( Holo prose , by Huang Yuan-shing )1. 紅鰱魚
{ 本書另有單行本 , 洽 茄苳出版社 (02) 28911432 }
　　紅鰱魚，北京話叫做「鮭魚」，細漢ｅ時瞬，不時有聽著嗣大人咧講「紅縺魚，佇日本時代，是散赤人咧孝孤」，大漢了後，逗逗也知影，紅鰱魚是一項真高尚ｅ西洋料理，心肝內叨感覺真矛盾，到底啥人講ｅ卡正確？
　　差不多十外年前（民國70年），娶嫫無外久，有一擺中北街（迪化街）ｅ南北貨土產店邊，看著用柴釘起來ｅ日本鹹鰱魚，包裝真嫷，面頂又閣畫一尾活跳跳ｅ「……鮭」，我叨買一尾送互阿媽（祖母），這尾鹹ｅ紅鰱魚，差不多一公尺長，真壯觀好看，送禮真有面子叨著……。
　　彼時瞬抵好欲過年ｅ款，幾工了後我返去關渡祖厝遐，阿媽講，「汝彼尾大魚，無人敢食，有淡薄也油味，規尾好好，知欲按怎料理才好……」我心肝頭感到真歹勢，哎！原本掠做是高尚ｅ禮品（嘛真貴呢），實際上搭搭是無法度食ｅ廢物！」佇這个時瞬，身邊早有人笑笑咧講。
　　「阿興啊，汝去奸商騙去矣，去互人掠去矣！汝買ｅ彼款阿本仔鹹鰱魚，是上醜ｅ彼款，確實是古早散赤人食ｅ彼型叨是，生理人樣也無道德，干干礁注重包裝，專欲騙人叨是」，「咁有惡質？」「哎！所以講恁少年人貨，這款魚絕對無法入喉叨是，啦，明仔載才提去互貓仔食叨好，也呾意到矣叨好勢啦，免咧計較，哈哈哈，教乖教乖……」
　　二年了後，民國72年，錄影帶記錄片大流行，看著有一枝「北極人阿拉斯加生活錄」，才知影，寒帶ｅ紅鰱魚，種類真款，有ｅ真高尚吓使入西餐店，有ｅ真低級，親象有一款叫”吉姆鮭魚”，干礁是互狗食爾，落尾仔我咧，彼時瞬中北街買ｅ簡那，無定著是這款狗食ｅ魚彼類兮？心肝內真著驚，好意變歹意，有影代誌咧，互汝袂濫咧！
　　十外年前，另外一層代誌樣也佮伊仝款，彼个時代，咱掠準”五爪ｅ蘋果”，是上介高級ｅ，這幾年以來，開放進口自由競爭ｅ結果，知影五爪種是上醜ｅ一種，一粒十箍叨無人噯，獨家壟斷占水頭彼時代，橫直進口攏大（趁），所以叨進口上俗ｅ，咱消費者戇毋知影，佇無別項選擇以上，乖乖也認定講伊上高尚。哎！這步有影，有影讀書人，汝嘛干干礁無伊法哩！
　　這五、六年以來，貿易商大量進口挪威ｅ高級紅鰱魚 ,咱才知影，真正好食ｅ魚，是赫尼幼，赫尼甜，赫尼高尚，這嗎食「沙西米」生魚片時，絕對噯倚伊ｅ口味才好勢，哎，想著十五年前，提狗食ｅ紅鰱魚，來後敬阿媽，有影戇孫啊，戇孫！

2.茄苳樹
　　每一个地區，每一个學校，或者是一个國家，攏有尹代表性的樹叢、花，咱台灣島上介有代表性的樹叢，我想第一優先考慮兮，叨是樹，擺我佇街路邊、庄腳、山崙仔，若看著茄苳樹，我心肝頭叨真歡喜，一時摯載，不時嘛停落來，逗逗也欣賞伊ｅ樹型，樹，真茂ｅ樹葉，迭迭嘛看甲神ng神，真入腹叨著，毋甘來離開安呢甡。
　　咱台員島（台灣），南北四百公里，東西一百三十公里，講逐位攏有茄苳樹，嘛逐位攏有「茄苳腳」這个地名，無論基隆、汐止、台北、桃竹苗、台中、嘉南平原、屏東……，佳冬叨是茄苳，花壇嘛是茄苳ｅ意思，…東部方面，台東市茄苳腳ｅ豬血湯上出名，富里大茄苳樹，四界有名……，我ｅ血跡地樣也關渡茄苳腳，講古名人吳樂天是新營茄苳腳人。
　　咱講實ｅ，四箍ｅ環境當中，無一款樹型吓比茄苳閣卡好，佇公園路、佇愛國西路，有影迷閣再迷，竄筋入骨威威鑽，伊ｅ樹葉真真，重重，真正有福氣款叨著，吓使講頻若看著，叨吓「終身難忘」安呢。
　　伊ｅ樹型真，講，真人茄苳當做神木，佇樹仔腳設廟來祭拜，台中大里遐ｅ「樹王公」叨上介出名，逐年ｅ中秋暝，攏有真人來祭拜，實際上全台灣上介好看ｅ茄苳樹是佇台中市中港路一段51巷內底，估計有一千年ｅ腳仔，攏總有三代，真好看，伊ｅ樹差不多300平方公尺，真壯觀，看落汝吓著驚，所在，汝有法度了解，咱ｅ祖先，大叢茄苳樹腳，彼款磊斗幼秀ｅ感覺，我想叨是有贅共同ｅ搭心感覺，才吓一四界攏樣也同時出現「茄苳腳」這款地名哩！汝看，款樹仔，叨袂這款好命呢！各位啊！这叨是「族群性」啊！
　　我ｅ朋友，台語大儒者「國安仙」，伊細漢時ｅ學校，有種一排茄苳樹，伊不止也懷念叨著。落尾也伊搬來台北天母ｅ時瞬，叨想欲試種茄苳樹，來欣賞伊磊斗幼秀的樹型。
　　毋閣呢，尹好朋友給潑冷水，講茄苳樹真種活，伊真鐵齒想講哪有這款代誌？結果，樹仔是真緊叨大欉矣！毋閣呢，無外久呤，開始著虫矣，叫人來農藥，經過三工又閣規樹全虫，無法度，自那放棄，尹有咧講，茄苳樹噯發佇空氣污染遐才有效，污氣吓凍死病虫，樹才吓大欉，若是甚清氣ｅ所在，叨吓著虫哩！
　　茄苳樹型嫷閣，永遠互人懷念，做一个台灣人以上，咱噯了解，咱ｅ祖先按怎互茄苳得蔭著，按怎赫尼崇拜茄苳樹，按怎日日思慕ｅ地名嘛噯茄苳，無論福佬人、客人，攏有這款ｅ心！哎！这叨是文化！釘深深ｅ文化！

3.原住民
　　1998年5月，桃園車頭，有二个中年人咧：「王哥啊，外久無去青番巢？汝是足照顧遐山地兮？自卡早我看汝，安呢出錢出力，用心計較來扶遐山地人，汝ｅ慈悲，我實在真感心呢！」
　　「哎！番仔確實軟，咱做叨盡量逗三仜，人了毋著所在，人ｅ運命叨真歹按算哩，算算ｅ，這十外年噹中，呾出入青番巢兮嘛七、八擺矣，一萬外仔或者送尹醫藥東西，是無到佗位啦，算講咱叨做吓到安呢，仁生苦短，做一寡有意義ｅ代誌，做寡好功德，承續看風景嘛真好勢叨著！」
　　「王哥！聽講這嗎青番巢ｅ變化真大呢！一寡少年人樣也走入平地都市來趁食，留佇山頂ｅ人，尹ｅ嘴斗愈來愈歹奉待，e0干礁簡單ｅ幫助，尹迭迭無看佇眼內，無親象卡早赫尼親切忠實，無法度叨是無法度！」
　　「原住民ｅ問題真歹解決叨是，雖然各級政府攏有”原住民委員會”，抑毋閣無赫簡單，原因是一大推，以我自身ｅ感覺，感到真悲哀，坦白講，我對原住民，實在非常失望，我最近仔，「灶卡冷鼎」矣，對山地人ｅ代誌，實在，無想欲閣，汝想，連我這款自來叨願意幫助原住民ｅ人，攏感覺真失望，其他ｅ人是閣卡無人……」
　　「呾王哥啊！咁有赫食力」是？汝ｅ心苦病疼，咁吓使講淡薄仔來聽ｅ否？稍講講咧，敨ｅ，心肝頭嘛卡輕鬆，承續嘛加互我一寡社會經驗呢！」
　　「是安呢啦，汝好心是汝欲好心，人叨無咧汝信斗安呢，真條代誌，互我心肝內真艱苦，比一个例來講，這回我去阿里山旅行，叨踢著山胞ｅ鐵，舞甲滿面全豆花，哎！後日仔無欲做人矣！」
　　「呾嘛稍講一下來咧，」「新曆三月底，我來去阿里山看櫻花，坐台火車就山，十外年無來，真心適叨著，下晡四點捅，車駛入阿里山車頭，一落車頭，叨有原住民來招生理，講明仔早起，透早欲阮去新中橫看日出，這位原住民漢草大偗，私下佮伊講話時，台灣話真講，公共場合宣佈代誌時，一句叨無噯講，臹看台灣人無夠重叨是，害現場茲阿公阿伯阿姆，真正痛苦真正為難，亦互占多數ｅ台灣人真無面子。」
　　「第二工透早，無想著，司機兼導遊，茲叨是昨日車頭彼位原住民，逐傢心肝頭真正沈重，這位司機，樣也只講北京話爾，看袂起台語，車內有几人反應，伊依原不管，干礁北京話一項，看日出如此，看牽手神木嘛仝款，落尾仔到塔塔加鞍部時，眾人給伊懇求，伊才講”安呢好啦！“我依原用北京話講，若是聽無者，卡停仔逐傢落車了後，留落來我才用台語說明」「尹俍卡好咧！免咧好，咁台灣人互人看無夠重是？台灣人好親象外國旅行，噯踮另外一位便所邊過關，夆看無起是毋？」若是原住民壹直看輕台灣人，我想連自來叨疼惜原住民ｅ忠厚人，宛那吓是。
4.參見游董
　　1998年7月14日彼工，里仁學會有邀請捷運公司ｅ游董來地點是大間飯店ｅ中餐廳（後棟）會議室，我有想去參加這个盛會，一方面是有法度當面見著頭傢，送出有關捷運站名錯誤ｅ陳情書，另外一方面是欲看看咱大間飯店，自年壞損了後，重新裝修ｅ盛況。
　　二年前，大間大飯店著火燒厝，規个厝卦（蓋）是燒甲咪咪卯卯，袂孝孤ｅ，聽講有關方面真贅錢圓，重新裝修（裝潢），一下晟激了後，真正是面目一新，遠遠給看，真嫷真壯觀，確實世界出名飯店，叨排有著頂（等）哩！呾這擺來給參觀，感覺真歡喜安呢甡。
　　彼工透中，天氣嗙，滿身重汗，頭殼戴烘爐，室外溫度三十五，心肝頭有咧暗想，卡停仔入去會議室時瞬，冷氣吹來滿身蘇爽，嘴飲冰角可樂，有影金星級ｅ飯店派頭無仝哩，，幾多圓去裝修，是咧裝假ｅ是？真正是愈想愈心適。
　　一下入會場，才知影冷氣機壞矣！室外35度室內嘛35度，逐傢坐踮遐，大粒汗細粒汗，叨紳士人歹勢走，忍耐閣忍耐，會場二十人，這時瞬，看著游董ｅ，西米洛刁甲青青，坐踮中央位咧流汗，請貴賓來受罪，有影真歹勢，真無禮貌，這个時瞬，飯店方面，處理失誤，無趕緊換另一間，干礁講一句「對不起，歹勢」，另外派人一枝電風扇，踮遐撇咧撇咧，樣也無效哩，有影示御，出名級ｅ派頭，真正互汝想袂曉叨是。
　　雖然是安呢，毋閣咱頭傢游董ｅ，精神宛也真好，一絲叨無頭厭懶，我行到伊身邊，伊真正客氣來對話，我自那逶「捷運站名請願書」親手送互伊，另外嘛製作一綑錄音帶互伊參考。
　　「呾游董ｅ，真歹勢，有一寡有關捷運方面ｅ陳情書，拜託汝吓凍過目」因為現場ｅ時間真，無時間詳細說明，干礁拜託伊「百忙當中，抽一下仔閒工」參考一下，我想若準連頭傢叨無效，安呢其他人叨免映望。
　　我的請願要點有四點：捷運車站ｅ廣播，必須噯有台語，這嗎捷運卡輸航空公司、台鐵忝忝，應該噯改進，抑無選掩扁仔咧選假ｅ是毋？捷運車廂內ｅ注意事項廣播，拜託用台語播出圓山、竹圍、民權西路、終點ｅ站名台語播音錯誤，正確是圓山仔、竹圍仔、權念國3聲、盡磅平埔族語音，如北投、關渡、唭哩岸、夏拉別諸站，請播原音一種，不必國、台、客、英語，也叨意義。以上四點，攏是做為台灣人上基本ｅ尊嚴，毋知游董願意做否？
　　游董是位修養真好，不止客氣ｅ人，卡早咧做縣長呤呤，我有寫一寡書冊去互伊，伊攏用毛筆親身回函，互我真感心，這擺七月十四送出陳情書了後，佇八月初叨接著伊ｅ感謝函，抑毋閣呢，陳情到這嗎已經四月外日矣，依原「石沈大海」，捷運公司無欲臭輦汝，互我真失望，我一直袂理解，咱台灣人，尤其福佬人，赫尼熱心來支持咱ｅ市長，結果市府對咱台語文化真正排斥，家己人搧家己嘴頰，想落叨艱苦。
　　彼工主要ｅ講題是「宜蘭方面學校外觀」ｅ磊斗造型，游董做過二任ｅ縣長，手中有真贅各學校ｅ外型，「爭奇鬥艷」袂輸台南咧媽祖，看甲目睭，有影讚叨是讚，現場ｅ人，雖然天氣炎辣，宛那看甲真心適，不時嘛咧比大頭拇叨著。

5.宜蘭之冬
　　對大台北都會830萬人（台北市280萬、台北縣350萬、桃園縣150萬、基隆35萬）來講，每年冬天，上介讚ｅ旅遊地，宜蘭地界，这毋但是伊一工以內叨吓凍來回，上要緊叨是伊ｅ景緻風光，嫷閣好勢閣，真正互汝竄筋入骨威威鑽，爽甲叫敢。
　　宜蘭地坐位佇台員島ｅ東北，冬天ｅ時瞬，受著東北季風影響，迭迭烏陰天色，或者是落一絲仔雨毛仔，伊人口卡，一四界田園山岳，青翠磊斗，又閣政治清明，百姓客氣有禮，物價合理，再再互咱茲遊客，「百遊不倦」，互我有著。
　　「宜蘭之冬」，有五項優點，ｅ所在真正伊袂。第壹，伊袂辣（熱），冬時溫度15～25度ｅ腳兜仔。第貳，伊袂，受溼度佮海洋性氣候致蔭，真罕咧大寒叨是。第三，伊無風，若是有，伊嘛絲絲仔「風」，这佮辣昊時ｅ風颱恐怖，完全無仝款。第四，伊無雨，伊迭迭烏陰昊（天），有時雨毛仔，雨霎仔爾爾。第五，伊無日頭，烏雲密佈，冬天真罕咧著日頭哩。
　　宜蘭之冬，伊無辣、無寒、無風、無雨、無日頭，迭迭烏陰烏陰，溫度適中，我逐年攏吓去行踏，大概仔十一月尾，或者十二月中旬，安呢已經連肖紲二十外年矣！依我ｅ經驗，樣也是宜蘭這幾位所在上介讚。
　　頭一位所在叨是露營場，坐宜蘭線火車，踮冬山站落車（羅東站嘛吓使），ｅ時瞬，坐計程車去叨到。露營場ｅ景色真正磊斗壯觀，差不多有四、五十甲ｅ款，身邊閣有一條溪仔，四箍遴返，山崙仔箍甲一層一層，倚公路彼爿，半山腰ｅ所在，有一間佛寺，啥乜名我袂記ｅ，內面設備真光彩，總講一句，親象老K咧講「景色如畫」，新曆十二月初去，上介好勢。尤其噯特別注意，露營場身邊彼條溪仔，水深一尺外，水清底平，真正心適安呢！
　　第二位所在叨是員山鄉ｅ「大湖風景區」，這个風景區本真真原始，毋閣最近「人工化」過頭，有一絲仔拍損，本大埤大約二十甲ｅ款，內底有真贅ｅ水鳥類，另外有西伯利亞來ｅ「綠頭鴨」，大湖風景區附近ｅ農村有真贅果子園，沿路嘛有人咧排仔叫賣。
　　第三位所在，叨是冬山河風景區紅橋，行對冬山火車頭，沿路ｅ景色，宛那真嫷真原始，最好是透早，拍ｅ時瞬上介讚，這个時，看著滿目ｅ江水，鳥隻，清風吹來，真正神仙再世，醉閣，互汝歡喜甲叫毋敢。
　　第四位所在，叨是南方澳漁港，伊有分鯊魚市場佮對面ｅ海魚市場，真好叨著，返來記去看金身媽祖，，看著台灣人ｅ民族性，看尹對神明ｅ看法。實際上宜蘭 ,宛那有其他大型ｅ風景區，親象太平山、福山植物園、歷代神木區，景色閣卡嫷，閣卡壯觀，佇茲是紹介一寡卡細型ｅ所在，互汝一工內叨有法度來去ｅ地點，互逐傢做一个參考，年尾吓凍有一个真ｅ旅行。

6.德利仙來訪
　　河洛歌仔戲團ｅ總監德利仙，今仔日透早來診所坐坐ｅ，幵冓，互我回想起四十年前ｅ一段往事，特別感到親切，，稍紀錄一下，互咱茲好朋友，知影仁生變化，真正感慨無量。
　　我今年（西元1998）好五十歲，佇38年前，叨是民國49年彼噹瞬，我讀小學六年兮，我著佇放送邊聽著德利仙ｅ節目，而且嘛得著猜迷ｅ獎品，一枝鉛筆，哎！想起來時間過了臹緊，目睭一下暱，四十冬叨過去。
　　佇四十年前，差不多八二三金門炮戰了後，1958年才讀四年級，彼時社會ｅ經濟真，差不多無啥乜娛樂講，阮厝內唯一ｅ娛樂，叨是一台（真空管收音機），逐工攽學返來了後，上大ｅ享受，叨是聽講古、流行歌、歌仔戲，彼瞬我上愛聽兮叨是吳非宋先生ｅ講古佮評論，記兮阮阿媽（祖母）上愛聽王思明佮柳仔仙ｅ台灣說唱故事，一枝月琴安呢dng dng dng……印相真深。
　　吳非宋ｅ廣播聲真真好聽，伊ｅ中廣節目內底中喟，力量飽，佇我ｅ印相當中，這四十年來，真罕咧有仝款ｅ音色，勉強給（節，推測），講古仙吳樂天ｅ聲稱寡有，所以講吳非宋ｅ聲音，逐工叨灌入去耳仔內，袂輸簡那阮厝內ｅ一份子仝款，这叨是四十各前，無電視無音響無娛樂ｅ壹般情形。
　　叨，民國47年、48年過去了，到民國49年時瞬，有一工我聽中廣ｅ節目，忽然間吳非宋無去矣，換德利仙來代替，這款洶洶ｅ改變，有影互我驚一。德利仙ｅ聲音柔和親切，佮落尾也罷ｅ丁山差不多，所以一聲叨知影差真贅，印相足深ｅ，佇茲，我有一个想法，叨是看有法度尋著當時（約民國45～50）ｅ吳非宋佮德利仙錄音帶否？也叨尹攏是咱珍貴ｅ文化遺產。
　　彼時瞬，離白色恐怖，才3～4年，離二二八事變才十年，嗯才ｅ時瞬，規ｅ政治情形臹，無親象現主時民主化，規ｅ老Ｋ外省政權，控制真嚴格，用戒嚴法佮特務系統，茲蕃薯仔樣也無人敢假仙哩，中廣公司既然ga是官廳以上，定著是清一色「忠黨愛國」ｅ人，才有法度來，來主持節目叨是，所以我這三、四十冬以來，想起少年囡仔ｅ代誌，迭迭嘛認定講德利仙是老Ｋ外來政權ｅ走豬仔，叨算毋是台奸來講，看落臹袂作咧。
　　事實上抵好倒（反），這幾年我才知影，伊宛那是有血有目屑ｅ正港台灣好漢，為著台灣人ｅ尊嚴，為著疼惜這塊土地，伊早著無惜性命，吞銅食鐵潦落捙拚一大睏矣，聽伊ｅ講話，才知影伊受老Ｋｅ欺侮佮委屈，毋是咱事後看鬧熱ｅ人，吓凍深深來了解ｅ叨著，害我真，吓凍了解「前人種樹，後人徛影」ｅ道理，尤其伊做人腹腸真闊，「寬大為懷」，對卡早「阿山」無理ｅ加害，壹笑置之，無欲追究，干礁安呢淺淺攽一句「哎！欲見怪叨怪台灣人家己無路用」，做人溫和客氣，袂輸基隆黃華咧。
　　看著德利仙，滿面風霜，真正慈愛和靄ｅ笑容，自那，想起少年ｅ代誌，彼年民國49年（1960），我迭迭倚佇放送身邊，聽德利仙ｅ節目，伊有一个「猜迷」ｅ，我真正興趣。叨是伊吓連續七、八塊新歌，而且報告尹ｅ歌名，落尾也於瞬呤，叨進前七、八塊歌中間，抽一塊出來播出，互恁去，寫明信片，寄到台北新公園、中國廣播公司……收，臆正確ｅ人，叨有一份獎品送汝，拜託恁踴躍來參考。
　　彼時瞬ｅ新歌，大部份攏是文夏ｅ新歌，有一寡是洪一峰ｅ，吓記咧有一回ｅ謎底是「星星知我心」，伊ｅ前奏有嘴哼哼真好聽，彼時寄明信片去中廣，結果寄回獎品，一枝鉛筆，彼時當作五角銀。後來有一擺是一般猜謎，我印相臹深，題目是「人上應該互咱來欽佩？」阮厝ｅ大人馬上知影「何應欽」，毋閣我無寄去猜獎，想想ｅ，郵票錢佮鉛筆差不多，算袂和啦！
　　以上茲攏是38年前ｅ代誌矣！彼時我小學，尾也讀初中、高中、大學、做兵，了後北投庄腳開一間齒科店渡生活，嘛二十年囉，我這嗎五十，德利仙七十笑，仁生苦短，卡早少年ｅ代誌，加減想想咧，鹹酸甜真感慨！

7. 新北投支線
   　　台北市ｅ淡水線捷運系統，有一條「新北投支線」，長1.2公里，當時十外億，有影是黃金舖起來ｅ，結果，無效果，現主時改做二十分鐘發一班車哩，遂比坐公車卡慢，連我这本身新北投人，叨無坐，幵公錢卡脆皮，真正吓夆笑叨是。
   　　汝想，若準佇舊北投站，設五台專門駛新北投1.2公里ｅ中型公車，或者是北投街仔，上一仟萬叨好勢矣，所以幵就十外億來講，有影甚啦，这若是民間ｅ公司，絕對袂去安呢做，這嗎代誌已經發生矣，咱叨來給檢討檢討。
   　　新北投支線，是無啥路用，淡水線，樣也叨噯有一條支線，伊叨是天母支線，庶當時有人建議，逶芝山遐幵始→陽明醫院→高島屋→美國學校→榮總或天母公園，這條路線，人口三十萬人，占淡水線出圓山橋了後ｅ總人口百分之五十五，這條路線真要緊，天母叨無！
   　　捷運局方面有三項理由，來回復反對者ｅ意見。（第一點）伊講新北投支線有欲運送後日仔，欲就草山（陽明山）坐纜車ｅ群眾，這點理由，對北投暢仔來講，無好空，也叨所謂觀光客，不而顧是過路客爾，給汝喀呸喀呸，尿攽攽ｅ爾，竭是買一罐汽水，無可能給汝大消費，所以對北投商家來講，北投到台北，二十分ｅ車程爾，無人欲留落來，無啥乜商機倘趁啦！
   　　（第二點）是講新北投支線，沿路ｅ噪音甚大聲，著居民ｅ食穿安寧，這點來講，根本是沿路ｅ居民，捷運局吓使免伊，这可比講松山區居民要求遷走飛機場，仝款甲有去，也叨舊火車路是民國2年完成，沿線根本叨無徛傢，現主時密密密ｅ厝屋，是尾溜才ｅ，這段路是先鐵路才徛家，所以徛家ｅ厝自早叨比別人卡俗，尹袂使反頭來罵捷運局叨著，事實上捷運列車赫尼長，聲音並無外大，捷運局嘛袂使因為居民抗議，叨逶日時每7分一班車改做20分一班，安呢叨比公車卡慢矣，三十億是咧幵假ｅ是？
   　　（第三點）捷運局咧講，尹ｅ計劃是逶新北投站，當做台北線ｅ第二發車ｅ盡磅站，（另外一个終點發車站是淡水），是二十年、三十年了後，萬一北投佮台北中間ｅ人口甚時，叨吓使單獨逶新北投線直發”新北投→台北”ｅ線路，叨免完全靠勢現時ｅ”台北→淡水”線路，因為新北投→台北有11Km，毋閣淡水→台北有21Km，吓使節省一半ｅ銷，來避免浪費討祭安呢甡叨著，關於這點是對北投人一个”利多”ｅ好消息，北投人歡喜，仝款是納稅金ｅ天母人，這聲著倒咧厝內仙膏矣！

8.嘉義車頭
　　「全台灣所在ｅ火車頭（站）內底，我對嘉義車頭ｅ印相上介深，（我本人是台北人），這三十年以來，逐擺若坐火車逶嘉義站經過ｅ時瞬，我叨吓加減看二目仔，想起來宛那真心適哩！」
　　「这按怎講？吓使講來分聽ｅ？」
　　「無啦！稍寡代誌，嘛無啥乜心適叨是，不而顧是印相卡深安呢，佇二十五年進前，我高雄衛武營做兵，抵好有二工ｅ期，我頭一工逶高雄坐公路局，一路北上，到嘉義市叨欲暗頭仔，哎！彼暗我印相臹深，嘉義ｅ旅館臹著，尋規晡尋攏無，尾也佳哉尋著一間，哇，頭傢娘臹歹，歹，等厝安搭好勢了後，已經是「萬家燈火」，規ｅ市區暗摸摸矣……」
　　「真恭喜汝」
　　「彼暗仔，我沿著市區ｅ大街細巷，行閣再行，來體會著嘉義市ｅ人情、風俗，嘉義市佮台北市有真贅無仝款，市區內ｅ台語生態真正豐沛，除了細漢學生囡仔以外，真罕咧聽著北京話，佇台北差不多大半講北京話，嘉義街路細條，市草臹好，人行來行去真鬧熱，簡那延平北路，或者廣州街仝款，彼暗欲倚十二點ｅ時瞬，行到火車頭大埕（廣場），有真贅笪仔、海產、魯肉飯……一時間腹堵遂起來，彼暗…又閣飲二杯燒酒，才醉茫茫行對旅社來，…哎！異鄉之旅，閣熱似，閣青份安呢……」
　　「續落呢！」
　　「閣卡進前，民國63年12月，彼時瞬抵好是大學卒業，“畢業旅行”，暗時仔，遊覽車踮嘉義車頭暫二點鐘，逐傢自由活動，逐傢踮遐咧幵冓，尾也講忝矣，自那踮大埕遐來踅去，嘉義車頭大廣埕，彼時瞬，我著知影二二八大屠殺時，阿山兵台灣人，佇車頭進前，一堆一堆ｅ冤者，有影互人印相深刻，想來想去，目眶滴入來一滴目油，哎！台員人啊！……彼擺欲跁就遊覽車時，才知影嘴齒臹疼……」
　　「九年了後，我ｅ大查某囝，已經足一歲半矣，吓曉行路矣，彼年欲去阿里山憩陶（玩），先蹛佇親戚尹兜，暗時仔去夜市仔行行踅踅ｅ，真抵好，彼工是中秋暝，嘉義人樣也真熱情，真鬧熱，規條路攏咧”放射性ｅ煙炮”，親象鹽水蜂炮呢，一枝一枝射過來，真正危險，姑不而衷到地也，自那逶查某囝，給抱踮怀中，趕緊快步行返來厝內，行甲大粒汗細粒汗喘袂有影，囡仔毋知半項，感覺真奇怪，哎！身處外位，真正袂咧！」
　　「有影心適，印相臹深」
　　「最後一擺，是今年ｅ代誌，三月底去阿里山看白櫻花，落嘉義市了後，大熱，踮火車頭邊行來行去，無一間適當ｅ餐廳安呢……以上講ｅ代誌，拉拉雜雜，並無啥大意義，毋閣對一个台北人來講，嘉義火車頭回憶ｅ代誌，有影臹贅臹贅，其他ｅ火車頭叨真，这咁吓緣份著ｅ是毋？」

9.關渡人
　　我本身是關渡人，我ｅ血跡地是佇現主時關渡國小ｅ籃球場，北淡公路ｅ路崁下腳，1978（民國67年）去互國民黨徵收去，這嗎猶真懷念叨著，關渡讀Gandau，伊是平埔族ｅ話，意思是猴山仔，拜託汝毋倘讀Guando或者是Guandu。
　　目前社會上ｅ關渡人，有四个真出名，真叨著，我稍寡來給說明一下，這四位先進，攏佮我有淡薄也關係。
　　頭一位出名ｅ關渡人，叨是黃富三教授，伊現主時是台灣大學王牌教授，亦是中央研究院台灣史研究所籌備主任，咱舊年佇法主公廟對面，「二二八紀念碑」ｅ碑文，叨是伊寫ｅ，伊ｅ學問真好，三十年前考公費留學英國，全關渡著驚。
　　教授尹佇關渡火車頭邊，尹老父開一間噉仔店，大概三十七、八年前我細漢ｅ時瞬，迭迭去買物件，有看著一、二擺，伊穿卡其色軍訓衫，「溫文儒雅」學者型。也叨伊長年在外讀冊，卡罕咧看著，尹兜厝內大細，我樣也真熟安呢。富三仙有一位，是我小學時ｅ同班同學，阮攏佇民國50年，逶關渡國小畢業，欲四十年矣，叨無閣連絡，前二年，我佇義方國小做家長會長時，聽講嫁互校長ｅ同學，真恭喜。
　　另外有一位小妹叫阿鳳，嘛才加我一、二歲，讀關渡國校時叨肖，伊互阮表伯做查某囝，宛那吓使講臹親叨是。阿鳳嫁互李老師，卡歛三十年矣，如今尹查某囝，陽明醫學院卒業，做家醫科ｅ醫生，真正恭喜，逐傢攏五十左右ｅ人矣，真正一代傳一代，阿鳳姊仔，逐年攏尹囝兒來定期看齒科，講起來攏家己人，真熟。
　　關渡山頂，佇現主時拿撒勒基督學院，馬皆護校遐，原本有一遍旱地，叫「茶園」，教授尹ｅ土地佮阮阿公ｅ土地，抵好過界（相鄰），尹種真贅nabula（蕃石柳），發了臹，阮茲毋臹囡仔，有時瞬吓去偷，（彼時代物質真客欠），這嗎想來叨好笑，这是四十年前ｅ代誌矣，民國49年，賣互基督教拿撒勒人財團法人砌學校。……这一切歸入歷史。
　　教授尹尊翁，叫「獅仔」，待人客氣殷實商人，尹兜門腳口，有一个大埕，迭迭有走江湖賣藥仔團來咧做戲，做囡仔時代無娛樂，迭迭嘛去看戲，吓看著尊翁真認真客氣咧接人客，印相臹深，尊翁舊年因病過身，春秋近百，有影臹勇叨著。
　　咱黃教授，佇五、六年前，出版一本「霧峰林家ｅ中挫」，內容精彩，抵好我推展台語文，嗯才e瞬 nia，我給改寫做台語講古文學「彰化媽祖」，全書十四萬字，完全台語腔口，前後寫一年才完成，本書第一版民國82年，第二版民國85年，第三版按算欲佇明年四月再版，因為有一寡文字需要修改叨著，算講平平關渡人，亦平平姓黃，咱共同為台灣文化拍拚一下。
　　第貳位出名ｅ關渡人，叨是地下電台ｅ大頭傢──許榮棋仙，講起台北ｅ地下電台，上出名叨是許榮棋ｅ「台灣之聲」，伊廣播界上大ｅ貢獻，叨是「Call in」大量來普遍化，在伊推廣Call in進前，叨有這个制度存在，抑毋閣壹直無法度普遍化，經過榮棋仙佇民國83年2～6月這四箇月內大力推廣後，市面大量流行，成為真地下電台模仿ｅ對象，落尾也連TVBS李濤節目嘛大量流行，有影功在廣播界。
　　榮棋ｅ大兄榮宗，是我四十年前，關渡國校ｅ同窗（同學），後來我才知影尹二人ｅ面相，有夠親象。彼時瞬關渡ｅ頭嘴真，庄腳人逐傢攏嘛肖，尹老父咧賣柑仔，古早人，欲食水果無簡單，逐工下晡時仔，叨吓看著黃岩岩ｅ柑仔，載來載去，看甲嘴答答津。
　　榮棋ｅ台灣之聲，做了真成功，伊ｅ節目，吓使看做民進黨ｅ防腐劑，譬如講，市長讓步，互老Ｋ中央黨部大樓過關（免錢過關），這款水行為，電台大聲指責，毋是無道理叨著，榮棋ｅ節目擴散到瑞芳貢寮，有一擺我去內雙溪柑腳遐行踏，宛那有聽著伊ｅ節目。
　　阿棋有一擺來我診所，講起台語教育ｅ代誌，真正熱心叨著，伊嘛有承續提我ｅ錄影帶，踮台播送，這點我是真感謝，毋閣外口有風聲講伊宛那有一个欠點，奚叨是搪當台灣人電視台「民視」成立無外久，佇上介脆弱ｅ時段，伊暗中連絡內底人，內神通外鬼，（尾也去互人錄音掠著），極力來反對民視，來破壞民視，安呢做等於是替三台出力，替老Ｋ來消減台灣人電台仝款，互鄉親嗣大，真袂諒解叨著，這點噯改進才好。
　　第三位出名ｅ關渡人，叨是國民黨市議員陳進棋先生，伊是田明建設ｅ頭傢仔囝，做人土直，海派阿沙利，進棋尹老父田明司，阮嗣大人肖捌，毋閣我無熟，尹佇關渡塭田遐ｅ田地 ,佮阮兜ｅ田地肖隔壁，四十年前做田時，不時嘛咧見面,田明司佇登輝仙迭稠總統了後，飲酒中風，不幸過身。
　　田明建設ｅ事業做真大，半粒小基隆，吓使講是田明仔一手起來ｅ，有影關渡人無簡單叨有影哩，我嘛佇遐給交關一間20坪厝，做屯書ｅ所在（徛倉庫額叨是），伊有一點我上介佩服ｅ，叨是，伊佇三芝（小基隆）ｅ大樓，中央有一个公園，伊無用蔣介石，遂用”登輝公園”，也叨阿輝仙ｅ舊厝佇六百公尺以外，號了真好勢，另外公園中間ｅ銅像，用三芝ｅ先哲杜聰明博士（台灣第一个醫學博士），宛那表現出田明公司學問袂差叨是。
　　第四位叨是，叨是台大哲學系主任－林火旺教授，本來是無出名，不而顧最近台北市長競選，伊做馬英九ｅ副總幹事兼發言人，名聲真大，喚水吓堅凍，毋知是毋是仝名（猶咧求證當中）。
( 本書序)　　寫佇頭前
　　本冊是小弟佇1992～1998，這六、七年ｅ中間，所寫ｅ一寡台語散文，給集合出版一本書，互咱關心台語文化ｅ眾兄弟，加減給參考看覓ｅ。
　　台語經過這十外年來，逐傢ｅ拍拚牽成，目前漸漸來形成伊ｅ粗胚，伊ｅ影形，雖然真大箍，粗形佮有現出以上，相信咱ｅ文化真緊叨來給復興安呢甡。
　　ｅ瞬，這本書，宛那吓出現了真ｅ欠點，一個文化發展，是一點一du，露水做海水來造成，希望咱茲先輩大德，來咱指導，給咱牽教，互伊ｅ水準吓凍愈來愈好勢。
　　這本書ｅ寫法，是參考真先輩ｅ成果，若有ｅ所在，拜託你給阮講一聲，阮真感謝，勞力安呢。

元興 寫佇 新北投　1998.12.2

※ 目 錄
( 本書另有單行本,細小字比較清晰, 可洽茄苳出版社 )
※目錄 2
※台語通用音標 6
※台語漢字系統 9
1.紅鰱魚 23
2.茄苳樹 27
3.原住民 31
4.參見游董 35
5.宜蘭之冬 39
6.德利仙來訪 43
7.新北投支線 48
8.嘉義車頭 52
9.關渡人 56
10.大官佮風水 63
11.辛亥站 73
12.烏魚籽 76
13.坐船遊覽淡水 94
14.汐平公路有影讚 106
15.拉拉山旅記 113
16.文夏 126
17.餐廳 135
18.未卜先知 148
19.高原旅愁 151
20.不分區代表 157
21.王童導演 162
22.承德路彼暝 170
23.用議價卡好勢 180
24.王 185
25.土公仔 192
26.辜顯榮 200
27.許不了來訪 213
28.立法委員 228
29.無限大ｅ祕密 235
30.艋舺ｅ 242
31.惜台員，茄苳情 247
32.挽救校園台語生態 251
33.二二八記念文、華台對照 257
34.生日 262
35.亞洲版全套台語老歌CD 264
36.國中ｅ台語講演比賽 266
37.島戀 277
38.鞍馬山森林公園 281
39.和平島食海鮮 293
40.竹林寺佮添丁廟 300
41.烘爐地 308
42.淡水線捷運站名 313
43.島嶼是我思鄉ｅ方向 319
44.永遠ｅ望鄉人 328
45.金蓮 336
46.鹿角坑ｅ濛霧 340
47.冬山河透早呤 343
48.潦落廟街探母親 347
49.禪寺夜色，暝半三更 351
50.少年，衝互伊起 354
51.成仔寮魂天喊 356

華語、台語、客語 通用音標
（1998年2月12日台北市教育局方案）
〔閩南台語部份〕
ａ（ㄚ腳） ｏ（ㄛ虎）
ｂ（ㄅ白） r /or（蚵）
ｃ（ㄘ查） z ( ㄗ 祖 )
ｄ（ㄉ桌） ｐ（ㄆ皮）
ｅ（ㄝ馬） ｑ（ㄍㄍ牛）
ng（ㄥ興） ｓ（ㄙ是）
ｇ（ㄍ狗） ｔ（ㄊ土）
ｈ（ㄏ魚） ｕ（ㄨ朱）
ｉ（ㄧ米） ｖ（ㄅㄅ肉）
ｋ（ㄎ苦） 
ｌ（ㄌ路）/ j 儒
ｍ（ㄇ摸）
ｎ（ㄋ尼）

鼻 母 音 入 聲 母 音 aa或an（擔）
ee或en（筴）
ii或in（錢）
oo或on（噁）
uu或un（張） ap（ㄚㄆ合）
at（ㄚㄊ力）
ak（ㄚㄎ六）
ip（ㄧㄆ入）
it（ㄧㄊ直）
ek（ㄝㄎ竹）
et（ㄝㄊ設）
ut（ㄨㄊ骨）
ok（ㄛㄎ國） 地方腔 漳j（儒）
泉ir（於）, er ( 坐) 註：碗、影兩音，建議用w、y表示，其約占鼻音七成，可減少極繁複之字母鏈。

※閩南語台語聲調
　　台語聲調，遵照國語讀法這可，國語有五音，台語有六音，除第六聲以外，兩者教法一樣。（記號也遵照國語）
閩台1聲＝國1聲 　獅高平Mi sai
閩台2聲≒近國2聲 ˊ牛上揚 或
閩台3聲≒國3聲 　豹長低 閩台4聲＝國4聲 ˋ虎下滑 閩台5聲＝國5聲（輕聲） ˙鱉短低 閩台6聲＝（國語無） －象中平Re

註：入聲是否屬於聲調，尚有爭議，本書暫視兩者無關。
國2、3聲與台2、3聲，基本定義略有不同，但教學快速唸時，幾乎一樣。

※台語漢字系統
△第一原則”除非萬不得已，我們儘量以一字一音為原則。”
　　因為人是先有聲音，再有文字，如果看了文字，而不知正確發聲，將會發生困難？如果一字多音，讀者看了字，而無法判斷讀何音，一天到晚猜啊猜的，請問怎推廣？ ( 少數文音例外 )
△第二原則”台語漢字之取捨，儘量以電腦之Big5字庫為優先”
　　文學推廣需要打字。目前個人電腦的漢字庫有13502字，由於個人電腦全台高達700萬台，我們儘量以電腦能打出的漢字為主。如果還是打不出，則以注音示之。

△第三原則”民間已定型之用字，應盡量尊重，（除非有錯誤或嚴重副作用）“
△第四原則”如果詞形、音、義皆不同，請儘量不用同一漢字”以免造成語系的大混亂。（請看後面單元”台語破義字”，為避免太大的反彈，台語破義字暫限常用者為限）

※台語的基礎字
△a音
〔阿〕用在人名、物名的前面，阿明，阿國，阿啄仔。
〔仔〕用在人名、物名後面，賊仔，李仔糖，歌仔。
〔矣〕相當於中文「了」，語尾助詞，我食飽矣，伊睏去矣。
〔也〕用在副詞，笑笑也講話，慢慢也行路，也叨（因為）。
〔啊〕驚歎詞，用法同中文。
〔呵〕表示「怎麼」，如「伊一月日趁外贅錢？我呵知影」。
〔抑〕表示「或」，如「你是台灣人，抑是日本人？」
△e音
〔e〕用在低音（如5聲，3聲）我e，伊e，社會e……
〔兮〕用在高音（如1聲，6聲）官廳兮，少年兮。
〔个〕用法同中文，數量，五个。
[ 吓〕能，吓凍，吓曉。
〔例〕三個生理人，官廳兮交關，尹的利純袂醜吓凍趁二佰萬。
△ga音
〔甲〕相當於「到」，用在動詞後面，吃甲肥肥，行甲流汗。
〔給〕意思是「對……目標」唸ga5，阿公給大孫買一間厝。
，阿明給尹朋友騙二十萬 . ( 本字1999官版原本用” 給 “字 ,比較正確 ,但2007卻改成 ” 共 ” , 其音義皆不妥 ,反而畫蛇添足 , 詳見後面相關書籍 )。
〔佮〕意思是「附著，附帶」（此字也有人用及，共……等等）我佮你二個人，我欲佮政府捙拚一下。
食魚食肉嘛著菜佮，佮意××姑娘仔。

（例）阿明佮阿華二人，行歸晡行流汗，去老師尹兜祝壽。
△zia音
〔茲〕这裏，台南孔廟有，「斯文在茲」，一般收據也有「茲收到……」
茲是台北，茲是阮兜，（此字也有人寫遮）
〔才〕才是，ziasi，同中文用法，此詞廣見於伴唱帶，民間已定型之字宜尊重之。（人才用人材，勉強可通）
〔即〕借字，即尼好，即尼可憐。（这麼好，这麼可憐，“这”台語唸ze）
〔例〕伊即尼敖讀書，才是黃家好孖孫，佇台北茲真出名。
△特殊字（同音近音）
呤呤（…的時候） 亦是（也是）
爾爾（…而已） 抑是（或是）
叨著 gana簡那（…好像）
佗位 ganda干礁（…只有）
这是ze 佇台北
這款zit 咧講 即尼好
迭迭（常常） m 毋是（不見）
定定（安靜狀） 嗯才（於是才）

※常用台語困難字
△有些台語用字，寫成漢字時，比較困難，所幸近十年來，經過大家努力，已有不少共識，以下这兩百左右詞，可做為參考。

矣　　　　a5，了，用在語尾。 捙拚　　ciaby63，拚命。 也　　　　a5，的，用在副詞。 憩陶　　cittr12，遊玩。 也叨　　　話說…。 矯好勢　ciau2…，處理好。 安呢　　　ane　如此。 鏘鏘滾　熱鬧豊盛狀。 按怎　　　為何 僎　　　cuan2，準備。 阿啄仔　　西洋人 掣人　　cualang 32，帶人去。 噯　　　　ai4，要。 創治　　欺侮、逗他。 喔哫　　　akzak15，焦燥。 忖死　　不怕死。 拗蠻　　　傲且蠻橫。 蒸　　　cing3，得意揚揚。 仈人　　　別人。 呾　　　daa，話說如此…。 縛匼　　　bak3an2，綁緊。 打節　　daazat15，打點。 翩笪　　　推翻…。 待念　　姑且念及。 貧惰　　　懶惰。 逐傢　　大家。Dakge36 頻若　　　bina33，只要是。 霑　　　dam2，溼。 跋杯　　　問神動作。 逗三仝　幫忙。 殘殘脆脆　豁出去。 逗搭　　貼切。 叉操　　　豊盛狀 砥　　　de5，壓。 尋　　　　找。 叨著　　唸刀趙，就是。 粟仔　　　cek a5，穀類。 佗位　　drui16，何處。 車輦　　車輪。cialen64 咧　　　　　lit,let,de，在。 佇　　　在，接名詞，唸di3。 給　　　　　ga5，介詞。 恬恬　　靜靜。diam6 干礁　　　　ganna66，只是。 踮　　　diam3，位在…。 簡那　　　　ganna 11好像。 條直　　誠實。 仜　　　　　gang3，給人。 著是　　dir3，就是。 咁吓　　　　gam e，是否會。 滇滇　　diidii36，盛滿。 仝款　　　　同樣。 抌頭　　dimtau42，點頭。 溝墘　　　　溝邊。 顛誕　　dingdaa32，差錯。 竭仔哥　　　小氣鬼。 搪咧　　dnglit，正在。 奇卡（巧）　奇特。 搪著　　遇到…人。 見羞　　　　gensiau43，羞恥。 拄好　　duhr14，剛好。 記池　　　　gidi42，記性。 蹛　　　住。 懸低　　　　guaaige36，高低。 迭迭　　dydy36，經常。 揀　　　　　ging4，選挑。 定定　　dydy36，安靜狀。 囝孫　　　　gysun11，子孫。 ｅ，兮　的，低聲，高聲。 閣卡　　　　更加。 下晡　　下午。 規工　　　　guigang61，整天。 穢世　　ese43，污物滿地。 夆　　　　　hong3，被。 啞訄　　啞巴。egau14 乏錢　　　　hazii42，缺錢。 吓使　　可以。 乏搭　　　　hada45，貧困。 吓凍　　能。 含心敆命　　努力狀。gap 家己　　自己。 奚　　　　　he，那。 奧行　　rgy42，難走。 現主時　　　現在。 謳咾　　讚美。 歇睏　　　　休息。hirkun43 梟悻　　　hiauhing66，不幸。 真忝　　　　zintiam64，很疲勞。 彼爿　　　hitbing12，那邊。 真贅　　　　zinzue66，很多。 赫尼　　　hiani13，那麼。 汫　　　　　zy4，淡。 魚鮭　　　higue32，漬魚。 增差　　　差別於…。 眩　　　　hin2，頭昏狀。 一四界　　zitsigue343，到處。 伏祀　　　hoksai33，拜…神。 摯載袂稠　實在受不了…。 雨幔　　　homw31，雨衣。 這款　　　zitkuan 14，这種。 喚喊　　　huahan44。 睜神　　　醒來。 捍店　　　hwdiam33，掌店。 自那　　　zuna 31，於是就。 抑是　　　a,ia是，或是。 盡磅　　　終盡。 勿　　　　mai4，不。 總君頭　　樞紐。 揚　　　　，得意揚揚。 尻倉　　　屁股。 亦是　　　也是。 空課　　　工作、作業。 枵　　　　iau，肚子空餓。 起磅　　　欣喜狀。 臆　　　　ir5，猜。 徛位　　　kiawi36，位於。 印話　　　回話。 彊腳　　　kiangka41，強手。 乙著　　　itdir13，專心為某人。 傾錢　　　累積款項。 走傱　　　zauzong 12，奔走。 酷行　　　kokhing12，殘酷。 摠著　　　zangdir 15，捉到。 偰　　　　kue5，擠。 僬　　　　ziau2，全。 闌珊　　　零星。 作穡　　　勞工、農牧。sit5 婁　　lau4，遣出。 即尼　　　ziani43，这麼。 喃　　　　nau5，輕語。 斟酌　　　zimziok 65，小心。 呢　　　　ne4 了然　　　糟糕，無用。 凌治　　　欺壓。 落尾也　　後來。 趖去　　　srki25，蟲爬狀。 你恁伊尹　你、你們，他。 時行　　　流行。 嗯才　　　mzia於是乎 時瞬　　　sizun36，時候。 潦落　　　挺身投入…。 卸示眾　　siasizing443，丟臉。 辣昊　　　熱天。lautii31 甡張　　　siidiuu 61，尊嚴。 毋捌　　　不識。mbat35 肖罵　　　siorma 66，相罵。 鋩角　　　migak 35比喻面子。 肖扑　　　siorpa，打架。 毋閣，抑毋閣　可是呢。 肖像　　　siorsiang62，相同。 摩　　　　以兩手抱物。 甚歹　　　siunpai64，太壞。 毋倘　　　mtang不要。 擻念　　　siauliam46，想念。 媵　　 tin 6支持。 所費　　　生活費用。 拍人　　　palang42，打人。 耍盪　　　sngdng 16，玩弄。 拍拚　　　認真。 遂　　　　sua，於是乎。 惼　　　　pii，欺侮。 衰　　　　sue，倒霉。 敖人　　　賢能之士。 嫷喟　　　suikui 13完善。 扭搦　　　qiulak，操作。 衰韶　　　suesiau62倒霉。 夯起　　　qiaki34，舉起。 嫷　　　　sui4，美。 囡仔　　　qina15，孩子。 順紲，順續　sunsua33，接下去。 散赤　　　窮。 煞　　　　sua4，止。 踅遨　　　seqor32，旋轉。 啥乜　　　syme 15，什麼。 嗣大　　　父母。 摋　　　　tai2，殺。 躺大眠　　siang4，大睡一場。 提物件　　temnggy336。 捅頭　　　出頭tongtau 12 昊頂　　　tiiding64天上。 怨嗟　　　uance45怨埋。 沐著　　　vakdir 13沾上。 逶　　　　ui4從…。 袂曉　　　vuehiau 34不會。 看著 (看到) , 看着 (看對) 麼　　　　vr2話說。

※ 台語破義字
　　由於語系的衝突，有些漢字，在華語是沒事，但在台語，則會產生嚴重的麻煩，如果聲音、字形、詞類都不相同時，不宜用同一個漢字，否則寫出來的文句，作者自己看得懂，讀者卻很難唸出，这是「台語破義字」，它是台語文創作的暗礁，也是毒蟲，要一條一條捉出來，这是華語台語不同語系，很不得已的事。
　　常用的台語破義字，大約有70～80字，（詳細追查，不需用者，當然不止一百），占台語漢字約2%，大家忍耐吧，借用漢字雖方便，也是要付出一點小代價的。（是先有聲音，再有文字，如果看了一個文字，而無法判讀音（很多種音），那这個字又何用？）
（註）本書所指的”台語破音字”只是指一般常用字，至於冷僻字則不在內。
（例）“加”字在台語有唸ge和ga兩種意思，( 一 )唸ge如加減是多出來 的意思屬 形容詞，( 二)唸ga如加油是加上去的意思，屬動詞，照第四規則，音、義、詞形全不對者，不宜用同一漢字。所以我們建議用「加減」「咖油」以資分別。这是沒辦法的事。（國語則以「多，加」分得很清楚）
「頭傢，你加ge五立汽油互阿明啦」（老板，你多五公升給阿明啦）
「頭傢，你咖ga五立汽油互阿明啦」（老板，你加五公升給阿明啦）
「這回咖八立，頂回咖五立，這回比頂回加咖三立」
（例）放 hong 3 放棄，放心
bang 3 攽尿，攽粉鳥
kng 3 囥物件，囥書
（劣）物件放佇桌頂，佐汝放心，無要緊啦，我袂給你放粉鳥啦！我袂放棄啦，你勿放外外呢！
（優）物件囥佇桌頂，佐汝放心，無要緊啦，我袂給你攽粉鳥啦！我袂放棄啦，你勿攽外外呢！
△以下是介紹一些台語破義字，為儘旺做到常用字”一字一音”而努力，（當然也有些老漢學家，並不同意，他們表示，漢字是神聖不可侵犯的），如欲進一步資料，可查筆者相關書冊。
ziap 接手，接合 ten 天才，天子
接 天
摯接，摯批 tin 好昊，昊邊

daa 擔水，擔起 放心，放棄
擔 放 攽尿，攽手
重檐，檐仔麵 囥物件，囥書
（笪）

zu4 原子，公子 zi4 粿籽，瓜籽 ze 这是，这無
子 gy4 囝兒 这 zit 這款，這擺
gina 囡仔 zia 即尼歹，即尼好勢
a5 桌仔，杯仔

bat5 離別，分別 siau4 少女，少將
別 少
bat5 仈人，仈款 zior4 尐數，贅尐

ge4 假貨，假仙 sing6生理，生活
假 生 sii 甡孖，甡腸
ga5 放暇，暇期 cii 青石灰

cia5 刺胖紗，刺查某，刺痒
刺 ci3 莿桐，紅花刺仔，莿竹，莿激
cak1,3 去棘著針，看落正莿棘

gong4 講話，講和，講暢
講
gang4 冓演，冓習，幵冓

lang2 好人，生理人，人材
人
lin2 仁材，愛仁，婦仁人

ga 公家，國家，家庭
家
ge 公傢，頭傢，傢私

get 結論，結束
結
gat 袺彩，中國袺

ba5 百萬錢財
百
bek5 佰齡五路

niu4 斤兩，足兩
兩 nng6 咱二人，二擺
li6 貳嫂仔，貳貳捌事件
niong4 文武倆全

關渡地有三个全國性ｅ知名機構，伊叨是關渡媽祖廟，關渡自然公園（水鳥區），關渡藝術學院。遙想三十七年前，我初到台北大同中學入學ｅ時瞬，開學自我紹介ｅ時，我講”我按關渡來”，全班競然無一人知影「關渡」是啥乜碗膏，哎！这叨是時代進步矣，毋閣關渡進步是進步，這聲太進步，原來ｅ水土保持、鄉土民俗文化喪失，大量外來人ｅ侵入，宛那悲哀呢！