韓133-155
落尾也, 我向民眾提出三點期待 :
第一 袂使以看戲齣e心情, 來看咱參議會e運作 .
第二 逐傢噯保持冷靜e頭腦 .
第三 拜託咱茲記者朋友, 噯提高標準,提高素質, 以正確公正e言論來批評 ,來報導 .
我講演e時瞬 ,民眾恬恬無出聲 ,認真來聽我講話, 毋閣過返工e報紙 ,又閣膨風來中傷我 ,講「民眾有喚韓石泉該扑死!���石泉該死!韓石泉該死!」希望石泉早死e記者啊 !我即嗎猶活甲勇健勇健, 事後有朋友給我講 ,彼工互彼陣鱸鰻記者包圍以上 ,汝宛那有勇氣 ,敢直言不誤, 真正有氣魄 ,也叨對普通人來講,攏噯風神互人裦 ,欲得著記者e歡心, 叨咧袂離矣 ,na有親象汝顛倒去得失人 ,挑工來「忠言逆耳」哩, 汝真正希罕啦 !
也呾一波未平, 另外一波又閣夯起, 咱茲新聞界, 又閣來攻擊黃議長 ,做人沤搭專制,謠言講 ,黃議長去互人收買, 另外一部份原先擁護獻堂仙者,嘛抱不平, 宣傳講獻堂仙是受著威脅, 才放棄競選, 嗯才欲策動台北市參議會, 來罷免黃議長, 也叨黃議長原本是咱北市參議會選出來e
落尾也, 踮省參議會第十工, 等嚴處長做交通報告了後,黃議長遂洶洶踦起來, 向大會提出辭職, 當場表示辭意,na嚎na講,表明競選議長e動機, 干礁欲為百姓服務爾爾,做政府佮民眾e橋樑, 絕對無夆收買,我吓凍選牢議長 ,實在是獻堂仙e謙虛忍讓著e , 而且明白議長e任務, 干礁是綜合議員e意見,佮政府
133
來參詳, 按怎互議案實行爾爾, 態度自來大公無私, 光明正大,即嗎我自認失敗 ,原因是阮所受e民主教育 ,佮台灣民主作風無仝款, 我自認德行淺薄, 決意辭去議長, 大眾若無法互我盡忠 ,我吓凍來盡孝 ,來安慰老母e擔憂 ,嘛是真好哩 !
講煞了後, 恬恬也退出議場, 閃去北投別莊歇睏, 伊e講演正派動聽, 得著真贅議員e同情 ,咱獻堂仙頭一个踦起來發言, 伊講伊年歲已懸(高) ,心苦病疼, 袂堪咧操勞, 所以選朝琴仙為大家服務 ,…伊事事來為黃議長辯護, 我嘛真贊成獻堂仙e意見; 言論報導, 袂凍感情用事, 袂使以侮辱e態度, 來對付黃議長 ,撟代誌噯公平,冷靜 ,批評言論格調噯提高 ,即時其他e議員嘛連肖續發言肖助, 最後全體議決挽留, 自那派代表好嘴勸慰, 尾也,黃議長才取消辭意, 出席第12擺會議, 重新主持, 佇茲說明; 黃議長提出辭職, 是賢明e做法 ,佇當時e勢面以上 ,真正是星星之火,吓焯燒千里, 一發不可收拾, 即个作法, 簡那一盆冷水, 掠著時間來給沃熄, 尾也 ,自那漸漸順序矣 .
為著欲對省訓團來解釋阮議會e立場 ,嘛提出進前臨時動議e理由佮心境 我佇5月13日暗時六點 ,會同劉傳來,蘇惟梁議員,到水道町省訓團,召集彼時受訓中e行幹班 ,大約四百外團員講話 ,我e講演 ,大概也如下: 「省議會e任務中,欲慎重討論e議題真贅,毋倘為著稍寡失言小代誌,來小題大做,互歹代誌楦(hun4擴)大,為著大局設想咱噯冷靜, 毋倘使弄挑撥,加深省內外意見e衝突長短, 而且做代誌噯公平論斷, 若準干礁為民眾
134
一時e刺激夯狂,佮偏激份子e恐嚇,煽動 ,連一絲仔公道話叨毋敢講,安��來講 ,奚著失去參議員e正氣,袂凍來實行崇高服務e職責.
若準照即嗎不幸e情形 ,繼續來湠開楦大 ,安呢是吓礙著國家e興亡大計啊 ,若無冷靜自由, 是vena慎重來計議? 我甘願做戆人,甘願互人嚷罵 ,即嗎叨是需要即款戆人,來救國家社會 ;猶無,汝親象「日本五一五事件,二二六事件」,彼當時犬養毅, 高橋互人刺殺, 咱即嗎e情形, 叨親象彼時e日本 ,真正危險哩 !究竟是啥人着, 啥人毋着 ? 有人誣賴我是別有用心者 ,抑是罵我是傀儡者,內底e是非好醜, 宛那有待後日仔來釐清, 我干礁為大局來設想爾爾, 佇茲深深感到, 互相態度敵對, 針鋒相對 ,絕對是吓帶來後日仔e悽慘啦 !」
我講演e時瞬, 眾學員耳空ia4銳銳(lai6) ,恬恬也聽, 氣氛平靜,毋閣過返工e新聞, 又閣膨風宣染講白賊, 尹講學員欲請我去游泳池e時瞬 ,氣氛真沤搭, 險險兮互伊戽(ho3)出來 ,這是無影無蹟,風聲勃影e代誌 ,尹盡量來給阮詈罵 ,消毒(批判)甲無一塊去 ,另外一方面, 議長對即款代誌e處理, 宛那無夠精明幹練 ,照理講,派出調查e議員, 應該噯公道,正派上介要緊, 袂使事先有偏見, 抑是重感情 ,有心思牽纏咧 ,毋閣即方面議長無外認真, 干礁敷衍準過去爾爾, 致使講後來e調查報告, 安呢含糊不清 ,離gaga, 負責調查e議員, 嘛恬恬無半句哩 .
事實上, 欲判斷規篇講e內容 ,必須噯詳細檢討 ,才吓逗搭 ,
135
我e提議 ,叨親象 ,頭前所寫e來發表 ,公諸社會, 來得著大多數議員通過, 連負責調查e蘇議員, 嘛夯手贊成 ,致使講蘇議員,宛那互原選區新竹, 遐激烈e民眾給tu4臭看衰 .
落尾也 ,施政詢問e重點 ,集中佇貪污, 舞弊 ,安呢牽朋引戚簡那法官咧問案咧, 氣氛緊張, 毋閣等開會煞戲了後 ,遂一切平靜恬寂寂 .簡那風颱做了返回南, 最後開三擺會議, 審查議案, 通過提案128件, 人民訴願案63件, 尹審查e速度,快速千里馬 ,袂輸咧吐劍功,唗卸馬赫尼緊 ,除了少數議案保留以外 ,議決分幾落款 ,送政府辦理 ,研究辦理 ,採擇辦理 ,參考, 採擇施行…無仝e名稱, 欲叫政府辦理e決議, 政府無一定吓執行 ,抑若研究,採擇,參考,奚叨干礁映望咱政府e熱忱爾爾 .
第一次大會了後六个月,1946年12月12, 開第二擺大會 ,仝月24日休會 ,拄好佮南京召開e國大閉幕仝時間 ,本次大會有二个特點 ,黃議長佇閉幕式致詞所講 ,第一 前後經過「雙審查」「雙報告」「雙議決」, 第二 ,大會開十二工, 月十二, 日十二, 會期十二,逗成三个「十二」 .
第一次大會開煞了後,佇休會期間, 有開放兩擺特別e選舉 ,九月選出八名參議員 ,十月召開臨時大會 ,選出區域國大十一名,參政員選舉, 蔡培火落選 ,林茂生當選了後辭職 ,彼時瞬攏造成真大e風波 ,候選人e政見發表 ,話調激烈 ,毋閣事實上,吓稠袂稠 ,毋是看伊內容好醜, 干礁佮伊有利害關係否, 才是要緊,有影現實, 彼年12月初5, 透早6點50分,台南發生地震, 損失慘重, 我佮周民政處長 ,仝齊去慰問災區 ,災民饑寒交迫 ,
136
無厝無食 ,艱苦坐掛 ; 上介悽慘e,叨是阮好朋友李聰微醫師尹牽手, 彼工早起才起床呤呤, 無閒莿莿, 咧僎第貳千金e喜慶典儀,毋閣遂洶洶大地震 ,規厝間倒塌 ,伊佮尹第五千金, 第貳后甡 ,攏總去互厝屋硩(de4)死, 唉 !天有不測風雲, 我佇致安慰詞時, 遂講袂出來, 即款情形,我卡早嘛拄過仝款e艱苦代 ,彼時省議會有來通過我所提議「搶救災民案」 ,拜託政府趕緊辦 ,毋閣尾溜也應付應付, 干礁發淡薄仔撫卹金, 省政府並無認真拚勢來救濟, 所以講,干礁決議遂無法度做, 又閣是安呢爾爾 !
137
第十三章
我親身經歷e 228事件
59.
光復了後 ,上介互我著驚e代誌 ,叨是隨身紮槍e兵士佮警察特別贅(多) ,安呢迭迭吓造成事故 ,親象台南市編餘兵士 ,佮警員衝突; 新營民眾佮警察衝突, 員林鎮法警佮警察局衝突, 甚至尪仔嫫冤傢呤, 嘛夯槍肖對 ; 抑有嫌疑犯, 為著拒絕捕掠,互人彈死,嘛不時聽著 ,這實在是惹起228事變e導火線, 我有踮第二擺議會大會時, 提出「非依法袂凍紮槍械案」, 毋閣真拍損, 無互當局來看重 ,想起來真正怨歎叨著 !
後壁我吓真艱苦來給寫出, 咱本省空前未有e大災難; 千萬袂凍閣再發生e 228事件, 佇茲我寫出台南市, 親身潦落e驚險場面.,即个事件, 吓使講是一種「暴發性,衝動性,普遍性,強迫性」e社會異常暴躁症, 真正是台灣歷史上e大悲哀 ,汝給看,台灣離開祖國五十冬, 真無簡單重歸懷抱, 開始e時瞬, 熱情來歡迎, 規腹映望e民眾心情 ,哪吓顛倒揙到, 夆殘殺同胞生命財產e大悽慘 ?頂面捍頭e人, 事先袂了解官民衝突e烏暗面, 閣卡無法度預防災變 ,即嗎想起來, 真正吓搥心肝安呢 !
228事件 ,源頭是台北方面,查掠私菸 ,警察槍殺民眾來引起,互有心人(可能群眾抑是官員) ,趁機使弄 ,暴力湠延全省各地 ,
138
惹起規粒台灣島e悽慘 ,國家損失慘重 ,是袂講了了, 想起來真正艱苦….呾即嗎講到咱台南市, 3月初3, 受著外來(頂港) 「暴徒」 ,心狂火焯,慘悽民眾e鼓動使弄, 佇社會上造騷動 ,治安恐怖百姓驚惶, 彼个時瞬, 我擔任台南市黨務指導員, 又閣兼台灣省參議員 ,對事件來發生, 無法度事先來阻擋預防 ,有影深深感到見羞(siau3)叨著 .
呾代誌ga發生以上, 責任纏身卸袂離, 毋敢家己唗閃驚死,目睭金金來看著社會悽慘 ,自然無顧家己e危險, 港潦落, 忖死e矣,出入艱苦,無論成敗好醜, 干礁憑一粒赤膽忠心, 給拚落去 ,我佮茲同志, 共同奮鬥, 夯重牽摩, 一心為社會 安寧 ,一心為國家民族咧摪咧拂, 佳哉倚靠咱政府單位 ,來控制場面, 逐傢密切合作以上, 卡尐來發生不幸事故, 而且大多數議員, 深明大義,來服務社會, 另外地方上民風純樸好逗陣, 踦佇友誼, 誠意佮合作e基礎來拍拚 ,堅持無流血, 無湠開e原則 ,含心敆命來渡過難關 ,算起來宛那是不幸中e大幸 .
佇茲 ,我逶規个���變經過 ,在我所了解e事實範圍內, 無膨風,無添油加醋, 老老實實給寫落來; 期待安心無失禮叨好勢矣 ,無欲映望有啥功勞安呢 ,但願即个不幸e事件,得著慘痛e教訓,由這寶貴e教訓經驗, 運用佇後日仔, 處理時機長短 ,噯溫和理性 ,叨真佳哉矣 .
1947年3月2日下晡2點, 警察局長陳懷讓來阮兜,肖招拚去卓高宣市長e公館開會, 在座兮(ei) , 有卓市長, 要塞司令項克恭上校, 憲兵廖營長, 以及市內中等以上校長, 攏有參加, 市
139
長當面問我, 按怎來處理 ,今後可能發生e事變長短 ?我有來答應, 返厝e時瞬 ,吓順續拜訪侯全成參議員, 拜託伊全力幫贊,侯兄是我自來上介死忠兼換帖e好朋友, 伊有氣魄, 機智, 勇氣十足,是su當時議員中, 名聲浮夯, 喚水吓堅凍e人物安呢 .
返厝欲歇睏呤呤 ,即時瞬是半暝二點(3月3日) ,警察局長又閣來叩門矣, 即聲代誌緊急大條, 阮自那拚去警察局, 即時瞬看着卓市長,廖營長攏佇遐, 又閣拚到市議會, 議長黃百祿以外議員佮其他人士三四十人, 已經在座矣 ,逐傢討論, 欲成立本市治安協委員會, 佇會議中間呤, 局長叨接著幾落回派出所e報告, 尹講暴力民眾, 有搶劫武器, 切斷電線e代誌, 勢面食力,情形不安, 我佮侯參議員, 雙爿出入佇議會佮警察局中間,來撟代誌, 彼暗仔, 我佮侯兄 ,.李國澤兄, 睏佇議會, 3月3日早起九點才返來厝內; 尾也,去市黨部行一回, 十點左右, 去市議會, 觀察事變e狀況, 下晡二點, 旁聽市臨時參議會, 通過七項要求.
一 , 要求軍人憲兵警察, 袂使烏白開槍咧, 抑是有挑撥性e嗆注(du5) ; 二, 要求廢除專賣局佮貿易局 ; 三 ,馬上逶無能力,無負責e公務員免職; 四, 負責糧食問題 ; 五, 馬上實行縣���長選舉; 六, 省方各處長, 重要機關負責人,噯提拔台灣人; 七,台灣省接收e公司,工廠 ,噯交台灣人處理, 下晡七點, 又閣返去市議會, 佇後面詳細觀察, 有關市民大會e狀況, 氣氛不止也緊張 ,八點半返厝 ,來思考對策 .
140
3月4日早起八點呤呤 ,我又閣拚到侯兄厝內 ,拄好張壽齡議員嘛在座 ,拜託黃議長參加, 決定(一)不流血, (二)無湠開擴大e基本處理方針, 拜託林占鰲兄去請李國澤兄 ,負責勸說學生仔,絕對毋倘輕舉妄動 ,來惹代誌, 又閣去市議會, 佮幾落位議員參詳, 拜託尹協助議長堅持和平原則, 千萬袂使顛誕衝磅, 這代誌一定噯認真執行, 絕對袂凍稱採叨準過去, 若是婁鉤(脫序)去 ,有越軌e行為 ,以後e責任, 定著噯由議員來承擔安呢甡 .
下晡二點呤, 阮踮三青團中正堂 ,佮拚黃議長閣再確定 ,「阻擋暴動」 e處理方針, 也叨議長室 ,有卡吵鬧 ,講話無方便, 取即个所在, 有卡安靜叨著啦…下晡三點, 佮黃議長拚去憲兵隊 ,接受著政府e回答 ,佮政治提示九項條件….當時軍部e代表是廖駿業營長, 政府代表是陳懷讓警察長, 政府對台南市議會七項要求 ,尹e回答是安呢: (一) 原則上認可, 毋格軍警駐在地e附近, 佇正常秩序未恢復進前 ,袂使侵入 .(二) 吓使考慮來答應.(三) 吓凍接受 . (四) 當然噯做. (五) 噯請示中央 . (六) 加減來任用台灣人 .(七) 有優秀合格e人員, 長官吓使向工礦處推荐 .
[附帶條件] 有關過去e行動, 除了武器, 財物 ,應追還以外,其他e行動「既往不究」, 但自宣佈日期起算, 後擺若閣再出代誌, 絕對依法嚴辦 ,佇政府方面, 嘛提示九項條件, (一) 行政袂使受著侵犯, (二) 保全固有e行政權力 , (三) 警察武器佮財物噯照顧交還, (四) 調查私人損失, (五) 所有e軍警出入 ,無受干涉, (六) 撫卹傷己, (七) 各機關損失噯調查, (八) 警察開始復原,照常執行任務, (九) 各學校噯恢復上課 .
141
61.
下晡四點半e時瞬 ,學生仔佮青年, 規陣夯凶要求說明 ,有關政府e回答 ,又閣提出條件, 氣氛兇猛沤搭, 尹夯槍夯劍, 把守門戶,空氣真正緊張 ,即个時瞬 ,若稍寡撟袂拄好 ,可能代誌吓舞甲袂收山 ,落尾也, 黃議長佮侯議員誠懇來說明詳細 .
尾也 ,我提出處理四原則, (一) 不擴大, 無欲湠開, (二) 不流血, 莫衝突,(三) 袂凍否認現時e行政機構 , (四) 政治問題,噯用政治方法解決…下晡五點半 ,阮集合區長, 副區長, 區民代表,里長, 市議員; 會議來通過, 承認政府對議會e要求, 回答佮提出e條件, 到茲來矣, 和平e局勢 ,叨已經好勢矣…尾溜也 ,雖然猶有少數激烈份子 ,用使弄, 欺騙, 威脅e手段來興波做浪,惹起是非 ,好佳哉攏無成功叨著 .
下晡七點呤 ,我佮黃議長等等 ,再次到憲兵營; 成立七項辦法; 1. 國軍應返去原來e駐點營房. 2. 關於本事件, 軍方袂使閣增加駐軍. 3. 治安問題, 由參議會, 憲警來負責 ,馬上恢復原狀,學生佮民眾 ,隨人安守原業 . 4. 外省人e生命財產 ,今後由市民共同來保障, 外省人佮台灣人噯互相尊重 .5. 民間所提取e武器,財物 ,攏噯交互參議會, 才閣交互原來機關. 今後若安份守己者 ,吓使既往不究. 7.失業佮糧食問題, 政府噯認真來解決 .
3月初5, 早起九點, 受著高雄要塞項總台長e邀請 ,我佮黃議長等等 ,到要塞總台部, 再度確定進前e四大原則 ,而且做成
142
昨央(天)佇憲兵營 ,所擬定成立e七項辦法 , 茲e解釋是安呢;1.
軍隊返去原駐地. 2. 無增加兵力 (噯請示高雄司令部) .3.下晡三點, 憲警到參議會,開始維持秩序. 4. 外省人e生命佮財產由市民共同來保障, 互相尊重, 嗣後若閣發生毆扑外省人事件 ,軍憲警叨吓直接來給處罰, 來給嚴辦, 咱逐傢噯公道支持 .5. 學生逶所取e槍枝, 財物, 噯先交付卡親近e老師, 長官,才 閣彙送參議會, 轉送警察局, 政府吓向市長民宣佈 : 暗藏槍枝,必須繳交出來, 抑若無者, 後回仔查出來, 叨吓依「意圖暴動,私藏軍火」 ,來嚴辦叨是. 6.今後袂使有越軌犯法e行為, 卡早e代誌,既往不究 .7. 失業佮糧食問題 ,市政府噯有好法度來解決 . 8. 由各學校通知家長會, 來約束學生, 毋倘受人挑撥離間,發生犯法行為 .
另外一方面 ,噯通知校長來負責任, 袂使將外口e學生, 帶返來作亂, 抑若無者, 學生除了受軍警處分以外 ,校長嘛噯連帶負責, 各區區長, 民意代表, 黨團負責人, 里長, 家長, 噯共同對本區e「暴徒」, 做有效阻擋安呢. 9. 昨央e議案 ,自本日下晡三點實行, 今後若有變故, 噯由「暴動者」承擔責任 .
下晡二點 ,佇台南市廣播電台 ,佮卓市長 ,黃議長 ,莊總幹事,共同來廣播 ,下晡八點, 佇市議會成立「228處理委員會台南分會」, 彼暗, 雨毛仔霎霎落, 我本來無想欲參加, 毋閣黃議長,侯議員, 好禮派人來邀請, 盛情難卻, 自那姑不衷潦落,九點出席e時瞬 ,我遂被推選做主任委員, 另外黃議長,莊幹事長為副
143
也叨勢面硬斗 ,無法度推辭 ,為著維持「和平四大原則」, 才來接受艱辛 ,潦落俥拚, 處理委員會 ,設總務 ,治安 ,宣傳 ,糧食 ,救護, 連絡 ,學生各組織, 有設組長 , 副組長 , 組員 .
3月6日 ,早起十點 ,召開「228處理委員會台南分會」 ,我再三推辭 ,毋閣袂通過 , 下晡二點, 本市中學以上e學生, 要求無武裝e遊行, 得到項總長e許可, 約束袂凍接近軍區為條件, 而且由我佮黃議長佮澤李國兄來維持秩序, 本市中學以上e男女學生有數千名, 尹手夯紙旗子「擁護國民黨政府」,「確定民主政治」,「改革本省腐敗政治」,「促進地方自治之實施」,「建設台灣」標語 ,大聲喚口號, 隊伍有條有段, 遊行市區大路 ,氣氛真正熱烈, 佳哉無發生意外事件, 即款辦法, 因勢利導, 真正高明…毋閣下晡四點呤, 憲兵營來電, 講市中心勢面無平靜, 叫我緊去現場看看e ,我自那佮黃議長, 侯議員仝齊去處理,結果是情報錯誤, 代誌平靜無問題 .
3月初7 ,早起九點到下晡二點 ,佮陳局長, 黃議長, 侯議員,仝齊去第三總台部 ,敦請卓市長, 返來市政府辦公, 下晡三點卓市長召開糧食會議, 議決以「228處理委員會台南分會」e名義, 向金融機構, 借出舊台幣2000萬, 來買糧食救濟饑荒, 下晡六點半,我對「228處理委員會」各組長, 報敦請市長回府辦公e經過, 佮糧食會議e內容 ,推舉張壽齡, 楊請副議長 ,就北進見長官 ,報告台南e 狀況, 而且拜託伊 ,對嘉義佮高雄二个所在 ,緊急設法來安搭危機, 互伊平靜, 才袂去沐著台南地 ,也叨彼時瞬 ,對即兩个城市, 有真贅謠言叨是 !
144
我閣再督促各位組長噯注意 ,一定噯嚴守「無擴大湠開,無流血,無否認現有行政機構,政治問題噯用政治方法來解決」四項指導原則, 若是超過即个範圍 ,我叨毋敢負責 ,會中所提e動議, 若無合即四大原則者, 一律無效無準算 ,即聲遂引起激烈份子e不滿, 尹攽(放)風聲欲來加害我, 親戚朋友真為我來煩惱擔憂, 毋閣佇即款大風大湧e暴風雨中間, 我毋知勇氣逶佗來 ,按怎來浮夯哩 ! 猶閣吓坦然來撟摵(處置), 想起來有影驚惶啊惶, …了後,安平港有船入來,才拜託憲警當局前往檢查 ,而且協助設法來救濟 .
3月初8 ,早起十點 ,開組長會議, 各組長來報告當前e重要問題 ,而且加設政治組 ,來求取正當e民意, 慎重審議. 有關指導e四大原則, 無否認現有行政機構e解釋 ,叨是無欲本省獨立 ,無欲脫離中央���府,下晡二點, 市議會開座談會, 討論現任e市長, 咁做了有好勢否 ?另外欲按怎 ,來民選市長e問題 ,我嘛列席旁聽安呢 .
也叨3月初6 ,陳儀有兩點廣播 ,第一點, 行政機關e改革, 逶行政長官公署 ,改做省政府 ,吓行文轉呈中央來指示, 委員佮廳長佮處長, 盡量用本省人擔任, 拜託民意機關推荐有能力者來擔當; 第二點, 縣市行政機關e縣市長 ,佇六月底進前辦理推選, 七月初, 辦理選舉, 佇猶未選舉進前 ,現任各縣市長 ,若是民眾認定不稱職者 ,我本人(陳儀)叨 給免職, 由參議會召集各界協商, 決定候選人三名, 由本人圈選一人來擔任叨是 .
3月初9, 下晡3點, 佇市議會e會議廳 ,舉行台南市各界聯合
145
大會, 討論現任市長咁做了有好勢否 ?而且選舉新市長e候選人, 參加e人 ,背景複雜; 有參議員, 區長, 區民代表, 民眾團體, 機關,公司, 工場, 學校職員, 學生代表, 攏總458名, 實到425名, 由黃議長擔任主席, 有關現任e市長 ,咁做有好勢 ?來詢問各界e代表,結局e瞬呤, 滿場e人, 攏反對伊繼續留任安呢, 落尾也 ,我無欲參加競選, 態度明朗了後, 開始來投票,(有效票426) ,結果黃百祿179 票, 侯全成109票 , 湯德章105票, 我嘛得26票.
選舉投票e進前一暝 ,各方面有意來「逐鹿中原」e人,非常激烈,尹幻想講, 市長e寶座 ,強強欲坐著矣, 毋閣「孔子公毋敢收過暝帖」, 即聲代誌消風矣, 第二工, 3月10日 ,全省大暴動, 陳儀宣佈戒嚴 ,「228處理委員會」e命令來撤銷, 安呢全省市長選舉, 美夢遂來取消, 化做泡(pok)仔影是啦 !下晡九點 ,佇省議會開市議員座談會, 協議中說明, 既然「台北228委員會」已經撤銷矣 ,即聲「猴頭倒,猴孖唗了了」,續落各縣市分會, 定著嘛同時取消矣; 落尾也善後e工作 ,暫由參議會代理, 按算講明仔早起, 向各組長, 副組長 來宣佈解散 !
3月11日, 戒嚴矣 ,國軍開入來台南,早起十點, ,軍隊來包圍咱台南市參議會, 在場e議員, 學生, 攏互人嚴厲搜查,我身為敖人, 宛那去夆押就車頂載走, 氣氛硬斗沤(au4)搭, 就車進前 ,有一位兵士夯槍指向阮, 安呢歹聲漱嚷罵「你們不對」,…尾也載到台南市指揮部e時瞬 ,我佮一部份議員, 坐踮會議室遐,
146
某指揮官做主席 ,來開「收繳武器」e會議, 用毛筆寫「兵火也,虎也」 ,而且解釋講「代誌緊急,猶無,即聲玉石俱焚,雙方總死」伊問著「有關收繳武器,啥人吓凍cua3頭負責?」 ,無人敢承擔哩 ,尾也,侯議員自告奮勇, 欲來答應擔起責任…續落自那踮全市區遊行,宣傳收繳武器e必要性, 而且協助清查戶口, 宣傳政���,推荐做綏靖委員安呢 .
佇綏靖過程中間 ,互人檢舉e人士, 雖然有一寡人「罪應所得」,毋閣互人冤枉「莫須有」,變成罪名e人 ,宛那袂尐人哩 !甚至講,有e人誠心盡力為國為民來奉獻, 嘛有受著不白之冤 ,真正悲哀,好佳哉佇本市e外省人傷害臹尐, 卡無發生人命e危險事件,228處理委員中, 治安組長湯德章互人槍殺以外, 其他夆判罪服勞役者, 宛那袂尐 .
另外 ,對我來講, 無親象古早人, 有給加套罪索, 來牽挽侮辱人,嘛表示優待叨是, 嗯才e瞬呤, 我有向某高級軍官講「我韓某人做代誌坦白,清清楚楚象影鏡,若準對我e行為,猶袂諒解來講, 即聲無論對啥乜人e好歹,汝嘛真奧去判斷哩」, 某負責當局, 叫我噯寫自白書來緩和罪行, 我回答「寫處理書吓使,毋閣自白書袂凍e啦!」結果以寫處理書來「煞戲」安呢 .
即擺228內底, 有e人失蹤去矣, 如省議員王添燈, 林連宗,本省名人林茂生, …等等, 嘉義市高雄市, 嘛有幾落名e犧牲者, 本市佳哉卡無顛誕, 算講嘛是地方上e福運, 毋閣上介僥悻(hiauhing66不幸)e代誌 ,叨是有一位,原本該身負事變湠開責任
147
者, 毋但無代誌爾, 遂事後顛倒昇大官, 唉 !實在互人sa無摠(zang4)叨著 .
由即層代誌, 互我深深得著一个教訓, 叨是咱撟代誌 ,噯有正確e指導原則, 噯有誠心誠意, 含心gap命e同志 ,逐傢潦落拍拚 ,無咧考慮生死, 拂落摪落, 無管顧榮辱, 才有法度佇急難噹中,心神掠在, 意志袂動搖, 抑若無者, 安呢糾頭縮尾,手路躊躇, 舞甲驚東驚西, 毋但代誌撟無半項爾 ,事後e災難必定來臨就身, 叨真正有影哩 !
真拄好才寫煞本節e文句呤呤 ,有順續閱讀著美國歷史上, 一篇夆掩坎臹久e故事 ,互人真感心, 伊是「羅斯G.ross拯救伊所返對e總統」,真正是感慨無量, 不在話下 .
228事變了後 ,佇1947年4月 ,「長官官署」 ,改做「省政府」,魏道明接落主政, 來管理台灣地 ,6月20開省參議會第三次大會, 議員出席者無夠二十个, 干礁全體e三分之二爾, 隨人意志消沉, ut卒敗喟 ,恬恬毋敢出聲, 佮第一次大會彼款有講有笑, 真正天地差別…有關即擺228省參議會 ,有下腳e宣言紀錄 :
228事變 ,是本省光復了後, 所發生e重大悽慘代 ,這中間e事件發生, 時間緊迫, 袂赴來阻擋不幸, 咱茲做頭兄e人,領導無方, 互社會悽慘 ,實在感到真見羞 ,佳哉代誌已經過去矣, 佇茲
148
咱相信 ,即擺得著真大e教訓 ,後日仔亦絕對袂閣再發生仝款事件 ,詳細來研究事變發生e原因 ,第一 ,政治捍盤 ,出了問題 ,光復已經一年半矣, 官廳兮推行e空課真贅, 毋閣其中阻礙重重,執行困難, 頂司無噯檢討改進, 致使百姓不滿來怨恨 .第二項心理上e原因 ,番薯仔(台灣人)長時間受日本仔e凌治, 新婦仔丹(受虐童養媳)做了有起呢,想講一旦甲歸復祖國了後, 映望好日仔來臨e心情急迫, 即聲若拄著政策措施不滿, 定著吓發生精神上e激動, 事事毋甘願 ,心肝頭凝閣砧, 年久月深, 才來造成行為e錯誤 .
噯知影228事變, 實在是兄弟一場e誤會 ,誤會一旦甲消去矣,兄弟定著親愛如故, 所以講, 一時e誤會, 袂去影響著尹e感情, 228事變,嘛袂造成台灣佮祖國e空縫長短 ,阮希望世界e人士, 莫相信遐有心人, 烏白講話 ,烏白給催撟, 而且寄望茲本省人外省人, 逐傢互相敬愛, 精誠合作, 毋倘猜忌, 共同來復興祖國, 建設新台灣 .
監察院 ,丘念台委員, 佇「檢討過去,希望未來」e文章中,有講著, 過去一年e台灣政治, 雖然有成立省縣市民意機關, 宛那是無夠民主化, 咱台灣回歸祖國統治 ,家己捍頭家己管 ,毋閣即个時瞬, 貪污e官員行入來 ,腐敗e惡習嘛傳染入來矣 ,雖然產業有計域, 統治e方向正確, 金融亦有能力, 毋閣官僚腐化,財閥壓迫, 破壞咱真贅台灣地,農村 ,工礦 ,交通建設, 雖然咱e政府, 噯遣散規十萬日本兵佮日僑, 毋閣戰後時期, 兵力佮特務,有影贅贅贅 ,超過台灣實際e需要量安呢 .
149
茲e情形, 我有咧想, 祖國不幸, 受幾十冬帝國主義e壓迫,嘛受八冬侵略者e凌治; 尹e政治措施, 一時互人不滿, 咱吓使給理解佮原諒, 毋閣真可惜, 叨是即款腐敗e省政, 竟然造成228事變e主要原因, 日本仔e離間政策,奚猶稍寡代誌爾, 若講著,「奸黨,暴徒」奚是結果, 並毋是原因,奸黨,暴徒, 噯給教示處分這無毋着, 毋閣一个堂堂e政府, 已經統治一年外,叨互奸黨暴徒,三兩工給筴(qee4)去配, 有影卸世卸症, 即款「官廳兮」(政府) ,定著家己「四兩央仔噯除」咧 !
我咧想 ,政府對百姓 ,叨簡那父母對孖兒仝款 ,囡仔做qet,挵破玻璃窗, 父母稍給教示 ,叨準拄好矣, 千萬袂使講伊是忤逆不孝, 叨給斬斷踵頭仔, 毋倘為著一塊玻璃 ,叨永遠記仇恨安呢 ,囡仔吓著驚失志, 戆戆呆呆袂講話, 參加事變 e台灣人,加減有躁性, 暴動 ,懷私利 ,無遠見…等等歹心行, 毋閣官員,軍警,嘛有違背蔣主席寬大為懷e意志, 譬如講, 伊迭迭用親日, 親美,託管, 獨立, 共產, 叛亂…等等罪名,來烏白誣賴台灣人, 真正是甚侮辱台灣人矣, 甚侮辱國家矣 .
佇省參議會第三擺大會 ,有關縣市長民選佮228處理 ,我有來對魏道明主席, 做三點e質詢 ;第一點 ,縣市長e直接民選 ,這是全台灣人民e映望 ,陳儀聲明在先, 白部長佈告佇後,吓使看做政府e德政 ,請問省政府對即方面咁有準備 ?辦法按怎 ?時間按怎? .第二點 ,現主時縣市長e任用資格, 並無附合本省e現狀, 也叨阿本仔五十冬, 教育客欠, ,情形特殊, 伊e資格條件,應該攽卡另e, 抑無是干礁講耍笑空嘴哺舌爾, 第三點,228事件,損失真大,官民攏有責任,為秉承中央德意,咁吓凍對民眾 ,採取閣卡寬大e政策 ? 150
65.
對我e質詢, 魏主席有所答覆, 魏氏言下之意, 表示有所苦衷, 伊一寡政策, 真正噯請示最高當局「c頭仔」(民間稱呼老K) ,伊無法渡單獨決定哩 ! 伊講伊真懷疑陳儀,有獨立決策e權力, 叨算講中央e行政首長, 嘛是干礁表示個人e同情爾,無法度做實在決定e權力 ,最後宛那噯尋c頭仔才有效, 所以講228中間, 有關陳儀對縣市長民選e廣播, 不而顧是伊派兵鎮壓前e緩兵之計爾 ,幕後另有目的安呢…休會了後, 我佇7月3日「中華日報」以「一个 參議員e感想」發表意見 .
我是一个省民,生長佇51年間e日本時代,少年時原本是反日份子,二十外冬前, 宛那互日本仔監獄關甲沗沗沗; 光復了後,對政治本晟是無真興趣,也叨互熱情e民眾,佮愛護祖國e心情帶著, 而且身處參議員e尾位,嘛參加過三擺e大會,即遍拄好是省政府成立e頭一擺大會,若是無228e心情,民眾對咱議會e興趣佮熱情, 咁吓迮尼消風無奈? 是按怎揙甲迮ut卒? 咁講是官廳兮(政府)甚猛,百姓甚驚惶, 抑是對省參議會扯(ce4灰)心, 無抱映望矣,抑是阮e氣魄落坑下消, 抑是煩惱新e省政府佮長官公署仝症頭爾爾 .
我咧想,頂頭所講e幾落項原因, 攏有關係置,毋閣有淡薄仔顛誕 ,並無正確,以頭一點來講,寢(cim)光復呤呤,萬民稱幸, 長官公署成立矣, 陳儀正式坐位, 全省百姓, 歡喜雷動,感恩擁護, 是熱烈歡迎甲袂顧e,毋閣真不幸,政治漸漸烏暗矣,一方面是受大戰e影響 ,一方面是受着種種e使弄壓力, 上要緊是
151
一寡公務人員,貪污 ,腐敗,無能 ,傲慢; 政治無就軌道致使百姓反感驚惶,社會不安, 即聲民眾對政治真正失望,映望講看有倘靠議會來主持正義否(vr5) ?安呢硭角才撟吓返來(��能板回公道).
無外久呤呤, 民眾怨氣浮夯, 一四界tu4臭詈(lue4)罵官署 ,社會暴動風雲起, 強欲袂收山攬尾 ,人咧講「山雨欲來風滿樓 」,陳儀雖然有建設台灣e熱忱, 伊若卡鼎真細膩e ,人咧講「田螺sr2(爬) 有痕」, 對民眾所祈求映望e代誌, 若準吓凍處理一二條仔,無定著吓挽回人心, 來化解怨氣, 絕對袂去為著稍寡空縫爾爾, 互暴民所利用, 安呢天崩地裂, 惹起大悽慘, 咱即嗎想起來 ,宛那吓搥心肝哩 !
…也呾代誌過身了後,最近也,全民驚惶,遂下消敗喟去; 恬恬無半聲….雖然228處理有卡超過, 毋閣呢,公正e言論,有啥乜倘驚惶, 做人正正派派志氣洋洋, na有啥乜?…呾即嗎魏道明主席,宛那知識份子,是一位「民主法家 」,風聲欲實行法治,尊重民意,我希望政府有威信才吓使, 有威無信,百姓吓不服,信比威卡要緊,政府對所發表e代誌,絕對噯確實做吓到 .
另外, 對省參議會有啥乜期望否?省議員e職權,咱吓使來評論,咱若吓凍代表民意,誠心來協助政府,安呢對政治e推sak,宛那是真有效叨著,拜託用冷靜e態度來議論政治,嘛袂凍感情用事,一直鬧袂煞,若安呢來看,逐傢叨袂失望矣.我真希望政府方面,對議員建議,毋倘無給信斗,稱稱彩彩準過去, 毋倘干礁文書來往咧浪費時間爾爾, 安呢才吓得民心叨著
152
另外一點,有e議員柴柴內向卡無嘴花, 卡袂曉展風神,安呢咁吓卡輸勢無人緣? 我有咧想,人吓展風神展氣魄,無一定對國家有利哩!展氣魄組兮是一時e ,是袂凍靠勢e代誌, 毋倘干礁聽一寡刺激性e言論, 一時爽快是無路用,一定噯用建設性e言論,來提高議會e風度,合作,融合,有好品質e性格,才吓來增進省民e福利叨著 .
猶閣,新e省政府,咁吓佮長官公署仝款;省政改矣,長官又閣換人矣,戒嚴嘛暫時解除,軍事管制撤消矣;228處理放寬矣,省民一部份嘛進入公家機關,貿易局廢止矣,專賣局改組矣,工場一部份開放民營矣, 欲收買偆糧解決民生矣,欲組成工程隊,來進行建設來解決失業,縣市長民選,立法程序完成了後叨欲實行矣,算起來,省政府佮舊長官公署,有真贅無仝款e所在 ,拜託逐傢重新起來奮力拍拚,協助政府, 趕緊來建設新台灣,最後我真誠心e映望,無論新任抑是留任落來,重從政官員,噯實實在在為國家民族來謀福利, 改革不良e官僚作風 .
153
第十四章
競選區域性國大代表
66.
第三擺省參議會開會了後, 佇1947秋天, 我參加一回「大選」候選區域性國大代表, 嗯才來(於是) 辭去指導員職務,也叨(因為)指導員是「當然e選擇委員」咧 ,我佇離職進前,有對黨員發一篇「離職報告」原文是安呢:
「做一个公務人員, 伊e行動噯公開, 噯光明正大, 我即擺為著欲競選國大代表, 來辭去指導員e職��, 雖然這是稍寡代誌爾,毋閣我有即个機會, 來向關心本人起落e朋友,稍寡說明一下,算起來宛那有意義叨著. 」
吓記得舊年5月1946 ,我佇台北e時瞬 ,陳儀方面有意思 ,欲請我去做衛生處長 ,我無意思做公務員, 自那婉言拒絕, 另外黨部方面, 嘛有意思欲拜託我撟(ciau3)黨務工作 ,我su當時為著欲服務黨部國家, 所以馬上答應,一下入去了後才知影黨務e空課,真複雜坎坷, 無閒莿莿, 無專任來有影揙無空, 阮17个黨部指導員中,兼職者干礁澎湖縣長佮我二人爾 ,我本身經營病院, 又閣兼光華女中,逐工無閒簡那干樂咧 ,一身軀拆做十位 ,嘛無法度返身 ,雖然身體猶健康, 毋閣家己想想e ,有影歹勢叨著, 叨安呢, 代誌無法度專一, 致使逐項空課做了袂順序, 袂滿意安呢甡 .
154
黨務方面, 咱台灣並無基礎 ,事事噯逶頭前做起 ,腳手生疏混屯,代誌真奧返捯(處理) ,開始半年, 試驗試驗爾爾, 拄好欲就起工好勢e時瞬 ,洶洶遂拄著228事變, 心情憺(dam)憺緊張幾落月日 ,佳哉台南市堅持四大處理原則, 代誌安穩渡過, 毋閣各方面人力,物力, 時間拍損真食力 ,經過半年了後 ,雖然長官公署換省政府 ,陳儀換做魏道明, 搪咧施行新政策, 毋閣一般百姓 ,憂傷ut卒,下消敗喟 ,佇黨部做空課, 干礁是渡著犧牲, 艱苦, 潦落拚, 來振奮民心爾 .
對黨內方面 ,噯加強團結心 ,重新畫編區分部 ,認真來開會服務; 以不屈不饒e俥拚喟 ,佮黨務人員, 共同參詳研究 ,綿爛去做我家己來講 ,任勞任怨, 毋驚艱苦, 欲僚叨僚, 欲摪叨摪搭底. 絕對以國家民族為重, 一絲叨無自私想法, 我一定噯踦佇為公為國e立場 ,認真負責爾爾 ; 我自信佮我仝處境e人, 定著吓明白其中e含意; 即擺受者贅贅同志e敦促佮提拔, 來競選國大代表, 無咧計較成敗東西; 也叨尊重省黨部e指出方針, 即嗎趁即个機會, 提出辭職, 推荐吳海水同志來接任, 佳哉得著允許 .
講到吳同志, 伊是一位富有民族��神e鬥士,日本時代有參加過文化協會,民眾黨,台灣議會茲運動, 為同胞來犧牲奮鬥; 佇抗戰期間, 互日本仔真粗殘給苦毒凌治, 判15冬徒刑 ;光復了後才攽出來,伊做過高雄州三青團籌備主任, 鳳山屏東署區長, 屏東署撤銷了後,徙來台南市黨部服務, 已經幾落月日矣, 伊對內對外,摯接同事撟代誌, 隴真圓滿逗搭, 人緣真好; 嗯才吓凍得著各方面e幫贊,順示來推展黨務…呾即嗎市黨部e成立,迫佇眼前,黨務噯緊湠開發展, 我雖然離開指導員職位,毋閣對黨部死忠熱誠無變,顛倒閣卡願意為民服務安呢 . 155
來源：2023 36 台閩文學韓石泉60回憶 ( 中 )/韓133-155.docx
韓156-180
即擺國大競選e中間; 有三點對我來講, 真正不利; 第一點,競選e時間延遷了甚久,有影臹害, 咱給看, 逶選務所成立到投票日(8 月19到11月20) ,期間有三月日赫久, 這對有錢有閒有腳手e候選人來講, 真正有利, 尹吓凍涼涼也, 來縛枝骨, 四界去運動去拜票; 抑若我呢, 逐工無閒莿莿又閣欠腳手, 卡無時間, 安呢隨戶隨口灶去拜託 ; 第二點, 佇競選上激烈上要緊e空縫, 我e大枝柱子腳侯全成兄, 遂無緣無故互警察掠去, 等伊攽出來e時瞬, 競選時間亦即欲煞戲矣, 我原本想欲放棄競選, 毋閣頭已經洗落矣「騎虎難下」, 自那勇敢摪落去, 無咧給計較輸贏按怎哩 .
第三點, 代誌真拄千,佇競選講演上介激烈e 坎站呤 ,有一位228受難者濫入來亂場, 伊剛(daa2)逶監獄攽出來, 利用民眾對228 e仇恨, 來幫贊另一位候選人, 對我大力攻擊, 互我e選情硬斗歹紡,真正艱苦 , 唉 ! 冤枉啊冤枉! 我是賭著生命潦落悽慘, 為著救鄉親大眾 ,來約束四原則, 互咱在地台南e損失, 佇全台灣各縣市上介輕, 這功勞看現現啦, 我家己有自信 ,我做了有起啦, 自那勇敢選落去, 為著公平正義, 甘願選輸嘛無要緊, 絕對無噯卸世卸症, 用奸臣步來選贏 ;嘛無噯用金錢, 來達快速效果, 咱心肝夯互伊正, 光明正大安呢哩 !
到茲來矣, 選舉結果定著無望; 彼時有報紙安呢寫「有人認定講,青瞑e人,破相e人,竟然吓凍來親身投票,這有影奇蹟呢!另外一點,無倚靠金錢,宛那選吓牢,奚閣卡是奇蹟中e奇蹟,為著
156
民主政治,映望即方面e奇蹟,看吓凍出現未(ve)!」
結局e瞬呤 ,開票e結果,我才提著2129票, 算做第二候補, 干礁是當選者十分之一e票數爾, 雖然淡薄也失望, 毋閣宛那感覺 ,真光彩無咧見羞安呢, 彼時瞬某方面, 已經有愜意某候選人, 暗中大力給奉承支援, 互我真奧分著票源叨著 .
彼个流擺, 競選e花樣百出, 報紙有咧寫 :
為著欲達到競選e目的, 有一寡毋知見羞e候選人,安呢想空想縫,除了大量收買運動員, 四界活動以外, 猶有利用一般人迷信e心理,捐錢砌廟, 贈送牌匾 , 茲運動員內底, 有e特別拍拚,特別死忠e人, 甚至欲起彎(uaai)肖扑(挑釁鬥狠) ,夯鎚夯磅, 真激烈安呢 .
有關候選人 ,尹無仝款e作風, 嘛有即个記載 :「本市四个候選人中間,作風隨人無仝,一位是以金錢收買基本群眾,一位叨是以政治家風度佮手腕 ,去爭取選民;另外一位是手腕佮金錢,同時使用,舞甲咸頭無夠, 猶有一位,四界拍拚唗蹤, 結局e瞬呤,舞甲疲勞厭懶,欲死動亥,身體大敗 .」
聽兮(ei) 講, 以早中國大陸e選舉,有武選(槍砲選),有文選(威脅利誘) ,一四界有選災安呢, 咱台灣地有卡好一絲仔,毋閣加減嘛有即款情形 ,這宛那難免e啦 ,選舉時暗沐沐, 簡那蕭公權先生所說「選舉干礁是有財產千萬e好業(額)人, 抑是實力厚實e顯貴達人, 才有法度來做競選e按算,若是有候選人 ,干礁靠勢名聲清流爾 ,叨想欲選稠來作勝利者, 奚叨有影真希罕啦 !」
選災 ,最近咱台灣, 宛那迭迭吓拄著, 有人為選舉,來頃家蕩產
157
,財源總失 ,悽慘落魄, 有e人當選了後, 為著欲彌補債務,潦落犯罪失德, 比喻講最近省縣市議員, 犯法互人檢舉者,宛那袂尐哩 !尹e源頭因故, 叨是選舉無噯行正路, 這是咱實行民主政治,上介見羞e代誌, 一定噯想辦法來改正才着(對) .
e瞬呤, 有關欲糾正選風, 我宛那真拍拚去催撟(改進) ,毋閣咱家己身份無夠, 卡細漢不黨, 話頭仈人聽袂入去, 也呾即款代誌,一四界行情佳繹滿滿是,無咧希罕啦 ! 真正有影無法度哩 ,悲哀啊…我按怎欲來競選國大代表, 我有一場講演; 以「我願做一个行憲e公僕,來競選國大代表」為題目, 佇全成戲台演出, 全文是安呢 :
「主席 ,我敬愛e鄉親嗣大, 逐傢平安順序 !今仔日佇茲開即个大會, 互小弟有機會來講幾句仔話, 感到真歡喜, e瞬呤, 即款e作法,有影真有意義, 也叨候選人吓凍利用這機會, 來充分表現伊e政見, 佇選舉方面, 吓凍對候選人e印象, 來加強熟似, 對憲政做深一層e了解 ;佇競選方法來講, 安呢做有影進步開明, 咱真熱誠來給歡迎, 毋閣呢 !我有安呢甡e 感想, 也呾即回e大選, 全國開了赫贅人力物力財力時間, 目的叨是欲互政治道德, 閣卡進步,也呾即擺開始來實行憲政e初步, 伊關係著咱國家運命前途,才拜託咱茲鄉親嗣大,逐傢卡細膩來給關心安呢 .
[壹] 即嗎是民主時代
法國路易十四「全世界攏我e」,佮中國三代以下「家天下」想
158
法, 攏真自私漚搭安呢; 逶國家看做是家己e財產來tun踏, 致使講進前e法國大革命, 佮後擺e辛亥革命 ,攏來給粉碎去; 呾e瞬呤, 茲已經過往矣, 咱即嗎是民主時代, 民主e潮流是橫長直破卸卸叫, 盡磅拚勢擋袂牢 ,國家是人民e國家, 政治是人民e政治, 古早受命佇天, 即嗎攏是受民佇民矣, 民主叨是人民為主, 是民有民治民享,人民是包含一切, 無論男女, 宗教, 種族, 階級, 黨派, 佇政治,經濟,社會上一律平等, 攏吓得著自由 ,咱e民主制度,毋是奴隸仔, 嘛毋是「人上人」叨著 .
致使林肯總統有咧講, 「也叨我袂qen4做奴隸仔(腳架仔) ,嗯才我嘛毋敢做人上人」, 這叨是我e民��觀念, 若是無者, 奚叨毋是民主安呢, 亞里士多德有捌講過「有一陣人安呢想, 若想欲求自由佮平等, 這干礁噯靠民主政治, 才有法度哩, 若準咱逐傢攏吓來認真抾和 ,關心國家事務e時瞬 ,安呢自由佮平等, 才吓完滿達成」,民主政治, 叨是憲政, 實行民主才可能有憲政, 有憲政, 才有真正e憲法; 毋閣呢 !有憲法無一定有民主, 親象日本來講, 君主憲政嘛有憲法, 另外英國雖然帝制 ,嘛有民主安呢 .
[貳] 民主噯有憲法; 憲法須要民主
欲實施憲政, 噯有一本憲法, 無論尹親象(有文字)美國式e, 抑是(無文字)英國式e, 硬性抑是軟性 ,欲順應民主潮流, 又閣顧到國家民族e需要, 才吓凍得著全國百姓e擁護, 才吓凍發揚光大,佇全國一四界來流通…頂頭到國家元首,下腳到一般手面趁食e歹命人, 隨人攏一律平等, 而且噯確定來遵守, 以和平e方式(議會,投票)解決國家大事, 維護人民自由, 保護社會安全,增進公共福利 ,建設富強e國家, 促進國際合作 , 來確保世界和平安呢 .
159
憲法是一个國家e基本大法 ,由尹國家e政體 ,佮百姓擁護民主e精神e程度來運作 ,毋閣這嘛無一定附合民主制度; 佇程度上, 宛那隨人有差別叨著 ….日本戰敗前e憲法, 上介無民主, 如「萬世一系」, 「天皇神聖不可侵犯」…全全咧五四三規米籃 ,英國是虛君制, 民眾富民主精神, 憲法咧推拺 ,宛那有卡順序叨是 .
咱中華民國, 佇今年元旦, 頒佈一部民主性e憲法; 為著欲鞏固國權, 保障民權, 奠定社會安寧, 增進百姓e福利, 伊充分表現著民主精神, 咱決定12月25日來實行…即部憲法是經過長時間e撟摵,其中困難重重, 逐傢集思廣益, 才制定出來e , 雖然無倘好到盡磅逗搭, 毋閣伊配合時局, 出現佇現主時e國內外情勢, 宛那是盡最大努力來完成叨著.
毋閣噯注意e ,叨是咱國父 ,有捌給咱警告; 國人e習性, 卡注重章程e制定安呢, 等到章程訂好勢了後, 叨認定代誌攏煞去矣, 致使真贅代誌做袂好勢, 後日仔制定憲法e時瞬, 千萬袂凍閣再來犯仝款e錯誤, 英國雖然無成文e憲法 ,毋閣尹有實行e精神, 咱若無法度來執行伊, 安呢憲法叨仝款變成廢紙哩, 完全無效叨著, 也呾即嗎離憲法施行e日期, 干礁偆一月日爾爾; 行憲迫佇眼前, 第一步, 有關國大代表e大選, 佇十外工了後叨欲實行矣,佇茲 ,我願意做一个公僕, 來競選國大代表安呢 .
[叁] 我按怎欲來競選國大代表
一 .噯代表國民黨來行使政權, 擁護真正民意, 來為民眾講話,
160
即个講話e喟口 ,噯有力量, 噯有建設性, 噯正確, 噯公平, 閣卡噯態度熱誠叨是.
二 噯維護憲政, 真拚勢來參與建國e空課 ,除去行憲e障礙,比喻講 :噯改除封建思想e遺毒, 散赤, don4戆, 自私自利,佮食錢犯法…東西 .
三 噯做台灣佮外省e橋樑, 互相交往文化, 雙方全力合作 .
[肆] 國大代表按怎來實行職權
一 .有關選舉總統方面, 噯尋有高深e學問 ,崇高e人格 ,遵奉三民主義, 保持革命光榮e歷史; 對國家民族有偉大e功勳 ,對世界噯有真優秀e名聲 ,對國內吓凍得著全民e信仰佮擁護 ,而且噯有民主精神 ,噯有領導全國e能力者 ,才吓凍來勝任愉快 .
二 .有關憲法e修改即方面; 為著欲湠展民主精神, 造福民眾,遵循著三民主義, 來發揚光大, 依法訂程序, 吓使來修改 叨是.
三 .有關咱e領土主權
(甲) 鞏固現時疆土e領土主權
(乙) 完全接收東北地區
(丙) 安定邊疆地區
四 .以上屬於全國性質e ,嘛有區域代表爾爾, 所以一方面噯
代表區域大多數百姓e意志, 另外有關全省抑是全國e問題,定著噯尊重民眾e看法 ,才拜託各位市民, 普通時對地方e代誌, 噯拍拚研究, 逐傢集中意志, 合和團結, 我若是有幸互恁來選擇, 一定效犬馬之勞來拍拚, 尊重同胞多數意見, 萬一洶洶發生意外, 宛那甘願潦落犧牲安呢 .
[伍] 我當前e主張
161
一 .消除本省人佮外省人e對立袂合和, 互尹逐傢好逗陣 .
二 .遵奉國父遺教, 提早實施地方自治 .
三 .提高台幣e匯率, 保持經濟e安定 .
四 .撥出日本e賠償金, 來補貼台南佮其他都市空襲e災害建設.
五 .台灣海峽漁場e開發, 需要建設大型e安平漁港 .
[六] 對選民e映望
一 .噯選一个有才能, 有熱忱e公僕
今仔日即个大會, 有人講, 簡那咧選孖婿咧 ! 我想毋是選孖婿,實在是咧撿選長工奴才仔, 來服務大傢, 按怎講是公僕 ?毋是私僕? 這是欲為民眾來服務, 所以噯撿選有價值,有俥拚喟e ,拜託逐傢毋倘選自私自利「軟zy4下消」e卻(腳)數(giosiau43) ,噯真嚴格來撿選一个, 真賢能e公僕, 來為市民服務安呢甡 .
二 .拜託逐傢 ,咱即張寶貴e選票, 噯理性珍惜來使用
權力真容易互歹人, 來烏白濫用, 有治權e公務員, 若是有咧貪污食錢, 咱真氣恨, 真給指責…咱人民有權e時瞬, 噯合理使用才是好勢, 這叨是講, 無講情面, 無受欺騙, 無夆威脅, 無夆抴(sy3)錢 ,袂使舞弊做歹 ,尤其噯掃除封建思想 ,也叨欲自由平等e關係 ,所以噯採用普通,平等, 直接, 無記名e投票方式 .
三 噯有做主人e資格
噯有自由獨立e精神, 也呾即嗎做主人矣, 毋是奴才仔 ,奴才干礁服從爾, 本身無自由, 所以噯講究自由獨立安呢 .
(乙) 噯有捌代誌e能力, 對茲國內外大勢,各項有關法令,會議, 必要e技術, 佮認識選舉e對象等等 .
162
(丙) .噯負責任, 民主ga是人民做主人以上,呾即聲失敗佮成功, 攏噯家己來負責, 政權捍佇百姓e手中, 真正「國家興亡,匹夫
有責」, 咱逐傢噯深深了解叨著 .
也呾拜託各位市民, 慎重來頓即票, 恁e支持, 我吓拍拚執行職務…好矣 ,我e講演到茲結束,佇茲敬祝各位市民身體健康 ,萬事如意 !
結局e瞬呤, 即擺e國大代表選舉, 我落選矣 ,了後互我心靈上做一个改變, 後回仔亦是盡量顧厝內, 專心醫務卡要緊, 才袂來「雙頭無一隅」, (兩頭落空) 叨是.
163
第十五章
台灣早期民主學步 —
第一屆省參議會回顧
唐山大陸e軍政局勢敗喟(沉淪) ,致使講阮即屆省參議員e任期 ,一再延閣延, 到臨時省參議會成立為止, 攏總開十擺會議 ,最後 一擺是1950年12月16到25日 ,前三擺e情形 ,頭前已經寫過矣, 後面卡要緊e代誌 ,叨是幣制改革 ,舊台幣換新台幣 ,佇1949 年6月15日第七擺大會e開幕日宣佈 ,也呾即款歷史性e台幣改革, 有影引起本省金融界, 真大e影響, 彼時社會混亂, 勢面食力, 即个代誌, 無潦宛那袂煞, 人咧講頭已經洗一半矣, 勢在必行 ;好佳哉當局e設計周全, 規个過程, 宛那順序好勢叨著 .
自從228事變了後, 省民對咱地方自治e映望真懸(高) ,每一擺e省參議會, 攏吓來反應基層民意, 各方面嘛認真拍拚來逗牽成, 看有倘早日來完成否 ?毋閣有關縣市區域e界線劃分, 情形複雜硬斗,致使講代誌一直延遷落去; 嗯才e瞬呤 ,咱茲地方自治相關e法規, 用足久e時間才完成,…落尾也到1954年4月, 台南e臨時省議員佮市長e選舉, 才開始舉辦 ;伊吊遠228陳儀廣播,欲實行縣市長民選e代誌, 叨也已經七冬矣 ,即段時間擔任e縣市長 ,
164
安呢代誌了了, 不時嘛咧長短歹紡; 有e人任內死亡, 有e犯法互人檢舉, 有e經濟失敗悽慘倒閣,…運途上好e人, 嘛干礁提昇去省政府做委員爾爾 .
日本投降無外久呤, 政府有來規定, 嚴格禁止「日產e私下買賣」,毋閣守法e 人食虧, 奸巧e人, 趁大錢, 有一部份人「混水摸魚」, 暗中偷掠, 來勾結奸巧e歹徒, 趁機會佮日本仔串通, 利用彼時瞬咱政府, 並無嚴格規定, 有關日產停止轉移e日期,有即个空縫漏網 ,致使講有人講8月15投降日, 嘛有解釋10月16日, 互即陣奸臣紕仔(小混混) ,趁機大貿錢 ,袂尐人占著便宜安呢, 我佇省參議員任內, 有一位大生理人, 來膏膏纏, 叫我踮請願書頂頭頓印仔, 請政府認定10月16日以前過戶是合法e, 彼時有真贅參議員, 已經給頓印仔 ; 毋閣我堅守正義, 嚴格來阻擋,咱即位大富豪, 佇日本投降時, 趁時機佇台北, 俗買真贅樓仔厝安呢 .
我踮1949 年12月, 第八次大會e時瞬, 有來提案「嚴格取締選舉舞弊案」 ,也叨自從本省實行各種選舉以來, 並無取締選舉舞弊e詳細法條, 另外e瞬呤, 取締e當局, 嘛欠缺勇氣佮誠意, 致使講選舉e歪哥空縫一大堆; 投票人吓夆操縱, 欺騙, 一寡真敖nng4鑽,駛弄法律e人, 安呢大趁大卯, 顛倒茲忠厚清高人士, 暗中食虧ut卒,長久安呢落去,即聲民主e前途, 實在互人煩惱; 本省實施地方自治, 有來舉辦各種選舉, 為著欲互神聖e投票 ,袂互金錢佮惡勢力,來規碗總捧去 ,應徹底來取締舞弊案,伊 e辦法是 :
一 ,噯另外制定一套真好勢e取締選舉舞弊法規,嚴令有關當局
165
徹底執行 .
二, 噯認真去掠宴客, 送錢, 送禮, 虛假e宣傳(膨風資料) ,隨戶仔採訪, 另外利用迷信, 惡勢力者, 宛那噯追掠叨著 .
三, 嚴格禁止 : 利用公權力介入, 如校長, 區長, 單位所長,佮選務所公務員, 偏倚一方者…來求取選舉公平性.
四, 選舉人袂使家己設事務所, 而且運動員(柱仔腳) ,有限制,又閣噯登記.
五, 限制佮公開檢核選舉費用 .
六, 袂使私下濫用公務來競選 .
即條提案, 決議來通過, 拜託咱政府確實辦理, 佇政府官廳兮方面, 吓凍來取締違法選舉, 另外候選人, 家己嘛噯提高選舉道德,攏噯符合選賢舉能e前提條件, 深深映望本省今後e選舉, 吓凍漸漸行入民主政治e康莊大道, 達到政治e最高理想佮目的, 才有法度佮歐美民主國家來仝齊前進, 互咱逐傢有法度手牽手,心連心 ,行入大同世界, 才是幸福安呢 .
本市第一屆市議員選舉e時瞬 ,我有寫過「選舉途上幾个問題」為文, 發表佇「中華日報,1950年9月20」, 原文是安呢 : 民主政治, 是民有, 民治, 民享 ; 地方自治是民主政治e基礎, 國父教遺是以實施地方自治, 當做上重要e建國工作, 本省對實施地方自治e條件佮規模, 攏真實在, 有即款e條件哩, 省民e映望又閣真正急迫, 咱參議會, 逐擺e大會 ,攏真熱烈提出來討論安呢…
166
尾也, 陳誠主政e時間, 有來組織台灣省地方自治研究委員會, 開始研究即个新時代e空課 ,吳國楨續落主政呤呤, 嘛有實行縣市自治e各項步數, 台南,台北,基隆,台中佮澎湖, 咧做第二期e實施區域,佇八月初一開始, 開始辦理選舉工作, 按算欲踮9月24來舉行投票, 選出議員 ;佇茲我真映望, 辦理選舉工作e人員, 佮選舉人,候選人, 攏吓凍來遵守法規, 而且噯有選舉道德, 選出實在吓凍為民眾謀幅利, 為國家擔任艱辛e賢能議員, 表現真正e民意, 完成即項主要e民權理念, 來奠定憲政e良好基礎叨是 .
即嗎, 我逶幾落項當前e問題 ,簡單說明私下e意見,來當做各方面參考.
競選經費
為著避免選舉互好業(額)人控制, 互尹規碗總捧, 選舉取締法第九條, 有規定一位候選人e競選經費 ,若是選舉人二十五萬以下,每人干礁一角銀e錢額為限 ,譬如講本市第一選區 ,有84165人, 所以尹e競選費用 ,以8416.5箍為限 ,即條錢額, 佇有錢人來講無算真贅, 毋閣對散赤人來講, 宛那負擔沉重 ,真正硬斗叨著, 而且實際上e支出 ,嘛無的確吓超過哩 !
台灣省參議會佇第九擺大會, 通過選舉公費辦法, 毋但(不僅)是欲來幫忙清貧賢能人士, 互尹吓凍來參加競選, 嘛吓凍來防止真贅違法e奧步 ; 即條辦法, 有影真值得政府來考慮執行, 若準現時政府e財源, 無法度負擔, 小弟認為, 每一个候選人向官廳兮(政府)付出最低e經費 ,由官廳兮統籌辦理, 嘛是一个真好e折中方法 ; 另外一層, 佇競選經費支出方面, 若準朋友親戚,以金錢抑是物品, 來幫贊候選人e時,嘛應該照賬目算入去,才是合法叨著
167
選舉活動
取締辦法第四條, 限制競選活動,伊e 目的叨是欲避免, 選舉吓去互有錢有閒e人, 來收買控制, 所以規定干礁吓使用文字,圖畫佮講演等方式為工具 ; 採取四款方式活動, 來宣傳尹e政見, 抑是公佈尹e履歷等等, 另外仝辦法e第五條, 規定袂使用威脅, 金錢, 攻訐 ,毀謗…不正常e手段來qiu選票, 互真正e民意, 吓凍來浮夯, 選出咱上介廉潔高尚e議員安呢 .
佇選舉活動內底, 上介普遍, 又閣上了時了力 ;嘛上可能有弊端兮(ei) ,叨是一戶一戶去拜訪, 隨戶來搶票 ; 照道理講, 議員是為民眾國家服務, 應該是選舉人去候選人尹兜拜訪, 才是合理, 毋閣事實上倒翩, 候選人叨噯含心敆命, 不辭勞苦, 親身叩門, 拜託尹支持, 若安呢來講, 無法度親身去拜訪e候選人, 結局可能不利, 我咧想, 為著欲互候選人e勞力, 時間, 金錢, 毋倘甚拍損, 拜託候選人對法規以外e各種問題, 應該逐傢來參詳決定, 互相遵守, 安呢才是上妥當e辦法哩 .
助選人員
下腳茲人員, 袂使協助候選人, 來做競選活動, 照取締辦法第三條規定 : 1.現役軍人佮警察 2.選舉事務人員 3.各級公務員佮自治人員, 即三款人, 袂使做競選活動叨著 .
第一二項e人員, 大概也無問題, 干礁第三項e人員,吓佮選舉人, 卡有咧來往接觸, 尤是里長鄰長, 是候選人競選中, 上要緊e目標, 佇競選活動場合中, 算講是上擎e人物叨是,尹對里鄰民眾
168
e好歹長短真了解, 有法度操縱控制 ,所以講為著欲互選舉人, 攏有自主選擇e機會, 規定講禁止鄰里長介入選舉, 這真正合理 ,另外一方面, 逶里長鄰長方面來講 ,宛那吓減少人情包袱麻煩 ,應該吓歡喜來接受, 遵守法規才是着 .
選舉人應有e認識
選舉是一層複雜e代誌 ,又閣是民主路途中間 ,上介普遍e空課 ,市議會e權限, 佮市參議會無仝款 ,伊關係著市政e前途真大, 選舉人隨人噯有能力佮智慧, 毋倘互地域 ,親戚 ,事業 ,派系…所影響, 為著國家佮全台南市來設想, 咱真正噯甚重來考慮…
候選人咁有賢能公正 ?咁吓刻苦耐勞 ?卡早佇社會貢獻按怎?日本時代e風評按怎 ?是毋是有民族氣節 ? 咁吓自私自利e痟入性e? 所發表e政見 , 咁有法度實行 ? 伊e履歷, 經歷 ,咁有膨風 ? 競選活動咁有守法 ? 咁有用錢佮威脅…總總問題 ,攏噯再三考慮清楚 , 互家己做最後e決定 , 選舉是絕對e自主性, 無人吓來干涉, 投票是絕對祕密中進行, 除了汝家己, 無人吓知影, 拜託各位, 珍惜家己, 佇民主時代這神聖e一票 !
我擔任省參議員五冬以來 , 其中開過十擺大會 , 攏總有153回會議, 我毋捌咧缺席 , 慢到, 算講有敬業叨著 , 干礁佇第十擺大會e第四第五回會議 , 為著台南高分院醫療鑑定, 佇1950 年12月20, 回台南應訊 ,無來出席, 另外第五回會議 , 傅斯年校長答覆郭大砲e 時瞬 , 遂昏迷在座 , 我無佇現場 ,真正遺憾安呢 !
169
73.
第六擺會議時 ,李副議長 ; 伊e報告安呢 :
各位參議員, 昨ng台大校長傅斯年先生, 佇下晡答覆質詢了後,遂洶洶來腦充血仲風, 拖到半暝11點20分, 不幸來過身, 傅校長是咱教育界e權威, 伊e文章道德, 眾人謳咾有著 ,也呾即嗎來離開世間, 這毋但是台大e損失爾 , 宛那是國家無可彌補e遺憾…
傅校長主持台大一年外, 拍拚認真 ,風評真好 ,昨ng郭國基詢問e問題, 攏是普通問題爾, 而且態度溫和, 伊答覆e時瞬, 嘛是心平氣和, 並無想氣e代誌安呢 .
今仔日新聞寫「棄世」, 夆誤會做「氣死」, 實在是聽毋着, 誤解爾爾,而且尹夫人嘛有咧講, 校長最近身體無���外好, 真尐歇睏 ,昨ng早起,伊參加某團體開會, 爭取台大去美國e留學名額, 討論三點外鐘, 中晝宛那無歇喘咧, 身體定著袂堪e咧,傅校長不幸佇會場離世 ,同仁愈加傷悲, 拜託逐傢靜哀三分鐘,以表哀忱 .
落尾也, 阮全體同仁, 拚到極樂殯儀館(即嗎中山區14號公園)弔唁…嘛發生淡薄也風波, 也叨新聞誤寫棄世為氣死 ,另外郭國基議員, 有來問到台大獎學金e代誌 ,遂惹起一寡學生kimo袂爽 ,尹規陣人拑(kii3)偎來 ,欲來尋議員理論, 安呢勢面兇介介, 面漚面臭, 佳哉咱李副議長, 出面安搭, 釐清真相好言相待, 才來化解一場e風波安呢 .
170
有關提案e審議決議 ,這宛那是咱議會, 上介重要e空課(工作) ,第一屆省參議會 ,攏總開十擺會議, 咱茲議員頭兄提出e案件, 大會有來議決通過者, 達到一千件以上 ; 毋閣官廳兮(政府)干礁應付應付爾,實際上執行者真尐, 是啥原因 ? 也叨有關當局,經費乏搭 ,困難重重, 欠缺誠意, 拖爛拖沙爾 ,迭迭嘛咧「窒礙難行」, 有影叨無法度哩,…毋閣佇議員方面, 宛那家己有顛誕失誤; 有e人重複提案,有e人咧拚「百案議員」, 干礁「注重數量 ,無管品質」,嘛有地方色彩重, 加減來客串點一下, 心適心適叨是, 上好笑e人, 提案連署二十外人, 毋閣表決贊成才一二人爾爾, 議員中間, 有e人提案 ,無得著通過, 自那見羞返想氣, 踮兮遐咧起歹面嗡嗡嚷,「大聲咆哮」, 罵議員罵國家, 規間議場袂輸咧陳雷公,…抑若講到有e提案,「送請政府參考」, 奚干礁是顧面子, 人講「嘴唇皮肖款待」爾爾, 算講應付應付鄉親叨著 .
省參議會內底, 有三款特別e選舉 : (一) 參政員 (二) 國大代表, (三)監察委員e 選舉, 咱醫界同仁, 干礁陳江山選稠監委爾, 立法委員中, 無一人本省醫界人士, 聽兮講 ,全國立委內底, 西醫師干礁二个爾爾, 莫怪講醫權真尐來保障啊 !
我佇省參議會服務時, 有下腳e座又銘, 來勉勵家己 .
「有條有理, 無偏無私, 談鋒銳利, 不亢不卑, 把握重點, 允宜三思,立論正大, 各方支持, 但求無過, 勞怨不辭 .」
171
第十六章
韓莊銀婚典禮
1951年3月31 日, 是小弟(我)結婚25週年紀念日, 我踮家己厝內三樓,舉辦銀婚典禮 ; 培火兄是阮少年時e証婚人, 伊特別逶台北趕來阮兜, 彼工下晡二點半, 舉行禮拜典禮, 第二工,中華日報有來詳細報導安呢 .
「台南市省參議員, 韓石泉博士 ,佮夫人莊繡鸞女士, 尹結婚25冬e銀婚典禮, 31日下晡5點外, 踮尹兜韓內科三樓來舉行,有關各界首長佮韓氏親友, 教友, 攏紛紛前往祝賀, 來賓有逶台北,台中,嘉義, 屏東, 遠路頭拚來台南祝賀…安呢貴賓滿堂,氣氛摪摪滾, 禮堂中間, 喜幛是掛甲懸懸懸, 燈燭是安呢光豔輝煌, 咱韓博士, 西米落是刁甲青青青, 夫人是幼花旗袍真大範(ban6), 茲孖兒規陣圍佇身邊, 逐傢歡頭喜面臹鬧熱 , 即場銀婚良辰, 有影袂輸簡那咧辦新婚仝款哩 !
韓博士今年55歲,大尹夫人8 歲,民國15年1926即工結婚,即嘛厝內有六孖三女,吓使講是美滿e家庭安呢; 典禮是用宗教儀式,唱聖詩,讀聖經,祈禱,為韓氏夫婦來祝福,伊特別來搬請當年証婚人,目前行政院政務委員蔡培火來致詞,伊謳咾咱韓氏,即25年來
172
生活美滿, 即對尪仔嫫, 安呢互敬互愛互助, 尹有來開燦爛e花蕊,嘛結了豐富e果籽安呢 .
韓博士佇來賓熱烈e pok仔聲中間,踦起來報告尹結婚生活e經過,夫人繡鸞女士捧花, 踦佇身邊, 充滿恩愛佮幸福, 互即對結婚25冬e夫妻, 備受各界e欣羨, 尤其是韓博士e過去…夫人…,攏互茲來賓無限e讚美, 音樂家陳信貞女士, 為尹奏起「金婚典」 ,來賓嘛寄望, 閣再25冬, 吓凍來茲禮堂, 慶祝尹e金婚安呢 .
彼工, 我報告結婚生活e經過, 逶卒業, 議婚 ,偷看 ,鍾情 ,戀慕 ,求婚 ,訂婚 ,教讀 ,入學 ,夜勤 ,卒業 ,結婚 ,蜜月 ,留日 ,病危, 戰災 ,光復; 到重建事業, 我特別強調四點 :
一. 自佮鸞妹訂婚了後, 愛情堅定無變, 毋捌閣再意愛其他女性 .
二 . 到呾猶毋知有婚姻倦怠期 .
三. 夫妻相敬如賓, 毋捌反目冤傢, 致使感情衝突 .
四. 經濟絕對公開, 隨意使用無限制, 互相信任, 無懷疑心 .
最後紹介孖兒 ,淑馨 ,良信 ,良誠 ,良俊 ,淑真 ,淑清, 良平 ,良博 ,良憲 , 彼工我精神真飽滿真愉快, 袂輸新婚e日子, 互我麻閣醉 ,佇即款快樂幸福e氣氛中 !
佇茲 ,真感謝各位親友,恁所贈送e禮物 ,安呢形形色色百百款 ,互我感心閣再感心, 佇茲寫一二條詩 , 來給祝福, 紀念 .
173
二五年來美滿緣 ,關錐好補銀婚篇 ,
婦唱夫隨春花豔 ,舉案齊眉秋月妞 ;
博士梁鴻堪比擬 ,端莊孟女恰相聯 ,
治家經濟能明朗, 恩愛永生樂自然 ;
相敬如賓二五年 ,一雙白壁出藍田 ,
同心誓結同心帶 ,並蒂花開並蒂蓮 ;
酒晏銀婚欣此日, 壺存玉液快如仙 ,
室家美滿多清福 ,享受人間大自然 ;
南陽天水好音流 ,仁術歧黃到孔周 ,
五五夫妻欣德配 ,百年偕老富春秋 .
174
第十七章
斡頭看行過e路頭
寢光復呤 ,彼三冬e中間 ,我仝時擔任台南市黨部e指導員, 台灣省參議員, 兼私立光華女中e校長 ; 彼時,逐工安呢, 辛苦摯接達官貴人, 無暝無日摪摪滾, 有影行袂開腳, 規工干礁咧做迎接, 交陪 ,宴會 ,會議 ,典禮e空課 ,簡那咧搬王翦咧,(…車輪戰) ,遂漸漸無法度, 來照顧厝內醫務e討趁, 嗯才e瞬呤 ,經濟方面漸漸乏搭 ,回想彼時官場e應酬 ,安呢禮儀膨沛 ,場面威風 ,真正互汝料想到叨著 .
也叨大官顯要, 欲來駕臨拜會, 呾即聲代誌大條矣, 尹好毋好叨欲動員機關首長, 搕袂著叨欲出動學生幾千人, 排隊歡迎, 掛旗獻花, 鬧熱滾滾, 毋閣大官虎尹蒞臨e時間真歹節(zat5) ,有時仔掠袂好勢, 嗯才迭迭嘛呆呆踦咧曝日頭, 幾落點鐘,…有一擺, 長官欲蒞臨市政府, 害茲全體市府職員, 列隊守候規半工, 有影真正硬斗哩, 另外又閣有特別e重要人物 , 尹真噯去郊外, 叫人遠路來迎接, 有影臹沗頭…所以講即款虛paapaa43 e禮數, 實在有必要噯改進, 即方面e迎送來去,我真正袂慣習…有時也, 佧佇醫務, 真正無閒, 宛那真毋甘來延遷患者, 講起來若準迎送贅, 會議贅, 典禮贅,…人生有限 ,何必著拍損佇官場e迎奉安呢甡 ?
175
另外一方面 ,現主時安呢法令贅 ,機關贅 ,而且不時咧變更 ,致使講行政效率真醜 ,迭迭咧做無空課路, 雖然老蔣兮以「新,速,實,簡」來肖號召 ,毋閣實際上效果拄好倒翩 ; 有影互人真怨歎 !也叨無論啥乜機關, 尹e文書工作特別繁重, 人佮人e中間, 無夠誠信安呢 ,干礁倚靠紙筆條文完整爾 ,到時吓凍來推拺責任叨是 , 抑若講到「三保六認」,對保證已經無信任矣, 另外噯閣來「對保」,這哪有「信」 e問題 ?有影悲哀啊!社會道德衰敗, 舞到即个坎站矣哩, 比喻講 ,路頭騎腳踏車肖搕著,也呾淡薄仔小傷痕爾 ,干礁雙方肖讓 ,道歉一下 ,叨無代誌矣 ,嘛舞甲安呢膏膏纏, 離袂清, 唉 !講啥乜「恕」e道理啊 !
阮e病院 ,佇1949年春天, 由廢墟破厝 ,拍拚來重建完成 ,su當時為著欲修復 ,遐戰時夆炸過e厝樓, 為著將來都市發展設想 ,我有透過台銀向土地銀行來貸款 ,由建築合作社負責砌厝 ,另外又借一寡錢, 來補全工程佮裝潢,…落尾也建設完成矣 ,自那開始執行醫療 ,受著鄉親熱忱肖媵 ,逐工安呢人群佳繹, 雖然無日本時代赫鬧熱, 宛那拚暝拚日 ,無閒莿莿,…除了罕咧出診, 離開病院以外 ,我大部份e時間 ,攏縛(bak5)佇厝內診療業務 ,並無家己自由e量剩(sing6)時間, 無論是睏眠, 歇息, 食飯, 入浴…隨時宛那有人吓喚急診 ,來摧促醫療 ,致使講, 半暝中間, 嘛吓去互病患叩門, 來吵睜神, 所以講自由業 ,有影無自由叨著 .
上介艱苦e代誌 ,叨是患者e不治死亡 ; 自1947到1955,即九年中間 ,我所出具e死亡診斷書, 攏總299人, 查埔164人 ,查某135人, 男女比率1.2 , 這佮日本時代七年中間(大正12至昭和4),攏總546人比較, 死人數減真贅 (男309女237) , 女一男一點三
176
查某人e死亡率 ,吓比查埔卡尐, 台灣有俗語「查某囡仔韭菜命」,「查某囡仔捻頭飼吓活」, 意思是講查某e生命力以比男性卡堅強, 佇茲吓凍來得著證明叨是 , 我佇病院內底e患者 ,死亡e比率1950-1955平均0.17% ,上尐是1953年0.08%, 上贅是1950年0.24% .
患者不幸來死亡 ,這是咱做醫生人 ,上大e艱苦, 我迭迭家己反省 ,咁有無盡責e所在 ? 抑是治療e藥材佮方式 ,無倘好勢 ?若拄著絕對無救e ,奚叨無話講 ,抑若猶閣偆一絲仔希望 ,奚叨緊含心敆命來搶救 ,毋閣咱人e智慧有限, 症頭瞬間萬變 ,迭迭有意外情形, 有時真奧解決哩 ,做醫生有苦衷 ,宛那真歹講,…雖然面對死亡e空縫 ,患者嘛是有求生e慾望, 醫生若準目睭金金無法度 ,實在是對不起病家 ,若是症狀轉好呤 ,醫師加減分一絲功勞,若是症頭變食力 ,雖然是病情無法度, 毋閣醫生人宛那噯食起責任 ,另外若是症狀急變 ,對病家來指責不滿 ,宛那在所難免 ,醫師e處境 ,有影乏搭 ,若是拄著死忠兮 ,尹家屬經過一回死亡e悲苦,宛那猶閣 ,吓繼續來信任醫生者 ,奚有影無簡單叨著 .
我做醫生欲四十冬矣 ,加減嘛粒積袂尐e經驗 ,毋閣有一寡資料,真拍損拄著戰火燒了了, 小弟著作「十三冬來我e醫生生活」即本冊, 有捌連載佇日本時代「新民報e副刊」 ,單行本互日本政府禁止出版 ;身邊所有e原稿 ,宛那仝時間夆燒了了, 彼本冊 ,紀錄病家e心理 ,醫療e經驗 ,原本想欲重新寫稿, 毋閣身邊代誌贅 ,安呢一工拖過一工 ,無法度來完成 ,映望後日仔有機會, 來重新書寫,互我達成願望安呢 . 177
我佇1953第六屆醫師節 自寫 { 醫師十箴 } 如下 :
醫師噯有博愛e精神 ,佮高尚e人格 ,噯研習現代必須e基本學識 ,而且噯深深來掌捍(hw6) ,有關醫學專門知識佮技術 ,倘吓凍來實際醫術應用 ,嘛噯佮全世界醫學水準肖配合 ,互伊一直一直咧進步叨是 .
做醫師e使命 ,佇積極方面 ,噯拚勢來運用專門知識佮技術 ,互患者吓凍減輕 ,抑是消除病因 ,增進人類e健康佮壽命 ,互人類得著舒適e生活 ,安享天年 ,佇消極方面 ,繼續噯佮病魔拚鬥 ,才來滅尐患者e艱苦 ,消除健康e威脅叨是 .
醫師e空課 ,噯兼有機警 ,細膩 ,也叨伊e對象 ,是有機能 ,組織複雜e肉體; 毒性真猛真兇e幼細病菌 ,咱噯用技術佮藥物來處理 ,尹e方法佮種類真複雜 ,為著欲得著治病適當有效果 ,咱噯做慎重e選擇 ,而且隨時噯注意尹e效果按怎 ? 目前雖然治療e方法真進步 ,毋閣無法度治療e症頭宛那猶真贅 ,甚至講,有e病情洶洶轉醜, 所以噯連肖續來檢討 ,求得合理好勢e治療安呢 .
醫療欲達到完滿好勢 ,必須噯診斷正確,認清病因病源 ,佮伊所惹起,不管是共同抑是無仝e症頭 ,佮伊侵襲e所在,進行e路線,身體反應抵抗, 種種錯綜複雜e現象 ,用適當e檢查佮試驗,參考最近知識 ,細膩來做正確e診斷,來奠定治療e基礎.
患者症頭e輕重 ,雖然吓凍預先看著 ,毋閣有時瞬嘛有意外 ,患者e自覺佮醫師e觀察 ,有時仝款,有時倒翩 ,若準二者仝款,奚叨無要緊 ,若是二者倒翩,奚叨噯慎重研究,盡量來防止可能
178
意外e危險款 ,來求得治療e正確性安呢 .
醫師面對心苦病疼患者e時瞬 ,也叨尹精神上佮肉體上 ,攏無法度保持正常 ,所以噯閣卡溫存親切e態度 ,講話攏噯真注意,踦佇醫療方面 ,干礁有病體, 病患爾爾, 攏總一視同仁 ,大細漢平等 ,無貧富階級之分 ,以搶救生命e痛苦為頭一層 ,毋倘考慮其他 ,來達到救治生命e神聖使命 .
七.醫師對病傢佮尹親友 噯盡最大e力量 ,親切說明症頭佮養生 ,看護佮照顧 ,噯盡量來預防尹對代誌無了解 ,抑是可能e誤解 ,咱噯給引領去正確e治療 ,佮預防病情湠開 e正確路線安呢 .
.八.醫師對同業方面 ,噯互相尊敬 ,毋倘因為診斷佮治療無仝款,叨發出攻擊, 怨妒, 來起長短話題 ,嘛袂凍妄自尊大, 看輕仈人 ,噯尋求適當良好e機會 ,逐傢互相研究參詳 ,無討功勞, 無家己總貿, 高度發揮協力合作e精神, 以咱上短e時間 ,來拯救患者e痛苦佮危急症頭 .
九.專科醫師 ,對伊家己專長e醫學 ,雖然知識技術真正深入內行,毋閣嘛袂使對專門外e症狀來失覺察 ,也叨各種內臟組織 ,有尹牽連e關係, 原本叨無內外科之分別, 毋閣人e智慧有限,對微妙複雜e肉體 ,尹e病態變化 ,互汝用一世人e喟力 ,宛那無法度精通 .分科不而顧是權宜之計 ,卡便利爾爾,毋是根本之道 ,噯注意,病體是規个人體, 毋倘互分科來誤解安呢 .
179
十.醫師毋倘甚膨風 ,甚至自我謳咾 ,抑是烏白做虛偽e廣告 ,吓凍醫好症頭 ,雖然靠主治醫師e聰明材氣 ,咱講實e ,宛那是集合古今中外 ,各醫學部份門 ,研究者e血汗結晶, 干礁靠個人爾爾 ,是無啥乜倘展 ,倘臭彈哩 ,學問如海 ,曠闊精深 ,看著大海 ,無法度佮泉水來比 ,家己膨風家己褒, 奚叨表示伊人格粗魯, 見識淺薄爾 ,無啥乜光彩啦 !
180
來源：2023 36 台閩文學韓石泉60回憶 ( 中 )/韓156-180.docx
韓石泉181-199
第十八章 尾聲
77.
搪(dng6剛)咧睏甲落眠落眠e時瞬, 即聲災禍遂洶洶就身哩 !有影互汝想袂到 , 講起來e瞬呤 ,奚(he)是1955年4月20透早六點e代誌 ;彼工我才逶眠夢中睜神呤 ,依照慣例 ,自那順手向枕頭下腳,去摸彼粒隨身紮e時錶 ,來看時間安呢 ,也呾即粒錶仔, 已經用三十外冬矣 ,慣習慣習矣 ,毋閣彼早起真意外, 摸規晡遂摸無,呾即聲代誌歹紡矣 ,叨趕緊跁落眠床 ,才看著櫥仔門開現現 ,又閣發現內面tua仔遂失蹤矣 ,即聲知影著賊偷矣 ,自那叫睜神咱茲厝內大細 ,四界來查尋 ,即時瞬看著三樓走廊e物件散yaya ,所有貴重e裝飾品 ,現金 ,攏總拍無去矣 ,其他e身分證 ,名刺袋 ,鎖匙, 珠玉佮我e時錶,攏py6佇桌頂 ,一暝中間 ,損失慘重, 互我e人生 ,加添著一項真特別e經驗安呢甡 .
我睏佇三樓 ,衫櫥仔裁(立在)佇眠床身邊 ,遂去互賊偷有烏白亂偷提e機會 ,一絲叨無感覺 ,有影無人吓信 ,我逐工食晝了後 ,攏吓稍寐(vi2)一點鐘仔,毋閣代誌真拄好, 彼工磅著台中好友陳茂提兄來台南 , 視察紅十字會本支會院產 ,也叨陪伊視察甚過沗頭 ,彼暗仔看報紙了後去睏 ,叨已經十二點矣 ,我逐工欲入睏進前 ,吓來飲一杯好茶 ,若安呢來講, 佇半暝二點呤 ,嘛吓睜神一擺哩 !
彼暗仔拄好無去飲茶 ,睏神僬到, 自那咧 siang4大眠 ,真落眠
181
睜神e時瞬 ,也呾賊偷叨已經登門入駕矣 ,彼暗仔四男良俊半暝讀冊 ,燈火無關 ,即聲閣卡有好機會 ,互賊仔倘來空襲 ,致使講, 以三樓來講 ,亭仔腳開放 ,窗子無關 ,抴賊仔插翅吓飛 ,互伊侵門踏戶 ,真好返捯(下手) …古早朱子家訓 ,有咧所說(se5)「關鎖門戶,噯親身檢點」對即款警告 ,我無給注意 ,有影真凝(qing2 悔恨) ,真ut卒安呢 .
落尾也 ,互我想起 ,踦佇阮兜正手爿,一位好厝邊 ,曾經有來提醒我 ,伊講: 病房e門牆仔甚低 ,無定著吓引起賊偷, 來侵入安呢 ,彼時我猶攽外外 ,笑笑也給印講 ,「袂啦 ,我無咧驚伊 ,嘛無啥乜貴重倘提,」…出代誌前幾天 ,受祿兄又閣來警告 ,伊講楊眼科最近嘛著賊偷 ,我宛那笑笑也無咧給信斗 ,無疑悟幾天了後 ,賊偷遂真實來「交關」哩 ,我對財物e損失 ,無講真計較 ,毋閣有一點真驚惶 ,叨是 ,睏床身邊 ,竟然互賊仔來跁去跁落 ,有影真了然(可憐而悲慘)啊 !
我自那趕緊去報警 ,抄錄損失清單 ,毋閣過幾落月日 ,宛那恬恬無消息 ; 尾也 ,天公伯仔有來逗幫贊 ,注死毋死 ,佇五月了後某一工 ,我踮病院附近e金仔店行踏時, 遂洶洶發現, 阮牽手所盼見(遺失)e白金手環 ,囥佇見本櫥仔咧展售中 ,心肝頭暗驚 ,自那緊報警,循線掠著賊仔 ,即位賊偷 ,噹時仔(原本)是一位真體面 ,安呢西米落皮鞋e漂碧青年 ,刑警給押解來現場表演呤, 才知影伊佇半暝二點 ,由厝頂跁入來三樓 ,安呢起起落落, 踮厝內空襲點外鐘久,…毋閣伊所偷提e贓物,大部份已經變賣,花天酒地開了了矣 .
主耶穌有咧訓示 :財產毋倘囥佇塗腳兜(地上) ,安呢塗腳有蟲仔吓來咬 ,嘛吓蛀爛去 ,嘛有賊仔挖空來偷提 ,上好是財產粒積佇天
182
頂 ,也叨天頂 ,袂夆咬, 袂夆蛀爛 ,嘛無賊仔空來偷提 ,也叨恁e
財產佇遐 ,汝e心 ,嘛攏囥佇遐叨著 .
我所經歷e重要事件 ,拉拉雜雜 ,也呾講到茲(zia)為止 ,即六十冬e時間 ,以宇宙悠悠久久來講, 干礁肖閃身短短也爾爾 ,毋閣佇咱人e人生來講 ,宛那算久久長長安呢 ;這中間 ,我拄著二擺e世界大戰 ,嘛互異族來凌治過 ,即嗎雖然回歸祖國懷抱, 毋閣猶活佇阿共仔咧僥擺威脅,…尹夯鎚夯磅 ,欲來吞食本土, 活欲恐怖哩 ,我青春時期 ,所仰慕e祖國錦繡河山 ,又閣淪入鐵幕矣 ,雖然相信,後日仔有法度來解決 ,毋閣呢 !國際情勢 ,瞬息萬變, 其中e利害關係 ,矛盾錯綜真歹講, 另外一方面, 咱家己自由世界 ,宛那袂合和袂逗搭 ,安呢離離茖茖(lak5) ,隨人家己拍算 ;致使講一四界乏搭, 互歹人有空縫來侵犯哩 ! 這前途, 後日咁吓揙甲按怎 ?宛那真歹按算哩 !
我即嗎以「老當益壯」e歲頭, 重新來拍拚人生, 擔當起做人e意義, 也呾卡早呤呤 ,叨已經過去矣 ,後擺e日子, 猶有機會倘俥拚 ,我家己有自信, 少年彼段時日 ,叨已經盡心盡力 ,含心敆命來肖奮鬥 ,毋敢怠慢安呢 ,呾自今了後 ,我宛那吓盡最大喟力 ,秉持博愛e精神 ,為鄉親服務 ,無咧羨慕虛名地位 ,嘛無咧驚惶權威惡霸 ,干礁求家己安心清白爾 ,我暝日吓來祈禱 ,若是上主有來肖暗示,欲來求後世永生之路 ,我毋敢占掠現實e物資 ,做為人生上懸e標準 ,所有代誌長短好醜 ,阮攏遵照上主e指示安呢 .
183
即六十冬e中間 ,雖然好歹利運 ,肖犮(pua4)肖纏 ,毋閣阮吓凍平平安安到呾(今daa) ,保持現主時安定e生活, 這宛那噯感謝上主e 恩情 哩 !即嗎了後,若有去拄著代誌長短好歹 ,阮袂因為食穿好命遂來歡喜 ,嘛袂因為生活硬斗來悲哀 ,我干礁祈求, 我家己有靈性佮智慧 ,來充分發揮材情 ,毋倘因為身命漸漸衰敗落坑 ,才來停止運轉 ,安呢來講 ,才吓凍得著完美e發展 ,互我即世人 ,袂來空虛渡過叨著 .
…卡早我少年彼段時間,袂曉珍惜, 宛那加減有拍損寡, 古早人有咧講「一寸光陰一寸金」 ,咱即嗎著講「一寸光陰一寸命」 ,「一寸光陰一寸歷史」, 我過去即六十冬e中間 ,勞心喟力 ,吓凍來俥拚e時間,大部份攏用佇實務e醫療方面 ,雖然家己自信 ,有淡薄也成果, 毋閣宛那難免有「考慮不週 ,抑是知識不足」e乏搭時,互原本救吓活e患者 ,遂失去良好e機會, 致使講有時仔 ,我踮深更夜靜e暗暝, 吓來深深e懺悔安呢 .
呾(daa今)咱即嗎踦身e社會,逐傢卡無咧求進步e意識 ,干礁佇遐練古早步爾爾 ,拄著代誌呤,毋知欲按怎來撟摵(處理) ,致使講阻礙著科學e進步, 影響著民主e精神 ;佇茲我深深來映望 ,咱茲鄉親毋倘保守封閉,死守國粹爾爾 ,咱若守吓牢者, 叨來給守 ,而且噯給發揚光大,若無法度守e所在,叨暫時囥咧,由時代e進化, 來給觀測安呢!
千萬叨毋倘 ,一直咧膨風咱祖先輝煌e成就 ,宛那噯想辦法 ,補咱卡乏搭欠缺e所在 ,咱噯求全世界e知識 ,探求真理 ,踮卡iap僻e空縫, 觀察社會進步文化e擴展, 盡所有e智慧,來謀人類e幸福,互信互愛,無怨妒賢能敖人,逐傢合力拍拚 ,夯頭來追趕全世界, 才閣再來要求國家社會e 發展繁榮 ,倘互咱閣卡進步叨著 .
184
也呾(adaa)我寫即本回憶錄e動機 ,真正單純, 干礁是逶我本人即六十冬中間e生活, 忠實給寫出來爾, 互咱茲鄉親朋友, 無論是以早抑是現主時 ,無論是捌我e人 ,抑是毋捌我者,攏吓凍看出一寡長短, 逐傢加減參考, 即嗎給想起來, 我即世人起起落落 ,好歹利運肖犮(pua4纏), 安呢酸甘苦甜僬來 ,有時仔失敗, 有時仔成功 ,有時仔危險, 有時仔平順 安呢 ,生活內面, 我逶大大細細 ,零零星星e代誌 ,一直到國家社會肖治代e問題 …,就記持所知影 ,重新來記錄 ,以六十冬做一个期限 ,逶過去e經過 ,給寫落來安呢 .
我今後e生活 ,噯閣卡誠心來信賴上帝 ,映(向)望講 ,生活中間 ,毋倘閣再發生心苦病疼e乏搭款 , 若準閃袂過, 我宛那吓誠心誠意,來遵循上帝e意思,…後日仔嘛映(向)望 ,我吓凍以老敗之身 ,加做一寡好心好功德, 若猶有偆e喟力元氣, 嘛甘願來奉獻身命, 全力服務社會 ,互咱人生路途e中間,事事項項 ,吓凍充滿了真理佮活力, 若安呢來者 ,我叨真滿足矣 !
另外猶閣映(向)望 ,咱茲後進e孖孫,做人噯實在 ,無欲求財源豐富 ,嘛無欲求高官厚祿 ,我干礁踮茲肖勉勵 ,咱逐傢噯認真拚勢 ,互咱佇學術上, 身靈上, 道德上, 攏吓凍有高尚e成就, 貢獻人群, 互咱e人生 ,衝了有起安呢 ,完成我未了e心願叨著 .
1956年10月
185
第十九章
六五續憶 (遺稿)
(「六十回憶」 外一章)
79.
六十歲生日紀念講演茶會
也呾時間過了真緊 ,燃眉(liammi61馬上)又閣經歷五冬矣 ,自從「六十回憶」發表了後 ,��著各界e評論佮鼓勵 ,互我感到見羞又閣歡喜, 毋閣e瞬呤 ,我身邊所偆e書冊無外贅, 想欲閣重新來給印刷安呢 ,即嗎我借即个機會 ,逶即五冬中間e公私生活 ,重新閣來報告 ,做一个清楚e交代, 嘛同時完滿一成層心願 ,呾如今了後 ,欲閣活外久 ,這無法度按算, 後擺仔若猶吓凍, 目清耳明, 身體勇健e時瞬 , 我定著吓閣再繼續寫落去叨是 .
e瞬呤 ,我即嗎逶「六十生日茶會e講演」, 現場給回想起來 ,彼工 ,會場來百外个親戚朋友 ,逐傢逗歡喜 ,阮踮台南合意禮堂來做禮拜儀式 ,續落呤呤, 舉辦茶會講演 ,發表有關「六十回憶」e著作 ,敦請蔡培火,杜聰明,沈榮 ,三位貴賓 ,隨人就台以「我看人生e目的」,「中日醫學教e起源」,「厝內e問題」,來做專題講演安呢, 彼工 ,我懷著歡喜e心情 ,佇眾親友面頭前,做下腳e講演:
186
各位親友 ,逐傢平安 !今仔日是小弟六十歲e生日 ,承蒙各位先進好意 ,惠送迮贅禮物等路, 安呢勾摜勾摜真大色 ,互我足感激e,…也呾e瞬呤(話說… ) ,自舊年以來 ,我叨迭迭咧想一个問題 ,到底欲按怎來紀念即个生日呢 ? 若欲按照古早禮數來做 ,咁有好勢 ?我看無合時代啦 ,安呢想來想去 ,才決定用今仔日即个方式, 來做紀念 ,這宛那是新e試驗叨是 ,這中間 ,若是對各親友嗣大, 加減有卡失禮所在, 才拜託恁多多諒解安呢 .
也呾小弟今年歲頭剛(daa2) 滿六十 ,佇時間上來講 ,人生宛那超過三分之二矣 ,若吓凍活到九十 ,奚叨謝天謝地 ,心滿意足矣 ;毋閣呢 !壽命e問題 ,真正神秘, 做人叨無法度家己按算哩 !啥乜時瞬欲來離開世間 ,嘛事先毋知安呢 ,呾光復以來 ,咱台南市已經過身e八位醫師內底 , 尹e平均壽命才52歲爾 ,也呾我即嗎身體勇勇 ,叨已經活到六十矣 ,算起來宛那福氣好命啦…咱逶時間來講 ,雖然是安呢 ,毋閣就精神上, 事業上 ,即方面來看 ,我干礁給當做是 ,頭一个階段爾爾 ,也呾自即嗎開始, 咱來進入第二个階段,我用卡早即六十冬e經驗佮學術做基礎, 來給人生重新開始安呢 .
古早咱對「老」e界線訂了甚低, 人咧講「人生七十古來稀」,才四五十爾爾 ,叨老錮錮身命孱(lam4) , 其實呢 ,時代進步醫學發達, 「老」e界線應該來漸漸提高 ,歐美真贅政治家,科學家,藝術家,尹迭迭八十左右 ,才完成事業佮成就 ,咱佮尹比起來 ,宛那差真贅 ,所以小弟主張 ,佇精神上 ,毋倘甚早老 ,應該加尋(cue3)寡空課, 加拍拚加用頭殼, 認真做落去 ,來求正當生活, 真正心適真趣味 ,咱噯加用頭腦 ,互伊新鮮刺激 ,保持青春活力e喟口才着 .
小弟過去e公私生活, 已經大概寫佇著作內底, 古早人咧講
187
「書 ,有未曾經我讀, 事 ,無不可對人言」寫回憶錄噯坦白 ,毋倘驚見羞佮厚面皮 ,嘛袂使無廉恥 ,來降低身份 ;算起來 ,我即世人受苦受難e空縫 ,宛那真贅 ,譬如講 ,早年老父過身, 二回身命病重 ,互官廳兮掠去關 ,大后甡夭壽去, 大查某孖過身 , 厝內著火災 ,賊偷侵入…等等 ,安呢歹運連肖續 ,袂輸簡那咧搬王剪(車輪戰)咧 ,一層過一層真硬斗, 好佳哉我真好運真幸福 ,叨是我自來 ,毋捌為家庭問題來煩惱過, 即嗎想起來 ,若無即款溫馨e家庭來肖媵(相挺), 呾我即世人叨哭苦矣 ,袂輸簡那活佇沙埔抑是大海洋 ,赫尼艱苦哩 !
而且 ,我下定決心 ,拍拚讀醫學 ,過程順序有來完滿 ,另外, 我所追求e對象, 嘛是有達到願望安呢 ,這攏是我私人成功e一面 …另外e瞬呤,抑若講到公e方面…我自日本時代 ,一直到光復以來 ,嘛為咱民族,為咱國家 ,盡著一寡責任叨著 ,佇省參議員���間 ,為228事變冒險潦落犧牲 ,天地良心 ,自信無愧於心 ,實在已經盡最大e喟力去撟摵矣, 毋閣彼當時 ,宛那有一寡人士 ,含政府當局來誤會 ,互我受著袂尐e委屈 ,茲e代誌到呾 ,我想其中e「是非空縫」 ,定著有一工 ,逐傢吓了解叨著 .
小弟將近即四十冬e生活內底, 大部份時間 ,攏用佇實景治療方面, 家己有來反省, 該認真來盡著做醫生e職務 ,毋閣其中, 定著嘛有淡薄也過失佮失覺察, 宛那在所難免…即嗎回想起來真拍損 ,叨是小弟無來發揮我e專長 ,若準佇少年時代 ,環境吓凍允許准 ,互我認真俥拚 ,來做「研究方面e空課」 ,無的確吓凍得著閣卡輝煌e成就哩…也呾即嗎, 干礁吓凍盡量來利用環境佮時間, 來達成做醫師上懸e責任爾爾 .
188
第二節 「六十回憶」讀者e反應
「六十囘憶」是紀錄我佇一段時間內e生活情形 ,目的干礁是欲逶我平凡e身世 ,留互後代爾爾 ,無想著伊吓凍得著社會人士 ,佮青年學生e謳咾 ,而且來批鼓勵 ,賜教 ,互我感到真見羞, 佇茲 ,我逶茲書信內面 ,摘錄一兩篇 ,給寫落來當做紀念安呢 .
80.
( 其一 )
石泉先生 :
舊年接著汝所贈送e大作「六十回憶」 ,彼時我無閒無來給讀, 也呾今年我才慢慢也給欣賞 ,即本囘憶錄 ,有影是咱台灣光復了後 ,真稀罕e一本自傳 ,其中毋但有先生一世人e立身行事e紀錄爾 ,嘛有即六十冬以來 ,真正珍貴e史料安呢 .
先生提倡寫自傳e風氣 , 我真正佩服, 真映望講 ,後擺有真贅台灣朋友 ,譬如蔡培火先生, 黃朝琴先生…攏吓凍模仿先生e回憶錄 ,互閣卡贅閣卡詳細e自傳文字來出現 ,互咱閣再進一步知影,當年「日本時代」遐愛國運動 ,自治運動e真實情形, 抑是互咱閣卡明白彼時「東港事件,228事件…」e實情 ,我相信即款自傳式e資料出現 ,絕對吓凍互咱了解佮親近 ,咱規个社會佮民族e長短好歹 , 這毋但是 ,干礁互歷史家e一寡資料爾爾哩…另外,令郎良誠寄來e相片,感謝再感謝, 敬請轉謝令郎 .
回憶錄121頁提到「朱子家訓」所引e資料,原本是明末清初朱柏廬e「治家格言」,伊是蘇州崑山人,名田純,字致一, 自號柏廬,伊e「治家格言」, 迭迭夆誤會做「朱子家訓」, 其實朱並無留家訓 .
真正匆忙來敬謝先生贈書好意 平安 胡適 敬上
189
( 其二 )
石泉仁兄大鑒 ;
月前接著汝所贈送e「六十回憶」書冊 ,最近詳細閱讀 ,感覺伊真情誠懇 ,溫婉感動 ,真正永傳千年 ,有影佩服閣佩服安呢甡 ,內底有寫出我著作e一段 ,講著228事變e善後代誌, 咱懷念卡早, 安慰現時 ,真正是「不勝感慨之至」, 呾即嗎e國家佮地方現狀長短, 佮咱所映望e標準 ,猶真吊遠哩 ,毋閣呢 !咱已經年老身體孱(lam4)矣,真正希望佇國家統一 ,民族繁榮 ,台灣安定e前提以上, 吓凍才閣來詳讀咱石泉兄 ,茲忠義事蹟, 七十回憶, 八十回憶, 九十回憶 ,安呢讀落才吓起磅啊 ! 寄函申謝, 我深深e感恩 , 祝福安康 愚弟 丘念台上
其他 ,猶有真贅來批 ,有e寫甲絡絡長, 可惜袂凍全部錄落來, 干礁稍錄一部份爾, 做「六十回憶 讀後感想集要」,阮按算附錄佇本卷後面, (可惜做無到) ,另外, 有e人對本人, 甚過了謳咾 ; 有e人來引發古早佮今仔日e時機真感慨, 嘛有人講我對社會 ,抑是後代青年,抑是醫學界, 加減有助益有幫贊安呢, 關於內容抑是書寫方面, 嘛有所評論…本來, 這其中對人謳咾e言詞, 實在不應該發表, 毋閣干礁遵重讀者e好意爾 ,茲代誌宛那一應倂刊出, 吓使給看做鞭策e
有一層代誌, 互我臹歡喜, 聽兮講, 咱台大醫學院內底,有幾落位同窗兮, 逶阮「六十回憶」內面 ,重要e部份, 如「醫師十箴」,「診療病人時e思考要領」,遐種種資料, 有e搭佇桌子進前,有e抄佇手冊頂頭, 隨時提來翩翩e,看看e, 嘛聽兮講,卡重感情e同窗,逶揀選牽手e條件,宛那給暗記起來,尹嘛有逶戀愛, 給當材料呢 . 1 190
尹對良誠給創治講「卡早恁老父 ,即个年歲,叨已經…按怎汝即嗎連查某囡仔, 叨無敢稍喵一下 ? 女生宿舍開放e時瞬, 汝嘛毋敢入去參觀一下, 恁老父已經六十矣, 僎欲抱孫叨著, 汝猶咧…有一寡護士小姐欲見汝呢…等等」其實良誠有伊家己e看法, 也叨緣份猶未行到, 奚(he)叨毋是興趣e問題安呢 !
次男良信e婚事
我e人生過程中間 ,佮普通做父母e人仝款,有來湠甡孖兒,我攏總甡七男四女 ,毋閣長男良哲細漢夭壽去 ,長女淑英, 戰時空襲受難, 即嗎干礁偆六男三女, 經過囡仔時代e俼飼, 續落去是教育問題, 由小學, 再中學, 再大學, 有影是時時煩惱, 刻刻注意, 活欲艱苦坐卦 ,好佳哉, 尹攏吓凍家己返捯(適應), 拍拚讀冊, 到即嗎為止, 雖然淡薄也驚險, 有時加減吓敗喟(挫折) ,最後宛那普普也, 一步一步上進叨著, 互我有卡安心安呢, 毋閣呢, 做父母e,活一工叨有一工e責任, 永遠袂煞戲哩 !男女大漢了後, 嫁娶e問題, 宛那連肖續來出現, 阮二查某孖結婚了後, 續落換第二后甡良信咧尋對象囉 !
良信e個性內向, 卡尐咧交際應酬, 朋友無外贅安呢, 閣卡無查某朋友, 伊佇大學, 是讀真艱深e數學, 踮台大數學系讀冊e時間,逐工除了上課以外, 返厝了後(上海路姨媽處) ,叨真罕咧出門哩,伊做人樸實, 無噯了時間 ,去踅街路來求食穿心適哩 ,閣卡無機緣去交女朋友, 來行踏行踏安呢, 伊按算佇大學卒業了後, 馬上申請出國深造, 希望求功名, 有成就了後, 才來講親晟 ( 婚事) .
191
- 伊有捌咧講「一 ,我即嗎搪咧讀冊 ,講親戚宛那袂好勢 .二, 無論佮啥人訂婚, 我留學即四年中間 ,恐驚吓加添雙方精神上e負擔 ,三, 欲做一个學者, 代誌真贅, 急婚可能吓引起時間上, 經濟上,精神上重大e壓力安呢, 茲種種e負擔, 真奧(難 )將負數改變做正數啦」抑毋閣呢 !伊e排行原本第二, 呾即嗎變「老大e」 ,做父母e ,定著映望伊, 趕緊娶嫫啦 , 這叨毋是干礁急欲抱孫爾爾, 實在是一个家庭, 到即个流擺(時機) ,定著有即款熱誠e映望哩 !
講到伊 ,雖然專心攻讀學問 ,毋閣對女性, 宛那加減有咧關心, 暗中嘛有咧注意周圍e女性, 來幻想伊理想e對象安呢 ,不而顧呢 !佇讀冊e中間 ,叨頻若有人 ,給提起婚姻e代誌, 伊總是推辭, 倫倫無意願叨著, 有一擺, 媒人婆仔佮慧嫻(後來妻子)尹母親, 拖嘴(藉故 )去上海路踦傢遐給「偷看」, 伊對其中奧秘, 叨干干礁毋知影哩
雖然是安呢 ,毋閣伊婚事e進行 ,宛那猶算順序叨著, 無拄著風湧空縫安呢 ,也叨做人古意 ,卒業了後 ,袂堪咧咱茲親戚好友 ,給創治佮苦勸以上,嗯才自那答應, 加減欲來相親 , 看伊e盧山真面目安呢…也呾e瞬呤 ,1957年2月24 ,佇慧嫻指導鋼琴演奏會e場合, 現場有良誠佮良俊陪伴, 尹仝齊來欣賞好聽e音樂, 這定著是「醉翁之意不在酒,聽者之心不在音」 ,雙人對看, 干礁無一分鐘爾呤 ,叨開始交談淡薄也時間,尹遂來一見鍾情 ,雙方情投意合 ,散會了後 ,伊馬上發出「wonderful 」e贊歎安呢 !
三工了後, 伊寄來e批信頂頭 ,有安呢寫, 「呾結親對象,已經決定好勢矣,有關典禮時間問題,互父親隨時決定叨吓使啦」 ,無幾工呤,雙人又閣約去草山看櫻花 ,返來時仝款婁一句excellent安呢 .
192
嗯才e瞬呤 ,經過幾落月日e自由交往了後 ,阮開始徵求對方e同意, 落尾也決定, 仝年7月初6 ,踮台北延平教會 ,舉辦訂婚儀式, 由李幫助牧師來證婚安呢 ,…了後, 良信奉召去澎湖做兵, 阮規陣四个人, 含阮牽兮佮慧嫻母女兩人 ,飛去澎湖探望 ,耍幾落工, 享盡青春e快樂安呢 .
良信曾經有講過 ,伊對終身大事e看法 ,伊講 ; 姑娘仔上好是「賢妻良母」型 ,無愜(ga4)意職業婦女 ,閣卡無愛彼歀追求流行apress-guerve, (戰後派) ,伊即嗎所選擇e ,雖然是職業婦女, 毋閣奚才毋是「戰後派」e啊 !
婚事順序來進行, 另外一个原因 ,是有關家庭e背景, 雙方攏互相了解 , 盡磅逗搭 ,人咧講 ,瞭若指掌 ,有影捌甲有偆去安呢 ,慧嫻尹老父李添枝先生 ,佮我三弟石福 ,佇台北醫專, 尹是仝班e同窗兮 ,尹母親 ,炯晰女士 ,佮阮牽兮 ,宛那是台南高女e同窗兮, 逐傢親上加親 ,卡早我踮台南e時瞬 ,嘛迭迭去尹兜行踏行踏哩 !
良信佮慧嫻e結婚典禮 ,佇1958年9月14 ,踮台南第一商銀三樓,儲蓄銀行紀念館舉行 ,拜託高篤行 ,蔡培火二位先進來證婚 ,用基督教e禮式進行 ,最後 ,我e致詞是安呢 :
「阮二位長輩 ,今仔日真歡喜 ,來做頭一擺礁傢礁倌(公公婆婆) ,照阮e年歲來講 ,宛那無算早矣 ,毋閣踮即个流擺 ,吓凍來辦即个婚禮, 心肝內充滿了感謝 ,良信稱承蒙李家無嫌 ,佇舊年7月初6訂婚以來 ,e瞬呤 ,到呾嘛已經一冬二月日矣 ,佇即个時間內 ,尹熱情交陪來往 ,加深著雙方e了解 ,本來, 尹攏想卡慢才成婚 ,毋閣年歲e關係 ,我有給款勸, 呾即嗎叨結婚,有卡好勢哩
193
有關咱茲嗣細 ,欲來嫁娶e代誌 ,我是有咧安呢想 ,父母吓使給管到調查, 鑑定, 評判e責任爾爾 ,毋閣最後 ,宛那噯互尹有自由意志e 決定權 ,也呾e瞬呤 ,阮即擺即層婚事, 逶提起到決定 ,雖然舞真贅工 ,毋閣到尾溜欲決定e階段, 宛那撟了真緊叨著 ,也叨慧嫻尹老父 ,是台北醫專出身e李添枝先生 ,佮阮小弟石福仔 ,是仝一期卒業e ,阿母炯淅 ,佮內人嘛是仝一班讀冊哩, 尹是台南第二高女第二屆卒業哩 ,良信佮慧嫻, 尹佇日本時代一直到光復了後, 所受e教育攏差不多; 日文, 國文, 英文僬吓, 而且一个讀數學, 一个讀醫學, 二科攏是近代國家, 尤是咱國內 ,上第一迫切需要e叨是啦 !
各位先生 ,女士 ,我永年仔六十歲所寫e「六十回憶」 ,內底e上尾句「映望咱茲後代賢能, 毋免粒積財富, 毋免享受高薪, 干礁映望恁吓凍佇學術, 靈性 ,道德上 ,有高尚e成就 ,來貢獻人群 ,完成我未了e心願 ,安呢叨是啦!」
對孖兒e未來 ,我是遵照即个方式來教導 ,後日仔 ,嘛希望各位親友,多多給阮幫贊 ,多多給咱阮愛護, 最後e��呤 ,阮二人誠心誠意來聲明 ,阮一定吓做一个好 礁傢礁倌 ,疼惜媳婦 ,簡那家己e孖兒仝款 ,絕對袂給虧待…也呾即擺e婚禮 ,受著各位熱忱歡喜,佮惠送迮贅貴重禮物, 互我我心肝內萬分e感謝 ,這中間 ,若有招待不週e所在, 才拜託恁多多體諒安呢 !
第四節 連環後續 ,生命傳承
83.
194
1959年9月24日, 阮得著一个查埔金孫 ,我給取名叫「信一」,即个號名, 有包含宗教, 數學 ,排行…等等三方面e意義;伊踮台南婦產科病院來出世, 母仔孖健康正常 ,五日了後出院返厝 ,有佮全家族來攝影留念, 我給寫下腳e祝賀詞 ,來慶祝 ,來真誠映望安呢.
「九月二十,信一出世, 韓氏家庭, 充滿喜氣, 願主賜福, 發育順利, 長大成人, 懷抱大志, 純真感情 ,精緻理智 ,研鑽精神, 衝天志氣 ,發明創作 ,歷史新誌」
也叨良信佮慧嫻 ,尹攏佇台大咧服務 ,致使講上班時間 ,真奧照顧囡仔 ,落尾也, 囡仔渡ze3(滿週歲) 了後 ,叨給抱返厝內 ,由阿嬤家己親身照顧 ,阿嬤雖然已經飼過十外个囡仔 ,毋閣宛那顧甲真歡喜安呢 ,逐工大部份e時間 ,攏互囡仔佔了了, 飼奶, 洗身驅,處理屎尿…是舞甲翩遴返去, 毋閣呢 ,信一宛那真古錐叨著 ,做代誌, 講話, 伊攏學了真緊 ,模仿力嘛真強安呢 .
「小朋友」現出伊e特點, 算講個性有卡強叨是, 做代誌攏噯家己去主意, 譬如講 ,有一擺 ,阮由吉普車給抱落來e時瞬 ,伊噯硬欲互阿嬤給抱落來才準算 ,有一位仝車e人 ,量早給抱落來 ,伊干礁一直哭, 無欲落來安呢 ,結局e瞬呤 ,尾也宛那重新給抱就車, 才閣由阿嬤給抱落來, 才好勢哩…另外 ,伊欲落樓梯e時瞬 ,一定噯家己去行, 汝若好意給抱起來 ,伊宛那吓自動跁就頂頭 ,才閣由頂頭一階一階 ,家己行落來 ,安呢才吓心滿意足叨是 .
親姆曾赤女士,長年來一直蹛仝位來治病 ,不幸佇1958年11月17日下晡過身 ,過返工火話了後 ,仝月26日下晡三點, 佇太平境教會堂舉行告別式, 我寫「岳母頌」, 刻佇墓碑後壁, 來紀念伊 .
195
[ 岳母頌 ]
幼失怙恃 ,長歸莊氏 ,相夫教子 ,一心一志 ,勤儉敂勞, 翁姑奉侍,中年喪偶, 戰禍踵至 ,晚歲入信 ,遵從主意 ,病患糾纏 ,光明失去, 信仰不渝, 七三別世, 息勞主邊, 敬此永誌 .
主後1959年十二月
( 「六五續憶」 到茲中斷 , 無來完成… )
196
「六十回憶」 第二版後記
韓良俊
84.
抄煞家父遺稿e最後一字呤 ,叨已經半暝三點矣 ,即時瞬, 四周圍一片e恬靜 ,我目睭金金, 睏神僬失 ,手中e筆 ,順手囥落桌頂 ,sak起椅仔踦起來, 輕輕也拍開房間門 ,行對醫師宿舍四樓樓頂…一瞬e冷風灌面 ,干礁看著幾粒天星 ,頓點頓點, 踮天邊咧閃爍光彩爾, 我深深嗍一口喟 ,踮陽台身邊e低牆仔坐落來 ,想著卡早e代誌,叨親象走馬仔燈仝款 , 一幕一幕咧踅咧敖 ,時間急速倒轉返來,我心肝頭一瞬e絞滾, 苦情悲切, 久久無法度來平復安呢 .
我正實毋願相信 ,唉 ! 家父過身已經半冬外矣, 伊彼副慈祥e笑容, 安呢身影壯才勇健, 心情歡喜時 ,彼款笑聲真特別, 看患者時細膩逗搭…這一切一切e情景 ,連目睭kue5起來 ,嘛猶清清清,明明明…佇伊過身e進前一工, 猶cua3我, 去參加光華女中e畢業典禮,嘛派我做攝相師, 幫忙我攝真贅相片, 彼工暗時, 伊又閣主持光華女中最後一擺e董事會, 討論有關砌新禮堂e代誌 ,我宛那佇身邊聽甲真入腹真起磅, 順續嘛參加尹e會議安呢,…落尾 ,散會就床e時瞬 ,叨已經欲十二點矣 ,唉 ! 茲e代誌, 即嗎干礁揙做永遠血淚e追憶矣 !
家父生性風雅 ,興愛寫作 , 雖然醫務無閒莿莿, 宛那不時lang4縫e時間 ,加減夯筆寫文安呢, 「六十回憶」主要以文言文來寫成,毋閣伊e白話文 ,工夫宛那真好, 佇文筆起腳落手e中間,真正盡磅
197
逗搭, 好勢溜溜哩 ! 除了舊年所出版「診療隨想」以外 ,伊猶有二部著作, 一部是「十三年來我e醫生生活」 ,真拍損已經失傳矣 ,另外一部是「由死滅到新生」 ,用��本話寫e安呢 .
也呾即幾年以來, 不時嘛聽著, 伊有咧提起, 欲寫「六十回憶續集」e代誌…進前e瞬呤 ,伊捌講過「呾即嗎搪咧寫恁二兄e代誌」了後又閣講「恁二兄e代誌若寫煞, 續落叨欲寫三兄囉」,有時瞬伊嘛講「唉!可惜我時間無夠矣, 抑無呢!我吓凍寫臹贅物件哩」阮逐工踮心肝內, 一直咧映望 ,吓凍看著「續集」e內容否 ? 無疑悟講 ,搪當阮目睭金金滿腹心願 ,想欲看伊e作品時 ,唉 !結局e瞬呤, 遂揙做安呢甡 !
雖然是安呢 ,目前即部未完成e遺稿 ,對阮來講 ,宛那是真寶貴真價值e紀念品安呢 ;阮哪讀哪清楚 ,有來感受著 ,伊愛心所散發出e光佮熱 ,同時 ,阮嘛逶其中間來了解 ,家父主要e思想 ,第一 ,咱做人毋倘隨便認老 ,第二, 做代誌 噯一直求新求變, 互咱吓凍來得著啟示叨著, 佇在生e時瞬 ,伊迭迭愛賭著少年傢e氣魄 ,來返捯撟摵, 真正是時代標準e青年 ,喟口精英 ,人生衝了有起呢 !
也呾家父e遺稿到茲, ..e瞬呤煞棚矣 ,圓滿矣; 雖然伊家己無法度來完成 ,毋閣呢 ,茲未完成e部份 ,亦叨是伊貢獻人群未了e心願…定著是由阮, 繼續寫落去 ,這嘛無一定表現佇文稿內底哩!舊年搪噹我幫家父 ,整理「診療隨想」e原稿時 ,伊有捌給我講 :「後一个計劃是欲撰寫一部—良醫傳」,雖然即本冊猶未以書冊e形式,出現佇世人面前 ,彼時我宛那毋知影, 伊寫作所收集e資料, 到底是以「理想」抑是「真人真事」來出現 ?, 毋閣呢 ,我相信 ,頻若熟似家父 ,知影伊生平事蹟e人,攏吓同意,.伊本人e一生 , 叨是
198
上介精彩e「良醫傳」啊 .
做一个醫生人, 阮家父, 自來上介崇拜, 而且愛模仿e人物, 叨是細菌學家巴斯特e研究精神 ,佮非洲醫聖史懷哲e犧牲服務喟, 另外, 伊嘛有捌讀過, 嘛叫阮一定噯看e美國人D.W’Cathell「鬼手佛心」e醫療精神, 所有茲種種東西, 攏吓凍來說明, 家父身為醫生e信心佮修練, 舊年7月初2 ,中華日報有咧講 , 家父本著「基督e博愛精神,以醫學來服務人群,愛人如己」, 正正叨是安呢 .
家父不幸過身, 雖然互阮感受著有生以來, 上介慘悽傷悲, 是袂講了了, 毋閣呢 !宛那互阮徹底來覺悟 ,個人e生命 ,絕對是有限e ,咱干礁噯連番再次, 永遠來疼惜人, 幫助人, 才是做人佇精神上e最高境界, 也呾寄望 ,自安呢了後, 噯親象校友喬曉芙醫師, 佇「遙遠e晞嘘」一文中所寫e ,「卡早咱生長佇父親e致蔭, 即嗎了後, 父親託生佇阮e身軀頂矣」, 用咱e雙手佮父親e意志肖媵, 來繼續遐未完成e空課路,叨頻若咱佮孖孫存在一工, 咱父親仝款嘛存在一工安呢 .
謹以此誓願 來達到家父對阮e期待
韓良俊 悼誌 1964年3月25日
199
來源：2023 36 台閩文學韓石泉60回憶 ( 中 )/韓石泉181-199.docx