韓石泉六十回憶上冊 · 韓石泉六十回憶（Dr. Han wholelife remember，2017）

春韓石泉

本冊特殊e台語漢字 ( 拜託各位熟記,來增加閱讀速度 )

佇 ( di3 ,在) 肖認,肖捌 ( sio…相認,相識 )
吓凍,吓曉 ( e…能夠, 知道 ) 乏搭,逗搭 (hada45缺失,完善)
也叨 ( adr16, 話說… ) ..仔..矣..也 (…a5 …a5 …a5 )
佮,欲 (ga..和, ve要 ) 呤, 爾 ( nia6…的時候, 而已 )
遂,煞 (sua於是, 結束 ) 也呾,淡薄也( adaa話說…,一些)
叨是, ..著 ( drsi33就是, …dir ) 謳咾 ( rlr 64 稱讚 )
茲, 遐 (zia 這, hia那 ) 僬,甚 (ziau2全, siuu太..唸箱)
逶 ( ui4 從…到 ) 撟摵 ( ciaucek31 處理 )
徙來,踅街 ( sua..遷至 ,se3..繞街) 蹛佇 (duadi43 住在…)
揙做 ( 變做 ) 顛誕 (音定擔 ,…差錯 )
逐工,逐傢 ( dak..每天,大家 ) 拄著 ( dudir45 碰到..)
毋是,毋閣,毋但(m..不是不過不僅) 赫尼… ( hiani 43 那麼… )
迭迭 ( 音錠錠, 經常 ) 踦起 ( kiaki34 居住 )
時瞬, e瞬呤 (時候, …話說 ) 干礁 ( ganda66僅僅 )
熟似 ( seksai36熟識 ) 自那,簡那 ( 於是就…, 好像 )
這是,即款,迮尼好 (ze這是, zit這種 , zia這麼好) 夯(qia2 ,舉,昇)
宛那 ( wana61 仍是 ) 袂使,袂凍 (vuesai不可; 不能)
臹好 ( zyhr34 ,很好 ) 嗯才… ( mzia 31 , 於是乎…)
規工,規傢 (整天,全家人 ) 猶, 抑是 ( ia , iasi 13或是 )
….兮 (…的 , ei高音 ) 洶洶 ( hion…32, 突然 )
阮,咱(含對方) (qun4,lan4我們) 啥乜 ( symi 15什麼 )
1

「六十回憶」韓石泉醫師自傳

          ( 台語版 )

2017

原著韓石泉
編註韓良俊
台語 ( 台北市台語寫作學會 )
黃元興

台語版譯者序黃元興

            即本冊「六十回憶」是台南名醫韓石泉,個人逶日本時代到戰後e回憶錄,記錄伊少年真珍貴e歷史資料,價值連城,原文以文言文書寫,生動有力,真正磊斗(美好),落尾也(a),又閣經過尹公子韓良俊醫師e詳細註解,攏總四五百條e考證資料,互咱進一步了解古早e代誌;全冊除了舊時代e記錄以外,上介互人欣羨,叨是尹兜規口灶,嗣大嗣細,充滿了祥和溫馨,天倫之樂,真美妙真慈愛e畫面安呢.  
             韓良俊醫師,是我大學時代e老師,四十冬前,我佇臺大實習e時瞬,受伊真大e照顧,伊摯接人緣,忠厚客氣,做代誌鼎真拍拼,「一絲不茍」 ,是我一世人上介欽佩e師長; 另外一層代誌,互我真感動,叨是二十外冬前,有一陣文化人,佇淡水真理大學,討論台語文學e時瞬,洶洶遂發現咱醫界e韓醫師,嘛出現佇現場,「萬綠叢中一點紅」,互我真著驚真意外,我才知影,噹時也(原來)韓P佮我仝款,對咱台語文化真重視, 二三冬前,佇景福館新春團拜時瞬,有講到欲出版韓石泉「六十回憶」台語版e代誌,承蒙伊無棄嫌,交代小弟試看覓咧,互小弟感到真光彩叨著.毋閣真歹勢,拖拖沙沙,一直延遷到即嗎.  
             小弟逶35歲研習台語文學,到即嗎大約三十冬,用心計較為咱台語文學拍拼,出版十外本冊,累積一寡經驗,希望即本冊吓凍寫好勢,達成任務,各位先進,若準發現無妥當e所在,才拜託恁給阮指導牽成一下,感謝!     www.gadang.com.tw                                                                                                                                                                                           元                   元興  敬白    2016夏,北投                
                       3

望春風〜二度文化復興  (林衡哲)    	7  
   重視台灣史真言,再顯台灣人尊嚴  (莊永明)   9  
   為韓石泉醫師「六十回憶」做序  (賴其萬)   14  
   家父佮我  (韓良信)                       17  
   回想著家父對我e影響  (韓良誠)           26  
   編註者序  (韓良俊)                       30

第一版序我佮韓石泉先生 (黃朝琴) 36 序二鄭寰宇序 39
侯全成引言 41
序文 (正文開始 ) 46

第一章出生佮做囡仔時代 48
第二章台灣總督府醫學校 56
第三章執業初期佮台南病院時代 77
第四章男女交陪戀愛史 85

第五章台灣議會期成同盟運動 91
第六章韓莊氏結婚典禮 96
第七章韓內科醫院開業初期 100

4
第八章渡日深造,不幸遭慈母岳父喪事 104
第九章佇日本著病經過佮研究生活 108
第十章台灣人所經歷e第二次世界大戰 111
第十一章終戰 123
第十二章台灣第一屆省參議會 129

第十三章我親身經歷e 228事件 138
第十四章競選區域性國大代表 154
第十五章台灣早期民主學步 164
第一屆省參議會回顧
第十六章韓莊銀婚典禮 172

第十七章斡頭看行過e路頭 175
第十八章尾聲 181
第十九章六五續憶 (遺稿) 六十回憶外一章
六十歲生日紀念演講茶會 186
六十回憶讀者e反應 189
次男良信e婚事 191
連環後續e生命傳承 194
六十回憶第二版後記韓良俊 197
六十回憶第一版跋林占鰲 200

[ 附錄一] “韓石泉先生逝世三周年專輯” 1966
追念韓石泉先生 (杜聰明) 203
義氣又閣(復)慈愛e人 (犀川一夫) 209
回憶早期韓醫師 (何耀坤) 212
5
4. 憶慈父 ( 韓淑馨 ) 215
5. 往事記甲牢牢牢 ( 韓李慧嫻 )220
6. 追思阮父親 ( 韓良誠 ) 224
.. ……..寫佇先父逝世三周年紀念日
7. 感憶慈父 ( 韓良俊 ) 229

[ 附錄二 ] 無盡e追思
追思慈父 ( 韓淑真 ) 241
佮丈人一面之緣 ( 黃東昇 ) 244
父母傳落來e信仰真磊斗 ( 韓淑清 )246
想起阿爸 ( 韓良博 ) 251
想起彼一工 ( 韓良平遺孀, 阮琬瓔 )252
阿爸佮我 ( 韓良憲 ) 254

[ 附錄三 ] 台語文句書寫 259

常用台語漢字
常見台語病字錯字分析
黃元興台語文學目錄

望春風〜二度文藝復興林衡哲

            文化是一个民族e樹根, 樹根若挽吓牢(ediau32)穩, 枝葉定著吓湠開, 吓旺盛, 咱民族吓凍來延續 ,佮(ga)文化吓凍來傳承, 仝款是噯枝葉肖(sio6相)連, 粘甲峇峇峇(va6密接)叨著.

今仔日台灣, 吓凍(edang34)有經濟奇蹟, 互咱佇(di3)全世界至揚,嘛吓凍創造政治奇蹟, 佇華人世界真光彩, 抑毋閣呢 ,真拍損, 近來咱e文化根基, 遂一點一滴咧消身流失,代誌e源頭, 叨是咱e教育佮媒體界有偏差, 一四界(gue3)安呢充滿著大中國意識, 欠缺咱台灣文化優先e傳統, 又閣規社會, 攏是潦落愛錢看錢e功利主義, 致使講咱茲(zia)少年輩, 迷失了人生e方向, 社會上咱茲離離酷酷爛敗東西, 遂漸漸來侵害尹e心靈佮志氣.

所以��, 咱噯逶(ui4 從..)文化e樹根, 掠互伊緪緪緪(an2緊), 來推拺(sak)咱即个時代”台灣人文主義”再生運動, 以「台灣優先」精神, 開創國際化, 人文化, 本土化e台灣新文化, 互咱期待21世紀e台灣, 吓凍haa3入去「文化奇蹟」e路途, 來做為第二擺文藝復興e發源地安呢甡(anesii 這般, 語尾助詞) .

為著欲互咱台灣文化, 吓凍延續佮湠開, 互咱後一代, 有一个真理想, 真好勢e成長環境, “望春風出版社”夯(qia2 舉) 起「台灣優先」e文化理想, 決定出版 [望春風文庫] 用心計較, 全力潦落推廣文化藝術活動, 來提昇全民e精神佮生活水準.

1983, 阮佇美國, 催生台灣文庫, 建立了台灣傳統文學e新傳統, 1998落葉歸根, 徙(sua4)返來血跡地, 佇台灣閣成立春風出版社, 繼續出版傳記名著佮文化名著; 另外又閣映望, 吓凍來結合各界關心社會, 疼惜文化資產e理想主義者, 共同來投入,互即層真有意義e文化重建工程, 吓凍共眾兄弟含心gap命, 肖媵(tin6)肖拼, 互伊勃穎(ii4幼芽)甡湠, 互伊金光摪摪滾安呢.

安呢才吓凍互咱後一代e孖孫, 做到文化吓牢底, 有現代國際文化觀, 佮充滿愛惜鄉土e精神; 借由文化素養e提昇, 來淨化社會風氣, 互咱台灣地, 吓凍揙作東方文化e精神好所在.

重現台灣史真言
再顯台灣人尊嚴莊永明
2.

二十冬前, 我佇自立晚報「本土副刊」,主持「鄉土紀事」專欄, 頭尾攏總三冬. 根據主編向陽e講法, 即个專欄是副刊上介受歡迎, 嘛是連載上久e之一, 有即个光彩榮幸, 互我真歡喜, 感謝彼時大力支持e良師益友, 逐傢 (大家) 分享成果, 尤其是咱韓良誠韓良俊賢昆仲, 上介幫忙 .

鄉土紀事專欄,落尾也合編做一本冊, 以台灣紀事上下兩冊出版, 即本冊佮「台灣第一」,「台北老街」,「台灣鳥瞰圖」揙( bii4變)做我e招牌冊, 台灣紀事, 伊牽涉著咱台灣史e範圍卡深闊, 毋閣(mgr31可是)伊書寫e年代, 以日本時代為主要內容, 戰後e資料卡毋敢寫 ,也叨(adr因為)相關e資料, 來源困難, 而且各方面e解釋權無仝款, 有真贅叨噯重新來界定研議, 來改變解讀e內容 .

彼个年代, 時空背景, 言論限制真緪(an2緊), 史料有時瞬互人挑工來掩坎; 另外有時瞬, 時代見證人受訪問e時, 考慮著身家安全, 佇談吐e中間, 迭迭言詞閃避喭嚶唔, 真奧(難)得著實情, 致使講, 佇姑不而衷以上, 真正認真, 真正拍拚, 去走尋(cue6 )一寡猶吓凍「活用」, 闌珊(零星)殘存e史料, 來研究安呢爾爾 (nia6 ).
9

            韓石泉博士, 佇1956出版e「六十回憶」,定著是我長年來,所祈求e珍貴資料, 毋閣即本冊卡特別, 一般e冊店尋袂著; 彼時瞬, 佮韓醫師厝內無熟似, 心肝內咧想, 洶洶沖磅給人要求, 毋知人伊有啥反應抑無? 有一絲絲damdam14, 落尾也(a), 無想著, 消息一路肖傳;  韓家知影呤(nia6) ,自那主動寄來一本含「六五續憶」e「六十回憶」再版冊互我, 即款熱情e款待, 真正感心, 時間雖然真久矣, 毋閣我宛那記牢牢咧, 彼噹時也, 一下拆開書冊呤, 心情是爽甲叫毋敢!

「六十回憶」傳記e作者, 毋但(mna33不僅)詳細紀錄伊e家世,讀冊, 結婚, 行醫, 卦伊佇日本時代, 參加非武裝抗日, 民族運動e心路歷程, 等等東西; 另外又閣對戰後, 潦落政治界, 一寡無爽快e經驗, 伊有所跋(bua3)白, 伊有所批判安呢甡, 實在講起來, 即本回憶錄, 除了頂頭e資料以外, 另外有一个真正優秀e特點, 真值咧咱慢慢也(a), 來給體會佮品味欣賞, 冊中所紀錄e家庭親情, 溫馨, 祥和, 客氣有禮數, 真正互人欣羨, 互人嚮往依偎(wa4), 毋閣呢, 真拍損, 石泉博士無得著高壽長歲頭, 致使伊對茲嗣細, 親情e逗陣佮紀錄,袂凍繼續給延續落去 .
3.

韓石泉佇e「六十回憶」內面, 有二擺寫著「恍如隔世」e字句,頭一擺是初光復時, 一直回想著, 日本殖民政權五十冬, 毒害台灣地e怨恨, 即聲得著消透, 真感慨; 第二擺是伊講著228事變了後, 省議會e同事, 有e死, 有e關, 抑是
10

有e拘掠中, 致使講開會時, 出席e人數離離落落, 真尐(少)人, 互逐傢閣再開會時, 真正感慨 !

「恍如隔世」即句話, 落尾也(a), 互真贅台灣歷史家, 來引用228事變e「形容詞」, 也叨(adr16因為)彼時是一个禁忌e時代啊! 佇彼个「代誌複雜, 講袂清, 講毋捌, 解釋袂好勢」e艱苦年代, 真歹講話啊! 即句話真正傳神, 閣真起磅, 莫怪講, 「六十回憶」即本冊, 雖然無大本, 毋閣伊吓凍來解讀, 部份白色恐怖時代, 所來管制嚴厲e歷史謎霧, 實情.

韓石泉博士佇1929, 設立「台南韓內科」, 即間彼噹時特別號做「專科」e診所, 真正有歷史性, 咧搶頭香e模範, 也呾(adaa話說) 嘛即欲八十冬矣, 歷史真悠久; 現主時, 韓氏家族宛那佇台南市民權路, 繼續經營韓內科, 真正變做是咱台南鄉親共同e記池安呢 .

吓記咧1989年, 韓內科創業六十周年e時瞬,咱韓家e嗣細,蹛佇海內外九位孖兒, 含第三者代第四代, 含二位美國籍孫媳婦, 大約五十人, 分別由世界各所在趕返來, 規傢人團圓心適, 來舉辦韓石泉博士e追思家庭禮拜, 我真榮幸受邀請, 佇現場做追思演講, 看著韓氏家族, 大大細細, 仝心仝德, 合和團結, 真正感心叨著, 韓氏家族, 毋但是對過往e嗣大, 忖著永遠e孝思, 而且對咱鄉土, 宛那有深厚e敬意; 我佇演講中間, 所講起即段話句, 算起來, 這毋但是對韓家e賀詞爾, 嘛是「歷久彌新」,永遠e言語安呢. (追思演講用台語)

咱e祖先, 留互咱逐傢一句心適e俗語「人大分傢;樹大分枝」, 出外拍拚, 出外發展, 是咱海洋民族e個性, 嘛是本性; 今仔日, 韓家e子弟, 有e踦(kia3)台灣, 有e踦海外, 湠開佇地球東西二粒半球頂面, 成家立業, 而且每一个人, 攏有迮尼大e成就, 實在是真互人欣羨; 一叢樹仔大叢了後, 分枝甡葉, 結耔, 樹仔影吓愈來愈大, 根嘛吓愈來愈深, 毋閣呢, 樹枝是吓徙動, 人e心靈之根, 永遠固定佇一塊土地頂頭, 逐傢有機會, 倒返來台灣即粒島嶼, 咱即塊家園之鄉, 血跡之地, 這是韓家e根, 也叨是美麗島e根 .

「六十回憶」為咱台灣歷史, 再現出實景e代誌,嘛為咱台灣人再出顯尊嚴 ,長久以來, 互咱學術界有即个共識, 此本冊已經絕版真久矣,1997韓家子弟, 為著紀念韓石泉博士, 出世週年紀念, 有決定欲修正再版, 而且閣增加尹三女韓淑真e英文譯本, 用漢字佮英文對照e版本來出版, 有影互咱真給歡喜叨著 .

毋閣呢, 真拍損, 韓氏兄弟, 落尾也(a)決定: 由我重來新寫另一本傳記「韓石泉醫師e生命故事」(2005遠流出版) ,即聲出版六十回憶e代誌, 遂暫時來停止, 呾(daa話說)即嗎韓良俊, 將尹老父e遺作「六十回憶」一句一辭來給解讀分析, 互韓石泉e生命史佮歷史演進, 來gap做一下, 真正是好事一層, 做為韓良誠韓良俊e敬友, 亦是台灣省文獻委員會所策劃 “台灣先賢先其中e第一本冊「韓石泉傳」e作者, 我聖聖無第二句, 來答應給寫序, 而且期待第三版e「六十回憶(韓良俊詮釋註 1 12

          解), 含我接受韓家贊助, 寫佇1998二月完稿e台灣醫療史安呢, 茲e代誌, 毋但是來造成台灣醫界e人文歷史, 嘛是吓凍為咱台灣歷史e圍牆, 閣再砌一塊永恆e磚石安呢 .

…原稿寫佇1997年9月25日, 2008年9月23日高鐵途中, 修改序文 …….

為韓石泉醫師六十回憶作序
-賴其萬-
4.
佇「健康世界」雜誌內底, 斷斷續續, 有看著韓良俊教授,連載真贅期e “韓石泉醫師六十回憶”, 心肝頭一直有咧感覺, 即本冊最後一定噯gapgap做一本來出版, 才袂枉費韓教授, 介紹尹父親互國人, 所用e苦心; 真歡喜, 佇連載剛(daa2)結束呤(nia6), 我猶袂赴向韓教授建議進前, 叨接著伊叩電話來,講即欲逶(ui4)茲文稿, 付印成一本書, 順續嘛邀請我, 為即本冊寫序, 聽煞呤呤, 我馬上義不容辭, 真誠懇给答應落來.

事實上, 韓石泉醫師e大名, 透過歷史學家莊永明e大作”韓石泉醫師e生命故事”佮尹公子良誠良俊兩位教授, 佇醫界,齒科界真出色e表現, 已經是眾人攏謳咾甲逐舌e典範人物, 也呾即本出自韓醫師親筆e自傳, 對遐有興趣, 來了解日本時代佮國民政府, 接收以後台灣社會, 佮醫界方面e歷史者, 即本冊伊吓凍, 提供豐富e第一人稱e觀察紀錄 .
尤其即本冊,寫作e中間,又加入去, 自細漢長年陪伴身邊e孖兒, 為冊中間內容細節, 解釋甲盡磅逗搭, 互咱茲讀者吓
14
凍對彼時e時空背景, 閣卡熟似佮了解, 坦白講, 彼時我咧讀健康世界連載e時瞬, 叨發現有e所在, 若準毋是韓教授e註解, 我叨無法度了解, 抑是誤解 ;尤其我本身毋捌(識)日文, 嘛毋是出世佇日本時代, 韓教授引經據典e詳細註解, 有影幫忙真贅安呢 .

也叨(因為)有迮贅豐富e寶貴註解, 互我佇韓教授來邀稿e時瞬, 真正想欲給(ga5)問講「到底是本文,抑是註解」佗一个字句卡長? 韓教授e回答, 宛那互我留落真深e印象, 「大慨家父e本文是六萬字, 我e註解差不多三萬字」 .

自來我對韓石泉e做人, 行醫, 從政, 教育, 慈善方面e作為, 真佩服, 佇過去, 為莊永明先生大作「韓石泉醫師e生命故事」, 所寫e序文, 佮當代醫學雜誌「每月一書」專欄, 紹介彼本冊e時瞬, 叨已經寫盡我個人, 對韓石泉醫師e崇拜, 佇茲, 我無噯閣再加了喟力來描寫, 即嗎我受邀稿來給韓石泉醫師「六十回憶」寫序時, 認真講, 我噯深深來紹介, 來為本冊添加光彩e韓良俊公子, 講幾句仔話 .

韓教授是台大牙醫系, 退休e資深教授; 伊對咱台灣齒科界佮教育界e貢獻真大, 逐傢看現現, 我嘛真有福氣, 佮伊踮衛生署e委員會逗陣過, 伊彼款分辨善惡, 執著是非, 毋驚強權e氣魄, 真正感心; 卡早伊承受真大e壓力以上, 宛那堅持立場, 為著檳榔對口嘴e傷害, 大力宣傳, 深深受著醫界來敬重 .

15
搪(dng6正)噹讀著即本韓石泉, 韓良俊二位醫師父子,聯手所寫e大作時, 深深感受著, 即本冊再度見證著我卡早e看法,叨是老父e作為上吓凍影響孖兒日後e做人佮態度, 今仔日真贅人煩惱「世風日下,人心不古」,實在講, 一切宛那噯家己親身拍拚潦落, 來做模換範, 嗣大若做了有起, 嗣細定著有遵循, 抑無, 若戆戆(qon6傻)也, 期待社會佮學校來改善, 安呢效果無倘外好叨是 .

由即本冊, 咱吓凍看著, 毋但是韓石泉醫師本人, 對人一事一��e看法, 另外嘛看出韓良俊教授, 用心計較真認真來落註解, 體會著嗣大模範e傳承, 吓對社會教育e意義, 本人佇茲以上介誠懇e心情, 來推薦即本父子連心所出版e好冊.

家父佮我韓良信

我細漢e時瞬, 阿爸佇日本熊本醫科大學, 咧從事研究, 阮規傢人, 蹛佇熊本市新屋敷町; 有一工,我咧張(哭求)咧嚎, 張欲買「一年生」(給一年級學生讀e月刊)e書冊, 害阮老父佇真寒冷e暗暝, 行路去買書; 這已經是七十冬前e代誌矣,一直到今仔日, 我宛那真歹勢叨著 .

我讀二年級e時瞬, 家父完成博士論文; 阮規傢人搬返來故鄉台南市, 彼時, 三舅推荐尹母校末廣公學校(即嗎進學國小)互阮讀, 毋閣米田龜太郎校長有咧講, 我e日語赫尼好, 應該去讀南門小學校(日本人小學)卡好勢, 阿爸恐驚也我即个軟zy4囡仔, 去互日本學生給凌治, 自那一直拜託米田校長, 交涉幾落月日, 落尾也才撟(ciau3)好勢, 南門小學校, 踦位佇末廣公學校佮阮兜中間, 放學e時瞬, 二个學校e學童, 不時見面叨吓冤傢肖扑(打), 好佳哉我無進南門小學校, 抑無, 我真正為難, 真感謝老父為我走蹤幾落回 .

1945, 3月1日, 美軍頭一擺大轟炸台南市, 阮兜e踦傢, 完全毀滅燒了了, 彼暝阿爸單獨留佇台南市, 來尋(cue3)阮大姊, 第二工才知影, 大姐欲去女子救護隊e半路中, 佇朋友兜不幸身亡, 阮兜其他e人行路閃空襲, 離開台南市,佇半路斡頭一下看, 市區一大遍烏暗中, 火燄沖天 17 驚死人, 真正親象地獄圖, 已經六十外冬前e代誌, 即幅圖相, 一直烙印佇頭殼中 .

阮本來欲躲去韓內科職員e故鄉「土城仔」,毋閣阮行到本淵寮時, 拄著吳楷蔭氏, 伊講本淵寮遐無醫生, 邀請阮留落來, 阮逐工踮庄腳耍(sng4) ,無學校倘讀, 閣卡無畢業典禮; 有一工, 阿爸洶洶來疏開地, 講台南二中, 有入學考試, 叨cua3我返去台南市, 寄蹛踮阿爸尹好朋友, 王受祿醫師尹兜, 無想著第二工(3月17日) 遂拄著, 美軍第二擺大轟炸台南市, 父仔孖雙人躲(vi4)佇防空壕內底, 彼時我感到, 防空壕真大力振動一下, na親象前後搖擼一公尺外, 心肝頭一直咧唸, 佳哉猶活咧, 猶活咧, 死嘛欲佮老父死仝窟哩 .

即擺入學考試, 遂拄著空襲, 無法度筆試; 阮佇防空壕e內底, 一个一个夆叫出去口試, 我吓記咧一條幾何題, 考試官先畫好一張幾何圖形, 逶長du6(方)形一邊中點, 佮對邊e頂點連起來, 續落才閣逶頂點, 連接對角線, 就吓出現一个三角形, 問即个三角形, 佮長du6形面積e比例 .

我e性情卡「鈍」, 對考試自來叨毋捌緊張過, 無給加想,叨開嘴回答, 結果是正確e, 另外有考體育, 噯佇規定e時間內唗(跑)完1000公尺, 續落做伏地挺身, 我做四十外下, 是我一生上懸(高 )e紀錄, 體育考試e時, 阿爸一直踦佇運動場身邊觀看, 我每做完一項, 伊叨笑笑也鼓勵, 毋知按怎, 我猶(iau)保存彼時e准考證, 受驗番號是234 .

18
6.

父母親, 自來叨真關心阮茲兄弟姊妹, 讀冊e長短, 毋閣我遂無咧計較學校成績e好醜, 自細漢叨認定「無讀冊毋閣吓及格」才是好giosiau43(氣魄), 規工干礁咧行象棋, 抑是咧飼粉鳥爾爾, 學校e成績, 定著真醜 ; 初中時瞬, 補考閣再補考, 即嗎想起來, 有影真don4戆, 嘛真對不起父母親; 吓記咧初中畢業考試, 地理科猶參加第二擺e補考, 險兮(ei)讀袂畢業, 台灣e教育, 偏偏注重死記背誦, 地理考試, 叨考物產, 氣候人, 啥鐵路佗位通佗位, 我感覺真無聊, 安呢柴柴袂心適, 嘛真了時間喟力,; 真正欲旅行, 咁毋是講, 直接看地圖叨好勢矣, 哪著噯死記 ?

另外一方面, 我感覺數學e推論, 一步一步攏真有條理, 迭迭有比象棋e奇妙步數, 現出閣卡sui4, 閣卡「奇想天外」e一步, 互人真吓歃(saa5極愛)著安呢, 吓記咧小學三年級抑是四年級e時瞬, 佇兒童雜誌頂頭, 看著「猜數魔術」( 互對方心中選一个1-31中間e整數, 續落才閣問對方e整數, 佇事先做好五張卡片中e佗幾張? 每張卡片有十六个數字, 叨馬上吓凍臆出對方心肝中e整數 )

我當場互即个奇術迷著矣, 彼噹時, 一絲叨毋知影即个奇術幕後e二進法, 尾也又閣家己逶即个奇術給推廣, 用七張卡片吓凍臆(猜)出1-127中任何整數, 尾也我頻若有機會, 叨吓表演即个奇術, 而且暗中觀察, 咁吓有人親象我細漢赫熱心, 自動來給推廣, 毋閣已經幾十冬矣, 一直無拄著第二个人 .
19
數學真正是sui4, 毋管佗一條定理, 我ga一旦了解以上, 叨真輕鬆, 有條有段逶定理給證明, 攏總給背誦起來, 我咧做學生囡仔年代, 逐擺看著教授咧講解呤, 叨噯同時看教科書, 抑是原稿, 奚(he)著真正聽袂落耳, 我是感覺講, 教授單單才教一堂課程爾, 猶叨閣看原稿, 安呢是欲按怎要求學生考試e時瞬, 袂使看筆記, 咁袂歹勢是毋? 彼時瞬, 我心肝頭叨絕對有按算, 後日仔若輪到我教冊e時, 絕對袂凍哪教哪看書, 致使講我教冊即三十冬呤呤, 自來叨毋捌哪教哪看冊抑是原稿, 其實對我來講是真「順理成章」e代誌, 絕對無硬斗安呢 .

今年2008, 三月, 返來台灣e時, 好朋友賴東昇教授, 猶閣真感佩, 彼年佇台大做助教e時瞬, 輪著我就台呤, 我吓凍將Vander Waerden定理, 真錯綜複雜又閣軂軂長e證明, 逶頭到尾, 完全無看冊, 連肖續一步一步給推演出來 .

講倒返來, 我感覺物理佮化學e推論, 一絲叨無嚴格, 一四界漏空顛誕(音定擔,差錯), 嗯才缺欠必然性, 卡無說服力, 互我袂凍相信伊e結論; 讀台大e時瞬, 有捌修過二擺普通化學, 二擺攏無及格, 上要緊叨是我無認真拍拼, 也叨物理, 化學e 推論, 我實在無法度接受, 致使講我自小學到大學e成績,一直攏無好, 安��做, 實在無適配做阮老父e孖兒, 互阮老父不時為我e前途來煩惱, 我真正是一个不孝子 .

我即世人, 干礁有一回, 做了真優良e高材生, 奚 (he) 是我
20
佇Stnnford e 頭一冬, 嘛是阮老父在世e最後一冬, 一般來講,研究生一學期上贅修三門課, 毋閣我佇Stanford頭一冬, 每學期攏修五門課, 即五門課攏是研究生e必修課, Real Analysis由得過幾落个國際獎e伊藤清教授擔任, 伊e冊夆翻譯做多種語言, 1980我去京都參加學會時, 又閣拄著即位世界出名e大數學家, 雖然已經經過二十外冬矣赫尼久, 伊猶原吓認出我, 互我「受寵若驚」真歡喜叨是 .

Complex Analysis由 P. Berg 教授擔任, 學期考試e題目, 又閣贅又閣歹寫, 毋閣我差不多全部給解答出來, 佇我e記池中間, 阮e同窗當中, 無人成績達到我e一半, 其中有一个分數干礁我三分之一e同窗遂得著A, Modern Analysis由H. L. Royden教授擔任, 學期考試出一題代數佮分析e混合考題, 簡那干礁我一个解答出來e款Functional analysis由K.de leeuw教授擔任, 講課真精彩; 聽伊e講課, 暗時仔睏佇眠床頂, 目睭kuekue45, 宛那吓凍背出伊日時仔所教e定理佮證明, 落尾仔, 伊做我e博士論文指導教授 .

Proseminar 由 Lowner ,佮Ornstein二位教授共同擔任, 逐禮拜, 出五條難題互阮寫, 一學期上尐噯解出四成, 才吓凍及格, 而且欲致(得) A, 叨必須有幾落个真sui喟e 解法,真贅研究生修Prosminar時瞬, 叨干礁春修一門課爾爾, 節省時間 ,才吓凍專心應付即个難關, 抑毋閣呢, 我宛那照常修五門課, Lowner教授真欣賞我, 每一堂課, 都教叫我就(上)台解題目互同窗兮看, 可能是Lowner教授每一節課, 攏指定我就(上 )台, 即聲Ornstein教授, 遂自來叨毋捌叫我就台, 一學期落來, 我「鶴立
21

來源：2023 36 台閩文學韓石泉60回憶 (上)/韓p.1-55/春韓石泉.docx

韓石泉 22

雞群」解出e題目上贅, 嘛上介嫷喟叨是 .

致使講我佇Stanford 種種表現, 茲消息傳到阿爸遐(hia) 呤呤, 伊嘴笑目笑真歡喜; 毋閣, 天時不幸, 這宛那是我唯壹e一回, 以學業成果, 互伊真光彩e一冬爾爾(nia6), 無外久, 伊遂以腦溢血來過身, 彼時, 我身邊乏搭(hada45), 無旅費倘返台灣帶孝, 真傷悲 !

我知影, 留學e代誌, 到茲妥當矣(a5), 我有法度佮人, 踮Stanford踦起矣, 第二冬, 我e舊症頭又閣夯起來矣, 我無赫尼拍拼認真矣;…. 落尾也, 我e博士論文,互幾落本真權威e書冊提到e時, 毋閣真無彩, 阿爸已經過身矣, 袂赴來共享即个光彩矣, 算起來1998我得著美國數��會Citation for public service, 抑是每一擺我e冊出版時, 叨恬恬含悲, 干礁吓凍去爸e墓前報告爾爾 .

我讀大學e時瞬, 成績臹醜, 最後一二冬, 我真煩惱前途烏暗, 定著無奚(he)心情趣味, 去想婚姻e代誌; 毋閣呢, 大兄早年過身去, 我揙(bii4變 )做實際上e大孖, 嗣大人映(向)望我卡早娶嫫咧 ,落尾也又閣煩惱我, 干礁讀數學爾爾, 恐驚也一世人教冊無出脫, 嗯才拜託媒人婆, 紹介一位女醫師來肖(相)逗陣, 我嘛笑笑無咧反對, 自那順尹e意思, 嗯才e瞬呤(於是… nzia esunnia)婚事e代誌, 由父母全權處理, 我無意見, 彼瞬媒人佮慧嫻e母親來「偷看」e時, 我定著完全毋知影, 也叨婚姻e代誌, 自來我叨無囥(放 )佇心肝頭哩 !

22
8.

吓記咧, 慧嫻剛(daa2)開始佮我約會e時瞬, 問我「按怎
知影,汝是好尪婿?」 , 我印講「阮父母吓凍來做模範,我給模仿叨吓使啦!」, 即句話即嗎給回想起來, 有影真幼稚; 也叨模仿e代誌, 講起來簡單, 毋閣欲做, 叨真硬斗; 即時才知影深深來體會父親e偉大, 我真正感激慧嫻, 婚後對韓家e認同, 毋閣我家己知影, 並毋是好尪婿, 嘛毋是好老父, 真歹勢, 我娶嫫成家, 真正是做了無起啦 !

佇食頭路即方面, 有賴東昇兄, 來盡力幫贊; 互我尾也, 留佇台大數學系服務; 無外久, 王九陸兄得著Stanford博士回台灣, 我參加伊e研討會呤, 承蒙伊大力e牽成,無嫌我「戆
面袂出脫」, 自那推薦我進入Stanford數學研究所, 互我真正感謝尹二位e恩情; 抑毋閣呢, 我即擺出國e時, 逶老父多年e存款3200美金, 攏紮出去, 遂互老父無機會出國, 去觀察伊心目中自由民主e美國, 這是我即世人, 上介對不住老父e遺憾之一

對我來講, 上歡喜e日子, 叨是少年時代彼暫仔, 踮日本遐, 阮規傢人, 去挽草莓, 抾粟仔, 尋干貝彼段日子; ….對老父來講, 我深信伊上介敗喟(挫折)上介ut卒感, 叨是戰後e參政時期,拄開始呤(nia6) ,伊按算e民主政治佮選舉制度, 看法甚過理想化, 認定講選舉, 應該是眾人, 來擁護賢能者出來, 致使講,伊無真拼勢, 去潦落競選運動即層硬斗, 順續對競爭者中間e惡毒步數, 互相烏白亂告長短代, 閣卡看袂做咧叨是 .
23

228事件e時,阿爸深深來體會國民黨e奸詐, 彼時阿爸佮侯全成醫師, 安呢無暝無日 ,含身gap命潦落俥拚, 冒生命e危險, 一四界走蹤撟摵 (ciaucek31處理), 來阻擋衝突流血, 結局台南市,是全台灣流血真尐(少)e唯一城市, 毋閣事後, 尹無法度得著各方面e諒解, 毋但無功勞爾,遂(sua) 顛倒互人冤枉中傷, 不而過呢, 阿爸以揹(paai3)十字架e精神, 無咧計較茲功勞東西, 認定這是家己, 應該做e正義代爾爾; 毋閣呢, 干礁佇幾落冬了後, 我頭擺離開血跡地(出生地),就台大讀冊e時瞬, 伊有給我吩咐, 絕對袂使潦落去任何學生e政治活動 .

戰後, 阿爸一直想欲去美國憩陶 (cittr 12遊玩), 去彼个自由,民主e殿堂, 來觀摩實習; 嗯才e瞬呤( esunnia366) , 伊真拍拚來學英語, 初開始是由Winter Berger教對話, 落尾也女士回德國了後, 才由台中農學院鄭震宇教授續落教, 毋閣鄭教授有要求, 上尐收噯六个學生, 才算吓和, 尾也招無赫贅人, 甘願開赫懸e學費, 致使講彼幾年中間, 阿爸上尐噯付三个學生e價賬; 所以講, 歇寒歇辣(暑假) e流擺(場合), 我頻若返去台南e時瞬, 老父叨吓叫我佮伊, 仝齊來聽講 (鄭教授大部份唸News York Times .)
鄭教授, 有幾落擺建議阿爸, 逶「六十回憶」e原稿, 送交國民黨本部來審查, 卡袂惹麻煩, 毋閣老父認定講, 一旦甲送審以上, 即聲定著吓夆改甲花糊糊, 伊有義務來傳達事實安呢, 嗯才無來採納鄭教授e建議 .
阿俊仔, 阮小弟仔, 一擺又閣一擺, 叫我寫「六十回憶第三版」
24
e序文, 也叨我e中文真滷, 夯筆比夯鋤頭卡重, 致使講久久毋敢動手, 毋閣阿俊仔一再咧堅持, 嗯才加加減減寫淡薄仔, 無定著是, 阿爸佇「65續憶」一書內底, 對我e婚姻寫甲真詳細逗搭; 這內底宛若有暗示著, 噯將私人e代誌給跋(bua3)坦白, 我相信我有做到「坦白,毋驚見羞(siau3), 大面神」…種種; 毋閣呢, 我自信我無去犯著「無恥」即條kia (差錯 ) .

就以本文代替我e序文 2008 , 10月 29 日

回想著家父對我e影響
韓良誠
9.
今年, 臺大醫學院院慶, 嘛已經111週年矣, 若準家父猶在世呤 (nia6…的時候), 即嗎仝款嘛111歲矣 ,另外, 台南e光華女中, 叨親象賴其萬教授所講e , 伊無咧注重升學率, 是以「人本」為最高教育理念e學府; 即間學校, 1929由日本人創立, 戰後呤, 家父擔任過第一任校長佮第二任e董事長. 前前後後攏總18冬, 另外一方面, 台南韓內科嘛拄好仝時間1929正式開業, 真正拄千, 真正心適安呢 .

也叨(因為)我有來參與台大醫學院, 佮成大醫學院e醫學教育經驗, 迭迭(dydy33)有學生來阮兜,尋(找)我來參詳, 有關未來生涯規劃e代誌; 我有咧講, 欲成為一个成功e醫師, 叨噯把握三種e生活層面, 一.學術生活, 二.社會生活, 三.家庭生活, 抑若講到, 欲按怎以有限e人生, 來安排時間; 逶每一个層面, 給照顧好勢, 奚叨噯隨人拍拚, 看個人e智慧矣,… 算起來即三問題, 阮老父攏做有到矣 .

佇學術生活方面, 家父為著充實家己學問, 毋但是放棄診所,人群佳繹e患者爾, 宛那以39歲e歲頭, 無惜即幾年來所儉e錢銀, cua3規口灶大細, 遠渡日本留學, 跟隨卡早教過伊e恩師
26
明石真隆, 佮其他教授 ;以五冬e時間, 完成「燐脂質代謝之研究」e��士論文 , 即篇論文, 落尾也, 我佇大三讀生化e時瞬, 以早捌來牽成陳定信院長e宋善青教授, 有給我提起, 這是一篇真正傑出e論文, 逐傢謳咾有著, 伊咧做即方面研究e時瞬,嘛有給參考過安呢,, 即層代誌, 互我即个做學生e , 有彼位迮尼(ziani)好e父親, 嘛感覺真光彩真榮幸哩 !

另外, 家父佇開業無閒中間, 宛那不時吓去看醫學雜誌, 佇診療桌頂, 不時嘛囥一本su當時上介好e內科書冊, 頻若看患者哴(lang4)閒e時間, 抑是拄著問題e時, 攏吓加減給翻翻咧, 即款模範,互我佇開業初期, 自然e, 吓想著家父佇書房e診療室, 看冊e身影, 我逶(ui4)初開始「毋敢毋看」醫學雜誌, 到看出興趣, 到最後家己材情飽, 看到對醫術有信心, 這攏是家父身教所致蔭著e安呢甡 .
第二項 ; 社會生活方面, 醫師佇開業一段時間了後, 定著有社會e名望, 嘛有伊e影響力, 嗯才e瞬呤, 父親佇醫務以外,嘛有捌佮一寡志同道合e同志, 創辦「民眾文化講座」,來啟發民智, 我逶「台灣民報」所記載e幾落篇題目, 宛那吓凍看出, 無論赤天炎日, 抑是大雨pipe叫e艱苦時段, 聽眾攏是人群佳繹沖沖滾, 迭迭滿員e原因啦 !
當年伊講演e題目, 有「專制政體治之下e台灣」,「解放運動e路」, 「台灣社會改造觀」, 「時代錯誤佮殖民政策」, 「治台政策佮台灣議會」, 「對咱台南市政治e批判」, 「健全e社會佮家庭」, 「台灣學制e改革」, 「醫學上理想e文化生活」……欲以迮尼豐富e內容做講演, 可見家父確實認真拍拚, 有看過真贅e書冊, 佮長時間e思考, 才有法度安呢 .
27
第三項 ; 家庭生活方面, 伊毋但陪阮仝齊大漢, 阮九个兄弟姊妹, 宛那不時佇暗時仔, 圍踮伊e房間, 來談天說地, 即嗎想起來, 實在真快樂真溫馨安呢, 也叨篇幅e關係, 我叨以二條小故事, 來說明伊e言教佮身教e代誌 .1959彼年e八七水災做大水, 我拄好佇成功嶺受訓, 8月初7彼暗, 營房e眠床淹水, 我睏頂舖, 毋閣下舖e人, 嘛攏跁起來頂舖睏, 也叨厝內淹入來一公尺e大水, 第二工天光呤, 出外給看, 隔壁棟e軍眷佮兵營, 攏去互大水沖走矣, 真正危險 !

無外久呤, 我放假返來台南, 食早頓了後, 阿爸佇餐廳隔壁浴室咧淥嘴, 我離遠遠安呢, 略也有看著,伊大杯仔淥嘴了後, 用偆落來e水, 雙手揾水洗面, 我感到真奇怪, 事後問伊,是按怎欲安呢做?伊講「也呾(adaa)即嗎水災才過身呤, 送水管一四界破損, 官廳兮方面,大聲呼叫百姓節約用水, 咁毋是呢? 若準隨人攏猶照普通時仔用水,安呢來講, 佇尾段水壓無夠地區, 民眾咁袂連煮飯叨無水?」 su當時阮兜e水道, 宛那正常有水, 也叨韓內科e地點, 佇台南市有卡低勢, 水錢方面嘛是無問題,講出來阮老父, 實在是每項代誌, 攏吓為仈人來設想叨著

另外一層言教e故事, 叨是阮細漢e時瞬, 迭迭看著家父, 除了醫務無閒莿莿以外, 猶閣咧用心計較, 拍拚扶持光華女中e教育空課,心肝內真正毋咁, 嗯才問家父,哪著噯赫尼辛苦啦? 伊應講「阿誠, 叨頻若教育e投資, 無論仈人e孖兒,抑是家己e下一代,算講閣卡大e投資,包含時間,金錢, 嘛攏有價值哩後擺仔若有機會,汝嘛著噯安呢做.」 28
回想著家父對阮e期待, 叨簡那伊佇「六十回憶」冊中所寫e,「尤其叨期待咱茲嗣細, 做人毋是干礁積財產錢銀爾爾, 嘛毋是欲享受高官厚祿哩 , 上要緊叨是欲映(向)望逐家, 吓凍佇學術, 靈性, 道德上, 有高尚e成就,互咱吓凍來貢獻人群, 完成我未完成e心願叨是」, 阮茲兄弟姊妹, 毋敢辜負家父e期待, 阮猶繼續咧拍拚 , 才拜託各位先進, 毋免客氣, 大力給阮鞭策安呢甡 !

( 2008 年11月完稿 )

編註者序韓良俊

11.

第一版e「六十回憶」,是1956年10月25日印行 , 11月4日(農曆十月初二生日)出版, 第二版是揀佇先父過身三週年呤, 逶我卡早所整理e「六五續憶」佮「診療隨想續憶」二篇, 給追加踮第一版e後壁, 佇1966年6月30日出版, 比另外一本10月25印行e「韓石泉先生逝世三週年紀念專輯」有卡代先 .

也叨即二版e出版日期, 攏吊遠即嗎四十外冬矣; 而且攏是自費來出版, 有想欲看e人, 無法度佇店頭買著冊, 咱茲親友,迭迭直接間接來詢問, 看佗位吓凍提著即本冊否? 即款情形一直延續落來, 叨算講尾也, 2005年4月, 莊永明先生所寫e「韓石泉醫師e生命故事」出版了後, 宛那乏搭(hada45)無額, 另外,阮家族e嗣細手頭, 第一第二版e書冊, 嘛偆無幾本矣, 致使講, 噯尋人來印第三版e六十回憶,揙做遂無做袂煞叨著

今年10月27日, 是先父111歲e生日, 奚(he )若講著茲 ,閣再幾工仔, 我嘛欲過72歲e生日矣, 吓記咧1996我六十歲生日e時瞬, 阮牽兮(妻)笑笑也問我一句話, 自彼瞬開始, 即句話一直佇 3 30 阮頭殼底咧踅(sei4)咧遨(qr2), 出現再出現, 伊有咧講, 阿爸六十歲e時瞬, 叨已經為台灣人做真贅代誌矣, 而且寫出「六十回憶」, 來出版, 汝是毋是, 嘛應該噯寫一寡書冊? 經過即款e點醒,我自那心堅意切, 來決定彼時e出書計劃; 一, 整理佮出版第三版e「六十回憶」,這嘛已經設想足久矣. 二, 編寫一本佇台灣社會真正需要e專冊「檳榔e健康危害」. (落尾也, 2000年12月,即本冊由「健康世界」出版 . )

到1997年6月呤, 二哥良信自美國返來台灣, 本晟按算欲參加數學系, 賴東昇教授e「榮退演講會」, 無疑悟遂不幸, 佇台南一間餐廳e地下停車場, 跋一倒, 引起正手爿(bing2)大腿骨e骨斷, 自那送去台南新樓病院手術, 復健,固定, 手術了後真正順利, 毋閣即聲遂(sua)延遷返去美國月外日赫久, 不而過呢, 照伊家己e講法, 即擺e意外事故, 遂顛倒互伊踦衰返福氣, 互伊有閣卡贅e時間佮機會, 留佇故鄉舊厝, 除了伊搪咧寫e第四本數學冊以外, 又閣做一寡真贅重要, 真有意義e空課路, 有影互伊終身難忘安呢 .

其中有一項, 叨是欲來參詳, 有關家父五十冬前自傳「六十回憶」 e修訂佮出版事宜, 彼年七月中呤呤, 二哥良信, 三哥良誠, 妹婿黃東昇, 六弟良平佮我, 挑工撥出時間, 分做二三回, 佇韓內科二樓聚會, 逐傢參詳, 欲以啥乜方式, 來記紀念父親誕生一百週年, 才算上有意義, 結局逐傢完全同意, 應該趕緊閣再重新整理佮印行, 咱第三版e「六十回憶」安呢甡 .
12.

毋閣呢, 到尾也, 逐傢又閣有另外無仝款e想法, 認定講, 不如先配合協助莊永明先生, 來量早先出版, 有關伊即嗎搪咧書寫e「韓石泉醫師e生活命故事」,也呾即本冊已經佇2005年4月15日,由遠流出版社發行, 續落來, 阮拍拚e重點, 又閣返來六十回憶第三版e完成事宜矣, 嗯才佇2005年4月起, 經過一番e思考佮協商了後, 新版e「六十回憶」,叨以「六十回憶修訂第三版:「韓石泉醫師自傳, 韓石泉原著\韓良俊編註」e形式, 開始佇「健康世界雜誌」咧連載 .

佇連載e期間, 逐个月, 我攏吓撰(cuan3)三頁左右e內容, 來給註解, 好倘閱讀; 逶其中e字句, 反覆詳細研究精讀, 整理斷句, 標點, 分段, 卡艱深看無e所在給解釋, 嘛寫出我個人e觀點看法(大部份攏用第三者e語氣),其中若拄著尐數,真偏僻深遂e字詞時, 宛那不辭辛苦為讀者查辭典, 經過三年九個月,即本冊, 自那給完成連載煞矣, 呾吓使出單行本矣 .

第三版 [六十回憶], 佮進前二版e內容, 有下腳無仝e所在:
本版新加入五篇序文, 佮二个附錄, 附錄一來自「韓石泉先生逝世三週年紀念專輯」, 選錄七篇代表性文章, 附錄二, 「無盡e追憶」, 新加入阮小弟小妹, 尹所新寫e追憶文, 詩, 抑若講到原本有欲計劃, 佇附錄二中間, 淑真e英文節譯部份, 也叨限佇頁數關係, 只好忍痛割愛, 映(向)望後擺有機會, 以另一本書方式出版 .

原來e第一二版, 全書無分章節, 為著欲互讀者方便掌握內容,我佇本版將全書分19章, 另外第19章又閣
32

來源：2023 36 台閩文學韓石泉60回憶 (上)/韓p.1-55/韓石泉 22.docx

韓石泉33

分四節, 又閣給號章節號名 ; 我宛那逶中,
有卡無合現主時標點用法e所在, 抑是真長e字句段文, 給整
理分段, 來方便閱讀 .

(三) 本冊上重要e差別, 叨是有新加入454條e註解, 為著欲互讀者閣卡好了解, 我對原書中, 需要進一步來解釋e
所在,特別是我對先父e了解佮感想, 盡量給寫落註解, 甚至講
為讀者來查字典, 了解伊e用字意思佮發音, 雖然即本冊,大部
份以文言文寫成, 即嗎經過安呢一番e註解了後, 拍算(可能)吓凍卡好讀,卡心適安呢 .

(四) 本冊內底, 所有e年代, 除了二三處保留外, 全部改做世界通用e公元年號 .
(五) 我有來感覺, 無定著是第一版e筆誤, 抑是排版時e走精,抑是跨越時代e變遷, 種種原因, 加減有一寡文字障礙, 佮即嗎e語法, 有所增差e詞句, 我有稍給修改安呢; 另外佇一寡所在, 猶保留著「暴徒,光復,共匪,祖國,赤禍」,…. 掛佇偉人頭前空一格e名詞佮寫法, 這宛那考慮著彼時代佮即嗎, 完全無仝款e時代背景, 嘛尊重佇白色恐怖時代, 姑不而衷使用e慣用名詞, 用法, 所以完全無給變動, 拜託讀者見諒叨是 .
(六) 有關第二版內底, 有新加入e「診療隨想續誌」, 即篇文章佮原回憶錄無直接關連, 所以無加入本版e內容 .

    佇1966年十月出版e「韓石泉先生逝世三週年紀念專輯」文章中, 我有捌寫過, 有關文字書寫方面e建議佮寫法, 父親自來叨信任我, 毋閣呢, 映(向)望伊吓來原諒我, 這是最後一擺咧任性烏白改寫, 雖然即嗎閣(復)做了即擺, 我宛那抱著仝款e心情, 來投入本冊e策劃, 整理e空課(工作), 另外閣再拜託, 除了向安息天國e父親, 仝款請求以外, 其中若有更改無好勢e所在, 宛那深深請咱茲親友先進, 多多給阮指教見諒 .

本冊第三版, 吓凍來順序完成, 特別感謝健康世界編輯室丁淑敏主編, 邱春桃美術編輯, 佮其他同仁, 長期為文章連載所做e配合, 幫贊, 嘛真感謝阮家族長期e敬友, 莊永明先生, 佮好朋友賴其萬教授, 伊是和信治癌中心e良醫典範, 尹攏真誠意來答應, 為阮寫第三版e序文 .

除了對各位學者先進, 致感謝以外, 另外阮e家族,嘛真熱忱, 兄弟姊妹, 含心gap命逗肖媵(tin6), 阮袂使給攽(放)��記e, 尹有咧同意提供舊文章, 抑是新寫成追憶文章, 連不幸佇十年前過身e六弟良平, 嘛由尹傢後琬瓔來代寫新文章追思, 講起來, 阮兜全部九个兄弟姊妹, 含二嫂, 妹婿, 弟婦仔等等, 攏總為文抒發追念, 留落來懷念先父e深情, 佇筆尖之中, 全部家族僬到,無欠半人, 即款合和團結, 互我真感心, 感激, 又閣感覺驕傲安呢..

    最後致最大e敬意, 真感謝林衡哲醫師, 佮尹工作團隊, 拍拚來牽成佮鼓勵, 願意促成望春風出版社, 發行即本第三版,互先父e 親寫自傳「六十回憶」,吓凍重從新來問世, 另外,猶  
                              34  
  有一位我e助理林小姐, 一手為我包辦電腦操作文字處理, 真正辛苦, 佇茲宛那致最大感謝, 伊逶頂回仔「檳榔e健康危害」,另外佇「健康世界」近四年e連載, 到即回「六十回憶」出版, 長期以來, 有影認真辛苦安呢 .

即本冊e內容, 已經將老父規世人e酸, 甜, 苦, 澀, hiam,人生百味, 佮伊痛惜眾生, 海湧壯闊e人格, 一一現佇各位讀者面前,我深深來期待, 本冊除了對一般民眾以外, 嘛吓凍提供互現主時, 抑是未來, 從事醫療工作e人士 [尤其青年學子] ,咧訂定抑是調整家己生涯規劃e時瞬, 做一个桌面參考e書冊之一 .

2008年12月3日 , 第11屆檳榔防治日
韓良俊謹誌

最逅致最大\敬意\真感謝林衡哲醫師\佮伊尹工作團隊\拍拚來牽成佮鼓勵\願意促成望春風出版社\來發行即本第三版\互先父\親比自傳\六十回憶\吓凍重新問世\另外\猶有一位助理林小姐\一手為我包辦電腦操作文字處理\非常辛苦\佇茲宛鈉ˋ至

最後致最大e敬意, 真感謝林衡哲醫師, 佮尹工作團隊, 拍拚來牽成佮鼓勵, 願意促成望春風出版社, 來發行即本第三版,互先父e親筆自傳「六十回憶」,吓凍重新來問世, 另外,猶有一位助理林小姐,一手為我包辦電腦操作文字處理, 非常辛 34
佇茲宛那致最大感謝, 伊逶頂回仔「檳榔e健康為害」,另外「健康世界」, 嘛近四年e連載, 到即回「六十回憶」出版, 長期以來,任勞任也呾即本冊e內容, 已經將先父一世人e酸,甜,苦,澀,hiam, 人生百味,佮伊痛惜眾人, 海湧壯闊e人生, 一一現佇各位讀者面前, 我深深來期待, 本冊除了對一般民眾以外, 嘛吓凍提供現主時,是調整家己生涯規劃e時瞬, 做一个桌面參考書冊之一 .第一版題字\序

第一版題字\序 1956

序一我佮韓石泉先生黃朝琴

佇民國9-12年期間 (1920-1923) , 台灣青年,發起了一項文化運動, 目的是欲喚醒民眾, 對日本來爭取自由, 即款運動, 講清跋白e, 叨是反日e革命運動, 即个時瞬, 我猶咧早稻田大學讀冊, 逐年利用歇辣(hirlua44暑假)時間, 返來台灣呤, 一四界去講演,嗯才e瞬呤(於是乎), 自然de去熟似(sai3)著韓石泉安呢 .

韓先生彼時猶(iau)少年, 毋閣醫術真出名; 佇文化運動中間, 宛那是中堅份子, 真有夠力, 伊踦(kia3)佇民族e熱情, 潦落走蹤拍拚, 四界宣傳; 佇各所在, 發表e講演, 攏是針對事實,講甲有影有跡,真正感動人, 其中有足開闊e見解佮主張, 盡磅逗搭真好勢, 嗯才伊真受著民眾e歡迎, 這叨是彼當時, 阮交培淡薄也時間呤, 對韓先生e初步印象 .

毋閣, 1923, 我去美國留學, 尾也返來祖國了後, 也叨海天隔離, 無緣來見面; 一直到光復了後第二冬, 省參議會成立, 韓先生由台南市選出, 我由台北市選出, 攏是省參議員同事, 才閣仝齊來逗陣 .

佇省參議會, 逗陣e五冬中間, 韓先生俥拚喟(kui3)重, 袂輸伊卡早少年時, 伊e言論穩健, 批評實實在在, 自來叨互咱茲同仁所敬重, 嗯才每一擺, 選小組召集人e時瞬,伊迭迭嘛當選, 即个時瞬, 省參議會每擺e大會, 攏有宣言來發表, 起草稿e空課, 攏嘛伊咧發落(念煩落), 伊e內容真充實, 有條有段, 會內外人士,通人謳咾有著, 表現輝煌, 金光摪摪滾, 真正有影哩!

毋閣, 伊因為醫務甚(唸箱)無閒, 一心來救苦救難為民眾, 致使講臨時省議員, 無閣再參加, 無繼續做民意代表, 為地方來拍拚,實在真拍損叨著, 回想228事變發生e時瞬, 有一工, 我搪咧228處理委員會開會呤呤, 韓先生派人送來一封信, 伊講台南市人心惶惶, 氣氛漚(au4)搭, 伊搪咧想法度撟摵(ciaucek31處理)好勢,互社會平靜, 官民相安無代誌, 問我有何指教 ?

彼噹時台北嘛真混亂, 我是無閒甲無啥無示, 情勢緊迫,自那簡單婁(lau4)二句回應伊爾爾, 大意是講「干礁同胞噯堅持冷靜,才吓凍救台灣」, 事後聽兮(ei)��, 伊竟然來用我e字詞, 來四界搭公告佮廣播, 加強呼籲e效果安呢, 咱台南市e鄉親嗣大,普通時仔, 對我e感情猶好勢, 對我猶有信用置咧, 落尾也, 佳哉無發生不幸e事件, 我寫e彼幾个字詞, 雖然有淡薄也幫助, 毋閣大部份e功勞, 宛那是韓先生e號召力佮熱忱, 即款功勞卡大天, 有影逐傢看現現哩 !

韓先生學問豐富, 眼光敏銳, 臹有研究精神, 普遍時仔恬恬(diam6)無話無句, 毋閣一旦佮有講話以上, 奚(he)叨內容豐富

37
清楚實在, 袂烏白亂撰(zw3)亂講安呢, 頻若拄著緊急事件e坎站呤, 伊叨真冷靜來撟摵(ciaucek31), 當機立斷, 閣再提出正確e主張, 盡全力拚勢來完成, 這叨是阮茲同事, 知己e好朋友, 逐傢對伊共同e看法 .

韓先生以花甲之年, 用深銳e筆跡文詞, 寫成「六十回憶」即本冊, 逶伊規世人奮鬥e體驗, 紹介互咱社會知影, 卡大項e, 有關國事世局, 卡細項e, 到日常生活種種, 攏吓凍自本冊中得著知識佮啟示, 真正寶貴, 伊e貢獻真大,叨毋是干礁個人e傳記爾爾, 佇茲, 承蒙先生無棄嫌, 叫我講幾句話, 咱緣份肖(gap5), 友誼至上, 簡單寫到即位, 祝先生康寧長樂福壽無量安呢 !

38
序二
鄭震宇序 1956

15.

人生中間, 肖纏肖犮(pua4) e事態變遷, 連環後續, 一層(zan2)又閣一層,真正是變化萬千, 咱人自細漢到大漢, 到壯年. 到落尾也年老, 其中好歹是息息相關, 因果是自然承擔, 進化論佮因果律e原則, 仝款吓來支配著人生e全部, 佇人類文化e立場來看, 個人猶未出生進前, 人類早著已經存在矣, 文化嘛早著存在矣, 一直到個人過身了後, 人類宛那繼續存在 .

文化, 吓繼續咧向前發展, 毋閣個人e生命短暫, 踦佇歷史e觀點給看,咱人莫(mai4)空空虛渡一生, 做人有來繼承祖先所留落e產物呤, 對茲寶貴e遺產, 若吓凍來給體會享受, 給創造閣發揚光大, 安呢來講, 伊e性命是永遠佮歷史仝存在e, 互咱在生e時瞬, 吓凍得著無限e快樂, 過往了後, 才閣留名後世, 安呢才是一个充滿e人生,才是一个永恆e人生, 這是我對人生e看法 .

嗯才e瞬呤, 我對有關紀錄人生e傳記,自傳, 回憶錄…東西,又閣有我家己e看法, 得著地位是一款e手段, 用來建功立業, 佮造福人全群, 所以講有地位e人, 尤其是時間長久e人, 應
39
該噯有功業, 若有功業, 才有寫傳記e價值, 寫自傳, 寫回憶錄e意義, 若是無值咧謳咾e功業, 無價值倘來景仰e風範, 干礁靠勢權勢地位來鼻sr2牽拖, 「牽強附會」, 甚至假造事實, 想空想縫, 來變更歷史, 來偽造家己e功業, 來欺騙社會, 膨風人生安呢.

譬如講, 某一个國家e總統, 進前有發表回憶錄, 遂來引起真贅事實e辯論佮肖諍(zii3), 叨是實例, 即款人若是家己自信有功業來講, 彼个功業本身叨是傳記e一種, 而且是上有價值e傳記, 致使講做人何必著赫尼急, 欲寫自傳, 寫回憶錄, 甚至一四界去拜託文人給做傳記, 驚無人知影是毋 ?

所以講有名聲地位e人, 噯先看家己, 咁有傳世e功業, 是毋是有貢獻? 免甚計較寫自傳, 抑若講到卡無地位e人, 奚叨無仝款矣, 若準一个人一生e經歷, 有奮鬥俥拚, 互人感念可歌可泣事跡, 有立身處事潔身自愛e原則, 有超俗特別真自在e生活,有愛群愛國e時代精神, 有研究創造, 有成就, 著兼善天下, 若是無成就, 奚著干礁自我獨善其身e哲學報負爾爾, 即款e人生, 也叨無地位, 致使講無人替伊寫傳記, 所以講即款人, 叨有寫自傳佮回憶錄e必要性佮意義矣 !

我佮台南韓石泉先生, 近年來有交陪, 毋閣逗陣e時間甚短,我所看所聽e韓君生活, 真贅所在, 互我真謳咾佩服, 現時我讀伊e六十回憶, 閣卡相信聖哲所講「十室之邑,必有忠信」,我真歡喜來寫序文, 嘛加減表示一寡我對人生e 看法 .
中華民國45年9月
40

來源：2023 36 台閩文學韓石泉60回憶 (上)/韓p.1-55/韓石泉33.docx

韓石詮 41

引言侯全成

台南市興文齋主, 林占鰲給我講, 咱韓石泉醫學博士, 寫一本「六十回憶」e著作, 汝佮伊交陪真深, 拜託汝佇冊頭前, 給寫一篇序文, 後來伊看著博士, 嘛仝款安呢講; 互我心頭真正歡喜叨著, 毋閣全成重從事省政空課, 南北奔波, 安呢無閒莿莿, 毋但是無時間爾, 而且家己文筆無好, 嗯才躊躇足久e, 落尾也, 安呢想閣再給想, 看著石泉先生迮尼長篇巨作, 有影真有意義, 自那毋敢來給推辭安呢 .

古早有話「前事不忘,後事之師」,若講到回憶錄, 毋但是個人年譜e記錄爾, 嘛吓使提供仈人, 來做為人處事e墨線, 伊吓凍互人來檢討過去, 拍拚現時, 策劃將來, 做一个記錄參考, 汝咁無看著, 美國杜魯門佮英國邱吉爾, 尹二人e回憶錄否? 美國英國近代e政治, 靠伊掠著根頭, 大發展旺廣以外; 另外即个世界, 幾十年e變化,嘛吓凍暗中給偷瞻(siam) leh, 看伊e空頭長短, 奧妙秘訣, 所以講名人回憶錄, 真有珍貴性, 搭搭叨有影哩 !
石泉先生, 是咱台南市醫界e先輩, 佇本省名醫內底, 名聲浮夯, 有影無幾个爾爾,即嗎伊有欲將回憶錄,公開傳世, 真正福氣, 對伊來講, 普通時仔醫療方面疑難雜症e心得,給書面記錄
41
起來, 做醫界e參考資料, 另外一方面, 對業務外e社會服務,種種歷史資料e收集, 宛那吓凍互茲後代e自由民主人士所參考, 安呢叨吓來, 促進社會進步佮人群福祉, 若準因時因地來評論, 嘛吓凍佮杜魯門邱吉爾e回憶錄, 做仝款e貢獻,叨真正看現現哩, 也呾即嗎給印刷出書, 互咱茲台南文人雅士, 隨人一本, 肖爭傳閱, 逐傢氣氛摪摪滾安呢 .

先生自總督府醫學校卒業彼時瞬 , 我拄好進入學校, 一直到我遊學返來, 佇故鄉開業呤, 才吓凍受著先生來牽教, 有影是相見恨晏(晚), 對先生「言顧行,行顧言」言行一致e作風, 早著互我心肝頭欣羨足久矣 .

先生逐擺當眾發言e時瞬, 言詞溫純, 並無硬拗強辯, 毋閣伊立意高遠, 又閣勇氣十足, 敢講人所毋敢講e, 言詞簡單意思深入, 內容幼秀, 詳細逗搭, 互聽眾真感心, 真正竄根入骨威威鑽, 佇咱人生e哲理做人方面, 有真大e啟示安呢甡 .

先生, 生性聰明, 又閣拍拚讀冊, 佇醫學校e時瞬, 考試逐擺嘛占頭前; 尾也嘛考牢官費生, 卒業e時瞬, 全班第一名, 互眾人謳咾有著安呢, 尾也, 伊遊學日本熊本醫科大學, 成績優秀,得著博士學位, 真正光彩, 真正至揚, 伊在學佮研究即段時間e表現, 真正咱茲讀書人, 做了有起呢 !

佇家庭方面, 先生對傢後e用心撟摵, 宛那真有智慧, 開始e時瞬, 選定對象,慢慢也陶冶培養氣氛, 兜兜也來牽成, 進入美好佳境,共謀幸福, 絕對毋是普通人,安呢趕趨趨急燥速決e彼
42
款戀愛型, 吓凍來比憑, 先生佇戀愛期間, 對牽手e德, 容, 功,言, 詳細觀察, 有五冬久, 佇即段悠久e歲月內面, 有時仔以師生相待之禮, 有時仔以兄妹之情逗陣, 攏吓凍「發乎情,止乎禮」, 汝給看, 一个血氣方剛e少年人, 佮端莊美麗e少女來往交陪, 互相扶持逗陣, 戀愛五年赫久, 宛那袂顛誕(唸定擔,差錯), 即款純潔e愛情, 普通人真奧做吓到, 毋閣先生無問題, 古早冊詩經關椎章有「窈窕淑女,君子好逑」e字句, 真正是先生上好e範例安呢 .

先生婚後, 迭迭給人講, 全世界e女性, 者者叨阮牽兮, 上介材情, 這是先生即世人, 上介至揚e代誌, 落尾仔真正愛情專一, 絕對無顛誕; 講起來, 真正模範家庭中e模範父親, 咱茲台南鄉親嗣大, 通人嘛謳咾有著, 先生e品德崇高, 醫學淵博,, 仁心仁術, 做人處事是僬僬僬(ziau2), 仁仁仁; 另外佇公家服務即方面, 宛那互咱茲院長, 同僚, 所讚佩感心, 謳咾伊是模範醫官, 抑若懸壺開業呤呤, 奚叨全心救苦救難, 毋敢心忖大趁大貿e雜念, 嗯才咱茲鄉親, 叫伊道德名醫安呢 .

尤其進一步, 先生e為人處事, 毋但是以醫術高明, 而且又閣是心忖民族意識e革命者; 佇日本時代, 佮蔡培火等等先輩,仝生死, 共患難, 毋驚任何犧牲, 決心潦落深窟, 來抵抗異族殖民統治, 伊無受威脅,無噯錢銀,含心gap命來肖媵互人壓迫e同胞, 給幫贊, 給教育; 咱台南所在, 人文風氣吓浮夯(qia2),逐傢攏認定是先生e致蔭, 啟發, 有影功勞看現現哩 !
43
光復了後, 先生參與政治, 有做過省參議員, 秉持愛國之心,發表濟世之言論, 用詞論政, 不偏不激, 溫和理性, 真正是眾人謳咾e公道伯仔, 是咱省議會e好模範安呢, 彼時黃朝琴議長佮各位議員同仁, 政府大官員, 攏嘛真尊敬伊叨著 .

先生e為人處事,普時仔秉持忠恕之道, 來造福渡眾生, 若拄著變故, 伊宛那無惜家己, 勇敢發揮智仁勇, 來事權變通, 撟代誌,安定社會民心, 發揮真大e效果安呢,; 佇228事變e時瞬, 人心惶惶, 社會驚動, 一四界悽慘坐掛, 先生佮全成, 仝齊勇敢潦落處理危難, 有一工早起,咱茲鄉親群眾, 逐家約好佇議會大禮堂面頭前,逗陣聽候解決代誌, 毋閣彼時有照品照約束, 來現場撟代誌e頭兄, 干礁先生佮李國澤佮我三人爾爾 .

無外久呤呤, 群眾愈kii2愈贅愈大陣, 挨挨陣陣摪摪滾, 現場喚(hua4)嚷cr4罵, 氣氛激動, 勢面恐怖歹紡, 即个時瞬, 先生真冷靜, 自那來祈禱上帝, 咁噯來承受即个十字架? 逐傢仝齊跪地祈禱, 祈求上帝e暗示, 落尾也阮三人e意見仝心仝意, 決心以贖罪e心晟, 無顧家己生命e危險, 甘願潦落去, 出來給民眾宣導政策, 安撫民心這个中間,經過真贅e撟摵佮艱險, 代誌硬斗歹紡, 最後好佳哉靠主e保庇, 賜互咱偉大e力量, 以揹(paai3)負十字架精神感召, 互咱台南市無代誌, 損失是全台灣上輕安呢,認真講起來, 即層代誌, 先生e領導,貢獻上大,這逐傢看現現哩, 即段歷史e祕密, 定著袂使給攽袂記e安呢 .

先生真注重地方e公益事業, 除了行醫以外, 嘛身兼數職, 來領導社會, 譬如醫師公會理事長, 紅十字支會長, 毋但十外
44
項安呢, 另外嘛真注重查某囡仔e教育權, 伊貢獻社會, 功勞真大,伊用心計較, 暝日拍拚全心全力, 去走蹤運轉, 來復興咱台南光華女子中學, 辛苦經營, 到今仔日, 學生仔桃李滿古都, 宛那咱台南e福氣安呢 .

總是, 先生e做人, 明理通達, 伊一世人e成就, 暫時以二階段,來給評論; 前半段三十冬, 先天優良基礎讚, 閣再加上後天e拍拚勤讀, 真正有學問有人格; 後半段即三十冬, 宛那利用前半段e優勢基礎, 進一步來追求基督教真善美e人生觀, 佮實現愛心e服務精神, 來貢獻社會, 咱台南人士有咧謳咾, 先生「至善至美, 今之完人」, 真正是公道磊斗安呢 .

甚至映(向)望, 先生多多顧身體, 多多顧營養; 互伊歲壽一冬一冬延長, 永遠推行益世事業, 服務社會安呢甡, 這是我全成所祈禱, 所祝福所映望e代誌安呢, 抑若講到全成有今仔日福份, 實在是受先生有形無形e薰陶; 佇茲「感懷厚德,欽遲高風」,實在無法度宣揚先生偉大事功e萬中之一爾爾, 我e文詞無好, 夯筆卡重夯鋤頭, 若有無妥當e所在. 才拜託各位先進, 多多給阮包涵安呢 .

( 正文開始 ) 序文

佇日本時代, 我韓石泉,心肝卡偎祖國, 思想看法, 不時流露佇文詞章句中間, 毋閣大正十二年 (1923) 十二月, 官廳兮(ei,政府)以違反「治安警察法」e名義, 硬來阮兜搜查, 逶我厝內五本日記, 強迫送去檢查局e預審庭檢閱, 自安呢了後, 我真正凊心(灰心)矣, 真貧惰閣再去寫日記矣, 這是我精神上, 頭一擺受著打擊, 尾也; 檢查e結果 ,真歹勢, 有去拖累著某女士, 害伊受刑事來追問; 也叨,伊有捌佮我通書信安呢; 全部e日記,雖然佇結案了後,由法庭退還, 毋閣真歹運,落尾民國34年3月1日下晡一點, 美軍飛機來轟炸了後, 即聲厝內慘矣, 含日記,家具,財產, 攏總互伊炸燒了了矣 .

也呾(adaa話說)日子真緊, 春來秋去, 目睭一下暱呤呤, 又閣過去十外冬矣;每一擺, 頻若想著欲重寫日記, 叨因為醫務無閒, 遂(sua)無法度來夯筆, 最近有看著幼孖良憲, 干礁九歲爾, 才讀進學國校三年級, 叨吓曉逐工自動來寫日記, 若準吓凍繼續寫落去, 給保存好勢, 莫(mai4)計較代誌麻煩長短, 實在是一生真有價值e記錄安呢 .
我即嗎食到花甲之年, 雖然普通時也, 認真細膩, 毋閣真見羞(siau3) ,無啥乜成就, 實在是受著經濟, 家庭, 環境, 生活,
46

種種e困境, 遂無法度來發揮所長叨是 ,…最近接著好朋友杜聰明兄, 送來e杜聰明言論集書冊, 心肝頭有咧按算, 呾食迮尼老矣,日後即幾年中間, 感慨人生幾何啊 ? 若準吓凍將一生e言行, 趁記池想吓到e所在, 緊給記錄起來, 倘留互後代, 雖然一生無啥功勞, 即嗎將平凡e事跡給回顧一下, 宛那真有意義安呢; 毋閣呢, 我這小人物, 細腳兮爾爾 .毋敢佮歐美偉人, 邱吉爾杜魯門e回憶路肖比評, 安呢是無妥當啦, 吓夆笑啦 !

出世佮做囡仔時代

19.

日本佔領台灣二年了後, 叨是民國前5年( 1897,10,27 ;舊曆10月初2), 我出世佇台南, 先父斗華公, 曾經佇廈門逃難e時瞬, 飲(lim)��甘泉好水, 替我與取名「石泉」來做紀念, 即个號名, 我真愜(ga4)意, 嘛真好勢; 也叨伊表示「清泉石上流」e意思啦 !

甲午滿清戰敗, 割地求和, 台灣有志之士, 一四界溢來欲反抗, 毋閣實力無夠, 到尾也, 勢面絕望, 孤立無援, 嗯才屈辱哭苦, 互日本仔喚(hua4)起喚落, 做青柴來騎, 互人凌治甲無聲無示, 彼時瞬, 有e人無噯做日本e順民, 自那, 紛紛躲(vi4)返去唐山來避難,阮老父, 宛那佇日本進佔台灣之前,cua3著厝内大細, 離開台灣, 避返去廈門安呢.

好佳哉, 佇廈門生活踦(kia3)起安全; 毋閣落尾也, 有聽著, 日本兵扑(打)入府城e 時瞬; 一寡袂赴閃避去唐山e人, 互人燒殺侮辱, 悽慘落魄, 虐(lek5)甲袂講了了, 甚至講, 有e踦傢, 厝內嬰仔啼哭, 驚也, 去互人發現, 自那心橫忍痛, 活活給捏(ni4)死, 有影是悽慘坐掛, 天下大悲劇, 這叨是咱台灣人互異族凌治e苦齣, 一幕又閣一幕, 連肖續搬落去 .
48
等局勢安定了後,彼年寒哴, 先父又閣cua3阮厝內大細, 逶廈門返來台灣; 阮兜蹛佇孔子廟e面頭前, 佮廟宇門戶肖對; 佇su當時, 台南第一公學校, 設佇孔子廟內底, 我透早一下聽著鐘聲呤,叨由後門拚入去讀冊,一直到五年級e時瞬, 才轉入去海東書院就讀, 卒業e時瞬我14歲, 亦著是民國前二年 (1910) .

先父返來台灣了後, 一時尋無頭路, 致使講厝內生活乏搭(hada45)艱苦, 規工咧怨歎吐大喟(kui3) ,好佳哉, 阿母逶卡早嫁妝東西,提去當去賣; 抑是私下去借錢, 來渡日子生活, 實在是無噯互先父煩惱��呢. 講起來阮阿母真賢淑, 有影難能可貴啊 ,落尾也先父, 有稍寡知影, 若拄著債主來討賬呤, 嘛迭迭假佯破病, 毋敢出面, 一切單獨由阿母來應付, 即幕人生戲齣e甘甜苦澀, 講起來宛那真感慨, 真心酸安呢 .

su當時, 先母吓佮先父訂婚, 完全是尹老父(外祖父)e意思, 彼e年代, 先父「家道中衰」, 厝內乏搭無錢, 一箍人溜溜; 毋閣, 外公真欣賞伊e材情學問, 嗯才願意將查某孖嫁互伊, 而且出錢互伊渡海, 返去福建考官試, 真可惜干礁仲秀才爾, (無考牢狀元), 落尾也, 日本人佔台灣地, 又過無外久, 外公嘛過身矣; 尹大兄強欲解除婚約, 毋閣先母心存志氣, 堅心意切來完成婚嫁安呢 .
婚後e日子, 艱苦坐掛真無額, 毋閣先母無咧怨歎, 夫妻生活美滿, 自來逗陣, 叨毋捌肖犮(pua4)顛誕有差錯, 真正是相敬如賓, 模範夫妻做了有起安呢, 也叨頻若先父破病, 哀苦病床e時瞬,先母著真細膩來奉待湯藥, 嘛迭迭背誦四書,來解破心情ut悶,先母e記池臹好,精通四書註解,也叨做囡仔e時瞬, 老父特設
49
獎金, 熱誠來鼓勵著e, 另外有關祖先佮親戚e生日,做忌, 伊攏吓凍記甲牢牢牢, 絕對袂顛誕, 安呢聰明智慧,互人真正給謳咾.

尾也, 先父創設私塾來教育子弟, 叫做「尚志齋書房」,學堂設佇天壇內, 有真贅人來參加, 毋閣經營幾年了後, 日本政府, 強迫伊來搬遷, 伊e理由是講, 學堂離公學校甚(唸箱)近, 吓妨害日文教育, 嗯才姑不而衷搬離市中心, 徙(sua)去卡偏僻e「老古石街」,佮阮阿俗叔蹛肖隔壁, 先父名子星, 字斗華, 阿叔名子明, 字邦光, 二人攏佇光緒己丑年考著秀才, 先父考第三, 阿叔名列第十七, 兄弟仝就榜單, 一時間, 咱茲鄉親, 臹給恭喜安呢 .

家父刻苦耐勞有氣魄, 無論大細項代誌, 攏親身親腹, 總管顧到完滿逗搭; 而且品性端正, 守身如玉, 家庭吓好勢, 吓合和, 有靠先母聰慧好女德, 另外嘛是先父對家族e愛心, 宛那久久長長, 做人真正是「專一忠心」安呢 .

我七歲e時瞬, (約1903), 開始接受重慶寺私塾e蔡老師, 來給我教文開示, 吓記咧彼時, 猶僎(cuan3)香燭, 紅卵(蛋) ,來做拜師禮, 向孔子公跪拜了後, 蔡老師踦佇我身軀後壁, 紅蛋逶身軀後e塗腳兜, 遴(lin4滾)向頭前, 經過褲腳, 看伊路線e彎直, 來判斷學徒是聰明抑是呆戆 .

蔡老師自來qen4鴉片, 教我「三字經」e頭前四句了後, 遂真
50
爽勢,來倒佇眠床咧巴(baa6)鴉片, 安呢吞雲吐霧茫酥酥, 無外久呤, 遂來咕咕(goo3)叫真大聲, 睏甲真落眠, 害我戆戆踦佇身邊,毋知置時才吓好勢 ?即聲愈想愈驚, 自那放聲大嚎, 即時瞬, 蔡老師洶洶遂睜神著驚, 目神給我瞵(qin2)一時仔, 也叨待念囡仔人初學者, 毋甘來責備, 心頭稍隱忍e, 給我安慰安呢甡, 無外久, 阮阿兄入來, cua3我返厝內, 阮阿爸待念我猶細漢, 叨無勉強閣再讀冊 .

過返年呤, 我已經八歲矣, 才進入第一公學校讀冊(即嗎南師附小e前身), 修學期限是六冬, 校長鈴木金次郎, 稍寡吓曉台灣話, 茲公學校e老師內底, 印象卡深兮,叨是五年級e井上仙佮六年級e下川仙, 另外漢文仙王鍾山(伊是尾溜也王受祿博士e老父)爾爾, 學生e中間, 年歲頂下差真贅, 卡贅歲e同窗兮(同學),漸漸青春, 對男女代誌漸漸心適, 佇放學了後, 迭迭吓創治茲查某囡仔, 言語粗魯, 咧夯癡哥神哩 , 叨算講, 受著老師慘重來給處罰, 尹宛那無咧驚, 另外即陣人, 性地夯狠(hiong2) ,歹癖橫磅磅(biang4) ,不時吓欺侮凌治人, 我嘛捌去互伊惼(pii6)有著, 即嗎想起來,有影臹驚惶叨是 .

有一擺, 我去互一个同窗兮, 扑(打 )傷尻脊py, 拚返來厝內, 哪哭哪唗, 阿母自那cua3我去學校, 給井上老師投(申訴), 阿母用台語濫落日語, 講到我夆惼(pii)夆扑e苦楚, 「也呾囡仔人, 驚落心腹, 大聲咻喚, 有影臹夭壽…」, 即款代誌已經四十外冬矣, 到呾宛那記甲牢牢牢, 彼時代小學e教師, 對學生囡仔督教e中間, 用刑硬弓, 注重體罰, 腳踢手扑, 真正庶常安呢 .

51
一寡茲卡蠻皮e學生, 迭迭嘛去夆槓甲頭腫肉青, 血水貢貢流,算起來無安呢, 宛那無法度叨著, 猶(iau)閣有e學生, 閣卡歹失德,作惡多端, 號名「土匪,肉砧」, 做人安呢歹心毒行, 真正害甲袂講了了, 井上老師, 算是教師內底, 上介溫和者; 迭迭以「捻」來代替「扑」, 雖然互人講是查某人體, 毋閣我實在真佩服伊用心良苦啊 !

佇茲, 閣再講到先父, 佇天壇設私塾e情形, 先父佇我讀小學了後, 佇天壇經文社內, 設私塾教學, 收學生數十名, 教尹三字經,千字文,四書,左傳,古文,唐詩, 詩經,尺牘, 珠算,書法…, 按照尹e程度, 學生隨人所用e教材無仝款, 須要暗念(背誦), 解釋, 寫字, 寫批….等等; 商業子弟, 叨教尹商業通信, 若準有e學生, 頭殼卡鈍, 記池卡醜e; 叨兜兜也(慢慢的)給牽教, 一步一步, 互伊了解; 另外若是品行無好者, 叨給扑手板, 抑是罰跪, 教學真嚴硬, 叨算親甡e孖兒, 宛那無寬赦(原諒),另外,逐年頻若孔子公誕辰, 叨搬戲請人客, 鬧熱滾滾安呢甡 .

逐工, 頻若小學放學了後, 我先去先父e私塾讀冊, 我e漢學根底, 佇茲cai3甲在在在, 也叨我記池自信真好, 而且迭迭有咧餾(liu6複習)咧讀, 致使講, 頻若茲長篇e古文, 如左傳, 四書,我攏吓凍背甲熟熟熟, 一絲叨無顛誕, 致使講,彼時e廟公任癸叔仔, 有一擺來窘耍笑講若準汝是阮后甡(兒子), 我甘願逐工買一斤肉來賞汝, 講話中間, 簡那有其他意思e款 .

52
幾落冬了後, 我小學(公學校)卒業e時瞬, 已經吓凍了解三國演義, 西廂記, 水滸傳…小說; 毋閣呢, 其他「二度梅」佮其他e戀愛小說, 奚叨袂使看e, 老父有所禁止, 干礁吓凍佇睏眠前, 踮蚊罩內偷看爾爾 .

先父, 日時仔佇天壇, 暗時仔踮厝內, 設夜間班來教冊, 落尾也, 日本政府為著欲實行同化政策, 遂來取消學校e漢文課, 而且禁止私塾, 即聲家父e私塾, 仝款互人取消去矣, 落尾也搬去老古石e所在, 繼續開班授課, 也叨彼个所在, 離市區卡遠安呢, 真不幸, 因操勞過度, 先父遂佇民國五年(1916)來過身, 互茲孖兒嗣細真正哀��, 享年49爾爾 ,哀哉 !

我讀小學五年級e中間, 身體虛弱, 不時吓婁屎粘血; 昏倒幾落擺, 安呢屎血拖連規百回, 迭迭寢(剛 )婁(lau4)煞呤, 又閣想欲攽(放),來來回回, 虐甲艱苦坐卦, 眠床倒nua4規半冬, 咱台南市有三个醫生, 尹攏診斷症頭食力(嚴重) ,救袂活啦, 尾也, 我去台南病院蹛院, 彼時叫做山病院, 院長是氏原均一, 阮仝間病房內底, 含我攏總四个人, 無幾工呤呤, 遂連續病死三个,我真正著驚, 趕緊辦出院安呢 .

好咧佳哉, 院長真好意, 特別派高再祝醫師(高俊明尹阿叔) ,逐工來厝內診視, 經過幾月日了後, 真好運, 遂治好勢矣, 身體恢復健康, 佇彼个年代醫藥猶未發達, 我e病原, 究竟是「阿米巴」抑是「細菌性赤痢」?診斷無明確, 嘛無特效藥,我吓凍來
53
克服病魔e折磨, 干礁靠家己e抵抗力爾爾, 身體吓復原, 宛那是天公伯仔有保庇哩 !

破病了後, 規身軀消瘦落肉, 染病即半冬呤, 干礁倚靠牛奶膏佮米湯, 來補充營養佮喟力哩, 叨安呢, 年久月深, 才漸漸好勢, 毋閣呢, 即聲頭毛遂茖(lak)了了, 偆無幾枝爾爾,阮給縛(bak5)做一cok5, 津落頷頸仔邊, 溜溜秋秋真奇怪, 去學校e時瞬, 互同窗兮給啼笑, 即段時間, 有影是我即世人, 上介ut卒落坑e日子安呢 .

我入院了後, 阿母雖然三寸金蓮, 縛腳縛手, 宛那逐工來探病幾落回, 即个時瞬, 二姑仔佇我眠床邊, 誦念佛經來祈福, 聲聲句句, 充滿耳空心腹; 也呾時間過了臹緊, 叨已經五十冬前e代誌囉! 隨後二位長者, 連肖續過往消身, 唉! 百年e世事; 真歹按算,有影「景色依舊,人事已非」, 實在感歎無量 !

我破病e時瞬, 學校方面有搭出告示, 警戒茲同窗兮, 毋倘烏白亂食物件來致病, 也叨彼時瞬, 青羨仔(土芒果)大出, 我真興即味兮, 遂逐工逶(ui4)阿爸遐提錢, 互我買來食, 囡仔人iau6(餓)鬼(愛食), 遂來著重病, 即嗎給想起來, 宛那真著驚哩 !
彼時瞬公學校(小學), 原先有設教漢文e課程, 來教一寡簡單e漢文; 一禮拜安排幾節課, 老師是王鍾山先生, 伊做人慈祥溫和, 毋捌來鞭打學生, 顛倒遂互一寡頑皮,歹癖e學生,來給創治揙弄,真正委屈叨是,逐擺欲教新課程e時瞬 ,叨先叫我讀一遍,

毋閣遂引起一部分同窗兮甕肚(嫉妒)凝目, 給我刮洗啼笑, 害我四界來閃避, 真正見羞(siau3)唗無路, 茲種種e乏搭款, 實在謔(qek,丟臉)甲袂講了了 .

做囡仔時代, 夆凌治摧殘, 互我養成堅強忍辱e個性, 佇起腳落手e中間, 對我一世人為e人處事, 真有幫助叨著, 另外一个漢文老師, 即嗎宛那猶紅膏赤ci4, 精神真好, 而且享受古希之年e高壽, 阮真給恭喜, 奚叨是許子文老師 .

卡早同窗e朋友, 卒業彼噹時有63人, 呾即嗎偆無四十人爾爾,阮不時來食會逗陣, 懷念古早e代誌, 真正是感慨萬千, 其中薛增益好朋友, 真敖做詩, 伊寫一首詩來記錄, 佇茲, 我給抄落, 逐傢來懷念安呢 .
(還童宴)

聊設還童晏意情五十年
談心浮綠螘搔手問蒼天
友聚無憂島詩吟不老篇
小陽春日暖醉裡話桑田

          癸巳聖誕夜  作於桂園

來源：2023 36 台閩文學韓石泉60回憶 (上)/韓p.1-55/韓石詮 41.docx

第六七八九十章韓96

第六章韓莊式e結婚典禮

1926 (大正十五年3月27日) ,鸞妹逶台南第二高女卒業, 幾落工了後, 阮踮台南公會堂, 來舉辦閃電式e結婚典禮, 來賓幾百人, 彼時我猶未信基督, 無來用宗教儀式, 嘛無愛用舊式e婚禮; 嗯才決定採取一款無人有e特別儀式, 算講是空前絕後「韓莊氏e結婚禮式」 ,阮即擺雙人結婚e經過 ,佇六七冬了後, 1933年元旦,台灣新民報e副刊, 有來登載一篇「酉年誕生e人士」, 伊e內容安呢記述 :

韓氏佇台南病院e時瞬,經過朋友e紹介,佮綉鸞女士來熟似,拍算是月下老人,已經佇五百冬前,叨來姻緣註定,結為終身e牽手,搪噹綉鸞女士投考台南女中e時瞬,韓氏特別陪伴伊去考場,考稠了後,又閣送伊入學; 自安呢了後,若有閒有時,奚叨形影不離,雙雙肖招遊山玩水,有時嘛認真來牽教伊讀冊, 也呾時間真緊,四冬了後, 綉鸞卒業矣,佇茲大正十五年三月,踮台南公館舉辦結婚儀式,毋閣尹e婚禮形式真怪奇(gok-giak55) ,即對新人,向親戚來賓, 仝齊合聲來唸宣誓書, 伊原文是安呢 :

「結婚宣誓」
阮二人,自大正十年(1921)6月26到呾,大概有四年十个月,
96
即个中間, 阮行過真贅生活e考驗, 一路無變,真好勢真逗搭, 今仔日佇即个神聖e場合,阮歡喜同意結婚, 但願今後e日子, 隨人噯擔起責任,相親相愛, 到永遠永遠安呢, 行出尪嫫合和善良e大道, 盡做人上大e責任, 僅此宣佈佇諸位先進e面前

                            大正十年三月三十一日  
           
                              韓石泉    莊綉鸞

親象即款, 逶自由交陪到完滿結婚, 佇彼噹時e台南市, 敢破除舊風俗, 實行新式婚禮, 宛那真難得真寶貴啊 !
我對婚禮改革e要點是安呢 :
*廢除厚禮數, 莫(mai4)複雜麻煩, 一切要求簡單 .
*無注重嫁妝, 尤其袂凍排出大sy6殼,大只銀票 ,來展財源豐富.
*廢除伴嫁來e查某間仔, 來追求人道e立場佮道德要求.
*除非真尐數e至親好友 ,鬧洞房以外, 無歡迎看新娘,逗熱鬧e一般觀眾 .

佇茲, 我順續嘛真歡喜來講, 阮阿母, 對我揀選牽手佮結婚方式, 攏是聽我e意思, 一絲叨無反對, 我佮鸞妹訂婚了後, 伊才去錦治小姐尹兜看新婦, 頭一擺來見面, 返來了後真正滿意, 對我e決定, 絕對信任無第二句 ,嘛袂去痚遐舊風俗, 實在是真理解, 真善良e好母親 .
41.
97
我結婚了後第五工, 開始做一个半月e蜜月旅行,由基隆港坐船到日本神戶, 大阪, 京都, 東京, 日光…落尾才閣坐船去上海,去集美,由廈門返台灣 .

日本e春天, 櫻花開開開, 紅豔影目媠咚咚, 而且又閣有好朋友, 逐傢逗陣憩陶(仁南,安息,洪南,振純) ,隨意來去, 行踏出入,享受人生,真正心適; 佇海濱鐮倉風景區, 停留半月日, 彼个時瞬, 集美學校校長陳敬賢先生, 為著欲治療肺病, 聘請日本人藤田靈齋來學靜坐法, 借一間日本人e別莊來蹛, 我受伊真熱忱款待, 毋閣真拍損,咱敬賢先生, 也叨長年帶身命以上, 遂不幸過身去, 唉 !可惜啊, 阮深深感到不捨 !

另外咱仁南君佮淑賢小姐, 宛那佇彼e時瞬, 來鐮倉所在 ,舉行結婚禮式, 尹雙人逶訂婚到結婚e過程, 佮我情形仝款, 毋閣呢, 尹佇婚期無外久進前, 仁南君遂親身導演著, 一幕愛情試探驚險e生活戲齣, 伊逼咱淑賢小姐來遵行, 雙人拚到日本地, 婚禮踮「海濱Hotel」舉行, 正門所在,懸掛中,日雙國e國旗, 遂引起日本政府給干涉 ,咱仁南君自結婚了後, 搬去東北大連醫院e外科服務, 共產執政了後, 袂赴辿(suan)返台灣,呾即嗎猶停留佇大連, 伊是一位老實, 食苦, 認真學問e基督徒, 互茲地方e民眾, 真給信賴, 落尾也, 伊踮大連市開業, 叫做仁和醫院 .

佇日本一四界行踏了後, 我佮安息君仝齊坐船到上海, 停留三工, 除了去幾落位娛樂所佮觀賞北京正音(平劇)以外,無啥乜記池, 落尾也, 坐船到廈門, 參觀集美學校, 校長叫葉淵氏,學校e規模盛大, 曠闊, 膨沛; 包含幼稚園, 小學, 中學, 師範學校,
98

水產, 商業….等等, 真磊斗(華美) ,宏偉安呢甡 .

洪南佮德和二位先進, 尹前後做過學校e校長,阮季弟石麟, 內弟茂林,佮黃振君, 嘛攏是集美中學出身兮, 佇彼个時代, 欲去唐山(大陸)讀冊, 是真硬斗e代誌, 而且吓互日本仔政府拮(kio4)恨, 佇歇辣(暑假)返台e時瞬, 彼陣日本仔特務, 安呢一驗遍又閣一遍, 挑工來調查來為難,實在真正麻煩艱苦, 所以講, 若無絕對e決心耐心, 甘願受苦受難, 奚(he)是真奧讀到卒業叨著 !

第七章韓內科醫院開業初期

我佇1928(昭和三年)三月, 踮目前茲(zia), 經營「韓內科醫院」, 佇彼个時代, 開業醫生, 有來標示專門科目者, 我者者是搶頭香兮叨是, 彼瞬開業醫生尐, 毋閣傳染病真贅 ,尤其是嬰仔,幼囡仔, 真敖著病, 我彼瞬賭著少年傢仔身體勇, 全力潦落俥拚,病院患者贅贅贅, 摪摪滾 ueue陣陣 ,強欲做甲袂離, 逐工安呢門診百外人, 無閒莿莿叨是 .

彼時雖然有設病房, 毋閣呢, 並無病房專用e出入門, 致使講若拄着重症, 抑是已經往生e患者 ;奚叨真歹撟摵(處理) ,吓記咧開業無外久呤, 有一位好業(額)人e查某間仔( 女僕 )來求醫, 入院了後 ,遂「不治身亡」 ,過身去矣 ! 尾也, 有人控告主人給苦毒害死,欲追查罪行嫌犯, 嘛有講到死因佮死亡時間東西…尾也, 惹起真大e麻煩, 才有感受著咱醫療工作, 隨時噯真鼎真, 真張弛( 小心)謹慎叨著 .

結婚了後, 佇1927(昭和二年二月) ,長女淑英出世 ,伊踮日本白川小學卒業了後, 才入熊本市高等女學校讀冊 ,返來台灣了後 ,閣再入台南州第二高女就讀, 1943卒業矣….現主時 ,病院所在(本町4丁目195) ,佇開業進前 ,用一萬日幣向小原氏買入來,
100
閣再裝潢整修, 另外又格以日幣六千箍, 買入阿本仔車氏e厝屋, 本町220所在, 一直到1940留學日本返台了後, 才攏總給砌(ki)做病房, 我佇開業中間 ,醫務繁重做袂去, 嗯才迭迭到下晡2-3點 ,才食中晝(dau3) , 暗時仔幾落擺, 吓互患者吵睜神 ,我安呢日夜操勞 ,強欲摯節袂牢, 有影醫療e空課拚袂離 ,遂來致著胃潰瘍e症頭, 不時吓出血安呢甡 .

逐擺胃出血, 卡短期半月日 ,卡長期月外日 ,攏噯強迫歇睏修養 ,彼時瞬賭著少年身體勇 ,毋知珍惜生命 ,雖然病後瘦骨如柴, 宛哪含心敆(gap)命 ,認真潦落俥拚 ,無咧管顧身體好醜 ,嘛無去想茲代誌 ,唉 ! 即嗎給回想起來, 實在真戆(qon6)叨著 , 叨頻若想起少年時瞬 , 認真拍拚 ,無暝無日,真正拍損…好佳哉呾即嗎食老, 遂顛倒粗勇, 實在無簡單,人咧講 ,「青瞑兮毋驚槍」 ,拚閣再拚 , 我e一生 , 真正摪(ciang2)了有起哩 !

我開業e初期, 自1923-1929(大正12到昭和4年) , 即七冬e中間, 攏總開出546个死亡證明, 含查埔309人, 查某237人,自殺3人 ,死產3人 ,慘死1人 ;其中自殺有一个人, 伊互餅店倩(cy3雇用) ,主人有金器著賊偷, 伊去夆誣賴做賊仔, 互警察苦毒刑求, 苦哀擋袂稠, 承認了後, 欲返去店內提贓物, 剛入店呤 ,趁刑警無注意, 自那逶水缸 ,提出大罐e庚油 ,大嘴大嘴吞落腹內 ,等我趕到e時瞬 ,自那無噓無喟 ,神仙無法哩 ! 伊欲死進前大聲嚷罵刑事 ,殘忍酷行 ,一定欲報仇 , 代誌真悽慘….落尾也 ,真正兇手掠著, 刑事受免職e處分 ,流浪街頭 ,毋知唗去佗位仔…其他二个人 ,一个放蕩 ,一个厭世 ,慘死者是囡仔 ,逶厝頂跋落來 ,腦損傷來死亡, 有關e紀錄已經燒去, 無地查起 .
101

43.

逐擺若拄著病人死亡 ,我攏悶心自問 ,咁有無盡著責任 , 來發生顛誕(唸定擔) ? 尤其是急診e病患, 上介食力, 咱人智力有限, 毋閣症頭變化萬千, 迭迭出現意外 ,臹贅料想袂著 ,「做到老,學到老」 ,雖然看診四十冬矣 ,嘛不時吓去拄著奇巧e 病症安呢 .

我頻若看診一个患者 ,叨吓足認真, 想妥當 ,來考慮茲問題 :
第一伊咁是「治袂好」e患者 ?
第二診斷咁有確實 ?
第三伊e過程 ,咁吓惡化?
第四上要緊e病況是啥款 ?啥乜時期吓來侵襲 ?
第五頻若發生一个症狀 ,噯判斷: 是轉好, 抑是轉歹?
第六用啥乜治療法上介好勢 ?上合理 ? 咁有效果?
第七轉好是自然好 ? 抑是治療食藥仔好e ?
第八雖然是好轉 ? 咁有後造(後況)樂觀 ?好到啥程度 ,才吓
凍放心 ?
第九汝咁有盡最大力量 ,用心計較 , 來全力醫療 ?

1929(昭和四年二月十日) ,阮大后甡(後生,兒子 )出世 ,號名良哲,安呢肉肉肉,大頭大面, 人膨皮白泡泡 ,目睭大大蕊 ,圓圓滾滾真有人緣,真古錐得人疼 ,毋閣真不幸 , 伊即世人 ,干礁活一年一个月e壽命爾, 翻返年去感染著肺炎 ,尾也夭折過身去 ,彼e年代 ,肺炎並無特效藥 ,症頭惡化e時瞬, 干礁目睭金金人傷重 , 看著心 102

愛e孖兒 ,佇面頭前來過身, 實在真正苦悲 !

也叨哲兒e過程, 互我對人生e哀苦 ,「生死之路」 ,重新來做深深e思考 ,嘛安呢 ,互我行入宗教e道路 ,一个人按怎來死亡?按怎來復生 ?干礁寄託惟一e神 ,基督吓來啟示咱e一切 ,彼時瞬我以「由死亡到新生」即本冊 ,來給做紀念 ,另外因��哲兒e死亡, 互我對每一位不幸 ,破病艱苦e囡仔zai (幼兒 ),閣卡疼惜 ,閣卡愛護 , 阮祈求上帝多多來給加護施恩 !

103
第八章渡日深造初始 ,
不幸拄著慈母,岳父喪事
44.
也叨時代e關係 ,我少年時所受e教育 ,採用跳級式e速成體制, 由小學直接考試升醫學校, (無經過初中,高中階段) ,卒業了後 ,雖然一直咧自修拍拚 ,毋閣呢 ,一方面厝內診療工作繁重雜睬 ,另外一方面 ,也叨參加政治活動 ,舞東舞西了時了力 ,失去深造e機會 ,自從阮后甡過身了後,感覺家己無能無材調 ,又閣民眾黨互官廳來禁止, 暫時停落來 ,自那決定欲來日本留學 ,彼个時瞬 ,明石真隆做熊本醫科大學e教授 ,主持內科兼做校長 ,受伊e幫贊 ,我佇1935(昭十年三月) ,cua3著[良信,良成,淑英,淑馨]家屬 ,遠渡日本 ,進入明石教授e內科研究室 .

到熊本了後 ,無幾工 ,行李才款好勢呤呤 ,洶洶遂接著電報,講故鄉e慈母 ,已經往生做仙矣 ,我自那cua3規口灶, 緊坐船返來台灣 ,彼時阮阿母, 自老父過往了後 ,叨含心敆命, 俥拚操勞, 身體遂慢慢虛弱, 伊患慢性支氣管炎, 另外, 佇普通時仔, 做空課真幼秀真細膩, 拄著代誌, 是安呢想閣再想, 凡事考慮再三, 致使講不時嘛咧頭疼安呢…我自卒業了後, 落南部暝日奉待母親, 互老大人來安心歡喜, 宛那欲二十冬矣, 人咧講「就siap(四十)叨袂攝」 ,為著將來e前途, 我決定欲來日本留學, 繼續深造, …也呾欲離開台灣即層代誌, 阿母心肝頭足毋甘e ,毋閣為著孖兒, 宛那甘願吞忍, 毋敢阻擋哩 !
104
我佇1935(昭和十年三月) ,離開台南, 自安呢了後, 母親真正孤單希微, 日子空虛無心適, 逐工逶踦傢南勢街, 坐人力車到病院消透消透, 病院e醫務由三弟石福來代理, 佇四月初五, 母親嗽袂停, 喘喟(氣)困難, 頭殼真疼, 毋閣體溫無懸, 症頭無講真食力,致使講石福弟無給真注意, 母親家己嘛感到普通普通爾, 無啥代誌啦 !

無疑悟講 ,症頭洶洶變歹 ,變食力; 伊四月初八 ,暗時十點半去睏 ,到十一點外e時瞬 ,佇睏眠中, 大大吐二个大喟, 彼時瞬我踮身邊猶未睏 ,想欲給大聲喚睜神 ,毋閣想起大兄有交代, 阿母若睏落眠 ,叨毋倘給吵, 自那互伊繼續睏 ,無疑悟十二點檢查手脈e時瞬 ,才發現氣血微弱 ,趕緊給注射救治 ,宛那無效, 落尾佇初九e暝尾四點 ,來過身返仙矣 .

阿母吓來過身去 ,這佮我無踮身軀邊奉待, 完全有關係 ,伊安呢暝日數念 ,心頭苦楚 ,迭迭咧講 ,「即世人恐驚也無法度看著石泉, 求功名返來矣」,毋閣佇我即爿, 含心敆命 ,拍拚欲來求學問, 嗯才姑不而衷來揮淚告別 ,無想才半月日爾爾, 來天人永別, 我e罪過深重, 悽慘, 是我一世人上介遺憾e代誌 !
45.
返來台南, 阿母佇四月二十八出山 ,踮葬儀堂舉行告別式, 遵照阿母e意思 ,殆佇烏尖宅遐 ,佮阿爸肖附近… ,進前我才哭大后甡夭壽去無外久呤, 即聲又閣拄著阿母來過往, 到茲來矣, 悽慘坐掛盡磅矣, 唉 ! 我哪吓迮歹命 ,迮袂順啦 !

105
阿母名潤, 西元1867年5月28日出世, 外公是師魯e貢生(學者) ,家境好業(額) ,世居台南市柱子行街遐 (即嗎文廟路) ,阿母佇26歲佮阿爸結婚 ,歲頭加一歲, 婚後辛苦拍拚, 勤儉拑(kii3)傢,迭迭吓怨歎「嫁入來韓家了後,家事操勞,內外無閒,也呾卡早所讀e冊文,強欲袂記了了矣!」 ,阿母佇有閒時瞬, 嘛迭迭吓誦讀卡早,猶有記池e 詩詞互阮聽, 呾即嗎給想起來, 宛那有給阮教育哩 ! 阿母做人老實古意, 嫁尪進前, 互外公信任有著, 所有茲貴重e寶貝, 攏交代互伊保管, 出嫁了後, 雖然阮兜散赤, 宛那賭著氣魄, 清清白白無缺角叨著 .

1895 ,日本來管台灣 ,彼時瞬全島一四界瘟疫為害, 湠甲真食力 ,後頭厝曾家,厝內有錢, 毋閣不幸遂患著囓鼠病, 大舅仔倒佇眠床哀哀叫, 欲死納亥, 情況危急, 尹有欲叫阿母去探視, 去處理後事, 毋閣阿母賭著氣魄 ,ga是嫁出去以上, 驚仈人嫌疑伊欲占後頭厝e財產, 自那夯硬,毋敢去探病善後, 致使著後頭厝e財產, 攏互阿妗(舅媽)占了了,毋閣無外久呤 ,阿妗宛那病死過身,到茲來矣, 規口灶死甲差不多, 致使講曾家所有財產, 落尾攏互了尾仔孖二舅仔, 規碗總捧去 ,唉 ! 伊安呢毀累敗 ,烏白開跋 ,無外久財產總毀了了 ,實在互人真感慨, 安呢看來,阿母做人忠直正派 ,不求不貪, 宛那互人真謳咾 !

伊入來韓家了後, 無嫌艱苦, 安呢儉腸筴肚, 認真拍拚, 迭迭食塗豆雜糧爾, 好醜無咧計較, 到中年時瞬, 飼大豬來幫助生活,出出入入中間, 雖然三寸金蓮, 嘛無嫌沗頭…我初去讀醫學校,費用全嘛靠賣大豬來幫贊, 厝內e代誌長短, 大大細細, 伊攏親身潦落,俥盤骨力, 做甲清氣咚咚, 毋捌咧喚艱苦 ,伊做人忠直,
106
相夫教子 ,真正嗣大做了有起呢 !

喪事完滿 ,阮規口灶又閣拚返日本, 佇異鄉外地, 重從事研究學問東西; 熊本即个所在, 是坐位佇九州西邊e大城市, 偎山面海 ,百姓樸實 ,氣候無倘外好, 我佇遐蹛五冬外 ,寑(cim剛)開始呤 ,患著坐骨神經疼e症頭 ,安呢拖砂艱苦規半冬 ,囡仔攏猶細漢, 尹不時嘛婁屎中毒 ,肺炎, 輪流感染來入院, 真正艱苦坐掛, 心苦病疼安呢 .

先天e打擊 ,毋但是安呢爾爾 ,我年初阿母才過往 ,年底丈人又閣仝款過往 ,阮丈人患著急性腰子炎e症頭, 才幾月日爾 ,嘛是醫袂好(1935年昭和10年11月27) ,不幸來離開世間 ,阮牽手(妻)一年中間, 二擺e艱苦 ,攏給擔起來 ,有影硬斗 ,阿母出山e時瞬, 丈人來弔唸 ,啥人知影半冬了後 ,伊宛那著病來過身 ,享年49 .

107
第九章
佇日本著病經過佮研究生活
46.
我e天性 ,做代誌有俥拚喟(氣),無愛揀輕可e , tio6軟仔 ,毋驚硬斗歹紡,干礁噯拚落,摪(ciang2)落, 潦落, 才吓起磅 ; 我迭迭做到無暝無日, 毋知艱苦,咱教室e同仁, 攏叫我「鐵人」,毋知沗(tiam)頭疲勞 ,毋閣呢 !我精神甚過緊張, 又閣長時間硬操, 致使舊症頭胃潰瘍, 又閣來發作, 迭迭吓疼痛, 糞便有潛血來艱苦安呢 .

雖然是安呢 ,毋閣為著學業咧研究操勞 ,遂無法度來歇睏 ,落尾遂揙(變)做一場大災情難大淒慘, 1939(昭和十四年)下冬天仔 ,洶洶遂大量胃出血 ,倒落去昏迷不醒 ,規身軀虛脫無神 ,脈搏二百以上 ,強欲袂喘喟e , 我e精神緲緲茫茫 ,佇昏迷中間, 夯強振作神魂 ,賭著咱台灣人意志氣魄, 即世人袂凍 ,亦絕對毋甘願葬身他鄉外里啦 !

我夆送入明石內科來蹛院 ,互明石醫師救治 ,中間有灌兩擺血 ,阮牽手血O型 ,一擺灌200cc互我 ,落尾也漸漸康復 ,二月日了後出院 ,繼續研究未完成e空課…我佇熊本縣(九州),破病大艱苦 ,拚一睏仔真大暫 ,才漸漸來恢復正常,毋閣真歹運 ,代誌才寑煞呤 ,另外一條空頭又閣來 ,咱明石學長 ,佮內部學閥派系鬥爭咧肖犮(糾纏) , 自那堅心意切出來開業 ,辭去教職 ;即聲我姑不而衷,嘛辭去明石內科研究室, 續落來受加藤教授e指導 .
108
加藤教授, 做人奇巧厚意見, 真愛臭彈議論 ,彼時瞬日本侵華戰爭 ,搪咧火旺, 咱這「皇軍」真敖征戰 ,安呢一路橫長直破,秋風掃落葉卸卸叫 ,凶神惡毒 ,是擎甲掠袂稠; 尾也 ,南京城夆攻破,阮教室有來做式慶祝 ,買一寡帶殼e「塗豆gue2」 ,用手掟破, 日本話叫做「南京破le」 ,表示南京城互尹攻破; 真偉大叨著, 即个時瞬 ,搪噹眾人歡喜wewe ,熱樸樸 ,毋閣我踦佇身邊, 遂恬恬無半句,面尺冷淡袂起磅 ; 即時瞬教授對我e態度, 真正驚疑, 問阮意見按怎?我講鐘鼎山林,各有看法,伊��無閣追究 .

彼个時瞬 ,學校內底有一陣朝鮮學生 ,愛扶(po3)坦日本(媚日),逐傢肖招 ,規陣來改做日本姓, 媵(tin3)日本仔叨著, 尹嘛煽動我改名, 我給回答,真歹勢 ,無好字倘改啦 !我e原名有符合「清全石上流」e意思 ,名稱真好勢逗搭, 呾慢慢才閣講啦 !對方宛那無話倘應,我有幾落擺受壓迫, 心情艱苦, 足想欲決心離開研究室, 毋閣阮牽手一直安慰苦勸, 自那繼續受著委屈侮辱做落去…, 不而顧呢 ,若是拋開政治軍事問題, 教授佇研究方面, 宛那對我真熱心教導,同事之間, 嘛真好逗陣, 互我研工作真正順利 .

我研究e題目是「燐酯質代謝之研究」, 試驗e動物是狗仔孖,攏總用百外隻 ,才來完成研究 ,彼時卡細隻e .一隻八角, 卡大一絲仔 ,一箍二角 ; 攏向掠狗人買入來, 尹專門咧掠狗, 有父仔孖二人, 外表癩膏不吉, 親象「乞丐」仝款 ,日本人叫「穢多」,尹提掠狗索 ,去郊外一四界唗蹤, 探掠,茲狗仔真著驚, 狗螺大吼大pe ,真恐怖…佇戰爭期間, 狗皮值錢,天草方面, 嘛有食狗肉
109
e風俗 ,摋(tai2)掠真贅 ,干礁熊本縣所在, 叨掠摋萬外隻安呢, 致使講日本人有砌「忠犬塔」來祭拜英靈… ,試驗了後e狗仔,也叨飼料無夠e關係 ,由顧狗e工友 ,給活活摧(勒)死 ,有影真殘忍, 互人看袂落去, 毋閣社會有苦衷, 宛那無伊法 !

我佇研究時間以外 ,頻若有閒e空縫, 迭迭吓去四界行踏, 來「及時行樂」, 登山, 遊水, 賞櫻, 搜貝, 採莓, 揀栗, 觀楓, 挽柑..攏有興趣心適….嘛有去跁阿蘇山, 真正歡喜, 另外有日奈久溫泉 ,坐熊本線火車, 向南一點鐘爾爾 ,冬尾時仔 ,cua3厝內大細 ,去蹛柳屋旅館,春寒料峭, 浸浴溫泉, 即个時瞬, 看著窗外好光景, 雪花片片,真正人生一大享受 ,情景美妙夢幻, 寄望後回仔, 猶有機會來欣賞啊 ! 真可惜咱台灣地氣候卡單純, 卡無變化刺激 ,精神氣魄卡袂來浮夯, 這是咱寶島氣候稍寡欠點哩 !

1940 (昭和十五年)四月 ,研究暫時結束 ,我叫嫫孖(某子)先返來台灣,阮三女淑真, 干礁出世十月日爾 ,洶洶遂去染著痲疹胃腸炎 ,合併肺炎, 彼時磺胺藥才發明呤,日藥Trianon , Adiplon全力來救治才好勢, 回台了後 ,沿路旅途疲勞, 又閣有肋膜炎e徵兆, 代誌食力, 阮牽兮一方面麻煩秋微兄診療, 一方面叫我緊返來, 拄好無船期, 又閣毋敢坐飛行機(彼時台日之間雖有飛行機,毋閣驚危險) ,最後才坐貨物船返來台灣 .

彼年秋天 ,接著通報 ,我所提出e論文, 已經得著教授會e通過 ,為著對各教授e道謝佮領取學位, 我佮培能君 ,再度去日本, 順續去名古屋 ,拜訪雅修兄佮新家老師 .

110
第十章
台人所經歷e第二次世界大戰

返來台灣了後 ,我踮原所在重新開業 ,又閣來砌(ki)新e診療室, 患者贅贅贅, 比以早閣卡無閒, 規工安呢無歇睏e時間 ,真不幸, 阮阿兄石岩 ,佇一年了後(1941 ,昭和十六年) ,破病來過身去 ,享年49, 佮阮阿爸仝歲壽, 阿兄忠直樸實, 幫忙我e醫務, 我留學日本e時瞬, 伊逗拑(kii3)家務, 處理厝內大細長短 ,互阮兜(dau)事事平順 .唉 !即聲一病不起 ,真正哀傷叨著 !

彼時(1940)日本軍閥 ,搪咧侵略中國 ,戰爭激烈火旺, 扑(打)甲盡磅逗搭, 對台灣人各種訓練 ,是嚴格閣再嚴格, 舞甲無天無日…,1941冬天, 日本偷襲珍珠港 ,遂引起太平洋戰爭 ,戰時氣氛, 深入庄腳市鎮一四界 ,特務橫行欺壓良民 ,造謠生非 ,即時日本政府下凶壓迫 ,咱台灣人稍寡無張弛(不小心) ,叨夆摃夆掠 ,規工驚惶恐怖疲疲慉(cua5) ,軍人佮政客 ,是青狠惡毒, 莿yaya, 重要e物資 ,是配合管制, 有關黑市違反管制e案件, 迭迭吓拄著, …茲少年人, 盡量來徵召, 醫生嘛是仝款, 台灣青年夆徵召入伍, 戰死沙場 ,葬身海外者, 是不計其數 .

戰爭剛起勢呤 ,日軍想欲圍占全大陸, 氣燄萬丈歹歹叫 ,提出所謂「東南亞共榮圈」, 「東亞新秩序」來抴(sy2誘)扭民心 ,
111
叨頻若攻陷中國一地頭,侵略一所在, 日本仔叨大事慶祝, 歡喜夯狂,台灣人雖然有少數附和, 毋閣大多數鄉親, 心肝頭真正怨歎,怨歎講中國兵哪吓赫無路用, 赫尼軟zy4, 無法度對日本兵強烈來反抗反擊 ?干礁目睭金金人傷重, 逐擺若聽著淪陷區e苦難消息呤, 叨強烈搥心肝, 怨嗟天公伯仔 !

彼時日本人 ,驕橫惡質 ,是虐甲無天無良 ,對基督教宛那是夯凶來壓迫 ,尹「家己裦, 袂臭臊」 , 展講, 「阮日本天皇神威上懸, 坎倒耶穌基督沗沗沗(tiam4)」 ,有關基督教學校e英國人校長, 宛那噯改日本仔來擔任,袂使有看低日皇神聖地位e言詞…有一擺有一位士紳, 佇宴會中間, 講毋著話, 講尹查某孖e生日 ,真拄好佮天皇尹查某孖e生日仝一工, 去互特務知影, 認定伊對天皇不敬, 自那給掠來 ,扑一頓仔青尺青尺 .

另外憲兵方面 ,仝款青狠壓霸 ,真愛凌治茲百姓安呢,有一回我親目看著, 一位咱庄腳阿伯仔, 為著欲趕火車班, 搶先佇日軍進前跁就車呤,去互憲兵摠(zang)著, 安呢歹擎擎 ,逶伊嘴頰給巴幾落下, 又閣給扭頭毛腳踢來凌治, 真正是粗殘到即个坎站 , 即款代誌, 互我e民族情緒浮夯, 虐甲搥心扒腹 ,莿棘不滿 ,毋閣彼噹時干礁忍氣吞聲爾 ,叨真正無伊法, 寄望後日仔吓凍來平反, 安呢鋩(mi3)角才撟吓返來(才能夠板回面子) 哩 !

日本仔政府 ,以獻金做名義 ,盡量來收刮民間e黃金, 叨頻若金角,金手只 ,犮鏈, 裝飾品東西…甚至錶仔殼,稍寡淡薄仔金質者, 一律給徵收拍落公 ,若有偷藏閃避者 ,奚叨重罪重刑伺候 ,真是食蒲仔無留種, 互伊食了了 ,安呢看來 ,日本政府狼狽款 ,
112
乏搭款 ,行入失敗 ,叨看現現哩 !

盟軍開始反攻矣 ,自1944年10 月以後 ,台灣e空襲 ,漸漸來增加中, 高雄 ,新竹 ,基隆 ,台南 ,嘉義,鹽水 ;空襲上介食力…su當時 ,民眾對疏開e路線 ,分做兩派, 有e人主張去海邊躲 ;有e人主張入山內躲 ,見仁見智 ,講無仝款 ,堅持往海邊e人 ,伊講, 戰爭若持久, 山頂糧食無夠 ,無地倘食, 而且有瘧疾真厲害 ,真正恐怖 ,另外一派行對山頂者, 尹講海邊仔 ,對空襲, 軍艦炮射佮盟軍就陸, 伊e危險性卡懸, 事後證明 ,倚海邊即派e人 ,卡好勢卡有利安呢 .

彼時盟軍e空襲 ,攏是早起九點入來 ,下晡三點外退出, 空襲解除了後, 市民才紛紛逶海邊疏開地 ,返來到市區安呢 ,即个時瞬 ,發現逶山區避難返來e人 ,大部份夭饑失頓 ,瘦枝落葉滿面癩膏帶衰 ,毋閣逶海邊返來e人 ,真少破病, 無瘧疾, 顛倒有魚鮮來補充營養, 卡有元氣 ,卡有喟力哩 !

彼時瞬佇疏開地區 ,到底有外贅瘧疾病患, 雖然無法度統計, 毋閣尹死亡e人數, 絕對比去互炸彈炸死者卡贅, 甚至講有規口灶總死了了e不幸悽慘, 原因叨是, 彼時治療瘧疾e藥品, 攏去互日軍軍部搜刮了了, 民間e庫存真尐,阮茲醫生人雖然含心敆命真認去收集,宛那「杯水車薪」真奧應付, 有時仔, 目睭金金人傷重, 干礁聽天由命,茲茲叨無法度哩! 人咧講「臭虫食客」疏開到庄腳e都市人 ,揙做瘧疾蚊蟲上愛咬吸e對象哩 !
113
日本海軍覆敗, 是悽慘落魄, 咱官廳兮毋敢講 ,干礁一直欺騙百姓爾爾 ,尹講美國仔飛行機總出動e時 ,咱才佮伊釘孤枝, 來總決戰, 一遍總解決, 毋閣有知識e人 ,早著看出伊e 空縫, na有講敵人兵臨城下, 猶閣掩掩iapiap, 毋敢迎戰e軟腳蝦,尤其是神風特風隊e出現 ,閣卡表現出「山窮水盡」 ,乏甲僬僬僬e下消款 ,有影膨風膨逐, 一葉來知秋 ,互汝袂hausiau 62 e,早期介勇壯e軍歌, 按怎變成哭調仔 ? 慘敗早著看現現矣 !

日本統治台灣即五十年間, 百姓夆壓迫甲甚沗 ,一絲叨無公道無自由來對待 ,另外遐警察佮特務, 為著欲向頂司討功勞, 吓挑工來製作冤獄, 陷害忠良, 即款代誌滿滿是 ,稍寡有天良e司法當局, 明明知影尹遐報告無實在, 毋閣為著欲顧家己e政治特權 ,宛那迭迭去強迫給判罪….由戰爭中間e「東港事件」做實例, 伊實在是一層冤獄, 即个事件 ,完全是由高等警察,來做虛偽冤枉e慘案, 去夆冤枉e主角, 叨是後來判無期徒刑e歐清石兄, 真可惜, 伊佇1945年5月台北大轟炸時, 不幸來過身 .

. 歐清石兄 ,少年時有讀過師範學校, 伊踮故鄉澎湖遐任教幾落年,尾也轉任澎湖縣政府 ,澎湖廳二處服務 ,又閣留學日本 ,司法行政高等考試及格 ,返來台灣了後, 佇台南市開律師e業務, 伊有真強e民族意識, 對日本人統治足不滿e ,無愛佮日本仔交陪, 伊對日本仔壓迫台灣民眾 ,迭迭出言批評…自太平洋戰爭開始呤 ,台灣各地組防衛團 ,伊叨不時咧閃避袂合作 ,致使講阿本仔看甲袂作e ,給當做危險人物看待 ,嚴加監視安呢 .

尾也,日本仔高等警察, 製造東港事件,冤枉講尹欲改變日本
114
國體 ,脫離日本統治 ,誣賴伊是主謀歹人,自那給掠起來 ,嚴刑苦毒 ,有「坐飛機雕龍蝦」e毒刑 ,真正親象地獄十八殿 ,尾也判無期徒刑 ,入台北監獄 ,佇內籬仔有寫八首遺詩 ,悽慘坐掛互人讀袂落去, 佇茲給錄兩首 ,紀念即位冤枉來死亡e硬骨好漢 .

(其一)
辛苦十年博一經為民護法幾周星
家山零落風飄絮身世飄搖雨靶萍
纝意窗中悲萬緒伶丁影裡淚千零
人生自股誰無死留取丹心照汗青

(其八)
是緇是素不分明一為糊塗呈毒刑
悍吏狼心兼狗肺惡魔冷血本無情
雕雞灌水龍蝦綑夾指飛機虎豹行
十八機關均受遍嗚呼我幾喪殘生

東港事件e主要人物內底 ,吳海水, 陳江山, 郭成章, 攏是醫師 ,歐清石兄夆掠進前 ,有來拜訪我 ,講著朋友簡仁南兄e代誌,海水兄夆掠e前一工 ,我嘛有寫批互伊, 伊e回批是由尹夫人美珠女士來代寫 ,我接著批了後, 一直想袂曉 ,落尾也消息傳過來, 我才大大e著驚 ,尹真驚牽連著我, 才安呢做, 我無受著牽連 ,嘛算真好運叨是 .

115
我即世人上介傷心e代誌 ,叨是1945 年3月1日下晡一點, 咱台南市拄著大轟炸時, 阮查某孖遂不幸來身亡犧牲去, 即款代誌真正恐怖驚惶, 天災地變 ,毋是咱心肝頭, 吓凍來按算e,彼時自1944年10月初, 美國飛行機開始轟炸台灣以來 ,高雄彼角勢迭迭受著轟炸, 毋閣佇台南即方面, 遂平安無代誌,卡迷信e人, 認定講是大道公,媽祖婆e保庇,另外有e人 ,卡天真樂觀者, 尹想講, 除了軍事設施以外, 美國飛行機 ,絕對毋敢亂炸茲百姓, 台南e民間真贅台灣式e厝頂房屋, 嘛真好指認, 咱茲市民鄉親,毋是轟炸e好目標, 宛那有卡安全才着(對) .

su當時, 我雖然無赫尼樂觀 ,赫尼天真, 毋閣厝內醫務無閒莿
莿 ,阮牽手, 嘛無愛離開踦傢(住家) ,疏開去庄腳避難 ,自那一再拖沙, 想講稍寡準過去 ,叨好勢矣 ,無咧給想卡長e ,致使講受難進前幾落工, 干礁逶一部份舊書冊, 綴(due/de4跟隨)阿姊徙去麻豆爾爾, 其他一切財產攏原封不動安呢 .

彼時, 台南市猶未空襲進前, 一般市民戆戆呆呆毋知驚,恬恬佇厝內停留爾, 嘛有一寡人好士相(好奇) ,行出外口, 觀看飛行機, 而且心中暗算有幾架, 一直到三月一日中晝十一點左右, 傳來空襲警報, 我照例去和春外科醫院待命守候, 十二點解除警報後, 才返去厝內食飯, 又閣稍瞇半點外鐘 .

下晡一點左右 ,又閣警報陳螺, 我穿衫欲落樓梯e時瞬 ,看著長女淑英坐佇樓梯杆遐 ,我叫伊叨噯出動幫忙, 彼瞬伊做女子救護隊, 應該噯去慈惠院集合待命 ,淑英綴我後面出去, 我才
116
行入和春醫院呤呤 ,叨發現大舞台佮盧姓工場 ,已經去互炸彈ham甲碎糊糊哩 ,彼个炸彈聲簡那雷公咧,挵甲天轟地肉翩,厝內是窗破門敗, 玻璃亂飛, 病院方面嘛無防空設備, 我自那姑不而衷躲(vi5)佇洗槽下腳, 恬恬來等炸彈轟炸凌過去 .

半點鐘了後 ,我拚返厝內探查看覓e ,佇寶美樓附近仔 ,搪著厝內大細,隨人安呢烏面癩膏 ,規身軀土粉烏仙 ,破相落漆 ,除了阿姊佮護士以外, 我來檢查厝內大細, 才發現淑英無置e ,自那派人去慈惠院,探查淑英下落 ,續落我閣拚去病院,, 發現第二第三棟以已經倒塌, 毋閣第一棟無代誌, 無外久有人回報, 講淑英無佇慈惠院, 即聲我內心開始不安矣, 毋閣猶存有一絲e寄望, 伊打算是(可能)吓去朋友遐 ,暫時避難 ,無外久叨吓返來矣 ;無疑悟遂一直無返來 ,叫人去查 ,嘛無消息, 即時瞬我由不安開始驚惶, 心情真正沉重 .

我e病院, 經過三四點鐘了後,受著空襲來湠開災難 ,安呢火光燒迵( tang4)天四界悽慘, 目睭金金人傷重, 互我胛脊反冷, 即个時瞬才知影, 一世人e拍拚奮鬥 ,到茲完全燒了了, 變火麩塗(土)粉矣 ,災禍來臨, 我真正悽慘, 毋閣物質雖然損失, 總是期待淑英吓凍平安歸來, 叨安呢, 目睭眕(zin2)閣再眕 ,看閣再看, 漸漸天色昏暗已經暗頭仔, 我尋閣再尋, 一四界干礁火光沖天, 厝屋燒倒不計其數, 市民規陣圍咧怨歎, 干干礁無伊法 ;阮普通時仔e防火訓練, 完全無路用 !

117
入夜了後, 除了無情e戰火,一直焚燒市區, 四界安呢凶狂哀歎以外 ,其他所在, 遂一遍e烏暗, 即聲我心狂火焯, 真正起痚,四界踮街路咧唗尋, 火冒金星, 心肝頭暗中按算, 淑英可能凶多吉少….一直到三更暝半 ,才暫時蹛佇受祿兄尹兜來歇睏….第二工繼續閣再搜查 ,我戆戆也踦佇病院面頭前, 面對歹厝廢墟, 心情悲傷慘悽,目淚遴遴挌, 無外久呤, 朋友傳來歹消息; 尹發現淑英倒佇尹朋友遐, 我趕緊拚到現場探視, 唉! 慘咧 !伊安呢無聲無息,倒佇牆仔腳, 下半身互磚仔石頭坎著e , 現出頂半身, 規身軀烏礁慘不忍睹, 逶伊頂衫e火燒痕, 安呢霧霧模糊來
辨認 .

到茲來矣 ,我慘啊 !慘啊 !哀父叫母, 心肝頭碎糊糊(go2) ,白髮送黑髮, 我生不如死, 有影「萬念俱灰」矣, 唉 ! 戰爭e殘酷無情, 到茲是盡磅搭底矣; 昨央猶古錐清純e少女 ,今仔日遂面目全非慘了了, 少年人無辜幼心命, 變做為人類e罪惡來犧牲, 佇茲映望即款犧牲, 吓發揮價值,來代替一切人類e痛苦 ,互人類錯誤,毋倘閣再發生, 若安呢來者 ,無定著淑英在天之靈 ,吓凍來告慰社會人群安呢 .

彼時瞬 ,市面真正混亂 ,恐怖不安 ;我趕緊拜託工友助良君,用亞鉛板將淑英e遺體 ,扛去文廟路e厝宅遐 ,安置佇大廳e左手爿, 時間緊急, 無地買棺木 ;好佳哉受祿兄逶伊欲僎互老父e壽木, 慷慨讓出, 阮簡單給收殮, 我心肝頭艱苦, 簡那刀咧割咧, 家己怨歎, 哪吓迮悽慘啦 !第二工透早三點呤, 培能君佮眾工友, 給淑英護送去南門外新墓地安葬 . 即个十八歲e純潔少女, 順從老父e吩咐, 去為著救世人,
118
神聖e職務, 來犧牲生命, 永遠來離別世間矣…自安呢, 叨頻若透早微風起勢, 抑是月娘掛天時, 攏互我加倍感傷懷念, 我猶吓記咧, 佇災難進前, 伊宛那有咧講笑講「戰爭天凶地變, 若無法避免一死e時瞬, 奚叨零寧可死佇一時間, 卡無艱苦.」伊一時無心之言, 竟然成真 ,咁有預感心靈就身,慘悽(ce4)啊 !

3月1日, 互炸彈ham4死e市民, 估計有二千人以上, 大部份是以草蓆仔包身, 用牛車馬車載去火葬場, 情境悽慘, 簡那阿鼻地獄, 真贅規口灶攏總死亡 ,嘛有集體避難夆炸死者, 如寶美樓(西門路)斜對面e防空壕, 互炸彈直接炸著, 內底避難者三四十人,全部血肉模糊碎糊糊, 我佇彼當時, 嘛有行過遐, 佳哉無入去躲,直接拚到和春病院去, 抑無, 即條命嘛休去矣 !

另外一點 ,我若踮阮兜樓頂, 加睏幾分鐘以上, 吓簡那鴨蛋肖疊(tiap)仝款, 去互倒落 e樓仔厝硩(de4壓)死, 絕對閃袂過身叨著…有一粒炸彈茖(lak)佇阮兜佮陳家之間, 好佳哉阮兜e人 ,攏躲入防空壕,二十外人總安全, 左鄰陳家互樓牆硩(de4)死四人, 救出二人, 瑞山伯佮尹大查某孖攏互硩死, 無��救出, 瑞山伯七十外歲矣,生活好命, 遂無法度食老好返去」 ,有影好歹時運命氣, 人生叨真歹按算哩 !

台南市空襲幾落擺, 有三擺卡食力, 3月1日, 3月17日, 5月23日, 安呢了後; 互市民愈想欲愈驚, 尹認定規个市區到落尾吓完全毀滅, 彼瞬有市民欲逶房厝俗俗賣人, 毋閣無人敢交關, 厝價真低, 卡輸一台腳踏車 ,這按怎講 ?也叨腳踏車, 佇空襲疏開e時瞬, 真正好用,真正有價值叨是 .
119
我佇空襲了後 ,所有e財產盡失去, 干礁偆一台人力車,出診皮包, 長椅二條,厝內人e衫褲, 另外寄佇台南信用組合六千箍爾爾, 另外講到顯微鏡彼台, 火燒進前由院中提出, 寄踮金火兄遐, 尾也嘛是去互火燒了了, 最後呤呤, 阮家屬佇暗頭仔e時分,離開台南, 搬去土城仔遐, 半路到本淵寮, 受著吳偕蔭兄e好意,踮遐蹛一月日左右 .

彼時 ,拄好有一位日本醫師吉村 ,踮總趕宮身邊開業, 為著按算, 欲夆徵召出國, 決定踮新營製糖廠服務, 伊離開進前, 自願將醫院內底e傢俬, 器材, 藥品…攏總俗俗也tng4(讓售)互我, 雙方議定, 先將器材運出去,價錢了後才算 ,我趕緊倩(cy4雇用)牛車群, 趁空襲e空縫,運出市區到本淵寮 ,來布置重新開業, 無幾工了後,吉村e病院所在, 遂去互炸彈來毀壞, 唉! 好佳哉「兵貴神速」 ,若稍寡延遷,即聲叨規組害了了矣 !

我佇4月7日, 送出四千箍來買病院e器材 ,光復了後 ,9月26總清算攏總6510箍(元)爾爾, 即个代誌, 真正是好咧佳哉, 有天公伯仔來逗幫忙, 真正不幸中e大幸, 抑無, 憑我即扮e ,欲重新來開業, 奚猶臹拚eo ,汝給看,死坐活食 ,干礁六千箍爾爾, 是欲按怎來維持生活? 到時瞬食穿乏搭, 真正艱苦坐掛, 即聲叨慘了啊?我即世人真正好命 ,迭迭坎坎苛苛, 人生袂逗搭e空縫, 遂拄好暗中有貴人相助, 來閃過迮長短空頭, 有影好運叨是 .

我佇本淵寮開業大約四個月, 受著陳陪能, 蔣米來逗三共 ,
120
另外江萬里尹尪仔嫫 ,嘛大力來zat助, 互我病院e業務, 宛那人群佳繹摪摪滾, 其中卡艱苦e代誌, 叨是我騎自轉車袂順序, 雖然有一台人力車, 毋閣效率甚醜, 好佳哉培能君以自轉車, 載我四界唗蹤, 真正規「乾仔埔」是行透透, 真工夫安呢, 互我一世人謳咾感恩, 唉 !佇患e時機 ,叨吓凍看出「人情e冷暖」,拄著空頭,自動來幫贊e 人, 無一定是平時好朋友, 另外佇普通時仔真親密e好友 ,顛倒遂無來關心, 甚至真冷淡, 才咧怨歎講「世態炎涼,水底無一位燒」.

我拄著悽慘代 ,無幾工呤呤 ,好朋友許君有來逗安慰, 離開e時瞬有咧怨歎「呾即个時代,毋知置時吓悽慘大災難哩」,才講無外久呤呤, 幾工了後, 台南市又閣受著第二擺大空襲, 咱即位好友許君, 真不幸佮尹查某孖, 同時踮法院官舍進前e防空壕, 去互炸彈炸死, 真正悽慘 ;尹孖婿蔡醫師, 雖然閃過空襲,毋閣宛那無外久 ,洶洶著急病死亡, 到茲來矣, 真正規傢人僬悲慘, 蔡醫師做人老實古意, 負責認真,卒業了後,有來阮病院實習, 嘛有來本淵寮拜訪我 ,唉 !真正悲劇一場啊 !

佇空襲警報 ,迭迭咧陳螺e中間, 次男良信去考南二中, 落尾也尹一部份校舍, 遷去永康庄大灣, 良信寄蹛佇劉札兄e朋友厝,拜六返來厝內, 禮拜日又閣自疏開地本淵寮, 行返去學校, 迭迭佇夜深人靜, 星月無光e時瞬, 孤單一个人, 行踏庄腳小路 ,有影真正辛苦.

光復進前二个月, 日本政府 ,命令一部份疏開去庄腳e醫師,緊返來市內開業, 我宛那互人召集返來 ,暫時借元翰兄e養生
121
病院, 來執行醫務 ,暗頭仔時瞬 ,離開市區,才行返去疏開地, 大概費時點半鐘, 迭迭佇月夜中間, 去拄著空襲, 無地倘閃避, 緊唗去橋腳躲(vi5), 糾頭疲疲慉(cua5) ,真正著驚安呢甡 ,互我加倍來忍受艱苦 ,有即个經驗, 自光復了後, 叨毋敢閣再單獨遠行 ,暗時仔嘛無勇氣孤單行哩 !

佇戰爭e尾期, 日本即欲投降進前, 美國飛行機, 惡霸天頂,橫長直破卸卸(sia4)叫, 無人敢煽伊e腹肚邊, 尹定時出入, 透早九點入來, 下晡三點退出, 所以百姓宛那照即个時間, 躲空襲佮返來做功課, 慶賀逐工平安來渡過, 我嘛佇空襲時間, 躲佇郊外魚塭仔, 下晡才閣入市內開業, 真正su常叨著, … 另外 ,日本政府,對重要人士,有給點油做記號 ,隨時注意尹e行蹤, 聽兮講, 有一批烏名單, 交互特務, 若時機��急, 到最後關頭時, 准茲特務給尹加害, 或者處分, 這是真正恐怖e代誌 .

122

來源：2023 36 台閩文學韓石泉60回憶 (上)/韓p.56-122/第六七八九十章韓96.docx

韓三章四章五章 p77

第三章執業初期
佮台南病院時代 3 32.

我醫學校卒業e時瞬 ,才22歲爾, 雖然讀��彼段時間, 真正拍拚; 毋閣醫學e範圍包山包海, 干礁才短短也五冬爾; 有影無夠, 另外嘛噯僎(cuan3)一寡時間 ,去補讀中學e課業, 叨安呢 ,含心敆命拚規晡, 到尾也 ,宛那是讀袂透, 抑閣 ,佇彼个時代, 社會猶未真開化,無真進步,嗯才咱茲鄉親嗣大,一直逶(ui4)醫學卒業生, 給當作「萬事通,博士博」看待, 另外一方面, 阮即陣人,宛那不吉,迭迭做人敖膨風, 激甲足大形e,「自命不凡」, 毋知天地幾斤重,俗語咧講, 經驗卡贏學問, 叨者者有影哩 !

落尾也, 佇我服務e中間, 有發生過兩擺e錯誤, 一擺是順家屬e要求, 逶病死診斷書e死亡時間, 給提早填寫, 給通融叨
著; 即擺錯誤, 去互吉田先生, 大大來責罵; 自安呢了後, 我做代誌, 叨真細膩鼎真,開業到呾, 頻若拄著仝款代誌, 叨毋敢閣再通融過去, 嗯才迭迭互人笑講是「鐵齒仔仙」,「老頑固」.

另外一擺, 有一位鄉長, 要求注射606來治梅毒; 我同情伊遠路頭, 來去返捯硬斗, 自那特別踮病房給注射, 毋閣注無五分鐘呤, 患者遂洶洶面色反白, 規箍人昏倒塗腳兜, 死死迷迷去,
77

我看一下, 心肝頭大驚, 趕緊拚落做人工呼吸, 又閣注射大量強心劑急救, 好佳哉, 伊無外久叨睁神矣, 害我緊張驚惶, 凊汗盡拚腳尾僬冷, 彼瞬圍佇現場, 咧看急救過程e人, 攏是尹親戚嗣大, 有影害我卸示卸眾, 面子盡失 .

有關606注射, 加減嘛有風險; 有時宛那吓出代誌哩 !另外不時有患者, 手股腫歪歪, 拜託給冷敷熱敷, 其中有長短空縫, 看起來嘛是真為難, 嘛是真憂心真煩惱哩, 我剛(daa2)入藥局呤呤, 有捌治療一个老前輩e肺癆病, 彼个年代, 無啥乜好藥材, 干礁有一味Tuberculin注射藥爾爾, 奚是上介讚e辦法, 毋閣最後宛那無效, 遂來往身去,即位先輩有咧開講, 伊在生e時瞬袂曉想 ,卡早少年時, 毀類花天酒地, 深深反悔, 致使講食老身體衰敗, 失神了然, 唉! 「人之將死,其言也善」, 有影後悔甚慢矣 !

另外有一層悲劇, 發生佇阮仝班e同窗兮, 伊剛卒業呤, 叨不幸去染著傷寒重病, 入院治療, 落尾宛那創袂好勢, 身亡過世; 伊是一位外表清標, 風度翩翩e烏狗兄, 人緣氣魄壹度讚e, 愛穿日本大禮服「羽織袴」, 鼻仔掛金絲目鏡, 真正至揚漂碧; 互咱茲護士小姐, 人人稱羨, 歃(saa4)甲袂講了了安呢甡….尹厝內真好業(額), 聽兮講卒業時, 「衣錦還鄉真光彩」, 嗣大人給辦桌, 宴請貴賓, 又閣搬三工戲來慶賀, 唉 !真不幸, 竟然佇求功名, 完滿成就呤呤, 遂來重病拍損去, 尹厝內大細 ,哀嚎搥心肝, 真悽慘, 講起來人生多苦難,有影感慨萬千 !

我上尊敬e好友謝銀君, 彰化市人, 做人忠厚老實, 少年時歹命無老父,真有孝老母,有做過小學老師, 逐禮拜六攏毋驚艱苦,
78
遠路頭, 行路返來奉待母親, 好佳哉 ,落尾也互尹姊夫 ,給幫贊以上, 才捱才有法度來讀醫學校, 彼時日本政府每月日 ,互伊蘭珊(零星)e費用, 干礁箍半爾爾, 伊嘛攏給儉起來, 同窗兮有影無地比, 伊逐工攏寫日記, 字體媠又閣詳細 ,互我真佩服, 阮二人交陪真好 ,情義盡磅逗搭,袂輸生死之交安呢 .

卒業了後, 伊踮屏東府立病院遐咧服務, 有一擺歇寒, 伊返厝探親e時瞬, 順路來拜訪我, 身軀邊紮一雙新皮鞋, 安呢金晰晰, 我講欲創啥 ?伊講有喜事歡喜代, 返厝娶嫫, 欲來締結良圓緣安呢甡, 我講真恭喜, 無疑悟幾落工了後, 遂天轟地肉變, 伊洶洶染著急病重症, 不幸死亡, 我臹傷心, 去尹兜給弔唁, 返來e時, 紮著一本伊親手寫e日記, 留做紀念, 毋閣1945年3月台南大轟炸e時瞬, 遂去互炸燒了了, 真正拍損有影哩 !

我踮台北停留一冬, 聽兮講, 台南病院內科遐, 有欠醫生, 自那拜託堀內校長來紹介, e瞬呤, 佇隔返年1919 , 才轉去台南病院服務, 彼時e院長是明石真隆博士, 是我上尊敬e日本人之一, 伊是內科專家, 對咱台灣地e風土病真有研究; 伊e著作, 包含有關日本內科全書「瘧疾佮阿米巴虫」兩篇, 伊做人堅強有氣魄, 對王陽明學說「知行合一」, 哪做哪學(邊學邊做), 是伊做代誌e格調,聽兮講, 伊佇「日本九州帝大」研究e內底, 風聲伊是「學生兼老師」, 風評真好有「師宛那生, 生宛那師」, 互相弓晟, 無親象其他e研究生, 搕袂著叨欲請教先覺老師傅, 家己攏無主張安呢, 伊做人真有志氣拚喟, 無隨便婁喟失禮哩 !
79
台南病院e各科醫長,佇閒時開講中間,不時吓搪著問題, 硬斗歹解決, 伊拄好佇身邊, 一下暗中聽著呤, 知影奚是本業之外e難題,自那返厝了後, 想閣再想, 研究規晡, 另外閣收集文獻做考證,第二工透早呤, 叨向各醫長報告,伊研究e結論; 逶即个困難問題,三二下手, 叨解決矣; 同仁之間,嘴笑目笑 ,真正謳咾有著,無人講長短腳話, 有影是心服口服.這毋是驚院長e權威地位哩 !…伊而且對台灣人袂看輕,大我15歲, 對我足客氣牽成.

彼時我少年火氣旺, 無論是門診抑是病房, 攏大心肝, 貪心想欲占權, 來獨霸診斷權安呢, 毋閣我e身份, 干礁是醫務助手爾爾,頂司猶有醫官補, 醫官, 醫長等等嗣大, 這中間權限分明, 「各有任務」,我干礁吓使抄處方, 問病歷, 簡單檢查爾爾; 袂使擔任治療e空課,唉! 安呢做來做去無心適啦; 落尾也, 尹有答應我一寡要求, 分配淡薄仔病房e患者, 互我診療; 另外佇門診方面, 若有人信任我, 欲來求診者; 嘛吓凍自由處理安呢, 哇! 這真破天荒大開放e好消息哩, 毋閣阿本仔醫護人員中間, 宛那有人甕肚 ,看了莿棘袂爽快, 日本護士中間 ,閣卡有人看甲袂作e, 嘛有人抗命 ,無噯來合作安呢甡 .

su當時, 我e處境, 真正乏搭, 真正不安, 干礁靠家己e學問能力拍拚, 無咧管外口e經濟困難; 我開始做e時瞬, 月给22箍 ,三冬了後升做醫官補, 擔任判任官, 有制服; 照日本官制,判任官e頂頭是奏任, 敕任, 親任, 每一階層; 又閣有等級, 台南病院e台灣人, 做醫官補者, 內科我是第一个, 外科是王受祿兄, 續落黃金火兄, 耳鼻喉科是陳德智兄, 彼時民主主義漸漸咧夯龜蓋(醞釀)佇病房內,台灣人佮日本仔, 門扇板咧逗袂峇 .
80
勢面對立袂合和 .

佇日本人內底, 族群觀念上深, 上介沤搭無理者,奚叨是耳鼻喉科醫長伊藤某, 佮齒科醫官野谷某,佮事務長鹿沼某, 伊藤e漢草矮扮, 做人押霸, 目空一切, 性地歹癖橫橫搁, 講話粗魯無禮,對患者歹熗熗, 看台灣人閣卡下消無夠重, 野谷e性情佮伊藤仝款歹, 真正是仝公司出品e, 吓凍看做日本軍國主義e標準人物,落尾也, 太平洋戰爭夯起, 野谷擔任防衛團e大卻數, 佮鹿沼事務長尹孖鹿沼仙, 雙人逗一擔, 青狠歹癖, 心腸押霸欺侮善良, 來造成社會, 真贅悽慘落魄e歹心毒行, 不幸安呢 .

若講到鹿沼事務長, 伊做人奸詐歹心毒行,扶( po3)懸壓低, 有一擺為著出差e代誌; 對台籍職員大細心, 食人夠夠; 佮我起衝突, 我看甲袂作e, 自那給明石院長投, 伊遂來受着長官e掽丁(批罵)刮洗(遣責), 尾溜也, 明石院長對伊嘛真厭僐, 也叨逐擺 ,頻若欲食中晝e空縫, 伊迭迭吓摩一塔公文入來, 請求批示, 院長叨真無客氣給掃落, 「我袂凍烏白給汝頓印仔, 毋倘趁我無閒莿莿匆促之間,裁決重要e院務 .」

另外一擺, 我佮院長欲去巡視病房, 中間經過事務處呤, 院長笑笑也講, 「汝咁欲看事務長e乏搭款?」, 自那進入事務處問鹿沼, 汝咁知影本院e病床有幾款? 病床有懸有低,懸兮有幾尺? 低兮有幾尺? ,鹿沼即聲印袂出來, 院長叫伊去查清楚,噯趕緊來報, 互伊面子盡卸紅貢貢, 咱明石院長嘛真敖給創治哩 !
81
伊做人奸巧, 真敖po3坦巴結頂司, 由高木佮堀內二位醫師給牽成, 給提拔; 才有今仔日e地位, 毋閣明石院長看伊下消, 看伊無材調, 「食老袂哺塗豆矣」, 尹孖前紅鹿沼醫師卒業時, 想欲來台南病院服務, 伊嘛無咧給信斗, 無欲給牽成叨是, 另外一層,鹿草事務長,伊食老毋臹樣; 愛行花街柳巷暗間仔, 致使尹夫人起痚怨歎, 尾也精神分裂, 來吊脰自殺, 家庭悲劇, 有影僥悻(悲哀啊) ,想欲潦落即堀, 噯想互伊好勢 !

彼時瞬, 內科醫局, 伊勢醫長; 做人鈍鈍袂清明, 代誌迭迭好醜肖犮(pua4纏繞不清), 長短厘袂清, 大井醫官, 性地屎桶臭火, 做人真大形歹癖, 噯佮人冤傢, 伊膨風膨逐, 講話全逶鼻空出來, 毋閣另外一方面, 岡本,伊藤, 二位醫師; 奚叨無仝款囉, 尹溫文有禮,真客氣, 真好逗陣, 我佇台南病院食頭路, 自1919至1921年底, 即三年中間,受著明石院長e牽成指導, 醫學佮醫術進步真贅, 對我日後仔 ,家己開業幫讚真大安呢 !

彼時台南病院, 互人叫做yama(山)病院, 也叨病院e環境, 四箍遴返攏是草埔仔, 逐傢安呢給稱呼, 伊是咱台灣南部上介好e
病院, 茲鄉親嗣大, 真給捧場真給謳咾叨著 ,佇遐做愈久, 安呢名聲愈揚, 我雖然短短做四冬爾爾, 宛那得著真贅人e信賴安呢 .

明石院長, 真愛讀冊, 伊研究心強; 迭迭咧怨歎, 缺欠研究時間佮經費, 也叨地方性e病院, 宛那是以治療占大頭, 而且伊身為院長, 雜務纏身,卡無時間來做研究, 落尾也,台北醫專吉田教授辭職,佇台北城內開業, 院長想欲接伊教授缺, 毋閣互另外
82
一个小島教授所阻擋, 小島佮伊, 平平九州帝大出身兮哩 , 小島加懸一年e學長爾 , 毋閣論官位, 小島卡輸勢, 伊心肝頭砧(diam), 嗯才毋願院長進入學校教內科, 致使講明石院長, 心中憤憤不平真嚥氣, 自那返去日本, 就任熊本醫科大學教授, 無外久呤, 升做校長, 伊名聲浮夯, 互學術界真給尊敬叨著 .

彼个流擺, 佇日本學術界e風頭, 叨頻若大學卒業了後, 除非是留踮研究室工作, 抑無, 欲提名做大學教授e機會真尐, 咱明石仙兮佇台灣赫尼長久, 佇地方上唗跳赫尼遙遠, 照理講伊e學術研究能力, 加減吓夆看輕才着, 無疑講伊返日本了後, 宛那受著學界赫尼歡迎, 實在無簡單, 真正創下特例叨著 !

病院e護士, 大部份是日本仔少女, 另外少數台灣人,彼時瞬我拄拄好無對象, 有幾个阿本仔查某,青春熱情, 對我印象好, 尹強欲趨過來味是(的樣子) ,有一位咒詛(發誓)嫁我了後, 甘願改講台灣話, 穿台灣衫, 來奉承我, 其中有一位上介主動, 上互我著驚兮; 伊是高等女校畢業e檢驗員, 我值夜班e時瞬, 特別登門來亂, 安呢舞東舞西, 膏膏纏囉嗦, 逼我來承諾定婚東西…, 伊自言自語sese唸,手夯二枝番仔火枝, 用火點燒, 來卜前途, 講這是尹鄉里e風俗,真正有靈有聖安呢, 我笑笑也給推辭,唉 !一場鬧劇痚戲, 伊才無啥歡喜行返去 .

彼時我若有邪念無正經, 也叨即个查某, 早叨互我耍過矣, 乖乖也聽我喚起落 . …我心肝頭有一个信念, 叨是做人噯專情, 除非有純情,甘願一世人結合; 抑若無者,叨毋倘烏白攽愛情, 四界去瓊去貿, 安呢是無道德, 毋但對不起自身爾爾 ,
83
嘛吓來造成日後e麻煩困境, …彼時我瞬猶未訂婚, 毋閣嘛有做過好朋友e月下老人 ,來牽姻緣, 咱這鄭得和兄佮鄭錦治女士吓凍結成連理, 我嘛算有淡薄也功勞哩 !

第四章男女交陪戀愛史

35.

佇茲, 我加減講一寡卡早交女朋友 e故事, 才閣慢慢進入戀愛e歷史, 我佇十三四歲e時瞬, 叨已經有兩性差別e思想, 開始對查某囡仔真欣羨, 彼時阮老父e私塾, 有女學生幾落人, 其中有卡媠e , 頻若互我看著, 心肝頭宛那吓歃(saa5)著, 吓摵(cek心震動)著,毋閣彼時卡少年, 無啥乜邪念貪念, 這中間有一位少女, 迭迭佮我咧憩陶(cuttr 12 )出入, 我嘛不時去尹兜行踏, 有影「兩小無猜」 ,真單純爾爾, 無啥情份哩 !

尾也, 我去台北讀醫學校了後, 叨真尐見面矣, 一直等到我返來台南病院e時瞬, 才有倘迭迭來交往. 時間早暗無一定, 有寄情書來往, 講起做囡仔時代e心適, 真正懷念安呢, 毋閣我干礁惜友情爾, 並無愛情婚事e想法,… 彼時我卡有身份地位,行情浮夯起磅 ,袂輸簡那中狀元君臨天下咧, 佇病院有護士來包圍,咱厝內叨有媒人講親, 行破戶碇, 有影金光摪摪滾安呢 .

給想起來, 我自從卒業之後, 有關婚事e風聲, 叨真熱真磅, 茲鄉親嗣大「三姑六婆」, 不時嘛咧猜臆, 咧放送頭, 有時講我佮東家小姐咧戀愛, 有時喊佮西家小姐, 已經訂婚矣, 甚至有e自我宣傳, 自動欲獻親獻戚, 嘛有人願意以姊妹紹介, 互我來
85
選擇, 另外嘛有尼姑, 願意還俗來嫁我, 嘛有厚嫁妝田園十外甲三擠欲來講親戚, 嘛有新時代新潮流e, 家己提起膽量向家母活動….安呢人群��繹, 五花十色, 氣氛燒烈沖沖滾叨著, 古早人咧講「讀冊毋驚無好嫫,書中自有顏如玉」咁真實有影 ? 咱講實e, 我對婚事, 有四項信念, 咱心頭給掠吓定, 才來平心靜氣暗中物色哩 !

第一無噯娶富家千金, 無貪求嫁妝, 也叨有錢人查某孖, 驕氣目色懸(高), 靠人e嫁妝, 安呢真正無面子 .
第二無噯娶材貌雙全, 真出名e姑娘仔, 也叨甚出名e關係,恐驚也生活中間, 真奧合和, 圓滿逗搭 .
第三無噯甚媠甚美豔e姑娘, 顛倒卡愜意幽靜賢淑e村姑.
第四噯受過相當e教育, 來提高素質, 若有機會, 盡量來深造, 讀卡贅冊求學問安呢 .

阮好朋友安息君(醫師) ,自來叨知影我e喟(kui4)口佮意見. 有一工給我講, 有一位少年淑女, 莊秀鸞姑娘仔, 一兩工中間, 攏吓來病院看耳空病, 汝若有意思, 叨來給偷瞻(siam)一下, 我吓使給汝逗三仝, 幫助即層姻緣, 我笑笑印講「好柴袂流過安平鎮有好對象,汝哪袂家己按算?咁講咱雙人攏仝症頭兮是毋?」 ,安息君講「無啦, 我卡愜意華麗, 活潑卡外向e姑娘仔,即位淑女e性格, 我卡袂ha4叨著 .」

第二工, 佇姑娘仔猶未來病院進前, 我先跁到陽春樓頂頭, 無外久呤,尹老父cua3伊入來,我趕緊落樓梯,假影咧看新聞報

86
, 我入去診療室, 佮安息君交談e中間, 目神暗中給偷瞻(siam)一下, 也呾即位姑娘仔, 身形清標, 漢草長軂, 雖然無算國色天香, 豔氣逼人來講 ,毋閣氣質清靜, 真正空谷幽蘭, 高雅樸實單純, 無一絲仔世間浮華e習氣 .

唉 ! 剛(daa2)見面呤, 叨互我歃(saa4極愛)入心腹矣, 真正神魂顛倒, 愛甲袂講了了; 嗯才e瞬呤, 趕緊唗尋媒人婆仔,拜託安息尹老父, 姑娘仔e阿舅 ,阮大姑仔; 全力去講親戚, 落尾也, 消息回報,講尹查某囡仔猶甚少年, 緣份e代誌慢慢才閣講 ,暫時來推辭 ,唉 !互我真正失望安呢甡 !

自安呢了後, 半年中間, 叨親象詩經所說「窈窕淑女,君子好逑…悠哉悠哉,輾轉反側」情境 ,真正心事空虛, 乏(ha4)甲擋袂牢,有影可憐 ! 我毋敢自命君子, 即聲代誌食力, 毋但是「輾轉反側」爾爾, 真正是規暝攏睏袂去, 有影規組害了了矣, 心肝頭真怨歎,我條件安呢袂醜, 按怎對方無欲馬上答應 ?

咁講對方咧漲懸價, 目頭浮夯, 欲嫁大好業(額)人 ?「紈絝子弟」?抑是欲揀選比我卡有材情卡緣投e對象 ? 心情紛亂, 安呢烏白想, 我按怎無來接受, 病院內求愛e姑娘仔? 顛倒遂互即位小姐來漲懸價? 來為難, 伊若嫁仈人 ,咁吓比我卡好命 ? 若安呢,我嘛祝福啦,尹父母哪吓迮袂曉想啦?愈想愈亂,到時若舞甲袂偆俥,抑無 ,寧可返來娶卡合意e日本護士,來填補來安慰心情e創傷 .
87
古早話咧講「山窮水盡疑無路,柳暗花明又一村」, 好佳哉無外久呤呤; 傳來好消息矣 ,女方對阮e提親, 開始有改變主意, 即聲有望矣, 互我歡喜甲袂講了了; 叨趕緊好鑼好鼓乒乓叫 ,給摧落去, 再度鼓起勇氣, 拜託尹老師吳鏡秋先生, 全力摧策來玉成即層婚緣, 吳先生嘴水好, 敖撟摵, ga毋驚艱苦以上, 即層婚緣,自那一帆風順, 雙方同意1921年6月26日訂婚, 人咧講「有志竟成,有情人終成眷屬」.

彼个時代e訂婚禮, 真簡單, 阮干礁拜託吳老師; 用紅色籃筐, 摜送禮物佮手只金器去女方爾爾, 並無其他禮數儀式, 亦無盛大辦桌來宴請賓客, 閣卡無直接佮愛仁仔, 摯接e機會, 新郎倌嘛無去丈人兜, 吓使講真正簡化叨著, 落尾也, 我想盡辦法, 尋機會佮伊見面 , 拄好阮台南病院e護士內底, 有人佮伊同窗兮, 佇音訊來往e中間, 好意拜託, 才破天荒約踮盧淑賢尹兜見面 .

一下見面呤, 伊真閉su3歹勢, 我伸手給摸, 安呢閃避閣閃避, 尾也勉強牽著手盤, 袂輸簡那電著仝款, 落尾我有約伊看戲娛樂,毋閣時機保守, 丈人爸考慮再三, 宛那毋敢答應, 互我真失望安呢, 「咫尺天涯」, 看吓著, 牽袂著, 奚叨無伊法哩 .

為著欲達到日後生活圓滿, 培養氣質, 有給伊鼓勵, 繼續升學讀冊, 毋閣伊自小學卒業了後, 已經三年矣,書筆僬甡銹矣; 想欲閣考試, 真正硬斗, 自那佮尹父母參詳, 同意綴(de跟隨)我讀冊, 好佳哉, 另外一方面, 好友簡仁南君尹未婚妻盧氏, 宛那仝款欲教伊讀冊, 雙人一喟有伴, 自那有時瞬踮錦治尹兜, 有時踮盧氏尹兜,我含仁南君, 合齊輪番任教, 叨安呢, 二个少年
88
醫師, (仁南嘛佇台南病院內科服務) ,教書比看病, 閣卡熱情起磅 ,安呢年久月深真好運, 過返年1922年四月, 尹二位攏考稠台南第二高女, 佇開學彼工, 才子佳人, 雙雙對對, 氣氛迷人, 莫��咱校長楠基 ,是嘴笑目笑真給歡喜 .

入學了後, 我才有機會登堂入室, 佮姑娘仔公開出出入入, 自由來往; 即四年e中間, 無論風雨燒辣, 暗時仔若有閒, 一定去尹兜, 表面上讀冊, 實在是逗陣溫純, 我佮仁南君情形肖偎, 有影仝症頭,仝公司出品e….彼時瞬, 我佮黃金火(外科) ,共同來經營共和病院,金火蹛病院內, 我蹛佇外南河讀報社e樓頂, 「讀報社」是文化協會所創辦, 「讀報所」佮「文化講座」會場,我有兼給管理, 鸞妹來訪, 有時吓到深夜, 由江福君給cua3返厝, 江福君做人忠厚, 服務文化協會, 盡責盡任, 毋閣身染肺結核病, 到四十猶抱獨身主義, 真正是可憐 .

當時「文化協會」, 佇1924年8月, 利用歇辣(暑假)e時瞬, 踮霧峰林獻堂e萊園做會場, 舉辦「夏季講習會」, 會期一禮拜,鸞妹嘛去參加, 結束彼工, 我宛那趕到遐, 回途e時瞬; 佮陳逢源兄尹尪仔嫫, 仝齊踮關仔嶺溫泉過暝, 我佳哉吓來克服性欲, 無做出超過e行為, 毋閣佇女校方面, 雖然有風聲勃影, 毋閣對伊 ,並無啥乜處分, 算講嘛真開化真寬大, 伊佇學校, 若拄著問題疑問e時瞬, 尹導師迭迭笑伊講, 寧ko(乾脆)去問韓先生卡好勢啦 !真正是虧仙虧入腹矣 !

89
1924年8月, 鄭德和佮簡錦治小姐, 踮旗山結婚; 我佮鸞妹去給祝福, 過返暝才返來, 丈姆真無歡喜, 驚也講其中有曖昧矣, 總講一世人中間, 有時吓夆嫌疑, 這宛那在所難免,…我猶未訂婚進前, 有一擺, 阮規陣朋友, 肖招去有粉味e酒家, 飲酒作樂, 深夜時分, 有人欲痚貓, 按算欲心適蹛暝東西…,毋閣干礁我拒絕, 叫老娼兮開門互我唗, 尹笑我「天下第一戇人」 ,我嘛無咧睬伊, 才無來造成錯誤安呢….毋閣有一回1921, 我24歲, 為出席醫學會, 行就台北, 會後, 一寡朋友, 肖招欲去暗間仔心適, 行踏行踏, 我因為好奇心, 加減佮尹逗陣去, 彼暝真正是火坑邊緣, 好佳哉我趕緊坎頂收腳 ,心頭捍定, 無跋落去; 自安呢了後, 頻若即方面e代誌, 我叨毋敢閣潦落即堀 .

第五章台灣議會期成同盟運動
佮治安警察法違反事件

38.

我佇1922冬尾, 辭去台南病院e頭路, 佮黃金火兄合作, 來開「共和病院」,我主持內科,伊做外科 , 彼時瞬台灣人, 民族意識浮夯, 全島火焯興旺, 百姓不滿日本仔來tun踏, 我嘛有來加入文化協會e活動, 參加「台灣議會期成同盟會」, 即个會佇1923年2月2日, 互日本政府總督健治郎, 以治安警察法給禁止, 姑不而衷,阮捍頭e人石煥長, 2月21徙(sua)去東京重起爐灶, 尊奉林呈祿來領導主持, 繼續來活動抗議, 即聲日本仔惱著矣, 採取強制壓霸e惡毒步, 尹佇12月初6透早呤, 來發動大規模e警察煞, 踮全島「大檢查」, 即聲掠著一千外名e政治異議者 .

彼工才拍譜光(天亮)呤呤, 我拄好睏甲清夢好落眠, 洶洶一時間,遂有日本警察十外人,破門蹤入來厝內, 真恐怖,尹逶我押就車頂,直直駛到安平路 ,拘留踮臨時收容所遐,伊叨是即嗎e空軍病院, 日本時代e傳染病隔離病院, 彼時樓仔厝剛(daa2)砌好呤 ,油漆猶新新,阮規陣人, 夆關佇一間房間內 .

我雖然毋知影, 互人逮捕e原因, 毋閣啞口仔食圓仔,心內有
91
數, 秉持鎮定e心情來應付安呢甡…另外一方面, 又閣有警察去阮兜, 強制搜查, 安呢翩箱翩桌, 規間尋透透, 叨頻若稍寡有嫌疑e書信文件, 一律紮返去警局, 絕對無諒情安呢, 我有五本秘密e日記, 嘛去互尹sa去, 彼工安呢青洶大檢查, 警方布置甲天羅地網, 真正工夫逗搭; 有e人顧厝頂, 有e人顧後尾門,互汝袂唗閃e, 如臨大敵安呢甡 .

我夆拘留一禮拜中間, 芝沼檢查官有來訊問一擺, 才知影我是為著「台灣議會期成同盟事件」e原因, 彼擺台南市有幾十人夆掠去, 訊問了後, 隨人釋放返厝, 最後干��偆蔡培火,陳逢源,吳海水…諸位先進, 佮我逗陣, 去夆解押去台北監獄, (金山南路二段52號) ,互汝試一下鹹汫, 知影食免錢飯e鐵窗滋味, 彼暗押解車特別踅(se3)對鸞妹尹兜, 是毋是有特別e用意? 唉, 彼時苦毋講蹤入厝內來吻別, 有影心肝頭真艱苦安呢 !

來到台北監獄「拘留所」e地頭, 遐e監房大約5尺闊8尺長e孤房,捯爿(bing2) ,正爿,後爿攏是厚壁, 後壁e上頂頭, 留有一空,外口有鐵枝仔圍咧 ,有採光佮通風e效果, 頭前面是柴門, 厚厚也設鎖匙, 頂頭留二粒空洞, 倘互守衛仔來做監視, 倒落睏e地板邊腳,做為便所, 另外頭前厚壁e下緣, 留一空四角位, 倘接引食物便當安呢, 守衛仔監視規暝, 照番號呼喚; 我是99號,99佮久久仝音, 家己暗中咧想, 拍算關無限期矣 !

彼瞬拄好冬尾大寒, 監房內底陰冷逼身, 好佳哉頂司有來優待, 分著5領pu色e毯仔, 普通囚犯干礁3領爾爾, 阮吓使坐咧倒咧卡自由, 其它e犯人噯跪坐四正,卡袂慣習e人, 坐無十五
92
分鐘爾, 叨雙腳痠軟僬麻痺, 一般罪犯噯靜坐規工, 若稍寡懶身斜體, 互守衛仔看著, 迭迭嘛夆sut扑(打) ,逐早起噯褪衫檢查歕口(肛門 ), 驚也遐暗藏物件哩, 阮嘛無來受著即款苦毒安呢, 聽兮講頂司, 以國士之禮肖款待, 佮其他罪犯無仝安呢 .

逐早起5點起床, 暗時仔8點就眠床, 有時仔吓叫汝起床, 有時仔叫汝倒落, 者者噯聽守衛e命令, 倒落眠床時, 頭部噯面向門口, am3頸以上袂使坎稠e ,守衛仔規暝嚴格來監視,來預防囚犯自殺抑是烏白來,若無聽話, 迭迭吓夆扭扑灌水, 半夜時分, 不時吓聽著哀哭聲, 喉管滇(dii6), 真正悽慘, 簡那人間地獄咧,…阮逐工洗浴一擺, 一禮拜吓出去外口二三回行行e, 限制十分鐘爾, 守衛仔對時間 ,是節甲緪緪(an2緊) ,絕對袂凍延遷 .

佇內籬仔內底, 心肝頭上掛念e代誌; 叨是阮阿母佮鸞妹, 阿母歲頭卡偎六十, 為著我即擺來落獄, 精神深受打擊, 鸞妹咧讀冊,嘛有寄批來慰問, 真拍損, 茲資料攏總佇光復前 ,空襲時炸燒了了矣, 尹茲批信中間有「聽天由命」e字句, 表示時機真醜, 干礁看天公伯仔面色來撟, 真正無伊法安呢, 字句無奈, 互我記牢牢,毋敢放袂記e .

尾也, 經過幾落擺, 檢查官佮法官訊問了後, 佮其他同志蔡培火,蔣渭水,蔡惠如,林呈祿,石煥長,林幼春,陳逢源,吳海水,王敏川,鄭松昀,蔡年亨,蔡式穀,林篤勳,石錫勳,蔡於先,林伯廷,吳清波,攏總十八个人,送交法院公判, 等到預審結束了後,
93
我才夆放出來, 算起來, 自被檢舉到釋放, 大約二个半月, 出獄e時, 咱茲鄉親民眾, 炮仔是放甲乒乓叫 ,熱忱來歡迎, 才知影民氣旺盛浮夯, 志士賢達嘛「卻數」好 , 毋驚死 .

初審公判庭, 自1924年7月25至8月27, 連開八擺, 日本貴族院議員, 渡邊律師, 佮刑法權威花井卓藏, 佮律師長尾, 永川,渡邊, 岸田原 ,等先後助辯, 8月18宣判, 被告全體無罪, 即聲三好檢查官不服, 自那提出上訴 .

第二審佇仝年10月15, 踮高等法院覆審部開庭, 東京渡邊佮清瀨一郎, 佮一寡台灣律師, 攏強力來辯解, 指責政府當局 ,強押遐請願台灣議會者, 是一層非法e行動, 一致主張各被告無罪安呢. 10月18開庭, 29日宣判王敏川,蔡先於,吳清波,吳海水佮我,攏總五人判無罪, 鄭松均, 蔡年亨, 蔡式穀, 林篤勳, 林伯廷六人, 判罰金一百箍, 蔣渭水, 蔡培火二人, 禁錮四个月, 蔡惠如, 林呈祿, 石煥長, 林又春, 陳逢源五个人, 判禁錮三个月, 以上被判有罪e被告, 攏總不服, 又閣上訴, 出名e律師花頸,卓藏, 再渡來台彥辯護, 1925年1月20判決, 「上訴駁回」, 嗯才e瞬呤, 尹茲被告彼幾工, 去夆送去台北.台中,台南服刑 .

嗣後, 茲被告出獄了後, 民氣閣卡旺盛火焯, 憤怒e民眾, 逶文化協會e講演會, 擠甲無位去; 互日本仔政府真歹壓制, 對講演者, 不時提出警告, 叫尹「注意」,「中止」,「暫時拘留」…毋閣壓迫愈嚴, 百姓e反彈愈強愈旺, 彼時港町(即嗎和平街)讀報社, 是全市資訊e神經中樞, 我睏佇樓頂, 鸞妹時常來訪,
94
夜深返去了後, 迭迭有日本特務, 暗中祕密跟蹤, 收集情報, 叨
頻若日本有重要人士訪台e時瞬, 尹吓對可疑人士, 暗中尾隨,監視行動, 掠伊e長短情報; 我出診病家 ,抑是夜訪鸞妹, 後面嘛有人跟蹤暗探 ,我到厝e時瞬, 伊宛那離開, 唉 ! 講起來茲特務仙仔, 嘛是「真辛苦真無閒」哩 !

對付茲特務者, 阮茲同志內底, 宛那有人給創治, 給「惡作劇」,伊採取閃避戰術, 挑工逶前門入去, 馬上後門出去, 互特務仔sa6無摠, 呆呆柴柴踦佇暇咧煽東風, 有影真ham3 ,另外嘛有雙方互相妥協講通和, 來減輕暗中監視e「艱苦」,叨逶規工e行程來去,明白告知特務, 互伊有法度向頂司交差, 來減輕責任安呢甡 .

1927(昭和2年)一月, 台灣文化協會,不幸來分裂, 嘛影響著咱台南所在, 「新文化協會」e會員, 強欲接收港町讀報社, 引起不滿,即聲兄弟冤傢, 日本政府暗爽在心, 真正遺憾 !仝年七月, 「台灣民眾黨」組織成立, 我夆選做中央委員, 繼續王受祿兄之後, 擔任台南支部e主幹頭兄, 一直到1931年(昭和6年)2月18日民眾黨夆禁止為止 .

民眾黨e政談講演會, 聽眾佳繹摪摪滾, 開會e會場, 迭迭人群阻礙袂通透, 有一擺欲借本市公會堂集會呤呤,去互警察仔干涉,我身穿白長衫, 真正至揚賭氣魄, 直接拚到警務部長室抗議, 看著伊手夯電話, 真緊張咧講話, 伊對我趕人落逐客令, 我氣憤火焯來退出,彼工是1930年10月27日, 噹時仔(原來)是霧社事件發生矣, 伊即聲搪咧大無閒, 來接聽要緊e代誌安呢 .
95

來源：2023 36 台閩文學韓石泉60回憶 (上)/韓p.56-122/韓三章四章五章 p77.docx

韓石泉56

第二章台灣總督府醫學校
23.

我公學校(小學)卒業e成績, 大概是第十名左右, 彼時瞬14歲爾, 按照考試e規定, 欲投考台灣總督府醫學校, 噯年滿16歲才吓使, 致使講, 離考試猶 (iau) 有二年e空縫, 欲按怎來撟好勢 , 有影互我真困擾 .

有一工, 我踮街路咧行踏呤呤, 拄好去看著台南廳, 咧招募「給仕」e廣告, 遂戆戆也(a)給答應(招募) , 實在毋知影, 給仕是咧做啥乜空課(工作 ) ? 一下上班了後, 才知影是咧做雜叉仔, 倒茶水,掃塗腳爾爾, 即聲心肝頭稍寡失望, 尾也 ,加減來給吞忍, 安呢是無要緊啦, 毋閣即款場面,萬一若拄(du)著熟似人, 叨感到歹勢見羞(siau3) ,有影閃袂離叨著.

也呾一工領一角八占e薪水, 若是無缺勤(全勤), 一月日領五箍四角哩, 另外又閣配給士服冬夏各二套, 掛皮鞋, 帽子東西…; 彼時瞬我猶毋捌穿過皮鞋, 有一擺左爿正爿遂穿倒翩, 真正婁(lau4)喟乏搭款, 這佮彼噹時「草地紳士」, 尹穿洋服褲, 宛那顛倒穿來講, 真正有比, 想起來有影笑詼(kue)哩 !

我服務佇「財政課地方稅係」, 係長是白井怡三郎 (尾也改名高晶怡三郎), 對我真照顧, 真愛護, 逐擺看著我專心咧桌前書
56
寫e時瞬, 伊毋敢叉甲我(呼喚我做事), 自那換仈人做, 即款代誌 ,加減吓��起仈人e怨歎,這叨是阮所長 ,暗中來幫忙, 互我有卡贅時間, 去拍拚學業e恩情安呢 .

彼瞬阮蹛佇老古石庄頭, 下晡五點才逶辦公廳下班, 返來厝內食飽了後, 自那去補習班「夜學會」讀冊, 老師資也勘一, 教數學, 日文, 初級英文, 到十點才煞學, 彼時學堂設佇兩廣會館, 離踦傢老古石真遠, 路頭中間無路燈, 致使讀冊返來e時瞬, 半路暗摸摸, 迭迭吓去拄著, 飼佇外口e豬母, 尹發出哀聲悽慘, 神哭鬼嚎, 真正著驚安呢, 想起來即一年中間, 無論風雨寒辣按怎困難, 攏叨噯日時出勤, 暗時補習, 返來時迭迭暗面山貓, 驚甲腳尾僬冷去, 我自那佮朋友約束, 叫伊伴我返來, 我順續為伊解決數學題, 算講互相交換條件安呢 .

我日時仔, 噯去上班, 受人叉甲(呼喚), 若時間卡另e, 叨趕緊拍拚讀冊, 若拄著無了解e所在, 趕緊尋空縫去請教「係員」,其中有一位叫當房森吉e先輩, 真痛疼我, 伊宿舍蹛佇台南公館遐,我下班了後, 替伊去菜市仔買菜, 伊才來教我數學, 日文,嗯才, 我e學問才大大來進步哩 .

尾溜也, 當房氏派去南洋, 發行「南洋佮日本雜誌」, 自安呢叨音訊斷去, 無法度閣再連絡, 到十年後1923年12月, 台灣發生「治警事件」, (可比民國69年美麗島事件仝款) ,日本警方掠真贅台灣知識份子入獄, 我受著官廳e誣賴, 佮蔡培火, 蔣渭水…等等, 同時入獄, 即个政治事件,哄動日本全國, 彼个時瞬, 當房氏佇南洋知影了後, 真正同情佮痛惜我, 自那撰寫
57
文章, 記錄十外冬前, 我少年時代e情形, 互伊謳咾有著, 這是我一世人上介寶貴e紀念品, 毋閣真拍損, 民國34年3月1日, 美軍飛行機轟炸台南時, 茲資料攏總炸燒了了矣, 連我一寡日記, 相片, 論文; 嘛攏燒燒去, 臹慘 !

我頻若去當房氏尹兜e時瞬, 迭迭拄著伊孤單咧飲麥仔酒, 伊吓招我仝齊來飲, 自彼時開始, 我才稍寡知影麥仔酒e滋味,
當房氏彼時猶未娶嫫, 伊送我真贅書冊, 有化學, 物理,…等等,彼時我猶毋捌, 冊中e內容按怎款 !

我佇地方稅「係」服務彼時間, 叨頻若拄著稅金開徵期間, 有來參加抄錄「納稅通知書」e臨時空課, 得著一寡外路仔錢, 來幫贊厝內e開銷, 致使講暝日拍拚, 認真抄錄茲空課, 所趁e錢銀,遂超過原來e月給, 阮老父真謳咾我e俥拚喟, 老父e朋友陳桑, 捌笑笑也(a)給我講, 「即嗎做給仕職, 後日仔吓升官做參事」, 佇日本時代, 做參事是真至揚e官位哩 !

二年了後, 1913 (我16歲) 春天, 我參加總督府醫學校e入學考試, 其中算數有乘除四則問題, 即回我考了在穩妥當真好勢, 也叨考試進前, 有來逶考試用算數幾落本書冊, 所有e條目, 逐條演算, 真正是有備無患, 家己有自信叨著, 作文e題目「風」好佳哉, 進前我有讀過一本「天變地翩」e書冊, 有講著風叨是空氣e流動, 恬恬是空氣, 震動時是風; 風有春下秋冬,東西南北風,嘛有貿易風(季風)…東西,安呢逗來逗去, 遂浮出一篇
58
文章, 我給想想e, 卡早若無苦讀真贅冊, 即聲作文叨無話無句, 噯交空卷矣, 也叨 su當時小學課程, 並無理科e科目, 欲哪知影迮贅代誌 !

考試官吉田坦藏給我口試, 問我按怎想欲做醫生? 我提范仲淹e話「大丈夫不為良相當為良醫」, 來應對, 這是阮老父教e庭訓叨著, 放榜了後, 果然及格; 我佮林安息 ,劉乞食,仝齊入學; 落尾, 卡早上班e「地方稅係」同仁, 嘛出錢肖請來祝賀, 臨別e好禮好意肖媵, 互我鼻酸目燒感動再三, 即份恩情, 到今仔日,我心肝頭,宛那竄筋入骨威威鑽, 一世人記甲牢牢牢, 「會計係」單位e高橋, 真照顧我, 也叨原本考試日缺勤噯扣錢, 毋閣宛那照正常出勤付工資, 互我真感恩, 彼時我「日給」已經二角二針(分), 比「初給」時已經增加四針矣 .

我佇1913(民國2年), 就北讀總督府醫學校, 彼時瞬, 內底e學生囡仔, 真贅人患腳氣病, 其中嘛有真食力(嚴重)e安呢, 也叨病理病因無真了解, 攏牽拖「水��不合」, 來台北進前, 老母提一罐玻璃矸仔, 內面囥台南e水佮塗, 交代我落火車了後,腳踏台北塗腳兜e時瞬, 才給飲落去; 安呢叨吓凍去除病痛, 我有遵命給飲落去, 尾也, 佇台北即五年e噹中, 遂無來致即款病痛, 我想這宛那拄千拄千爾爾 .

我是公費生, 政府每月日補助學費七箍五角, 其中六箍抵伙食費, 剩兮算做蘭珊(零星)用, 而且有配給鞋子,帽子,外套, 我讀冊即五冬中間, 家己消費才600箍爾, 包含歇辣(暑假)回鄉旅費佮書冊費, su當時厝內e經濟, 干礁吓凍勉強維生活爾爾,
59
我來台北讀冊e費用, 完全靠厝內賣大豬來傾錢哩 .

同窗兮, 來自全島各所在, 程度長短有出入, 有e人一擺叨考牢, 有e人考幾落年才錄取, 而且每一人e環境身份嘛無仝,有e已經娶嫫, 有e大嫫細姨攏有; 我佮安息��有卡少年, 宛那加減吓夆惼(pii欺)夆凌治, 毋閣無親象讀小學赫艱苦, 學校e風氣, 隨人無仝款; 有e認真拍拚, 有e放蕩無品; 啥乜款人攏有, 落第(留級), 退學, 再入學….迭迭有聽著 .

另外, 嘛有發現桃色事件, 也叨咱台北艋舺(萬華番薯市,貴陽街青山宮遐), 花街柳巷真出名, 一寡卡贅歲卡癡哥仙兮, 不時吓趁夜深人靜e時瞬, 躡(ni4)腳躡手, 逶學校邊e空縫, 偷唗(跑 )出去, 天光進前才閣返來床位, 假影無代誌e款, 來應付舍監e檢查, 毋閣舍監嘛真奸詐, 半暝吓突擊檢查, 若算無拄好, 代誌定著爆空, 即聲吓夆電甲真悽慘安呢 .

彼个時代, 課本真缺欠, 上課時由老師嘴唸內容, 學生才給寫落來, 有e人用毛筆格仔書寫, 有e用鋼筆西洋簿仔寫, 我彼時e全部筆記, 真可惜受著戰禍, 全部燒了了, 若準吓凍保存落來, 奚真正是有意義e紀念品, 有法度來看出su當時醫學e乏搭款安呢, 也叨教師唸了甚緊, 夯筆甚慢迭迭寫袂赴, 煞學了噯趕緊尋同窗兮, 補寫抄本互伊完滿, 真正硬斗艱苦, 有e卡貧惰e人, 遂攽外外無欲管伊, 落尾等考試逼偎來e時, 叨趕緊借筆記本來臨時惡補苦讀,安呢乏搭了然,真正好笑, 亦真正
60
可憐, 毋閣有一部份人, 真敖膨風臭彈, 做人大尾揚papa, 無咧給考試信斗哩, 咱實在講白e , 彼時筆記e份量真贅, 叨算講汝有三頭六手, 宛那讀袂僬勻(ziauwn32完整), 真正無法度叨著,致使講, 尾也才姑不而衷, 殘殘佮伊揀題跳讀, 來臆猜題, 讀外贅算外贅, 準拄好啦, 按算佮伊br4(冒險) 看覓e .

考試時若臆(猜)題有著, 奚叨嘴笑目笑, 歡喜甲袂講了了, 另外若是臆無著, 奚叨艱苦坐掛, 搥心肝矣; 頻若拄著考試e期間, 規間學校氣氛緊張, 一四界浮夯安呢, 佇彼个時代, 學校真尐, 台北除了醫學校以外, 干礁有國語學校, 工業講習所, 農業試驗場爾爾, 其中醫學校學生e生活長短, 上介受著一般人e注意, 學生仔成績好醜, 一聲嘛轟動南北二路, 全省僬知影,優勝者榮歸故里, 真光彩, 落敗者卸示卸眾, 真見羞安呢 .

彼時瞬, 一學年分做三學期, 每學期正考一擺, 另外有學年考試, 三个學期e平均成績占一半, 另外學年成績嘛占一半,來決定升級降級; 彼時醫學校採5年制, 包含預科一年, 本科四年,學生e來源由小學來直接選取, 無經過中學e階段, 預科一年,充作粗淺e中學課程爾, 叨直接去讀醫學e各種課程, 算起來真硬斗, 若無天資優秀, 兼拍拚認真, 實在無法度融會貫通迮贅學問哩 .

好佳哉, 彼時代e學生, 逐傢攏是優秀e青年, 毋閣有e人,歲頭卡贅, 也叨記池卡醜, 致使講讀甲艱苦坐掛, 精神錯亂; 另外有人身體lam弱, 帶肺癆身命者, 另外腳氣病,疥癬者嘛真普遍,傷寒,赤痢malaria, 嘛迭迭有, 迮尼贅e毛病, 我在學五年
61
中間, 竟然攏無患著,有影真正奇蹟安呢, 我逐工透早起床呤,叨佮振純,德和規陣人,去學校埕唗肖lip, (跑步)運動,來鍛鍊身體,迭迭去搪著彼陣風流學生, 由籬笆e空縫辿(suan)入來, 奚叨是暗時仔偷唗去(番薯市)痚貓風騷, 耍甲爽爽爽才返來e啦 !

頻若拄著考試e流擺, 茲學生仔, 叨拚身命透暝苦讀, 叨算講睏時已到, 燈火僬關, 宛那有真贅學生, 屈佇圖書館,食堂,走廊; 遐幽暗e燈光下咧苦讀, 洶洶若拄著舍監來巡邏呤, 叨緊躲起來閃避, 等舍監唗了後, 逐傢又閣返來苦拚, 唉! 茲少年仔, 若無安呢含心敆(gap)命俥拚到底, 恐驚也叨求無功名咧! 諺語有咧講「三更燈五更雞,正是男兒苦讀時」, 回想以早, 彼噹時學生, 安呢拍拚苦讀e情景, 一幕一幕, 宛那親象走馬仔燈, 咧踅(sei4繞)敖(qr2轉),記池清清清, 明明明 .

學生仔內底, 有展氣魄組e英雄志士, 親象翁俊明,蔣渭水叨是, 嘛有身懷學者氣慨者, 杜聰明叨是 , 尹茲三人攏是高材生, 學問人格, 人生衝了有起哩; 聰明兄是淡水人, 佇做學生時代, 對時間是惜命命, 連出入便所嘛咧看冊, 安呢認真專心求學問, 有影罕咧看; 伊卒業了後, 才閣進入日本京都帝大研究, 拜森島庫太教授為師, 受伊牽教, 專攻藥物學, 彼時瞬, 咱台灣醫界內面,吓凍得著日本醫學博士學位, 算講聰明仙是頭一位叨是 .

伊返來台灣了後, 從事醫學教育, 認真拍拚十外冬, 做到醫專教授, 落尾也, 進階醫學院教授,光復了後, 做台大醫學院e院長, 1952辭職,專心來計劃佮成立高雄醫學院, 造福下港鄉親
62
, 伊學問飽, 認真來牽教後輩, 做人誠懇, 意志堅強, 安呢苦心經營, 有影人格氣魄做了有起, 真正是咱台灣醫界e模範, 互眾人謳咾有著安呢 .

渭水兄是宜蘭人, 佇讀冊e時瞬, 叨真關心茲社會佮政治e長短; 伊口材好, 敖辯解, 又閣giosiau 34好, 有氣魄, 做人有統領e材能, 有革命性, 無注重外表穿插, 樸實勤儉無虛華, 做人實實在在, 伊卒業了後, 佮諸位同志, 向阿本仔請願, 設立台灣議會 (1920) , 組織台灣文化協會(1921) , 新台灣聯盟(1923), 佇1926文化協會分裂了後, 重新來組織台灣民黨, 不幸夆解散了後, 第二年1927閣再組台灣民眾黨, 1931不幸又閣互日本政府解散 .

毋閣彼年(1931) ,7月初2日, 渭水仙不幸身染傷寒症頭, 自那入台北病院治療, 遂一病不起, 真食力; 尾也佇8月初5日來過身去,享壽干礁42爾爾,一世人崇高e志業理想; 自那真ut悶悲情來盡磅去矣, 伊規世人含心敆命, 為台灣民族運動佮勞工運動e志向, 互咱台灣社會造成大轟動e情懷, 自那安呢恬恬來消逝, 留互台灣人贅贅e毋甘, 惜情佮追念, 唉! 實在有影! 渭水仙加大我七歲, 我入學e時瞬, 伊已經讀本科三年生矣, 伊實在是咱醫學畢業生內底, 上介互阿本仔政府莿棘(cicak41)討厭e人物安呢.

俊明兄是台南人, 頭腦清醒,英俊有材華, 精通中國文學, 而 63
且對中國歷史東西, 伊攏捌甲有偆去, 醫校卒業後, 自那內渡去唐山發展, 佇上海地頭, 開設俊明醫院, 聘請林錦生, 林安息來擔任醫務; 伊遂專心來做實業方面e頭路, 伊做過杭州專賣局長,嘛參加過革命, 對日抗戰中擔任國民黨台灣黨部主任委員, 為祖國拍拚, 真正台灣人做了有起呢 ! 毋閣真不幸, 佇光復進前,來過身辭世, 實在是咱台灣人中間, 真正壯材真正有大氣魄e學者; 伊文武雙材, 若準加活幾年矣, 絕對是咱台灣金光摪摪滾 ,領導界e大人物安呢 .

以上所講著e三位學長, 是我佇讀冊時代, 學生傑出人物, 我彼瞬猶細漢, 除了拍拚功課以外, 嘛真關心祖國e代誌長短,迭迭佮同窗兮簡仁南,鄭德和,陳振純,張洪南; 有講到祖國e情形, 而且真單純來約束’ 佇卒業了後, 噯返去祖國服務, 報效民族大義, 光復了後, 尹茲人攏如願以償,照意願返去大陸服務, 從事醫療業務, 干礁偆我一人, 留佇台南來服務鄉親,袂凍成行, 到今仔日, 猶有感到遺憾安呢甡 .

(註) 公子韓良俊醫師註解, 當年缺憾, 於今視之,實值慶幸…全民並不幸福, 另外本書譯者也是感慨萬千, 韓石泉留在台灣, 此乃非常正確而有遠見, 試想光復初期, 社會凋敝, 醫生極度缺乏,這些極珍貴的醫生人材, 享用台灣極稀有的資源培育, 居然不願留在台灣行醫, 簡直恩將仇報, 自私自利; 這樣一來,試問台眾多患者,要找誰看病啊 !

我佇本科二年, 學期考試e中間, 洶洶接著厝內e電報,伊講

「老父病危, 趕緊返來」 ,我一時悲傷講袂出話, 自那趕緊拚返來故鄉; 一入門呤(nia6) ,看著老父身命帶病, 倒佇眠床, 面模遼遼苦慘, 目色昏昏茫茫, 毋閣一下看著我呤呤, 馬上bei4金問我,「考試中間, 哪吓拚返來? 」我給講, 「考試已經煞矣, 毋免掛念」, 伊自那目睭瞌瞌又閣睏去, 我給奉待幾落工, 即个中間,有時清醒, 有時昏迷, 盡心盡力,聘請中西醫救治, 最後宛那盡磅無效矣, 伊佇1916年2月1日來過身, 留落五个幼囡仔, 永遠來離別 .

先父e病情, 開始是胃疼, 也叨規工做穡(sit)辛勞, 無啥歇睏,
致使講症頭轉食力, 落尾也又閣亂食中藥補藥, 遂變做腰子炎,最後併發尿毒症(?) , 嗯才盡磅醫袂好, 我彼噹瞬, 卡毋捌醫學智識, 干礁目睭金金人傷重, 老父病重, 宛那無法度哩唉 !真正不孝啊 ! 想起阮老父, 一世人生活潦倒, 艱苦坐掛袂出脫,上大e映望, 是看我卒業了後, 吓凍減輕厝內負擔未(ve5) ? 無疑悟期望猶未實現, 干礁49歲叨離開世間, 彼个時瞬, 我學業猶未完成, 阿兄未娶, 阿姊未嫁, 二个小弟又閣細漢,孤苦幼稚無地倚靠, 有影人生到茲來, 真正是盡磅逗搭, 悽慘落魄矣 .

先父過身了後, 阿母有給我警戒 ,「也呾阿爸過身矣,後日仔干礁靠汝矣, 汝叨噯加倍拍拚奮鬥, 早日學業來完成, 倘安慰恁老父在天之靈」; 阿母e話, 我記甲牢牢牢, 絕對含心敆命來完成安呢….也呾厝內做功德了後, 我返來學校補考, 竟然考第一名, 自安呢了後, 一直到卒業, 攏保持安呢好成績, 咁是運途好 ? 抑是老父暗中保庇 ?

65
27.

先父剛過身呤, 厝內「財務黑洞」乏搭,人講「一空烏籠籠,廈門透廣東」有影散(貧)甲鬼欲掠去, 也呾姑不而衷以上, 自那就唯一共業e家產, 賣互二叔, 來傾(king2)葬喪費用, 毋閣對方要求, 噯財產過戶了後, 才肯付款, 彼時先父病中, 欲死動亥e流擺(場合)真乏搭 , 強欲噯用錢, 才拜託長輩來逗三仝, 毋閣遂互人拒絕, 唉! 我細漢呤, 叨知影人生e現實冷暖矣 !

阮老父雖然是普通人爾, 毋閣佇教冊了後, 偆出來e時間, 足愛吟詩做詞, 佮臆燈迷文雅心適; 嘛迭迭cua3阮去看正音(平劇)戲齣, 順續來解破劇情內容, 有時也吓講演故事e長短來源, 真正趣味好聽; 伊是一位嚴厲兼慈愛e老父, 佇教學時真正嚴肅不可侵犯, 毋閣下課了後, 遂真溫純和藹可親安呢 .

我讀冊e時瞬, 有一層代誌記池上深, 叨是佮舍監瀧野先生(彼時瞬 )冤傢衝突安呢, su當時瀧野先生身懷特權,威風凜凜,專門咧戒管茲學生仔, 伊性地歹癖惡質,簡那獨裁君主, 無人敢煽伊e腹肚邊, 佮伊意見來對沖肖犮(pua4), 伊對學生真看衰, 迭迭用不敬語「御前, 貴樣」來喚起喚倒, 真無禮, 卒業了後, 才用「君」(kimi 15)安呢, 也叨曾經有一擺, 佇考試e中間; 尹查某孖踮自修室e走廊,穿日本柴屐, 唗來唗去吱吱咯咯, 擾亂人咧讀冊, 嘉義有一位黃君,摯節袂牢, 自那回罵囡仔一句「吵死人」 ,囡仔自那, 哪哭哪投尹老父瀧也 .

即个時瞬,伊自那cua3尹查某孖, 衝入去自修室, 擎yaya, 歹
66
gege32, 盛氣凌人; 無講啥乜理由, 自那出手來扑(打)黃君幾落下,黃君雖然不服, 毋閣權力lak5佇舍監手頭, 遂姑不而衷dim4頭賠罪繫失禮, 是按怎黃君噯落軟謝罪 ? 也叨瀧也, 毋但是舍監爾爾, 又閣兼任教歷史,日文,地理三个科目, 尹成績咁吓通過, 捍佇人e手頭, 致使講學生仔, 毋敢假仙; 看著伊, 簡那看著閻羅王leh, 毋敢反抗, 人咧講, 囓鼠拄著貓仔, 驚甲腳尾僬冷去, 干礁百依百順, 笑笑也服從爾爾 .

宿舍中間, 有一位工友「小使某」, 真敖巴結頂司, 逐工送牛奶佮雞卵, 互頂司好空兮,互尹利純, 來得著福利社e販賣權, 伊買賣中間, 趁著袂尐e錢, 厝內生活富裕, 有倩(雇)一寡奴才仔(僕役),嘛娶細姨, 伊順續做學校e爪耙仔, 來監學生e思想, 行動,秘密報去互舍監瀧也 ,來得著伊e信任; 另外一方面, 若有學生欲請假,抑是處理啥代誌, 嘛吓使拜託伊給講情, 安呢卡吓成功, 可見狐假虎威e厲害 .

大約1917, 我三年級e時瞬, 做學寮組長,管茲宿舍學生e生活代誌長短, 有一工透早, 瀧也舍監, 盛氣凌人歹歹叫, 佇學堂中間, 命令一部份學生, 噯自動交出菜鼑, 若無服從叨欲嚴罰…即个代誌, 源頭是安呢, 歇寒e時瞬,卡散赤e學生,尹無法度返去家鄉, 嗯才規陣3-5人一組, 臨時合作來開伙食, 家己傾錢, 買入魚肉青菜食品, 家己煮食, 毋閣開學了後, 伙食團繼續開落無停止, 致使講福利社e生理, 大大減少, 所以現場瀧也叫學生, 交出家己煮食菜鼑, 叨是咧幫助爪扒仔福利社…
67
也呾瀧也舍監退出現場了後, 我ga身為學寮組長以上, 自那踦起來發言, 我講舍監敢來歹罵學生, 絕對是奸臣仔福利社小使某所策動e , 為著欲抗議, 咱學生仔聯合起來, 莫(mai4)佮福利社交關, 互伊無生理, 才吓知影咱學生仔e鹹汫, 講煞呤呤, 遂得著全體學仔拍博仔贊同, (以上叫做「同盟罷買」事件), 彼暗, 小使某割貨入來e肉包, 肉粽; 遂無人來交關買賣, 即聲損失慘重, 第二工, 小使某知影是我cua3頭使挵, 自那給舍監瀧也投(訴苦) .

彼工暗時仔, 我去夆叫去舍監室, 剛(daa2)入門呤, 瀧也見面叨掃落去, 夯狂大嚷大罵, 消毒甲無一塊去, 講我是鱸鰻人羶(hen3流氓) 袂輸是余清芳仝掛e叫数(角色), 余是二年前1915西來庵抗日事主謀, 伊問我是按怎欲反抗舍監e命令, 伊一定欲給校長報告, 叫伊給我退學安呢甡; 彼時瞬, 我回答講, 我並無反抗e意思, 不而顧呢, 干礁是為著學生仔e經濟來設想爾, 也叨小使某所賣e食品特別貴, 學生仔真可憐, 甚至有欠賬到幾百箍赫贅, 為著經濟上e拍算, 阮逶外口買入來, 有卡俗安呢, 舍監歹熗熗,講我烏白強辯, 白白布強欲濡甲烏去, 伊一定欲給我退學, 絕對無欲諒情安呢, 後擺卒業了後, 才袂來毒害社會哩 !

我退出舍監室了後, 心肝頭樸樸彩, 即聲代誌大條矣,氣氛真沉重; 害我幾落暗,攏睏袂落眠, 恬恬也等歹消息, 家己有咧按算,萬一去互人退學, 即聲前途叨烏有去矣, 到時瞬四界流浪, 有路無厝爾爾, 實在嘛袂凍遠渡日本,去留學安呢甡, 彼个時代, 厝內若好業(額), 毋閣考袂牢醫學校者,大部份唗去日本
68
留學, 也呾代誌到茲來矣; 雖然心頭意志堅強, 毋閣現實世面,真乏搭真煩惱哩 ; 好佳哉! 天公伯仔肖疼痛, 風颱過了返回南, 天無絕人之路,幾落工了後, 舍監又閣召集我去舍監室, 彼時我驚甲欲死, 恬恬聽後處分 .

代誌大大意料之外, 即聲瀧也舍監e態度, 洶洶遂反經, 揙甲真溫和; 伊給我講, 我進前所講e話, 宛那有道理哩, 即嗎閣再給學生仔講講e, 取消莫佮福利社交關e約束, 恢復小使某e交易叨好勢矣, 所有e糾紛, 到茲來, 「既往不究」, 準拄好啦 !

也呾有關學校內底, 設福利社, 販賣食物e代誌, 這是進前, 校長高木先生, 伊疼惜學生, 為著欲給學生補充營養, 才來設立, 買賣交關e行為, 這是學校規定e, 咱噯照辦, 抑無; 後擺所有e食物, 叨無法度再賣入矣, 我答應照呼照辦, 毋閣學生仔 ,是毋是有欲交關, 這我叨沒法度按算…尾溜仔, 幾落月日, 福利社e生理宛那真醜, 小使某e損失真大….即个時瞬, 我有感覺堀內校長, 真正疼我, 無同意舍監來退學處分, 互伊姑不衷來退讓求和安呢甡 .

堀內校長, 是一位勇敢e開拓者, 偉大e教育家, 真誠懇e學者; 光復了後, 復歸日本, 1955年5月12日, 佇故鄉過身去, 享年83,卡早受教e學生陣, 佇25日, 踮高雄醫學院, 開追悼會

懷念恩澤, 我佇席上發表悼詞如下 :
( 悼堀內恩師 )
日本佔領台灣即五十冬中間, 若準照尹殖民台灣e政策, 定著是照帝國主義e步數; 全全踦佇本國利益為主, 來訂殖民政策, 毋閣其中干礁有一項, 對台灣人是真正大福利大好空兮, 奚叨是醫事衛生方面e成就, 佇即方面, 有一位大學者,伊對台灣貢獻一世人,這者者叨是咱e師長堀內博士 .

即位勇敢e開拓者, 偉大e教育家, 熱心e學者, 不幸佇本年5月12, 踮日本尹家鄉過身矣, 享年83高齡 ; …也呾離即嗎六十外冬進前, 咱台灣島吓使講是「瘟疫之鄉」, malaria,赤痢,cholera鼠疫, 一四界生湠大流行, 百姓是悽慘落魄,艱苦坐掛 ,彼時咱台灣, 陷入烏暗期 ,全島完全無醫療設施 ,佇即个危險e流擺,好佳哉, 咱堀內博士,安呢勇敢給咱潦落去救治, 給咱大大幫贊, 真正是咱e救命大恩情人, 伊是勇敢e開拓者,即款救苦救難e精神, 有影袂輸簡那史坦利醫師,佇非洲咧佮惡病歹症頭, 拚生死仝款哩 !

六十外冬前, 咱台灣醫學猶未發達, 對病疼症頭e處理,真正幼稚無知, don4戆甲無聲無示, 親象malaria掠做是「沼氣」,伊用玻璃板, 掛佇埤仔潭e樹仔頂, 來研究伊e病源, 彼時毋知影malaria是佮蚊蟲有關係, 尹誤會malaria佮腳氣病佮赤痢,是仝一病源體 .

囓鼠病是啥細菌,根本毋知影;嘛毋知伊佮蝨母有啥關係,事
70
實上, 即款囓鼠病真恐怖, 一年死亡兩三千人 ;堀內醫師到台灣才二三工爾, 叨趕緊接落做茲傳染病e空課, 伊拍拚囓鼠病e預防佮治療, 安呢潦落俥拚, 佮即款惡病咧撟死活, 一直到1917年,這恐怖e傳染病才消身絕跡, 控制好勢, 事後e統計, 彼幾年中間, 著病者30101人, 死亡24104人,真正悽慘恐怖驚死人, 互汝袂講了了 .

本省醫學教育e開基祖,叨是台灣醫學講習所,佇六十外冬前成立, 二冬了後,改做台灣總督府醫學校,尾也才閣改做台北醫專, 閣來台北帝大醫學部,光復了後改做台灣大學醫學院,堀內醫師自24歲到64歲踮醫學校, 醫專教四十年, 「有教無類」,伊雖然是日本人,毋閣對台灣青年, 並無差別觀念佮待遇; 伊e學問真深落,頭殼清楚,態度溫純;安呢真熱心誠懇, 來教育咱茲子弟,呾即嗎「桃李滿天下」, 全省人材僬僬僬(齊全),奠定咱台灣醫事衛生e好基楚安呢 .

堀內教授e做人,真正是聰明,厚道,克苦,嚴謹,深沉,幽默,慈祥, 集中佇規身軀安呢; 堀內醫師,細漢時期失去老父,為著欲幫忙厝內生活, 去店頭做小職員,互頭傢給苦毒, 才閣轉入去醫局做藥劑生,佇遐,伊暝日拚讀,含心敆命,來克苦俥拚以上,16歲考牢藥劑師,又閣繼續拚,嘴齒筋咬咧賭氣魄,又閣進入日進學舍,最後進入仙台醫學部,專攻醫學;卒業了後,先做軍醫, 落尾也又閣從事醫學教育,一直到老年,做規世人安呢 .伊對細菌學,衛生學,佮傳染病方面e研究著作,真正豐沛贅款,茲攏是學術上寶貴e資料 .

堀內教授佮一般e日本人無仝款,伊來台了後,叨趕緊學講台灣話,另外伊教台灣青年日本話時,家己嘛主動學講台灣話,即款精神, 真正偉大, 堀內教授e門生,真贅是su當時民族運動e政治先鋒,佮阿本仔統治者咧俥拚, 互教授真正為難, 伊雖然同情即款運動,毋閣恐驚也門生來吃虧受傷害,有來暗中苦心規勸, 我嘛捌互伊勸告有著,彼瞬有來對教授不滿,呾即嗎給想起來,才知影教授用心良苦,處境困難,有不得已e苦衷安呢甡,今仔日, 咱佇高雄地開追悼會;想起卡早種種往事,真正感心佮懷念,佇茲表達最高哀悼之意 . (全文完)

咱茲諸位教授內底, 叨算橫川定師, 上介有研究精神, 伊無論起風落雨, 天時好醜, 攏逐工守(ziu)佇研究室咧拍拚, 也叨顯微鏡看了真工夫, 最後發現一款寄生虫, 號做Metagonimus Yokogawai ,海內外僬出名哩 ! 伊有特別看重我, 來牽成我, su當時伊有兼咧教解剖學, 解剖學即科卡注重記憶性, 我少年e時,記持特別強, 今田東所著作e「解剖學三卷」, 我攏記甲牢牢牢, 所以吓凍得著上懸e分數叨是 .

教職員內底, 雖然有親象瀧也舍監, 赫尼青凶歹癖者, 毋閣宛那有親象新家赫慈祥e人, 伊頭毛白白, 嘴鬚漂碧; 對學生囡仔真疼惜,真愛護, 逐擺夜半時分, 人煙恬靜呤呤, 伊吓入來四界巡視, 款款茲雜物仔, 尤其是風雨交加e時瞬, 閣卡吓來關心逐傢安呢甡; 真可惜, 伊食老呤呤, 身體無倘外拄好,我佇1940秋天, 佇日本名古屋庄腳給拜訪,佮伊仝齊食暗頓 (晚餐),
72
臨別時瞬, 真正「老淚縱橫」, 目屑(淚)流目屑滴, 師弟惜情, 是袂講了了 .

咱頭前所講e高木校長, 伊真敖講演, 材情有, 氣魄讚, 有政治手腕, 通人謳咾; 宛那是咱細菌學者北里博士e大弟子,伊是咱台灣地「衛生制度佮醫學教育」e開基祖, 有「衛生總督」e名聲, 對台灣本島e醫學衛生, 貢獻真大; 尹牽手是德國人.

彼當時, 學生界e娛樂; 有圍棋, 南詞, 北調, 吟詩, 畫圖…等等; 其中彰化籍e學生,真敖來吟詩, 體育運動方面, 嘛真普遍, 高再福e田徑唗跳, 名聲真揚, 學生中間, 大多數品性高尚優良, 毋閣嘛有人行為顛誕, 腳手無清氣安呢; 有一擺佇學寮宿舍中間, 有連肖續規十雙e鞋托, 布托, 毋知啥原因, 遂來遺失盼見去, 嗯才e瞬呤, 咱舍監決定欲來突擊檢查,逶每一个人e行李, 拍開查看; 結果查到阮仝房間, 某君e柳條箱子時瞬,遂全部查著遐遺物, 即聲真相大白; 某同窗兮去夆退學處分, 聽兮講尹兜宛那好業(額)人哩, 咁吓安呢 ? 咁是伊神經肖犮(pua4相纏), 精神失常e款呢 !

也呾卒業考試即關, 上介要緊, 上介俥拚喟, 逐傢競爭激烈,也叨考了好醜; 定著吓礙著日後e前途興旺安呢甡, 這搭搭有影哩 ! 為著欲考著好成績, 規月日中間, 每暗干礁睏幾點鐘爾爾, 真正硬斗, 阮彼班以林安息君上介拍拚, 莫怪講卒業前, 伊考第五, 毋閣卒業考了後, 遂跳到第二名…卡早全班e同窗卒業38人, 呾即嗎已經過身七人矣, 閣再十年了後, 毋知猶偆幾个活佇世間 ?
73
31.

卒業了後, 林君返去台南病院眼科服務, 我留佇台北, 進入「日本赤十字社台灣支部醫院」內科部, 受吉田佮小島兩位教授來指導牽成, 佇彼个時瞬; 即二位內科教授上介出名, 上介權威, 我早叨歃(saa4)著心肝穎仔,真佩哩安呢, …落尾卒業進前,雖然眼科教授藤原謙造, 有捌來催策鼓勵我,叫我做伊e助教, 毋閣我真歹勢, 無給答應 ,姑不而衷給婉轉拒絕安呢….

我1918年春天卒業, 彼時大部份e同窗兮, 得著功名; 衣錦榮歸, 隨人嘴笑目笑, 金光摪摪滾; 毋閣呢 !干礁我一个人,悶悶不樂, ut卒艱苦無地講, 唉 !照道理講, 卒業了後, 應該返台南服務鄉里, 照顧家庭才著, 毋閣彼時台南病院內科無欠醫師,對其他e科, 我又閣無興趣, 致使講最後自那選擇「赤十字社內科」服務, 留踮台北地, 繼續辛苦來拍拚 .

講起來, 自從家父過身了後, 厝內乏搭艱苦, 借錢渡日, 阿母唯一e映望; 叨是催策我返厝趁錢, 維持生活食穿長短, 毋閣呢, 做人艱苦, 失志無常; 壓力迭迭互汝喘袂離,咱講實e, 剛(daa2)卒業呤呤, 實在趁無啥錢項, 期待愈懸, 失望嘛愈深; 我彼瞬一月日趁十五箍, 阮三弟石福, 為著欲求功名, 希望到台北來準備考試, 給阿母騙講欲來食頭路, 毋閣遂來佮我共同生活食穿,我干礁趁15箍爾爾, 大部份寄返厝內, 實在偆無外贅, 欲維持雙人e生活, 有影真硬斗艱苦無地講 !

彼時, 踦傢稅(租)佇甘仔店e樓頂, 佇「府前街」(武昌街一
74
段), 房租1箍5角, 為著省錢, 無牽電火(燈), 日時仔去圖書館
讀冊, 暗時仔點臘燭, 彼時張鴻圖兄, 迭迭來開講, 給我虧給我窘耍笑,「莫講甚久,吓加了腊燭呢」, 彼款乏搭寒酸, 真正搭搭有影哩 !

我家己煮飯, 家己洗衫, 暗時睏眠進前, 先僎(cuan3)米落鍋(e/ue) ,烘爐仔嘛先囥入樹枝柴碳, 第二工透早, 趕緊起火煮飯,刷洗了後, 緊唗去新公園做早操, 返來e時, 飯已經煮熟矣, 有時瞬身軀乏搭無錢買菜時, 干礁用飯攪豆油豬油, 嘛食甲「狼吞虎嚥」青洶大ngau5, 滋味安呢無限好, 有時仔省一寡錢, 嘛吓使去看一場電影, 歡喜一下 !

隨後姊夫郭鬱兄, 同窗秋得君, 嘛徙來茲共同踦蹛, 不止也鬧熱滾滾, 一冬了後, 我返去台南, 原來即个所在, 宛那由同窗繼續踦落去, 給號做「貧士窟」安呢…, 即窟e生活回想, 一點一滴, 實在是我一世人上介懷念e日子 !

「赤十字台灣支部」內科, 由吉田佮小島二位教授共同主持, 輪流來診療, 吉田先生, 醫專出身, 為學嚴謹幼秀逗搭, 小島先生, 大學書卷獎出生身, 卡開放, 勢面卡貓, 卡無注重細節, 二人風格無仝, 吉田卡受患者e歡迎信任, 「生理」卡好,
致使講雙人袂逗搭, 門扇板咧逗袂峇(va6密接 ) ,迭迭有衝突安呢,做下腳e部下, 嘛左右為難; 佇在場長官方面,譬如講, 赤木金太郎, 嘛是卡擁護吉田, 看輕小島, 門診輪到吉田e時瞬, 也叨看診認真了時, 噯到下晡三點左右, 才吓凍食晝, 安呢餓饑失頓, 伊宛那歡喜甘願哩 .
75
吉田先生有著作「吉田內科診學」, 尾溜也(a)開業踦店, 患者滿員摪摪滾, 另外小島先生繼續佇學校教冊, 到1935, 已滿25年, 愛行圍棋, 有時氣氛若到, 嘛愛吟詩做對, 吓記咧落尾也(a) ,我佇台南病院服務e時瞬, 有寄來幾條e詩句, 真拍損已經盼見(遺失)矣; 彼時台南病院院長明石先生, 讀��島e來詩, 有一首猶有記持, 彼時日本搪欲侵略中國, 小島佮明石攏真為安呢咧大煩惱安呢.
明石e詩

良醫為國憂,忘為子孫謀
陋屋堆書裡,慨然論五洲

來源：2023 36 台閩文學韓石泉60回憶 (上)/韓p.56-122/韓石泉56.docx

韓p123- 132

第十一章終戰
53.
日本軍兵四界征戰 ,擎甲夯袂牢, 甚過大心肝, 想欲進攻大國,毋閣呢, 伊咁貿(vau)吓過手 ?家己無認本份 ,佇1941下冬天仔,偷襲珍珠港, 即聲烏仔魚袂堪咧互濁水激著矣 ,自那惹起美國仔奮勇參戰 ,遂來引起第二次世界大戰,剛開戰e初期呤呤 ,民主國家採取守勢, 落尾也漸漸反守為攻 ,無外久, 義大利, 德國連肖續崩敗投降, 換日本仔孤單咧唱哭調仔,拂甲塗塗塗 ,自那慘敗來無條件投降, 這宛那是早慢e代誌爾, 佇開羅宣言佮波次坦宣言內底, 明白伊噯放棄台灣地 ,落尾也廣島,長崎 ,食二粒原子彈, 死傷慘重, 1945年八月十五, 日皇向盟國投降 .

日本投降典禮佇南京舉辦了後,1946年10月25日, 佇台北公會堂(中山堂) ,日本第十方面軍兼總督安藤利吉大將 ,做投降代表, 來恭簽降書, 即工咱台灣正式歸還祖國統治, 無外久 ,前進指揮所了後, 又閣成立長官公署, 續落佇11月1日, 由台灣省接收委員會,執行全省接收工作,台南州接收委員主委,由韓聯和來擔任 .

日本天皇, 洶洶來宣佈投降,佇台灣茲日本仔真了然 ,有e人哭到簡那孝男咧, 目屑四喃垂, 有e人真毋甘願, 切齒咬牙掟手尾, 有e人痛恨軍閥誤國害民, 有e人講,日本輸佇美國, 無輸佇中國, 隨人安呢茖衰, 頭殼螺螺, 欲死動亥, 真正了然安呢,尹e態度, 由押霸橫磅磅, 即聲反經, 揙甲真謙卑, 真正笑面來扶坦, 安呢衰尾失神, 簡那喪家之狗咧 ;另外一方面 ,番薯仔(台灣人), 奚叨
123
嘴笑目笑, 歡頭喜面,志氣揚揚安呢甡 ,卡早有去互日本仔苦毒e人, 叨順即个機會來報冤仇, 卡早無法無天e刑警,特務 ,叨互人ham甲無啥無示, 尤其是經濟警察上介食力, 彼批「狐假虎威」,專門咧替日本人, 欺侮台灣人e「蟑螂仔」, 宛那仝款互人扑互人摃安呢.

另外有一部份人 ,日本時代咧做爪耙仔 ,驚互人給清算 ,性格投機, 來揙做上介熱情e愛國份子 ,踦佇民眾面前, 假仙燒熱高夯歡迎大旗, 大聲唸歡迎歌曲, 另外一部卡有良心e人, 叨躲佇厝內懺悔, 毋敢出來逗鬧熱 ,有影心情歹勢閣再歹勢 ,另外閣有人卡早反日份子, 效忠祖��; 尹趁即个機會, 四界唗蹤活動, 來宣傳名聲, 結交權貴, 看吓凍得着政治大位e機會未(ve5)…一般e百姓, 掛燈夯旗, 鼓亭是拚甲乒乓叫, 歌聲是奏甲真叉操, 攽大炮貼標頭.歡聲雷動 , ut佇心肝頭五十年e積恨, 簡那山洪暴發, 宣洩千里 ,叨頻若典禮迎送中間, 場面鬧熱偉大,真正金光摪摪滾…呾即嗎e年代 ,給想起來, 宛那是另一个世界情景哩 !

光復初期, 民眾熱愛祖國 ,自動去學北京話佮國歌演唱, 誠意食水甜叨著 ,尤其一寡四五十歲e中年人, 閣卡認真拍拚喟哩 !我佇日本時代, 有加減學一寡北京話e基礎 ,光復了後, 「輸人毋輸陣」到地也,自那趕緊重新拍拚 ,勉勵家己, 看短短三个月, 吓凍用北京話講演未 ?落尾也 ,竟然做到矣 ,而且嘛擔任幾落擺e繫話(翻譯) ,攏無顛誕哩 ,得著一寡人e 謳咾安呢 .

124
接收大員韓聯和氏 ,來台南進前, 有捌來聽著我佮莊某人e名聲, 自那邀請佮我見面, 來台南第二工呤 ,叨踮日本時代e「知事官邸」見面, 韓氏生做漢草大欉 , 做人豪爽隨和, 為著欲順序來接收e空課,聘請我做自治宣傳員 ,落尾也, 阮二人逗陣心適 ,真捷來往,伊雖然毋是基督教徒, 毋閣嘛入境隨俗, 有綴阮去太平境禮拜堂禮拜,…彼時接收e空課, 遣送日人e作業 ,是千頭萬緒 , 長短肖犮(pua4相纏) 離gaga, 有影真硬斗安呢 .

1945年12月14, 成立台南市政府, 韓氏做第一任市長, 至1946,調去省政府, 做無一年爾爾 ,伊佇任內 ,對台南e欠糧食佮瘧疾防治,拄著硬斗困難 ,安呢操心扒腹用心計較, 真艱苦咧捍盤,不時嘛咧喃(nau5), 無愛閣做官落去….伊對小型機械真有興趣, 辭職了後, 紮一寡輕工業機械, 返去安徽故鄉, 決意來發展實業, 聽兮講尾也著病, 佇南京陷落進前來過身去, 唉 !一世人無法度達到家己心願 ,真正拍損矣, 毋甘啊 !

彼時接收, 上介麻煩e代誌 : 叨是日產厝屋e租用問題,一寡卡敖ng4鑽 ,卡敖烏西e人, 佮日本仔勾結租用, 以既成e事實, 來得著日後產權e優先權, 而且尹閣足拚勢, 向各單位來運動(活動), 我嘛感到足煩足囉嗦e ,毋閣呢 , ga有利頭以上,定著是眾人攏吓拚來欲虧仙哩,…有關日產厝屋e土地, 我根本叨無想欲占有, 毋閣我有為黨部爭取幾落位(日產地) ,即聲遂惹人來怨妒, 講我圖利他人, 公然控告中傷, 互我日後e選舉 ,發生顛誕, 有卡輸勢 ,唉!處理公事任勞任怨, 叨真正有影 !

我對日產e態度 ,雖然是奉公守法 ,毋閣宛那有小人, 誣賴講
125
我偷賣日產佮藥品來貿錢 ,致使講我去互台北某某處來問訊 ,即款代誌, 無影無蹟「捕風捉影」 ,干礁倚一張書信, 叨欲來陷害人….我去互人冤枉, 唗二回法院, 頭一回我問法官「即款代誌, 咁有經過憲兵來調查」, 答講「無咧,我才拜託尹來調查!」, 第二回e時瞬, 我問調查e結按怎 ? 伊回答「無影e代誌」 ,我講既然是無影e代誌, 何必叨閣再傳訊 ? 伊答講「無經過即款手續,叨無法度結案哩!」落尾也, 我拜託某參謀長 ,對即款虛偽冤枉e代誌; 絕對噯慎重來處理, 伊回答講「事關重要e軍品,姑不衷干礁安呢來辦叨著.」

1946年3月24 ,我參加頭一擺市參議員選舉 ,結果無稠 ,競選e空課 ,我卡飯桶, 嘛無閒去一戶一戶拜票, 去當面拜託, 致使代誌來��誕, 初回選舉e失利, 互我kimo上袂爽e ,叨是自動向我表示支持e人, 到投票時, 竟然反經欺騙講白賊, 這中間, 虛虛實實,千變萬變 ,無到投票時日, 叨真歹按算哩 !

一直到仝年4月15日, 選台南市參議會第一屆大會時, 我以十六萬票 ,當選參議員, 彼時省議員由縣市參議會選舉, 候選人29名 ,選舉人27名 ,由剛(daa2)逶唐山返來e蔡培火兄來致詞, 發表建設台灣e報負 ,逐傢真給謳咾; 培火兄暗中佇戰前, 由大陸去重慶, 戰後一直無消息, 一四界謠言風聲勃影, 互親戚朋友不止也煩惱,真拄好即个時瞬 ,再度踏上鄉土, 離鄉七冬矣 ,親友真正給恭賀安呢 .
我當選後十工,4月25 ,招待本市參議員, 發表書面談話如下 :
126
[原文]

咱中華民族, 忍過了八冬e鐵血凌治以上, 結局來得著上大e勝利, 彼个專權自大, 貪心夭壽骨, 干礁吓侵略, 袂曉謙虛e惡霸 ,叨已經無條件投降矣 , 國父所講e次殖民地地位,呾即嗎廢除伊不平等條約, 來達到領土e完整, 互咱一聲叨跳到四大強國之一 ,佮英國美國蘇俄佮聯合遐e國家, 共同來維持世界和平e責任, 建立人類永久幸福e基礎 ,這个偉大光榮e事業 ;實在是咱中華民族五千年歷史以來 ,上介光彩燦爛e一頁, 這宛那吓互咱 ,增加一層責任佮檐頭安呢 .

咱噯負起即个使命, 需要全國國民共同來拍拚 ,給奮鬥搭底 ,而且目前咱e國土 ,有來受過惡霸e凌治 ,一四界安呢荒荒廢廢,萬項噯建設復興 ,若欲負起維持世界和平e責任 ,這定著噯逶國內和平統一做起, 若無和平, 叨無法度建設, 無統一叨政令袂通透, 近來政治協商會議, 風波不斷, 噯提出和讓e精神,雖然有淡薄仔成果 ,毋閣軍事調解e執行,有所困難 ,加減吓來停頓,逆轉 ,咱若想著咱東北局勢, 有影烏雲暗淡, 對國家前途 ,實在猶真煩惱叨是 .

咱台灣所在 ,淪陷五十冬,佇舊年8月15, 日本投降以後 ,重歸祖國e懷抱 ,台胞歡迎祖國e熱情,有影是盡磅逗搭 ,台灣佇地理上 ,雖然是孤單浮佇海面,也呾即嗎變做祖國e寶島 ,嘛是中華民國e一省,伊佮祖國是仝一款運命, 袂凍來分離e ,咱台灣人ga吓凍浮夯愛國熱忱以上,逐傢定著吓拚勢 ,來參加建設才是啦 !
127
佇即款要緊e時期 ,建國e基礎工作, 叨是地方自治 ,咱地方自治e基本空課, 定著是民意機關e成立 ,本省自光復以來, 佇這短短e時間內 ,已經由鄉鎮區市縣 ,一直到省級民意機關 , 攏成立起來,本人即回接受民命, 當選做省參議員, 實在真光彩 ,嘛感覺責任重大, 佇茲, 我宣誓以「鞠躬盡瘁死而後已」e精神 ,來為地方謀進步, 為國家圖富強, 嘛為咱茲民眾求康樂, 我吓盡心盡力, 來實現最高神聖e使命 !

128
第十二章
台灣第一屆省參議會

56.

第一屆省參議會e第一次大會 ,佇1946年5月1日 ,踮台北市參議會禮堂開幕(南海路泉州街口,建中旁前美國新聞處) ,全省e省參議員 ,攏總三十名, 台南市方面干礁我一人爾 ,其中有三个元老, 李崇禮73歲, 黃純青72歲, 林獻堂65歲; 有兩个少年傢仔 ,劉闊才37歲, 林為恭39歲; 其他e人, 攏是四五十歲頂下坎仔; 孔子公有咧講「四十五十若猶無出脫,大概也,人生亦差不多囉!」咁有影安呢 ? 這按怎講 ?

我佇議會即五冬 ,毋捌請假, 抑是慢到; 干礁佇第十次大會期間,1950年12月20 , 應台南高等法院分院e要求, 為蘇行山醫師e醫療糾紛事件做鑑定, 請假一擺爾爾; 彼時瞬, 拄好台大校長傅斯年來會場, 答辯某議員e質詢了後 ,遂不幸來中風死亡 .

彼時有意��欲做議長者, 有林獻堂佮黃朝琴二位議員, 獻堂仙是台中e望族, 佇日本時代, 喚水吓堅凍, 是文化政治運動e頭兄, 伊家財萬貫, 學問通透, 一四界名聲浮夯, 社會經驗, 閣卡老練起磅無話講, 毋閣歲頭有卡贅, 對世界潮流無啥了解, 伊e國學文藝材(才)情有, 可惜外文( 指英文,非日文 )卡欠缺 .
129
佇朝琴兄即方面 ,歲頭卡斂(liam4) ,伊早年返去唐山所在 ,服務外交界, 卡知影國內外世面長短, 佇日本時代e文化政治界 ,宛那有貢獻, 光復了後, 擔任外交特派員, 台北市長 ,…伊ga有欲棄官位就議會以上,定著是想做議長頭兄, 毋閣佇禮貌上, 宛那噯敬老尊賢, 表面上扶獻堂仙 ,叨安呢 ,二爿二派人馬, 私下撟摵e結果,咱這獻堂仙, 果然是老君節(…zat,老謀深算) ,深明大義 ,合(ha3)著時勢潮流, 佇選前自動放棄 ,即聲互咱朝琴仙, 「如願以償」,以22票來當選議長, 也呾到即嗎 ,嘛連肖續做十年矣 ,議長即个位, 做了真出名叨著 .

會議議場(原址建國中學旁) ,欲徙位變遷 ,算講是即擺會議e大齣頭, 算起來咱參議會e議廳, 雖然無真曠闊, 宛那有夠用叨著, 毋閣有一部份議員,抱著愛宏e心情, 想欲起腳動手, 來展氣魄, 互選民謳咾, 嗯才提議變遷, 欲徙去中山堂, 雖然有人反對, 結局遂通過,即聲咱茲卡敖唗跳英勇e議員, 叨有所在倘發威矣 !

頭一个齣頭 ,是有關民報導演e「教育處長范壽康e失言風波」,范處長佇1946年4月29國父紀念週 ,彼時「台灣省地方行政幹部訓練團」, 以「復興台灣e精神」為題目來講演, 伊所講e內容據「民報」事後刊載 ,其中有來侮辱番薯仔(台灣人)e嫌疑伊虧笑台人有獨立思想, 事事排斥外省人, 有「以台治台」e偏差觀念, 對本省人e工作態度(以旁觀者看法) ,叨是奴化(日本)教育咧作怪…致使伊咧講e時瞬, 郭(國基)大炮看甲袂作e ,落尾也提出抗議 ,有派郭,蘇兩位議員給調查, 才閣回報頂司 .

一直到5月初7, 第七擺會議e時瞬,郭\蘇兩位議員,報告有關
130
「省籍衝突事由」,即聲雙方門扇板咧逗袂峇, 遂引起范處長真激烈e辯論, 二爿肖嚷冤傢…到茲來矣,「番薯仔拚阿山兮」 ,台灣人佮外省人衝突氣氛沤搭, 形勢緊張….即个流擺, 我佮劉傳來議員, 為著顧全大局,防止省籍對立擴大湠開, 抱著自我犧牲e精神, 提出臨時動議 .

內容是安呢 : 「阮聽著連祕書長e報告, 有關范處長e講演內容,雖然有淡薄也欠點, 淡薄也夆批評e所在 ,毋閣代誌無赫尼食力啦 ! 無親象某報紙所寫, 赫無常識叨著, 這中間吓發生誤會, 發生顛誕, 大概是范處長發音問題, 抑是透過翻譯, 加減有一寡唗精一寡長短出入 ,無合內容e原意, 即款代誌, 引起六百萬同胞真大e誤解, 才拜託汝 ,逶講演e內容, 給發表踮報紙頂頭, 來化解民眾e誤會佮反感 .」

即个案 ,經過24票多數通過 ,代誌得著化解, 毋閣對一寡寄望代誌惡化, 想欲興風作浪e記者, 遂真失望 ; 續落自那對議長佮我 ,全力來攻擊來罵詈, 尹從事煽動, 中傷, 宣染, 譭謗…排山倒海溢入來, 是做甲盡磅逗搭, 另外負責調查本案e蘇議員,伊有對阮e議案夯手來贊成, 宛那互茲記者du臭,攻擊 .

也呾省籍問題代誌惡化, 民眾包圍議會e齣頭來矣, 5月初9, 佇中山堂召開第九次會議了後, 猶未散會 ,即聲外圍e民眾 ,圍甲烏坎坎, 演出「臨時民眾大會」e話劇民眾中間, 有人大聲喚喊「拜託諸位議員,稍等一睏仔」, 旁聽習e民眾全部踦起來,
131
有人喚「打倒議長,請議長莫唗」, 彼時e議長佮副議長, 紛紛避出場外閃開, 另外一方面, 有市民跁就講壇 ,悲憤慷慨來詈罵, 做一場講演 ,全力來攻擊官廳兮( 政府) .

親象安呢e參議會 , na吓凍改善台灣e政治 ,恁表現出咱六百萬民眾, 無組織, 無合作, 有影無路用哩, 恁三十人該負責…恁噯有建設性e意見, 若準恁敢來做,茲六百萬民眾,一定吓綴汝去拚…,逶即段講演噹中 ,咱吓凍歸納四點 :
不滿省參議會e運作, 認定尹無法度改善台灣e政治 .
參議員本身袂合作, 噯全體合作負責 .
噯有建設性e意見發表 .
參議員若有氣魄敢做, 茲六百萬民眾絕對綴伊潦落去.

以上四點, 第一點稍寡有道理, 第二點「合作」e意義甚過含糊,目標不明, 是毋是要求30个人仝款一个行動 ?仝款意見 ?若是來者 ,叨失去民主議會e意義 ,第三點, 雖然講噯有建設性e意見, 毋閣佇彼時e勢面環境, 建設性e意見, 上無受著歡迎, 顛倒是有破壞性, 煽動性, 自我宣傳者, 烏白迎合e意見,上介受著歡迎哩 , 第四點, 有提著「敢做」,到底「敢做」啥乜 ?有影莫名其妙霧sasa ,另外閣有幾个民眾, 熱烈發表意見, 嘛無倘真好勢, 佇阮議會內底, 嘛有幾落个, 志氣揚揚展氣魄, 向在場e民眾 ,給奉承(討好) ,給扶坦給灌甜湯, 來博取民眾e歡心安呢 .

132

來源：2023 36 台閩文學韓石泉60回憶 (上)/韓p123- 132.docx