-
島戀
我來告辭著，長年來束縛我家己ｅ地牢禁界，我欲來求超生安呢甡，這擺ｅ告辭，是按算欲來走尋心靈ｅ軌跡，定位性命ｅ座標，佇這个坎站，真正是咧拚注跋氣魄組兮，咱茲大大細細ｅ映望佮理想，攏噯佇這回ｅ告別當中，互伊好勢，我必須揮別ｅ，是迷失，鬱卒佮威威鑽ｅ悲情歲月，我毋知影伊欲掣（cua3）我去佗位，抑毋閣心肝頭掠在在，叨是佇逃避現實佮潦落捙拚ｅ返捯中間，我性命ｅ地基，定著噯先叩落來擱重新來來，互伊人去另外一个境界安呢甡。
ｅ瞬，我又閣一擺，簡那看著我家己，搪咧du3佇江河ｅ流中，安呢vokle vokle，四界ｅ捲交螺暗流倚來，我壹直咧滾弓（掙扎），pe性命泅返來江墘仔，時間過了真慢，有影強欲大喟喘袂離，这期間，心靈ｅ腳鐐手銬，束縛著我ｅ思想，封鎖著我ｅ感情，这純然是意識轉變進前ｅ一段試煉拖磨，欲潦落刀山火坑時瞬ｅ艱苦坐卦安呢！
試看覓ｅ，想欲去描繪心靈ｅ圖樣，一幅咱这實在兮佮空殼兮，交纏ｅ內心世界，伊宛那有袂ｅ神祕，怪奇參佇內底叨是我佇家己ｅ心室內面，踮彼款真正青份又閣熟似ｅ抽象地界想來想去，續落於瞬呤，叨袂輸簡那起童起痟仝款，殘殘給潦落相思海，安呢浮咧沈咧，叨毋捌赫尼喔哫佮乏搭，一幵始，我叫是奚是臨時ｅ症頭－安呢恬恬來，又閣恬恬也去，「欲來無張弛，欲去無肖辭」！漸漸於瞬呤，彼款感覺，袂輸簡那蛀蟲宓佇體內仝款，頻若孤獨希微ｅ時，伊叨開嘴咬牙切齒喫肉吸骨，落尾也呤呤，規粒頭殼安呢白白霧霧袂清楚，看起來無定著是佮情愛去著頂腹蓋ｅ款呢！
閣茫茫深溜溜ｅ欲望，給我ｅ心肝筴去配矣！毋知吓去犯著天吊神？這時瞬我驚驚未返歡喜，對伊加減有一瞬浪漫烏白想哩！佇暝半夢回ｅ時瞬，lang4著一位禁區安呢，我給伊偷看暗中思念，歡喜激動，真正心肝咧彈瑟琶，安呢大好大醜，有時風微微雨噴噴也，有時大風大湧嚬嗙叫，叨無論按怎，心肝爭仔總是一瞬一瞬去，叨準講心情閣卡束縛隱忍，宛那袂洗清罪惡ｅ念頭安呢甡。
昨暝夢魂ｅ噹中，外口大雨pipe叫，我洶遂來覺悟，啥乜叫做重生ｅ惜疼，暗暝真正奧祕，伊親象化做一片ｅ批嘴舌，沐著我一身軀ｅ汗，我簡那經過一場ｅ惡夢，逐暗攏咧走路安呢。親象一匹幻影ｅ野獸，唗甲臹，過闊茫茫ｅ平埔，跳過真深ｅ坑崁，我嘴齒筋咬哩，含心命壹直拚對頭前去，頻若追一暫仔了後，叨有影大喟喘袂離呢！這个時瞬，真嚴厲ｅ自責之心，自那絲絲逶心肝內vok出來，我宓佇壁角，雙手安呢掩面，驚光，畏寒，驚罪。
呾春景著我ｅ心肝，叨安呢，佇早暗倒，浮浮顛顛ｅ時瞬，我ｅ面腔鼻目嘴仔，又閣gng4入去戇神躇躕，驚惶，時光是踅甲匼匼強欲喘袂離，我依原規身腹來映望伊ｅ存在，吓凍給我逶苦海救起來！ -
鞍馬山森林公園
台灣所在，真艱苦，到底佗位是上好勢ｅ避暑勝地？咁是阿里山？咁是太平山？是溪頭？草山？……咱來給斟酌參詳一下，逶每一个角度給，看位卡妥當，这个年頭，隨人攏真手，若講著風景區，苦毋講一个深山野趣，人罕景嫷ｅ獨門勝地，逗逗也來享受安呢。
人咧講「俗閣大碗，加減痟貪一下」，若準汝欲知這枝明牌，佇茲小弟給汝偷報一下，咱台灣地ｅ第壹避暑勝地，正正叨是「台中鞍馬山森木公園」叨著，佇搪辣ｅ時瞬行行一，保證汝醉閣飽，爽甲互汝叫毋敢，咱鞍馬山這張股票，逐工咧大起安呢甡。
咱茲好朋友加減吓問，佮有倘排第壹名以上，是按怎咱自來叨毋聽過？我看这叨是運途袂順ｅ關係，連肖續ｅ「陰差陽錯」，顛誕硬逶伊給拍入去冷宮仔，真正吓互人捶心肝，安呢無伊法叨是無伊法。
頭一點是地號名，號了無妥當，明明是「鞍馬山公園」，抑毋閣官方叫伊「大雪山森林遊樂區」，汝給看覓，這二粒山相差三十外公里，往回噯行二三工，地名古，有影竹篙逗菜刀，目睭花花，仔看做菜瓜，人咧講「名不正則言不順」是欲按怎對外宣傳？
閣再來，位森林公園，是屬林務局來界管ｅ官方色彩真重，地方iap避名聲袂透，顛倒逐傢好空，「人少事少」上好勢，另外佇遊客方面，看著暗中歡喜著，私下秘密玩賞，無噯對外宣傳，致使講知影ｅ人臹叨著。
上不幸叨是，大雪山遊樂區，伊包含著鞍馬山公園佮小雪山天池，一般ｅ遊覽車，為著停車利便，攏噯停踮景色卡醜ｅ小雪山天池，安呢來者，中途ｅ鞍馬山公園，做尿所在爾爾，搵一下豆油叨走矣，根本叨毋知影講，內底猶有世外桃源勝景絕世叨著，安呢空入寶山，有影真無采叨是。
鞍馬山森林公園，離台中東勢鎮43公里，沿卡車大雪山林道直上，路面真好，大車細車攏無問題，毋閣伊ｅ護欄護石卡尐，噯真細膩駕駛。規ｅ公園ｅ精華地區，叨是內面有2,800公尺ｅ森林步道，伊有幾多項優點，是其他「避暑勝地」所袂著ｅ。
第壹步，伊歇辣ｅ效率真讚，拔海2,275比平地降十三度，涼甲吓哭，毋是遐降六七度抑是八九度倘來比憑兮。……第貳步伊ｅ生態系統真正活潑，除了原生ｅ檜木扁柏以外，各種類ｅ蟲蝶青苔，花蕊，腐植土原生動物，閣卡是全省十大賞鳥名勝之壹，規公園鳥仔聲蘭花味，互汝醉閣茫叨是。第三步上介要緊，伊有2,800公尺ｅ森林步道，是檜木扁柏ｅ原生林，樹景大叢而且形貌彎彎蹻，真正磊斗真正嫷形，这佮溪頭奚直直柴柴ｅ柳杉，是無仝款滋味，伊讚叨是讚，有影互汝袂鐵齒咧！
除了公園內ｅ森林步道以外，另外有一寡真嫷ｅ景色，嘛真值咧我來紹介，伊正正叨是本公路里程碑，大概25到40公里之間這段公路景色，逶海拔1,400到 2,000公尺，山景清幽起磅，一四界烏樹林原始森林佇面頭前，山景遠遠拄天邊，山泉水淌貢貢流，不時嘛飛來一瞬瞬薄霧，宛然是天界仙景，各位咱茲仙覺老大哥啊！汝叨毋倘踮車內啄gu（瞌睡）呢，上好是吓凍不時落車，一下仔空氣，一下仔相咧，尤其是透早奚鳥仔聲啾啾真正互汝著心肝穎仔。
本公路坐位佇大甲溪ｅ北爿，對面南爿ｅ中部橫貫公路，是遙遙相對，隔壁親傢，光景一下看煞，心肝頭一瞬ｅ絞滾，真正互人感慨萬千，因為本公路，森林水泉山景鳥聲是詩情畫意，抑毋閣對岸中橫ｅ梨山福壽山咧，安呢「窮山惡水」山石暴露草木，過度開發土石崩落，實在臹害……我迭迭咧幻想著，若準三十外年前，無來開發梨山福壽山果菜園來講，這嗎福壽山彼遍平地，定著是大樹森林水泉花芳宛然仙境，毋知欲外好ｅ，也叨仝款佇仝一條溪流ｅ南北爾，尹ｅ生態應該是壹致才著哩！
本公路行到43公里附近，吓看著一間真正嫷ｅ派出所，伊ｅ身邊叨是鞍馬山莊，裏底有套房七八十間，足有派頭ｅ，咱拄乍所講ｅ 2,800米森林步道，叨是沿山莊來一（繞一圈），身邊嘛有二條小支線，逶山莊抑是派出所邊入去攏吓使，真正方便哩。這2,800米ｅ森林步道，普通人迭迭犯著二項毛病，其一叨是為著趕時間，安呢稱稱彩彩點外鐘呤呤叨拚完矣，拚甲pipe喘，真拍隕安呢！另外一點叨是干礁去小神木遐爾，其他ｅ環山步道壹概放棄叨著，實在是空入寶山，「暴殄天物」有影！
咱先講到環山森林步道，攏總2,800公尺，毋倘安呢頭殼纍纍，齒筋咬咧拚甲pipe喘，干礁點外鐘叨稱彩準過去，拜託咱鄉親嗣大，逐傢壹定噯用3～4小時，一步一步溫溫也行，慢慢也看，事事項項給研究，互伊幼秀盡磅逗搭，安呢才袂來辜負天公伯仔ｅ好意，汝給想看覓，仁生即尼短，罕咧有這个機會來茲行踏呢！噯行一下卡詳細ｅ，卡有夠本。
欲按怎詳細來給行踏欣賞？我想每五十公尺ｅ所在，汝叨噯給停落來，研究研究，觀看樹景青池、地景、花卉、鳥類、蚜仔、山溝、坑崁、石、雲霧……等等東西，雙手捧來逐項好，互汝爽甲叫毋敢……資料無限，心適互汝掠掠著，咱這條林道因為是箍山莊，袂盼見啦，安啦！
公園內底有一位小神木，身邊有坑崁、暗暗、水淌（瀑布），鳥聲水聲呼呼叫，氣氛情調真讚，全省ｅ高山神木，無一位即尼嫷ｅ，這欉神木ｅ胸徑3公尺，懸度38公尺，估計15萬公斤重，伊ｅ景色「詩情畫意」全省第壹。
本風景區佇小雪山遐另外有一欉大神木，簡那大箍呆ｅ，樹景單調，礁礁柴柴袂起磅，親象大煙筒安呢，我毋是講伊無好啦，實在是看了暗坑小神木後，閣再看大神木ｅ時瞬，叨親象看一場選美大賽，閣再看烏人籃球賽仝款，氣氛情調叨kimo袂喨哩，老Ｋ咧講「如寒天飲冰水，點滴在心頭」。
無毋著，咱鞍馬山遊樂區，加減嘛有真贅真贅ｅ欠點，而且症頭亦真大條哩！今年暑假某星期四，我有專工就山遊覽，發現著福利社嘛無開，林業博物館嘛無開，咖啡室嘛無開，小雪山遊樂區入口嘛鐵鍊鎖ｅ，亦袂開，亦袂開，有影kimo臹袂爽ahe！閣再來森林步道客欠指標佮地圖，行佇內底是暗天無日茫茫茫，有影臹驚惶，另外咱森林步道ｅ路基甚醜，崁崁苛苛，應該整理出500公尺卡平整ｅ，倘互老大人來行踏，互伊好勢安呢？
旅館區ｅ小木屋嘛噯注意改善，噹是仔我佇一月日進前來訂房ｅ時瞬，我有指名噯致新砌好ｅ大雪山賓館，抑毋閣訂位ｅ姑娘仔講，改訂小木屋卡好勢啦，我想想ｅ，橫直加幵三五佰箍爾，蹛卡爽ｅ加用錢無要緊啦，自那訂小木屋。
無想著一月日了後，到鞍馬山莊報到ｅ時瞬。才知影代誌大條矣！真費氣啊！我所訂ｅ小木屋，並毋是壹般風景區三千外箍彼款厝，伊干礁是1,300箍爾爾，我當場面烏一半，驚一下腳尾僬冷去，這聲失志帶衰，暗是欲按怎渡過才好？一个心肝攝，面仔青恂，行到小木屋區呤呤，看著一四界大樹纏盤，小木屋紅青艷姿磊斗，閣卡是煩惱入心肝，竄筋入骨威威鑽，也叨下晡四點外矣，彼七八間小木屋，猶無人搬入去蹛，哎！咁是…咁是…
嘴齒筋咬le，殘殘行去入，電火一下開，好佳哉情形袂醜，房間真闊，眠床嘛大間，衛生間嘛袂醜，燈火臹，水源瓦斯嘛大，厝窗外口是「巨樹成林」，猶看著一隻膨鼠咧，安呢詩情畫意，醉閣茫，互汝爽甲叫閣敢叨吓哦！在場ｅ情形，除了垃圾筒佮床單以外，普普也是有合標準啦，嗯才心肝頭卡另，這款俗閣大碗ｅ所在真讚啦，咱做人噯公道，毋倘烏白給人嫌啦！
抑毋閣，到暗時ｅ時瞬，空縫來矣！我佮後甡攏有鼻（鼻塞）ｅ症頭，山頂所在天冷症頭夯深，嗯才於是呤佮囡仔約束，我自點鼻藥佇眠床頭，半暝若是鼻空袂通ｅ時瞬呤，才家己去提來噴叨好勢，無外久，自那關燈歇睏……
差不多一點鐘ｅ腳兜仔，我聽著眠床頭有咧「沙沙作響」，我掠做是囡仔起來提鼻藥咧，無想著目睭一下搌開，洶洶遂心中大驚一，明明囡仔猶睏甲好勢好勢，根本叨無起床啊！拄好佇這个時瞬「說時慢那時快」，有二隻烏烏ｅ物件，可能是大隻蟑螂或者是小鼠，快速佇床頭小桌仔偷食物件，忽然間洶洶閣逶我目鏡身邊傱出去「一溜煙」甲無影跡矣！「尹俍客兄公卡好啦，是咧？」
驚一下褲底加斤外重，趕緊起來開電火，事後想起來，宛那猶真驚惶，呾半暝呤呤，萬不利有細隻齧鼠，踮汝ｅ嘴頰給汝咬一空，這聲叨破相矣慘柳柳矣。所以飯店佇這方面噯卡注意一絲仔。毋倘互人客甚過了煩惱，來辜負即尼好ｅ小木屋風景，因為伊厝前厝後攏有大樹實在真嫷安呢！若是欲解決這个問題，以我ｅ經驗，用粘紙上介有效，暗時囥粘紙佇通道，透早來收叨好勢，另外一點，暗時電火開咧睏，有卡放心。
鞍馬山莊有一點真互人懷念，叨是伊餐廳ｅ手藝真正出色，菜色真好食，佇茲我食著一世人上好食ｅ滷牛肉、蝦皮白菜，有影讚叨是讚，連囡仔兄叨謳咾甲吓觝舌安呢，比我舊年去霧社××農場，暗時餐廳罷工，逐傢腹肚來講，加臹好勢安呢。咱鞍馬山莊ｅ餐廳有時間性，其中有一位外省口音ｅ服務員，身材軂軂矣，客客氣氣待人熱忱有禮，我真正佩服。
朋友，咱台灣高山ｅ風景真嫷呢！來啦！給行一鞍馬山啦，上好ｅ時機是六月尾七月初，尤其叨是6月 20左右，原因家己去想叨知，頭一工下晡落豐原，蹛一暝，第二工透早坐計程車拚到鞍馬山，一路遊，九點到山莊了後，開始參觀佮行步道，十二點返來餐廳吃飯，下晡一點落山，三點到東勢，坐統聯返台北，嘛才五點半左右爾爾，另外若有欲過暝，我樣也真贊成，雖然小木屋ｅ設備普通，抑毋閣伊外表ｅ景色足嫷ｅ，大樹高山紅瓦，鳥聲，膨鼠，佇台灣ｅ小木屋，無一个所在伊吓著安呢！ -
和平島食海產
雞籠（基隆）所在，佇和平島食海產，互我真正念，各位咱茲鄉親道友，若到雞籠ｅ時瞬，才稍參考一下。
雞籠，這个地名真正心適，毋閣一百二十冬前去互china外省官改名叫「基隆」，台北人唸，本地，伊有真贅好ｅ所在，親象暖東坑崁、仙洞、荷蘭城、仙公廟、皇帝殿、老Ｋ公園、十八羅漢洞，伊宛那猶保持真贅古早樸實ｅ一面，干礁有一點卡遺憾兮叨是，廟口ｅ夜市已經無二三十冬前忠厚赫赫尼好矣（去互伊騙幾羅擺，有影愈想愈ut卒）。
雞籠市食海產，袂使佇廟口食，这是頭講過ｅ代誌，於瞬呤，噯踮佗位食？有二个所在，恁吓使考慮一下，其中之一是本文所講ｅ和平島海產，另外一位是八斗仔海產，这攏有人紹介，才袂行毋著去。
八斗仔海產店佇八斗仔漁港附近，有官辦佮民間二大系統，官辦兮因為租金ｅ關係，價錢有卡，毋閣伊ｅ坐位卡好勢，外位人台北暢ｅ，橫直是無差啦！「仁傢」就是一般民間佇漁港倚濱海公路ｅ所在，尹家己所經營ｅ海產店，尹ｅ價賬有卡he6，毋閣呢，貨色卡，選擇ｅ機會嘛卡尐安呢！有一擺佮朋友去八斗仔民家ｅ海產店去吃，尹對龍蝦ｅ作法無倘咱ｅ意，風俗食法，攏無仝款真贅，咱台北ｅ食法，差不多攏統一做快火醬爆佮清蒸二款，也叨龍蝦大隻閣厚殼，真歹料理，各所在ｅ功夫無仝，噯稍給注意一下，總講一句，到八斗仔憩陶，除了去附近看「望幽谷」ｅ坑崁名勝以外，叨是佇港邊食海產，毋閣八斗仔ｅ漁港淺，「淤沙太多」無啥乜好齣頭安呢，以我私人ｅ淺見，八斗仔並無講真好真好食叨著。
佇另外一方面，和平島叨真好遊覽，真好”後”食海產，有影互汝真擻念哩！佇茲有影愈想愈佮意，講到嘴笑目笑安呢。先坐一號ｅ公共汽車到和平島ｅ皇帝殿去遊覽，皇帝殿有真贅怪石真心適，而且伊有海水游泳池佮海水釣場，當場吓使看著釣小型海魚ｅ心適，尤其是囡仔兄，攏真興這味叨著。
皇帝殿遊覽區，差不多二點鐘以內叨耍吓，有一條代誌噯卡注意ｅ，叨是拜託汝佇現場毋倘食麵、飯、麵包、肉粽（汽水嘛儘量少飲），逶腹堵留落來，卡停也欲來吃海鮮，抑若無者，到時瞬，面對滿桌ｅ海產，食袂落腹，叨真拍隕安呢甡。
逶風景區皇帝殿，行返來雞籠市，佇和平島佮基隆本土有一板大橋，沿大橋ｅ北方有一條巷子，約四百公尺，專門咧賣海鮮店，叨是聞名全基隆ｅ「和平島海鮮街」，到和平島，通人嘛知影這个好所在，若是台北來ｅ人客，恁佇基隆火車頭，吓使一台計程車到和平島「過橋正爿巷仔這是」落車，一瞬瞬海風吹來，真舒爽安呢，來和平島食海鮮，以冬春卡好勢，燒因為甚燒辣，食甲滿身重汗無趣味啦，另外冬春ｅ魚，尹ｅ油脂卡厚卡肥，一般講口感卡好食叨是。
這畷海鮮巷長度差不多有四百外公尺ｅ腳兜仔，第一階段，先參觀各魚笪仔，看各式各樣ｅ魚產，尹大部份攏飼活ｅ，互汝上一課上複雜上趣味ｅ海產課，互汝看甲目睭，有影爽甲叫毋敢，佇這个所在，汝吓看著活ｅ”花飛”踮桶內咧來趖去，活ｅ墨賊軟絲花枝，咧泅水吐烏墨，大大細細ｅ蝦類，真正讚叨是讚，這个所在，真正是全台灣上好上好看ｅ海洋世界，真正謳咾有著，佇茲我洶洶遂想起咱士林夜市仔邊有一个「啥乜世界」，無三無二，十外尾魚叨收門票三佰箍，有影食人哦！
第二階段叨是實際點菜食海產，本海產巷ｅ後半段，大概有二十外間ｅ海鮮店，現場烹煮真贅好吃ｅ料理，伊ｅ價，無一定真俗，毋閣尹ｅ物件真（新鮮），做工火候嘛真幼秀，三个人仟外銀，叨食甲肚仔圓遴遴，爽甲叫毋敢，茲ｅ海產店有二點噯特別注意，頭一點叨是食物ｅ時間，介好是2～3點（下晡）彼時瞬人客卡，抑若五六點暗頭仔ｅ時，人贅物雜品質定著卡醜，另外一點叨是叫菜拜託汝用台語發音，基隆因為早前228關係，咱茲在地ｅ老大鄉親對……干礁表面上ｅ親切爾爾，有影真歹剃頭，这是我佮遐ｅ人暗中幵冓所了解ｅ。人咧講「入鄉隨俗，入港隨灣」，青份地界，有時瞬咱主動請教，無定著對方嘛吓透露一絲仔尹ｅ看法安呢！
關於和平島食海產ｅ問題，我是真正推崇，抑毋閣宛那有人反對，尹講澳底卡好啦、八斗仔卡好啦、淡水卡好啦、大溪卡好啦！實際上依我「食遍四方」ｅ感想，樣也是和平島上介好勢，伊「看」閣「食」閣「欣賞」附近皇帝殿ｅ景色，實在臹讚叨是，咱茲台北ｅ朋友，坐車到基隆了後，計程車，一百外箍叨到位點有影真方便叨是。
佇茲順續講淡薄也食海產ｅ經驗，佇台北附近食海鮮，上第壹下消ｅ所在叨是「××魚港」遐，我歹勢講名號。
我佇舊年春天，工駛車去給交關，伊離我ｅ住所有三十外公里遠，彼工駛車去，到小雞籠ｅ時瞬落著雨毛仔，天氣青冷，駛到漁港呤呤，有咧賣海鮮，伊ｅ貨色無贅，落尾仔稱彩一間來食，煮規晡煮袂出來，先捧一碗飯出來，簡那三十外年前ｅ飼料雞米糠飯咧，真歹吃真歹落喉，另外一尾海魚烘甲臭焦去，碇硞，彼碗魚仔場又閣甚鹹，連調味叨創袂好勢，規桌頂干礁彼缶百事可樂袂醜，有影臹悲哀矣哩嘿！
另外一个朋友我講，伊講過年時仔，茲ｅ生理佳，人擠車擠，品質閣卡慪搭，伊ｅ加工費壹律一百箍，「齊頭假平等」安呢無啦！水煮嘛一百，真複雜爆醬嘛一百，安呢逐傢嘛欲做上簡單卡好趁，致使「劣幣驅良幣」，一崁輸一崁，尹ｅ海產水準日日落坑，應著「天下無白吃ｅ午餐」鐵律，真正拍隕安呢甡。
歹勢，寫到茲有影離開本題甚遠矣，總講一句，台灣北部ｅ海鮮，欲食海產免位，單單咱這位和平島橋旁巷上介好勢，讚叨是讚，佇茲我汝偷報一下，保證互汝爽爽，互汝爽甲三暝三日叨念哩！ ( 後記: 本處最近已被 碧沙魚港 追過去 ,生意大不如前 ) -
竹林寺佮添丁廟
台北市雖然是國際性ｅ大都市，毋閣伊有一項真大ｅ欠點，叨是伊上無台灣味，佇茲，咱無法度看著，台灣人ｅ生活博物館，这顛倒噯去彰化民俗村佮辜氏博物館才看有，台北人實在真悲哀，台灣人ｅ迓鬧熱陣頭，佮是佇交通ｅ因素以上取消，規ｅ台北城，袂輸是北京人ｅ殖民地，袂輸是美國人ｅ腳架仔，汝給看，一个國家ｅ首都，竟然無法度看著家己ｅ文化，台灣人，尤其是福佬人，真正是衰甲種匏仔甡菜瓜。
嗯才ｅ時瞬呤，佇頂回選市長ｅ時瞬，咱有真大ｅ映望，看有倘來民選一个本土政權，來代替某乜政權壓力，看有法度選一个真正ｅ台灣人，佇公共場所大部份講台灣話！親象香港人安呢，攏是以廣東話為主，無欲講北京話仝款，頂回咱民進寫有謝長廷佮陳水扁欲選市長，身為台北人ｅ謝先生，禮讓下港方面ｅ阿扁來選，逐傢和齊逶趙少康請落來，咱寄望著本土政權陳水扁推動台灣文化、台語生態……。
結局於瞬呤真悲哀，咱頭兮無欲本土化，壹切外省化，伊做出三點真奇卡ｅ代誌，互咱心中真ut卒，頭一項叨是，伊佇公共場所，或者是記者訪問場合，或者是政令宣揚時，攏壹律用北京話，真正看輕家己ｅ文化，所謂「台灣話」，干礁是咧騙選票爾爾，汝看，一款語言若是無法度佇公共政令遐出現，互人縮佇灶腳便所咧講，這款話語ｅ族群，叨是互人看無到重，身為台灣人，尤其台灣精英，汝連家己台灣話叨無欲支持矣，安呢台灣話欲哪有前途叨好！
第二點咱頭兮最近佇國校方式辦雙語教學，教外省北京話佮外國英語，哈哈，逶台語生存ｅ空間完全抹殺，台灣台灣人，真正互汝意料袂到，第三點叨是暗復節ｅ問題，每年ｅ 10月25，這工暗復節，連國民黨這款老Ｋ，叨咧假仙假dak，來做一寡民俗節目，電視挑工講台語、鄉土歌，咱市攻府方面，早有人思考佇大佳河濱公園，來做台北市古亭民俗藝閣來遊行。（因為普通時仔交通甚醜，真尐咧做），一絲仔台灣味咧，無疑悟頭傢伯仔無心適，伊噯心適做「唐朝ｅ拔河」、「漢朝ｅ踢足球」、「周朝ｅ啥乜碗膏…」向偉大ｅ祖國跋感情交心，簡那食著仈人ｅ符仔路仝款，結果於瞬呤，馬上拔河馬上斷手，互頭傢無法度向「唐明皇」請功，这叨是台灣天公伯仔ｅ厲害，萬善同歸ｅ厲害，茲陰神鬼魂，規陣ci3倚來角，有影真正互汝袂鐵齒咧！
也叨由咱百姓所支持ｅ台北頭，無愛支持本土文化ｅ關係，致使著大台北七百萬人，叨噯去附近ｅ縣市一寡卡本土性ｅ物件，真好佳哉，佇天公伯仔ｅ致蔭以上，咱尋著一角台灣文化ｅ「殘留區」，雖然伊ｅ格調無講真正高級款，毋閣伊是上介真實上介正港ｅ台灣文化縮影，伊叨是觀音山系ｅ三大廟系統，分別是內巖凌雲禪寺、林口竹林寺、八里添丁廟安呢甡。
內巖凌雲禪寺，伊坐位佇觀音山半腰，海拔300公尺腳兜仔，卡早若欲觀音山，汝叨逶台北坐公車，經過成仔寮，五股到觀音山站，再閣行一段崎到凌雲寺，伊好是跁觀音山ｅ一半路，現主時車吓凍直接駛到寺廟ｅ停車場，跁觀音山簡那咧跁圓山天文台咧，加臹方便叨著。
凌雲禪寺不止有台灣味，伊遐ｅ特產是綠竹筍、樹梅、石材，另外廟前ｅ巨榕佮廟後ｅ原始森林，互人印象深刻，我自初中開始，每3～4年叨吓去拜訪一擺本寺，尹茲ｅ尼姑真正仁慈客氣，亦吓主動捧茶互茲人客，仁情味十足，佇這个「世態炎涼」水底無一位燒ｅ現實社會，已經真罕咧看著矣！現主時因為交通甚利便，公路直入廟，致使附近加真贅土雞仔城，透早嘛真贅人駛機車來空氣，連小販笪仔賣香腸汽車嘛攏倚來，所以素質已經落坑，氣氛無好，噯稍忍ｅ，凌雲寺ｅ後山有一危岩，真嫷，毋閣宛那真危險，佇二年前後面石崩山，佳無砥死人，最近行情卡無古早好。
續落ｅ瞬呤呤這二間廟仔，叨是本文ｅ主題，一位是佇林口舊街ｅ竹林寺，主伏祀觀音媽，另外一位是佇八里荖阡坑落來，西濱公路佮八林公路ｅ三角窗「廖添丁廟」叨是，這二位樣也保持著真厚真純ｅ台灣人民風心適，尤其是例假日或者拜拜鬧熱、趕集、閣卡是仁山仁海，氣氛至揚，互汝感覺做台灣人真有福氣、真有格調，各位咱茲鄉像仔，若有時間，這二間廟仔才去給行踏行踏一下，保證汝醉閣飽，爽甲叫敢安呢！
林口鄉ｅ竹林寺，倚舊街這，欲去golf球埔ｅ附近，占地五、六甲，伊ｅ心適有三款，第壹，伊廟前ｅ櫻花樹林，第二，伊頻若舊曆初一十五，逶透早六點到中十二點ｅ趕集活動，附近ｅ商販鄉土器材，攏吓凍踮這位推銷，「盛況非常」人擠人，擠甲吓出油去。
第三款上要緊，不而顧呢，現主時已經這欲消滅去矣！政府ｅ政策錯誤，害百姓雙頭無一敖（兩頭落空），有影真正互人怨歎。卡早佇禮拜日去竹林寺，拜拜燒香是其次，上要緊叨是去看鬧熱滾滾ｅ「攤販集團」，竹林寺ｅ攤販集團，規模真大，各種大食小食俱備，人群佳繹鏘滾，燒煙彌漫，家家戶戶坐甲滿員，起喚落全全台語聲調，逐擺去，腹堵食甲真飽，目睭嘛看鬧熱看甲真歡喜，我有聽著一个老阿伯（八十外歲）咧講，伊講五十年前ｅ艋舺龍山寺面前ｅ「攤販集團」嘛是安呢，吓駛講竹林寺ｅ「攤販」盛況，真正是活化石，互人時光倒返到光復來ｅ時瞬佮城內仝款。
抑毋閣呢！真不幸呢！这二三年以來，政府為著欲「落實環境，整頓攤販」起見，逶舊ｅ笪仔集團，完成拆除，另外新砌美倫美奐ｅ「小吃專賣區」，這聲反效果，新ｅ小吃區，馬上生理”一落千丈”，變做「小貓二三隻」爾，聽講內底閣貴閣醜，無人入去交關，汝看，林口離新莊、台北嘛才二十分鐘ｅ路頭，根本無人欲去領教安呢！這二三年我來竹林寺ｅ時瞬攏真感慨叨著，壹直咧回想十年前ｅ竹林寺笪仔ｅ風光。
北京話咧講「峰迴路轉，柳暗花明又一村」當我咧ut卒怨歎呤呤，忽然間一瞬ｅ金光，噹是仔佇八公里外ｅ所在，宛那猶保存真鄉土性ｅ廟宇文化，叨是八里ｅ廖添丁廟，伊ｅ香火禮拜日互汝吓驚一，互仈間廟寺真正怨歎叨著。
逶林口ｅ竹林寺沿八林公路途中經過林口高爾夫球場，轉幾多个大彎，海拔降到海平面無外久ｅ當中，咱ｅ主角廖添丁廟「漢民祠」，廖添丁佇1909年死踮附近荖阡坑，所以墓園囥佇茲，廖添丁廟ｅ食笪足贅ｅ，而且有真贅海味，烘柔魚、麵擔、米粉…，互汝看甲目睭肖犮，苦毋講腹堵加大一倍安呢，伊ｅ規模無卡早竹林寺大，毋閣無魚蝦嘛好，加減一矣，宛那袂叨是。
文化ｅ物件，是一个族群慢慢醞釀造成，这無法度用金錢買ｅ，亦無法度用政令來統一ｅ（尤其是外來政權當道ｅ時瞬），今仔日廟宇文化ｅ笪仔盛況，表面上看起來，臹無水準臹無高尚，抑毋閣伊是台灣人這四百外年以來ｅ民俗傳承，伊叨是伊，安呢叨是安呢，汝講伊無水準，毋閣佇百姓ｅ目中，汝老Ｋ想欲猶學袂落來呢！這句話包括民進黨ｅ頭兄，無定著想袂通咧！
「烘爐地」是大台北地區ｅ旅遊勝地，汝若是長年蹛佇台北附近，而且猶去過，拜託汝馬上坐計程車，一百外叨解決矣，目的地是「中和市興南路2段烘爐地土地公廟」，上好是暗頭仔（傍晚）下晡四五點去，暗暝才閣返來，吓看著求明牌ｅ盛況嘛無。
这叨是「官方」佮「民間」差別ｅ所在，咱長年來受著老Ｋ官方咧神經，若講著台北ｅ名勝古跡，通人攏講國父紀念館、蔣公廟、物物園、龍山寺、圓山飯店…，根本叨毋知，佇民間文化系統，另外有一寡真好ｅ所在，尹真罕咧受媒體ｅ紹介佮重視，親象今仔日所欲推介ｅ烘爐地，叨是一个真明顯ｅ事例，互汝知影民間方面另一面ｅ牛角（特徵）。
烘爐地，正名是「中和市興南路2段尾興南宮」，徛佇中和市街，叨吓凍看著山頂有一仙土地公，正正叨是啦！烘爐地伊ｅ規模真大，平平中和ｅ圓通寺來講叨差伊臹贅，伊ｅ停車場佇山頂，規模有闊，差不多吓便停一百外台車，伊山頂上懸ｅ所在，夜半暝深，十二點外，不時有人咧求明牌，另外相命仙賣食ｅ，暝半鬧熱滾滾，互汝想袂著，是毋是因為伊佮「求明牌」有關係，著真贅傳播媒體，無噯報導，这我叨毋知影啦，不而顧呢！求明牌好醜勿講，伊確確實實是一个存在ｅ現象，咱給關心嘛是應該，嘛是有好無歹ｅ代誌。
台語文化咧叫地號名、真正心適叨著，仝款是「盆地」，台灣話甲真詳細，「大湖」叨是大塊盆地，「烘爐地」叨是親象烘爐仝款，是「前有缺口，三面環繞山嶺的平坦地」、「面桶寮」叨是四面圍死ｅ純盆地、台灣話有讚？台語ｅ台地叫「戲埔」有趣味否？台灣話「峽谷」叫坑崁，大峽谷叫粗坑，巨樹成蔭叫暗坑，尾也互老Ｋ誤改安坑，長滿楊梅ｅ峽谷叫「樹坑」。
欲去烘爐地憩陶，上方便ｅ方法叨是家己駛車，逶南勢角向山邊駛去，沿興南路，叨吓看著山邊ｅ大仙土地公，伊是全台灣上大仙，到興南路2段，叨接環山道路，安呢九彎十八，互汝駛甲青頭黃目，駛到山頂ｅ時瞬，忽然間「豁然開朗」一大遍ｅ停車場佇面前，身邊有大仙土地佛，另外有階仔二百外階直上山頂興南宮（正土地公本廟），若是家己無駛車，叨包一台計程車，算時間，上好是暗頭仔到昊暗，二三點鐘包括停留，賞景三兩好友，攏總一千箍有夠啦，去烘爐地上好是普通時仔，暇期人甚贅無心適，去本風景區，請汝注意下腳ｅ景緻。
半山腰ｅ九彎十八斡真崎ｅ公路條公路佮汐止仙公廟彼條崎路，有一絲仔仝款，宛那有真贅無仝款，咱心肝內加減吓想，「本路彎即崎即闊，到底伊庶當時ｅ產權路權」是按怎申請出來ｅ？順續吓參觀半路ｅ一寡佛寺。
山頂大停車場噯「細細品嘗」，全中和市吓駛講是寸土寸金，連停一台機車攏真困難，按怎佇山頂ｅ所在有即好勢即大遍停車場，避開星期例假，茲是上好勢ｅ溜冰所在，各位好朋友，毋倘袂記溜冰鞋順續去哦！
「屬高臨下」景觀大欣賞，超級立體ｅ烘爐地型，山景真正壯觀，樹木真正茂，互仔心情真蘇爽，本來佇地圖上有墓園，心中真驚，不過佇現場，叨無看著半門風水，真好佳哉。（倒翩ｅ例仔是木柵線捷運辛亥站，四周全墓，毋閣地圖無寫出）
夜景欣賞，暗時仔看著大台北萬家燈火、美景當前，互汝念甲叫毋敢，簡那仰德大道看天母、士林仝款。
北二高欣賞：用千里鏡是肉眼，詳細欣賞下腳「北二高」公路ｅ車陣，親象咧排列，正去新店，爿去桃園。
暝半跁台階就山頂看興南宮咧求明牌為景，三更半暝，逐傢咧睏ｅ時瞬，咱土地公廟才搪咧鬧熱……賣食ｅ……看命仙……各路英雄好漢，逐傢無論ｅ，做一下好啦！
特別注意「左前方淡水方面」觀音山ｅ形景，咱普時坐淡水線捷運到（盡磅）終點淡水站時，吓凍看著對面大龐ｅ觀音山，現主時佇咱茲烘爐地看觀音山，真「小巧可愛」古錐幼秀，簡那玩具仝款，周圍又閣罩有霧氣，有影真趣味。（欣賞此景，拜訪先坐過淡水線捷運，感覺才吓起磅）
最後給咱茲好朋友交待，去烘爐地憩陶，有三項物件壹定噯紮去，溜冰鞋千里鏡簡單大台北地圖，這ｅ旅途，保證俗閣大碗，免去烘爐地求明牌，烘爐地ｅ勝景本身叨是大台北上大枝ｅ「旅遊明牌」！
-
淡水線捷運站名
台北市ｅ淡水線捷運鐵路佇1997年3月29日正式通車，到現時已經半冬，咱來給檢討尹庶當時所號ｅ車站名，是毋是真妥當。淡水線，長22Km設台北、中山、雙連、民權西路、圓山、劍潭、士林、芝山、明德、石牌、唭哩岸、奇岩、北投、復興崗、忠義、關渡、竹圍、紅樹林、淡水，另外有新北投支線。本篇文章ｅ目的有二條，一條叨是尹ｅ號名是毋是有妥當，另外一條叨是每站ｅ廣播，台語地名是毋是臹確？是毋是正港ｅ，这宛那真心適叨是。
頭一站號做「中山」站，實在是大錯特錯，甲有偆去，因為木柵線ｅ捷運，嘛是有一站起站叫「中山國中」站，若是外地人，下港人來台北ｅ時瞬，尹欲坐捷運，安呢本柵線佮淡水線吓肖濫著，这是真無合理ｅ代誌，这表示庶當時捷運設計者，政治意識形態重，苦毋講國父孫中山規兮搬返厝內蹛。
老Ｋ吓來號名「中山」站，因為身邊有个「中山市場」ｅ關係，實際上中山市場原本叫詔安市場，是去互老Ｋ改名著ｅ，本站正確ｅ地名，我私下ｅ意思，號做「圓環」上介好勢，因為南京西路身邊叨是圓環，伊ｅ名聲坎倒全台灣，真鄉土亦真出名。另外有一个建議號做「詔安厝」嘛真好勢，也叨伊一百年前叨是叫詔安厝哩，由詔安人所開發ｅ。
下一站號做「雙連」，这是照卡早火車站ｅ站名，所以無問題，閣再一站號做「民權西路」这有淡薄也顛誕，這站ｅ正確地名號做「柴寮仔」卡好勢，另外晴光市場民權東路錦州街彼箍圍仔，古早叫「牛埔庄」嘛是吓使，若是用原地號名叫牛埔，安呢加足本土味咧。
後一站叨是圓山站，車內ｅ廣播，台語叫做「圓山」才正確，有ｅ司機播報無加「仔」这是，个時瞬火車已經離開地下道，改行高架橋安呢甡，下腳叨是臭臭爛爛ｅ基隆河，這个所在，老Ｋ味樣也臹重，對面卡早改做「中山橋」，原名「明治橋」，頂頭是中山高速公路，身邊是中山足球場，對面是中山北路，拜託ｅ，尹…公卡好咧。
劍潭站，形體真正怪奇，伊ｅ坐位袂醜，附近ｅ空地佮樹木真贅，展望袂醜看著公車佮計程車佇月台下行來行去真心適，後一站是士林站，伊有老Ｋ行館，最近開放了後真贅人去行踏。
下一站叫做「芝山」讀zisan，原名芝山巖，有ｅ司機唸圓山ｅ山，是錯誤ｅ，本站ｅ地名完完全全錯誤，正確應號做「」，伊坐位佇雙溪佮磺溪中間ｅ「低地」，古早叨叫做湳仔，足積水ｅ，附近有蘭雅國中，蘭雅教會（陽明醫院身邊），蘭雅花園大樓…，地名就在身軀邊，按怎噯「捨近求遠」，逶一公里外ｅ芝山巖搬來準算，咁講尹毋知「蘭雅」叨是「湳仔」是毋？
下一站「明德」站，閣卡是大錯誤大顛誕！有中山站紀念孫中山，這嗎設明德站是欲紀念施明德是毋？抑是「明德總隊」？明德是充滿教條ｅ形容詞，袂使做專有地名，叨親象霧社袂使叫仁愛仝款，本站ｅ正確地名應該是「磺溪」才正確，伊ｅ身邊叨是中油探勘處，佇磺溪ｅ溪墘安呢，本站若用「磺溪」ｅ地名有真贅好處，佇歷史方面，1697年浙人郁永河逶本磺溪去草山尋硫磺，到捷運通車拄好300年真心適，另外磺溪是北投區佮士林區ｅ界溪，外位人坐車看著磺溪站，著知影已經逶士林區踏入去北投區，叨親象經過關渡空，知影北投區行入去淡水鎮ｅ地界，行高速公路，過中沙大橋叨知影踏入去雲林縣仝款。
下一站是石牌站，司機迭迭廣播「石牌」，安呢有顛誕啦，臹確是「石牌」，加一字ａ音叨著，依照我ｅ看法，北淡線ｅ捷運，應改建天母支線好勢，無需要做新北投支線（雖然我是新北投人），天母石牌地區約三十萬人，是北淡線出市區了後人口上介贅ｅ精華地區，捷運無法度解決交通複雜ｅ天母地區，實在遺憾，我ｅ看法，天母支線ｅ路線站名是安呢，芝山→陽明醫院→高島屋→美國學校→天母公園，約4公里。
後一站是「唭哩岸」站，百分之百正確，完全尊重原住民地名號，佇茲我給捷運局謝勞力道謝，實際上附近地名已經互老Ｋ改版「吉利街」、「吉利超市」…現時吓凍敗部復活，有影無簡單叨著，害我甲一身肉。唭哩岸唸giliqan 616音近唭里顏，拄通車彼暫仔，司機迭迭唸毋著叫「唭哩碗」，根據國安仙早期來台北知影，上古早唸gililan 616，後來lan 6音不雅，逗逗也變做顏音。
下腳這站「奇岩」站，宛那甲有偆去，正確ｅ地名應該是「土地公埔」，卡早附近有火車站號做「王家廟」嘛勉強吓使，另外一个地名「牛稠內」嘛差無外贅，有尼ｅ地名袂曉用，顛倒去外位尋「奇岩新村」來，这真正遺憾，奇岩新村是老國代咧蹛，台灣人互人看輕，有影怨歎。
淡水線ｅ捷運，有三站是用平埔族語ｅ地名，所以尹ｅ站名廣播，袂使用北京話，亦袂使用台語，拜託用原平埔音，以示尊重，唭哩岸giliqan是河灣ｅ意思，北投bakdau是平埔話尪姨ｅ意思，關渡gandau是山猴ｅ意思，北京話guandu台語guando攏毋著，這三站用原音卡好勢。
下腳一站是復興崗站，照道理是設佇稻香路佮中央北路ｅ三叉路口上介好，毋閣「陰差陽錯」，設佇800公尺以外ｅ桃源里，茲ｅ人欲哭無目屑，目前ｅ復興崗站，實際上是嗄啦別站，仝款是平埔仔話，所以講本線捷運本來有四站用平埔話，現時才三站爾爾。
閣再來是忠義站、關渡站，噯注意竹圍站台語噯叫做「竹圍」加一字ａ音，車內廣播迭迭有錯誤，閣再來是紅樹林站，林讀na2，本站正確是「高厝坑」，二公里了後叨是盡磅淡水站，車內廣播，照國語播「終點」是錯誤，正確叫「」。 -
島嶼是我思鄉ｅ方向
中文原作：陳凌
逶淡水ｅ半暝，煙雨（雨霎仔）點盪點，上吓凍來了解我現主時，心肝頭一瞬ｅ絞滾，強欲摯載袂安呢。二十年（冬）矣！煙雨定著吓知影頻若暝半夢醒呤呤，我心肝叨臹，睏袂落眠叨著，透過門窗，遠遠來看對淡水江口，朦朦霧霧，景色臹嫷，巴黎落霧，羅馬黃昏，紐約夕陽，攏袂著哩。
煙雨真嫷，仝款安呢煙雨，伊陪伴我過三十歲，入四十，呾這嗎潦落五十，真正頭毛嘴鬚白，叨有影哩，也叨心情袂落眠，堅心意志碇硞，有時瞬，我吓感到，家己簡那柴仔內ｅ困獸仝款，我恬恬也等，恬恬也看，看著櫳仔外口，安呢千奇百怪，齣頭鏘鏘滾，抑毋閣，有時仔又閣感到，心肝頭叨無赫尼束縛叨著，家己袂輸簡那一隻思想開放，專咧婁孤帆ｅ野馬。
淡水ｅ雷公熠那，嘛是靠我真弱ｅ心情來承擔爾爾，款記池，真正艱苦硬斗摯載袂稠，好佳哉我無互伊倒，我不時佇校園內行來去，我知影家己是咧求啥乜影跡，彼段心路，真真艱苦，竄筋入骨是威威鑽，抑毋閣呢，上要緊ｅ，叨是彼段心路坎站，賜互我ｅ台灣意識，甲稠稠，在在在，親象大枝龍柱勇。
二十年矣，這段時光ｅ空，宛那袂短哩！我踮這段時間，是想法徹底改造爾，而且島嶼台灣樣也變化真大，無論改造變遷有外大，我堅信，我佮島嶼台灣，攏有咧，按算未來運命ｅ跡線叨是啦！
咱人一世人短短矣！有時仔富貴好命，有時仔衰運溜尾，叨真歹講哩！我來選我家己欲行ｅ路草，到宛那無後悔叨是，美國詩人Frost寫過一首詩”選擇ｅ道路”上尾溜三畷是安呢？
and I Two roads diverged in a wood, I took the one less traveled by and that has made all the difference!
頂頭寫，算起來是我佇淡水這二十年來，上介讚ｅ運命八字款樣，排佇性命面前ｅ二條路，頻若揀好勢了後，叨袂使反悔ｅ，我家己一人爾，孤孤單單行佇偏僻小路，茲叨是不歸路啊！仁生變化真贅叨無地講哩！我選擇山頭尾，無人蹛ｅ所在，安呢含心敆命，吞銅食鐵來苦練求超生，心靈吓凍昇華浮，傳承經驗歷史見證叨是。
三十歲進前ｅ老Ｋ”中國人格”教育，給我神經荼死死，這款”中國人格”佇海外ｅ時瞬，害我互人消毒看衰，示御眾，真正袂孝孤ｅ，1973真鬱卒，我無噯夆看輕夆仁性，夆欺騙ｅ知識，宛那看甲臹袂作ｅ，嗯才ｅ時瞬呤，規氣出國留學！來啟開家己思想ｅ鐵鍊大鎖，來求心靈ｅ超生，來探求台灣ｅ歷史性格。
毋閣呢，我無想著講，佇解放佮探求ｅ過程中間，逶我ｅ思想徹底來改變，來擔，有影變心壹時間安呢，我發現台灣文學去互中國文學給放捨佇壁角秋稱，永遠袂超生，台灣文化叨簡那細姨仔囝仝款，夆看袂就卻，台灣ｅ歷史宛那夆踢佇一邊咧喘，也叨無三無二闌珊爾爾。
撥開大中國沙文主義ｅ迷霧，認清楚民族主義佮社會主義ｅ痟鬼仔殼，毛式民謠佮共產標語神話，夭壽骨奸臣步叨互人驚甲pipi＜父祖之國＞自安呢來幻滅去＜炎黃子孫＞叨安呢ce4啊！＜國家認同＞自安呢叨歪矣！
這聲倒返來看咱ｅ台灣，袂輸看著咱ｅ歷史，互人著柴棍竹箠仔咧大sut5大練，有影艱苦坐卦，心肝頭是煩惱甲袂食袂睏ｅ！冥冥之中，簡那有人壹直咧給我拷問”汝是佗一國ｅ人？""汝ｅ血跡地佇佗位？“這个時瞬，心肝頭一瞬ｅ絞滾，威威鑽規腹內膨膨英，強欲洋去安呢！“台灣人叨是中國人”變成空殼虛無ｅ標頭，唉！台灣才是我思鄉ｅ方向安呢！
也呾遊子落葉規根，抱佇心肝內ｅ番薯仔，依原是種佇ｅ夢土內底，這粒悲情ｅ島嶼，互人殖民統治，互人凌治拗蠻，伊是我身軀邊，一絲仔傢伙仔ｅ希望佮寄託爾爾，七十年代ｅ後期一四界荒廢，我家己顛誕去，一工到暗干礁興研究西洋古典文學ｅ天地爾，舞甲無暝無日安呢甡，為著一首英語詩，我吓使袂食袂睏ｅ，含心敆命tin6搭底，連番再次翻頭餾尾，查伊ｅ奧妙叨是，外口搪咧捙拚起風颱ｅ”鄉土文學論戰”，我宛那攽外外，無去關心無去注文著，仝款安呢戇拄拄，流汗滴咧做仈人ｅ”西方後浪漫”，台灣ｅ代誌，宛那好歹無想伊，乙著伊無咧給信斗，一絲叨無仁格甡張哩！
我ｅ台灣仁格，是佇”台灣文化學院”ｅ圖書館浮現，佇歸牛車書冊ｅ文字詞句當中，來探求島嶼文化ｅ母胎，發現佇”歷史教育”ｅ世紀，咱ｅ祖先已經拍開時代ｅ眼界，搭（貼）著咱台灣人仁格ｅ標頭。英雄豪傑安呢流血捙拚，先烈尹ｅ使命感，互台灣人有甡張，逶台灣人ｅ角給返來。
若講到當代ｅ知識份子，加減嘛有著”紅色血池”佮”白色恐怖”ｅ歷史洪流，叨艱苦坐卦舞甲浪傢散ze有影梟悻，若有歷史紀錄ｅ時瞬，奚叨是去沾垃圾血佮體會破散仁生ｅ面腔安呢，一”失憶症”ｅ台灣歷史，是莿刀ｅ陰影，是鐵線網ｅ斷柱，是長廊中回響ｅ手銬腳鐐，毋閣呢，莿刀，鐵線網，手銬腳鐐ｅ身軀後，台灣人心堅意切，搭底拚搭底，潦落刀山火窟ｅ精神，台灣人ｅ仁格吓赫尼悲壯偉大，佇外來政權ｅ酷行，凌治僥俳以上，這聲變甲勇勇勇，後腳徛甲在在在安呢！
左派ｅ看法，本土意識佮台灣史觀，是我大災大難了後，上大ｅ試煉佮考驗，二十冬前，咧探求台灣ｅ歷史性格佮仁格ｅ影跡時瞬，叨普普也有覺悟著，噯潦落才著，袂使驚死死，代誌佇褲腳外安呢甡，閣卡食力ｅ代誌，叨是壹旦ga沐著台灣文化ｅ重建佮社會改造以上，我無定著吓去夆掠去仔內，關到頭毛嘴鬚白嘛無的確哩！
歷史的殘留ｅ傷痕愈深，我叨感到”台灣文化”是主體ｅ問題爾爾，閣卡是台灣人生死存亡ｅ大代誌呢！以各種理由來拖沙延，無噯傳承，奚是做人無路用，痟入，驚惶無氣魄呤，嗯才於瞬呤，佇咱規族群大是大非ｅ問題以上，呾個人ｅ性命是算啥啦？一个知識份仔，佇必須來判斷是非ｅ時瞬，叨無權利去驚死，去激恬恬，躊躇延遷安呢，我袂使恬恬，我袂使閣延遷，咱所面對ｅ這粒島嶼，是真正虛貧弱，欲死動呢！
逶”英國文學”回歸到”台灣文學”，二十年間ｅ心路歷程，實是洗清我蒼白ｅ靈魂ｅ一段艱苦ｅ歲月，世間ｅ名利，早叨佇時間ｅ湍流內底，沖甲清氣咚咚，人傳道者咧講：虛空ｅ虛空，虛空ｅ虛，萬項代誌攏是虛空，二十年ｅ歲月，有夠逶過去ｅ顛誕給掩坎起來，昨昏ｅ我，事事項項，叨已經沈底消身去 he！沈佇我性命風雨血汗ｅ仁生，我這嗎叨給起來矣，袂閣給ia5出來叨是啦！
逶淡水半暝ｅ煙雨，盪點盪點，伊上吓使來見證我這段學術性命ｅ轉變東西。歷史ｅ大湧大浪溢來ｅ時瞬，是按算欲閃避或者是欲迎頭去，宛那看心肝頭咧決定爾爾。
講授”台灣課程”我知影这是過去遠路出帆ｅ盡磅矣！嘛是閣一擺重新出帆ｅ目標，我已經確定一世人ｅ歷史方位，好勢矣，咱咧驚，叨算講是死，我嘛甘願落死，甘願哩！光榮ｅ印記嘛好，屈辱ｅ傷痕嘛好，艱苦活叨活死哩！台灣ｅ莊嚴ｅ仁格佮台灣偉大ｅ國格，这是我一世人永遠追求兮哩！但願這項映望，吓來完滿好勢溜溜，毋倘消身一場空夢安呢甡！ -
永遠ｅ望鄉人
陳凌原著，黃元興翻譯
（原）望我遠方遠方的雲雲灰茫
望我遠方遠方的路路盡處
直到成為暮色的一部
向孤寂的虛空淪落
看著遐遠遠ｅ所在，雲蕊白茫茫，
看著遐遠遠ｅ所在，路頭盡磅矣，
我壹直瞋到尹，變做暗頭仔ｅ一部份，
向孤寂ｅ虛空來消身去！
思鄉，是咱台灣歷史，苦悶鬱卒ｅ面腔（牛角），亦是台灣精神流亡ｅ印記，彼年，報紙安呢寫著「淡水鎮尾一位西班牙後裔，鎮民畢有利，三工進前，來過身去矣」一下看著條新聞呤，互我心肝頭激規丸，規暝車，睏袂落眠，叨毋是講，彼篇文句有外，實在是平平在地，卡早ｅ記池，又閣洶洶來著我ｅ心肝穎仔，叨鼻酸目燒，心肝頭一瞬ｅ絞滾安呢甡。
一世人內底，加減有幾多位人，互汝真懷念，真著，互汝吓醉吓茫，想落叨搥心肝哩！尹吓凍互汝日夜思念尊敬，这叨毋是講伊ｅ鼻目嘴仔，外明拄外明，顛倒是尹ｅ性格精神文字，表現了盡磅逗搭，互汝一世人記甲稠，在熚，我對畢有利仙ｅ念，叨是這款型兮，佇我安呢繖掖掖ｅ記池內底，伊ｅ面容壹直攏霧霧花花也，真正枉費阮有四年半年ｅ交情呢！呾逗陣久矣，嘛是佇伊過身了後，我才有機會，來逗逗也斟酌看伊ｅ遺容，有影感慨無量，真贅已經沈底消身去ｅ記憶，這時又閣來重新浮出現矣。
實在真歹勢，伊過往ｅ時瞬，我壹直攽外外，叨無咧給注文著，無咧想哩！我吓即尼冷淡，實在”無知”著ｅ，也叨”無知”到地也，嗯才我家己做人拗蠻，安呢甲掠袂稠，畢有利仙在生ｅ時瞬，我對伊有偏見，真正看袂就卻，这是講，尹祖先捌佇1626占領台灣北部爾，又閣來殖民統治十六冬，也叨有彼段「歷史ｅ原罪」，我自來叨看伊臹袂作ｅ，ga有這款意識以上，家己遂來拗蠻大尾，抑毋閣呢，長年了後，我心肝內這份自大拗蠻，漸漸來感受著伊思鄉ｅ悲情，心情茫茫感到傷疼，啊！這聲傷疼來互我睜神覺醒囉！互我佇四冬後ｅ今仔日，對畢老仙兮，來告別世間，幵始有悲情佮無限ｅ敬意安呢。
十九冬前，一擺下晡時仔，淡水地咧烏陰茫茫，雨屑仔噴噴ｅ時瞬，黃酸仔雨落，我規篰頭毛（棕），頷頸仔嘛U4甲涼涼，这時瞬，我心肝頭燒滾滾，規粒頭殼膨膨英，氣氛真正喔哫，我咧研究，按怎倘來落實台灣國格，中國意識逗逗也來消身去！進行一場自我改造佮內在ｅ革命安呢！
我有一暫仔，落悲慘無望、無底深坑e pu色思想，嘛有一暫仔，下消絕望，永遠袂超生ｅ困境，好佳哉，攏有得著畢有利仙ｅ啟示佮教訓，來得著幵天嘛毋捌ｅ救贖佮重生，我卡早叨已經ｅ這粒島嶼，又閣以上慈悲祥和來見面。呾歲頭食到這時，我才頭一擺領悟著，我ｅ靈魂，是真正赫尼倚這塊土地，我重閣來調整歷史ｅ看法，來改變了認同ｅ價值叨著。
佮畢有利仙ｅ心腹之交，是佇日頭落山，踮「夢幻花園」，是伊這世人上ｅ徛位據點，阮頭擺肖握手ｅ時，叨感到神靈肖透，有影拚心肝咧跋喟魄組兮，毋免閣再加話加舌叨是啦！伊迭坐佇大樓下腳層一間歹厝間仔，嘛吓使講伊自來叨是來閃避現實ｅ，來安慰思鄉ｅ傷痕安呢！佇茲，早早暗暗，有一粒破碎ｅ心，咧給我話，叨有坎有站，一大堆鄉愁佮鬱卒，佇伊普普也感傷心情，隱藏伊對先仁，無限ｅ敬愛佮崇拜。
也叨有影哩，“父祖之國”是輝煌、光榮、又閣偉大安呢，佇「紅毛城」ｅ時代，西班牙捌擁有無敵艦隊，日不落國、哥倫布、麥哲倫、亞商豐王朝……，真贅感動人ｅ詩篇，真贅哀豔ｅ故事，真贅幼秀ｅ藝術品，佇彼塊土地來湠根，來創作過，抑毋閣呢！無論茲成就，是外拄外撇，是外磊斗拄外，这攏是過去ｅ代誌矣！攏消身去矣！叨鼻仔摸le姑不而衷來行入去歷史啊！叨無卡擢矣！真正互汝吓安呢甡。
出世佇滬尾咱畢有利仙，迭迭嘛佇淡江日頭落山，紅霞白雲，水波反影，金光鏘鏘滾ｅ時瞬，面對著江口，白雲悠悠海湧灌來呤，叨真正怨艱，想閣再想，一个毋捌看過ｅ故國，叨親象走馬燈踮咧頭殼內，咧咧，浸佇心肝嬰仔，伊佇歷史ｅ情結當中，伊毋捌看過ｅ無敵艦隊，已經敗甲塗塗塗「日不落國」嘛是繖掖掖，哥倫布ｅ骨頭宛那好拍鼓矣！「……王朝」嘛仝款倒閣笪矣！
雖然國散人虛，伊依原著心肝，壹直咧追求一个真遙遠閣生份ｅ國度，想閣想，想到仁生尾年尾時尾日安呢！逶欣羨到幻滅，我吓凍來了解畢有利仙ｅ心情，伊安呢鬱卒、落坑，真艱苦叨著，續落於瞬呤，嘛知影伊是按怎生活佇塊島嶼，伊含心敆命，大力起來ｅ故國是空殼ｅ叨是，是無存在ｅ啦！伊一世人所思慕ｅ原鄉，宛那早叨消失佇蒼茫ｅ宇宙內矣！叨看無影跡血痕哩！伊隔海看對大陸，看袂著三皇五帝、長江黃河、秦始漢武，遂吓來撥開時空ｅ迷霧，規粒心肝穎仔，去著真離遠ｅ帝國歲月，吓醉吓茫安呢，咱白ｅ，欣羨干礁是神透爾爾，夢幻爾爾，一旦ga好夢睜神時，嘛是猶原怨歎思鄉安呢渺渺茫茫叨是，袂輸初春融雪，一場空夢去了了！
佇時代分合ｅ路口，運命八字好歹，噯著時呢！噯輸贏呢！我咧想，畢利仙是佇一个「時光錯誤」ｅ歲月內底，伊毋知影生前所徛ｅ土地，叨已經為伊來創造番薯仔ｅ新性命安呢，伊應該想互伊開，淡出束家己ｅ地牢禁界，拍開心肝ｅ活門，掉身軀ｅ鎖練，互傷痕滿四界ｅ心田，重新閣來坐根勃穎，互恬寂寂ｅ肉體，閣再來喚喊安呢甡。
畢仙兮對尹祖國安呢暗中欣羨，佮幻滅消身，這條路，是一條爛敗慪臭塗塗爾！嗯才於瞬呤，對我來講，这是一款ｅ覺悟，一款ｅ覺醒佮再造！我吓來佮畢仙兮，有影是三生有幸，福氣到甲毋知呢！逶伊ｅ吟聲喃話，捌來助我渡過真贅寒流ｅ季節，袂輸佇爛柴慪物ｅ身邊，洶洶鼻著薔薇ｅ清，佇絕望ｅ坑溝底，看著迎風ｅ日頭光，伊對「父祖之國」ｅ欣羨，我嘛安呢想法呢！伊對「炎黃子孫」來幻滅消身去，仝款嘛是咱這塊島嶼千萬人ｅ感想咁毋是？
我吓凍尋著思鄉ｅ大目標大枝銅旗，心肝內真爽勢真歡喜，我深深感覺，重回島嶼ｅ座標，以台灣做思考ｅ原點，逶歪ｅ地理給扶正，逶歷史ｅ填互伊，磊斗島－台灣，定著是咱永遠ｅ「祭壇」，安呢！一粒破碎ｅ靈魂，出世佇一个破碎ｅ時代，最後留落來ｅ，嘛干礁是一段破碎ｅ歷史爾爾，畢有利仙，著悲傷，活佇心靈空虛ｅ外邦，客死佇悲愴荒涼ｅ島嶼。到這嗎，毋知講伊ｅ血跡地，「黃昏ｅ故鄉」咁有咧叫著伊否？毋知伊ｅ幽靈是毋是猶咧思鄉？毋知伊ｅ魂魄有長眠佇故鄉？
我懷念畢仙兮卡早ｅ身影，懷念伊安呢頭毛嘴鬚白，安呢恬恬也，消失佇滬尾街仔！我簡那佇透早朦霧，暗頭仔夜色內，遠遠看著一塊墓碑徛稠ｅ，碑文有名，無年代無經歷無籍貫，無牽字句。伊ｅ這世人，吓變做咱台灣歷史永遠ｅ傳說安呢！
- 金蓮
講來講去，大稻埕佮艋舺，攏有尹ｅ特殊，二位伍路人贅，頂頭到大官虎大生理人，下腳到甡銑面，羅漢腳仔，叨三色人講伍色話，環境複雜叨袂比ｅ哩，有ｅ人大仙到滾龍（稜），無人敢搧伊ｅ腹堵邊，有人溫順客氣斯斯文文，有ｅ來逶他鄉外里，下港一，有ｅ軟腳婦仁，咧給人（分）錢，真正可憐，有ｅ臭腳鼻粘，膏爛癆，看著汝叨倒退。
有ｅ揚papa，有ｅ破格矣！有ｅ大尾矣。有ｅ淒慘溜溜，，龍山寺，面前出出入入，認真給看，人，逐位攏是人，一四界無客欠，若準欲走尋外位來ｅ金蓮，無名無姓，是欲問鋤頭柄咧？叨無人哩！
渡船枝仔叨棉爛棉爛走，佮發心欲造功德以上，亦有貳步七仔才袂漏漏觝，也呾日子一工一工過去，註死毋死臹拄好，枝仔ｅ結拜尹大兄，佇中北街咧做總po3（炰），伊知影金蓮ｅ落場叨是啦！
这叨是下腳親腹ｅ，一嘴傳一舌，落尾仔渡船枝仔ｅ時瞬呤，宛那知影金蓮，猶活佇世間咧做苦工，毋閣帶身命置ｅ，全身軀百百病到，卡歛五十ｅ人，袂輸六十外仝款，心苦病疼做狗爬，身體甲袂吹燈hip火，有影臹了然。
大稻埕這無欲伊，姑不而衷自那搬去艋舺地，於瞬呤佇仁生上尾一口喟性命噹中，勉強依持落難，這嗎司傅干礁知影去艋舺，其他詳細攏毋知，亦莫怪，日頭赤炎炎，隨人顧性命哩，咱隨人攏有家己ｅ客門，無法度管顧甲，金蓮這時瞬ｅ性命，叨欲死動（晃），一絲仔喟絲爾，vok le vok le，隨時的，吓親象風中臘燭仝款熄去啦！
無外久ｅ中間，萬裕仔亦知影，老母猶活佇世間卡大面，心肝內真正歡喜，抑毋閣想著母仔淒慘落魄，喉（管）叨閣再起來矣！算起來，人ｅ親情，總是分袂開叨著。
這聲虎逼著矣！潦落矣！叨殘殘脆脆互汝好勢矣！萬裕仔給渡船枝仔拜謝了後，著決定單超壹個仁，孤帆，來到艋舺这伍色人ｅ社會，一間一間去走生母，心肝內掠好好，早一分鐘見著，叨早一分歡喜，倘嚎一下仔卡有ｅ，才知世間親情上偉大，袂輸咱這嗎老士官返唐山探親，四十冬無見面仝款！
萬裕仔佇五月尾坐機器船仔，“滬尾到艋舺”ｅ船班，伊佇關渡起船，拍算點外鐘ｅ路途，著吓到艋舺ｅ款，伊一方面看著江路水景，一方面宛那臹煩惱，想甲頭殼叨欲爆（biak5）去，這聲到艋舺了後，欲按怎去人？仁海茫茫頭嘴足贅，海底摸針，咁摸有路來是毋？萬不利踮艋舺地，若壹直尋無，干礁咧金龜無卡擢時，所費若開完，夆掠去吊猴，欲怎樣叨好？