趣味，
到關渡附近佮新店溪ｅ港路，佇茲交合做一流大港ｅ，仝齊
流去滬尾(淡水)入海。
關渡附近ｅ鴨寮特別贅，倚山後(廟背側)鴨母寮一間一
間連肖續，鴨母ga－ga2聲，又閣有飼鴨阿伯仔，大聲咻
喚，印相臹深，這時亦看著三四隻拋魚船仔，搪咧拋網捉
黃魚(油魚)，規條港變甲臹闊，觀音山大大漢徛佇淡水江路
身邊，真正好看，這時仝款有寡水鳥飛起飛落，無外久ｅ中
間，渡船到蛇仔形ｅ竹橋(碼頭)，逐傢落船，－瞬鹹風吹來
，臹涼，拍算關渡大橋橋端路口，向西大概半kilo ｅ款。
註門扇板逗吓峇→夫妻感情好 鼠殼草，盛生於三
月天，掃墓之米粿，味極美
31
規陣人離開碼頭了後，叨逶石壁腳這个庄頭跁起，才
小山崙仔爾，行踏草青，心情爽快，海口彼角勢吹來ｅ冷
風，少年人毋驚寒，顛倒嘴頰紅霓，閣卡有元氣大跬行去，
这欲若老伙人，拍算叨摯載袂稠li，沿路山泉溪流，加減有
一二角仔山田仔簡那明鏡咧，一四界竹抱臹am6，行無外久
著空曠地lo，土腳叨大部發草仔生花li，遠遠一半門仔
風水爾，空氣清新，司公qiang6仔花(百合)是開甲滿四
界清芳溜溜。
這聲逐傢正經看著真贅鼠殼草，嗯才 ｅ瞬呤，逐傢
aa4身去挽li，這个所在ｅ鼠殼草有影出名，規土腳兜連遍
發，袂輸簡那菜園仔，挑工去種嘛無赫贅，無外久ｅ中間
，隨人叨挽一袋仔滇滇 ( 滿滿 )。一下越(回)頭給看，規
條淡水江水，簡那圖翁仔簡那詩句ｅ，對面ｅ大屯山佮
七星山青霧青霧，簡那客廳ｅ屏風仝款，漢草讚li。
這聲戇福仔才咧講話「逐傢給看，過港ｅ對面著是關
渡媽，厝頂紅紅li，崙仔頂安呢pupu14(灰色)奚著是菜堂
e啦，稍給張弛ｅ，廟前著是雙條江路ｅ君頭，捯(左)爿這
條是基隆河，通八仙，八芝蘭、錫口、正爿這條是新店溪
，通和尚洲(蘆洲)，三重埔、大稻埕，景尾…，現主時咱徛
ｅ所在，拍算是規條ｅ淡水江噹中，景緻上嫷ｅ所在，呾逐
傢叨目啁展大蕊，看一下卡有咧，zin 3一下卡斟酌咧，
看有一个形否？咱祖公早著知影茲好位，嗯才附近風水興li
，这地龍ｅ代誌, 穴ｅ代誌叨互汝袂顛誕eli…」。
逐傢聽甲耳仔kapkap15，姑娘仔阿蕊叨恬恬無半聲
，干礁真搰力真拚勢，規心咧挽草仔爾，有影親象這款光
景優美ｅ所在，若毋是這款機會，規氏人叨NO術li，何
況講親戚ｅ代誌猶無算在內ｅ(佇茲小弟閣再重複一遍，
人講”好話三遍連狗嘛嫌”，台北附近有山有水，上好光
景ｅ所在，確實佇蛇子形佮獅子頭中間，往頂頭大概海拔
200～300米ｅ所圍ｅ地頭，風沝甚好，這嗎亡子埔kii3甲
烏坎坎，臹害li，各位汝若佇竹圍樹梅坑ｅ”楓丹白露”
大樓，看淡江美景著知話頭無顛誕，毋閣觀音山才六百米
ni爾，抑若逶獅仔頭看大屯七星，有壹千壹百ｅ款，順續
閣關渡平洋，有大山有大水有大平洋有二條大江路，有影
想落叨硾心肝li)。
呾這擺ｅ挽鼠殼ｅ踏草青，佇茲免閣寫甚贅，總是這
个現場是”無聲勝過有聲”，少年人ｅ代誌有尹ｅ一套標
準，恬恬食三碗公li，袂逼ｅ，亦袂sing6(寵)ｅ，壹切順
自然，時到時搪，壹切上重要是氣氛頭一層，咱这身邊ｅ人
簡那”電火球”仝款，ge3腳纏手，少年仔家己來著好，
阿伯仔咧婁大碗ｅ”騙人咧毋bat(未曾)少年愀過是毋？正月
痟查甫二月痟查某，二人愀甲欲戇去呢！“才咧起愛笑li。
話頭講到尹一行人，返來唭哩岸佮八芝蘭了後，感情真
有進展，這聲金瓜司心肝頭才謝勞力這規月日ｅ唗傱，所以
講算起來這門親戚，最後紹介ｅ成功者是阿惜仔，新娘仔是
阿蕊仔，漢草讚，大漢柳秀，肉白閣溫順，搰力閣好嘴li，
逐傢攏臹給恭喜li，這个新郎倌戇福仔是歡喜甲袂講了了。
呾壹切紹介順序，續落著是噯送定，娶入种种空課，用到真
贅ｅ人工，這聲軂腳火土佮大麵發，噯閣無閒一暫仔，毋閣
人奚頭傢人金瓜司，對茲長工不止也照顧，做人叨臹趣味li，
嗯才逐傢甘願志氣，潦落捙拚。
新娘仔號作陳英蕊，逐傢攏叫阿蕊仔，八芝蘭ｅ福德洋
彼箍圍仔ｅ人，差不多這嗎美國學校到蘭雅ｅ款勢，su當時
舊街上鬧熱。這嗎郭元益餅店，百外冬前叨興甲掠袂稠，差
不多吓凍做代表lo，咱新娘仔阿蕊仔宛那出身好額人ｅ仁傢
，老爸阿杉仔咧做茶米ｅ生意，順續閣一寡田地咧放領收租
，三不五時亦去塭田dng6蝦仔掠白鰻，肉本臹勇，吓使講
雜路長叨著，百外冬前吓凍飼查某囝，閣嫁查某囝，算講有
錢人才有法度，無倘逐口灶做吓到li，人講緊紡無好紗，緊
嫁無好礁傢，今仔日有法度倘嫁著好位，拍算前世修來因
果，叨逐傢若有緣gap做一下，有趣味著好。
福德洋，這字「福德」拍算是「福德正神」ｅ款，「洋」
字著是「平洋」，北京話平原ｅ意思，“福德洋”可能是佮
”土地公埔”差不多ｅ地號名。呾親傢松仔佇舊街佮福德
洋攏有厝li，這聲欲嫁查某囝，宛那是鬧熱滾滾。
1892，咱人三月廿三，佇媽祖生ｅ這工，hm3人婆仔
阿惜仔，來到金瓜司這爿提八字叨著。提戇福仔ｅ生時月
日，連祖公三代，父母阿公阿媽，阿祖ｅ經歷詳細寫互伊
清楚，寫佇紅紙ｅ，交待互媒人婆仔，當做信物，這个
hm人婆仔才坐便ｅ牛車，普通駛到福德洋，免一點外鐘
叨到地矣。女方ｅ嗣大人接著八字了後，宛那著噯回復一
張新娘這爿ｅ八字，情形寫法攏介親象，袂輸簡那咧做生
理仝款，信用狀開來返去，仁情na鋸仔，有來有去。
所以講佇這个坎站，媒人對雙方真正要緊，袂致顛
誕ｅli，三工了後，當媒人閣再回男方ｅ八字時，這聲
親戚才吓使定著ｅ，鐵釘釘大樹，決也。金瓜司逶女方送
來ｅ八字，暗頭仔(傍晚)ｅ時做一下簡單ｅ禮式，“問”
祖公看有允准否？叨僎(備)果籽菜碗，燒香祭神，佇祖公ｅ
神主牌面頭前，唸唸有詞，續落才”跋bue”，祖公講臹好，
無顛誕啦，安呢好勢了後，叨參詳看日來送定lo。
看日子，欲佗位看？佇關渡媽祖宮口有一个”擇日師”
名號做李仔仙，皇曆時，看日臹準，頻若交關過ｅ，逐傢
真正謳咾，李仔仙給金瓜師講，安呢啦，小定四月初三，
大定五月初二，這兩時攏是良辰吉日，毋倘顛誕去，金瓜
師謝魯力，提二箍銀ｅ大紅包互李仔仙食茶咧。
另外一方面來牽，這嗎林府金瓜司欲辦鬧熱，後尾仔
(後廂房)大翻厝，茲長工查某嫺，逐傢是無閒起無閒落，拂
甲大粒汗細粒汗，頭傢人宛那真慷，大百大百ｅ錢直應付
甲到，互茲少年仔食涼e，軂腳火土仔佇現場咧擔触矯摵
(決策進退)，頭殼術頂ｅ，逐項有照順序，空課真正僬勻(密
集而安好)，金瓜師真正歡喜咧等，不時嘛招茲腳手逐傢飲
一攤仔，逐傢衝吓起磅，有影合和(團結)li，庄腳宛那有庄
腳ｅ甡張，袂輸仈人啦。
註山崙→小山丘 大跬→大步 竹抱→農家四周
栽種的大麻竹 no術→沒搞頭 有緣gap做一下
→大家有緣相逢
32
呾咱人四月初三，是戇福仔佮阿蕊仔ｅ小定歡喜日，小
定是送禮品去新娘彼頭，稍見一下面本ｅ 爾，後回仔大定ｅ
時瞬，典禮卡大卡隆重，這嗎二十一世紀ｅ工業社會，台灣
人嫁娶，叨無人咧幸小定這層，昊落紅雨馬發角有影臹尐矣
，新時代ｅ人無費氣li，小定大定啥乜]定攏好，殘殘脆脆
做一擺定來好勢，抑若閣卡西洋式新潮流兮，泛勢連送定嘛
免除，也叨送定兼娶嫫，摸蛤仔兼洗褲，省錢省時，嗯才茲
阿伯仔氣西西叨袂講了了，怨歎講天公咧換人做矣，少年仔
鐵齒銅牙槽，無照甲子行有影害li…。續落咱給(ga5)回想百
年前ｅ蕃薯仔鄉土民俗。
初三透早，雞公才啼無第貳回呤，規家人含軂腳火土，
大麵發，叨歡頭喜面，今仔日喜氣洋洋li，欲搬送禮品，送
到新娘仔彼頭，物件老早著僎好勢矣，欲用六台liaka(台式
推車)牽去，干礁看著軂腳火土仔，大麵發仔，踮兮咧行出
行入，無閒起無閒落規時辰，禮品ｅ中間，卡大項ｅ有豬肉、
鵝肉(無用鴨肉、鴨押仝音)、喜酒、綠豆糕仔禮餅、糖仔餅
，紅綢烏綢、老花、米芳，另外有一寡卡細項ｅ，交待hm3
人婆仔，上要緊是交互女方嗣大ｅ聘書，另外有金花、金針
、金手環、手巾仔、若卡工夫ｅ，猶囥蓮蕉花，果籽鹹酸甜
東西，茲物件，雖然是「小定」宛那是袂尐，所以父老咧辦
喜辦喪，攏真浪費拍隕，有影假大肥li。
茲物件攏總分囥十外sy6，“sy6”讀做城，是囥禮品ｅ
容器，差不多2尺x4尺ｅ款，用好柴釘成，看欲二人來扛，
這嗎有一睏仔六台liaka載去新娘彼爿，逶唭哩岸沿路到福德
洋，拍算牽點外鐘著到位，其中軂腳火土佮大麵發一人一台
，腳手無夠，閣招痟矮仔生佮萬裕來逗，落尾仝庄肉順仔佮
來義仔亦來矣，總共6人6台車，叨大扮大扮真正風光，逶
八芝蘭這頭駛過來，沿路放炮仔掛紅彩，另外請二个鼓吹手
佮拍鑼兮，沿路莿腳搦手(手忙腳亂)鬧熱樸樸，安呢歡喜gigi。
無外久ｅ時間，到新娘尹兜，受著新娘規家族大細，真
熱誠給按內，这時hm3人婆阿惜才提出聘書互女方嗣大，續
落ｅ齣頭著是「敬甜茶」，由hm3人牽新娘仔手捧茶盤，頂
頭有甜茶甌，來正廳ｅ所在，對一位一位ｅ來賓來敬茶，貴賓
飲了，噯囥紅包佇茶甌內，號作「砥茶甌」，最後ｅ齣頭是「
掛手指」，由囝婿或是搭傢給祝福恭喜。呾這棚戲”搬到”茲
差不多好勢矣。
中晝這頓膳饈 (cecau61)，由新娘仔這爿(邊bing2)來擔dak
，叨辦甲魚魚肉肉，來招待囝婿這頭ｅ貴賓，食這頓ｅ辦桌，
無論是新郎抑是新娘仔，攏是充滿了新奇，甜蜜氣氛特殊ｅ感
覺，這款ｅ感覺叨無地講li，有時到七八十歲仁生尾路時，回
想起來宛那真正糖甘蜜甜，嗯才致使吓鼻酸喉滇，感慨無量
目屑滿面li，阿伯仔叨袂假仙ｅ，袂鐵齒ｅli。
實在講起來，訂婚桌食了比結婚桌閣卡莿激閣卡氣氛，
這場膳饈 (盛宴)頻若落喉，叨吓感到家己大漢矣，噯負起
傳宗接代ｅ重任，噯負起對祖公ｅ至靈至聖，吓揚吓大pa尾
，仁生才有甡張li，哎！愈想是愈驚，是愈歡喜。
咱戇福仔今仔日食這桌新娘酒，心肝頭感到茫茫，雖然
有錢人囝來講，宛那有伊ｅ苦衷，忽然間無張弛伊想起細漢
時，做囡仔种种，父母ｅ心苦病疼，目尾稍寡霑霑，目眶叨紅
紅li，人咧所說「扛轎兮嫌艱苦，坐轎兮嘛嫌艱苦」，有錢無
希罕，平平父母生晟攏是肉做ｅ，誰人無感情？戇福na食
na想，燒酒na飲na茫，後日仔我捍手頭lo，噯掌家傳承香
火lo，我咁有法度？家己吓來大漢，宛那是另外二个少年人變
老，秤硾拖尾ｅ代價來造成li。
這款ｅ流擺(場合)充滿喜氣洋洋，毋閣宛那互當事仁吓
感慨佮傷感，歡喜盡磅自然de著吓流目屑，做人甡成叨安
呢li，嗯才小弟興仔佇茲激一下仔伍仁ｅ(開个玩笑)，若辦
喜事，送定ｅ時卡吓印象深刻，心苦病疼佮歡喜笑神，是竄
筋入骨撝撝鑽，永遠懷念li，顛倒結婚彼工，代誌甚贅，雜
cap人hen3，無閒無工，忝(疲)ueue，遂無啥乜回想li，有影
叨害li，抑若辦理”做喪”嘛是仝款li，正經咧做旬做功德
做風水出山…東西，是無閒莿莿，毋知悲傷li，顛倒到十年
後抾骨時，四箍圍恬恬無人，看著一堆骨頭回想至親活世時
，才吓攽聲大嚎，哀父叫母捶心肝li，表露出人性悲哀至誠
ｅ一面。才咧講「娶嫫看送定，做喪看抾骨」，關於这抾骨ｅ
代誌，後文吓寫著，这是咱台灣人文化臹要緊ｅ頭一層，呾
歹勢o，佇茲辦喜事，啥乜三八話摟規笪，嘛卡差不多咧，
歹勢啦，叨拄好想到烏白卒一下呤，人講「講古講古，無講
無古」，这鄉土文化，抑是鄉土文學時，宛那趣味呢，無貳步
七，嗯敢過虎尾溪li，若有顛誕，手勢才夯〔qia3〕卡懸咧。
請煞(完)了後，新娘ｅ嗣大人，送「答聘書」佮一寡禮
物回送倒返，規陣謝勞力了後，liaka牽咧，順原路返來唭哩
岸，佇半路ｅ時瞬，大麵發仔笑笑也問「大兮，這頓膳饈，
tui6了有工夫否？」佬腳火土宛那心情讚
「臹lin久無食甲安呢粗飽粗飽，艱苦人有即好命食即好
，心肝內真正暢矣，大麵發佮火土表面上真正歡喜，毋閣
心肝叨艱苦ut卒li，平平是人，按怎大細漢差即贅，總講是
父母運命環境ｅ關係，二人怨歎罔怨歎，毋閣對頭傢宛那臹
盡忠熱誠，無仜甕肚(嫉恨)好額人li。
毋管按怎，現主時搪咧乏搭，做羅漢腳艱苦坐卦，頭
傢人無肖棄嫌來牽成，有一碗湆糜仔(稀飯)倘食叨真佳哉矣
，叨仜噯謝勞力，哎！古早ｅ蕃薯仔宛那真惜情li，想落鼻
頭吓酸，羅漢腳仔羅漢腳，汝啥乜時才吓tu破草笠出頭昊
：liakaｅ車列，無外久ｅ中間，倒返到唭哩岸厝內，早著有
人僎(備)炮仔，攽甲砰砰叫，叨鬧熱擺，逐傢給汝逗歡喜參囉。
是大定ｅ禮數，了後等到秋昊才娶，差不多咱人九月
中ｅ時分拄好li，娶新娘ｅ進前一工叫「送日」，代誌苦繁
複雜，真有民俗氣氛，伊ｅ重要性，叨袂輸証經迓親娶嫫
彼工(天)li。
33
一月日真緊叨過去矣，這擺送禮到新娘彼頭，雖然講
禮品加臹隆重，人氣亦臹旺，毋閣佇氣氛上無小定赫尼緊
張、刺激、這擺ｅ送禮，噯分餅互厝邊頭尾，噯互人”批
評指教”，所以講大定是咧拚錢路兮，bii6面皮，給社會
各界來展一下，是厚禮數爾，到今仔日二十一世紀欲到矣
，風俗吓漸漸落坑，現主嗣大定小定攏合做一回做，少年
仔逐傢顧讀冊顧賺錢，罕兮捌(識)啥乜大定小定li。
寫到這位，小弟佇茲真誠懇來提醒逐傢，後回也若有
人欲嫁查某囝，禮餅中大型「盒仔餅」(專門衡互至親好
友者，佮壹般簡單小型圓餅無仝)，上好噯用咱台灣式ｅ
盒仔餅，絕對毋倘用西洋式，鐵盒仔袋ｅ牛乳餅彼型兮，
因為咱鄉土ｅ盒仔餅定著是現做現賣，定著是送定前一暗
才做，閣好看閣好食閣大方閣有氣氛，現主時時行ｅ鐵盒
仔西洋式ｅ，幾塊仔牛乳hen3 ｅ餅類，不答不七，冰箱
毋知冰外久矣，卡輸去買一包可口奶滋顛倒卡芳li，咱台
灣人噯有台灣人ｅ甡張，毋倘消滅家己優良ｅ文化，(這
款方式ｅ餅, 私下認為淡水三協成上介讚)。
呾這嗎大定ｅ典禮，佇咱人五月初二，算命仙看ｅ好
日子好時辰，早起差不多九點ｅ時瞬，準時出發，這回大
宗物件真贅，干礁欲送親戚五十朋友兄弟ｅ禮餅，叨tiap
(堆)甲規車斗，遠遠看去紅紅一大ta4，彼時陣物質客欠，
看落有影吓吞嘴水li，這回仔總共動用到十外台liaka，另
外閣去外地頭，搬請真贅人來逗腳手，軂腳火土仔尹規陣
定著佇內底ｅli。
大定ｅ禮數，真正豐沛，若以古早ｅ社會經濟來看，
實在真討祭(浪費)li，毋閣这是仁情世事無法度，閣卡開錢
嘛是一回爾，噯捙拚一下仔面子，伊ｅ內容大概如下：
(一)禮餅，大型盒子餅約200盒左右，送至親好
友，另外小型ｅ禮餅(肩盤形)約600盒，送一般厝邊。
(二)糖仔餅類，包含老花、冰糖、冬瓜糖、鴛鴦糖、桔餅、
柿粿、福圓、八角糖。
(三)肉類，包含豬肉、鵝肉、羊肉、鰱魚、雞、鮑魚、
海參、魷魚…。
(四)服裝類、如新娘結婚禮服、皮鞋、西裝、衫類、手巾、
西巾、針線、帽、禮服。
(五)拜拜用品、如燭、香、聯炮…。
(六)金器、銀器、鑽石、珠寶、金錢。
一行人到新娘仔厝，路頂真正風光真正大扮，拍鑼仔
佮鼓吹手，真正拚喟，叨喜氣洋洋li，茲下腳手仔，逐傢
莿腳搦手，無閒莿莿，聯炮攽甲乒乓叫，仝款逶聘書交互
女方嗣大，提去廳頭拜拜ｅ，中晝等到食飽了後，宛那交
回答聘書，一路順序返來，厝內大小，通人歡喜咧等叨著
，呾送定ｅ禮數到茲完成，續落等四月日了後欲娶入門。
時間過了緊li，叨秋昊到矣，漸漸白柚叨出頭矣，路
邊笪子車宛那有咧賣柿粿矣，相命仙兮講，9月初8上合
娶親做式，嗯才八月尾時，厝內早著無閒咚咚，軂腳火土
仔幾个羅漢腳仔，趕瞑趕日欲赴娶親，逐傢拂甲(賣命)
欲烏暗眩去叨無第二句li，所以講咱庄腳人有義有血有目
屑，忠厚本性真溫純li。
欲了解蕃薯仔ｅ婚禮，毋免9月初8咧捙盤，干礁看尹
初七ｅ準備工作才是內行喟ｅ，小弟咧評判一本冊，抑是一
齣戲抑是一个新理論，毋免先看伊冊中內容，叨先問這本冊
ｅ生產背景，伊按怎吓去潦落寫ｅ動機，詳細觀察這噹中ｅ
心苦病疼，無惜家己ｅ捙拚來歷，才知影這本冊(抑是)理論ｅ
一半價值仔，簡單講著是，幕後比幕前卡心適叨著。
戇福仔按佇9月初8娶親戚)，咱叨來佮影一下，逗底
初7咧無閒起無閒落啥乜？咱台灣人佇娶嫫進前這工(天)，
噯做啥乜代誌？這款代誌真要緊，抑無娶嫫叨簡那辦公伙
仔，叨無三無二ahe！娶嫫進前一工，台灣話號做「送日」
，無論新郎抑是新娘攏是無閒莿莿。分做裁衣(衫)，挽(
van)面，剃頭，安床四項要緊ｅ禮儀。
頭一層號作「裁衣」，佇迎娶前幾工揀日做式，向公
媽神主，桌頭媽祖土地公燒過香了後，这時精通鉸衫ｅ老
婆仔司傅，腳手敏掠，目色青銳，叨佇廳堂正式為二ｅ新
人來造衫，這款場面，有二款人袂使(不可)來逗鬧熱，頻
若死尪ｅ查某人，抑是相虎ｅ查某，攏袂使出現佇現場，
哎！古早人叨古早人li，實在有影譀甲(荒謬)有偆去。
這个裁衣ｅ禮數，實在講起來，是做一个kimo 爾
爾(點到為止而已)，無法度做禮服这定著e啦，因為叨無
時間，嘛袂ha 3袾li，嗯才自那做二个新人ｅ內衫爾爾
，这內衫限定白色ｅ，做好了後，佇衫嶺佮褲頭ｅ所在，
結一个銅仙錢用紅線繡甲宓「 」記號，表示尪嫫百世
和好「尪生嫫旦，暝日肖看」袂sen6，門扇板vava36，
这是咱鶴佬族群，真正心思幼秀ｅ所在，起初看有一絲仔
不吉，尾也給斟酌想le，叨真有義li，也叨禮服嗯才表面
有意義ane，袂長久li。
因為禮服不而顧穿一工ni爾，毋閣內衫褲遂逐工見
面，想欲冤家讓債，干礁看著褲頭he「 」火氣嘛消
透一半卡加矣，親象落尾也”納粹”抑是”佛教”ｅ記
號，嘛是佮咱食仝好爾，所以給想起來，各種民族ｅ婚
俗禮儀，攏真正有趣味li，台灣地因為規年僬熱，有ｅ
做頭傢人，有錢人穿甲青青，金金芳芳，揚是揚，我看
卡輸返來了後，穿一領短褲櫛仔，吹電風看武俠ｅ卡爽li
，嗯才講內衫宛那互汝袂看衰ｅ，叨衫ｅ代誌歹講li，看
有影麼hoo。
第二項，號做挽面(音van-vin16)，这是台灣人特有ｅ
風俗，用白紗線將少女面嘴頰ｅ幼毛，給絞互伊清氣，是
鶴佬族姑娘仔，宣佈脫離在室ｅ時代，行入嫁尪ｅ一項禮
儀，亦算是一款ｅ美容空課叨著，這項工夫，阿婆仔上敖
，先由新娘仔ｅ嗣大，就香拜神，了後新娘仔佮挽面阿婆
，雙人坐置ｅ，阿婆用一條長白線，一頭咬佇嘴齒，續落
ｅ瞬呤，雙手逶白線交pua(交叉)，利用手勢節力，來回絞
動，著吓凍逶面ｅ幼毛仔全數紡掉。
這項技術已經漸漸欲失傳矣，現主時欲看這項工夫，
全省南北二路，單單猶一位有地看，著是佇舊士林ｅ文林
路佮中正路三角窗ｅ天主堂面頭前，(士林光華戲院斜對面
天主堂前)有三二个阿婆仔咧給人挽面，坐佇路邊，小姐面
抹白粉咧除幼毛仔，講卡白ｅ，這嗎 ｅ嫷姑娘，真贅毋
知這項特技，若有閒稍給嗣大請教咧。
第三項禮數號作「剃頭」，這項禮宛那真慎重佇計較
，變做咱蕃薯仔有影叨厚禮li，伊ｅ過程順序是安呢，打
算佇娶嫫ｅ前一暗，食暗飽了後，嗣大人吓搬請一社北管
，鼓吹大鑼柏鼓，奏甲真鬧熱叉操，喜氣洋洋，嗣大仝款
就香祭告祖先神明，這時新郎倌佇大廳兮，幵始理髮整理
頭鬃，一方面剃頭，一方面大奏喜樂好調，規厝內逐傢歡
喜咚咚，剃煞了後，茲八音ｅ樂師，一人賞一碗甜圓子做
點心咧，嗣大真正客氣，發互剃頭師佮樂師ｅ紅包禮。
若是卡普通ｅ家庭，普通是包紅包ho剃頭師爾，無倩樂隊。
第四項禮數，是安床，著是安放新眠床，到時新郎佮
新娘嗡嗡睏ｅ，安床宛那著看時辰，順續有二項禁忌，毋
倘去摵(cek)著，一項是相虎ｅ人佮死尪兮(寡婦)袂使看咧
，另一項著是禮品ｅ坐位，絕對噯佮眠床平向(平行)，安
呢後日仔歹空兮才袂有份。安床了後，上好是叫相龍ｅ
囡仔，去眠床pa二遴(翻數回)，來取伊ｅ吉祥氣氛li。
娶嫫進前一工ｅ「送日」經過，佇男方是喜氣洋洋，
佇新娘仔這爿，叨嚎ga真正傷心，嚎甲在欉li，噯離開父
母晟養十八九冬，免講報答恩情，干礁一路嫁出海天茫
渺，離開暝目逗陣ｅ血跡地，佮厝邊姊妹惜別ｅ希微，
宛那吓互第三者目眶紅li，來想當事人新娘仔，尤其卡
艱苦ｅ新娘，對後日ｅ運命按怎，這聲干礁著靠勢媽
婆來保庇矣，算起來查某囡仔人，油麻菜子命，前途茫
茫渺渺無地比，查某人講起來一氏人是艱苦坐卦，滿腹
苦楚無地透，單單這點著噯了解，咱做囝兒氏細，噯絕
對友孝老母才著，真贅人知苦時，老母已經過身矣，哎！
實在不止也互人怨歎，互人感慨！這點小弟佇茲順續給
提起！
眾(各)位咱茲鄉親嗣大，阿同兮，這門親戚娶嫫ｅ
代誌叨到茲，做一暫ｅ結束，娶嫫當日ｅ代誌給省略起
來，關於這方面ｅ資料真贅，佇電視台電影各式小說，
攏不時咧寫，叨袂顛誕啦，卡客欠ｅ娶嫫進前ｅ台員風俗，
頭前叨有寫寡，這方面長短，壹直是久長來卡袂了解ｅ
所在，映望逐傢吓加減了解絲仔，後回也家有喜事ｅ時瞬
，加減吓倘沐一絲仔，做有外贅算外濟li，毋倘一个戇倯
柴柴，毋 捌一箍芋仔蕃薯仔安呢著害。
… 喜事辦完成矣，頭傢金瓜師隨人提二十箍銀，來給
賞謝勞力，这對長年來四界流浪，有路無厝ｅ歹命囝來講
，宛那吓喘規半冬矣無輸贏li，逐傢心涼脾透開，嘴笑目笑
，離開頭傢厝，返來關渡廟這角頭，閣再拍拚棉爛做，來維
持家己ｅ食穿，好佳哉，關渡地水米之鄉，“腳霑加減吓臭
臊”(願意下海撈捕多少吓收獲)，日子普通普通，換一頓湆
糜仔(稀飯)食li，若年仔節仔，廟ｅ迓神繞境，逗陣頭東西
，討一碗甜湯倘食宛那有啦，人若有欲”知足常樂”日子宛
那袂醜，普通人仜鄙相，講羅漢腳仔毀lui6，这毋是逐傢攏
安呢，有影叨冤枉li。
第六章 羅漢腳廟埕牽教
34
也叨關渡媽祖廟占四條水路ｅ總君頭，又閣彼个時瞬壹
切交通，以水路上要緊，致使著關渡廟，袂輸這嗎 ｅ台北車
頭(車站)仝款，三色仁傌，五路神明，江湖術士，羅漢腳仔，
做生理兮，做穡人，抑佮茲善男信女，人群佳繹洘卒卒，各方
消息情報攏集佇關渡廟咧，有影鬧熱滾滾，ｅ瞬呤，廟邊ｅ渡
船頭，閣卡是各種物質吞吐，仁員出入ｅ上”食肉”(最佳)ｅ
好所在。
關渡su6當時，上出名ｅ捍頭阿伯仔，著是渡船枝仔，伊
今年歲頭五十捅，捍渡船拍算 (大約 ) 三十外冬ｅ款勢，做人
真幵化天ket5(很性格)，不時嘛咧激伍仁，逐傢笑甲欲歪腰去，
人緣臹好叨著。頻若昊時作醜，抑是暗頭仔ｅ時瞬，迭迭著去
廟埕，給挨大筒弦(台式樟木大胡琴)ｅ樹伯仔咧答嘴古，囡仔圍
甲烏坎坎，这時，茄苳腳彼角勢ｅ六个羅漢腳，嘛不時圍兮咧
逗鬧熱，安呢年久月深了後，佮渡船枝仔，感情臹倚(wa4)叨有
緣li，話頭咧摟臹吓逗搭，朋友ｅ中間簡那親兄弟。
咱这蕃薯仔咧交陪，叨真正心適趣味li，汝佐汝給斟酌聽
，愈親愈感情好ｅ朋友，話語牽婁ｅ中間，卡無咧顧忌東西，
直話白講，夾一寡，誶幹力撟ｅ詞句，外口ｅ人聽落臹無水準
，毋閣家己ｅ人聽落臹親切逗搭(咧孝臭豆腐仝款)，叨真正有
影li，話頭咧牽，若無夾寡奇卡ｅ，叨講了袂siapa15(舒暢)，
聽落袂起磅(過癮)li，逐傢無相論兮，叨朋友有夠遐li，这na
著閣講，庄腳人ｅ古意，實在有影li。
嗯才茲漢腳仔頻若〔binna33只要一有〕有閒，叨規陣守
兮關渡廟抑是渡船頭，牽山伴林，長尻倉一聲坐規晡，這个渡
船枝仔有影人面闊，學問飽，天文地理仁情世事僬捌，對國際
大事，西洋奇卡宛那有沐著寡，茲羅漢腳仔上第壹愛聽li，尤
其是滬尾外ｅ馬偕博ｅ，這个啄鼻仔ｅ种种心適佮四界行踏ｅ
奇形怪事，上有路li，渡船枝仔趁这機會，不時嘛添鹽加味素
，臭彈甲一字捌le，逐傢聽甲耳空蓋kapkap15，咱渡船枝界有
情li，上幸給咱茲艱苦人仔兄弟人仔逗趣味，親象奚有錢人激
一个參仔喟，對好額人叨無咧給臭輦(不甩他)，迭迭咧講，有錢
人咧外laisang45，四兩ng仔稍除咧，有sen頭爾咁外有學問是
毋？嗯才茲兄弟人，逐傢臹給謳咾(贊美)li。
渡船枝咧講話，毋但是胡稠激伍仁爾，嘛臹愛講寡唐山彼
方面ｅ奇卡，細漢二十外歲ｅ時，稍寡有學著漢文，對京城佮
咱鶴佬文化有貳步七仔了解，不時給少年仔幵化li，尤其咱这
萬裕，大麵發，軂腳火土上有趣味，逐傢燒酒綰一罐仔，塗豆
搣ｅ，著幵冓拆字數ali。渡船枝仔總是歲頭卡有矣，各方面人
客摯接，社會卡有咧出入，定著卡有學問講卡有路，佇地方
上亦喚吓din動。
今仔日是1893年(光緒19年)ｅ正月廿，若佇下港彼角勢
，早冬ｅ秧仔這欲(快)播矣，毋閣頂港無肖仝，冬尾雨(東北季
風雨)沿滬尾蛇仔形，一路竄筋入骨，不時嘛搪風起寒，白霧
雨毛罩偎來，烏陰天透著瞬瞬冷銳ｅ北風，有影真正人咧講”
燒酒昊”li。渡船枝綰二紅露酒，是朋友逶樹林口(樹林鎮)土
龍師燒酒窯，daa2買來呤，叨無惜本錢，佮茲羅漢腳仔，逐傢
ut(紆)佇廟角椅蓧，做伙來sip5(啜)。
這聲害大麵發，客人松，痟矮仔生真正歹勢，來聽冓古
遂顛倒夆請飲，大麵發仔一時目燒鼻酸，心肝頭做一下艱苦
起來，哎！大兮實在朋友有夠遐，枝仔枝仔，汝真正看阮羅
漢腳有目地，細兮永遠感心，蹉跎人運命顛誕，毋閣宛那有
血有目屑，後回仔有代誌佐汝吩咐，大的，憑汝一句話我著
潦，無論刀山油鼎，總hy4甲到…。
規陣兄弟na幵冓na飲，大大細細歡喜和齊，嘩做一陣
逐傢無論兮，这時廟內有一位道姑，名號作金枝仔，看著渡
船枝仔ｅ面子，捧二大桶盤ｅ蕃薯炸(唸箭)來逗插花(捧場)，
嗯才茲兄弟逐傢互伊致蔭有著，昊悺腹肚枵五堵六堵到地也
，枵雞無惜ce2，枵鬼無惜面皮，袂輸搶孤仝款，莿腳搦手
乒乓叫，兄弟是推甲叫毋敢，腹肚皮是弓甲圓遴遴，二大
桶盤ｅ物件，點仔久著空襲了了，這聲逐傢食飽有元氣ahoo
，話頭咧牽亦閣卡逗搭(投緣)，渡船枝仔猶元真好禮真好嘴
，佮茲兄弟咧幵冓。
「大兮，真正老牌老字號，抑麼”亂彈”(北管戲)嘛著
唸二齣來鼻芳ｅ，呾鑼鼓柏僎互伊便(準備妥)，兄弟逐傢來
caa3一下卡有le，叨閒閒無工藝li，逐傢做一下時間以外ｅ
娛樂，才袂希微，茲眾兄弟汝看怎款？」軂腳火土熱誠搬請
渡般枝來展一齣仔，憑枝仔ｅ歲頭佇廟前餾赫久，啥乜亂彈
大戲布袋戲，逐項雜路長，燒酒一下灌落以上，嗎西嗎西，
宛那幸幸ae，嗯才就這个勢拚一段仔幵天官咧。
「好啊，叨燒酒昊li，厝外透風落雨，厝內鬧熱一下，
唱歌納曲做義niu6，呾客人仔松，去請樹伯仔來挨大筒弦，
大聲挨，大聲唸調，唸互伊起磅互伊siapa15，逐傢耍(玩)一
下卡有ｅ，叨罕兮幾時呤，免細膩…」叨無外久ｅ中間，樹
伯仔三腳二腳步趕到矣，安呢熱樸樸，ｅ瞬呤，沈重深純ｅ
弦仔聲翁翁陳起來，客人松ｅ柏鼓仔宛那一瞬一瞬咧陳。渡
船枝仔代先唸一段”薛平貴”，續落閣做一齣”陳三五娘”
，規間廟角奏甲真叉操，有影鬧熱滾滾，臹象戲班叨著。
毋閣外口透著東北，咧噴冬尾雨，dng4點dng 4點，
埕兮無啥人客香客咧行踏，逶廟這爿看過八仙佮浮線仔
(社子中國海專附近)，白白霧霧，一群水鴨拄搪才(剛巧)
翍過去，人咧講雁叫一聲，散人一驚，乞者羅漢腳好味
好素上驚這齣ｅ，遠遠ｅ草寮仔，傳來一聲飼鴨母ｅ
咻聲，規个昊頂pupu(14灰色)青冷涼，關渡港面ｅ
拋魚船仔，嘛才三四隻爾爾，噴噴也，關渡廟ｅ風景面
，真正古樸寂靜。
呾渡船枝仔佮茲羅漢腳仔，唸歌納曲，宛那有一睏
仔，落尾行出廟，拄好渡船頭彼間販仔間(旅社)ｅ頭傢和
成伯仔來肖尋，講有四、五香客欲坐船，去和尚洲(盧洲
鄉)，順續返來時載寡蔗節(紅甘蔗)返廟兮，有噉仔店(雜
貨店)欲割貨li，呾流水ｅ時辰這欲到lo，腳手叨卡敏掠
ｅ，ga昊時作醜到地也，宛那噯搰力趁，人客尐無魚蝦
嘛好，俗語講「油湯趁，才袂散(音san)」，渡船枝仔棕
sui幔ｅ(兩具穿)，一聲著落船，te渡出去，逶和尚洲彼角
勢駛去，船影漸漸霧去矣，冬尾風依原冷銳透著。
註做穡人→勞動階級 食肉ｅ所在→最精華之地
幵天官→演戲前的先頭樂曲原指藝妲間之初唱
gam-ma 店，雜貨店，若准現在的[7-11]
35
叨安呢清朝尾年，佇日本人猶未來管ｅ這段空縫，關渡
媽祖廟真正鬧熱安呢甡，船隻吓到ｅ所在，逐位攏臹發li，嗯
才一四界羅漢腳仔，乞者，不時嘛集兮佇關渡廟幵冓拆字數，
講hakkak55(匏勺)說飯lue6(篩飯器)，仝款王公貴仁kue6參落
，無咧給信斗，管伊嘴鬚留佗一爿咧！茲羅漢腳仔老大哥，
臹有義氣，毋閣性格方面加減吓卡衝磅，好毋好叨欲潦，搕袂
著叨拚，佇种种方面，恐驚也感情坎過理智，萬不貳若佮人衝
突顛誕，叨卡醜材ahe，遂致su著身世坎苛，水流破布ｅ艱苦
運命，袂凍得著卡完滿ｅ結局，嗯才食老吓倒怨歎，有一工倒
落夆扛去山埔，白骨一堆送去萬善同歸時，猶咧夆給消毒(批評)
，做人做甲安呢，實在枉費也枉費。
因為這層關係，嗯才 ｅ瞬呤，渡船枝仔宛那是情理人
，做人真幵化，佮羅漢腳交陪時，體念尹出身艱苦，有時噯
好嘴牽教，有時噯忍耐教化，一方面教寡基本知識，來彌補
這个無學校教育ｅ苦楚，安呢才有倘成文武雙材有路用ｅ卻
擻，佇社會才袂夆稱斤兩。毋倘後日仔夆消遣講羅漢腳仔無
卡擢啦，干礁吓曉食糧投軍做阿兵哥爾，奚叨梟悻lo。
不而顧渡船枝仔亦毋是仙兮(老師)，亦無教育部發ｅ教
科書，是欲按怎來教育茲羅漢腳ｅ學問呢？这宛那叨心適li，
免驚，袂互顛誕去，枝仔算起來也五十捅矣，社會出入，仁
情世事三十外冬矣，各方角頭仁物摯接，上無嘛三二千人唗
袂去，咱跋白ｅ，以彼个時代ｅ標準來講，伊絕對有資格來
教育茲少年仔。
佇關渡地無一个福佬人吓比伊卡敖，彼个時瞬學問欲比
伊卡好，我看單單六kilo外ｅ啄鼻仔馬偕爾爾，奚叨袂講ｅ
li，粉鳥比雞腿，馬階受過正式ｅ科學神學教育，上無嘛知影
，西洋精巧ｅ數學佮化學知識，咱鶴佬簡那青瞑牛，毋知一
箍芋仔蕃薯，卡加嘛輸人忝忝。
西洋人所說「智識著是權力，健康著是傢伙」，逶歷史
給看低路ｅ民族，迭迭吓變做優秀民族ｅ奴隸，一氏人做仈
人ｅ腳架仔，有影叨臹無甡張li，所以學問，教育ｅ代誌真
正要緊，袂咧互汝hiihii haahaa6136準過去著煞矣。
咱話給講倒返來， 渡船枝仔ga有欲教茲 羅漢腳以
上，這嗎噯考慮教材，噯教佗一方面ｅ文化？枝仔心肝頭
有咧掠，普普也大約也四方面伊卡內行，壹是蕃薯仔ｅ人名
地號台，壹是廟ｅ拜拜禮數，壹是戲齣種屬內容，壹是關渡
江路ｅ魚蝦蛤子掠法ｅ學問，實在講起來臹可憐li，這絲仔
學問，按怎有法度佮馬偕比？毋閣伊細漢宛那無受教育li，
若欲見怪，若欲怨歎，叨噯見怪咱按怎噯互外來ｅ民族，滿
州民族來統治，滿州人低路閣ang-lang44(頑劣)，飯桶掛車
輦，台灣人是衰甲叫毋敢，这是人ｅ昊年，叨干干礁無伊法li。
另外一方面來講，萬裕仔，客人松，貓古添，大麵發
这兄弟，宛那各人有各人ｅ心事艱苦，運命ｅ關係叨安呢
哩，萬裕壹直欲尋離散ｅ老母，大麵發不時嘛著傾錢來給
完成心願，偆ｅ人親象貓古添仔，客人松，隨人攏滿腹
苦衷。
佇彼个時代內底，錢財傢伙上要緊，有錢ｅ人，擎
耶耶，一四界揚，起腳落手，目睭卡懸目眉，若是無傢
伙，這聲著塗去矣，一箍人餾餾， 做牛做馬臹了然，
卡加嘛衰簡那lai2仔咧，佇su6當時ｅ社會，散赤人是
占卡大面，大散小散爾，仝款散，瘦牛肖磅身。
茲蕃薯仔咧痟想，若有社會福利，食老，免煩惱食
穿破病，毋知欲外好咧，因為少年時，筋骨硬猶吓堪de，
老來散閣寒閣饑閣病，心苦病痛做狗爬，想落吓驚，規陣
羅漢腳集兮關渡廟，嘴咧講是欲幵冓笑談，毋閣心肝內
實在看，有倘映望趁錢ｅ機會否。
叨咱人(農曆)二月尾，昊作漸漸清，雨白卡尐，規陣
羅漢腳坐佇廟兮大榕腳，今仔日渡船枝仔歇睏，有時間佮
眾位烚燒茶，氣侯真涼爽烏陰烏陰，茲眾羅漢腳僬到，逐
傢目色銳元氣好，氣氛真正熱，佇这好時好日，呾毋倘拍
隕時間，咱枝仔老大欲婁一塊仔學問le，雖然講學問是無
外深，毋閣意到矣，叨本土文化逐傢蹼仔稍催咧， 抑若
其他趁錢方面後回仔才講，算講有時噯做文兮，有時噯腊
武ｅ叨著啦，毋管按怎，逐傢感情臹倚臹和臹愛聽li。
這時渡船枝仔嘴笑面笑真正溫順，呾叨幵始婁學問矣
「猴囡仔緊閃開，老漢欲展威，佇茲講咱台灣所在ｅ地號
名學問，有關地號名ｅ來源設立改名種種，毋知逐傢有趣
味抑無？若有顛誕，拜託汝免客氣給我指教咧。」話猶未
煞眾羅漢仔，逐傢蹼仔拚甲pipe叫，簡那辦喜事，這
口灶咧放連炮，讚啦！
增差外口人無聽著呤，這時飲一嘴鐵觀音，稍潤一下
喉le，真正有影欲展威矣「咱这福佬地ｅ地號名，大多數
攏有伊ｅ因緣典故鄉土情li，真正有咱祖公ｅ血汗參落內
底，代表著咱祖公ｅ心苦病痛，抑是伊ｅ理想等等東西，
其中宛那有包含真多平埔仔ｅ地號名，壹直沿用落來，算
講ｅ瞬呤，宛那有淡薄仔仜疼叨著。
台員地ｅ地號名分做五款號頭。以地勢來分，以水勢
來分，以建設來分，以大自然生成來分，以幵發歷史來分
，普普也給分是安呢爾爾，偆兮猶有寡西洋地名佮平埔仔
地名，台灣ｅ地號名因為佮幵發有真大ｅ牽連，致使講
著咱逶地名內底，宛那看有古早捙拚ｅ痕跡佇e( 在內 )，
變做蕃薯仔看著地名，吓想起古早，逐傢著吓合和，吓民族
性自那夯(qia2)起來，安呢來講對外來ｅ統治者，真正不
利，所以講歷來ｅ統治者，毋管荷蘭亦好，滿州人亦好，
其他亦好…，攏真噯消滅咱ｅ地號名，抑是來改咱ｅ地號
名，達到尹殖民統治同化ｅ慪步，这宛那咱福佬上介見羞
ｅ代誌。
親象滿州人改半線為彰化，干礁看是皇帝歡喜著好，改
雞籠做基隆，干礁看縣官同意著改，講安呢卡好聽，好聽尹婆
仔ｅ客兄公啦(註：換準阿本「大阪」解釋做「大塊壽板」，毋
是閣卡歹聽是毋？)所以講咱今仔日欲來講台灣ｅ地號名，毋
是干礁「名」爾，猶叨閣(還要)研究，是毋是有地號名去互外來
ｅ統治者修改過？這條帳噯一條一條給離互伊清，港潦落佮伊
捙拼，袂使去互hy5去，鋩角噯矯返來，才袂去御著流血流汗
祖公ｅ面子。
渡船枝仔先來一个幵天官咧，講地號名ｅ重要性，佮咱
台灣人ｅ關係真正有擢，毋是干礁「名」著吓煞咧，茲羅漢
腳仔，逐傢聽甲滿腹憤慨，心狂火焯，血筋僬浮，捙拚喟佇
無張無弛ｅ噹中爆出來，叨少年仔卡講嘛是少年仔，地號名
ｅ代誌，對蕃薯仔來講叨真食力le，袂使顛誕ｅli。
36
「代先給講到第壹點，地勢有關係地號名，「埔」著是猶
未開發稍寡卡平ｅ荒地，「草埔」著是北京話”草原”ｅ意思
，埔頭埔尾著是」長滿野草的荒地頭尾」，沙埔著是沙漠，海
沙埔著是海灘，教場埔著是大操場，埔坪著是淡薄仔崎度ｅ草
埔地，已經開發ｅ平地號作「熟園」「山田仔」抑是「塭田」。
台員人無論福佬客家攏愛佇埔園所在，裁細間土地公廟來保障
財源傢伙，所以「土地公埔」ｅ地名一四界攏有li…。
續落講「坑」，坑著是”溪谷”ｅ意思，來台灣ｅ移民
當中，為著水源佮防敵仁攻擊，攏臹愛蹛佇坑兮，台語內底ｅ
大坑、粗坑、暗坑、頂坑、深坑…，意思是(北京話)“空曠的
溪谷，巨大陡峭溪谷，密不見光溪谷，溪谷上方部落，深遂內
藏之溪谷…”。(daa 各位咱遮鄉親阿同ｅ，渡船枝仔定著是
毋捌北京話，佇茲用北京行解釋是欲省時借爾爾，人講講
古罔講罔古，逐傢品無掠包ｅ，叨心適著好，毋免計較)。
台灣話ｅ”湖”字，是盆地ｅ意思，著是四箍遴返是
山崙，中央是平洋ｅli，(現主時ｅ人誤吓做水塘湖泊，这
有影大毋著，台灣話ｅ水塘湖泊號作「埤」，所以講基隆
ｅ五義埤改做情人湖，奚是昊大地大ｅ顛誕，這聲有水變
無水害liuliu，蕃薯仔家己出賣祖公實在有夠遐li，有影臹
悲哀，近來逐傢興去”竹子湖”玩，竹仔湖著是四邊山崙
專生竹抱ｅ盆地，後回仔去內湖區sngcua，看著中央新村
身邊十四分埤，毋倘講奚是內湖的”湖”才袂夆笑)，給講
一下仔透枝le，“湖”是屬於土勢ｅ字詞，ga水勢ｅ字詞
親像湳、潭、圳，完全無仝國li。
續落咱牽到”崙”字，著是細粒山頭ｅ意思。北京話
小山丘，小土丘、小沙丘，用崙做地號名袂少，有沙崙、
中崙、崙仔頂、二崙、崙背…東西(等等)。壹般de道理上，
人行吓到，順續吓凍開發利用，叫崙仔卡適合li，阿伯仔所
說「佇厝後崙仔頂, 種寡菜頭臹有額」咱草地人對崙仔有親切
感li。
比崙仔卡斜咱號作「崎」，斜坡ｅ意思，崎頂赤土崎竹
崎攏是，天公崎著是斷崖ｅ意思，「崁」是山頂看落坑腳懸
壁ｅ意思，咱咧講崁頂著收腳(懸崖勒馬)，台灣地因為山崙
水溪肖pua4肖纏，“坑崁”不止也贅叨著。「平洋」著是平
原ｅ意思，毋閣台灣人用平洋ｅ機會臹尐，因為平洋有分平
埔、塭田、熟園、草埔、沙埔、墓仔埔…，內容閣卡詳細，
這嗎干礁福德洋一半位仔用爾爾，(北京話講關渡平原,應該
講關渡塭田卡妥當li，上尐嘛噯講關渡平洋才有理)。
「岩」字是寺廟ｅ意思，如內岩外岩紫雲岩芝山岩，
毋是大塊石頭，安呢著顛誕矣，另外「一張犁」差不多五
甲地ｅ款，(吳興街三張犁,舒當時十五甲)，另外有十八份，
九份a，七販、五股、ga開發時ｅ資本股東有關係li。
渡船枝仔說明到茲，飲一嘴仔鐵觀音咧，呾今仔日著
講到茲結束，稍歇喘咧，精彩有扮，真正讚ｅ壹庄兮，人
奚有歲ｅ人講ｅ，有影無共著無仝(gang2)，佇起腳落手，矯
摵返捯ｅ中間，ziazia45學問有夠遐li，烏矸貯豆油看袂出來
，宛那有貳步七矣，這聲佬腳火土才咧臹謳老，大麵發仔看
起來粗人，毋閣宛那真興真熱樸樸，對學問ｅ代誌真正趣味
。「火土大兮，枝師講了有僬勻(密緻)，聽落真正吓起磅，後
回仔看dit3時(何時)，閣再延綿後續上要緊，这鄉土文化，
互汝袂趕ｅ，親象甘蔗隨目kue5，一條一條照順序來，頭殼
記寡學問卡腹zat，社會徛起卡有名目，咱做人才有甡張，抑
無逐回變無輦，嗯才咧凝(嫉恨)，按怎平平幵錢，掠豬叨卡
輸人是毋？
叨輸人毋輸陣啦，咱搬請枝師好好也牽教，才袂夆笑羅
漢腳仔，戇面袂曉看三色，社會返捯無半撇，干礁大尾發角
有卡擢啦？大兮，汝講著毋？佬腳火土聽落真正歡喜，人佇
疲勞厭懶，艱苦坐卦ｅ空縫，宛那有求學問心情，羅漢腳
仔羅漢腳，汝實在臹怨歎！客人松，大麵發，痟矮生心肝一
瞬ｅ青冷…。
這个時瞬痟矮生出來搓互伊圓，化解ut悶悲傷ｅ場面，
伊嘴頰笑笑才咧好嘴講「諸位大兄大德，呾逐傢發心欲來
求學問求功名，起落艱苦無要緊，天公吓痛戇人，後日仔
絕對吓大pa尾旺管，燃眉(馬上)汝著出頭昊矣，咱給看，
人奚尪仔嫫食菜脯，宛那三碗飯(相偎憑)二碗飯li，有時歹
運，食無穿乾，拍落”厝漏破鼎苦死嫫囝”嘛無的確，咱
茲兄弟好漢，靠勢著咱ｅ喟力咱ｅ拚勢，無論求學問亦好
，做空課(工作)亦好，bin3氣魄亦好，絕對勇勇勇，佇關
渡媽這角勢，絕對徛吓稠地，逐傢前途光明啦，安啦，好
勢溜溜啦，才安排枝師閣續落來講地號名ｅ學問咧！」
茲羅漢腳仔逐傢才嘴笑目笑，元氣重閣夯〔qia2〕起
來矣，叨時間咧過臹緊矣he，一禮拜呤，目暱久著到囉，
渡船枝仔續落給講解第貳坎站，佮水勢有關ｅ地號名，呾
逐傢才斟酌聽咧。这時瞬枝師順順也，來解破這方面ｅ學
問，第貳方面，佮水勢有關ｅ地名，「湳仔」著是不時咧
浸水ｅ低位塗(沼澤地)，有發草叫草湳仔。「塭仔」著是水
域水池抑是水田仔ｅ範圍，咱講塭田，漁塭仔，塭仔蝦東
西…。「埤仔」著是水塘吓蓄水來救苦旱順續飼魚仔，等過
年倘考埤，頭前有講過「埤」絕對袂使改做”湖”，無仝
文化仝字吓生做誤吓，噯卡張弛ｅ，「潭」是卡闊卡深ｅ水
域抑是大型埤，咱講日月潭，碧潭著是啦，「墘」讀gii2
河邊ｅ意思，後港墘，埔墘著是啦。
「洲」著是沈積ｅ溪沙埔地(新生地)，浮洲仔，和尚
洲，洲尾仔，這款ｅ地號定定佇河川ｅ水尾位(下游)部分
，溪ｅ頭腹位叨真尐浮沙洲啦。「溪」ｅ意思大家了解，
免閣說明，台灣地叨山崁多港路短，嗯才坑溪一四界贅，
普通時也礁硞硞，落雨時也尤其風颱昊，乒磅叫，坑水暴
逼有影驚死茲趁食人(勞苦大眾)。
「港」著是水域、「江」河ｅ意思，这佮北京話ｅ”
港”字無肖仝(同)li，咱咧講關渡港，毋是講關渡ｅ碼頭港
口，是講”關渡附近大片水域”爾爾，这真正要緊，因為本
冊所有講到「關渡港」它ｅ原意著是安呢才袂顛誕li。「圳
」著是大型ｅ塭溝，吓凍逶遠路頭流水來灌溉塭田，咱講
留公圳，抑是嘉南大圳攏是。「水槻」唸做水捲，水門ｅ
意思，有時嘛叫做「擋門仔」「斗門仔」，「澳」著港灣ｅ
意思，譬如蘇澳、外澳、澳底…。「嶼」著是小島ｅ意思，
大部分卡荒卡無人li，「鯤身」著是鯨身ｅ意思，遠遠給
影過，大武堆ｅ款勢，我看这是古早ｅ看法，這嗎叨無影
無蹤a-he，青鯤身南鯤身…
37
呾渡船枝仔講到茲，算一个坎站，這嗎稍休喘咧，
規陣羅漢腳仔烚燒茶，叨歡喜ueue61，先生佮學生gap
做一下(打成一片)，透天透地臹逗搭，想起普通時仔面
慪面臭叨好笑li，啊！仁生完全家己做置來。「 恁父
(老子老夫)坐戇啦，佳哉這嗎幵通矣，尹婆仔e，險咧
一氏人抾唃，干礁一工到暗ut踮庄兮土角厝做戇工爾，
叨毋知世間一塊芋仔蕃薯咧，好死德這嗎來廟兮聽講演
，實在爽有影臹讚咧，聽聽咧規身軀毛脘空僬快活，阿
枝師仔，汝安呢好心傳學問，有影代代出好囝孫…。」
客人松一下聽落吓爽吓起磅，遂謳咾甲吓dak舌，經過
無外久ｅ時間，渡船枝仔又閣返來續落講學問東西。
「台灣ｅ地號名第三點佮建築物有關係者，「寮」著
是簡簡單單細腳間厝ｅ意思，分草寮，柴寮仔，蕃薯寮，
鴨寮…，这定著散赤人咧蹛(住)。「厝」是卡好勢卡大間ｅ
建物，有錢人ｅ「頭傢厝」，大部份是紅瓦厝，卡普通
ｅ仁傢用塗角來起包竿蓁竹枝，嘛是算厝ｅ額，譬如講
後厝，新厝 ,吳厝…，人咧講「厝邊頭尾」著是啦，古早人
囡仔大陣，食穿乏搭, 青食叨咧無夠矣，欲那有倘偆著好
，所以古早人一世人，想欲剩一間厝，有影叨臹拚矣he
！做人以上閣卡艱苦，麼嘛著噯有一間仔遮風匿雨ｅ
所在，才咧咧講歹命人「破厝漏鼎苦死嫫囝」古早人厝
漏破孔是su4常ｅ代誌，姑不而衷叨無伊法li。
「埕」字著是廣場ｅ意思，大稻埕是曝粟仔(榖物)ｅ
廣場，其他象鹽埕差不多，舊時逐傢滯仝－cok5(聚居)，
普通攏有一个「大埕」來提供逐傢幵冓，消涼，辦桌，曝
粟种种用途li「 部」是糖廠ｅ意思，干礁流行寫佇台灣
爾，仈位叨無這字漢字咧，「牛稠」著是飼牛ｅ牛舍，牛
稠內、牛稠溪…lon是啦，「油車口」著是有榨土豆油抑是
茶油菜仔油ｅ店口。
「公館」這个地名透南透北，一四界攏有，意思佮
現主時ｅ”青年會館""文化中心""鄉公所附設集會
招待所”差不，有聚眾、開會、民俗、招待旅…等種種有
公家性質ｅ機關叨是啦，「窯」表示燒磚瓷工廠，親象灰
窯仔，磚仔窯攏是。
續落來給講到台灣地號名ｅ第四點，佮咱歷史開發
有關係者，因為唐山艱苦，致使著台灣壹直是一个移民
ｅ好地頭，這三四百冬ｅ拍拚，自然有一寡地號名是以移
民ｅ開拓防禦來號名，「街」是人口真贅ｅ都市型，譬
如滬尾街、鹽水街，「庄」人口中等程度，物質生產豐富
，食穿袂醜，「堡」拍算是散村，一寡羅漢腳咧拚甲無暝
無日，「社」是專門用佇青番熟番等等原住民，以經濟ｅ
角度來看，“街”是商業型，大多數泉州系統占著，“庄”
是有塭田ｅ富裕農業地區，“堡”大部分山坡地ｅ熟園
地，種蕃薯果子無法生米，“社”生活佇草埔坑兮，靠勢
掠野獸來生活，屬游牧魚蝦食穿叨是啦。
咱祖公咧開發ｅ噹中，因為侵入平埔仔ｅ番界，平
埔仔叨姑不而衷到地也潦落撦拚，雙方為了防禦工事，
嗯才 ｅ瞬呤，產生一寡地名，「石牌」著是移民佮平埔
仔ｅ楚河漢界，雙邊制節互無肖惼(音pii)，(小弟現主
時住佇北投區，北投區倚榮民總院遐號作石牌，打算二
百冬前ｅ一塊漢番分界石碑，佇十外年前去夆挖出來，
彼時猶戒嚴，致使無人去管即尼要緊ｅ古跡，落尾
仔囥佇派出所ｅ後尾仔門透風曝日，無人”capsiau12”
hiihaii41(不聞不問)，这真正是蕃薯仔ｅ悲哀佮見羞。
落尾經過幾年了後，有關心ｅ學者去訪問，彼塊
石牌逐盼見(不見了)，聽兮講夆扛去一間瓦斯行做鐵筒
ｅ墊底石，哎，這聲遮學者心狂火焯，雞母跳破卵，
無惜身份叨給掃落，蕃薯仔蕃薯！汝按怎夆看赫衰，
哪吓赫無路用？咁是佇前世踏破棺柴蓋是毋？安呢袂
出脫著是物出脫，永遠做了尾仔囝是毋？)
「土城」這个地頭名，著是用土堆來做ｅ凋堡，这
來對付平埔仔是有效，對砲兵叨無卡擢，龜腳盡脞出來
矣，「土牛，土牛溝」意思佮土城差無外贅，若是柴木
樹箍來排柴籬竹籬，咱號作「木柵，柴城(車城)」，佇基
隆進前有三个車頭(車站)號作五堵七堵八堵，這个「堵」
ｅ意思佮土城相接近，(小弟寫到茲真感慨，平埔仔因為
文化卡低落致使夆苦毒，連五堵八堵叨咧肖摋，台灣拍
拚到呾(唸擔)，這嗎外匯積甲八百外億美金，彼爿(bing2)
搪等欲來收li，拄乍(剛才)看紙才知影卓某某等中國人來
台，台灣方面送伊兩百五十萬台幣互伊做粿粹(母本)，趁
就億箍，這嗎牽涉國泰副院長ｅ後甡案件，遂反返頭來
罵台灣方面，哎蕃薯仔，汝卡吓一氏人坐戇袂偆車啦？)
佇宜蘭這角勢，有二結五結十六結金六結ｅ地名，
宛那佮開發彼時ｅ防衛生產有關係，佇台南這角勢，早期
逶大陸來ｅ鄭成功部屬佮傢後時細，一代三丁六代千人，
宛那遺留佮戰事有關係ｅ地號名，如柳營新營王田營盤…
等等東西。來台灣ｅ唐山羅漢腳仔，雖然台灣地水草甘美
，毋閣亦吓懷念故鄉血跡地，總是姑不而衷潦落異鄉來講
，宛那是食唐山ｅ水米大漢ｅ，父母艱苦有著li，嗯才瞬
呤，真正地名用唐山地號，譬如興化店、潮州、同安厝、
海豐港…。
有的用人名來紀念偉大ｅ先人做地號，譬如林杞埔，
朱崙厝等等，ga研究茲地名，有時瞬吓了解祖先拍拚奮逗
种种，實在是真正有意義ｅ代誌li…。
這嗎渡船枝講到茲，昊色亦漸漸作暗囉，叨下冬昊仔
日頭卡短，雨白仔稍寡噴噴也，這个時客人松才官一壺燒
茶入來，另外大麵發仔去神桌收一寡「糕仔包」，廟內真贅
拜拜煞(完畢)所遺留ｅ物件，每一包打算才一兩ｅ款，毋閣
佇餓肚ｅ時，有影叨真正好用li，这時軂腳火土才順順也講
話「逐傢有緣心適來做陣，明仔日叨閣拍拚做空課，半月日
了後逐傢才來見面，咱枝師有上尾一棚課業欲教，順續吓
記咧紮(帶)寡果籽大餅糖仔，來給仙兮謝勞力咧。
咱渡船枝仔叨仁格者li，普通服務鄉里無咧計較，標
準關渡人叨好模範li，有甡張li，仁生短短也，今仔日見
面後回仔水流破布，毋知流浪他鄉外里，珠屑滴滴無地倘
去矣，所以講趁這嗎逐傢少年，嗯才噯卡認真拍拚咧，若
食老秤硾拖尾心苦病疼，噯吓記咱這暫關渡廟歡喜ｅ日子
呢！茲時細ｅ逐傢聽著有理，謝勞力才散去，僎(準備)後
回仔見面ｅ禮數，咱艱苦人散罔散，叨卡重感情li。
38
關渡地頭這六个羅漢腳仔，普通時仔隨人唗一路，渡
一下仔腹堵le，有閒工呤，宛那吓稍sip一杯仔，若無dai4
身命，身軀勇勇也，宛那著袂歹過日子li，彼个時代，宛那
無啥乜好ｅ頭路，差不多攏是做箍絡(苦力)ｅ份爾，若有年
仔祭仔，叨去廟內行行ｅ，加減仜逗腳手，討一絲仔油臊，
艱苦人總是艱苦人，出世了顛誕，嗯才著給人好嘴討恩情
li，總講起來，羅漢腳佇關渡咧討趁，寺廟逗腳手上普遍，
普普也給掠，有是夯旗仔， 抑是捸陣頭扛東扛西，咱蕃
薯仔人上注重迓神拜佛公，有影輸人毋輸陣li，普通時仔食
菜脯蕃薯簽，叨鬧熱流擺(場合)膳饈豐沛，魚魚肉肉，莫怪
茲羅漢腳仔愛去喢一腳，加減好歹利運術寡臊le，澎一下
仔行路工咧。
抑若無迓佛公ｅ時機，叨去探聽看佗位咧「做喪」做功
德，台灣人咧做功德，大空大be4，有影毋驚死li，錢大百人
著無肉，錢銀盡幵，傢伙總了叨甘願，偏偏做功德又閣代誌萬
百條，一四界愛腳手返捯(處理)，這个時瞬羅漢腳上有路用，
搰力閣好禮，拍拚兼精光，这佮普通時仔做長工時懶絲ha4肺
，「長工映落雨」是差甲七里天外，莫怪頭傢人嘛真甲意，戽
牛照角二爿逗搭，羅漢腳仔真正拍拚，除了食穿好空以外，加
減嘛有寡銀兩倘食涼兮。
毋閣欲探聽佗位有咧做功德，佇古早社吓消息袂通時代
，真正無簡單，茲羅漢腳仔姑不而衷去尋渡船枝仔，渡船枝
仔是彼時代ｅ「路透社」，逐項消息真流通，伍路人雜cap總
交陪，渡船捸流水起起落落，規个淡水河流域ｅ消息伊攏知
影，茲羅漢腳不時去關渡媽ｅ渡船頭，奉待枝伯仔簡那神明
ｅ，毋敢失伊禮。
羅漢腳咧賺(音 zuan )“做功德”這途兮，耳空臹銳，風
聲磅影伊攏知影，探聽好勢，隨時de坐渡船去逗腳手，大概
也以大稻埕，八芝蘭(士林)，牛磨車(大龍峒)ｅ頭傢厝仁傢
卡好紡，有時乏到地也，嘛卡遠到加納仔、秀朗，普通
仁傢嘛無差，叨「油湯趁才袂散(音san3)」無魚蝦嘛好，抑
若卡近ｅ，和尚洲成仔寮對面爾，逐傢叨卡無計較，攏熟似
ｅ卡贅，有時仔逗三仝，加寡感情叨無論ｅli。
羅漢腳宛那吓去給好額人逗腳手，做娶新娘抑是做甡日
逗做空課，毋閣機會無贅，一方面無肖捌人卡吓驚，另一方
面是穿插ｅ問題，現主時1991咱出世佇台北，逐項攏貴，
干礁(只有)買衫上俗臹爾，一領三、五百塊，差不多免半工
ｅ薪水著解決矣，毋閣百年前ｅ時代，欲買一袾衫卡吓看ｅ，
上尐噯二箇月以上ｅ工錢才食吓倒，這聲羅漢腳為著禮數，
有影「牽馬咧穿好裳」，食一頓膳饈呤拍隕一袾衫，卡算嘛算
袂和啦！致su頭傢冷冷也，鼎卡冷灶，羅漢腳嘛s是頭疼仝
款，扛轎兮嫌艱苦，坐轎兮嘛嫌艱苦，逐傢卡袂時行叨著。
是毋是有ｅ羅漢腳吓夯狂，去做強徒來搶劫殺人否？這
款梟悻代照講臹尐(觀音山賊仔埔例外)，因為羅漢腳大部份
攏噯蹛佇本庄頭，才食人吓著，去仈庄頭，毋但講話語顛誕
一聲著夆掠著，宛那吓互仈庄頭ｅ羅漢腳給拍，因為侵占仈
人ｅ碼頭，礙著仈ｅ老大ｅ甡張，一隻麻葉(老鷹)七里雞仔
，若準仈庄ｅ漢腳仔來侵占，咱嘛是吓kimo醜，佮伊捙拚
透底，老皮配伊的cin4(冷)肉笪，散赤人瘦牛磅身潦落怨傢
，本庄噯卡好禮卡搰力，才有法度生活落去。毋閣亦有例外
，佇關渡媽祖ｅ對面獅仔頭，閣入去ｅ成仔寮山內，有一个
號作「賊仔埔」ｅ所在，有一回齒科藥材根達奚是無咧煩惱
嗣大嗣細。
所以講羅漢腳仔仈庄歹討賺，嗯才佇頭傢來幵冓，有提
起賊仔埔，我著感到真正趣味，伊講離尹厝無外遠li，這个
賊仔埔是su6當時，一寡北部羅漢腳仔，各路英雄好漢集中
ｅ所在，有卡惡質歹delu 15，普通人亦有叫尹山賊仔，人群
狗黨，ziu踮山崙崁腳，滯草寮仔，為著食穿ｅ關係，加減吓
惼著百姓。
獅子頭是一个天公崎(懸崖)，壁腳港(江)水真深，三條
港路總君頭，山崁好守奧攻，後壁觀音山脈，草深毒膻(味)，
墓仔埔死人湯taptap55滴，致su著賊黨ｅ結群上好所在，官
廳兮叨干礁無伊法li，這款所在ｅ羅漢腳仔，叨卡袂夆同情，
有一絲強徒ｅ款勢，夆看落臹袂作ｅ，賊仔巢著賊仔巢，佮
庄腳卡忠厚ｅ羅漢腳仔完全無仝(共)，人咧講仝款叨無司師傅
li，噯分互伊清。
呾時候無早lo，來給講到三月初，佇關渡廟大榕腳，咱
枝伯仔欲閣說明，台灣地號名ｅ最後一坎站，著是結尾li，茲
眾兄弟隨人綰燒酒、塗豆、柚仔糖，另外一方面樹伯仔嘛帶二
枝大菸，按算大家欲歡喜， 來給baa一睏仔，下晡來到大
廟，椅蓧稍ciau2一下，逐傢屈ｅ著幵冓拆字數矣，逐傢幾落
工無閒逗陣，見面著牽袂煞，話頭咧婁 吓ha4吓投味，無
外久咱教頭枝伯仔宛那行到地矣，逐傢徛起來順續博仔給催落
，枝伯仔雖然是te渡出身ｅ，毋閣枝骨漢草面俏甡張，甡了
真正壯材武滾，人講頭大面肆方，宛那壹表仁才，做人清標有
氣魄閣好禮li，逐傢是尊循簡那時細兮，袂輸服祀佛公咧，嗯
才搪噹枝伯就台冓演ｅ時擺，逐傢攏逶心肝底給謳咾甲有偆去
，有影做人叨臹有價值矣嘿。是
「眾位咱茲鄉親朋友，這嗎來給講到台灣地號名ｅ最後二
款，一款是利用自然生物來號名，一款是平埔仔ｅ原社名，佮
阿啄仔號ｅ西洋式名號。…若講到自然生物來號名，是用樹名
，動物名、礦物…等等東西，譬如講茄苳腳，大樹、竿蓁林、
朴仔腳、苦苓林，生佇平地ｅ森林號作「坪林」，山崙ｅ樹林號
作「圓山」，遠遠看去，叨袂輸崁圓蓋仝款…。
，上尾一款著是原在平埔仔ｅ社名，抑是伊ｅ原來意思，北投
著是平埔仔話尪姨(女巫)ｅ意思，八芝蘭是溫泉ｅ意思，羅東
是猴ｅ意思，琪哩岸，八拉卡…攏是舊平埔仔ｅ社名，提來做
地號名，另外外國西洋人號ｅ地名像三貂嶺佮西班牙文化有關…
，呾這嗎關於台灣地號名ｅ种种學問，叨到茲做一下仔結局，
騙您安呢無閒無工來乾坐，臹感心眾位兄弟。
哎！戲閣卡好看，宛那有散場ｅ時，一點一du5，逐傢記
佇心肝頭，記互伊落腹，後日若有機會，才閣講台灣ｅ人名
歷史，講演結束了後，逐傢眾漢腳仔兄弟，圍佇石桌邊食寡
餅糕塗豆，飲芳茶燒酒，互相客氣頂禮，逐傢攏吓記de關渡
媽祖廟，聽時細頭兄ｅ冓演盛況，隨人運命無仝，毋閣心肝底
ｅ感想，宛那仝款勞力閣再勞力。
第七章 成仔寮冬尾落湳，魂天喚喊
39
1894，光緒20年，台灣地關渡這角勢ｅ庄腳所在。咱
這嗎給講到羅漢腳這爿(邊)面，茄苳腳這六个漢腳仔，隨人
原本有家已ｅ艱苦，現主時猶少年li，漢草讚力頭飽，毋閣
食老這聲才大費氣，人講秤錘拖尾，定著是心苦病疼做狗爬
，燃眉著夯(qia3)拐仔，安呢haau2落(混下去)嘛 毋是頭路li
，隨人心肝頭鏘採一腹火，毋閣卡看袂作咧，嘛著噯摯載，
父母甡晟，有影想落著懶，著怨歎。
大麵發仔坐佇朴仔腳(一種台灣鄉間大葉樹)，na烚燒茶
，心肝頭na咧想，時間過了真緊，燃眉阿爸叨過身十冬矣
,阿爸進前有留話約束，這个時瞬叨應該來抾風水a hoo〔抾
唸kio5〕，哎想起著老父目眶著紅，有幾落擺紅露酒一下灌
落去，著心茫茫意茫茫，人咧講酒狂心頭定，酒痟無性命，
才咧怨歎講世間有嗣大，在世袂曉寶惜，想著頭殼著爆
，心肝著凝，阿爸過身十冬，今年定著噯抾骨揰葬。
这佇好額人來講，錢路ｅ代誌是闌珊爾爾，毋閣對羅漢
腳仔來講著食力li，做人乏搭一箍人餾餾，好咧 佳哉普通
時仔有稍儉寡，加減粒積拍算有百外箍ｅ款，這嗎做一擺給
幵去，定著是毋甘，毋閣家己ｅ阿爸無論兮，世間錢吓解決
著簡單li，嗯才大麵發仔自那拍算欲去尋土公仔，佮伊參詳
寡金葬(檢骨再葬)ｅ種種東西(雜事)，有啥乜禁忌有啥乜時
辰，有啥乜噯僎(準備)…，這款代誌，叨袂見本(試行)eli，
袂使有經驗eli，千萬叨毋倘顛誕去，才袂對嗣大有所不敬，
互心肝頭袂過心，咱艱苦人仔定著卡惜情li。
講到抾風水這層代誌，佇現主時占水頭王ｅ教育制度內
底，真贅茲少年仔毋捌，亦袂去想著，卡梟悻兮(糟糕的)泛
勢講連聽叨無聽過，叨毋知一箍芋仔蕃薯li，小弟佇茲稍喃
(nau 5 )一下，抾風水ｅ文化，是閩、粵、台這箍圍仔佮移
民社會，有關懷念祖公ｅ一款真要緊ｅ風俗，雖然講伊真臹
傷重傢伙，了時了力；毋閣有以下幾種ｅ作用噯知影。
第1‧表示死去ｅ先祖，十冬了後汝ｅ囝孫 ,依原猶活佇
世間，無絕嗣ｅ悲哀，佇古早瘟疫瘴厲流行ｅ年代，肖樧土
匪ｅ壓迫，隨人性命袂按算咧，有ｅ少年人才辦煞嗣大喪事
呤，家己無外久仝款死去，袂赴(來不及)娶嫫甡囝，變做絕
嗣，後日仔嗣大ｅ骨頭，宛那親象羅漢腳乞者仝款，送入有
應公廟，抑是，佮戰死冤魂仝入萬善同歸，實在悲哀。這嗎
嗣大死十冬後才抾骨〔kiogut45〕，人吓知影氏細猶活存，抾
骨了後，著算講死亡亦無要緊，因為這十冬內差不多攏有娶
嫫甡囝，既然有「孫」，著毋管阿公阿爸攏死去，古早人欲
傳宗接代是真艱苦ｅ代誌，百外冬進前台灣地ｅ平均壽命，
拍算卡歛五十ｅ款，過身時若無米斗孫，心內著吓驚，十年
了後無人抾骨，這房大概也著絕去矣。
第2．抾風水ｅ意思，「重新閣哀傷來紀念嗣大」ｅ意思
在內li，壹般de嗣大〞老〞去時，壹時間悽慘落魄，無閒莿
莿，少年閣無經驗，一身軀拆做五位叨無夠，禮數繁贅睏眠
叨短，根本著〞無時間〞去悲哀li，汝給看辦作喪ｅ孝男，佗
一个做喪有悲哀ｅ感覺，叨等到喪事完成，頭殼清楚了後，
才吓悲傷流目屑li，十冬了後抾骨著無仝款矣，這个時有錢
有地位矣，恬恬也徛佇土公仔後壁看清骨抾骨，看著一塊一
塊ｅ白骨，想起過去活活ｅ人影音聲時，定著嚎哭連天，激
奚啞訄仔聲，叨久久袂煞li，嗯才茲抾骨土公仔伯(葬儀師父)
迭迭嘛咧愛笑講，看孝男著看抾骨，壇場功德是無司傅啦。
(沒用啦)。
第3．墓地ｅ現實大問題，無論這个當時，抑是古早，
墓地攏是真正客欠li，尤其是景色坐位讚ｅ龍脈佳城，閣卡
是眾人擻想li，人群佳繹〞生理臹好〞叨無法度li，閣卡是
這箍圍風景甚好，亡仔埔甚贅，死者一層閣埋一層，袂輸咧
蹛樓仔厝仝款，百姓號作地下東京ｅ名氣，若準講舊墓毋抾
骨來講，新墓是欲哪有空位來做風水﹖所以講每十年墓曠，
噯給空出來，仈人才有位li，抑若無者，叨變做死豬鎮砧(占
著糞坑不拉屎)，一氏人霸占著無心適矣he!
Su6當時佇關渡部落ｅ(這嗎關渡國中對面)，有一位土
公仔號作「阿猛司」，專門咧卯抾風水，叨頻若風水互伊徙
有著，通人嘛家旺丁發財源豐富哩，抾風水抾甲吓出名，逐
傢臹給尊循，這个阿猛師，歲頭卡歛五十(接近五十)，毋
閣看起來袂輸七十外ｅ款，做人安呢抌斗抌斗，樛龜(駝背)
閣細漢，面腔癩膏爛癆，彼領衫安呢油光金滑，迭迭摋狗
亦彼身軀，拜佛亦彼身軀，人一个膻安呢，有影臭臊(cr6)
鼻芳，臹醜矣he，拍算透暝透日咧徙風水，去互骨氣給
煞著，抑是死人湯去激著，竄筋入骨撝撝鑽，年久月深顛誕
去，有影無影这著無的確。毋閣講罔講，宛那無人敢哈伊。
1894年，中秋才過無外久ｅ噹中，這个大麵發仔親身到
部落仔，去訪拜阿猛司，身軀邊猶掣著萬裕仔，順續提一寡禮
數等路去給烏西一下，拄好阿猛司佇門腳口，菜園仔咧種紅杏
菜，大麵發仔給(ga3，)司仔行一个禮，開嘴好禮咧講話。
「借問ｅ，咱阿猛司仔，這嗎毋知有閒抑無﹖小弟有淡
薄仔代誌欲拜託伊，叨父母嗣大風水聖，參詳看覓咧，代誌
輕重長短，噯先了解倘僎(準備)才袂漏鉤去，歹勢喔，來延
遷汝ｅ時間，一絲仔禮數叨毋倘棄嫌… 」
這个阿猛司，先看著大麵發仔〞生理〞就門lo，另外閣
有禮品送來，袂前未心肝頭著歡喜咧等a he，土公仔罔土公仔
，ga有錢到地也，自然心涼脾透開，這聲袂坐憨矣，趕緊三
腳趒二腳跳，真好禮來佮大麵發仔逗ryen64(招呼)。
這方面抾骨ｅ代誌，雙頭講到歡喜落斗，有影真逗搭，
真烘合叨著，土公仔咧講「頭傢人發心欲給嗣大抾骨，我真
正歡喜，也叨少年人知影有孝，無親象有寡不吉囝臹臭屁，
城樓過著拆，頭過身著過，無咧給嗣大信這斗，我阿猛仔，
下消罔下消，潦落陰陽界渡三頓, 姑不而衷來講，毋閣好歹人
宛那看吓出啦，有ｅ靠勢有錢爾，對嗣大人並無懷念，安呢
趕cucu45，binbiang44叫，不耐煩ｅ扮勢，有孝咧友孝八擺ｅ
呢，有孝佇壁咧﹖抑若親象这少年人，古意人著才情有，
这正經發願ｅ，阮做落才吓起磅，吓順序，叨逐傢心適哩，
汝返去了後噯僎(準備)四項代誌﹖。
頭一項著是緊去尋一个相命師抑是看日師，緊決定抾
風水ｅ日子佮時辰，日子決定好勢後才給我回一下，第二
項著是噯請司公，抾風水彼工(天)，現場噯有一尊保護神
來壓邪鎮定，汝是安溪來台灣，安溪ｅ保護神，打算是尪
公(保儀尊王)卡大面，去尪公廟稍問咧參詳一下。壹般庄
腳若有厝內食神明會ｅ「聖王公」亦吓通。
第三項是給(唸甲)司公水仔連絡一下，彼工稍來現場
唸唸ｅ，安呢對眾生陰陽倆界，攏有安魂ｅ作用，抾骨ｅ
禮數是無葬禮赫隆重，毋閣嘛著噯一下仔氣氛，毋倘叨無
三無二吓夆笑li。第四項是祭品香燭…東西，这是通人攏
了解，逗腳手ｅ噯有1人到2人，看扮勢才倩。
抑若現場抾風水ｅ 傢俬(器械)、金斗、扛繩、扁擔
、朱筆、火炭、幼索…，這方面汝免煩惱，攏總包佇我身
軀兮，呾汝著好意到地也，返去了後噯稍行腳踏le，先去
看日，好日若看好勢，才給我講一聲著好… 」。
「勞力勞力，司傳交待ｅ，ｅ瞬呤緊去唗傱(張羅)，
佇茲小弟借問ｅ，聽兮講抾風水來講，壹般de是透早卡
大面，毋閣透早ｅ船班欲按怎去約束﹖(預約)，这看時看
日ｅ，袂佇互汝顛誕，若袂順流(水)，泛勢若歹運ciang3
著箭水，te6渡伯仔咁有欲行﹖
另外一項，悺(寒)昊亦這欲到lo，不時嘛咧做風雨(東
北季風)，若透風落雨欲按怎﹖司傳，歹勢啦，儘量吓好勢
做順序，若錢路兮無要緊(免驚)，錢大百人著無肉，这無惜
本ｅ，佐汝傾佐汝矯，萬事圓滿頭一層，規叨壹切拜託汝
矣，勞力勞力…」。
阿猛司佮大麵發仔，參詳規晡哩，詳細ｅ計域叨出窯
矣，上歹剃頭ｅ流水te6渡問題，宛那有解決法度，毋驚看
命師ｅ時辰佮渡船行ｅ方向肖犮(pua4衝突)，也叨食這途飯兮
，人面闊返捯(處理)中間手路卡熟，問題點仔久著解決矣，
這時一行人佮土公仔告辭，緊返去看日才來繫話 (連絡 )。
大麵發仔佮萬裕佇過返工，來到關渡廟邊ｅ〞看日仙
兮〞遐看時看日，仙兮號做世宗師，嘛兼看運相命，目睭
一蕊青暝，亦有叫做青暝仔仙，qau3(敖)排時辰算八字，
做人真古意忠厚，袂用權用神來食人，逐傢臹謳咾。
搪噹一行人來拜託仙兮，拍算半个時辰ｅ款，算出咱人
(農曆)十月二十ｅ早起，日頭浮甲正昊頂ｅ一半時，大概也
卯時ｅ款，大麵發仔謝勞力後，跁起腳踉拚返土公仔遐，雙
方約束二十透早，佇關渡廟埕集合逗陣，續落ｅ瞬才坐渡船
枝仔ｅ船到對面獅仔頭，流水無問題li。佇關渡地頭，壹切
水路以流水ｅ起落來按算，水流潮汐以農曆來計算，真正準
叨著。
十月初ｅ時，大麵發仔先去墓地行踏一迣，路線先探互
伊好勢，到時才袂顛誕去，墓地佇成仔寮墓區，拄好佇關渡
廟臹面ｅ獅仔頭，行入去免二枝香ｅ路程著到位矣，台灣人
真正看重祖公，閣卡散嘛吓來除草掃墓，致使著路途袂講外
醜，冬尾雨不時噴雨白ｅ關係有一絲叨著。
大麵發仔行到家己老父ｅ佳城面頭前，心情真正沈重，
想閣再想，總是父子仝心親情時刻ｅ，尤其這嗎搪咧落魄，
做羅漢腳仔閣卡惜情li，路線探好勢了後， 又閣坐渡船拚
返來媽祖宮，給媽祖婆繫he3一下仔願咧，燒一下仔金咧，
祈求抾風水彼工，昊時做好，毋倘透風落雨，來壹切順序，
達成願望，映望保庇…。時間過了真緊，目睭ni5一下，
燃眉抾骨ｅ日子著到矣，下面給看咧，大麵發仔心願欲成矣
。 啥乜叫抾骨﹖〔kiogut45〕“是咧講日本，抑是講俄羅
，我攏總聽無〞來，續落齣頭給僎(準備)落去!
40
咱人十月二十，這工是大麵發仔欲給(ga5)老父抾骨
ｅ好日，大麵發、萬裕、司公水、阿猛司、徒弟仔，
ham3挖曠ｅ傢俬 ,佛公、祭品．．．．等等東西，攏僎
好勢，透早昊未光呤，雞袂啼狗袂吠ｅ時瞬，規陣人到
媽祖廟埕，等坐渡船過對面成仔寮，叨下冬昊仔日頭若
短，昊欲洸呤，港風一瞬一瞬透來真正青冷，閣吓拍尻冷
損li，話頭咧講吓哈白霧，天寒地冷一四界露水，逐傢精
神臹好li，無外久ｅ噹中，渡船枝仔來矣，呾逐傢腳手著
卡敏掠ｅ，噯趕這流流水，划落卡吓輕可，抑無這大陣一
綰簡那粽咧，摯載袂稠奚是稍寡代，給(ga)汝延遷吉時才
是害li，逐傢聽了有理，眾人雙手合齊，閣給媽祖婆拜三
拜，祈求保庇順序，嗯才ｅ瞬呤，行去渡船頭，坐船過對
面獅仔頭崁。
這台渡船攏總坐六个大人，卦一仙祖一聖王公(泉州
移民ｅ保護神廣澤尊王)，坐甲規船枕斗抌斗，食水不止
深落，渡船枝仔靠勢經驗讚，逶目標地偏北15度，直線
划去，卡停仔(等山一會)互流水沖南，吓拄好到獅仔頭崁
ｅ渡船頭，這个角度絕對噯掠互伊準，才袂到時加了戇
力來調整，安呢著醜材矣he！
逶關渡媽祖，橫過港面到對岸獅子頭，看是簡單，毋
閣無赫涼勢，這个港面真闊，有新店溪、基隆河、關渡溫
港、淡水河四條港路咧肖合肖衝，暗流青洶錯雜，流水來
去中間，船杯(槳)真歹返捯(操作)，食這途兮，無二步七仔
，是趁人袂倒，渡船枝仔siang4大杯siang4了真嫷喟，規
隻船仔掠歪取直，漸漸來給逼近獅子頭崁腳，這爿ｅ渡船頭。
佇行流ｅ中間。船身haa4i頭歪尾，強強欲互港水沖落
滬尾(淡水)，大麵發是驚甲搦搦搐，好咧佳哉到尾溜時才正
位過來，有影驚一下拳頭母僬出汗，看著離開時ｅ關渡廟，
正手前方ｅ浮線ｅ(今社子中國海專)，尾角ｅ和尚洲竹籬佮
菜園仔，含咱徛地ｅ獅仔頭四款地有四款景，實在臹嫷。
大麵發仔手恭奉聖王公，司公水仔咧拍鐃鈸，船漸漸
倚獅仔頭lo，昊頂一大群水鴨翍過，互人想起過年欲到矣，
「雁叫一聲，散人一驚」：江邊ｅ水湧，一瞬一瞬拍過來，
含有特別ｅ聲音佮氣味。
船靠碼頭lo，規陣人連肖續行落船，徛佇渡船頭，遠
遠海口ｅ所在，吹來青冷ｅ海風，人講咧起冬尾矣，拜託
ｅ，起風無要緊，毋倘落雨著好，現主時是佇獅仔頭ｅ崁
腳，一下目頭給(ga5)看，娘咧，頂頭ｅ天公崎欲行到置時﹖
看落腳尾僬冷去叨著。ｅ瞬呤，自那順石頭階仔，一步一
步給行逶頂頭去，到半山腰ｅ時瞬，換正爿彼條叉路，這
嗎換塗路矣。
因為冬尾雨逐工咧噴ｅ關係。塗路變甲臹湳(泥濘)，臹
歹行亦臹緊滑倒，若無拄好, 跋倒跋甲規身軀烏卒卒，嗯叨夆
笑死著好，是欲哪孝孤du4 呢﹖這个時阿猛司佇路邊put
(砍)幾羅枝竹枝，互逐傢做枴仔，逐傢互相牽成，一步一步
行踏到墓場。墓場ｅ所在是佇 這嗎關渡大橋ｅ收費站附近
仔，關渡大橋紅朱朱臹嫷，毋閣附近仔百外冬來，死人湯
tap tap55滴陰煞氣足重ｅ，互汝袂鐵齒咧。
呾一行人無外久ｅ中間，佇大麵發ｅ掣路，自那e瞬
呤到位矣，墓場到矣，逐傢喘一下仔大喟ｅ，有影pipe33
喘，雙腳行甲欲鐵腿去，這个時瞬，仝齊來ｅ阿猛司徒弟仔
，開始佇身邊put(砍)草put樹，臨時先矯了一位，倘排佛
公佮傢俬頭仔(器械)，點仔久，大麵發仔幵始點香，先祭
拜服祀ｅ鄉土保護神聖王公，求伊坐鎮地理，收妖去魔保
平安，這聲逐傢心理上加臹定性，四荒亡埔，心肝在biak
biak15，無咧給信li，續落閣再拜墓前ｅ〞后土〞神位，亦
著是道謝勞力土地公伯仔暝日肖顧，宛那真正有仁情味li。
無外久，吉時到矣，卯時是正式ｅ抾風水做式開式，司
公水仔開始唸經，徒弟佇邊仔逗拍鼓唱喊東西，大麵發仔佮
仝來ｅ兄弟萬裕仔，大概也將墓場四箍遴返(四周)ｅ草枝菅
芒剪剪修修ｅ，空出一條路來。
這个時司傳阿猛仔，搪咧穿厚鞋掛囊(手套)，規叨僎(这
下準備)欲落曠，開始挖土破棺抾骨矣 he，大麵發仔心肝頭
臹緊張，搦搦搐想袂曉，規頭殼ponpon33英，今仔日ｅ主
角是家己ｅ老父呢，隨人看昊月無仝，仈人定著是無礙著，
緊張、驚惶，亦艱苦亦歡喜，卡停仔看著阿爸ｅ遺骨時，毋
知欲按怎﹖無想無驚，愈想愈離，一絲傷心ｅ氣氛罩佇心肝
頭，來補償十冬前草草做喪姑不而衷，無三無二破少年
mbat31代誌li。
這个時瞬，司公水仔唸經了後，續落做式，司公水仔大
聲喚喊「今仔日本壇掣人來給汝安慰，汝在天之聖噯靈感，
嗚…嗚…，風和時機，汝著保庇子孫財源豐富大pa尾，來啊
，汝ｅ後甡(兒子)到茲來接汝，汝著歡喜來牽成，萬代興旺才
是福…」這个時瞬，大麵發仔跪佇草蓆仔，目屑遴遴擱頭殼纍
纍，喉脘一時〞滇〞起來，激奚啞口仔聲，咧嚎阿爹，不孝
囝發仔佇茲給(ga3)汝跪拜，互汝佇草埔荒坑蹛十冬lo，這十
冬來發仔不時叨咧擻念li，汝先行一步，想著艱苦人ｅ悲哀，
著目燒鼻酸吓捶心肝，不孝子發仔今仔日有照約束，欲逶阿爹
搬來卡好勢ｅ吉厝去蹛，阿爸叨毋倘棄嫌呢，阿爹阿爹，發仔
佇茲，給(ga)汝跪拜，汝著噯歡喜呢，…」大麵發仔目屑na
流na唸，身邊ｅ人真臹傷感，逐傢鼻仔紅紅臹袂過心li。
這嗎開始欲破土挖壙lo，大麵發仔強忍著艱苦，目屑拭
拭ｅ，硬給忍耐lo，所有現場ｅ指揮由土公仔來打da k，人奚
司傅人袂講ｅ，逐項卡內行喟li，少年仔行腳開，老漢欲展威
啊，阿猛司查看風勢，才咧喚講「請逐傢茲眾兄弟，徛來北爿
風頭這爿，卡停仔(等下)昊蓋拍開，煙毒土粉驚也吓去煞著，
逐傢噯卡張弛咧，著趕緊咧。」這聲逐傢總避到風頭ｅ所在
，陰靈塗聖互汝咧鐵齒ｅ，茲眾兄弟逶墓地ｅ雜草樹枝處理清
氣。
這時瞬阿猛司夯大枝雙頭仔，徒弟仔提沙鏟，二个人一
來一去，幵始挖逶墓壙，一鏟(唸tir)一鏟ｅ土挖出來lo，無外
久中間，〞天蓋〞自那遂出現，這个天蓋(棺蓋)su6當時仔因為
著錢項關係，姑不衷用薄板li，這嗎已經爛一角矣，阿猛司看
著了後，抌二頭心肝內有所打算，大麵發仔佇身軀邊看甲真正
傷心li，毋閣強強吞忍ｅ，目屑稍收咧，這个時阿猛司自那無
惜陰煞，親身潦落處理，展一下仔真本工夫ｅ，猛司腳手敏掠
，大喟先禁，續落快速跳入墓壙二枝扁鑽佇 雙頭材蓋稍ben
一下，用鎚閣槌兩下，落灰粉起土煙，最後ｅ結局一聲biak 呤
呤，規个蓋叨總翻開矣，仝這个時間內分秒不差，趕緊跳返來
風頭ｅ所在，這時才敢喘一下仔大喟咧，因為叨禁真久矣he，
塗煙噴出時絕對袂使喘喟叨著。
目前壽板裡底ｅ人骨自那現出來矣，骨頭無講真正白
，稍寡 反赤，頭骨、身骨、腳手骨，順序排佇板底，眾人看
落隨人表情無仝， 算講土公仔上無hiihaai41著，叨專門
咧抾骨li，親象專門掠蛇兮，毋驚啥乜，毋閣上傷心兮算苦主
大麵發仔，有影滿腹ｅ辛酸，一聲看著白骨了後，摯載袂稠
，放聲大嚎，佇樹仔後壁cng 4啞口聲，佇記池中一个活活好腳
好手ｅ人，變做一堆白骨，有影叨返袂過來，這个時瞬，才
知影做喪，仁生倫理ｅ悲哀。
身邊萬裕仔來給安慰「不而顧呢，人過往叨過往矣，水
照圳仔咧行，一代傳一代，免閣悲傷囉，吓凍(能)延續後嗣
上要緊」，大麵發仔想閣再想，有影叨愈想愈毋甘，按怎咱
運命赫尼慘淡，才七少年八少年叨無老父ｅ晟養(撫養)，人
散閣無甡張，佇社吓夆看無到遐，咁講叨怨歎一氏人是毋﹖
眾(各)位咱茲鄉親讀者，〞抾骨〞佇蕃薯仔ｅ風俗中真
正要緊，這擺看著白骨，來回想活人時ｅ恩情，一點一du5
，嚎落卡有感情，卡象咧做喪，以早daa2死(剛死)悲傷是悲傷
，佇眾人目睭咧看，卡無閒亦卡無氣氛li，这互汝袂顛誕ｅ，
互汝袂hausiau62(虛假)，互汝袂來鐵齒咧，仁生ｅ噹中，往往
袂順序時，千萬毋倘失志，噯卡捙拚喟咧，對付環境ｅ壓迫，
安呢才是擻念先仁上好ｅ法度，才是頭路啦 ，叨有影li。
41
這嗎大麵發仔看著阿爸ｅ白骨，洶洶(突然)想著古早老
父在世時ｅ恩情，一幕閣一幕ｅ過往，親象唗馬燈仝款，逶
面頭前浮過去，吓記de八九歲ｅ時瞬，有一擺感著風，規身
軀燒熱昏迷，老爸佇臭油kia 2(煤油燈)真細pa火洸顧規暝，
燈火照著阿爸ｅ身影，到今仔日猶記甲臹清，另外一擺佇尾
橋，阿爸佇鴨寮邊，為著掠隻水蛙來dim3補(食補)，跋一下
險兮袂飼咧，腳骨腫月外日…，另外一擺阿爸掣我去看摋
豬公鬧熱，佇廟埕買李仔糕糖ｅ种种…，規這嗎無效矣，
完全一堆白爾爾，阿爸我大漢欲來看汝矣，汝噯卡細膩e呢 !
佇這个時瞬，阿猛司幵始又閣行入墓曠，這嗎幵始真正
欲抾骨矣，燒過香行過禮了後，阿猛司夯細支鏟仔去挖去抾，
定著是規身軀油布包甲宓宓li，先逶腳ｅ骨提起，續落是腿骨
，閣來是手骨，閣來坐骨、龍骨、bina骨、頭骨，上尾塊是
拿後頸骨，(大體解剖叫atlas，它ｅ形親土地公咧坐位，台
灣話號作土地公仔骨)，是按怎講土地公仔骨上au尾提﹖我
想拍算是(可能是)心肝內，上乙著(崇尚)土地公ｅ款叨著，
愈奧au4尾拿ｅ骨愈要緊li。
現抾起來ｅ骨，交互頂頭ｅ徒弟仔，排互伊好勢，燃眉叨
欲閣(馬上要)洗骨li，另外一寡碎骨幼，佮土粉石粒參濫lo，所
以用大支沙鏟挖起來，囥佇米篩去篩，這批碎骨才抾吓僬離，這
項空課真正硬斗，叨爛塗爛骨規be4，kat來kat去，安呢癩膏爛
癆，活欲驚死li，這个流擺(場合)，噯仜稍謳咾咧，毋倘好毋好
叨仜嫌袂完全，袂總挖離，安呢著歹勢矣，人咧所說「棚頂
搬(演)甲流汗，棚腳猶咧嫌歹看」安呢著無心適li。
所有ｅ骨頭攏抾清了後，司公水仔大聲咻喚一聲「完身」
，这時徒弟仔提出大枝扛鎚仔，逶墓牌給扛互伊i坏去碎去，
這門風水地，地龍佳城， 叨閣恢復空戶自由之身。阿猛師佮
徒弟，二人真正拍拚咧用棕lu仔(棕刷)，來清奚骨縫sue4土東
西，清好ｅ清氣骨，囥兮草蓆仔頂頭曝日頭，來除濕氣陰氣，
接觸oxygen。(氧)。
曝差不多一枝香ｅ時間，續落去阿猛師提厚ｅ米酒頭來
「洗骨」，依照咱人身軀ｅ骨頭順序，一塊一塊一枝一節，連
編洗連編拭，安呢做有啥乜利頭﹖有囉，有酒味壓卡袂臭，
有消毒作用，骨色卡水卡紅潤，看落卡親，大麵發仔佇身邊宛
那看甲真感心，壹直謝勞力，算起來阿爸因為中年過身，骨質
真白，無親象七老八老ｅ老伙人骨質叨卡蘇li，「洗骨」了後，
後一个步著是「縛骨」。
〞縛骨〞ｅ進前，噯先點骨佮補骨，阿猛師手夯朱砂筆
，un4(沾)朱砂紅花米糕水，佇每一塊骨頭頂面給點紅做記號
，順續(順便)給算，骨頭ｅ數目有對有僬(全)否﹖點紅ｅ意思
是欲互子孫，大紅大利財源豐富好名好聲叨著，點骨了後，
心肝內著知影有欠幾塊骨，頭殼骨方面若無完全嘛著補互伊平
，欲按怎去補骨，这是土公仔司傅ｅ工夫，外口人知影無贅，
拍算是用絹布、金紙、土油、竹枝…等等製仿法「仁造骨」，
安呢來補齊所有ｅ欠骨，互206塊骨頭全身完滿叨著。
骨頭僎僬(準備齊全)了後，這嗎欲照順序，分門別類來
給區分出來，續落ｅ瞬呤 ，手腳掌攏總四包，因為碎骨ｅ
關係，用布包起來，手骨腳骨這款長骨類左右共分四串，每
一串用紅線縛拫，簡那樵夫咧綑材箍仝款，bina骨(肋骨)左
右分做二串，仝款紅線綁起來li，落尾也龍骨(脊椎)用柳枝
條串通綁好，到茲綁骨ｅ空課著完成矣。
閣來著是〞裝金〞ｅ工事，逶頂頭分好ｅ骨包串，給移
徙入去黃金甕(骨罐)，眾位看官，這个黃金甕唸做皇金甕按
怎製作，現主時1991來講，是一門真講究真深門ｅ學問，
毋是咱卡早所想ｅ黃金甕pa算是粗瓷裂必，烏閣粗魯，橫
直是duei(貯)死人骨ｅ，稱稱彩彩人看叨無咧給信斗。
這嗎新時代ｅ金斗甕，好ｅ一台賣萬外塊互汝想袂到
li，著是因為欲duei死骨ｅ關係，閣卡噯注重〞密封〞ｅ精
密性，絕對袂使〞稱彩準過〞，抑若無者，骨氣若洩露出甕
，代表子孫財源吓洩露，運途吓慘淡溜尾，有影互汝袂鐵齒
ｅ叨是。
一包一包，一串一串ｅ骨，欲按怎囥入去黃金甕仔，这
無啥乜學問，叨給當作一个人蹲佇甕內著好，頭骨上頂頭著
囥踮頂頭，活人ｅ腳上下腳，所以腳骨串亦囥上下腳，其他
ｅ道理叨肖仝li，阿猛司先佇黃金甕做一條中線來做基本方
位，分別左右二爿，續落ｅ瞬呤，先提雙腳ｅ掌骨包，囥佇
上底層，另外閣囥四肢長骨串入去，二延中間有空縫ｅ所在
，著用火炭(木炭)塊來填va6 ，安呢才吓肖食穿(密接)，後
回仔搬運ｅ時，才袂另去四撒，閣續落囥龍骨串佮bina骨(排
骨)，壹直往頂頭tiap去，定著頭殼骨是佇上頂頭，每一延
中間ｅ空縫猶原用火炭塞實互伊好勢，袂使din 動eli。
咱給看，用火炭(木炭)來塞空縫，實在是一層真正合乎
科學ｅ功夫，古早人宛那有貳步七仔，因為火炭毋但是來
源粗俗(便宜)，性質安定，又閣秤利便運搬，順續亦剖塊簡
單，大細塊吓照意吓肖食穿li，上要緊著是伊是上好ｅ吸附
劑，吓吸毒氣毒粉，現主時ｅ人叫做「活性炭」，大量應用
佇醫藥國防、科技…方面，咱ｅ 金斗殘殘脆脆佮伊〞食〞
平好li，所以講後回仔，萬不二黃金甕若打開，宛那袂坏味
啦，这知知ｅ li。
閣再續落是〞幵光〞這个步數，是精神方面ｅ安慰佮文
化li，干礁有「硬體」無「軟體」，有「物質」客欠「精神文
明」，袂輸四兩肉咧做二獻，無齒無mau6，欲哪孝孤著好﹖
所以講咱這嗎大船欲完成矣，有一个「擲瓶典禮」，公司欲啟
用，有一个「剪綵」典禮，人ｅ面俏精神嗯才 吓爽叨著。
抾骨抾規晡，艱苦坐卦，大粒汗細粒汗，土粉陰煞死人
湯taptap55滴，拂甲欲烏暗眩去，佳哉這聲完成矣，手洗洗
ｅ，來給做一下仔〞幵光〞ｅ典禮做式，互過往ｅ英明魂魄
，吓凍光明起身，大尾旺管，致蔭後代囝孫，逐傢才吓歡喜
有著。
阿猛司先來〞幵光點眼〞，雨傘遮昊倘避邪去毒，嘴內
唸好話吉句，給大麵發仔家屬印話「好囉，好囉」手夯(qia)朱
砂筆給點畫目，才囥入去金斗甕，點好了後，用桐油佮膠粘土
來封甕，完全密封了後，卡袂見洸唗味，蟲鼠亦袂來。
这時阿猛司續落〞幵光點甕〞，仝款罩烏雨傘，口內sapsap
55唸，點甕噯點東西南北中五个方位，求福求祿求壽求魂求安
，袂輸這嗎工業社吓咧求「五子登科」仝款，仝(房子、兒子、
金子．．．．叨〞仝公司出品ｅ〞)無論古早人，新時代人，後
日仔超級仁種宛那仝款，逐傢貪生驚死愛錢銀ｅ天性叨稠結結
，在biakbiak 15哩，人咧講尪親嫫親，毋值錢包仔圓遴 遴，
尪嫫著咧為錢捙拚傷感情矣咯，普通人閣卡免講啊。
規這齣抾風水ｅ戲叨漸漸欲煞矣，無閒無工舞二个時辰，
日頭這欲晝矣(快中午了)，逐傢俬收收咧，其中上要緊ｅ有三
項、米篩、雨傘、草蓆、na收噯na講好話，一方面屬聽落吓
心情爽，一方面欲提人ｅ紅包亦卡有氣氛li，逐傢才 吓逗搭
吓親li，咱講天良兮，抾風水實在是硬斗歹紡ｅ頭路，坱(塵
灰)，lasap45(髒)，死氣爛hen3，普通人叨感到歹剃頭真排斥li
，比掃屎ｅ卡害，iam4佳哉有土公仔這个行業來服務社會，
抑無家己有影ziazia45無法度li。
這嗎社會上穿西裝兮假仙假觝，看茲低層仔無現，有一
工(天)土公仔若罷工，看伊大壽板扛有法ｅ否﹖現主時咱茲
坐勾椅ｅ，豆腐肩鴨母蹄ｅ斯文人，噯想著遐頭殼戴烘爐，
規身重汗ｅ趁食人，宛那仝是父母甡兮li，伊攏是咱ｅ阿同仔啦 !
阿猛司佮徒弟仔，一人咧縛麻繩，這桶黃金甕，噯暫時
扛去外巖西雲寺寄放，來聽取和尚ｅ槌鐘擂鼓，好經好文，互
伊ｅ魂，吓凍解脫，永去西方極欒世界。金斗縛好了後，一行
人行逶五股坑西雲巖去，拍算半个時辰ｅ款叨到位矣，寺內
住持早著佇門口迎接，妙慧法師住持逶物件囥好奉茶，先簡
單來一段大悲咒，法鼓法鐘，宛那真正有宗教氣氛，先囥三
個月，才閣打算欲重新金葬抑是另寄佛寺宅共同稠拜，这定
著對羅漢腳仔來講，攏無咧快活li。
42
這擺ｅ抾風水，大麵發仔定著幵袂尐ｅ鍼頭(錢)，毋閣这
是心願ｅ問題，錢幵幵ｅ，完成一層心事，顛倒心情開闊活
路飽足甡張好，好面好神一四界人緣讚。
規陣人又閣行返來獅仔頭ｅ渡船頭，司公水仔才咧講「
我有一个朋友，厝蹛佇和尚洲(這嗎蘆洲鄉)，進前幾天前去尹
兜烚茶，順續給(ga3 )囡仔收驚，逐傢幵講拆字數，講到咱這
个關渡媽，這箍圍仔ｅ水路臹聖，無定著地理真好ｅ款，我
感到叨奇li，透關渡媽，逶浮線ｅ，逶和尚洲，逶獅仔頭，逶
成仔寮溝圳(以上皆位於三條河河口)，無論佗一爿看，感受攏
無仝款，拍算水路複雜ｅ款，咱这關渡港叨ｅ瞬呤真趣味li，
若有閒工才加減給研究研究，這回仔坐來獅仔頭，無定著水臹
深ｅ款，安呢感覺叨佮頂回去和尚洲佮浮線仔，臹無仝款li」。
才講煞呤 ，阿猛司才咧愛笑「若準無空課ｅ笪頭(壓力)
，來給研究關渡港(水域)，有影叨臹心適li，關渡媽祖廟ｅ
後山崙仔頂，有一間菜堂號作慈航寺，逶頂頭看落來，上介
嫷li，文仁雅士叫做「關渡三色分潮」，叨真奇卡li，若有時
間去給行踏行踏」阿猛司na講na指遠遠ｅ江水，閣再咧講
「咱茲頭傢人嗣大」 燃眉返去ｅ船班，稍給(ga5 )張弛一下
仔港流ｅ，佮來的時瞬差臹贅，因為逶和尚洲ｅ這角勢拚來
ｅ新店溪流真強，毋閣浮線倚基隆河這爿暗流著卡lam4(弱)。
這嗎佮淡水方面來ｅ海湧肖pua肖gap5 肖纏，一四界吓變捲
交螺仔(漩渦)，致使著新店溪流落來ｅ〞沙魚〞(水流屍)，到
關渡廟附近ｅ港面時，去互海水流水箭水擋ｅ，流袂出關渡
港，致使著〞沙魚〞噯在江面浮沈二到三工才吓出海，(從新
店：萬華流下的水流屍，吓在關渡宮前水域，被潮汐的反壓
擋住，要盤旋載浮載沈三兩工才能出海)。
所以佇關渡媽祖附近〞賺食〞(zuanzia討生活)ｅ渡船，宛
那著有愛心，有時若中著〞狀元〞，著噯仜打遮，算起來仁生
互相互相，算做一个福做一層功德li…。」阿猛司真正叨食這
途兮，講到有一枝柄實在叨有影li，害規陣人佇渡船頂頭，目
睭展大蕊大嘴開haahaa32，看江面有啥乜顛誕無﹖不而顧呢，
二蕊目睭瞋閣瞋，(定神注視)，niau niau44看，叨看無一个形le，
心肝內吓驚咧等，阿猛司才咧愛笑「無啦，月外日嘛才一斗，
叨咧食袂礁矣，有是有，叨罕咧看，加減講講ｅ爾, 免煩惱．．
．．」。
也叨大麵發仔一行人無外久ｅ中間，返來到關渡媽祖ｅ
廟埕，大麵發仔入去給媽祖謝勞力，順續抽一支籤，籤文袂醜，
這聲發仔才放心，反返身佮萬裕仔佮司公水、阿猛司等等勞力，
眾人分淡薄仔紅包，隨人返厝不表。大麵發仔佇廟ｅ大榕下腳，
心肝頭才想咧阿爸抾骨叨好勢矣，暫時放佇外嚴西雲寺，毋閣安
呢毋是頭路啦，日子若到，定著噯搬出來，這嗎是欲主意新金葬
，抑是自那囥佇廟寺叨好﹖
二項攏有好，亦有醜，大麵發仔一腳戶碇內，一腳戶碇外
，心頭掠袂定，捏驚死放驚飛，叨茫茫也花花也，心肝亂紛紛
li，落尾也才想起聽人講，滬尾街(淡水鎮)茖鼻祖師廟有一个欲
卦師，名叫阿倆伯仔，相代誌臹聖，耶麼來給問一下卡實。人奚
專門ｅ，做文ｅ腊武ｅ，仁生百態江湖十八藝，通掌關兮，無人
捸伊吓著li。(綴)
過返工(隔日)呤，大麵發仔叨坐渡船，順流到滬尾街，續
落ｅ瞬呤，爬階仔到半山坪ｅ清水祖師廟，壹般講茖鼻祖師，
是安溪縣ｅ鄉土神叨著，一下到位了後才知影阿兩倆伯仔無置ｅ
(不在)，噯過中晝才有接人客li，身邊遐賣金紙ｅ阿匹婆才咧
愛笑「免驚啦，這暫仔大尾矣，擎甲掠袂稠，通滬尾這條稜，
叨無人敢搧伊腹堵邊li，吓使講大仙甲欲滾蠬去，這嗎臹kr2(
大牌擺架子)，歹昊看，雨來嘛 毋看，心情醜嘛 毋看，哎!實
在有影，汝著卡吞忍ｅ，乖乖也下晡才輸贏…。 中晝一下
過了後，人咧講叨真正有影，一睏仔五六个香客欲尋伊，若欲
剃頭照輪扮來講，這聲塗去矣，無拂甲暗頭仔袂收山li，好咧
佳哉拄乍賣金紙ｅ阿匹婆，佮倆傳伯講情，也叨外埔位遠路頭
透早等到呾，叨先給相一下。
風水測逗，这生死門噯真細膩，不而顧呢，毋倘驚費氣
驚幵錢，安呢著顛誕去，噯照道理行袂使鐵齒ｅ，這个阿倆
伯問好大麵發仔ｅ，壹切資料生時日月，至到關渡地壹切ｅ
徛起生活，攏做一个給拍算，給做一个結論，伊宛那是勸大
麵發仔開淡薄仔錢仙，重新金葬卡有長，簡單著好， 禮數
吓使減小，算講幵袂外贅錢，毋閣後日仔卡有甡張，抑若無
者，秤彩(隨便)逶黃金甕交互廟寺，免十年八冬了後，住持
換人，可能吓給(給)汝撣(丟)佇溝仔底，上贅是給汝移去應公廟
仔抑是萬善同規，奚慘囉…」大麵發仔想想亦有理，代誌做一
半矣，尾溜遂無三無二弄連溜連，宛那毋是頭路，金斗囥甲欲甡
鬚才夆綰唗，吓夆笑啦，嗯才 自那照倆傳司ｅ意思，決意閣重
新金葬，尋位仔地頭，風向卡嫷ｅ所在，簡單著好，壹切家己來，
錢仙有限叨著。
過二月日了後，大麵發仔給萬裕仔，軂腳火土，逐傢肖相招
，佇土地公鼻ｅ所在(這嗎竹圍基督學院旁)，家己簡單挖一窟，
坐北朝南，拍一塊簡單ｅ石碑 , 給徛佇邊仔， 後回仔挂墓紙
ｅ時瞬，卡好肖認叨著。
好啊，呾大麵發仔給老爸抾風水ｅ代誌，叨茲結束，台
灣人著台灣人，百外冬前ｅ故事，這嗎宛那有咧實行，現主
時若需cap喪葬ｅ代誌，噯幵真贅ｅ錢，毋是普通仁傢有法
度叨著，这是仁口集中工業化關係致蔭著ｅ， 這嗎叨時行
火葬li，閣緊閣省錢閣簡化，政府佇各所在，起靈骨塔來duei4
(儲藏)，真正有意義叨著。
羅漢腳這个階層佇清稠尾年，拍算占全仁口的一割ｅ款
，宛那袂少li，上主要ｅ源頭(原因)，是老父死了甚早，致使
著一氏人dai4散，散甲鬼欲掠去，散甲塗塗，愈散叨愈苦，
愈苦叨愈悲哀，安呢水流破布坐戇袂直，人講破厝漏鼎，苦死
嫫囝，無法度著是無法度li，徛佇仁道ｅ立場實在是臹梟悻，
这一萬句做一句來講，著是社會福利無健全著ｅ(的原因)，現主時世界
卡進步ｅ國家，攏真注重這點，尤其是歐洲ｅ國家上有拍拚咧做。
43
來給講到這个清朝尾年ｅ台員地，政治腐爛，百姓艱苦坐
卦，台員人用心計較趁來ｅ錢銀，大部份攏去互鴨片煙給抵(du)
了了，實在臹梟悻。1895甲午戰爭，講北京話ｅ民族去互東京
話ｅ腳擻給(ga5)捃起來，大人拍輸囡仔，有影下消li，嗯才姑
不而衷ｅ瞬呤，北京方面逶講福佬話ｅ海中之島台員，送互東
方面抵帳，仈人ｅ囝死袂了，來減少家己ｅ損失 li。
好佳哉註死毋死，乞者嘛有三年ｅ好命， 好佇阿本仔
宛那世界ｅ先進，佇 這五十冬ｅ噹中，宛那有伊一寡本錢
，一方面建設，一方面亦阻擋唐山來ｅ羅漢腳仔，有法度依
持台員地社會ｅ特序，官廳吓清明，社會治安若好，自然著
好徛起，人著吓認真拍拚映望出頭昊。
眾(各)位嗣大千萬毋倘罵阿本仔是異族，汝講阿本仔是〞
異族〞， 咁講滿州人著是仝族是毋﹖現主時真贅人移民美
國：咁講啄鼻仔也是仝族是毋﹖我看是毋是仝族，佮好歹
無啥乜顛誕有時家己人摋家己，真倒卡青狠，欲罵日本仔
叨用仈條理由，毋倘用異族異文化，佇日本管台灣ｅ五十
冬中間，拄好是中國仔上介戰亂ｅ五十年，這个中間，台員
凍避閃大批「唗路仔」ｅ侵入，阿本宛那有二步七仔，咱家
己四兩 ng 仔噯稍除咧。
台灣佮朝鮮ｅ運命肖倚(wa4)， 台灣夾佇東京話系佮
北京話系ｅ中間，真正為難，好比宋國夾佇晉國佮楚國之
間，臹歹做人li，台灣話佮北京話抑是東京話，相差臹遠，
基本發音閣卡無相仝，比英語佮法語ｅ差別閣卡離經，毋
閣日本仔佮中方面，攏毋承認台灣話ｅ地位， 阿本仔叫
東京話做國語，戰後中國方面亦叫北京話做國語，揚papa
高人一頂，講福佬語ｅ人攏看汝衰簡那梨仔，強強欲拍落
下消失喟ｅ飯桶，低路ｅ民族a li，有影臹了然梟悻，本文
大約也寫寡，阿本仔統治台灣了後ｅ庄腳生活，日本帝國
主義ｅ統治，給試一下仔鹹汫(淡)咧，看阿本仔有法度否﹖
對1896日本兵依馬關條約，入侵台灣ｅ代誌，歷史寫
了真贅，小弟無意見，毋閣有一層代誌，我噯稍表示一下，
小弟ｅ看法佮現主時仈人ｅ看法有精差，人講〞隨人看昊月
無仝(gang2)〞，政治ｅ代誌無司傳，逐傢做一下仔參考著是
啦。這嗎壹般朝野攏咧政擊「辜顯榮是開台北城門迎日軍ｅ
台奸」，實際上毋是安呢啦，我講「辜顯榮確實是咱台灣人
四百冬年，第一个文武雙全ｅ英雄好漢，咱蕃薯仔壹粒壹，
上第壹太祖牌ｅ俊秀仁才」若無顯榮伯仔來講，這聲台灣人
毋知欲加死外贅(多)嘛無的確。
現主時ｅ人對辜家後世ｅ人，藉某勢力經營，kimo臹醜
，這點小弟宛那有同感，毋閣事後做官求富貴佮事先ｅ英勇
拍拚，这完全是二回事，袂凍濫落仝堀。咱魚泛魚，蝦泛蝦，
壹定噯分互伊清(毋倘目花花，匏仔看做菜瓜)，抑無枉費汝讀
冊人叨醜材矣 he。
ｅ瞬呤，日本入侵台灣，是滿州異族 , 換日本異族來管
爾，是歹頭傢換歹頭傢，毋是台灣人本土政權互日本仔侵入
，這點噯認互伊清，是講北京話ｅ民族逶講福佬ｅ民族，賣
互講東京話ｅ民族，真正仈人ｅ囝死袂了爾，進前講過是互
礁傢 (養母)掠simbua(童媳)去腳騷間仔〞趁〞仝款，逶家
己ｅ利純好空兮，騎佇仈人ｅ艱苦頂頭，真正梟悻失德無天
無良，愈想著心狂火焯，有影尹婆仔ｅ客兄公卡好，著袂堪
咧氣ｅli。
北京方面干礁壹直毋甘願拍輸東京方面，不時叨咧棉被
內拍手槍，陷眠看日本來台，吓互台灣ｅ”義民〞給拍否，
心肝內才吓暗爽，鋩角矯返來，根本著無考慮，彼時台灣百
姓，搪咧受著日本兵佮清朝兵雙方面大屠殺ｅ威脅，稍寡若
矯(ciau3)袂好勢，馬上著血流成河屍集如山ｅ恐怖情況，這
時北京方面東京方面，是騎懸山看馬肖踢，橫直死是死福佬
爾，根本叨無輸贏li。
日本登台清帥返去，台北清兵四散，軍紀敗經，袂輸掛
牌ｅ土匪，一路搶殺燒欺侮善良，唗路仔兵大屠殺近 佇 目
前，另一方面，若準日本入台北城，遭受清兵埋伏時，一定
亦吓大量屠殺平民來洩恨，安呢來著咱茲福佬仔，有同時面
對異族清兵ｅ大屠殺佮另外異族日兵ｅ大屠殺ｅ雙層可能，
善良，驚惶，拍拚做工ｅ鶴佬話ｅ台北人，是欲按怎才好﹖
這嗎給想起來，吓驚甲規身軀汗僬拚出來，毋閣天公伯
仔疼痛咱台灣人，佇这九死壹生，千鈞一髮ｅ空縫，台灣人
ｅ英雄出現 囉，伊著是「辜顯榮」，辜先生準備犧牲性命佮
日本仔講，來挽救台北城ｅ生靈百姓。結果完全成功囉，天
公伯痛戇人，台北城閃過一場刀光血海屠殺ｅ災禍，有影叨
佳哉，有影叨拳頭母捏甲吓出汗li。
阿本仔兵欲進入台北城時，台北士紳大驚惶，可能有血
海之災，嗯才茲商紳集會參詳，看欲按怎和平解決，(討論有
關一方面噯預防潰散ｅ清兵趁機燒殺，另一方面噯防止散兵
游擊隊對日本ｅ伏擊，引起阿本仔報復無辜ｅ百姓)，安呢台
員百姓才袂夆掠水鬼去塞涵空，開會開規晡，無人敢去，衝磅
潦落去吓失去性命，可比講欲活齧鼠去敨(tau4)貓身軀頂ｅ鈴
仝款，搪咧汝看我我看汝ｅ時，這時辜顯榮挺身捅鬚lo，為著
救台北全城，無顧性命甘願潦落，到茲來矣殘殘脆脆做二塊矣
，忖死來佮阿本仔講情，雙方毋倘誤會互相動刀兵。
各位，这毋是台灣人下消落軟，實在是姑不而衷，水淹
到頷頸仔，「北京這位「礁傢」，押台灣這个 simbua625去暗
間仔，老娼ｅ依「合約」接收，四邊鱸鰻 , 夯硾夯 biang 5，
做 simbua 一尾魚落鼎在人料理，台灣人 gam3 著目屑吞銅
食鐵 ,為著生存繁衍後代，夆糟躂侮辱硬拗落低。這个時辜氏
挺身潦落，為著眾人準備犧牲，伊ｅ精神袂輸法國ｅ聖女貞德，
實在有夠英雄氣魄，(毋閣日後辜嗣大尾矣發角矣，佮阿本仔
官廳合作求功名，臹囂俳(hiabai)，夆莿棘(鑿)奚是 au 尾ｅ
代誌)。壹般批評「辜顯榮引日軍入台北」，這款講法是無經過
考慮ｅ，咱斟酌給想，著知影一四界婁鉤，干礁是五四三，
拍納涼爾，代誌無赫簡單叨著，理由是安呢：
1-日本入台北城，这是馬關條約做置來，佮辜顯榮na有啥
乜關係﹖咁講辜氏毋去，日本人著袂來是毋﹖
2-辜顯榮嘛才細粒生理人爾爾，叨開門徛店賣火炭，伊na
有啥乜資格去掣阿本仔入城﹖伊毋是台北市長，毋是台灣總
督，毋是方面將軍，毋是全權代表，伊根本毋是吳三桂ｅ扮
頭，有啥乜權去引日軍﹖
3-算講辜顯榮欲求日軍來講，日本人根本無奚義務去接見
二軍交戰軍事重地，伊無掠汝起來做spy(特務)著袂醜矣，
卡有可能聽汝指揮入城，萬壹埋伏欲按怎﹖
4-辜顯榮 su 當時 毋捌 日本話，是欲按怎引日軍入城﹖
5-清兵佮日兵對台北城有同時可能造成ｅ大屠殺大流血，
後人有考慮著否﹖世間人耳空輕實在叨有影li。
佇茲重複一遍，日本人來占台灣，逶滿州政權sak倒
叨親象simbua，寶斗里換去江山樓爾，換新頭傢爾，仝款
是袂出脫，彼當時台北附近ｅ百姓，對清兵佮抗日份仔(其
中濫有土匪，佇日本猶未來就己經有矣)印相足醜ｅ足臭ｅ
，日本兵雖然是異族，毋閣紀律卡好卡尐攪擾百姓，這點
佇杜聰明仙回憶錄內底，寫甲真正詳細。这毋是講咱家己
ｅ抗日份子醜，實在是欲依持大部隊ｅ幵銷，真正為難。
人總是噯食飯，ga 枵到地也，自然噯給百姓「討」、「借」
，一半个「良莠不齊」，著用「搶」ｅ，安呢百姓自然著摯載
袂稠，吓憤慨吓驚惶，這叨也無法度li另外一方面佇日軍方面
，有官廳兮糧草食物佮嚴格ｅ紀律，自然著毋敢對百姓假仙li
，这全然是背景ｅ問題，佮人好歹叨無治代。
辜顯榮佇大稻埕開會了後，決定婁孤帆兮，單超一個人忖
死兮，去佮日本軍部講情，儘量勿佮清兵抑是百姓衝突，抑無憑
日軍精良ｅ武器，茲無辜ｅ百姓可能噯死臹贅li，辜顥榮一枝兩
傘，逶台北行到水返腳(汐止)，欲求見兵仔頭。
日本兵掠做伊是間諜，給試一下鹹汫咧，忽然間拔出劍，
假樣洶洶來榮ｅ腹肚，毋閣辜氏一絲叨無反抗，死著忖死心臹
平靜，日本軍官給嚇驚呤，收才佩服辜氏ｅ誠意，雙方講好勢了
後，辜氏返台北，雙方才攏避開一場手底沐血屠殺，這方面日方
紀錄真正詳細不表，後日仔日本信任辜氏，互辜氏行權得權利有
勢後壁山臹崎，安呢定著是無好，毋閣这是後事，佮進前細尾時
ｅ英雄事跡，是無牽連。
第 八章 庄腳景色田寮情
44
呾這嗎日本人來管囉，算講是伊ｅ昊年，台灣地ｅ百姓
按怎？有卡好過日否？咱關渡地這角勢ｅ庄腳，食穿有卡快
活(kuiiwa4)？社會ｅ治安有卡定著否？散赤人有出頭天ｅ機
會否？baa6鴨片ｅ人有卡歛否？規个社會仁情世事ｅ中間，
有卡完備否？羅漢腳仔來創治茲軟腳仔否？講北京話ｅ唐山
政府佮講東京話ｅ政府，佇空課路拚斗ｅ款勢當中，啥人卡
敖？新頭傢拚舊頭傢，仙拚仙拚倒猴齊天， 毋倘漏喟御示
眾才好咱茲蕃薯仔，薰罔bok，茶罔烚，看法按怎款？…种种
東西，佇庄腳叨吓凍看出一絲仔鼻目嘴仔，人咧講鳥飛毛落
魚行水濁，田螺趖加減有痕li，庄頭反應城鎮，城鎮致蔭國
家，阿本仔管台灣地，咁吓力頭飽聲頭浮是毋？呾庄腳ｅ生
活，這嗎叨給僎(備準)落去，“日本時代”開始囉！
給講到咱客人松，佇 1898年ｅ下冬昊仔，到關下田寮去
做長工，約束二年，叨食便領清壹在內，一月日六箍銀，百外
冬前ｅ關渡地，下冬昊仔臹悺(寒)，一杠風逶竹圍仔，滬尾口
，一路竄筋入骨撝撝鑽，冷酸酸透風兼雨白仔，拍算年亦到矣
，屘仔冬一四界乏搭，“紅柿若出頭，羅漢腳著目屑流”，客
人松做人古意，佇傢食穿返捯(奔波)，中間，錢銀徛起三不便
，嗯才想gon宛那靠家己ｅ拍拚，來到頭傢厝火旺仔兜(家)做
長工，有倘過年渡過寒冬，亦吓凍領寡所費，稍儉一下，想起
來宛那本性攏好囡仔le，勤儉拍拚，生本噯做，人講做雞噯筅
，做人噯炳，怎麼大人大種矣，嗯才潦亦著潦，姑不而衷，人
ｅ運命li。
也叨冬至進前, 拍算七、八工(天)ｅ款，昊時作悺(寒)，逐
傢悺甲毋臹身命，茲阿伯阿姆仔，逐傢火窗(木炭取暖器)僎甲
真大腳，閒人逐傢勼(縮)燒，勼佇棉被內簡那蝦仔le，這時頭
傢人火旺仔，才咧吩咐客人仔松。「也叨松兮啊，下晡去行一迣
關渡埔頂，去麻葉婆仔尹兜買二隻紅面鴨角(番鴨)，順續綰二
斤仔竹節薑母，按算欲來dim3薑母鴨角」。
「好啦，著照頭傢ｅ咐吩」，這个薑母dim 3紅面鴨角，是
台灣人佇落霜、雪凍時第壹味ｅ好料理，壹般號作「薑母紅面
番鴨」，下冬昊第壹補，南北二路，頂透基隆下透屏東，一四界
流行，是上代表鄉土趣味ｅ補品，現主時板橋長江路佮高雄攏
真正流行。
彼下晡客人松佮阿弟，二人行逶埔頂彼角勢，經過土地
公仔，大埤，埤水攏現草青色，暗暗沈沈，無外久ｅ中間來到
麻葉婆仔ｅ厝。「呾歹勢，借問ｅ，咱阿葉姆仔有置ｅ否(在嗎)
？我是下田寮火旺仔派來ｅ長工阿松啦。」「有啦，頭拄乍才
去後尾仔，挽交外菜，目暱久也著返來，呾入來稍坐咧，免細
膩啦！」客人松佮尹查某囝咧問話印舌。
無外久中間，麻葉婆返來囉，手來摩一捆ｅ交外菜，客
人松說明來意，叨庄腳人古意li，趕緊三腳跳二腳趒，去籬
仔內掠二隻大隻紅面鴨角，呾時候叨無早，耶麼賣豬賣狗，
主人幵口，二隻算外贅？
「叨也家己出產ｅ，無論兮啦，算五十鍼著好啦」，客人
松謝勞力，趕緊返下田寮，遠遠著看兮頭傢囝天賜，搪咧搥
竹節薑母，鏘採(難免)是無夠，嗯才松仔緊閣照頭傢ｅ吩咐，
去店仔口買二竹節來逗，天賜仔na槌na拭目墘，算講咧
搥汁ｅ當中，湯汁吓噴著目睭，臹hiam著是啦。
dim3(悶煮)這个薑汁鴨角(紅面大番鴨)，噯有技術，著是
壹定用上介hiam ｅ竹節薑才吓起磅(市售一般胖薑母味淡不
佳)，而且湯頭噹中，薑汁噯占到三成到四成，比例臹懸，叨
用瓦遮瓷鍋，火炭慢火兜兜也dim 6，拍算噯3-4點鐘ｅ腳兜
仔，真正厚工費氣。
抑毋閣dim3好勢了後，規間厝是芳貢貢，著貢貢芳，鴨
肉食佇嘴內，飲一匙湯汁，一時薟甲(辣)目油遴遴擱，薑汁閣
厚閣芳，身驅寒氣全消，這个口味絕對毋是辣牛肉麵，抑是日
本仔芥末吓比ｅ，台灣人ｅ飲食文化，真正世界特別，真拍隕
，因為种种關係，台灣文化受著莿棘，茲少年傢人連家己優勢
，著攽袂記ｅ，有影了然。
這个紅面番鴨薑汁，拍算攏是佇冬至彼暫仔，卡有人咧
”補”，因為上薟甚熱ｅ關係，絕對叨大悺昊才有趣味，小弟
佇少年時佇關渡，阿媽(祖母)不時嘛咧做li，食了袂尐，印象
不止也深。現主時板橋長江路有人咧賣這味料理，高雄方面閣
有踮民眾日報咧登廣告，講是「帝王補品」，有影逐傢真熱誠
叨著。以台北ｅ料理來講，四川重番椒仔，山東重蒜蔥，阿本
仔重芥末，咱蕃薯仔重薑，煮湯亦囥薑，有影叨飲食文化
ｅ地方特性li。
呾這嗎叨欲半暝矣，火旺仔規傢口攏咧食鴨角補身軀，
一碗一碗真正芳，頭傢人真有量，叨也請客人松亦大大碗kat
一碗，咱客人松是孝甲目油雙杠滴，叨真燒熱莿激li，客人松
真感心，食了目屑猶閣流一回，想著家己運命艱苦，咱羅漢腳
仔爾，有一碗湆糜仔(稀飯)倘孝孤叨好偷笑矣，閣有倘擻想這
味帝王大補品，哎！實在有影，叨無咧(又不是)乞者幵藝妲，
想落著愛笑，總是仁生有緣一四界gap5，歹船拄著好港路，拍
算咱祖公仔積德，燒外贅好香去致蔭著，咱頭傢親象貴仁來肖
助仝款，有影感心閣感心。
呾冬至欲閣到蘿囉，佇關渡地這位所在，差不多攏是安溪人
佮同安人ｅ囝孫，卡占大面，對這个冬至ｅ風俗真正看重，有
四項噯做互伊到，食冬至圓仔，祭拜鬼神，食烏魚，做雞母狗
仔，佇古早田庄社吓，冬至時間ｅ日頭上短，有ｅ民族ｅ過年
是逶冬至算起，小弟感到是一个真正優良ｅ法度，因為安呢全
世界ｅ國家，攏有法度接受ｅ規則，真正簡單，誤差臹尐，啄
鼻仔(西洋人)咧做過年(聖誕節)囥佇l2月24日，講起來是臹有
理叨著。
呾這嗎客人仔松又閣咧(又在)無閒起無閒落，頻若年仔節
仔，長工叨拚頭一層，拚甲無閒莿莿，一身軀做五位拆叨無夠
用，尤其咱冬至，逐傢攏真正看重li，因庄腳草地人占卡贅，
这節目有影比做尾牙靈氣卡好，人講冬至圓子食落加一歲矣，
叨袂使輸人輸陣li，閣卡kiu3儉ｅ人，嘛著拚一下仔嫷喟咧。
呾台灣人拜神祭鬼ｅ代誌，本冊頭前叨講真贅矣，祭品
是魚魚肉肉，普通時是豆干、，有影虐死茲扛轎兮，厝內查
某人，長工逐傢是拂甲烏暗眩去，暝日拚一下仔，頭傢看
卡有面子否？嗯才客人松佇冬至這几工，燃眉買魚買米，燃
眉買中藥補藥，da4燒酒……等等東西，算講年亦欲偎，逐
傢腳手卡和咧叨著。
頭傢人咧做冬至，拜神食補，这南北二路透四界攏仝款，
毋閣汝講關渡人 ,冬至用烏魚來祭來食，这咁袂顛誕是毋？冬
至這時ｅ烏魚陣，大部分集中佇下港ｅ雲林台南高雄是無毋
著，毋閣佇滬尾(淡水)ｅ外海，宛那有闌珊兮掠吓著，茲討海
兄弟定著袂了去这好機會，定著噯掠寡來好過年。
也叨下冬昊仔海冬醜，盡趁嘛著趁这烏魚爾，所以講冬至
時，滬尾方面ｅ魚貨，定著吓入關渡地(順流水)，這个時瞬烏魚
大尾閣有卵有鰾，卡加嘛補補補，算講年仔祭仔，有一尾大大
尾ｅ烏魚排囥ｅ，宛那嫷閣大扮，逐傢嘛看甲嘴水taptap滴，
掠烏魚食烏魚攏是台灣人，搪悺時ｅ民俗民族習性，頂下港攏
真正關心li。
客人松佮厝內ｅ查某人規陣，咧挨石帽仔，做圓仔粹，佮
粿粹，有紅圓仔佮白圓仔二款，下暗用甜湯煮好，逐傢食了叨
加一歲矣，另外有做”雞母狗仔”ｅ風俗，用粿粹(米團)做成
雞鴨魚豬牛…每雙2吋長，才提是去坎，用來拜神後，吓使食
，亦吓使烘，佇su當時物資久缺ｅ年代，逐傢宛那食甲起散pu5
，尤其用烘兮叨真正芳li。
做雞母狗仔，大人囡仔攏真歡喜，袂輸咧塗塑藝術品仝款，
有ｅ做了無成(不像)，大細漢笑甲戇去，規厝內喜氣滇滇，笑聲
浮現大人囡仔僬歡喜有著，連茲長工佇邊仔逗腳手，嘛感到真帶
揚，做雞母狗仔，佇(二十年前)1970年代已經尐人做矣，工業社
吓叨無法度li，毋閣每年ｅ農曆過年，佇關渡宮內底有攤販咧賣
雞母狗仔，手工真幼秀，這項藝術吓凍依持外久，文化ｅ連環後
續，臹夆煩惱叨著。
45
呾冬至圓仔食落去矣，隨人歲頭閣加添一歲矣,想落吓臹
怨歎，這聲客人仔松，心肝內嘛是咧按算，看時運吓到無？
有倘卯(vau4)一塊仔無？泛勢若時運咧行，到時吓凍娶嫫起厝
嘛無的確li，啊！想罔想，免咧講mangga(卡通)啦，叨山雞想
水鴨這款好空兮無倘到咱啦，是講爽ｅ 爾，佐汝食卡醜ｅ，
田庄園底，是欲佗趁大百ｅ，若無拄好，泛勢三二手叨夆筴去
配，母本盡了叨無甡張li，到時下消了然衰簡那梨仔咧，叨
無采汝半氏人忠厚坐戇給(ga5)粒積。
叨下冬昊仔，冬尾雨不時咧噴，咱關渡地，割稻仔了後，
一四界荒荒liuliu43，昊時作醜，一下悺到也，袂輸簡那落霜
雪凍le，老伙仔人穿了重hiuah 25(襖)，依原佇田地咧翩(翻)土
，僎欲種yensui(香菜)，頭殼戴著乞者帽仔，鋤頭一啀一啀掘
落去，這時昊清地悺寒，雀鳥仔佮萬冬丟仔(台灣鳥類)丟丟丟
，拍算咧抾穀粒ｅ款，路邊草仔露珠點點，人咧講「日來受風
夜來凍露」濕氣重氣候冷。
客人仔松沿下田寮壹直行到騎船仔，冷酸酸叨烏陰昊風閣
透，拄好有一陣水鴨翍過去，客人仔松才咧苦笑，家己na胡
稠li，「幹，破相水鴨，人講雁叫一聲，散人一驚，咁是咧笑阮
是毋？」，無張弛伊行到騎船仔圳溝(現今志仁中學旁)，早著有
二个破少年，拍算十五六歲ｅ款，佇涵空(地道)掠扁蟹毛蟹。
身邊又閣二个囡仔人，咧tiap5蕃薯堆(烤蕃薯)，搪咧擎
煙，目暱久仔，蕃薯炰熟矣，寒風透冷叨感到臹芳li，客人仔
松吞一口嘴瀾，一時遂感到肚仔吓枵，腹堵內搪咧五堵六堵，
人講”吓離門戶，袂離腸肚”，一四界papa唗賴賴趖，宛那
袂直li，嗯才乖乖也鼻仔摸ｅ，拚返頭傢厝，大大个給灌碗
燒糜，身體才卡定著有元氣，吓讚有甡張，到後尾仔柴間去
剖二枝大柴，壹直到暗頭仔才歇睏。
悺昊時仔空課路咧拂，卡講亦是食飽做落吓有力頭……
過返工，頭傢人火旺仔，佇廳頭咧baa鴨片煙，na te(斜靠)
na倒，baa甲臹起磅，規箍人茫茫渺渺，袂輸簡那神na仙
le，這个時瞬，客人仔松拄好捧一甌烏龍茶來孝敬，咱火旺
仔頭傢人做了有起，對茲氏細真正好禮，叨人臹心適li，無
親象有ｅ好額人，好毋好著欲激一个仔參仔喟，起腳落喟口
薟，茲氏細逐傢皮繃甲拫拫拫，攝( liap )兮咧等。
毋閣咱火旺仔，真好逗陣，亦臹疼惜茲少年仔，嗯才ｅ
瞬呤，逶褲衲袋lim 3出一箍銀，真溫純仁慈送互咱客人仔
松「嗒！這箍銀稍袋li，互汝食涼水ｅ，呾免客氣，這二工
若卡好昊，才逶菜園仔翩翩ｅ，給種三稜ｅ加外菜佮yensui
(香菜)，另外粟種浸浸ｅ，倘僎(備)欲掖種掂栽，過年了後噯
緊播田li，免甚趕緊，逗逗也來，人講食緊撞破碗，做吓實
在吓僬勻第壹層，看款啦，若真正起歹昊亦免驚，下冬昊仔
著歹按算li」。
「呾受著頭傢人安呢寶惜疼痛，在下客人仔松真正感心
勞力，貪財收落，佇茲祝福頭傢人大福大量，後日仔財源豐
富大pa尾旺廣，歷歷代代出好囝孫，天公伯仔臹疼，田園
空課ｅ代誌，松仔絕對吓全身撦拚總憑ga到，若無透風落
雨著緊潦落做矣，規工穩吓好勢溜溜， 掛無事牌安啦，
呾松仔叨頇顢人，講話三鋤頭二畚箕，簡單几句，隨隨煞。」
這个時瞬客人仔松退出大廳，頭傢宛那連番再次，閣咧baa
鴨片矣。
叨台灣地頭，佇悺昊氣候南北二路全然無仝，下港所在，
親象台南高雄地，雖然平洋曠闊，毋閣下冬昊仔乾燥欠雨，水
源無夠，叨無甡張li，無法度飼著大規模ｅ頭嘴(人口)，致su
著失去做首都ｅ機會，亦真拍隕亦免怨歎，台北頂港這角勢，
下冬昊仔厚雨，號作「冬尾雨」(東北季風帶來雨)，絲絲綿綿
，落甲毋知天地，現主時(1991)有法度飼七百萬人猶無噓咳著
，有影有恅(lau4) li(台北市280萬，台北縣320萬，桃園100
萬，基隆35萬)，台北人ｅ國民所得，現時已經到一萬美金，
吓使講完全是冬尾雨致蔭著ｅ，仈位所存著干礁羨仙膏爾。
毋閣這味冬尾雨，對做穡人來講真歹紡啊，有時做甲一半
，雨sap雨白，一絲絲叨臹醜材ahe，閣悺閣透風，閣烏陰無日
，空課做了袂siapa15(暢順)，仝款舞著這齣慪戲，干礁翩(bing
翻土)三稜園來種菜爾，安呢無三無二，做袂起磅，強欲袂收山
攬尾ｅ，客人仔松咧做穡ｅ當中，隔壁區宛那有一个古井伯仔
咧掘土，按算欲種蔥仔，古井仔伯叨歲頭食甲七十捅矣，含尹
後甡(兒子)，卡歛五十，嘛來咧逗做種園li，庄腳人逐傢搰力，
一絲力頭叨袂拍隕。
這个時瞬客人仔松看落臹感心，又閣想著頭傢對咱嘛臹好
li，蝦欲跳噯趁青，人欲喟力靠少年，嗯才這几工仔，佇昊時
真醜ｅ坎站，無顧生命，棕蓑幔好，著潦落鏘，透早透晚艱苦
做棉爛趁。這聲天公惜戇人，無三工呤呤種菜diam3種(播種)
，卦一切護土水溝，完全好勢溜溜，嗯才頭傢真給謳咾，叨
連隔壁ｅ古井伯嘛比大頭舞，人奚客人仔松功夫拍拚著有夠遐li。
呾種菜ｅ空課好勢矣，這聲客人仔松嘴笑目笑，叨規身軀
僬輕鬆li，心涼脾透開，頭傢面頭前，著徛吓稠地，續落閣卡
硬斗ｅ穡頭，著是欲按怎播秧仔栽，空課頭ｅ中間上歹扭搦(不
易處置)，界在赤腳親身潦落塭仔田，逶塗給耙互伊平面，二雙
腳浸冷水冷枝枝，又閣著出手尾力硬來耙土，確實叨硬斗，無
貳步七仔著毋敢過虎尾溪li，肉本卡lam4 ｅ，泛勢返來吓感著
風嘛無的確。毋閣咱客人松，勇結結勇簡那新竹司ｅ(新竹司是
1955間全台聞名大力士，此地備用之)，少年傢仔，ga赫下消，
叨拚一下仔氣魄組夆見本lo！
咱客人仔松佇這个困難ｅ噹中，真正在隱叨無咧驚惶，人伊
做代誌，有坎有站，萬項照順序來，人講剃頭照輪扮，用鋤頭掘
鬆田土，續落ｅ瞬呤，耙互伊平(推平)，暗頭仔去攽水，規區田
淹起來，互田土落軟變平，安呢後回仔，卡省喟力，淹二工後攽
水閣be平，又閣淹水，經過二回了後，規區秧仔栽田平波波，水
面袂輸簡那明鏡le，臹嫷li。
尾溜也客人仔松才摩粟包去浸水，互伊勃芽，過返工了後，
秧田攽水佮土平平懸，粟種才一把一把給掖(ya6)落去，頂頭用乾草
大概也崁le，驚鳥仔來食亦驚昊甚悺li，無一禮拜ｅ中間，秧仔栽
發甲青青幼幼，松仔ｅ功夫有影叨在欉黃ｅ，趁人吓倒，莫怪頭傢
心花吓開，看伊臹有目地。
時間一工一工過去，過年著欲到矣，庄腳歇月外日倘飲燒
酒，跋雜和仔(四色牌)，一年一冬輕鬆，毋閣過年是囡仔好空爾
，大人是愈過愈喔哫，昊年變醜矣，茲庄腳，阿同兮啊，汝映
望啥貨？
46
1898，阿本仔來管台灣叨也三冬矣，社會ｅ特序慢慢
也好勢，各方面變遷發落矯搣，叨臹費氣li，洗面不時嘛吓
去礙著耳仔，日本人一面箠一面糜，市街安服了後，連帶
庄腳亦卡定著，好人吓出頭昊，茲羅漢腳仔亦卡欲拚斗，無
親象卡早安呢拖拖爛爛，惼茲軟仔，這嗎阿本仔掠硬，宛那
互汝袂咧 cang4鬚ｅ，規ｅ社會面散(san3)罔散，ga平安以
上，逐傢卡有欲做，總是財產家己ｅ，無棉爛趁無唗傱行踏，
欲na吓好額(富裕)，人講油湯趁油湯食，無趁做乞者，有腳
有手自趁自活，卡加元氣嘛爽，想起卡早土匪贅，迭迭著一
世人拍拚，無張弛一時間去了了，大社惼(pii)小社，風吹斷
線傢伙去一半，做落吓凊心，呾這嗎逐傢心肝有卡平矣叨著。
關渡地頭播秧仔ｅ時，拍算是咱人(農曆)二月初ｅ款，
上好毋倘超過二月十五，抑無稻尾期卡袂大肚，卡無倘收成
，咱做田人仔，盡食嘛食這期早冬爾爾，毋倘顛誕去才好，
……這嗎 佇頭傢人火旺ｅ田園，才寢過(剛過)上元爾，茲氏
細腳擻，著噯緊落整理塭田，才吓赴二月初來播田，火旺仔
ｅ塭田有十甲ｅ腳兜仔，咱客人松負責五分地ｅ款，另外有
小弟號作天賜仔ｅ人，吓逗做叨著。
因為過年進前已經有用牛犁過，這嗎干礁踏稻仔頭，割
耙佮槓nadak 31(楊桃狀絆土`機)三項爾爾，客人仔松ｅ頭殼佮氣魄來比論，
这猶闌珊兮爾，無注文著，咱松仔叨古錐li，若拄著心花咧
開，kimo 爽ｅ時，加減嘛吓給茲庄頭囡仔答嘴古講耍笑，田
園ｅ樂暢趣味，一四界滿滿是，彼个時代逐傢卡看破，無咧煩
惱趁大錢，論真講起來，這嗎新時代ｅ人，錢是趁卡贅無毋著
，毋閣顛倒卡煩惱卡欠仁情味。
關渡塭田(平原)佇咱人二月(國曆三月)ｅ播田景色真嫷，
真正叨無法度描寫，夯筆卡重夯鋤頭，這个景色現主時已經是
工業區，定著看無，毋閣佇民國48年前，小弟做囡仔ｅ時瞬
宛那看著，彼个時規遍關渡平洋(塭田)，有影闊罔罔，播田流
擺(時節)，水洸反射田面，簡那臹贅明鏡ｅ，臹嫷，遠遠ｅ大
屯山草山，真正山清水明，又閣有白羚絲(鷺鷥)，規ｅ田庄景
緻臹磊斗。
現主時欲看這款ｅ景緻，佇北部差不多是三芝鄉ｅ八賢村
，抑是八連溪彼角宛那看吓著，另外佇貢寮彼方面亦有，中部
南投方面宛那袂尐，牛港仙伯仔蹛社頭，著是一个山明水秀ｅ
庄頭田地。
眾(各)位咱茲鄉親嗣大，佇茲我卡ziam4權，來寫一寡古
早塭田，小弟食關渡ｅ水米大漢，定著有做過關渡ｅ田，普普
也知影寡，雖然卡粗重兮無潦落做，毋閣卡輕可ｅ,宛那做袂尐，
有親目看著做田ｅ艱苦，佇我細漢著知影噯拍拚讀冊、實在做
田甚過艱苦li，續落著回想寡做田ｅ空課，來追遠一百年前ｅ
農事，我看落差不多li。
這嗎工業社會ｅ小朋友，毋知一箍芋仔蕃薯，稍給鼻芳ｅ
，知影咱ｅ祖公拍拚做工，凊頭汗一粒斤外重，艱苦坐卦歹命
溜溜ｅ代誌(近來”老賊”退休領546萬猶咧「我們只是……」)。
佇過年進前，先用牛拖犁，逶稻仔頭連根帶草給(ga5)犁起
來，這項空課臹硬斗，無牛袂煞戲，人講甘願做牛，著毋驚無犁
倘拖，欲捍犁ｅ人，噯有經驗ｅ工夫，抑無吓舞甲離蒼蒼歹死六
德袂收山攬尾咧，咱跋白ｅ，牛咧拖耙真艱苦，人干礁捍犁嘛臹
著手尾力，才袂歪去犁毋著稜，簡那扒龍船咧siang4大杯(舵)，
扛轎兮嫌艱苦，坐轎兮亦嫌艱苦，捍犁ｅ人壹直對牛咧誶幹力撟
，大聲喚喊。
夆感到做田種做，逐粒米攏臹歹趁，想想ｅ後出世嘛是來做
”老賊”卡好，一月日十外萬卡輕可，這嗎過年了後，有一部分
ｅ稻仔頭已經浸水爛去矣，毋閣依原有偆ｅ稻仔頭佮撒草袂清，吓
影響著後日仔ｅ播田事項，這个時瞬噯用牛來拖”手耙”，割手
耙簡那大枝梳仔，牛拖手耙，來清除草抱散枝，叨象透早咧捋頭毛
仝款有法度逶離gaga ｅ頭毛，頭甫……，給捋互伊直，整齊著是
啦，這項工事無犁田赫硬，稍寡顛誕嘛無啥要緊，咱茲做穡人有時
猶吓食菸，na行na bok，有影叨心適li。
“割手耙”了後，這聲著換規陣囡仔人來”踏稻仔頭”，伊ｅ
作用著是逶偆落來ｅ稻仔頭，用腳給踏互伊i沈底，先攽水，佇水面
以上ｅ稻頭，草捆，雜物壹律踏入土內，踏稻仔頭時瞬，定著噯夯
一枝竹仔做拐仔，抑無，人行佇土頂頭，袂輸咧燒酒醉，呾歪篙莿斜
( cua4)，萬不二若盪龜，規身軀霑洛洛，欲na孝孤du4？
這款齣頭叨咧”精耕”ｅ年代，才有法度動員茲贅仁工去做，
現主時ｅ做田，這步叨臹尐看著矣，差不多二三年前ｅ款，我佇士
林陽明戲台看侯孝賢ｅ「悲情城市」ｅ時，內面有一齣真贅囡仔夯
竹枝，規陣佇塭田中慢慢行來行去，規間戲台十分占七八分，攏毋
知咧變啥魍？奚正正著是踏稻仔頭？a叨這嗎 ｅ少年傢仔，食飽穿
燒臹好命，著毋知稻仔生了一款按怎，阿伯仔所說，叨毋知一箍芋
仔蕃薯咧。
毋閣咱跋坦白ｅ，踏稻仔頭實在是一項”算袂和”臹無仁道ｅ
空課路，人咧講豬頭毋顧咧顧鴨母卵(得不償失)，若毋是待念著氏
大ｅ天公令聖旨嘴，這嗎想起來，有影驚甲規身軀汗僬拚出來，
臹危險li，亦莫怪當今ｅ人袂了解，汝給看，一枝腳浸佇水內土內
，濁水爛膏，萬壹若踏魚莿，玻璃碎片、尖鐵釘………，不時嘛大
空細摛，有時吓踏著田蜂，水蛇…吓去互伊咬甲紅朱朱，踏稻仔
頭袂輸簡那咧探地雷仝款恐怖。
吓記彼時上利害著，是去互田蜂觝dak著，一聲著腫甲疼哀
哀，彼時干礁用萬金油稍抹爾，有一句話講「欺侮爛土無莿」，有
影想落著驚，咱这歹命底ｅ著噯有覺悟，噯拍拚學問，仁生ｅ路途
絕對袂使腳踏tut去。我想佇百外冬前，為著生存，，踏稻仔頭這
層早著有矣。
踏稻仔頭艱苦罔艱苦，宛那有絲仔心適置咧，規陣人三个五
个，大人囡仔，na踏na幵冓na耍笑，有時唸囡仔歌，抑是做謎
猜，安呢卡好過日，肚仔卡袂枵，古早人無現主時即好命，有細
台放送倘聽，致su著做穡ｅ時臹希微，臹無工藝(很無聊)，嗯才
ｅ瞬呤，普通用唸歌，抑是講古，抑是大聲腊咻(大聲呼嘯)，來
排解ut卒給趕出心內ｅ火，空課路咧做卡有擋頭，這嗎話頭給講
返來，百年前ｅ關渡地，看客人仔松佮規陣囡仔佇塭田胡稠激伍仁
，三色人五色話嘩甲群，加添著水水綿軟ｅ田園景色。
這个號作阿德ｅ囡仔兄，na踏na大聲唸，逐傢聽甲耳空kap
kap，真正心適。伊大喚喊「我來唸歌互汝聽，火金姑，來食茶，
茶燒燒，配金蕉，茶冷冷，配龍眼，龍眼吓開吓花，匏仔換菜瓜
，菜瓜好煮湯，匏仔換粗糠，粗糠欲起火，九嬸婆仔敖炊粿，炊
甲臭火礁叨兼 dr 3 火」哈哈，加減做穡加減咻，雜路長(樣樣吓)
空課路卡袂忝(累)。
續落大頭仔宛那輸人毋輸陣，婁一塊來心適逐傢品無掠包兮
「白令絲，cia6 畚箕，cia6 到溝仔墘，跋一倒抾一圓，買大餅送
汝姨，妳姨仔仔嫌無賴，喝雞喝狗來咒詛(ziuzua46發誓)，咒詛
有，拍新婦，咒詛無，拍嬸婆。」叨咱庄腳囡仔，壹般de單純
，，規陣嘻譁sngcua14 ｅ中間，加減吓曉寡民謠曲句，定著亦寡
有粗魯語，“茈子無腹腸”免咧計較，所以才講「品無掠包」。
最後咱客人仔松出一个謎猜「四角兩面，六起七面，臆用具」
，茲嗣大嗣細，逐傢na踏稻仔頭na激頭腦，一項一項象唗馬燈閃
過頭殼，大頭仔才想出「是面巾」，逐傢遂大笑，叨有影li」，逐
嘻譁當中，時間過了卡緊叨著。
這嗎續落上尾步，號做”槓nadak 31”，仝款用牛杷大型
nadak(楊桃狀絆平器)，人騎nadak頂頭，簡那坐車真趣味，利
用身體ｅ重量，逶軟土給界平，我咧想這款親象這嗎夏威夷流
行ｅ”衝浪板”臹有扮勢。茲農具去博物館看著有。
茲所有ｅ塭田攏平波波矣，水色反洸，規兮關渡平洋簡那
大塊鏡仝款，嫷甲袂講了了，等播田後半箇月，規遍青linlin61
，閣卡嫷，這款景緻佇全台灣頂港透下港，南北二路攏看吓著
，拍算是咱人三月初ｅ款，逶半山腰給看對塭田去，連遍青青
帶黃，袂悺袂辣，身軀邊草長花芳，別有一款ｅ風味，無論庄
腳倯仔，抑是市內戇仔，攏欣賞吓著簡那十八嫷姑娘仔，是庄
腳塭田搪青春搪磊斗ｅ光景li。
.
47
這聲播田煞矣，田庄所在大大細細，無閒亦到一个坎站，
茲庄頭ｅ做穡人，卡想嘛是映望，看早冬有倘大收成否？叨上
介要緊li，草地所在田頭田尾，叨魚蝦雞鴨以外，單單著這味
粟[cek1]米上值錢爾，偆兮蕃薯箍佳外菜叨無二鍼額，干礁好
看頭是無卡擢啦，嗯才 ｅ瞬茲鄉親嗣大，逐傢真正寶惜茲粟
米，勤儉au攝，甘願好米抔去賣，家己才來食蕃薯粥，燒瓷
兮食ki4碗，世間粒積為著環境，姑不而衷亦是無法度。
茲秧仔栽發了真嫷，一遍安呢青更更，看落心頭著爽，望
伊暝日大欉，毋倘著虫亦毋倘苦旱，目睭ni4一下，燃眉著好
收成矣，噯知影这是早冬爾，盡趁嘛趁這期爾，早冬ga賺無食
以上，這聲屘仔冬汝皮著hiu4，紅龜皮liuliu43，行佇街頭深巷
無三無二，卡加汝著無甡張夆裝古董。
做人趁錢頭一層，若賺 (zuan )食袂茖，看汝外好嘴斗，
我才毋信啦，所以講佇關渡塭田地，卡講嘛是塭田佮粟米，
稻仔好歹，一點一du5，咱茲阿伯仔逐傢看拫拫(an2)，驚也
顛誕去，比咧管顧厝內ｅ嗣大閣卡細膩，叨臹正經eli。
呾日子一工一工過去，昊候亦漸漸ｅ燒辣落，水鴨去，
青池仔來，青池仔去，屘冬丟仔(鷦鶯)閣拑了規陣矣，才記兮播田
無外久呤，清明著到矣，司公qianga61花(百合)，是開甲連
遍滿岥(音piaa2)芳嗊嗊，閣無外久聽著阿伯咧所說「無食五
月節粽，破hiu2 毋願攽」，才知影五節又閣到落，昊燒辣敖
流汗，田底稻仔亦大矣，一寡社會茲鱸鰻人膻ｅ憩陶仔，又
閣出來咧賴賴趖。
規社會鏘鏘滾臹鬧熱。五月中了後，咱塭田ｅ稻仔開始
大肚矣，一穗一穗真飽滇li，這年一四界風調雨順，年冬袂醜，
無啥病虫來kue3，拍算講閣再月外日著欲輸贏li，到嗣大包
ta3小包，粟倉仔滇甲due袂落，想著想著茲阿同兮，逐傢嘴
笑目笑，心涼脾透開，心情好，閣吓唸山歌。
拍算咱人五月底，亦著是割稻仔進前十工ｅ腳兜仔，咱茲
搰力ｅ嗣大鄉親，逐傢幵始”lue3埕”按算曝粟用ｅ，这lue3
埕是真大條ｅ代誌，佇庄腳真要緊，需要ｅ腳手真贅，宛那真
硬斗，無赫好紡叨著。
“lue3埕”這个風俗過程，佇 1970以後著絕跡矣，永遠看
袂著矣，後日仔可能踮鄉土電影抑是電視亦看袂著矣，小弟蹛茲
，有幸親身參落做過，印象臹深，佇茲給寫出來，做一下仔鄉土
絕跡ｅ紀錄，互後出氏ｅ嗣細，知影古早ｅ艱苦，亦互茲四十歲
以上ｅ中年老年兄弟，有一个酸酸甘甘ｅ回想，抑若講到百年前
ｅ客人仔松佇下田寮，定著這款空課是拂甲大粒汗細粒汗，做甲
艱苦坐卦，硬du硬，絕對袂hau 6 韶ｅ。
咱台北倚淡水江(河)ｅ大稻埕，人咧講上鬧熱，到底"稻埕"
有啥用？咁赫要緊是毋？这，才才無毋著，因為做田，空課路咧
捙拚，艱苦罔艱苦，算閣猶有法度克難關，叨單單這條曝粟場所，
無法度著是無法度，真正吓互汝凝甲叫毋敢，互汝乏搭甲拳頭母
欲出油去，袂輸咱士林透早咧窒車仝款，規排ｅ進口車，汝看我
我看汝，攏百外萬ｅ身價干礁看兮咧qen3。
曝粟ｅ需求，不而顧是短時間爾，欲用ｅ時，汝亦割稻我
亦割稻，逐傢三搢著急，熱樸樸，親象雞母跳破卵矣，毋閣几工
了後，過腳身著完全無路用，吞過嚨喉逐傢冷冷無咧給信斗，致
su著無人甘開彼條錢，去建築一个卡長久性ｅ粟埕。叨彼个時代
普偏乏(ha5)哩，散甲割喉叨無血，吓準過去，著罔渡去，宛那姑
不衷，做曝粟場上大ｅ問題，毋是土地取得ｅ問題，它著是土粉
砂粒欲按怎處理？抑若無者，粟米內底濫足贅ｅ砂，石粒仔，土，
樹蔫葉…，是欲按怎”孝孤”吓落去？
這个問題佇 這嗎 1991完全無問題，因為這嗎好額，紅毛
土地，dama膠攏是，不而顧百冬前完全無茲件，咱ｅ祖先是欲
按怎克服困難，來發明一套閣卡簡單ｅ法度，这有影真正考驗
著福佬人ｅ智慧，逐傢激頭腦來矯搣(處理)，伊ｅ答案是「用
牛屎來解決」，呾這聲水清魚著現矣，鄉土ｅ代誌趣味心適，人
講鼓佇內聲佇外，这亦毋是啥乜大秘密，佇茲講一下仔透枝le，
因為這款穡頭，小弟細漢有經過，佇茲撰有路來，也叨風
土肖傳，咱想一百年前ｅ客人仔松，按怎去處理？(撰是吹牛)
這工透早，客人仔松著去天賜伯尹牛稠，用畚箕去擔牛屎，
一擺二匹，攏總擔十外擔，擔甲肩甲頭強欲崩去，叨擔一早起搭
搭(整整)，牛屎實在講袂外臭，干礁草青味爾爾，牛屎擔好了後
，歇喘ｅ，續落給整理門口ｅ土埕，幾个腳手舞一晡，最後結局
上介硬斗，一桶清水配一桶牛屎，給濫落了後牛屎膏膏叨糊落，
自那坎佇土頂頭，才閣(用)掃sue(硬竹掃)給擂互伊平，安呢囥一
工半日了後，牛屎糊變乾，一層含纖維質真贅乾燥”皮”，逶土
粉砂石給分開，安呢佇這延硬皮頂頭曝粟，叨袂去參落砂石土粉
東西，有法度95％以上隔開，有影叨臹讚li。
這延礁硬ｅ皮狀纖維，大概也擋有十外工(工)ｅ款，著吓脫
落無效，毋閣這時瞬稻榖亦曝好勢矣，脫落ｅ皮塊，隨風一四界
吹開，無外久ｅ中間，又閣恢復土地原款，總講一句，規个工事
上要緊，著是牛屎佮水分ｅ比例，这佮土質經驗有關，甚厚吓了
工了力，甚薄擋袂久宛那害，毋倘看貓仔(麻臉)無點，伊嘛是一
門學問li，萬項空課”隨人討掠隨人落鼎”，咱田庄人pet步亦
袂尐li。
關渡地這角勢，割稻仔是一層真正歡喜盛大ｅ代誌，佇客人
仔松時代，第壹，逶稻穗大肚幵始，壹直來到割稻完成，袂輸過
了半路ｅ吊橋，心肝頭popo33彈，驚兮咧等，驚啥貨？驚稻仔
佇暗時去互土匪來割去，著財源盡去腹堵好縖起來，“往往十二
月風寒，七月才返嗽”這聲日來牽肚夜來凍露，日子久久長長欲
按怎？嫫囝欲寄人飼是毋，這嗎壹旦ga有割稻仔，心安啦，自
然de嘴笑目笑，萬事好勢溜溜。
第二，割稻仔佇早冬咱人六月，天時真辣[lua4]，人講六月
火燒埔，頭戴烘爐，閒閒人叨滿身重汗矣，無講割稻仔做穡重，
流汗土粉又閣刺痒(癢、熱)，喔哫毋是仈項空課，干礁流汗一項
爾爾，致使著稻仔ｅ空課路特別硬斗，絕對是壹粒壹袂hausiau62
ｅ，所以透早出門，昊色猶未洸，著噯出門、卡涼亦卡無日頭
，倒返來去艱苦坐卦，互汝想袂到。
第三，運搬真正困難，普通佇塭路，有牛車倘來載貨，毋閣逶
田中央到塭路，這暫仔路途，無論是用肩硬扛，抑是te6船圳溝行，
攏足費氣ｅ，一粒米一粒汗，實在逐傢噯卡寶惜ｅ，米糧咧生產不
止也厚工！
第四，割過稻仔了後，著有人趕一陣鴨母，來啄落米ｅ粟仔，
互大地ｅ資源，一絲叨無拍隕去，互茲鴨母吓食飽飽生好卵，這款
風俗下港嘛有，毋閣關渡鴨寮特別贅，茲鄉親叨臹幸這路兮。